Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

Archives for May 2021

Shqipëria ‘‘ideale’’

by

Shkruan:Anton Marku: Historia e njerëzimit është e mbushur me përpjekje të popujve për të krijuar shtetet e tyre etnike. Disa ia kanë dalur, të tjerët pjesërisht, ndërsa një numër edhe më i madh i tyre nuk ia ka arritur këtij qëllimi (të kujtojmë kurdët, palestinezët, romët, vllahët, etj). Si dhe ku qëndrojnë shqiptarët në këtë mes? Çfarë mund të kenë mësuar ata nga e kaluara dhe cili është vizioni i tyre për të ardhmen? Një opinion që nuk pretendon t’i vejë kapakun kësaj teme. 


Po u kthyem në retrospektivë do të shohim se, pas themelimit të Shqipërisë, u nevojit pothuajse një shekull që të bëhet hapi i dytë drejt realizimit të ‘‘ëndrrës kombëtare’’, e që ishte krijimi i shtetit të Kosovës. Bashkimi i saj me Shqipërinë do të ishte hapi i tretë në këtë rrugëtim, i cili do të përcillej me shkëputjen e pjesës perëndimore të Maqedonisë së Veriut dhe përngjitjen dhe të disa komunave të vogla në Mal të Zi dhe jug të Serbisë. 


Aktualisht, në kohën kur si Shqipëria ashtu dhe Kosova po tkurren për sa i përket numrit të banorëve, nga që të dyja ato vijnë zëra për zgjerim të territoreve dhe atë deri tek ‘‘molla e kuqe’’, e cila nuk ka ekzistuar asnjëherë, pos në këngë lahutash dhe fantazitë e ndonjë të përhumburi në legjendat kalorësiake. Sidoqoftë, edhe pse sot për sot më shumë peshon ajri se sa thirrjet e tyre, duhet theksuar se idhëtarët e këtyre aventurave, të cilët ngjajnë me ushtarë të vetmuar që bërtasin me zë të lartë, mbase janë të demobilizuar por jo dhe të demoralizuar. E preferueshme do të ishte që ata që duan të bëjnë gjumin të qetë të mos merren me gjëra që mund t’i lënë pa gjumë.


Në anën tjetër, këtij diskursi, me deklaratat dhe qëndrimet e tyre shpesh kontraverse, jo rrallë edhe duke demantuar vetveten, i kanë kontribuar dhe po e bëjnë ende, edhe dy kryeministrat aktualë, këndej dhe andej gurit, Rama dhe Kurti. I pari, për përdorim të jashtëm, trumbeton narrativin se ‘‘shqiptarët do të bashkohen një ditë në familjen e madhe evropiane’’, ndërsa për opinionin e brendshëm propozon ‘‘president të përbashkët’’, i cili mbase xhepat do t’i kishte plot harta të cilave nuk u dihet prejardhja. Në ndërkohë i dyti, i cili ngritjes së tij politike i falënderohet parullës ‘‘Vetëvendosje!’’ tani ka kuptuar, me të drejtë, se ndryshimi i kufijve të shtetit që qeverisë, së paku tani për tani, është më i komplikuar se sa supozohej, dhe atë jo vetëm për shkak të dispozitave kushtetuese por edhe të gjeostrategjive globale. Ai tani emblemën e dikurshme e ka kornizuar në paradigmën lehtë të kuptueshme: ‘‘Të ngutesh nuk do të thotë të nxitosh! Vonë është më mirë se kurrë!’’.


Çuditërisht apo jo, janë shqiptarët e Kosovës ajo forcë që përpiqet të imponojë bashkimin kombëtar, edhe pse tani e kanë shtetin e tyre, rrjedhimisht dhe vazhdojnë të kërkojnë njohje ndërkombëtare për të që nga shpallja e pavarësisë, këtu e trembëdhjetë vite më parë. 


Në anën tjetër fitohet përshtypja se një pjesë e madhe e shqiptarëve të Shqipërisë, së paku ekonomikisht dhe kulturalisht, më tepër janë të interesuar të bashkohen me Italinë apo Greqinë se sa me Kosovën. Kur këtij fakti t’i shtohet edhe argumenti se në zgjedhjet e fundit parlamentare të 24 prillit asnjëra nga lëvizjet apo partitë politike në Shqipëri që lidhet me bashkimin kombëtar nuk arriti të fitojë së paku një ulëse në kuvend, atëherë tabloja bëhet edhe më e qartë. 

Modelet futuriste

Termi Shqipëri është përdorur për herë të parë në shekujt 13-15. Emërtimi ‘‘Shqipëri e madhe’’ është produkt i propagandës hegjemoniste që para kohërave të ‘‘Titosllavisë’’, më pas edhe të fashizmit, dhe nuk ka nevojë për një elaborat më të thukët. Koncepti ‘‘Shqipëria etnike’’ është jo gjithëpërfshirës pasi që përjashton grupet e vogla nacionale joshqiptare, përderisa ai artificial i ‘‘Shqipërisë natyrale’’ nuk është i precizuar aq sa duhet sepse paradigmë ka gjeografinë, pra zonat e Ballkanit të banuara me shumicë shqiptare, e të cilat nuk kanë qenë asnjëherë, e nuk janë as sot, statike por dinamike dhe lëvizin, rriten apo zvogëlohen, në njërin apo tjetrin drejtim. Në anën tjetër referenca ‘‘Shqipëria qytetare’’ që do të kishte për lajtmotiv lojalitetin e shtetasve ndaj institucioneve të zgjedhura përmes votës, mund të jetë projekt iluzionist dhe në stadin fillestar. 


Ideja për ‘‘Shqipërinë ideale’’ mbështetet në idealizmin jo vetëm si ideologji, mbase dhe utopiste, por që përkufizohet si sistem pikëpamjesh dhe vlerash universale që rregullon raportet ndërnjerëzore pa i pyetur ata për botëkuptimet e tyre apo emra të përveçëm. 

Në një utopi të tillë, larg tymnajave regjionale, jo vetëm shqiptarët por edhe të gjithë të tjerët që do të jetonin brenda dhe ngjitur me kufijtë e saj, do të ndiheshin të lirë, të barabartë para ligjit, të mbrojtur, të sigurt, të vlerësuar dhe fuqizuar si pjesëtarë aktiv të një shoqërie laike dhe demokratike, ku dallimet gjuhësore, fetare e krahinore konsiderohen vlerë e jo pengesë. Në të nuk do të kishte diskriminim të asnjë lloji. Një Shqipëri e tillë, fillimisht në thelb më tepër imagjinare, nuk është e thënë që domosdo të përfshinte të gjitha ‘‘territoret shqiptare’’, por që në mendjen e secilit do të zgjonte ndjenjën se ajo përkujdeset për ta dhe i mbështetë, kudo qoftë dhe kurdo qoftë, jo vetëm brenda vijave administrative.


Depolitizimi i politikës

Për ata që të ardhmen e shohin me syrin e pragmatistit dhe tentojnë që të gjejnë shtigje të reja për udhë të vjetra, nuk ka vetëm një përgjigje për të gjitha pyetjet, por diçka është më se e sigurt: Shqipëria bëhet duke ju ofruar shqiptarëve jetë të dinjitetshme. Asesi ndryshe. 


Kjo do të ishte Shqipëria si e paramendoj unë. Shqipëria ime. Shqipëria jonë.

Eurosong 2021 u fitua nga Maneskins, Gjon’s Tears Fiton Cmimin e Jurisë dhe vendin e tretë

by

 E fituan Eurosong 2021 Maneskins. Italia fitoi edicionin e 65-të. Pas 31 vjetësh e çojnë trofenë e fitores në Itali.

Ka qenë Toto Cutugno që ka fituar çmimin e parë në vitin 1990 me këngën Insieme: 1992 dhe sivjet në kohë pandemie është grupi Maneskins.

E dyta ishte francezja Barbara Pravi me origjinë iraniane dhe serbe që u paraqit me një interpretim të jashtëzakonshëm, mund të themi më të mirin.

I treti i vërteti ishte 22-vjeçari zviceran me origjinë shqiptare Gjon’s Tears.

Gjon’s Tears ishte e papritura e këtij konkurimi, paçka se me një performancë të shkëlqyer nuk parashikohej të dilte në krye sipas shkrimeve të botuara në shtyp, që nxirrnin fitues Francën dhe Italinë.

Ishte një e papritur e bukur edhe për vetë Zvicrën.

Në 65 edicione, Zvicra ka fituar 8 çmime.

Por duhet të  kujtojmë se ky festival e nisi rrugëtimin pikërisht në Zvicër. Edicioni i parë i Eurovision është mbajtur në Teatrin Kursal më 24 maj 1956, në Lugano të Zvicrës.

Zvicerania Lys Assia ka fituar çmimin e parë me këngën Refrain. Më 1988 po Zvicra ka fituar vendin e parë me Ne partez pas sans moi kënduar nga Celine Dion.

Zvicra po ashtu ka fituar dy çmime të dyta dhe me trofenë e John’s Tears me këngën “Tout L’Univers” është i katërti çmim i tretë.

Zviceranët me origjinë shqiptare gjithmonë e më tepër po tregojnë në Zvicër se janë potenciale të fuqishme jo vetëm në sport por edhe në art.

Grupi italian Maneskin, me këngën “Zitti e buoni”, fituan në mesnatën midis të shtunës dhe të djelës  edicionin e 65-të të konkursit të këngës Eurovision.

Gjon’s Tears u paraqit me këngën “Tout L’Univers”. Duke marrë vlerësimin e jurisë teknike ishte në krye dhe kandidati kryesor për ta fituar Eurovision 2021.

Grupi Maneskin ishte i katërti në listën e pjesëshme të fituesëve.

Përmbysjen e rezultatit e solli televotimi i publikut që e nxori Italinë në krye, Barbara Pravi të dytën dhe Gjon’s Tears në vendin e tretë.

Edhe një herë u nxor në pah pabarazia e shtetit të madh ndaj shtetit të vogël

“Rock’n’roll nuk vdes kurrë”. Do të thoshte Damiano, lideri i grupit Maneskin (tashmë fituesit e Festivalit të Sanremo-s).

Në performancën përfundimtare, me trofeun në dorë, grupi e këndoi përsëri këngën, këtë herë pa censuruar fjalët e këqija që ishin hequr siç kërkohej nga rregulloret.

Teksti i këngës “Zitti e buoni” u vlerësua edhe si teksti më i mirë në festival.

Eurosong 2021 u organizua në Ahoy Arena në Roterdam, para një publiku të vogël, pasi u anulua vitin e kaluar, për shkak të pandemisë.

Gjithsej 26 vende garuan në finale, e cila u zhvillua para rreth 3500 spektatorëve.

Gjon’s Tears që del nga ky festival më i vlerësuari ka marrë pjesë  në versionin francez të talent show “The Voice”.

Ai duhet të kishte përfaqësuar tashmë Zvicrën në Eurosong vitin e kaluar me Répondez-moi, por Eurosong 2020  ishte anulluar, pikërisht, për shkak të koronavirusit./Elida Buçpapaj

Albania Parliament’s Race to Fill Media Board Causes Alarm

by

epa06397208 Members of Opposition in Albanian Parliament as smoke bombs are detonated during a vote for a new temporary general prosecutor in Tirana, Albania, 18 December 2017. Albanian police have clashed with opposition supporters outside the building trying to force their way into the Parliament. EPA-EFE/STR

An apparent rush to elect board members of Albania’s Audio-visual Media Authority before the next parliament meets in September is prompting concerns that the ruling Socialists are hurrying to fill the board with political sympathisers.

By Gjergj Erbara-BalkanInsight

Albania’s parliament on Monday announced vacancies for four positions on the board of the country’s Audio-visual Media Authority, AMA, without waiting for the new parliament elected in the April 25 elections to give its view, prompting concerns about the creation of a one-sided board supportive of Edi Rama’s ruling Socialists.

The decision follows the election of four members of the board of Albania’s public broadcaster, two of whom have a clear political affiliation.

Both boards should by law be politically independent, but their members in practice are widely seen as representatives of the parties who propose them in parliament.

Moreover, the current parliamentary opposition bench comprises a number of MPs who have meanwhile gone over to the government side, causing concern that the new boards will be totally dominated by Socialist Party supporters.

Koloreto Cukalli, head of the Albania Media Council, an NGO based in Tirana, said it looked like a power grab by the Socialists that could damage the credibility of the AMA for years.

“Such institutions should be independent and not, as they have been till now, cross-party boards,” Cukalli said, citing an opinion of the Venice Commission. “If the current parliament elects all of them [the board members], the AMA’s reputation will suffer even more,” he added.

Elvin Luku, head of Medialook, a think tank based in Tirana, added that the current parliament lacked the credibility to elect the new board members, and should leave the task to September, when the new parliament meets.

“The election of the board members of the public broadcaster by the current parliament poses concerns in terms of political independence,” Luku told BIRN.

“We already have a problem with editorial independence and the editorial freedom of the media, so it is of crucial importance that the next parliament elects the AMA board members, not this one”, he said.

The Media Commission of parliament debated the candidates for membership of the public broadcaster board on 26 February.

The law grants the opposition in parliament the right to veto some of the candidates, a right deigned to stop the majority party from imposing its choice. Klajdi Qama, an opposition MP, exerted this right, according to the Commission report on the meeting.

Less then two months later, however, Qama became a Socialist Party candidate in the elections. Despite that, he is still nominally representative of the opposition in the current parliament – one of several MPs from the former opposition that has gone over to the ruling Socialist side.

Other MPs, also nominally representing the opposition, have consistently voted in favour of the government, granting the Socialists a de facto supermajority that will end only when the current parliament is dissolved.

Because of this, the boards of various independent institutions are now seen as tools of the ruling Socialists and not, as before, as representing both the government and opposition.

The last elections, which the Socialists again won, took place on April 25 but the previous parliament is still sitting and won’t likely be dissolved until July 7. The new parliament is expected to meet on 9 September.

“Personally, I would prefer to have AMA board vacancies filled by the next parliament,” media expert Luku told BIRN, pointing out that the vacancies were created in 2018 and 2019, so waiting a few more months will not make much difference.

ZEUSI

by

Nga Astrit Lulushi/

Zeus është ekuivalenti grek i Amun Ra i panteonit egjiptian. Por, a ishte Zeusi i frymëzuar nga egjiptianët e lashtë, apo ishte ai më shumë një At Qiellor i panteonit indo-evropian?
Emri “Zeus” rrjedh nga rrënja Proto Indo-Evropiane “dyeu”, që do të thotë “ndriçim” dhe nga fjala “deos”, që do të thotë “zot”. Kjo e fundit është e njëjta fjalë që formon bazën e greqishtes “theos”, të latinishtes “deus”, të persishtes “daiva” dhe të sanskritishtes deva. Në greqishten e vjetër, emri “Zeus” mund të jetë kuptuar ose si “zot i dritës”, ose “zot i qiellit” nga vjen “ndriçimi”. Mitologjia dhe fuqitë e saj janë të ngjashme me ato të hyjnive indo-evropiane si Jupiter, Perkunas, Perun e Perëndi.  Pra, emri e lidh Zeusin  me traditën indo-evropiane.
Çfarë ishte Zeusi për helenët?
Zeus ishte udhëheqësi i perëndive të lashta; hyjni e fuqishme që urdhëronte me shkop fatet e njerëzve dhe perëndive nga maja e malit Olimp. I njohur si “mbledhës i reve”, Zeusi u lëshonti rrufe armiqve, kontrollonte motin dhe vendoste rendin mes perëndive.
Fuqia e Zeusit njihte edhe kufizime. Ndërsa ishte kryesori mes perëndive, autoriteti i tij nuk mbeti kurrë i pakontestueshëm. Ai gjithashtu kishte pjesën e tij të të metave, të tilla si dështimi për t’u ngritur mbi pasionet e dhunëshme dhe mbi grindjet që shqetësonin perënditë e tjera, si dhe prirjen për t’u përzier në punët e njerëzve. Si rrjedhim, madhështia e tij u kundërshtua fort, dhe gjithnjë e më fortë u karakterizua nga të njëjtat përçarje të hidhura dhe hakmarrje që pllakosën njerëzit të cilët e krijuan.
Si Zot suprem, Zeusi luajti rol në krijimin e njerëzimit, megjithëse burimet bien ndesh në lidhje me atë se si erdhën saktësisht njerëzit.
Ekzistojnë dy histori të njohura të krijimit dhe nuk është plotësisht e qartë se si lidhen ato me njëra-tjetrën; historia e parë karakterizohet nga shumë krijime të ndara, secila pretendon një epokë të veçantë të njerëzimit. Sipas Ovidit, ekzistojnë katër epoka: Epoka e Artë, Epoka e Argjendt, Epoka e Bronzit dhe Epoka e Hekurit. Hesiodi u shtoi një të pestë – Epokën Heroike, që bie midis epokës së bronzit dhe hekurit.
Miti i dytë i krijimit përfshinë aleatin e Zeusit, Titanin Promete. Një ditë Zeusi e udhëzoi Prometeun të krijonte njerëzit e parë; Prometeu i formoi nga balta dhe vajza e Zeusit, Athina, u dha shpirt. Gjithçka ishte mirë derisa Prometeu mashtroi Zeusin mbi flijime kafshësh, duke siguruar që perënditë të ishin privuar përgjithmonë nga ngrënia e mishit të kafshëve të flijuara. Nga kjo Zeusi i zemërua dhe ua mori zjarrin njerëzve, vetëm që Prometeu ta vidhte përsëri dhe t’ua kthente atyre. Ky është një kombinim i elementeve indo-evropiane (njeriu nga balta, fryma e jetës, njerëzit që nuk tregojnë respekt) dhe mania me teknologjinë, të gjitha ndodhën për hir të zjarrit (elementi më i rëndësishëm teknik i njerëzve të parë)
Është mjaft e qartë edhe se kush ishte krijuesi i Zeusit.
Amun-Ra ishte i lidhur me Zeusin më vonë në periudhën greke, pasi Zeusi herë pas here lidhet me perëndinë helene të diellit, Helios, i cili ndonjëherë ose referohet drejtpërdrejt si syri i Zeusit, ose nënkuptohet qartë si i tillë. Hesiod, për shembull, e përshkruan syrin e Zeusit si Diell. Ky perceptim rrjedh ndoshta nga feja e hershme Proto-Indo-Evropiane, në të cilën Dielli herë pas here shihet si syri i Dyus Pḥter (Zot At).
Dyeus konsiderohet nga studiuesit sot si perëndia më e rindërtuar e panteonit indo-evropian, pasi formula identike që i referohet atij mund të gjenden midis gjuhëve të mëpasme indo-evropiane dhe miteve tek indo-arianët, hititët, latinët, grekët, frigasit, mesapët, trakët, ilirët dhe shqiptarët.

KRONIKË- U MBLODH KRYESIA E FEDERATËS PANSHQIPTARE TË AMERIKËS”VATRA”

by

Të dielën më 23 Maj 2021 në Neë York, Federata Panshqiptare e Amerikës Vatra mbajti mbledhjen e radhës së Kryesisë së Vatrës në platformën zoom. Mbledhjen e hapi kryetari i Vatrës z.Elmi Berisha duke ngushëlluar nënkryetarin e Vatrës z. Alfons Grishaj për humbjen e vëllait, studiuesit Eduart Grishaj. Ai u shprehu mirënjohjen të gjithë atyrë që e ngushëlluan dhe u tha të pranishmëve se ngushëllimet e tyre ishin një lehtësi për humbjen dhe dhimbjen e madhe. Kryetari Elmi Berisha shpalosi sipërfaqësisht vizitën historike në Shqipëri, duke thënë se vizita ishte e suksesshme duke pasur një përfaqësi nga të gjitha viset dhe trevat e Shqipërisë. Vatra dha një kontribut shumë të rëndësishëm në në një moment historik për Shqipërinë. Z.Berisha tha se Vatra pati takime emocionuese. Zgjedhjet ishin të manipuluara, jo demokratike, vjedhje të identitetit të votuesve dhe zgjedhje të papranueshme. PD pësoi rritje të jashtëzakonshme në zgjedhje, PS kreu një maskaradë në zgjedhjet e 25 prillit.

             Më pas ia kaloi fjalën nënkryetarit Pashko Camajt që ekspozoi detaje nga vizita e delegacionit të Vatrës në Shqipëri: Vizita ngushëlluëse në Shkodër, familjen Grishaj, vizita në familjet e prekura nga tërmeti dhe ndihma që do japë Vatra për këto familje, detaje të kontributit për zgjedhje të lira dhe demokratike në Shqipëri, takimet me Presidentin e Republikës Meta, ish-kryeministrin Berisha, liderin e opozitës Basha, vizitën në Autoritetin e Dosjeve, takimin me akademik Beqir Metën, pjesëmarrjen në takimin elektoral dhe mbështetjen e dhënë kandidates, që kishte mbështetjen e të përndjekurëve politikë Lediana Fratari, si dhe takimi me simbolin e qëndresës antikomuniste në Shqipëri Simon Mirakajn. Vizita në Kosovë me grupin e Vetvendosjes, në Ministrinë e Jashtme të Diapsorës dhe në Mal të Zi për çështjet shqiptare atje.

        Sekretarja e Vatrës Nazo Veliu u shpreh: Vatra u pajtua me shqetësimin e Presidentit Meta dhe ndërkombëtarëve për zgjedhje të lira e të ndershme. Takim special ishte takimi me Doktor Berishën i cili ekspozoi kapjen e shtetit nga qeveria Rama dhe rreziku që i kanosej Shqipërisë prej zgjedhjeve të pandershme. Vizita në familjet e prekura nga termeti ishte shumë e dhimbshme dhe shumë e përshpirtshme. Pamë harresën e shtetit në familjet në nevojë. Ne u përpoqëm të krijojmë tek ata idenë se nuk do jenë kurrë vetëm. Do ta vlerësoj shumë idenë e kryetarit të Vatrës për të çelur një fushatë mbledhjesh të fondeve për këto familje. Ata ishin lënë në vuajtje, skamje, mjerim. Ne duhet të jemi afër tyre. Rama nëpërmjet forces, dhunës, krimit, vjedhjes e kanë kthyer Shqipërinë në një çiflig personal. Nuk mund të flitet më për shtet ligjor, as demokratik as që respekton liritë dhe të drejtat themelore të njeriut. Vizita në Autoritetin e Dosjeve ishte mbresëlënëse pasi pamë nga afër terrorin komunist mbi përndjekjen e familjeve e qytetarëve gjatë diktaturës komuniste.Takimi me Akademik Beqir Metën na la përshtypje fantastike për punën shkencore që po bën. Delegacioni i Vatrës ishte solid, gjithëpërfshirës, kordinues dhe bashkëpunues. Shqipëria ka nevojë për ne. Do duhet të jemi gjithmonë bashkë për të kërkuar që e drejta të dalë në shesh. Ne duhet të mbështesim opozitën dhe kauzën e drejtë të saj për një Shqipëri të zhvilluar dhe një Shqipëri demokratike. Mbështetëm Lediana Fratarin pasi është pjesëtare e shtresës së përfaqësuesve të përndjekurve politik. Vatra ishte në krahun e të djathtës dhe të mirës së Shqipërisë, jo në krahun e antishtetit të Ramës. Një ditë para se të kthehesha në Amerikë në respektin e Pirro Manit ne vendosëm një tufë me lule në themelet ku u shemb Teatri Kombëtar.

           Anëtari i Kryesisë Mondi Rakaj deklaroi se ishte një vizitë e suksesshme në Shqipëri dhe Vatra luajti rolin e saj si përherë. Propozimet e Vatrës te Presidenti janë miratuar dhe do të arrihet në vazhdim të kordinohet në një darkë pritëse në vazhdim. Në fazën që jemi, kam bindjen se gjyqi i Vatrës me përçarësit do të dalë me sukses ndaj tyre.

         Nënkryetari i Vatrës Alfons Grishaj deklaroi se ishte vizita më e suksesshme dhe më dinjitoze që ka realizuar ndonjëherë Vatra. Ju dhatë një mesazh të jashtëzakonshme. Mbështetja ndaj opozitës është një mbështetje ndaj të mirës së Shqipërisë. Qeveria Rama u tall me diasporën. Ne duke mbështetur dhe vlerësuar opozitën mbrojmë vlerat demokratike dhe vlerat e kombit shqiptar. Duhet të mbështesim më shumë Vatrën në daljet mediatike dhe shkrimet që shkojnë me filozoninë, misionin dhe proceset ku është Vatra. Ne duhet të shkruajmë dhe të bëhemi bashkë për të treguar konsekuencë dhe mbështetje për njëri-tjetrin. Ju ftoj të gjithëve që të kontribuojmë financiarisht në mbështetje të Vatrës dhe proceseve në të cilat ajo gjendet. 

              Nënkryetari Malota deklaroi se: komisioni i përçarësve të Vatrës ka paditur 8 vatranë. Secilit i është dhënë dokumentacioni. Procesi është delikat. Shpenzimet janë shumë të mëdha. Ne do kërkojmë dhe dëmshpërblim pas këtij procesi të padrejtë dhe të paligjshëm që përçarësit e Vatrës kanë ngritur ndaj nesh. Ose secili i akuzuar do mbrohet vetë ose avokati i Vatrës do të mbrojë të akuzuarit. Është çështje konfidenciale. Nuk lejohet shpërndarja e materialeve. Këta 8 persona të tjerë do informohen me materialet e gjyqit. Avokati i Vatrës ka kërkuar në gjykatë që Logo dhe stema e Vatrës dhe Diellit të mos përdoret prej grupit të përçarësve. Kërkesa për pajtim me 5 Tetorin është refuzuar. Ata kërkojnë të shfuqizojnë Kuvendin e 2017 dhe të 2020. Këto janë të papranueshme. Ky komision i përçarësve të Vatrës është refuzuar nga Ambasada e Kosovës e Shqipërisë në Uashington, nga shteti shqiptar dhe shteti i Kosovës. Duhet të kontribuojmë financiarisht secili prej nesh. Duhet të përgatisim përgjigjet sa më shpejt dhe të bëjmë një mbrojtje dinjitoze. Z.Malota tha se së shpejti duhet të krijohet komisioni për vitin jubilar të Vatrës në 110 vjetorin e saj.  Sekretarja Nazo Veliu: duhet të kemi të gjithë një avokat të tetë ne. Ne duhet të kërkojmë dëmshpërblim për të gjitha shpenzimet. Ai që humbet duhet të paguajë dëmshpërblimet. Ndryshimet e propozuara dhe të supozuara nga ish kryetari Buçaj nuk janë miratur ansjëherë. Kanunorja e botuar e Buçajt është e jashtëligjshme. Nënkryetari Malota tha se Sekretari  i Shtetit të Boston e ka refuzuar botimin në Uebsajtin e shtetit, kanunoren e Buçajt. Duhet të mblidhemi dhe të kontribuojmë për të përmbyllur këtë proces, përfundoi ai. Pas thirrjes së Kryetarit Elmi Berisha për të dhënë kontribut financiar për Vatrën u përgjigjën: Mondi Rakaj 2 mijë dollarë, Pashko Camaj 1 mijë, Besim Malota 1 mijë, Elmi Berisha 1 mijë, Nazo Veliu 500 usd, Agim Rexhaj 500 usd dhe Alfonc Grishaj deklaroi se do të japë sado kontribut që të kërkohet në këtë proces. Gjithashtu edhe Merita Bajraktari deklaroi se do të kontribuonte. Nënkryetari i Vatrës Ervin Dine deklaroi se duhet të mblidhemi dhe të bëjmë fushata për mbeldhje fondesh për Vatrën. Duhet të kemi transparencë për fondet e Vatrës. Duhet të ftojmë njerëz për të na ndihmuar dhe bashkuar në kauzat tona. Presidenti i Nderit Agim Rexhaj deklaroi se Edi Rama është palë me armiqtë shekullorë të shqiptarëve si Vuçiç. Ai interferoi në zgjedhjet në Shqipëri. Më tej z.Rexhaj u shpreh se: jam i gatshëm të shkoj e të përballem në çdo gjykim për të mbrojtur Vatrën. Unë do të përballem me të gjithë. Vatra mbetet përjetë. Njerëzit do të shkojnë dhe vijnë. Agustin Mirakaj deklaroi se: Uebsajti ka kohë që është bërë me mund dhe profesionalizëm. Ky Uebsajt ka stopuar për momentin pasi nuk punuan ata që duhet të punonin. Ju informova dhe askush nuk ktheu përgjigje. Kam shpenzuar 3 mijë e ca dollarë mund dhe investim personal. Aksush nuk më mbështeti. Riaktivizimi kushton më shumë se 1 mijë dollar. Nuk pati bashkëpunim në këtë proces. Ky Uebsajt ishte adekuat për këtë situate dhe fazën që ndodhet Vatra.  Ti kryetar duhet ti japësh drejtim kësaj situate. Uebi tregon se Vatra ekziston dhe në online. Unë kam bërë të pamundurën për ta ndihmuar Vatrën. Më është kthyer mbrapsht ndihma ime. Nuk është vlerësuar kontributi im. Kërkoj që Uebsiti të bëhët aktiv pasi ishte rezultativ për të mbledhur fonde dhe shumë aktiv në shkrime. Unë kam kontribuar dhe do të kontribuoj si gjithmonë financiarisht për Vatrën. Kryetari Berisha siguroi se brenda 10 ditëve Uebi  do të jetë aktiv dhe grupi i punës do ta ndjekë këtë çështje dhe Uebi i Vatrës do të funksionojë më së miri në vazhdim. Më tej kryetari i Vatrës Berisha njoftoi se nga data e sotme gazetari i Diellit Sokol Paja do të mbajë pozicionin zv.Editor i gazetës Diellit.

Z.Paja e falenderoi familjen e madhe vatrane për besimin që i dha dhe u zotua që të shtojë përpjekjet dhe fuqitë e talentin e tij për Diellin dhe Vatrën. Më tej z.Berisha përmendi aktivitetin me datë 29 maj i promovimit të librave të Dine Dines dhe Adriana Dines. Kërkoj pjesëmarrjen masive në këtë aktivitet kaq dinjitoz për Vatrën. Më tej z.Berisha u shpreh se gjyqi është një rast për herë të fundit në historinë e Vatrës do të përballemi me këto idiotësira dhe budallalliqe të papranueshme. Pas kësaj ne do të jemi edhe më të fortë. Vatra do të mbijetojë përjetë. Më tej kryetari Berisha shpalosi planet për të ardhmen rreth vizitës në Jerusalem tek Ambasada e Kosovës dhe në Vatikan ku do të marrin pjesë një përfaqësi e Kryesisë dhe Këshillit të Vatrës. Më tej z.Berisha tregoi për një takim dhe bashkëpunim me kryeministrin e Maqedonisë Veriut Zoran Zayev për interesta e shqiptarëve në Maqedoninë e Veriut dhe Dritan Abazin zv.Kryeministrin e Malit të Zi për të drejtat e shqiptarëve në Malin e Zi. Më tej z.Berisha tha se pas stabilizimit të çështjes së ndërtesës aktuale të Vatrës, do të kërkojmë të hapim një fushatë të madhe për mbledhje fondesh për të blerë një ndërtesë të madhe që të shërbejë edhe për organizatat dhe shoqatat e tjera që veprojnë në USA. Merita Bajraktari propozoi dhe u miratua një kurorë në emër të Vatrës që do të vendoset në respekt të viktimave të komunizmit më 11 qershor në Uashington. Nënkryetari Ervin Dine shprehi idenë që të ftohet Agron Shehaj në një konferencë në zoom për të shpalosur platformën e rigjenerimin e PD. Të promovojmë idetë e reja dhe liderët e rinj. Kjo ide, propozime dhe ide të tjera u mirëpriten nga kryetari i Vatrës dhe Kryesia, ku të gjithë ranë dakord për të punuar fort në sfidat që presin Vatrën në vazhdim.(Korrespondenti i Diellit)