Archives for January 2018

Kosova e Shqipëria, të parat në mbështetjen e Presidentit të SHBA

January 20, 2018 by dgreca

Sondazhi i Gallup: Kosova e Shqipëria, të parat në Botë në mbështetjen e Presidentit të SHBA/

1-trump Edhe sondazhi më i ri i Gallup tregon se Kosova e Shqipëria kanë përqindjen më të lartë në botë të mbështetësve të udhëheqjes së Amerikës, Presidentit Donald Trump.Anketa e publikuar të enjten tregoi se 75 përqind e njerëzve në Kosovë mbështesin punën e udhëheqjes së Shteteve të Bashkuara.

Shqipëria vjen e dyta, me 72 për qind mbështetje, tha raporti, citojnë mediat në Kosovë, bën të ditur korrespondenti i Gazetës DIELLI nga Prishtina. Gallup thotë që vlerësimi për Udhëheqësit Botërorë 2018 ofron një pamje të asaj se si bota e sheh udhëheqjen e SHB-së. Anketa u krye në 134 vende dhe fusha.

Në Maqedoni 45 përqind mbështetën udhëheqjen e tanishme të SHBA.Raporti thekson miratimin prej 25 përqind në Mal të Zi.

Ndërsa, Serbia është në fund të nivelit të mbështetjes në Evropë, me vetëm 16 përqind përkrahës.

Vuçiç viziton komunitetin serb në Kosovë, Policia kundërshton median serbe

January 20, 2018 by dgreca

-POLICIA E KOSOVËS KUNDERSHTON MEDIAN SERBE/

-Komuniteti serb përbën 1.47 % të banorëve në Kosovë, ku sipas regjistrimit të popullsisë të pranverës 2011 u numëran 1.739. 825 banorë rezidentë, prej tyre 92.93 % shqiptarë, pa përfshirë një të tretën e kosovarëve që vlerësohet se jetojnë e punojnë jashtë vendit/-Në 17 janar njoftohej se, presidenti i Republikës së Kosovës, Hashim Thaçi, ka zhvilluar një bisedë telefonike me presidentin e Republikës së Serbisë, Aleksander Vuçiç/ PRISHTINË, 20 Janar 2018-Gazeta DIELLI-Behlul Jashari/ Presidenti i Serbisë, Aleksander Vuçiç mbërriti sot në Kosovë, ku fillimisht do vizitojë manastirin e Banjskës, komuna e Zveçanit, në veriun e banuar me shumicë serbe.Në mesditë do takohet me zyrtarët serbë nga Kosova, në Fakultetin Teknik në Mitrovicën Veriore, ndërsa pasdite do takohet dhe do bisedojë me qytetarët në Shtëpinë e Kulturës në Llapnasellë, komuna e Graçanicës, afër Prishtinës.

Axhenda është njoftuar nga Presidenca e Serbisë, ndërsa media serbe raporton se presidentin Vuçiç sapo ka mbërritur në Banjskë i pritur nga një numër i madh i banorëve dhe se në Mitrovicën veriore, ku poashtu qëndroi, ka masa të forta sigurie që nga mëngjesi. Presidenti i Serbisë vendosi kurorë në vendin ku ditë më parë u vra politikani serb Oliver Ivanoviç në veri të Mitrovicës, ndërsa ka theksuar angazhimet për zbardhjen e këtij rasti.

Në Kosovë Vuçiç po vijon vizitën në lokalitete të banuara me shumicë nga komuniteti serb.

Komuniteti serb përbën 1.47 % të banorëve në Kosovë, ku sipas regjistrimit të popullsisë të pranverës 2011 u numëran 1.739. 825 banorë rezidentë, prej tyre 92.93 % shqiptarë, pa përfshirë një të tretën e kosovarëve që vlerësohet se jetojnë e punojnë jashtë vendit.

Përqindja e komunitetit serb do ishte më e lartë me përfshirjen në regjistrimin e popullsisë të katër komunave veriore të Kosovës, ku serbët e kanë refuzuar.

Në zgjedhjet lokale 2017 në Kosovë numri i votuesve në këto katër komuna veriore me shumicë serbe, sipas regjistrit të KQZ-së, ishte: Mitrovicë e Veriut – 21.797, Leposaviç – 17.747, Zveçan – 9.069 e Zubin Potok – 8.400.

Në zgjedhjet lokale Lista Serbe ka fituar në të 10 komunat me shumicë serbe, ndërsa Kosova ka gjithësej 38 komuna.

Komuniteti serb në Kuvendin e Kosovës 120 anëtarësh përfaqësohet me 10 deputetë, ndërsa në qeverinë ksovare ka 1 zëvendëskryeministër e tre ministra.

Nga10 komunat me shumicë serbe në Kosovë 5 janë të reja – Graçanica, Kllokoti, Ranillugu, Parteshi dhe Mitrovica e Veriut, të formuara sipas Propozimit Gjithpërfshirës për Zgjidhjen e Statusit të Kosovës të kryenegociatorit Martti Ahtisaari – emisarit special tëOKB-së.

Po sipas Paketës Ahtisaari, katër komunave me shumicë serbe që ekzistonin në Kosovë, Leposaviçit, Zubin-Potokut dhe Zveçanit, që të trija në veri, dhe Shtërpcës në jug, i është shtuar edhe një tjetër – Novobërda, me zgjërimin e saj.

Në Kosovën e pavarur prej 10 vitesh, nga 17 shkurti 2008, gjuha serbe është një nga gjuhët zyrtare. Serbia është shteti i vetëm fqinj që ende nuk e ka njohur Kosovën, ndërsa në Bruksel me ndërmjetësimin e BE-së zhvillohen bisedime drejt nomalizimit të marrëdhënieve.

Kosova me Kushtetutën e vitit 1974 ishte element konstituiv me të drejtë vetoje në federatën e atëhershme, nga shpërbërja e së cilës dolën 7 shtete, një nga të cilat edhe Serbia.

Në 17 janar njoftohej se, presidenti i Republikës së Kosovës, Hashim Thaçi, ka zhvilluar një bisedë telefonike me presidentin e Republikës së Serbisë, Aleksander Vuçiç.

Në këtë bisedë telefonike, të dy presidentët trajtuan çështjet e ndryshme të interesit të përbashkët, duke u fokusuar në domosdoshmërinë e vazhdimit të dialogut për normalizimin e marrëdhënieve ndër-shtetërore, forcimin e paqes në rajon dhe perspektivën e integrimeve euro-atlantike.

Një çështje e veçantë, e cila u diskutua ndërmjet të dy presidentëve, ishte edhe vrasja një ditë më parë e kryetarit të Iniciativës Qytetare “Liria, Demokracia, Drejtësia” (SDP) Oliver Ivanoviç në veri të Mitrovicës. Lidhur me këtë çështje presidenti Thaçi ka siguruar presidentin Vuçiç se organet përgjegjëse të prokurorisë dhe policisë janë duke bërë hetime intensive për zbulimin dhe sjelljen përpara drejtësisë të atyre që e kanë bërë këtë vrasje.

Presidenti Thaçi gjithashtu theksoi se, organet kompetente të Republikës së Kosovës janë të gatshëm që në përputhje me legjislacionin në fuqi të bashkëpunojnë dhe të pranojnë çfarëdo ndihme, e cila mund të çojë drejt zbardhjes së kësaj vrasjeje.

Të dy presidentët theksuan domosdoshmërinë që t’u jepet kohë e mjaftueshme që organet kompetente të kryejnë punën e tyre në mënyrë profesionale dhe të pavarur. Ajo çfarë është kryesore në gjithë këtë çështje, është zbulimi i kryesve të kësaj vrasjeje, theksuan të dy presidentët, bëhej e ditur në faqen zyrtare ‘facebook’ të presidentit kosovar.

***

Vuçiq: Do të shkëmbejmë informacione për vrasjen e Ivanoviqit/

Presidenti i Serbisë, Aleksandar Vuçiq, ka porositur në Kosovë se Serbia do të japë gjithçka nga vetja për ta ruajtur paqen, se do të bëjë gjithçka që mospajtimet shumëshekullore me shqiptarët të zgjidhen, që të sigurohet paqe dhe siguri e qëndrueshme për të gjitha familjet serbe dhe shqiptare.

Ai e ka bërë këtë deklaratë para Manastirit në Banjska, ku edhe e ka nisur vizitën e tij në Kosovë.

Vuçiq i ka porositur serbët e Kosovës se duhet të mbesin dhe mbijetojnë në vatrat e tyre, duke thënë se për këtë do t’i ndihmojë shteti i Serbisë.

“Nuk guxohet që të jemi më pak në territorin, në vendin ku kemi jetuar gjithmonë dhe për këtë arsye, si shtet, do të luftojmë në të gjitha mënyrat”, ka thënë Vuçiq.

Ai ka theksuar se qëllimi i vizitës së tij në Kosovë është që të bisedojë me serbët edhe për sigurinë, pas vrasjes së Oliver Ivanoviqit, si dhe për atë se cilat organe ua garantojnë sigurinë.

“Të shohim se si dhe në cilën mënyrë do t’i zhvillojnë hetimet. Ne do të shkëmbejmë informacione, sepse po shoh që po flasin për shkëmbim të informacioneve, edhe pse kemi kërkuar që të marrim pjesë në hetime. Por, do të presim, jo rrëfimet për gazeta, por rezultatet përfundimtare të hetimeve. Të shohim se a do të sjellin hetimet deri te kryerësit e krimit të neveritshëm në Mitrovicë ose jo. Nëse kjo nuk ndodh, atëherë mjaft gjëra do t’i kemi të qarta”, ka thënë Vuçiq.

Ai ka shtuar se është e nevojshme gjetja e moduseve të reja që ruajtja e sigurisë dhe paqes së serbëve të bëhet më e qartë.Vuçiq theksoi se është e rëndësishme edhe gjetja e mekanizmave të rinj në luftën kundër kriminalitetit dhe korrupsionit në radhët e veta.Ai ka thënë se Qeveria e Serbisë ka investuar mjaft në renovimin e kishave në Kosovë dhe se do të vazhdojë ta bëjë këtë edhe më tej. Gjithashtu, ai e ka cilësuar të rëndësishme që të përfundojë projekti i vendbanimit banesor “Lugina e diellit’.Peshkopi Teodosije, me këtë rast, ka thënë se vizita e Vuçiqit është mjaft e rëndësishme dhe se për serbët në Kosovë është e pamundur mbijetesa pa shtetin e Serbisë.Ndryshe, presidenti i Serbisë, Aleksandar Vuçiq, në Kosovë po qëndron për vizitë njëditore. Presidenti serb, me eskortën e tij, ka hyrë në Kosovë, përmes pikës kufitare në Jarinë.

Vizita e Vuçiqit në Kosovë pason katër ditë pas vrasjes së Oliver Ivanoviqit, siç ka paralajmëruar ai, për të biseduar me serbët.Pas vizitës në Manastirin në Banjska, Vuçiq ka udhëtuar për në Mitrovicën veriore.Ai ka vendosur kurorë para zyrës së Iniciativës qytetare “Liri, Demokraci, Drejtësi”, aty ku është vrarë lideri i këtij subjekti politik, Oliver Ivanoviq.Siç është paralajmëruar, në Fakultetin e Shkencave Teknike në Mitrovicën e veriut, Vuçiq aktualisht është duke mbajtur takim të mbyllur me përfaqësuesit politikë dhe institucionalë të serbëve të Kosovës.Ndonëse shumica e qytetarëve serbë në veri nuk kanë qenë të vullnetshëm që ta komentojnë vizitën e presidentit Vuçiq në Kosovë, megjithatë, dy prej tyre, kanë thënë se kjo vizitë është e nevojshme për popullin serb që jeton në Kosovë.Miodrag Dragosavac nga Mitrovica e veriut ka thënë se përshendet ardhjen e Vuçiqit në Kosovë.

“Është për t’u përshëndetur ardhja e tij për ta ndarë me ne këtë situatë të rëndë, e cila na ka gjetur pas vrasjes së Oliver Ivanoviqit, njërit prej politikanëve më të mirë në këtë hapësirë”, ka thënë Dragosavac.

Miodrag Nedeljkoviq, po ashtu nga Mitrovica veriore, ka thënë se ardhja e Vuçiqit në Kosovë ka qenë e nevojshme.

“Ne i bëjmë thirrje presidentit Aleksandar Vuçiq që të na vizitojë vazhdimisht. Populli është i gëzuar kur dikush i viziton nga Beogradi, nga Qeveria. Këtu, populli jeton shumë rëndë”, ka thënë Nedeljkoviq.

Më pas, është paraparë që Vuçiq të udhëtojë për në pjesën qendrore të Kosovës, në Graçanicë dhe Llapna Sellë, ku do të bisedojë me banorët lokalë.

Siç ka konfirmuar për Radion Evropa e Lirë shefi i operativës i Policisë së Kosovës për rajonin e veriut, Zheljko Bojiq, policia do të zbatojë planin operativ të veçantë, me rastin e vizitës së presidentit serb.

Me urdhër të Drejtorisë kryesore të Policisë, policia rajonale e veriut ka hartuar planin operativ për këtë vizitë, për zbatimin e të cilit është paraparë angazhimi i një numri të madh të pjesëtarëve të policisë, ka thënë Bojiq.

Ndonëse më herët ishte paralajmëruar që Vuçiq do të qëndrojë dy ditë në Kosovë, ai do ta përfundojë vizitën të shtunën, pas takimit me qytetarët lokalë në Llapna Sellë.Kjo është vizita e shtatë e Vuçiqit në Kosovë në pesë vitet e fundit, ndërkaq e para në cilësinë e presidentit të Serbisë.(RFL)

***

POLICIA E KOSOVËS KUNDERSHTON MEDIAN SERBE/

SQARIM I POLICISË SË KOSOVËS LIDHUR ME DISA SHKRIME TË PUBLIKUARA NË DISA MEDIA SERBE/

-Policia e Kosovës dërgoi sot këtë informacion:/

Prishtinë, 20 janar 2018, ora 14:25/

Policia e Kosovës (PK), e adreson këtë informacion zyrtar për media me qëllim të informimit të drejtë të opinionit publik, lidhur me disa shkrime të publikuar sot në disa media/portale kryesisht serbe, ku shkruhet se në Llapna Sellë janë shoqëruar (ndaluar) shqiptar të cilëve iu janë marrë (gjetur) armë, dhe lidhur me këtë sqaron me sa vijon:

Policia e Kosovës është institucion i zbatimit të ligjit dhe në të gjitha rastet vepron konform autorizimeve ligjore që ka, ashtu siç ka vepruar edhe në rastin e ndalimit të një automjeti civil i cili ka penguar qarkullimin e delegacionit.

Rreth 13.05 min, njësia në lëvizje e cila ka qenë në para përcjellje të përfaqësuesve nga delegacioni i Serbisë, i cili ka qenë duke shkuar në drejtim të Graçanicës, saktësisht në dalje të autostradës në Veternik, kanë ndaluar një veturë civile e cila ka penguar qarkullimin e automjeteve zyrtare.Vozitësi i automjetit është ndaluar nga zyrtarët policor, përderisa automjetet zyrtare me delegacionin e përfaqësuesve nga Serbia kanë vazhduar sipas agjendës pa incidente dhe nuk bëhet fjalë për gjetje të ndonjë arme.

Vlen të potencohet se nuk ka qenë eskorta e presidentit të Serbisë pasi që e njëjta deri në këtë kohë gjendet në rajonin e Mitrovicës Veri.

Policia e Kosovës mbetet e përkushtuar në realizimin e detyrave dhe përgjegjësive të saja ligjore, duke përfshirë angazhimet e saja profesionale me qëllim të ofrimit të sigurisë ruajtjes së rendit dhe qetësisë publike, si dhe njoftimit të drejtë të opinionit publik.

Aleanca për Ardhmërinë e Kosovës, zgjedhje të brendshme

January 20, 2018 by dgreca

-Aleanca për Ardhmërinë e Kosovës zgjedhje të brendshme në periudhën shkurt-maj 2018, në të gjitha nivelet. Kështu vendosi sot Këshilli Drejtues i Aleancës për Ardhmërinë e Kosovës, në një mbledhje të kryesuar nga kryetari i partisë që udhëheqë qeverinë – kryeministri Ramush Haradinaj/PRISHTINË, 20 Janar 2018-Gazeta DIELLI-B.Jashari/ Zgjedhjet e brendshme në Aleancën për Ardhmërinë e Kosovës mbahen në periudhën shkurt-maj 2018, në të gjitha nivelet e kësaj partie. Kështu vendosi sot Këshilli Drejtues i Aleancës për Ardhmërinë e Kosovës, në një mbledhje të kryesuar nga kryetari i partisë që udhëheqë qeverinë – kryeministri Ramush Haradinaj.“Aleanca këtë proces e konsideron ndër detyrat më të rëndësishme të radhës, kjo me qëllim të demokratizimit dhe të hapjes së mëtutjeshme të parties. Ishte vlerësim unanim që AAK të vazhdojë të jetë e hapur për të gjithë ata që besojnë se kontributin e tyre për proceset politike në parti dhe në vend mund ta japin përmes kësaj partie”, thekson deklarata e dërguar pak më parë.

Kryetari Ramush Haradinaj shprehu synimin e afrimit të secilit qytetar të vendit me Aleancën për Ardhmërinë e Kosovës.

“Të synojm afrimin i secilit qytetar të vendit me Aleancën, me strukturat tona në çdo cep të Kosovës. Aleanca ka kuadro të dëshmuara në proceset e deritanishme dhe këtyre strukturave duam t’i shtojmë edhe vlera të reja me afrimin e të rinjëve, grave, ndërmarrësve, shoqërisë civile dhe profesionistëve tjerë të ndryshëm”, tha ai.

Zgjedhjet e fundit në AAK janë mbajtur në vitin 2015 dhe zgjedhjet e reja përmbushin kriterin statutar që ato të organizohen në afatin e rregullt.

LAJTHITJE E MINISTRIT APO KTHIM MBRAPA I SHTETIT ?

January 20, 2018 by dgreca

1-eugjen-merlika

Shkruar nga Eugjen Merlika/

Ndryshimi thelbёsor ndёrmjet shtetit ligjor dhe tё gjithё sistemeve tё tjera shtetёrore autoritare, nё tё cilёt institucionet janё shprehje e vullnetit tё njёshёve tё “kurorёzuar”, apo tё oligarkive tё ndryshme qё drejtojnё ecurinё e jetёs shtetёrore e shoqёrore, ёshtё hartimi i ligjeve dhe zbatimi i tyre, duke i njohur tё gjithё qytetarёve barazi para tyre. Nё tё parёt ligjet janё shprehje e njё vije politike qё fiton, nёpёrmjet zgjedhjeve tё rregullta, votbesimin e pjesёs mё tё madhe tё qytetarёve tё njё Vendi, vijё politike qё shpaloset pёrpara e qё sendёrtohet mbrapa nёpёrmjet ligjesh qё miratohen nga Kuvendi i tё zgjedhurvet tё popullit dhe aktesh nёnligjore qё hartohen nga ministritё pёrkatёse. Ndёrsa nё t’ashtuquajturit shtete tё demokracive “tё forta”, nё tё cilat pushteti ruhet pёr kohё relativisht tё gjata e, herё herё, kthehet nё tё trashёgueshёm pa marrё formёn zyrtare tё mbretёrisё, ligjet hartohen e zbatohen edhe atje, por ata mbeten gjithmonё krijesa tё brishta, tё paracaktuara tё zbatohen simbas rrethanave e mjediseve shoqёrore tё cilёve u referohen.

Kёshtu pёr shembull ndodhte nё Shqipёrinё komuniste, ku ligji kishte “karakter klasor” e zbatohej gjithnji nё vartёsi me objektin qё e pёsonte. Kjo ndodhte nё tё gjitha fushat e jetёs, nё njё shoqёri qё kishte njё ndarje tё prerё mes “njerёzve tanё” dhe “armiqve”. Pёr tanёt ligjet , kur kishin karakter shtrёngues, zbuteshin e hynte nё lojё “kritika ndreqёse”, apo falja me premtimin pёr tё mos pёrsёritur gabimin apo fajin. Pёr “armiqtё” ligjet zbatoheshin me rreptёsinё mё tё madhe, nё vartёsi tё shkallёs sё ashpёrsisё sё zbatuesit tё rendit partiak apo policor, qё ishin tё lirё tё ushtronin nё format mё tё ndryshme dhunёn e diktaturёs. Pёr pasojё ligji i shtetit, i hartuar nё rrethin e ngushtё tё diktatorit e tё shpurёs sё tij, ishte njё subjekt i lakueshёm simbas objektit klasor mbi tё cilin ushtrohej.

Me ndryshimet epokale tё shembjes sё komunizmit si sistem nё Evropёn lindore, ajo politikё dalluese ndёrroi formё pёr t’i u pёrshtatur kushteve tё reja, nё tё cilёt duheshin pёrqafuar e pёrvehtёsuar vlerat e shoqёrive perёndimore, drejt tё cilave synonin tё pёrshtateshin elitat ish komuniste”antikapitaliste” dhe “antirevizioniste” tё cilat, duke mos qёnё mё tё besueshme, “abdikonin” nё dobi tё bijve tё tyre, tё cilёve Perёndimi, nё tё dy anёt e Atllantikut, i jepte menjёherё besimin. Kёshtu u ripёrtёri politika shqiptare, duke ruajtur gjithmonё raportin e forcave tё regjimit, madje edhe njё pjesё tё trashёgimisё ideore, materiale e politike tё tij.

Koha, nё domosdoshmёrinё e saj, shtroi para Shtetit pas komunist probleme tё reja pёr t’u zgjidhur, siç ishte rivendosja e disa tё drejtave parake, pa njohjen e tё cilave nuk mund tё bёhej asnjё hap para nё integrimin nё institucionet ndёrkombёtare. Ato qenё kthimi i pronave tё grabitura nga rendi i “çlirimtarёve” dhe dёmshpёrblimi pёr pasojat e sistemit tё dhunёs proletare mbi njё pjesё, jo tё pakёt, tё popullsisё. Qё nё fillim udhёzimet qё ishin marrё pёr sendёrtimin e tyre kishin qёnё thjesht demagogjike e pёr fasadё e pёrfundimet, mbas mё shumё se njё tё katёrt shekulli, janё gjysmake e pa shpresё nё rrugёn e zgjidhjes.

Pa u futur nё Babelin e kthimit tё pronave, dua tё trajtoj pёr tё satёn herё çёshtjen e dёmshpёrblimeve pёr vitet e punёs sё papaguar tё tё dёnuarvet tё diktaturёs qё ishin fuqia puntore mё frutdhёnёse e shumё veprave tё socializmit shqiptar. Ajo praktikё, e huajtur nga gulagёt e famshёm tё markёs leninisto-staliniane, qё ishte nё kudёrshtim me tё drejtёn penale ndёrkombёtare, kishte qёnё pёr gjysёm shekulli njёra nga burimet mё tё leverdisёshme tё njё ekonomie qё njihte vetёm dёshtime, nё sajё tё drejtimit nga njё ideologji krejtёsisht tё gabuar dhe kundёrekonomike, qё zotёronte tё gjithё jetёn e Vendit.

Nё vitin 1992 parlamenti pluralist shqiptar, me njё vendim historik tё tij, shfuqizoi nenet e dhunёs politike dhe shpalli pavlefshmёrinё juridike tё tё gjithё veprimeve shtrёnguese, siç kishin qёnё burgimet me punё tё detyruar, pushkatimet me dhe pa gjyq, internimet me afate tё pafund. Para kёsaj kthese shtrohej si domosdoshmёri morale e juridike dёmshpёrblimi i tё gjithё atyre njerёzve qё kishin pёsuar ata lloj dёnimesh e tё familjeve tё tyre. Historia e gjatё e luhatjeve tё qeverive e mungesa e vullnetit real pёr zgjidhjen e problemit duke mbajtur parasysh vёshtirёsitё objektive, por jo tё pakapёrcyeshme, qё dilnin pёrpara, sollёn njё gjёndje nё tё cilёn premtimet mbetёn vetёm nё letёr dhe ish tё burgosurit apo t’internuarit, pёr arsye objektive moshe, u ndanё nga kjo jetё pa marrё asgjё, veç ndonjё “letre me vlerё” qё pёrfundoi me vlerёn vetёm tё letrёs.

Kёtyre premtimeve tё pambajtura tё qeverive shqiptare tё kalesёs pёr njёzet vjet u duk se do t’i vinte fundi me fitoren e Rilindjes nё votimet e vitit 2013. U duk sikur problemi po vihej nё rrugёn e zgjidhjes nёpёrmjet njё ligji tё vitit 2014, nё tё cilin shkruhej e zezё mbi tё bardhё :

“Nё bazё tё buxhetit vjetor, tё vёnё nё dispozicion, fondi i dёmshpёrblimeve pёr ish tё dёnuarit nga regjimi komunist do tё ndahet nё mёnyrё proporcionale, nё njё raport prej 70% pёr tё gjithё kategorinё e subjekteve pёrfituese parёsore, tё pёrcaktuara nё paragrafin e dytё tё kёtij neni dhe 30 % pёr trashёgimtarёt e ish tё dёnuarve, qё nuk bёjnё pjesё nё kёtё kategori, me kusht qё kёsti i dёmshpёrblimit tё mos jetё mё i vogёl se 100.000 lekё dhe jo mё i madh se 1.000.000 lekё.

Me shlyerjen pёrfundimtare tё subjekteve parёsore sipas kёtij neni, i gjithё buxheti vjetor kalon pёr dёmshpёrblimet e trashёgimtarёve tё ish tё dёnuarve politikё”

Thjesht e qartё, njё model kundёrburokracie, ligji pёrcakton mёnyrёn e sendёrtimit nga ana e isitucioneve shtetёrore tё dёmshpёrblimeve tё ish tё burgosurve, madje u fol edhe pёr ata tё ish t’internuarve para vitit 1954. Duhet pranuar se nё kёta vite u bё njё punё e lёvdueshme nga ana e administratёs shtetёrore sa i pёrket dhёnies sё dёmshpёrblimeve nё njё pjesё tё mirё pёr ata qё ishin nё jetё dhe simbas parashikimit dy kёste pёr trashёgimtarёt, qё llogaritet nё 25 % tё shumёs sё pёrgjithёshme, por duke premtuar se me kohё do tё tё merrnin tё tёrёn.

Por viti i ri 2018 shёnoi njё tё paritur shumё tё hidhur pёr shpresat e tё dёmshpёrblyerve. Si njё rrufe nё qiell tё kthjellёt, mё 15 janar z. Arben Ahmetaj, ministёr i ekonomisё e financavet, njoftoi nёpёrmjet televizionit se fondet e dёmshpёrblimit “Ishin ngrirё”. Praktikisht, njё ligj i shtetit pezullohet me njё komunikim tё njё ministri, pa asnjё vendim Qeverie e pa asnjё miratim Kuvendi. Shteti ligjor pёsoi njё goditje tё fuqishme nё dёm tё pjesёs mё tё dobёt tё shoqёrisё, duke pohuar se ai tek ne ёshtё njё krijesё tepёr e brishtё, shprehje jo e njё demokracie tё qёndrueshme, por e njё demokrature, nёse mё lejohet tё huazoj termin e njё publiçisti e shkrimtari tё njohur ballkanas. Nё kёtё paçavure ёshtё detyrё parёsore e Kryeministrit Rama tё mbrojё shtetin ligjor me pёrgёnjeshtrimin e fjalёve tё papёrgjegjёshme tё ministrit tё tij. Nёse ai nuk e bёn kёtё, do tё thotё se ai ёshtё i njё mёndjeje dhe atёherё problemi bёhet edhe mё i mprehtё.

Argumentimi se “duhen pёrcaktuar trashёgimtarёt”, qё pёrdori ministri nё televizion, nuk ёshtё as bindёs dhe as pёrligjёs, sepse ёshtё absurde tё mendohet se mbas njё tё katёrt shekulli qё diskutohet ky problem e mbasi janё paguar dy kёste pёr trashёgimtarёt, ata duhen “pёrcaktuar” edhe njё herё tjetёr. Nёse do t’i besojmё fjalёve tё ministrit Ahmetaj, duhet tё pranojmё se administrata shqiptare ёshtё krejtёsisht e paaftё pёr tё ushtruar detyrёn e saj, mbasi nuk ka qenё nё gjendje, duke patur nё dorё tё gjithё dokumentet e duhura, tё pёrcaktojё se kush duhet tё pёrfitojё nga zbatimi i atij ligji. Por meqё kjo ёshtё njё mundёsi qё ka shumё pak ose aspak gjasё tё jetё e vёrtetё, arsyetimi çon nё njё tjetёr pёrfundim, qё do t’uronja me gjithё zemёr tё ishte vetёm njё hamёndje.

Qeveria bёn njё hap mbrapa nё zbatimin e ligjit pёr dёmshpёrblimet duke i kaluar nё heshtje ata fonde nё vendarritje tё tjera, pёr tё vazhduar lojёn dhjetravjeçare tё premtimeve tё pambajtura. Si nё njё rast ashtu edhe nё tjetrin pёrballohemi me njё traumё tё fortё, qё thellon hendekun ndёrmjet shtetit e qytetarёve, madje pjesёs mё tё vuajtur tё tyre. Nuk ёshtё nё nderin e njё shteti apo tё njё qeverie tё luajё me njё temё qё pёrmbledh nё vetvete jetё njerёzish tё gjymtuara ose tё prera, ёndrra tё vrara, shfaqje skllavёrie tё papranueshme nё shekullin e atomit, lot6, dhimbje, mundime e flijime tё pafund tё grave shqiptare qё i hiqnin bukёn nga goja fёmijёve pёr t’i çuar njё trastё me ushqime burrit apo vёllait qё ishte dёnuar, shpresa tё ushqyera pёr tё patur njё shpёrblim, sado tё pakёt tё kujtimit tё vuajtjeve tё prindёrve, tё gjyshёrve….

Nuk ka asnjё bazё logjike, morale e juridike diskutimi se deri nё cilin brez duhet tё paguhen dёmshpёrblimet, mbasi ёshtё qesharake dhe e turpёshme tё shtrihet nё breza dhёnia e atyre parave, sepse trashёgimtarёt janё tё gjithё njёsoj dhe borxhi i shtetit, i zgjatur kaq shumё pёr t’u paguar, nuk mund tё shkojё nё parashkrim e tё shuhet nёse vdesin bijtё e ish tё dёnuarvet.

Shpresoj qё fjalёt e ministrit tё kenё qёnё shprehje e njё lapsusi tё rastit e jo e vёrteta e hidhur e njё vendimi sa tё paligjshёm aq edhe tё padrejtё qё do tё lёshonte njё hije tё zezё mbi karakterin e ekzekutivit qё nuk ёshtё nё gjendje tё sigurojё zbatimin e ligjit tё hartuar e miratuar prej atij vetё e nё tё cilin janё parashikuar edhe mbulesat buxhetore. Njё gjё e tillё do tё çonte nё fund tё kёmbёve besueshmёrinё e njё qeverie dhe tё klasёs politike qё e shpreh atё.

Dua t’a pёrfundoj kёtё shkrim tё shqetёsuar me thёnien e njё shkrimtari politik gjerman tё shekujve 18 e 19, Ludwig Börne : “Ҫdo qeveri qё nuk bёn asnjё hap pёrpara duhet gjykuar me shumё maturi ; por njё qeveri qё bёn hapa mbrapa duhet dёnuar pa asnjё mёshirё.”

PALIGJSHMËRIA E QEVERISË NDAJ TË PËRNDJEKURVE POLITIKË

January 20, 2018 by dgreca

PALIGJSHMËRIA E QEVERISË NDAJ TË PËRNDJEKURVE POLITIKË, KËMBANË ALEARMI PËR SHOQËRINË SHQIPTARE!/

Ne preambulën e Kushtetutës të Republikës së Shqiperisë, thuhet : Ne të gjithë, populli shqiptar dhe perfaqësuesit e tij, theksojme vendosmërin për të ndërtuar një shtet të së drejtës , demokratik e social, për të garantuar të drejtat dhe liritë themelore të njeriut duke e pranuar njeherazi shtetin e së drejtës si një nga parimet më fondamentale në një shoqëri postkomuniste. Ligji “Për dëmshpërblimin e ish – të përndjekurve politike të regjimit komunist, konkretizon jo vetëm premtimin politik publik në përmbushjen e detyrimeve morale dhe ligjore që shoqëria jonë ka ndaj kësaj shtrese të nderuar, por njëherazi formaton seriozisht korpusin e ligjeve për shtetin e së drejtës që ne po ndërtojme . Mbas 27 vjet tranzicion del Ministri i Financave dhe deklaron me papërgjeshmëri dhe në kundërshtim me Kushtetutën por dhe me kërkesat e Forumeve Europiane se qeveria e tij nuk do të dëmshpërblejë trashgimtarët e të përndjekurve politikë. Urretje ideologjike apo lajthitje individuale e Ministrit. Institucionet Europiane kërkojnë një qeverisje të standartit perendimor, ku ne aspirojmë të integrohemi, larg frazeologjive të bukura letrare, larg çdo patetizmi që gjithsesi do të ishte i drejtë, më duhet të theksoj në krye të herës në këtë shkrim, se me këtë ligj plotësojmë kërkesat ligjore që garantohen në nenin 44 të Kushtetutës së Shqipërisë të vitit 1998 “Kushdo ka të drejtë të rehabilitohet dhe /ose zhdëmtohet në përputhje me ligjin në rast se është denuar për shkak të një akti veprimi ose mosveprimi të paligjshëm të organeve shtetërore”. Ne, të gjithë, shoqeria shqiptare kemi arritur në deduksionin logjik se :Regjimi komunist në Shqipëri, 1944-1990 ishte antikombetar,i paligjshëm dhe kriminal. Si i tillë ky regjim është denuar nga e gjithë shoqëria shqiptare pa të drejtë apelimi. Nga organi ligjvëns, Kuvendi i Shqipërisë , Parlamenti i parë pluralist i Republikës së Shqipërise me ligjin nr.7514 datë 30.09.1991 duke përdorur kopetencat e tij, u jep ish- të burgosurve, dhe të përndjekurve politikë, Pafajesinë, dhe e konsideron në nderin e vet që si përfaqesuesi më i lartë i popullit, në emër të shtetit juridik t”u kërkojë falje këtyre njerëzve për denimet politike dhe vuajtjet që kanë pësuar në të kaluarën “.Neni 1 i ligjit sanksionon se: “Janë të pafajshëm dhe quhen të padenuar për efekte moshe, politike, sociale dhe ekonomike të gjith personat që janë denuar për legjislacionin dhe propaganda kundër shtetit,arratisje, sabotim, pjesemarrje në organizatat politike etj.” Kjo pafajesi ,e theksoj PAFAJESI,e lidhur me nenin 18 të Kushtetutës për barazi para ligjit u jep të drejtë të dëmshperblehen në masën e parashikuar në Kodin Penal, e konkretisht në nenin 57 të tij.Për të arritur tek Kuvendi aktual që duke iu referuar Rezolutave të Asamblesë Parlamentare të Këshillit të Europës dhe konkretisht Rezolutës nr.1096 (viti 1996) “Masat për të ç′rrenjosur trashgimnië e sistemeve totalitare komuniste”.Rezoluta nr.1481 ( vitit 2006) ” Domosdoshëria për denimin ndërkombëtar të krimeve të regjimeve totalitare komuniste” si dhe vendimeve të Konventes së Parë Kombëtare të Unionit Mbarëkombëtare për Integrimin e të Përndjekurve Politike dhe te Qendrës Shqiptare të Rehabilitimit të të Mbjetuarve të torturës” Për denimin e krimeve të komunizmit në Shqipëri” ,date 12.05.2006 në pikën 15 të Rezolutës të miratuar nga ky Kuvend : ” Mbeshtet hartimin e një strategjie kombëtare për eliminimin e pasojave të totalitarizmin gjysmë shekullor në Shqipëri dhe fton institucionet shtetërore të përmbushin të gjitha detyrimet ligjore lidhur me statusin e të përndjekurve politike për integrimin, arsimin,punesimin,strehimin dhe dëmshpërblimin e tyre në një kohe sa më të shpejtë”.Pra Qeveria në këtë rast s′ka bërë asgjë tjetër veçse ka përmbushur detyrimin e saj ligjor ,e theksoj detyrimin ligjor Kushtetues.
Nga ana tjetër sipas të Drejtës Ndërkombëtare bashkohore konkretisht: Deklarata e Parimeve Themelore të Drejtësise për viktimat e krimeve dhe të abuzimit me pushtetin, aprovuar me Rezolutën e Asamblesë së Përgjitheshme të OKB viti 1985 / “Viktimat kanë të drejtën për dëmshperblim të menjëhershëm për dëmin e pësuar, dhe, se shtetet duhet të përpiqen të parashikojnë kompensim financiar “. Ligji i datës 29.07.1993 nr.7748 “Për Statusin e ish – të denuarve dhe të përndjekurve politike nga sistemi komunist”, obligon shtetin demokratik që pamvarsisht nga vështiresit me të cilat ndeshet shteti dhe shoqëria shqiptare e ka detyrë dhe përgjegjësi morale e historike që të respektojë dhe të marrë masa konkrete për realizimin e së drejtës ligjore të dëmshperblimit e kompesimit këtij grupimi të madh ,të konsiderueshëm ,të orientuar historikisht e politikisht. Duke sintetizuar në një të Drejtat Kushtetuese Dispozitat ligjore në fuqi në Republikën e Shqipërise , përfshi Kodin Penal etj si dhe detyrimet nga e Drejta Ndërkombetare ,në funksion të përmbushjes edhe të detyrimeve që shtron integrimi në rradhën e shteteve demokratike europiane, Parimi i Drejtësise ka marrë në considerate edhe interesat e tjera të shoqërise ,si dhe interesin publik në tërsi duke patur synimin kryesor zvogëlimin (pa arritur dot objektivisht zerimin) e pasojave të këtyre padrejtësive përmes përcaktimit të grupimeve përfitues ,masës së dëmshpërblimit,shtrirjes në kohë të tij etj,në mënyre që zgjidhja të jetë e qëndrueshme ,efektive.Parimi i barazisë kërkon ndalimin e diskriminimit dhe trajtim të barabartë në të drejta e të gjithë viktimave .Duke qënë të vetëdijshëm se dëmshpërblimi dhe kompesimi në tërësi janë detyrime pozitive të shtetit për integrimin dhe rehabilitimin e kësaj kategorie njerzish në shoqërinë shqiptare.Pra filli kryesor i këtij ligji është respektimi i dinjitetit të barabartë të cdo personi që për shkak të burgosjes apo përndjekjes politike gjatë regjimit komunist përfiton interesin publik në tërsi duke patur synimin kryesor zvogëlimin (pa arritur dot objektivisht zerimin) e pasojave të këtyre padrejtësive përmes përcaktimit të grupimeve përfitues ,masës së dëmshpërblimit,shtrirjes në kohë ë tij etj,në menyrë që zgjidhja të jetë e qëndrueshme ,efektive. Pra filli kryesor i këtij ligji është respektimi i dinjitetit te barabarte te cdo personi qe per shkak te burgosjes apperndjekjes politike gjate regjimit komunist perfiton nga kushtetuta dhe ligjet shqiptare.Dëmshpërblimi dhe kompesimi i të burgosurve politikë duhet të jete më shumë reflektim i detyrimeve ligjore por edhe vuajtjeve të tyre ,hallet dhe problemet me të cilat ballafaqohet jeta e përditshme.

Dua të kujtoj këtu që,Ligji i Qeveris socialiste i vitit 2004,i cili me te drejte u hodh poshte nga Gjykata Kushtetuese parashikonte ta demshperblente kete kategori me nje vlere financare 30 lekë në ditë . Ligji i vitit 2007 kthehet me dinjitet dhe plotëson atë obligim moral, politik e historic e ligjor, jo vetëm thjesht ndaj shtresës së ish-të përndjekurve politike por edhe me gjerë, si dhe detyrimet ligjore ndaj Kushtetutës apo dokumentave të ndryshme ndërkombëtare Ligji nr. 9831, datë 12.11.2007 “Për dëmshpërblimin e ish të dënuarve politikë të regjimit komunist”. Është vëne në zbatim nga qeveria e nëparshme demokratike e cila për hirë të së vërtetës megjith politizimin dëmshperblej 24 .000 qytetar me dy këste. Ndryshe ndodhi me PS që është në pushtet., ajo ka dhënë 3 këste për 2000 qytetar duke bërë një diferencim klasor me arsyetimin të gjallët nënkupto të burgosurit ,e të trashgimtarët asnjë qindarkë dhe këto nga mosha po i kalojnë të 60/ . dhe në propogandën e saj qeveritare deklaron se kemi dhënë 5 këste duke përfshirë dhe 2 këstetet që i ka dhënë PD. Problemi i dëmshpërblimit duhet të mos trajtohet politikishtë por ligjërishtë se ai është një ligj detyrues kushtetues për ata qytetar që përballuan vuajtjen plumbin torturat nga një regjim diktatorial. Problem i dytë është se reth 1000 të përndjekur i kan dorzuar dokumentat mbas afatit dhe duhet të kalojnë për të u dëmshpërblyer. Dëmshpërblimi nuk është lëmoshë e qeverive por detyrim ligjor kushtetues dhe detyrues për zbatim për çdo qeveri e majtë e djathtë. I sjellim në vëmendje Ministrit të Financave mbas dekleratës që bëri dje se qeveria e tij do të propozoj heqjen e dëmshpërblimit, të trashgimtarvet, të lëxoi Kushtetutën e vendit , konventat ndërkombëtare të mbrotjes së të drejtave dhe lirive të njëriut, si dhe kodin civil që përcakton trashgimninë e qytetarit në sistemin demokratik në Republikën e Shqipërisë.

E paralajmrojmë Ministrin e financave çdo vendim politik ndaj të përndjekurve politike do të jetë fundi i turpshëm i urretjes sjuaj dhe qeverisë që ju bëni pjesë. Ne nuk ju frikëm plumbave të etërve tuaja jo u frikemi vendimeve politike staliniste të një Ministri që me këtë vemdim don të fshijnë krimet makabre të komunizmit. Urretja juaj ndaj të përndjkurve politike do te mposhtet nga paqja që ne i kemi përcjell shqiptarve nga 28 vite plurlalizem.

*Besim Ndregjoni-President i Unionit të Burgosurve dhe të Permdjekurve Politikë të Shqipërise.