Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

Shkodër: bursa studimi për nxënësit nevojtarë

by

1 shkoderLiceu i Jezuitëve në Shkodër do të japë bursa studimi për t’i ndihmuar ekonomikisht nxënësit më nevojtarë. Nisma, që u bë e njohur këto ditë, do të mbështetet prej një projekti ad hoc, nga Fondacioni Magis. Liceu Atë Pjetër Meshkalla është institucion edukativ i mirënjohur në veri të Shqipërisë. Vijon me sukses traditën e Kolegjës së famshme Saveriane, themeluar nga jezuitët, në Shkodër, në vitin 1877, që u bë menjëherë e njohur si një nga shkollat më serioze e më autoritare në rajon. Për dhjetra vjet, në klasat e kësaj Kolegje u formua elita e intelektualëve të Ballkanit. E mbyllur më 1945 nga autoritetet komuniste, i rihapi dyert më 1994. Për këtë Shkollë të ndritur, u zgjodh edhe një emër i ndritur: u pagëzua me emrin Atë Pjetër Meshkalla, jezuit, simbol i rezistencës së klerit katolik shqiptar, që guxoi t’i kundërvihej ballë për ballë diktaturës.Sot liceu u jep formim serioz.të rinjve e të rejave ardhur nga e gjithë Shqipëria, Falë tij, nxënësit mund t’i vijojnë më lart studimet, si në universitetet e Shqipërisë, ashtu edhe të ato të vendeve më  të përparuara të  botës. Por jo më pak, mund të merren edhe me punë të ndryshme. Shumica e nxënësve, myslimanë e të krishterë, vijnë nga zonat fushore e malore.

Për t’i hapur portat një numri sa më të madh nxënësish, shkolla kërkon  pagesë shumë të ulët. Megjithatë, shpesh herë, familjet që jetojnë me bujqësi e blegtori, nuk janë në gjendje t’i bëjnë ballë. Pagat mujore të zyrtarëve arrijnë në rreth 400 euro në muaj, ndërsa në sektorin privat nuk e kalojnë shumën 160 euro në muaj. Në një vend me çmime evropiane! Shteti jep disa bursa studimi, por vetëm për nxënësit e shkollave publike. Kështu drejtoria e Liceut Atë Pjetër Meshkalla vendosi të ketë edhe ajo bursat e veta të studimit: 125 familje do të përfitojnë mbështetje të  plotë; 64,  një pjesë të kuotës shkollore vjetore.

Projekti parashikon edhe krjimin e një regjistri elektronik, në mënyrë që të mund të komunikojë drejtpërdrejt me prindërit për problemet e ndryshme të nxënësve. Regjistri do të ndihmojë pikërisht prindërit, që kanë vështirësi  të lidhen vazhdimisht me shkollën.

Përkujtohet në Tuz e në Triesh, Patër Luli – Andrea Gjekaj

by

1 Pater LuliMë 4 e 5 gusht, në Tuz e në Trish të Malit të Zi u përkujtua Patër Luli – Andrea Gjekaj. Meshtari, jo shumë i njohur për shqiptarët e trevave të tjera, përmendet akoma në këngët e rapsodëve të Malësisë së Madhe. Ra heroikisht në frontin e Shkodrës, gjatë luftës së vitit 1911, duke kryer detyrën e kapelanit ushtarak, duke bekuar e varrosur të vdekurit me të gjitha Sakramentet e krishtera. Ndërroi jetë në moshën 35-vjeçare, duke u kujtuar nga populli si martir1 Pater LuluNolla3 Nargaj

4 Nikolla

2 Nikolla

2 Padre

Sonte, Eklips i pjesërishëm i Hënës

by

1 eklips heneNjë eklips i pjesërishëm i Hënës do të mund të shihet sot në pjesën më të madhe të Hemisferës Lindore, që do të jetë hyrje në eklipisn total diellor, pas dy javësh mbi Shtetet e Bashkuara.

Eklipsi i pjesërishëm i Hënës do të jetë i dukshëm në pjesë të Evropës, Afrikës, Azisë dhe Australisë, ndërsa kulmi do të jetë në mbrëmje, në orën 20:20 minuta sipas kohës së Evropës së Mesme.

Eklipsi i pjesërishëm i Hënës bëhet kur Toka lëvizë ndërmjet Diellit dhe Hënës.

Ekspertët thonë se personat e interesuar fillimisht do ta shohin një skuqje të pjesërishme të Hënës, kur të filloj eklipsi.

Eklipsi i Diellit zakonisht ndodhë pas eklipsit të Hënës, kryesisht dy javë më vonë.

Në Shtetet e Bashkuara më 21 të këtij muaji do të mund të shihet eklipsi total i Deillit, një dukuri që ndodhë kur Hëna kalon ndërmjet Tokës dhe Diellit, duke e bllokuar krejtësisht dritën diellore dhe duke shkaktuar errësirë për pak minuta.

Ky do të jetë eklipsi i parë total diellor në 99 vitet e fundit në Shtetet e Bashkuara, thonë shkencëtarët.

TAP, nga toka në det

by

TAP progress-1_320x210Gati gjysma e punimeve për ndërtimin e gazsjellësit Trans-Adriatik {TAP} në Shqipëri ka përfunduar. Këto dy vite përbëjnë fazën më intensive të projektit dhe do të injektojnë në ekonominë shqiptare rreth 800 milionë euro në total.
“Vlera e investimit total të TAP-it, duke filluar nga viti 2016, por edhe më herët, deri në kompletimin e fillimin e operacioneve është në nivelin e 1.5 miliardë eurove. Sigurisht vitet 2017 dhe 2018 janë ato më intensive të projektit dhe është e pritshme që niveli i investimit në secilin prej tyre të jetë diku te 400 milionë euro”, tha Shkëlqim Bozgo, drejtor i TAP-it për Shqipërinë.
Kjo shifër është sa 4% e prodhimit kombëtar. Ndërkohë që numri i të punësuarve drejtpërdrejt të TAP-it në Shqipëri është më shumë se 2.000. Gjurma e gazsjellësit nis në afërsi të Kipoit, në kufirin mes Turqisë dhe Greqisë, kurse në Shqipëri përshkon qytetet Korçë, Berat dhe Fier, e del më pas në det për t’u lidhur me shtetin fqinj, Italinë.
“Pjesa në det nis në vitin 2018 dhe zgjat për disa muaj. Është pjesa më e lehtë, për shkak të zhvillimit teknologjik. Pastaj viti 2019 do të jetë periudha e testimit dhe komisionimit të projektit, sikurse mbushja me gaz”, tha më tej Shkëlqim Bozgo.
Gazi i parë do të transportohet nga fushat e Azerbajxhanit në Europën Perëndimore në vitin 2020. {SH.K}

Presidenti Trump fillon pushimet

by

4 Trump

Në një postim në Tëitter, të shtunën, date 4 gusht, Presidenti lajmëroi fillimin e pushimeve bashkë me familjen. Zoti Trump dhe familja e tij, pritet të qëndrojnë në pronën e tij të golfit në Bedminster të Nju Xhersit, për 17 ditë, në të parin pushim të gjatë të tij që kur mori detyrën. Gjithashtu në postim, presidenti nënvizoi se, këto nuk ishin pushime, pasi ai do të ishte gjatë gjithë kohës i zënë me takime dhe telefonata.

Por, ndërsa Presidenti Donald Trump dhe familja e tij ndodhen me pushime në Nju Xhersi, ekipet e ndërtimit kanë nisur punën për rinovimin e Shtëpisë së Bardhë.


Gjatë muajit gusht, ekipet do të punojnë për të përmirësuar sistemin e ngrohjes dhe ftohjes në krahun perëndimor, do të rinovojnë kuzhinën dhe zonën e pritjes si edhe do zëvendësojnë shkallët në hyrjen jugore. {Sh.K}.