dgreca – Page 2298 – Dielli

Kur goditej Hollivudi…

December 30, 2016 by dgreca

Nga Albana M. Lifschin*/Nga fundi i vitit 1950, publiku amerikan i trëmbej kaq shumë rrezikut komunist sa 68 për qind e tij kërkonte që partia komuniste në Amerikë të dilte jashtë ligjit. Kishte mjaft njerëz që mendonin se komunistët kishin kohë që kishin depërtuar në shoqërinë amerikane si pasojë e influencës së Bashkimit Sovjetik. Ata sillnin si shëmbull numrin e atyre që ishin arrestuar e dënuar si spiunë të tij, siç ishte rasti i çiftit Rosenberg. Ata që guxonin të mbronin viktimat akuzoheshin si komunistë apo simpatizantë të komunistëve.

Në 20 shkurt 1950 Senator Xho Makarti (Joe McCarthy) kishte mbajtur fjalimin e tij në senatin amerikan për rrezikun komunist që kishte depërtuar në SHBA duke tërhequr vëmendjen e të gjithë kombit. Senatori deklaronte se demokratët dhe komunistët kanë aq shumë pikpamje të ngjashme në mes tyre, saqë demokratët duhet ta quajnë veten e tyre “komikrats.” Ngjarje shqetësuese qe publikimi nga stafi i Makartit i një fotografie ku dukej senatori demokrat Millard Tydings(Tajdings) duke folur me ish liderin e partisë komuniste amerikane Earl Browder. Fotografia në fakt qe një kompozim mekanik i dy fotografive të veçanta duke krijuar një imazh të rremë. Megjithëse ne të kishte një shënim me gërma të vockla ku thuhej se qe një kompozim, shumë njerëz të ndikuar nga përshtypja e parë që linte ajo, e morën M.Tajdings për simpatizant të komunistëve gjë që ndikoi në humbjen e tij në zgjedhje. Me ndihmën e shefit të të FBI, Edgar Huver, një nga njerëzit më të fuqishëm e më të frikshëm të kohës, Makarthi vazhdoi gjuetinë e tij në të gjitha sferat shoqërore. Sa më shumë rritej frika, aq më shumë rriteshin edhe pasuesit e tij. Ndërkohë në shënjestrën e Makarthit u vu Hollivudi. Ai deklaroi se në Hollivud kishte më shumë se dy mijë skenaristë, aktorë, regjizorë e producentë komunistë. Sulmi nisi sëpari nga skenaristët, të cilët mendohej se kishin futur ide propogandistike komuniste në skenarët e tyre. Qe hedhur mendimi që presidenti Ruzvelt kishte inkurajuar filmat pro-sovjetik gjatë luftës, dhe megjithë se kjo nuk u vërtetua, presioni i përdorur bëri që krijuesë të njohur të kohës të linin Hollivudin.Filloi mbajtja eseancave të tëra të dëgjimit me qëllim çrrenjosjen e komunistëve nga Hollivudi. Ishte e mjaftueshme që dikush të thirrej për t’u pyetur nga komisioni hetimor dhe emri i tij të publikohej në listën e zezë. Metodat e tij u quajtën Makartizëm. Pranonin apo jo anëtarësinë e tyre, ata përfundonin në listën e zezë. Lista e zezë përfshinte gjithë emrat e artistëve të dyshimtë. E përpiluar nga agjentët e FBI, lista e zezë praktikisht ndalonte bizneset për të punësuar personat e dyshimtë që kishin emrat në të. Duke patur frikë se filmi apo programi televiziv mund të bojkotohesh nga publiku, bisnesmenët e drejtuesit e kësaj industrie kontrollonin vazhdimisht listën e zezë para se të merrnin në punë artistët apo pranonin skenaret. Mbi 200 prej tyre humbën vendet e punës në Hollivud. E ashtuquajtura “Dhjetëshshja e Hollivudit” një regjisor( Eduard Dymyryk) dhe 9 skenaristë (John Howard Law son, Dalton Trumbo, Alvah Bessie, Albert Maltz, Samuel Ornintz, Herbert Biberman, Adrian Scott, Ring Lardner, Jr., and Lester Cole) refuzuan t’u përgjigjeshin pyetjeve duke përdorur amendamentin e 5-të të kushtetutes amerikane. Megjithatë kjo nuk i shpëtoi nga burgu, me përjashtim të regjisorit i cili më pas bashkëpunoi me komisionin hetimor. Pati artistë që refuzuan të bënin punën e spiunit duke rrezikuar jetën e karrierën e të tjerëve. Autorja dhe skenaristja e njohur e kohës Lillian Hellman deklaroi se” nuk do të rrezikonte as sot, as në të ardhmen njerëz të cilët ishin plotësisht të pafajshëm, me qëllim për të shpëtuar veten e saj. “Kjo do të ishte e pandershme dhe çnjerzore” tha ajo. Nga qendrimi saj i guximshëm Hellman u shqua në mes të tjerëve. Hellman ishte skenaristja më e famshme e shek.të XX. Ajo u bë ikonë për gratë e gjeneratës së saj në lëvizjen feministe të viteve 1970. Bertold Brehti kur u thirr për të dëshmuar para komisionit deklaroi se ai nuk ishte komunist, dhe pas kësaj e la menjëherë Hollivudin dhe u kthye në Gjermani( lindore). Dosja qe mbushur plot edhe për Çarli Çaplinin. Ai u detyrua të largohej nga Amerika dhe kthimi iu ndalua, si simpatizant i komunisteve. Dhe kjo ndodhte pasi ai kishte realizuar filmin” Diktatori i Madh”.

Ne Foto:Arthur Miller/

Aktorë te njohur liberalë si Robert Redfort, Xhek Lemon e Gregori Pek u kritikuan ashpër pse kishin marrë pjesë në një festival filmi në Kubë . Aktores Vanesa Redgrejv iu sabotuan kontratat dhe projektet dhe u kërcënua me bojkot nga zionistët. E vetmja mënyrë nëpërmjet së cilës artistët mund të lanin veten e tyre ishte të jepnin emrat e kolegëve të tyre, të spiunonin.

Ne Foto:Ilia Kazan, regjisori me kariere brilante, Ilia Kazan, i njohur nëpërmjet filmit ‘America, America” (1963), “Viva Zapata” (1952) etj..nje nga te goditurit…/

Pati edhe nga ata që u thyen para presionit të makartizmit dhe spiunuan kolegët e tyre. I tillë qe shembulli i regjisorit me kariere brilante, Ilia Kazan, (Shumë nga ju e njihni nëpërmjet filmit ‘America, America” (1963), “Viva Zapata” (1952) etj. Ai dha emrat e 8 vetëve, miqtë të tij që sëbashku kishin qenë anëtarë të partisë komuniste amerikane në vitet 30. Akti i Ilia Kazanit nuk u harrua kurrë, dhe jo vetëm nga ata që u dënuan për shkak të tij. Mjaft artistë të Hollivudit edhe sot e kësaj dite e kujtojnë me dëshpërim e indinjatë atë kohë, kur ata e kolegët e tyre mbetën pa punë. Disa arritën në vetëvrasje, e disa të tjerë u detyruan të largoheshin përgjithmonë nga Amerika. Kujtimi i hidhur i asaj kohe në historinë e Amerikës ende i ndjek deri në ditët tona. Kariera dhe emri i Ilia Kazanit u njollos përjetësisht nga vendimi i tij. Ndaj në 21 mars 1999, kur regjisori Ilia Kazan u nderua me “Lifetime Achievement Award”, Hollivudi kaloi një tronditje të re nga rikujtimi i asaj kohe, dhe njerëzit u ndanë sërish në dysh. 500 vetë protestuan kundër çmimit të duke mbajtur në duar pankarta me thëniet “Lista e zezë nuk fshihet me gëlqere”. Norma Barzman, Lee Grant, Jules Dassin, Walter Bernstein, dhe të gjithë viktimat e listës së zezë nuk mund ta falnin Ilia Kazanin për atë që bëri. Barzmani komentoi se ‘çmimi i sukseseve të tij ishte shkatërrimi i jetës së të tjerëve’.

Në mbrojtje të Ilia Kazanit doli Artur Miller, duke çgënjyer shumëkend. Artur Miller ishte një nga heronjtë e asaj kohe që doli kundër Makartit. Ndryshe nga Ilia Kazani, Milleri refuzoi të jepte emrat e “bashkëudhëtarëve” të vet, siç i quajti ai kolegët e e tij të Hollivudit. Për qëndrimin e tij ai u dënua me burg. Megjithatë Miller mendonte që Ilia Kazan duhej nderuar për punën e kontributin e tij. Në gazetën

“The guardian” ai shkroi se mendimi dhe ndjenjat e asaj kohe për të nuk kishin ndryshuar, por përsëri ‘Ilia Kazan ka bërë një punë të jashtëzakonshme në teatër dhe në film që meriton t’i vlerësohet”.

Në kohën e tyre ata kishin bashkëpunuar ngushtë, Milleri si skenarist dhe Kazani si regjisori i skenarëve të tij. Ata ishin miq,si vëllezër, por kur Ilia Kazan tradhëtoi kolegët,miqësia e tyre u prish. Ata nuk i folën njeri-tjerit për 10 vjet. Edhe më pas miqësia e tyre nuk u riparua më. Ata “dialoguan” në mes tyre nëpërmjet filmave të realizuar më pas ku shprehën qëndrimet e tyre të kundërta. Ndërsa Ilia Kazani e justifikonte rolin e informatorit në filmin e tij ”On the Waterfront”, Artur Miller e dënonte atë tek “A View from the Bridge”.

Artur Miller dhe Ilia Kazan nuk u kthyen dot më kurrë tek miqësia e ngushtë që kishin me njeri-.tjetrin në fund të viteve 40-e fillimi i viteve 50-të. Miller, që kishte vuajtur shumë, doli si një shembull i guximit ndaj Red Scare (Panikut të kuq) dhe ndër vite fitoi aureolën e një shejti. Ndërsa Ilia Kazan u përkufizua si ‘njeriu në anën tjetër të spektrit’.

Nga libri “Perendimi Mistik” 2016

Bruklin, NY

Gusht, 2016

HEQJA E MANDATEVE, NDARJA E POLITIKES NGA KRIMI

December 29, 2016 by dgreca

*ME NE FUND DEMOKRACIA NIS TE FUNKSIONOJE: HIQEN MANDATET/

*KQZ heq mandatin e Elvis Roshit dhe dy deputetëve Selami dhe Tahiri/

* Ambasada Amerikane: Vendimi i sotëm është një fitore për popullin shqiptar dhe një paralajmërim për kriminelët/

Më në fund demokracia ka nisë të lëvizë dhe Reforma në Drejtësi po jep shenjat se nuk ka kthim pas. Shqipëria e lodhur nga klasa politike me tranzicionin e tejzgjatur 25 vjecar, kërkon që të ndahet nga krimi, që I vshtë bashkëngjitë politikës.

KQZ-ja ka vendosur sot shpalljen të pavlefshëm dhe përfundimin e parakohshëm të mandatit të kryebashkiakut të Kavajës, Elvis Rroshi si dhe të dy deputetëve: Shkëlqim Selami dhe Dashamir Tahiri. Ajo që ra ne sy ishte fakti se anetaret pranë PD në KQZ nuk votuan pro heqjes së Dashamir Tahirit, ndërsa për dy të tjerët rrezultati qe 7 me 0. Tre vendimet hyjnë në fuqi menjëherë sapo publikohen në Fletoren Zyrtare.

Vendimet janë lexuar para medias nga kryetari i KQZ-së, Denar Biba, pasi komisioni ishte tërhequr për të votua dhe pas shqyrtimit dhe argumentimit ligjor që i bënë secilit rast publikisht, anëtarët e KQZ-së.

Tani, vendimet e KQZ-së do t’i dërgohen Kryeministrit dhe Kryetarit të Kuvendit për të nisur procedurat për zëvendësimin e tyre.

Rama shkarkon Elvis Roshin pas heqjes së mandatit nga KQZ-ja

Qeveria ka shkarkuar diten e sotme Elvis Roshin nga kreu i Bashkise se Kavajes, pas heqjes se mandatit te tij nga KQZ-ja, pasi e kapte ligji i Dekriminalizimit.Mesohet se Qeveria e ka shkarkuar me vendim qarkullues kreun e Bashkise se Kavajes.

Megjithate, edhe pas shkarkimit Roshi mbetet ne detyre. Keshtu, ai ka te drejte ta ankimoje ne Kushtetuese shkarkimin e tij, njesoj sikurse beri Shukri Xhelili.Deri sa te shprehet Kushtetuesja, Roshi mbetet ne detyre si kryetar i Bashkise se Kavajes.Vetem pasi te shprehet Kushtetuesja kunder Roshit, atehere edhe Presidentit i lind e drejta per te dekretuar zgjedhjet e pjesshme.Sakaq, Rama ka edhe një kërkesë tjetër mbi tryezë për shkarkimin e kreut te Bashkise se Durresit Vangjush Dakos, per akuzat qe opozita ka hedhur ndaj tij ne lidhje me lirimin e Lul Berishes se do punesohej ne Bashki.

Deklaratë e Ambasadës së Shteteve të Bashkuara të Amerikës

mbasada e Shteteve të Bashkuara mirëpret vendimin e Komisionit Qëndror të Zgjedhjeve dhe kërkesën e Prokurorit të Përgjithshëm për t’i hequr mandatet tre politikanëve, Elvis Rroshit, Shkëlqim Selamit, dhe Dashamir Tahirit, nën ligjin e dekriminalizimit. Vendimi i sotëm është një fitore për popullin shqiptar dhe një paralajmërim për kriminelët që po mendojnë a të jenë kandidatë në zgjedhjet parlamentare të 18 qershorit. Zyrtarët e zgjedhur apo të emëruar që plotësojnë deklarata false duhet të ndëshkohen më gjithë forcën e ligjit. Personat me dosje penale nuk mund të kenë vend në përfaqësimin e shqiptarëve.

Komisioni Evropian ofron 70.5 milionë euro për Kosovën

December 29, 2016 by dgreca

-Kjo ndihmë është pjesë e kontributit financiar të BE-së me vlerë prej 645 milionë euro, i cili i është dhënë Kosovës gjatë periudhës për vitin 2014-2020/

PRISHTINË, 29 Dhjetor 2016-B.Jashari/ Komisioni Evropian ka miratuar programin për vitin 2016 për Kosovën për dhënien e 70.5 milionë euro për të mbështetur rrugën evropiane të Kosovës. Në kuadër të Programit për Veprim të Kosovës për vitin 2016, do të mbështeten sektorët e mëposhtëm: demokracia dhe qeverisja, sundimi i ligjit dhe të drejtat themelore, konkurrenca dhe inovacioni, arsimi, punësimi dhe politikat sociale.“BE-ja është partneri, investitori dhe donatori kryesor i Kosovës dhe kjo ndihmë e re rikonfirmon angazhimin e BE-së ndaj rrugës evropiane të Kosovës”, tha Shefja e Zyrës së BE-së/PPBE Nataliya Apostolova.“Ndihma e BE-së ka krijuar qindra vende pune në Kosovë dhe ka përmirësuar cilësinë e jetës së qytetarëve të Kosovë në shumë fusha duke përfshirë zhvillimin, infrastrukturën, mbështetjen për NMVM-të, mbështjetjen për prodhimin bujqësor, sundimin e ligjit, të drejtat e njeriut, luftën kundër korrupsionit, etj”, vijoi Apostolova.

Qëllimi kryesor i veprimit në kuadër të demokracisë dhe qeverisjes është mbështjetja e mëtejshme e integrimit të Kosovës në ekonominë globale dhe forcimi i rolit të administratës së Kosovës në promovimin e zhvillimit socio-ekonomik në tregti, lëvizjen e lirë të mallrave dhe shërbimeve dhe forcimi i përafrimit sektorial në përputhje me obligimet e Marrëveshjes për Stabilizim Asociim (MSA).

Përveç mbështetjes së zbatimit të MSA-së, ndihma financiare për vitin 2016 poashtu synon të ndihmojë në zbatimin e Axhendës për Reforma Evropiane, e cila u lançua së fundmi.

Njoftimi dërguar sot nga Zyra e BE-së në Prishtinë bën të ditur edhe se, veprimi në lidhje me sektorin e sundimit të ligjit dhe të drejtave themelore do t’i kontribuojë një shoqërie multi-etnike në Kosovë duke mundësuar një jetesë dhe integrim të qëndrueshëm të personave të zhvendosur në shoqërinë kosovare.

Veprimi në sektorin e arsimit, punësimit dhe politikave sociale synon të përmirësojë regjistrimin dhe përfshirjen e fëmijëve në edukimin parashkollor dhe të përmirësojë cilësinë e edukimit parashkollor dhe atij fillor në përputhje me Planin Strategjik për Arsimin në Kosovë për vitin 2017-2021.

Kjo ndihmë prej 70.5 milionë euro përfshinë një program për mbështetjen direkte të buxhetit, duke kontribuar në zbatimin e pakos së reformave të Kosovës, përkatësisht zhvillimin e politikave dhe koordinimin dhe modernizimin e administratës publike.

Kjo ndihmë është pjesë e kontributit financiar të BE-së me vlerë prej 645 milionë euro, i cili i është dhënë Kosovës gjatë periudhës për vitin 2014-2020. Kosova përfiton edhe nga asistenca e BE-së në kuadër të programit shumë shtetërorë IPA II, duke siguruar mbështetje financiare në një shkallë rajonale. Kjo ndihmë kërkon që autoritetet të tregojnë angazhim të vazhdueshëm për të përmirësuar qeverisjen e mirë dhe sundimin e ligjit.

PRESS RELEASE/

Pristina, 29 December, 2016/

European Commission grants EUR 70.5 million to Kosovo

The European Commission has adopted the 2016 Programme for Kosovo granting 70.5 million EUR to support Kosovo’s European path. Under the Action Programme for Kosovo for the Year 2016, the following sectors will be supported: democracy and governance, rule of law and fundamental rights, competitiveness and innovation, and education, employment and social policies.

“The EU is the largest partner, investor and donor to Kosovo and this new allocation reaffirms the EU’s commitment to Kosovo’s European path,” said the Head of EU Office/EUSR Nataliya Apostolova.

“EU assistance has created thousands of jobs in Kosovo and improved the quality of life of Kosovo people in many segments including economic development, infrastructure, support to MSMEs, support to agricultural production, rule of law, human rights and the fight against corruption” said Apostolova.

The main aim of the action under democracy and governance is to further support Kosovo’s integration into the global economy and strengthen the role of Kosovo’s administration in promoting socio-economic development in trade, free movement of goods and services and strengthening sectorial approximation in line with obligations of the Stabilisation Association Agreement (SAA).

Besides supporting the implementation of SAA, the financial assistance for 2016 aims also at assisting the implementation of the European Reform Agenda which was launched recently.

The action under the rule of law and fundamental rights sector will contribute to a stable multi-ethnic society in Kosovo by enabling sustainable livelihoods and the durable integration by displaced persons into Kosovo society.

The action in the sector of education, employment and social policies aims to improve enrolment and inclusion of children in pre-school education and enhance the quality of pre-school and primary school education according to the Kosovo Education Strategic Plan 2017-2021.

This 70.5 million financial envelope includes a direct budget support programme, contributing to the implementation of Kosovo’s reform package: namely policy development and coordination and modernization of the public administration.

This allocation is part of the 645 million euro EU financial contribution granted to Kosovo during the 2014-2020 period. Kosovo also benefits from EU assistance within the IPA II multi-country programme, providing financial support on a regional scale. This assistance requires that the authorities demonstrate continued commitment to improve the good governance and the rule of law.

Kosova kërkon të ndalen destruksionet e Serbisë

December 29, 2016 by dgreca

-Qeveria e Kosovës kërkon nga BE të ndalen destruksionet e Serbisë ndaj marrëveshjeve të Brukselit/

1-qeveria-fyndviti

-Në afërsi te objektit të qeverisë së Kosovës të inauguruar dje në Mitrovicën veriore është hedhur një granatë dore e cila për fat të mirë nuk ka shpërthyer/PRISHTINË, 29 Dhjetor 2016-Gazeta DIELLI/ Qeveria e Kosovës ka kërkuar nga Bashkimi Evropian që të ndalen destruksionet e Serbisë ndaj marrëveshjeve të Brukselit.Ministrja për dialog, Edita Tahiri bëri me dije se ka zhvilluar një bisedë të gjatë telefonike me drejtoreshën për Evropën Perëndimore, Ballkanin Perëndimor dhe Turqinë në BE, Angelina Eichhorst, të cilën e ka njoftuar hollësisht në lidhje me tentim sulmin kundër zyrave të qeverisë së Kosovës, ku në afërsi te objektit të qeverisë së Kosovës të inauguruar dje në Mitrovicën veriore është hedhur një granatë dore e cila për fat të mirë nuk ka shpërthyer.Ministrja Tahiri gjatë bisedës mbrëmë vonë ka shprehur qëndrimin e qeverisë së Kosovës se me këto akte destruktive të përdorimit të bombave dhe mureve, Serbia po pengon zbatimin e marrëveshjeve të Brukselit, por edhe cenimin e dialogut për fqinjësi të mirë mes dy shteteve dhe janë kundër një paqe të qëndrueshme në rajon. Ajo ka theksuar se obstruksionet e Serbisë janë duke u përshkallëzuar dhe rrezikojnë destabilizimin e situatës, por të cilën institucionet e shtetit të Kosovës nuk do ta lejojnë në asnjë mënyrë. Ministrja Tahiri ka potencuar se inaugurimi i objektit të qeverisë së Kosovës në Mitrovicën veriore bazohet në Marrëveshjen e Brukselit të nënshkruar nga dy shtetet dhe Bashkimi Evropian në mars të vitit 2015, në të cilin kanë filluar punën mbi njëzet institucione qendrore, të cilat kanë punësuar pjesëtarë të komunitetit serb me qëllim të integrimit të tyre në institucionet e Republikës së Kosovës.Ministrja Tahiri ka kërkuar nga Bashkimi Evropian që urgjentisht dhe seriozisht të angazhohen, në mënyrë që Serbia t’i ndalë destruksionet dhe t’i përmbushë obligimet e dialogut të Brukselit.Ndërsa, drejtoresha për Evropën Perëndimore, Ballkanin Perëndimor dhe Turqinë në Bashkimin Evropian, Angelina Eichhorst ka shprehur shqetësimet e BE-së për këto zhvillime negative dhe ka premtuar se BE-ja do të merret seriozisht me këto çështje dhe për zgjidhjen sa më të shpejtë të tyre./b.j/

Bashkëpunime gjithëshqiptare për diasporën

December 29, 2016 by dgreca

-Ministri i Diasporës në qeverinë e Kosovës, Valon Murati, vlerëson bashkëpunimet me Shqipërinë dhe thekson angazhimet për bashkëpunime edhe me Maqedoninë, Luginën e Preshevës, Ulqinin e viset tjera etnike për diasporën shqiptare kudo në botë/

valon_murati prishtina-foto-gazeta-dielli-behlul-jashari-28dhjetor2016-mbremje valon-murati-minister-i-diaspores

-Në të gjitha këto përpjekje kemi qenë afër me Rrjetin e Biznesit të Diasporës Shqiptare, i cili sivjet e organizoi edhe Samitin e Bizneseve të Diasporës Shqiptare në Nju-Jork/

Gazeta DIELLI nga korrespondenti në Kosovë Behlul JASHARI/

PRISHTINË, 29 Dhjetor 2016/ Ministri i Diasporës në qeverinë e Kosovës, Valon Murati, në një konferencë shtypi sot vlerësoi bashkëpunimet me Shqipërinë dhe theksoi angazhimet për bashkëpunime edhe me Maqedoninë, Luginën e Preshevës, Ulqinin e viset tjera etnike për diasporën shqiptare kudo në botë.“Kemi punuar që marrëveshja për arsimin shqip në diasporë, së bashku me Republikën e Shqipërisë, të japë rezultatet e para. Është punuar në kurrikulat e përbashkëta, në dokumentin e standardeve, ndërsa tani gjendemi para sfidës që marrëveshja vitin e ardhshëm të përfshijë edhe komponentën financiare, në mënyrë që të gjithë të mund të ecim para me fuqizimin dhe institucionalizimin e mësimit shqip në diasporë”, u shpreh ai.Ministri Murati bëri të ditur se, gjithashtu, gjatë vitit 2016, së bashku me institucionet e tjera qeveritare, komunale dhe joqeveritare, kanë organizuar afro 200 aktivitete gjatë Ditëve të Diasporës, në muajt e verës. “Kemi qenë të kujdesshëm që niveli i aktiviteteve të ketë rritje, duke qenë të vetëdijshëm se gjithnjë ka hapësirë për përmirësim. Të gjitha këto aktivitete janë zhvilluar me moton tanimë të njohur: ‘Ti je pjesë e atdheut’. Me këtë moto kemi vazhduar edhe procesin e regjistrimit diasporës, duke evidentuar rreth 400 mijë bashkatdhetarë”, tha ai.Ministri i Diasporës shtoi se, ky është viti i fundit i regjistrimit fizik, i cili do të vazhdojë edhe për pesë vjet si regjistrim “online”, ndërsa u bëri ftesë të gjithë bashkatdhetarëve që të regjistrohen në platformën “online”, ose edhe në konsullatat dhe ambasadat tona.“Këtë vit kemi organizuar kampin veror dhe shkollën verore pak më ndryshe, por gjithnjë duke bërë përpjekje të shërbejnë si modele të afrimit të fëmijëve tanë nga diaspora me vendin e vet, gjuhën dhe kulturën e të parëve të tyre. Për herë të parë organizuam edhe Olimpiadën sportive, për të cilën po punojmë që tani e tutje të jetë tradicionale”, tha Murati.Ai paralajmëroi se, do të vazhdojmë t’i organizojmë ekskursionet dhe kuizet e diturisë për fëmijët e diasporës, si urë lidhëse me Kosovën dhe trevat e tjera shqiptare.“Projektin e punës praktike për studentët e kemi zgjeruar në një projekt më të madh e të përbashkët edhe me Republikën e Shqipërisë dhe tanimë të rinjtë tanë mund ta kryejnë praktikën në institucionet e të dyja shteteve”, theksoi ministri kosovar i Diasporës.Kemi afruar avokatët dhe ekspertët ligjorë me vendin, vijoi ai dhe shprehu besimin se kjo do të vazhdojë të fuqizohet edhe vitin e ardhshëm.“Gjatë tërë vitit kemi qenë afër bizneseve nga diaspora, jo vetëm duke i vizituar këtu në Kosovë dhe në diasporë, por edhe duke bërë përpjekje maksimale për t’i zgjidhur problemet që ata kanë mundur t’i kenë në Kosovë. Kemi dhënë kontributin tonë në fushën e lirimit të pronave, si dhe të funksionalizimit të mekanizmave gjyqësor që do t’i trajtonin rastet e investitorëve nga jashtë, duke përfshirë ata nga diaspora, kanë dhënë rezultatet e para”, tha ministri Murati.Sigurisht, vijoi ai, ka ende punë nga të gjithë ne që të punojmë për një ambient edhe më të mirë të të bërit biznes, duke qenë i bindur për potencialin e madh investues që ka diaspora jonë.“Në të gjitha këto përpjekje kemi qenë afër me Rrjetin e Biznesit të Diasporës Shqiptare, i cili sivjet e organizoi edhe Samitin e Bizneseve të Diasporës Shqiptare në Nju-Jork. Samiti i Parë i Diasporës Shqiptare, i organizuar këtë vit edhe me kontributin e Ministrisë së Diasporës, shpresojmë të bëhet tradicional dhe të japë rezultate konkrete”, u shpreh ministri Valon Murati.Ai paralajmëroi edhe se, vitet e ardhshme do të jenë sfiduese në disa drejtime, prej të cilave i pari është institucionalizimi i mësimit shqip në diasporë.“I dyti drejtim i angazhimeve është tërheqja e ekspertizës nga diaspora në projekte afatshkurtra dhe afatgjata në Kosovë. I treti është projekti që një pjesë të remitancave t’i futim në zhvillimin ekonomik të vendit përmes skemës së granteve korresponduese në bujqësi dhe teknologji informative. I katërti është hapja e qendrave të përbashkëta kulturore me Republikën e Shqipërisë”, vijoi Murati.Në fund, shtoi ai, vitin e ardhshëm do të futet në procedim edhe hartimi i ligjit të ri për diasporën dhe mërgatën. “Besojmë se përmes tij dhe duke u bazuar në përvojën e deritanishme, do t’i promovojmë modelet më të mira të organizimit të diasporës dhe të vendosjes së urave të bashkëpunimit në mes të diasporës dhe atdheut”, theksoi ministri i Diasporës në qeverinë e Kosovës, Valon Murati, në konferencën për shtyp të fundvitit. Fillimisht ministri Murati tha se, po kalon edhe viti i dytë në krye të Ministrisë së Diasporës me përvoja të reja në punën me diasporën tonë, por edhe me sfida dhe beteja të vjetra që përherë kërkojnë energji të reja.“Me gjithë sfidat në këtë punë, çdo ditë e më shumë ndiej kënaqësi për të arriturat e njerëzve tanë në diasporë dhe, njëkohësisht, jam i lumtur që kam mundësinë që shumë prej këtyre njerëzve të suksesshëm edhe t’i takoj personalisht dhe të punojmë bashkërisht për të mirën e komunitetit tonë kudo që ai jeton”, tha ministri i Diasporës.Në mesin e vështirësive të të gjitha natyrave, u shpreh Murati, këtë vit kemi punuar në disa drejtime që besoj se do të japin rezultatet e tyre në vitet në vijim.