Archives for May 2020

VATRA NË KOHËN E KORONAVIRUSIT- FLET KRYETARI I DEGËS NË MICHIGAN, ANËTAR I KRYESISË SË FEDERATËS, Z. MONDI RAKAJ

May 27, 2020 by dgreca

Pak Histori: Dega e Federatës Pan Shqiptare të Amerikës VATRA në shtetin e Michiganit është nga më aktivet. Ajo ishte mikpritëse dhe organizatore e Kuvendit të Vatrës të 19 Janarit 2020.

Edhe në të shkuarën e largët e të afërt kjo degë është dalluar si prijëse e veprimtarive dhe kontributore ne financat e Vatrës. Historia e degës së Vatrës në Michigan i ka fillesat e saj me 14 prill 1914, datë kur nisi organizimi i themelimit të degës Nr.33 në Detroit, e cila e nisi rrugëtimin me 28 anëtarë.

Në Pleqësinë e parë që e udhëhoqi degën veçojmë: Kryetar i parë u zgjodh z. Lazo Dhimitri, arkëtar Dhimitër Bendy, sekretar Petraq Andon, dhe Pleqësia përbëhej nga: Marko Adams, Riza Shaban dhe Kostë Gega.

Emrat e vatranëve të Detroitit u rendit librin e nderit, ose siç e quanin vatranët e hershëm në “Radhuan e Nderit” gjatë fushatës “Për Shpëtimin e Shqipërisë” të 3 Qershorit 1917, që nisi nën kushtrimin e poezisë së Fan S Nolit ”Jepni për Nënën” me moto: Nëno mos ki frikë se ke djemët në Amerikë….!

Ndër dhurusit e degës së Detroitit dallonin në atë fushatë: Pando Adams, Zaharia Papa, Marko Adams, Nasi Aristidi, Mihal Çeno,Angelo Lasko, Petraq Andon, Bexhet Qyteza, Hysein Hasan, Ton Anastas, Petro Grameno, Koço Grameno, George Zamo, Dhori Terova, Vëllazëria Çerava, Ilo Nase, G. Janaq, Perik Murzaku, Sotir Opingari, Krati Samarxhi,Isaak Stavre, Nonda Aristidhi, Sadik Zeinel, Vëllazëria Deke, Koli Terova, Marko G Pogradeci, Behlul Korça, dhe G.Berati.

Dega e Detroitit do të printe edhe gjatë fushatës së Huasë Kombëtare Tetor 1920- 1921. Shumë prej vatranëve të kësaj dege blenë shuma të mëdha të “Huasë Kombëtare” për Qeverinë Shqiptare që doli nga Kongresi i Lushnjës. Fazlli Panariti nga Detroiti i priu fushatës ndër të gjithë vatranët e atjeshëm, së bashku me Halit Qytezën, që ishte kampion me 6 mijë dollar- Panariti bleu 5 mijë dollarë bono të huas, nga 7 mijë që bleu vetë Vatra.

Emri i degës së Vatërs të Detroitit do të futej në historinë e Federatës edhe në kohëndarjen e tretë të Federatës (e para kishte ndodhë më 1917), e dyta më 1925(koha e ndarjes së Nolit me Konicën, që zgjati deri më 1938, prill kur erdhën princeshat që bënë bashkimin me vizitën e tyre, Noli udhëhoqi meshën, Konica ishet shoqërusi dhe mikritsi), dhe kjo e treta pas Kuvendit të vitit 1936, që zgjati për 3 vjet. Atë kohë kishim dy Vatra, një në Boston dhe një në Detroit. Kishim dy gazeta Dielli, një në Boston me editor Nelo Drizarin dhe një në Detroit me editor Refat Xh. Gurrazezi.Bashkimi erdhi pas pushtimit të Shqiëprisë nga Italia fashiste, më 1939.

E para, ajo e vitit 1917, qe shumë e dëmshme sepse ndodhi në një kohë kur nuk kishte një qeveri Shqiptare në vend të njohur nga ndërkombtarët, që t’i dilte për zot Shqipërisë dhe të mbronte të drejtat e popullit shqiptar, barrë që e kishte marrë përsipër Vatra. E dyta zgjati shumë dhe i shpenzoi energji Vatrës. Edhe e treta, nuk kaloi pa pasoja, e përbashkëta ishte se dyja vatrat e njihnin dhe e adhuronin Mbretin Zog.

Edhe pse dega e Michiganit e uli tempin e veprimtarive pas ’90-tës, vatranët e vjetër Julian Çefa, Kujtim Qafa, Vasel Ujkaj dhe të tjerë e mbajtën gjallë frymën vatrane dhe e ruajtën anëtarësinë në qëndër së bashku me një grup vatarnësh.

Dega e vatrës në Michigan u rithemelua me 14 Janar 2012, me rastin e 100 vjetorit të Federatës, me kryetar Alfons Grishaj, sot nënkryetar i Federatës Pan shqiptare të Amerikës VATRA, ndërkohë që dega drejtohet nga Mondi Rakaj, i cili është edhe anëtar i kryesisë së Federatës.

Për të mësuar rreth përballimit të pandemisë, gjendjes shëndetsore të vatranëve dhe familjeve të tyre, marrdhëniet e kryesisë së degës me vatranët, dhe situatën e tanishme të Pandemisë, ne biseduam me Kryetarin e degës z. Mondi Rakaj. Ndiqeni bisedën:

DIELLI: Përshëndetje Mondi! Si është gjendja shëndetsore juaja dhe e familjes në këtë kohë Pandemie? A ka njeri nga rrethi juaj familjar e miqësor të prekur nga COVID-19?

MONDI RAKAJ:- I dashur Z Editor, Ju falenderoj intersimin dhe për këtë intervistë. Po ashtu keni falenderimet tona edhe për punën tuaj të palodhur që bëni për gazetën Dielli dhe Vatrën.

Duke iu përgjigjur pyetjes tuaj, fatmirësisht, nga rrethi im familjar si këtu në SHBA, ashtu edhe në vendlindje, e në Europë ,nuk kemi pasur asnjë të prekur nga COVID 19 . Nga rrethi miqësor dhe nga radhët e vatranëve, ka pasur raste të infektimit nga COVID-19. Në fakt zona e Detroitit ishte një nga zonat më të prekura nga infeksioni.

DIELLI: Si është situata tani në Michigan?

-MONDI RAKAJ: Situata në Michigan për momentin, është më mirë, numri i të infektuarëve ka rënë shumë. Ditën e djeshme, e Martë 26 Maj, përshembull, u raportuan 229 të infektuar të rinj, ndërsa numri i viktimave ishte 26 të vdekur në mbarë Michiganin. Krahasuar me një muaj më pare, janë shifra minimale sepse kishim rreth 3000 të infektuar dhe 700-800 persona të vdekur në ditë(24 Orë). Gjithësesi Michigani e mori situatën shpejt në kontroll. Për rerth dy javë shteti ku jetojmë ne ndiqte hap pas hapi New York-un, por situata e vështirë kaloi.Tani Michigani është në vendine tetë ndër shtetet e infektuar duke regjistruar 55 mijë e 104 të infektuar, dhe 5 mijë 226 të vdekur. Ndër të infektuarit 16 mijë e 670 janë mbartës aktiv të virusit, ndërkohë që vazhdojnë testimet e qytetarëve të dyshuar,- deri tani janë testuar 537 mijë 698 persona.

Gradualisht njerëzit po dalin nga izolimi, disa fabrika po fillojnë punën, rrugët po mbushen dhe këtë e dëshmon edhe trafiku i makinave etj.

DIELLI: Ndërkohë Ju keni punuar dhe keni qenë në kontakt me publikun për shkak të angazhimit të kompanisë tuaj.A mund t’u përcillni lexuesve tanë një informacion më të detajuar; çfarë konkretisht bëri dhe bën kompania jua? Cilat ishin vështirësitë? A patët punonjës tuaj të infektuar?

MONDI RAKAJ-E vërtetë; puna jonë është shumëfishuar në këtë kohë pandemie.Kemi punuar me orë të zgjatura, ka pasur raste që punëtorët kanë punuar edhe 20 orë në ditë-natë pa pushim, duke dizinfektuar për të asgjesuar COVID 19.

Puna jonë ka qenë dhe mbetet intensive sepse Stacionet e Zjarrfikseve, Stacionet e Policisë, Stacionet Urbane, Ndërtesat Federale të Ushtrisë, Librarive , Bashkive etj. kërkojnë puën pa ndërprerje, për arsye se shumë nga këto Departamente punojne 24/7 dhe kërkojnë disinfektim të përditshëm. Në shumë prej këtyre Departamenteve jemi përballur me persona të infektuar, të cilët as që ishin në dijeni për gjendjen e tyre shëndetësore. Në ditët në vijim, kushtet e tyre përkeqësoheshin dhe nuk i shihnim më në punë. Fatmirësisht,duke pasur parasysh se punëtorët tanë ishin të izoluar mjaft mirë me kostume Tyvek, doreza ,maska, nuk kemi pasur ndonjë të infektuar deri tani. I falenderoj pa masë të gjithë punëtorët për punën e tyre jashtëzakonisht të mirë në përballje me këtë pandemi te rrezikshme.

DIELLI: Si po shkon në Detroit rihapja e bizneseve?

MONDI RAKAJ: -Me urdhër të Governatores Ëhitmer , hapja e kushtëzuar e bizneseve, do të fillojë pas datës 12 Qershor 2020. Kuptohet shumë shtetas të Michiganit nuk kanë qenë dakort me këtë urdhër të Gorvenatores, dhe ketë e kanë dëshmuar me demonstrata, biles dhe të armatosur në Kryeqytetin e Michiganit, në Lansing,besoj se ju mund i keni ndjekur përmes mediave.

DIELLI-U mbushën tre muaj që jemi izoluar, si i keni mbajte lidhjet me kryesinë e degës dhe Vatranët?

MONDI RAKAJ-Herë mbas here komunikojmë me telefon me Vatranët në Michigan, pyesim për shëndetin dhe familjarët.Për disa prej tyre mbyllja e ekonomisë nuk ka qenë në favorin e tyre, por me ndihmë të Zotit do t’ja dalim. E falenderojmë edhe adminstratën e Presidentit Trump, që ka bërë një punë jashtëzakonisht të mire, duke u ardhur në ndihmë njerëzve në nevojë në këtë kohë të vështirë, ku ka pasur edhe vatranë,që kanë perfituar PPP dhe Unemployment.

DIELLI: A ka pasë të prekur nga dega juaj me COVID-19 dhe sa?

MONDI RAKAJ: Po, në degën tonë kemi pasur anëtarë të Vatrës të infektuar me COVID 19, por janë kuruar në spitalet përkatese dhe sot gëzojnë shëndet te plotë.

Disa vatranë, për të cilët ne jemi të informuar, e kanë kaluar shumë me vështirësi sëmundjen, dhe janë kuruar në spital. Shpresojmë,në ditët në vijim,kur bizneset të hapen pa kushtëzime, të mblidhemi dhe të gëzojmë dhe të ngremë një dolli, që ia dolën kësaj sëmundje.

DIELLI – A keni pasë mundësi të komunikoni në mënyrë elektronike, me mesazhe, me telefonata me vatranët, degët e tjera të Vatrës?

MONDI RAKAJ- Natyrisht, kemi marrë e na kanë marrë në telefon. I falenderoj të gjithë vatranët nga Neë Yorku, Florida , Ëashingtoni, Neë Jersey etj. për interesimin dhe kujdesin. Kemi pasur shumë komunikime të mira gjatë kësaj kohe, duke u interesuar për njeri tjetrin, me anë të lidhjeve telefonike e rrjetet sociale etj.

DIELLI- Po me qendrën e Vatrës, a i keni ruajtë lidhjet?

MONDI RAKAJ-Me qendrën e Vatrës i kemi ruajtur lidhjet shumë mire. Jemi në kontakt të vazhdueshëm, diskutojmë plane dhe projekte për të ardhmen, sapo të hapet ekonomia.

DIELLI-Cila është gjendja reale e anëtarësisë në degën tuaj. A e keni ruajtë anëtarësinë e kohës së Kuvendit, ka të larguar apo keni shtuar anëtarë të rinj?

MONDI RAKAJ- Gjendja reale e Vatrës në Michigan është shumë mirë, vazhdojmë me atë anëtarësi që kemi pasur, në korrik e prapa mendojmë të antarësojmë të rinjë, disa djem të rinj nga Dardania, të sapo ardhur,janë në rrethin e simpatizanëtve të Vatrës,e duan dhe e respektojnë Vatrën, dhe kanë shfaqur dëshirë të jenë pjesë e saj.

DIELLI- Çfare mendoni për funksionimin e mëtejshëm të Vatrës në të ardhmen nëse kufizimet vazhdojnë gjatë?

MONDI RAKAJ- Shpresojmë se situate do të përmirësohet, por nëse vazhdon mendoj se do të lidhemi në konference call, dhe nëse do të jetë nevoja do të përdorim edhe lejen essential help për të ndihmuar në vendet përkatëse.

DIELLI:Falemidnerit për bisedën!

MONDI RAKAJ: Ishte kënaqësi. Faleminderit prej jush!

Botë e Qytetërime

May 27, 2020 by dgreca

Nga Astrit Lulushi/ Natyra a Zoti shpesh bën edhe shaka, ose thjesht luan me njerëzit, ose ndoshta kërkon të thotë diçka, por ne nuk e kuptojmë. Jo rrallë njeriu pak kujdeset për çfarë ndodh në këtë botë; ka edhe raste kur kërkon t’a lërë atë, por s’mundet, Krijuesi e mban të lidhur në tokë (forcë graviteti), duke e tërhequr nga këmbët dhe duke kufizuar flutirimin e tij në qiell. Këtë fuqi, njeriu e imiton dhe e quan pushtet që e përdor për të kontrolluar tjetrin.

Si çdo gjë e natyrëshme, edhe procesi i jetës është i thjeshtë; lindje, zhvillim, vdekje. Çfarë e bën jetën të vështirë, ndonjëherë të pamundur, është vetë njeriu, i cili përpiqet të dalë nga ky cikël. Ai harron pikërisht atë që nuk duhet harruar, se vjen për të ikur, dhe lë pas gjithçka. Në këto kushte njeriu vazhdimisht krijon, shpik, kopjon, rinovon idera, qëllime, mjete, mënyra të ndryshme jetese që i kontrollon me zakone, tradita, norma, kode e ligje.

Në një pjesë të botës, njeriu tund kokën majtas-djathtas-majtas për të thënë ‘po’, dhe lart-posht-lart për ‘jo’. Në kultura e shoqëri të tjera, në pjesën tjetër të botës, njeriu bën të kundërtën, dhe për ‘jo’ thotë ‘po’, por të dy kur takohen, habiten me gjestet e njëri tjetrit ose keqkuptohen.

Perëndimi vjen kur dielli humbet pas horizontit dhe nata bie. Lindja shënon daljen e diellt dhe fillimin e ditës së re. Por në jetë njeriu lë ditën dhe zgjedh natën, megjithëse të dyja ndodhin njëkohësisht atje ku dy gjysmat e globit ndahen. Pastaj, ç’rëndësi ka nëse shkon në drejtim të kundërt. Bota është rreth, dhe në pikën e nisjes njeriu do të mbërrijë përsëri, ndërsa rrugës do të takojë tjetrin që vjen nga drejtimi i kundërt. Duket se mendësia i vjetër nga koha kur thuhej se toka ishte e sheshtë, vazhdon të ndikojë, si ata që ikin nga diktatura, por kokën e mendjen e mbajnë të kthyer mbrapa. Bota e tyre ndryshon, por jo botëkuptimi. Njeriu jeton sot duke menduar dje, ose gjithmonë bën të kundërtën e asaj që mendon.

Në gjeopolitikë shpesh përdoret termi “Perëndim” – veshje perëndimore, njerëz perëndimorë, art perëndimor, muzikë perëndimore, modë perëndimore, filozofi perëndimore, kulturë perëndimore – për të përshkruar vendet e zhvilluara të Evropës dhe Amerikës së Veriut. Në skajin tjetrën qëndron Lindja – mendje e mbyllur, shtypje, autokraci, korrupsion, varfëri, trafikim, mashtrim – me Rusi, Kinë dhe vende të tjera të Azisë Lindore, dhe pjesë të Europës Juglindore, në varësi të politikave.

Por mungon konceptimi i qytetërimit Verior dhe Jugor. Kur thua Qytetërim Verior të krijohet më shumë një imazh i të ftohtit polar sesa i shteteve kombe. Ndoshta në kulturën Veriore mund të përfshihej Rusia dhe sferat e saj të ndikimit në Azinë Qendrore. Ballkani lëkundet Lindje-Perëndim. Qytetërimi Jugor mund të përfaqësohej me Afrikën dhe Azinë Jugore dhe Juglindore. Gjithashtu, mund të shtohej edhe një civilizim i pestë Qëndror, për të përshkruar Lindjen e Mesme. Kështu, Bota do të dukej më gjithë-përfshirëse, e rrumbullakët dhe më kuptimplote – jo si dikur, kur njeriu mendonte se jeta zhvillohej në vijë të drejtëdhe dhe Toka ishte e sheshtë. Por konceptet nuk krijohen nga asgjë, ato lindin me ndryshimin e botëkuptimit, ose nga mënyra se si e shohim vendin e botën ku jetojmë.

Tiranë: Opozita angazhohet që reforma zgjedhore të kryhet brenda majit

May 26, 2020 by dgreca

Nga Ilirian Agolli-Tirane- Zeri I Amerikes/

Opozita u angazhua sërish sot që të bëjë gjithçka sa i takon asaj për të përmbyllur reformën zgjedhore brenda datës 31 maj.

“Jemi të vendosur për këtë betejë. Do të bëjmë gjithçka që të garantojmë vullnetin politik për ta zbatuar ligjin, në mënyrë që kjo krizë e thellë politike, kushtetuese dhe institucionale të marrë rrugëzgjidhje përmes zgjedhjeve të lira e të ndershme” – tha kryetari i Partisë Demokratike, Lulzim Basha.

Ai i bëri këto këto komente pas një takimi me ambasadoren e SHBA-ve në Shqipëri, Yuri Kim.

“Shqiptarët duhet të zgjedhin parlamentin dhe qeverinë, që meritojnë me votën e tyre dhe Shqipëria të ecë përpara, të mos mbahet peng i së shkuarës, por të hapë rrugën e integrimit europian dhe anëtarësimit të Shqipërisë në BE, që është dhe mbetet një nga zotimet kryesore ekzistenciale të PD që nga dita e saj e parë” – tha zoti Basha.

Ambasadorja e SHBA-ve, Yuri Kim, deklaroi se diskutimi me zotin Basha u bazua në të ardhmen, jo për të shkuarën.

“Udhëheqësit shqiptarë duhet të përmbushin pritshmëritë e popullit shqiptar për të përfunduar reformën zgjedhore deri në 31 maj. Ky është një afat kohor që e kanë vendosur vet udhëheqësit në bindjen e tyre. Opozita ka një punë të madhe përpara, por ndihem e inkurajuar nga diskutimi i sotëm dhe pres rezultate” – tha ambasadorja Kim.

Partia Demokratike falenderoi diplomaten amerikane për mbështetjen ndaj reformës zgjedhore.

“Organizimi i zgjedhjeve të lira e të ndershme është përparësi absolute e Partisë Demokratike, i opozitës së bashkuar dhe i të gjithë shqiptarëve. Ne jemi të vendosur të bëjmë gjithçka për t’u garantuar shqiptarëve mundësinë që t’u drejtohen një orë e më parë kutive të votimit dhe të zgjedhin qeverinë e tyre me votën e tyre të lirë, të pandikuar nga bandat kriminale, të pandikuar nga shitblerja e votës, të pandikuar nga paratë e korrupsionit” – tha zoti Basha.

Po sot, rinisi punën Këshilli Politik i Reformës Zgjedhore. Opozita paraqiti aty propozime për transparencën e financimeve partiake.

Fondet e dyshimta në arkat e partive politike kanë sjellë prej vitesh shqetësimin se prapa tyre qëndrojnë kapja e shtetit nga korrupsioni i niveleve të larta.

Opozita jashtë-parlamentare shkoi sot në tryezën e reformës zgjedhore me disa propozime mbi financimin e partive, mbi kuotat gjinore dhe përcaktimin e periudhave zgjedhore.

Ndërsa opozita brenda-parlamentare propozoi rregulla të reja për të lehtësuar mbajtjen e referendumeve.

Përfaqësuesit partiakë ranë dakord që një në tre kandidatë elektoralë të jetë zonjë, që zgjedhjet të mbahen në një muaj të pranverës ose të vjeshtës dhe që financimet private të partive politike të reduktohen me ligj, duke shtuar fondet shtetërore, për të larguar partitë nga korrupsioni politik.

Opozita propozoi uljen në minimum të financimeve private ndaj partive politike, forcimin e transparencës, verifikimin e financimeve dhe ndëshkimet për shkelësit.

Një ndër propozimet e opozitës është edhe përjashtimi i privatëve që financojnë partitë politike nga tenderat, koncesionet dhe kontratat publike.

Opozita propozoi që financimi nga privati të jetë sa gjysma e financimit nga shteti, i cili nga e vet angazhohet të paguajë më shumë për të mbajtur partitë.

Aktualisht ky raport është 1/10. Pra, partitë lejohen të marrin financime private 10 herë më shumë se sa financimet publike.

Raporti i ri nuk është vendosur ende nga tryeza, por qëllimi është që hendeku të ngushtohet sa më shumë.

Projekt – ligji i sjellë nga opozita, shton mekanizmat shtetërorë në kontrollin e shpenzimeve në fushatë, me qëllim që të ulet përdorimi i parave të pista në zgjedhje.

Takimi tjetër është pas dy ditësh, ai vlerësohet si më i rëndësishmi nga pjesëmarrësit, sepse ka të bëjë me fshehtësinë e votës.

VATRA NE TORONTO NE KOHEN E KORONAVIRUSIT

May 26, 2020 by dgreca

VATRA NË KOHËN E KORONAVIRUSIT- FLET KRYETARI I DEGËS SË VATRËS NË TORONTO TONY SYFAJ

Në vijim të bashkëbisedimit të gazetës Dielli me kryetarët e degëve sot po sjellim bisedën që zhvilluam me kryetarin e degës së Vatrës në Toronto të Kandasë, z. Tony SUFAJ.

Dega e Vatrës në Toronto është krijuar pesë vite më parë, në korrik të vitit 2015.

Qendra e saj është në Mississauga, Toronto. Dikur, veçanërisht në vitet 70’-86, Vatra e Kanadsë ishte shumë e fuqishme. Kishte degë në Torontonto dhe Montreal. Madje dega e Torontos kishte edhe shkollën shqipe. Ibrahim Kulla, biznesmen i njohur në Kanada, pjesë e degës së Torontos, në vitet ’80 ishte nënkryetar i Federatës Pan Shqiptare të Amerikës VATRA. Fatkeqsisht pasardhësit e Kullave në Toronto nuk janë anëtërsuar në Vatër megjithë përpjekjet që bëri i ndjeri Sami Kulla, një nga ish vatranët aktivë të degës së Torontos. Ai pat treguar editorit se kishte bërë disa telefonata për ti rikthyer në Vatër Kullat e rinj, por nuk pati rezultat.

Po sot, si është gejndja e degës që është rikrijuar pesë vite të shkuara? Si po e kalojnë vatranët e kësaj dege pandeminë? Ndiqeni bashkëbisedimin me Tony Sufaj, kryetar i degës:

DIELLI: Përshëndetje Tony! Si është gjendja shëndetsore juaja dhe e familjes në këtë kohë Pandemie? A ka njeri nga rrethi juaj familjar e miqësor të prekur nga COVID-19?

TONY SUFAJ: – Jemi të gjithë mirë. Nuk kemi të prekur nga koronavirusi. As këtu ku jetoj unë me familjen as në vendlindje apo në Europë.

DIELLI: Si është situata e Pandemisë në Kanada dhe veçanërisht në Toronto, ku jetoni ju?

TONY SUFAJ: Në Toronto situata e Pandemisë nuk ka qenë dhe aq e keqe, jo shumë e rënduar, si në disa vende të tjera të botës. Me sa e kam ndjekur, deri tani Kanadaja ka rreth 86 mijë të infektuar nga COVID -19, ka 6 mijë e 566 të vdekur, janë shëruar 44 mijë e 898 pacientë mbartës të koronavirusit. Për momentin Kanadaja ka rreth 34 mijë e 533 pacientë të infektuar aktivë me COVID-19, në përqindje kjo kap shifrën diçka më shumë se 1 përqind të popullsisë 37 milionshe. Edhe këtu po i kushtohet rëndësi testimeve të popullsisë. Deri tani janë testuar mbi 1 milion e 500 mijë persona.

Në Toronto- Ontario që është provinca jonë, janë raportuar deri tani rreth 25 mijë të infektuar nga COVID-19, nga kjo shifër 19 mijë raportuar të shëruar,ndërsa numri i jetëve të humbura kap shifrën 1 mijë e 980 të vdekur. Fatkeqsisht edhe komuniteti ynë nuk ka shpëtuar pa viktima. Luc Junçaj, anëtar i Misonit Katolik Shqiptar,me origjinë nga Tuzi, i Malësisë, nuk mundi ta përballonte betejën me Coronavirusin. Ai humbi jetën në moshën 65 vjeçare.

DIELLI: Po nga vatranët dhe familjet e tyre a kishit të prekur nga infeksioni i koronavirusit?

TONY SUFAJ- Fatmirsisht nuk kemi asnjë rast të vetëm që të jetë prekur nga COVID-19.

DIELLI: Si e kaloi fazën e vështirë të Pandemisë Kanadaja. A u morën në Toronto masa strikte kufizuse?

TONY SUFAJ: Po, edhe Kanadaj aplikoi masa shëtrnguse. Ajo I mbylli kufinjtë që me 15 mars 2020. U mbyllën Baret, restaurantet, institucionet artistike, sallat e koncerteve, pallatet dhe sallat e sportit, gati të gjithë vendgrumbullimet që rrezikonin infeksionin masiv.

Sistemi shëndetsor i Kanadasë dha prova se është funksional dhe qeveria ka investuar me kohë. Ai e përballoi shkëlqyshëm ngarkesën e pacientëve të infektuar. Spitalet dhe qendrat e shërbimit të shëndetit kapërcyen me sukses kulmin e krizës dhe tash çdo gjë duket se është në kontroll të plotë. Tregusi më pozitiv është numri minimal i vdkejeve në të gjithë Kanadanë, me 6 mijë e 566 viktima, me një popullsi prej 37 milion 709 mijë e 91.

DIELLI: Në periudhën 3 mujore të izolimit, a ka keni gjetur ju forma organizimi për të ruajtur kontaktet me vatranët, me familjet e tyre, për t’u informuar se si po e kalonin ata rrezikun e infektimit nga koronavirusi? A kishin të infektuar, a kishin të shtruar në spital familjet vatrane etj?

TONY SUFAJ: Mënyra e komunikimit ka qenë përmes telefonatave sepse nuk mund t’i kontaktonim fizikisht. Kemi dërguar e marrë email-e, kemi komunikuar me rrjetet sociale etj.

DIELLI: Si është gjendja e anëtrësisë në degën tuaj. A e keni ruajtë anëtarësinë e kohës së Kuvendit, ka të larguar apo keni shtuar anëtar të rnj?

TONY SUFAJ: Gjendja e anëtarësisë në degën tonë është e stabilzuar. Deri tani nuk kemi asnjë të larguar. Janë anëtarësuar tre anëtar të rinj pas Kuvendit të Detroitit të 19 janarit, ndërkohë që është rritë rrethi i simpatizuesëve dhe mbështetësve të Vatrës. Presim të hiqen fare masat shtërnguse dhe të fillojë jeta normale për të rifilluar veprimtaritë e degës dhe shtimin e anëtarëve të rinj.

DIELLI: Si pa dalin nga izolimi bizneset shqiptare në Toronto?

TONY SUFAJ: Mendoj se faza më e vështirë ka kaluar.Govermenti ka vënë në dispozicion disa paketa për individët, familjet, bizneset, dhe po bën gjithçka të mundur që i gjithë biznesi të kthehet në normalitet dhe familjet ta kalojnë sa më lehtë. Shpresojmë që hapja të bëhet e mundur në fillim të Qershorit!

DIELLI: Faleminderit për bisedën i nderuar Tony! Ishte kënaqësi që përcollëm informacione nga Toronto e Kanadaja.

TONY SUFAJ: Kënaqësia ishte imja. Ju përgëzoj për punën e shkëlqyer, veçanërisht gjatë pandemisë, kur na keni informuar pandërprerje. Dielli nuk ka qenë në karntinë.I uroj Diellit të Vatrës ndriçim të përjetshëm!

Bisedoi: Dalip greca

VATRA NË KOHËN E KORONAVIRUSIT

May 26, 2020 by dgreca

– FLET KRYETARI I DEGËS NË HUDSON VALLEY-NEW YORK. Z. SIMON PJETER QAFA-/

Dega e Vatrës në Hudson Valley ka në radhët e saj vatranë me banim në dy shtete, në New York, por edhe në New Jersey, mandej ka edhe individë që jetojnë në Europë. Qendra është në Hudson Valley të shtetit të New York-ut që prej marsit 2014, kohë kur u formua kjo degë. Në prag të Kuvendit dega e rriti shumë anëtarësinë dhe ka një projekt që shpreson ta realizojë në të ardhmen e afërt, pas kalimit të Koronavirusit, krijimin e klubeve të miqëve të Vatrës nëpër Europë. Kryetar i saj i ri ëshët z. Simon Pjetër Qafa, që e drejton degën që pas Kuvendit të 19 Janarit 2029, organizuar në Teqenë Bektashiane “Baba Rexhebi” në Detroit, kohë kur ish kryetari i degës z. Elmi Berisha u zgjodh kryetar i Federatës Pan Shqiptare të Amerikës” VATRA”.

Në vijim të rubrikës që gazeta”Dielli”ka hapë: Bashkëbisedim me kryetarët e degëve me qëllim për të sjellë në fokus gjendjen e anëtarësisë vatrane në kohën e Pandemisë, z. Qafa iu përgjigj pyetjeve të editorit.

Ndiqeni bashkëbisedimin:

DIELLI: Si është gjendja shëndetsore juaja dhe e familjes në këtë kohë Pandemie? A ka njeri nga rrethi juaj familjar e miqësor të prekur nga COVID-19, këtu në SHBA apo në vendlindje ?

SIMON QAFA: Faleminderit për interesimin.Si familje e ngushtë, faleminderit Zotit, nuk kemi pas probleme me Koronavirusin. Si familje e gjerë po. Kemi pasë tri infektime por e kanë kalue pa pas nevojë që të shkonin në spitale. Ndërsa në rrethin e miqësisë, fatkeqsisht patëm një humbje jete,

Nje dhanderr i yni, që ishte infektuae, u hospitalizue, luftoi tri javë me koronavirusin, por nuk ia arriti që ta përballonte. E humbi betejën e vështirë me COVID-19 pas tri javëve intubimi e ventilimi mekanik.

DIELLI: Ngushëllime Ju dhe Familjes!

Z. Simon, u mbushën tre muaj që jemi të izoluar, si i keni mbajtë lidhjet me anëtaret e kryesisë se degës dhe me vatranët e degës tuaj?

SIMON QAFA: Lidhjet me vatranët i kemi mbajtë dhe vazhdojmë t’i mbajmë nëpërmjet telefonatave, rrjeteve sociale, emaileve etj. Flasim me njeri-tjetrin, interesohemi për shëndetin e çdo vatrani dhe familjeve vatrane.

DIELLI: A ka pasë të prekur nga COVID-19 në degën tuaj?

SIMON QAFA: Fatmirsisht, në degen tone, Hudson Valley, nuk kemi pasë asnjë të infektuar, së paku sipas informatave që unë kam nuk asht infektuar ndonjë vatran deri në këtë moment. Fatkeqisht ka pasë miq të rrethit të vatranëve që kanë kaluar çastet të vështira. Kam dijeni për shumë njerëz qe kanë qenë te infektuar. Disa e kanë kalue pa problem nëpër shtëpi, kurse disa me shumë vështirësi duke qendrue me javë neper spitale. Ka pasë dhe raste kur miq tanë kanë humbë jetën dhe me dhimbje janë përcjellë në banesën e fundit. Jemi lutë për shpirtrart e tyre.

DIELLI: Keni pasë mundësi të komunikoni në mënyrë elektronike, me mesazhe, me telefonata me vatranët e degës tuaj? Po me qendrën e Vatrës, Kryetarin, nënkryetarët, sekretaren, anëtarët e Kryesisë, a i keni mbajtë lidhjet?

SIMON QAFA: E vetmja mënyrë që kemi pas komunikime me vatranët e degës tonë, ka qenë nëpërmjet telefonatave, mesazheve, face time, dhe E Mail. Kurse lidhjet me qendrën, I kemi mbajtë kryesisht me kryetarin e Vatres, Z. Elmi Berisha, me të cilin kemi pasë edhe takime të drejtëpërdrejta, kemi bisedue për çeshtjen e ardhshëmrisë së degës, për lidhjet me vatranët që kemi nëpër Europë, si dhe kam parashturua agjenden time për të ardhmen e deges.
Lidhjet me qendrën i kemi mbajtë edhe nëpërmjet Gazetës Dielli , kemi ndjekë informacionet, intervistat, që ka sjellë gazeta nga Shtete e Bashkuara dhe Europa, Trojet Etnike. Kemi qenë shumë aktiv edhe në rrjetet sociale, veçanërisht nëpërmjet Facebook-ut.

DIELLI: Cila është gjendja reale e degës tuaj. A e keni ruajtë anëtarësinë e pas Kuvendit të Vatrës? Keni të larguar apo keni shtuar anëtar të rnj?

SIMON QAFA: Gjendja e degës tonë është e qëndrushme. Nuk kemi humbë deri tash asnjë anëtar por mbesim me shpresa se kemi me shtue antarë të rinj simbas premtimeve dhe projekteve të pas Kuvendit. Po ashtu që para Kuvendit të Vatrës, është një projekt i degës për të krijuar klubet e miqëve të Vatrës në Europë.
Projekti im si kryetar i degës është që një ditë mbasi të qetësohet situata prej koronavirusit, do të mblidhemi dhe do të diskutojmë për ta bërë degën më aktive dhe do të punojmë për t’i shtuar anëtarët.

DIELLI: Ju falenderojmë për bashkëbisedimin dhe urojmë që dega e Hudson valley të kthehet së shpejti në veprimtaritë e saj aktive.

SIMON QAFA: Unë ju falenderoj për këtë intervistë dhe Ju uroj punë të mbarë në misionin tuaj informues përmes gazetës DIELLI. Zoti e bekoftë Vatrën dhe Vatranët!