dgreca – Page 2982 – Dielli

NEW YORK, LULE PER MITHAT FRASHERIN NE PERVJETORIN E LINDJES

March 19, 2016 by dgreca

Nga Dalip Greca/

WESTCHESTER, FERNCLIFF, NY: Mithat Frashëri u lind në Janinë me 25 Mars 1880 dhe ndërroi jetë me 3 tetor 1949 në New York në rrethana të mistershme, ku nuk mungojnë tezat e helmimit, pavarësisht se diagnoza mjeksore ka shënuar attak kardiak. Varrimi i Apostullit të shqiptarizmës u bë 9 ditë pas vdekjes, cfarë e shton më shumë mjegullën rreth personalitetit më të spikatur të nacionalizmit shqiptar dhe eleiminimit te tij.

Një grup patriotësh me në krye ish të përndjekurin politik, që kaloi rininë e tij në burgjet e diktaturës, Pëllumb Lamaj, për gati një dekadë e nderojnë udhëheqësin e Ballit Kombëtar në cdo përvjetor Lindjeje dhe e përkujtojnë me veprimtari edhe në përvjetorin e vdekjes ne Ferncliff Cemetery, ne Westchester County, New York, ku prehet prej 67 vitesh eshtrat e te ndjerit .

Edhe sot, e Shtunë 19 Mars, Pëllumb Lamaj dhe bashkëvuajtësit Fatmir Muja së bashku me djalin Ilirin, Edmond Sejko, Eduard M. Dilo, Ilir Hysa shkuan tek varri i kryeatdhetarit Mithat Frashëri që ende i qëndrojnë eshtrat në tokën amerikane, larg vendlindjes, dhe vendosën kurorë me lule, buqeta me karafila dhe flamurin kuq e zi së bashku me atë amerikan në krah, si dhe një banderolë për Apostullin dhe Shqipërinë Etnike. Në këtë përkujtim ishte edhe dr. Skënder Murtezani, Kryetar i degës së Vatrës në Queens dhe anëtar i Kryesisë së Vatrës. Në krye të degës së Vatrës në Queens dr. Murtezani ka zhvilluar disa veprimtari në nderim të Mithat Frashërit, si një simpozium shkencor me kumtesa si dhe një përkujtimore në Hotelin ku ndërroi jetë presonaliteti i Shquar Mithat Frashëri.

Në veprimtari ishin të ftuar dhe morën pjesë edhe gazetarët Robert Papa i TV FOKUS dhe Editori i Diellit Dalip Greca.

Në fjalën e tij z. Pëllumb Lamaj, evokoi jetën dhe veprën prej patrioti të pastër të Mithat Frashërit, sakrificat e tij si shërbestar i Kombit, kontributin e madh në Kulturën shqiptare, shërbimi ndaj popullit shqiptar, ku ndricon roli i avokatit të madh në mbrojtje të popullsisë Came, kontributi ne ngjarjet e Pavaresise, ku mbajti post Ministri, i pari që dha dorëheqje; lufta kundër Komunizmit dhe themelimi i Ballit Kombëtar dhe më pas përzgjedhja e tij në krye të Komitetit Shqipëria e lirë, e para qeveri serioze në mërgim pas Luftës së Dytë Botërore.’.

Lamaj përsëriti dhe një herë mesazhin që ai ka dërguar në cdo përvjetor të tillë Kombit dhe Shtetit shqiptar për kthimin e eshtrave në Atdhe pranë Abdylit, Naimit dhe Samiut, edhe pse nuk ka besim tek klasa politike e Shqipërisë, e cila duket se ende nuk është kthyer realisht nga vlerësimi i figurave Kombëtare. Kthimi i eshtrave të Mithat Frashërit në Shqipëri i bën nder Kombit. Ai denoncoi heshtjen e Historiografise qe vazhdon ta anashkaloje kete figure te ndritur Kombetare.

Lamaj e ka përjetësuar figurën e MITHAT Frasherin ne nje dokumentar, qe vazhdon te terheqe vemendjen e shqiptareve.

Më pas, Pëllumb Lamaj, ka nxjerrë një fletë Letre, ku ka të shkruara me një kaligrafi të pastër, vargje shpirti të poetit Kudret Kokoshi. Këto vargje, spjegon Pëllumbi, u shkruan atë natë, kur në burgun e Burrelit mbërriti lajmi i vdekjes së Apostullit të Shqiptarizmit Mithat Frashëri.

Ja vargjet e kudret Kokoshit:

Në dhe’ të huaj larg shqipes me gjak lyer

Që Ti me ankth aq shumë e dashurove

Në dhe’ të huaj prej fatit të zi ndërkryer

Atdheut të vuajtur jetën i dhurove.

Baba i Kombit ndër beteja plakur

Ti zemrat tona me ideal i ngrohe

Rrugën e jetës tonë përflakur

Hyjnor, promethe’ ti na e ndricove.

Ndër male e fusha nga veriu në lindje

Gjëmon jehona e thirrjes shpëtimtare

Vrapo, vrapo Shqipëri për në Rilindje

Thërret Mithati : Shqipëria e Shqiptarëve

KUDRET KOKOSHI

Burgu i Burrelit, Tetor 1949…

Eduard M Dilo, tha se:”Na ka mbledhur sot këtu përkujtimi i Mithat Frashërit(Nderi i Kombit), këtij Titani të shqiptarizmës, që lindi, u rrit dhe mbylli sytë vetëm me dashuri të pakufi si rrallë kush për Shqipërinë Etnike. Është në nderin e secilit që në deje i rrjedh gjak i pastër shqiptar, të përulet me respekt të thellë karshi këtij Patrioti të papërsëritshëm. Kjo është”Fytyra e vërtetë e Kombit” se u lind në të u rrit e u ushqye vetëm me dashuri për Shqipërinë Etnike. Ai me veprën dhe veprimtarinë thellsisht Kombëtare u bë figura qëndrore deri në frymën e fundit. Pseudoshqiptarët e cdo ngjyre i tmerron figura e pastër e tij ndaj edhe pse është”Nderi i kombit” i është mohuar plotësimi i Testamentit të Tij.

Mithat Frashëri ka frymëzuar, frymëzon dhe do të frymëzojë kurdoherë gjithë ata që përpiqen për kauzën kombëtare.

I paharruar Kujtimi i Tij!

Edhe pedagogu Ilir Hysa ka folë dhe ka vlerësuar figurën dhe veprën e Mithat Frashërit, duke apeluar që shteti shqiptar të vlerësojë realisht duke ia kthyer eshtrat në Atdhe, për të cilin ai luftoi deri në castet e fundit të jetës së Tij.

Dr. Skënder Murtezani, u ndal në momentet kyce të jetës së Mithat Frashërit dhe tha se që në fëmijëri ai ishte frymëzuar nga madhështia e figures se Tij. Mithat Frasheri eshte kolosi I fundit i Frasherlijve, tha ai. Sa me shume lexon per veprimtarine e tij aq me shum e dashuron kete figure te pakrahasushme, te ketij punetori pa interes per Shqiperine dhe interesin kombetar. Në të u dëshmua nje figure e shkëlqyshme e një demokrati të avancuar, diplomati vizionar dhe patriot, që kur nuk lejoi të shuhej cështja e Shqipërise se dëmtuar.

Murtezani tha se Mithat Frashëri ishte njeri i pajtimit kudo qe i viheshte flaka vëllazërimit Shqiptar ay me autoritetin dhe fjalet e tij dinte si ta shuan. Rasti i problemit mes anetareve te shoqates se Manastirit me 1906 e autoriteti dhe besimi ne kete patriot beri qe punet te vazhdojne pa shqetësime.

Ne qeverine e pare Shqiptare te Ismail Qemalit zgjidhet Minister i Puneve Botore, pas disa muajve eshtë ministri i pare shqiptar qe jep doreheqje, ky moment mund te debatohet, mendimi esht se ai beri kerkese qe luftëtarët Shqipetar te perdorur nga shtetet e ndryshme ne luften ballkanike të mos ktheheshin ne Vlore ,po te qendronin që të mbronin Janinen shqiptare.

Ishte Mithat Frasheri qe ua tha hapur dhe publikisht patriotve dhe diplomateve Shqiptar se Europa nuk ndihmon interesin Shqiptar, se ajo e ka prioritet dhe ushqen interesin Sllav dhe Grek. Ky instikt e drejtoj ne kahje te shkelqyshme diplomatike; ne vitin 1914 fillon korrespondencen me Presidentin Wilson. Kjo korespondence e viteve 1914-15 ishte e sukseshme, sepse Zotri Mithat Frasheri perforcoj principet e presidentit Wilson ne mbrojtjen e popujve te rrezikuar, presidentit Wilson mbrojti Shqiperine mbrojti egzistencën e atdheut tone.

Dergimi i Prememorjes ne tubimin ku do te formohej mbreteria e Serbeve-Sllovenve-Kroatve, është një akt pjekurie i atdhetarit të dorës së pare, Mithat Frashëri . Me nje gjuhe diplomatike ua terhoqi verejtjen: nese fillojne nje shtet duke zaptuar trojet Shqiptare Ballkani kurrë nuk do jete i qetë.

Jeta e tij diplomatike ka vazhduar njeherit si keshilltar per pune te jashtme ne qeverine e Princ Vidi-t, pastaj konsull ne Beograd dhe Athine. Ne vitin 1920 duke bashkëpunuar me Federatën Panshqiptare të Amerikës VATRA, shpetoi qeverine e Kongresit të Lushnjes nga kolapsi financiar udheton per ne Amerike ku e prêt zotri Mehmet Konica. Autoriteti i Mithat Frasherit pastertia e tij patriotike dhe personale ne qarqet patriotike Shqipetare, ndihmon qe ky projekt i perbashket me Vatren ne mbledhjen e ndihmave per shtetin Shqipetar te rezultoi ne mbledhjen e 198 mijë dollareve.

Pasi dorezon parate ne atdhe delegohet nga Vatra per pun diplomatike ne Zvicer.

Ne mesin e viteve 20-ta terhiqet nga politika por jo nga puna atdhetare . Krijon Librarine “Lumo Skendo”. Numri I librave per pak i tejkaloj 40 mije. Ajo ishte librari e hapur per nxenes dhe student si dhe per publikun.

Mithat Frasheri, tha dr. Murtezani, punoi me perkushtim te vecante ne dokumentimin e vazhdimsise se qytetrimit shqiptar prej te Marin Barletti deri ne kohen e tij. Mid’hat Frashëri, ashtu si Syrja Vlora, si një nga historianët e parë të Perandorisë Osmane dhe të Shqipërisë, i panjohur deri tani për këtë ndihmesë të tij, do t’i shikonin dhe analizonin se bashku dokumentet, si një burim të rëndësishëm për të ndërtuar një urë ndërlidhëse ndërmjet së shkuarës, të tashmes dhe të ardhmes, për të vendosur një histori dhe një kulturë në vijimësi dhe vazhdimësi të kombit shqiptar.
Mithat Frasheri, tha dr. Murtezani, i jepte rëndësi të madhe kërkimeve dhe grumbullimit gjerësisht të dokumenteve për Historinë e Shqipërisë në arkivat e vendeve të tjera, veçanërisht në arkivat e Turqisë, Venedikut, Milanos, Raguzës, Vatikanit, Propogandës Fide, Mbretërisë së Aragones, të Parisit, Londrës, Vjenës, Petërburgut, Athinës, Mid’hat Frashëri një rëndësi të madhe iu jep dhe arkivave të Venedikut. Ai shkruan se ato mbushin dhjetra dhoma të Manastirit Ferari,“Arkivat e Venedikut janë hulumtuar lidhur me historinë e Shqipërisë nga studiues të huaj të shumtë , veçanërisht gjatë viteve 1812-1875. Ndër këta, Mid’hat Frashëri do të theksojë Carlo Denois, Ceçhette, Makushef, Gregorovic, Lamnasky, Bogonic, Sathas, Marti Thomas etj.
Gjithashtu, Mid’hat Frasheri, duke parë punën e vazhdueshme dhe këmbëngulëse të At Shtjefën Gjeçovit në grumbullimin dhe ruajtjen e thesareve të kombit shqiptar, më 25 tetor 1922 dhe duke vlerësuar Lidhjen Shqiptare të Prizrenit si një ngjarje të rëndësishme të Lëvizjes Kombëtare Shqiptare, i shkruan për formimin e një shoqërie, e cila do të kishte si detyrë të mblidhte dokumentet për këtë ngjarje.

Veprimtaria e Mithat Frasherit na la aq shum njohuri me vlere enciklopedika dhe tani të gjithë e dime nga e kishte kete prirje, po na ka nxjerrë perpara nje det të pafund per hulumtime ne te ardhmen. Mithat Frasheri veproi si nje institucion jo si individ.

Më pas folesi u ndal edhe ne kontributin nacionalist te Mithat Frasherit, Krijimi I Ballit kombetar, c’ka perben nje moment të gjenialitetit te tij dhe tregon se ideologjia Kombetare, ishte e vetmja qe I duhej Shqiperise.

Mithat Frasheri me 1947 I propozoj ambasadorit Amerikan ne Itali formimin e nje komiteti nga patriot Shqiptar qe sipas Mithat Frasherit do te fillonin luften kunder okupimit Serbo Rus te Shqiperise dhe tokave Shqiptare te kamufluar nen masken e komunizmit. Ne vitin 1949 deponimi i hulumtimit te Robert Joyce/1946-1948 para senatit Amerikan /oficer i larte prane “Office of special Operations”/ per personalitetin e Mithat Frasherit prej rinise se hershme dhe deri te formimi i Ballit Kombetar , ishte shumë bindës me konkludimin se Mithat Frasheri eshtë njeriu me i pershtashem për të udhëhequr “Komitetin Shqipria e Lire” senati i dha statut te Personit te rendesishem per sigurine e shtetit Amerikan” … Per fat te keq nuk ishte jetegjatë, ndërroi jete me 3 Tetor te vitit 1949 , dy jave pasi u emrua kryetar i Komitetit Shqipëria e Lirë.
Dr. Murtezani u ndal dhe ne nje moment te rendesishem: Me 4 Prill 1929, Mid’hat Frashëri do të shkonte në Noterinë e Gjykatës së Shkallës së Parë të Tiranës, ku do të nënshkruajë Testamentin me nr.163. Me këtë testament, gjithë pasurinë e tij mbas vdekjes ia dhuronte kombit shqiptar. Kopjen e këtij testamenti ai ua dorëzoi dhe bashkëkohësve të tij, tek të cilët kishte besim, të cilët ishin: Njazi Tirana, Sotir Kolea, Dhimitër Berati, Et’hem Fuad Frashëri dhe babai i Teqesë së Frashërit. Mid’hat Frashëri, nëpërmjet këtij testamenti, gjithë pasurinë e tundshme dhe të patundshme, librat, mobiliet i linte për krijimin e një Instituti Albanologjik, të një qendre shkencore për studiuesit shqiptarë, në të cilin do të kryenin studimet e tyre për Historinë e Shqipërisë. Gjithashtu, në këtë testament ai kërkon që biblioteka e tij private të ruhej e plotë, ashtu si i kishte mbetur e trashëguar nga i ati, Abdyl Frashëri dhe të afërmit.
Librave të bibliotekës së tij dëshironte që t’iu vihej vula me nënshkrimin “Biblioteka Lumo Skëndo, 1897”. Një skicë e vulës ishte përgatitur nga Eshref Frashëri.

Nëqoftëse ndonjëri do të mungonte, në kohën kur Mid’hat Frashëri do të kishte ndërruar jetë, do të zëvendësohej nga Athanas Shundi, farmacist në Tiranë, dhe Hasan Toptani, biri i Murat Toptanit. Testamentin e tij ai e përfundon duke shkruar këto fjalë:

“Nuk di ku do të vendoset Instituti, po, nëqoftëse goditet pakëz jashtë qytetit do të donja varri im të jetë në një cep të kopshtit, më të mëngjër, duke hyrë nga porta e rrugës. Mbi këtë varr dua një copë gur të madh dhe një qiparis. Më duket sikur do të jem ruajtësi i Institutit, sikur do të marr edhe unë një pjesë pasjetore në gjallimin e tij”.

Murtezani tha se kishte hulumtuar rreth dokumenteve te autopsies, e cila me të gjitha gjasat eshte kryer sepse u varros me 9 Tetor 1949 ne keta Varreza ketu ne Upstate NY. Per kohe te shkurt u mbajt ne shtepine e funeralit Campbell diku afer nje muzeu ne Manhatan, (sipas kujteses se Dr Agim Leka). Qeveria Amerikane mori te gjitha masat kjo ceremony do te zhvillohej me dinjitet.

PRINCE OF WALES VISITS KFOR HEADQUARTERS

March 19, 2016 by dgreca

*Princi i Uellsit viziton Shtabin e KFOR-it/

PRISTINA, Kosovo. Today, the Prince of Wales visited Kosovo Force (KFOR) Headquarters in Pristina. This was one of the final engagements for The Prince of Wales and The Duchess of Cornwall on their tour of the Western Balkans.

The Prince of Wales was welcomed to Camp “Film City” by KFOR Commander, Major General Guglielmo Luigi Miglietta and an Honour Guard comprised of KFOR service members.

During the visit, the Prince laid wreaths at the monuments to the KFOR service members and 14 UK servicemen who paid the ultimate sacrifice in the service of peace while on operations in Kosovo. This solemn event was attended by the British Ambassador to Kosovo, Mr. Ruairí O’Connell and a representation from the various military contingents serving in KFOR.

The Prince of Wales accompanied by Major General Miglietta, met KFOR General Officers and Senior National Representatives and Canadian and Irish contingent members.

The Prince of Wales visited KFOR as part of Their Royal Highnesses visit to Kosovo on 18-19 March.

***

Princi i Uellsit viziton Shtabin e KFOR-it

PRISHTINË, 19 Mars 2016/ Princi i Uellsit vizitoi sot shtabin e Forcës së Kosovës (KFOR) në Prishtinë. Ky ishte një nga angazhimet e fundit të Princit të Uellsit dhe Dukeshës së Cornwall-it në turneun e tyre në Ballkanin perëndimor.Princi i Uellsit u mirëprit në kampin “Film City” nga Komandanti i KFOR-it, Gjeneralmajori Guglielmo Luigi Miglietta dhe Garda e Nderit e përbërë nga pjesëtarë të shërbimit të KFOR-it.

Gjatë vizitës, Princi vendosi lule në monumentin e pjesëtarëve që shërbenin në KFOR dhe tek 14 ushtarakët e Britanisë së Madhe të cilët paguan sakrificën sublime në shërbim të paqes gjatë operacioneve në Kosovë.Kjo ngjarje u përcoll edhe nga Ambasadori i Britanisë në Kosovë, Ruairí O’Connell dhe nga përfaqësues të kontingjenteve të ndryshme ushtarake që shërbejnë në KFOR.Princi i Uellsit i shoqëruar nga Gjeneralmajori Miglietta, takoi Gjeneralët e KFOR-it dhe përfaqësues të lartë të shteteve të ndryshme, si dhe pjesëtarët e kontingjentit Kanadez dhe Irlandez.

Princi i Uellsit vizitoi KFOR-in si pjesë e vizitës së Madhërive të tyre Mbretërore në Kosovë më 18-19 mars

Presidentja dhe Dukesha, takim me gratë e mbijetuara të dhunës seksuale gjatë luftës në Kosovë

March 19, 2016 by dgreca

Presidentja Jahjaga dhe Dukesha e Cornwall-it takuan një grup të grave të mbijetuara të dhunës seksuale gjatë luftës në Kosovë/

Prishtine 19 mars 2016- Presidentja e Republikës së Kosovës, zonja Atifete Jahjaga së bashku me Dukeshën e Cornwall-it takuan sot një grup të grave të mbijetuara të dhunës seksuale gjatë luftës në Kosovë. Në këtë takim ishin të pranishme edhe disa OJQ të grave që ofrojnë shërbime për këtë kategori.

Presidentja Jahjaga shprehu mirënjohje për vëmendjen që po i kushton Dukesha e Cornwall-it kësaj plage të rëndë shoqërisë si pasojë e luftës, duke dëgjuar historitë e grave të Kosovës, si një mesazh shumë i fuqishëm i mbështetjes për të gjitha të mbijetuarat e dhunës seksuale gjatë luftës në Kosovë.

Presidentja Jahjaga tha se historitë e grave të Kosovës nuk janë të lehta, pasi ato flasin për krimin makabër të kryer mbi to nga regjimi serb, por ajo shtoi se ato janë edhe histori të forcës së grave për ta mbijetuar krimin, për ta rindërtuar jetën e tyre, për të kërkuar të drejtat e tyre dhe mbi të gjitha për të kërkuar drejtësi.

Presidentja Jahjaga tha se dhuna seksuale është përdorur si mjet lufte në Kosovë për të cenuar dinjitetin e viktimave, për të ngjallur ndjenjën e frikës dhe të shtypjes, për të nxitur shpërnguljen dhe për të zhveshur një shoqëri të tërë nga vlerat e saj njerëzore.

Ajo shtoi se kjo temë për shumë kohë ka qenë tabu për shoqërinë dhe institucionet e vendit, por tha se me formimin e Këshillit Kombëtar për të Mbijetuarit e dhunës seksuale gjatë luftës janë hedhur hapa të rëndësishëm për të ofruar mbrojtjen ligjore, qasje më të mirë në drejtësi, në shërbime shëndetësore si dhe ato për fuqizimin ekonomik. Ajo shtoi që duhen ende përpjekje veçanërisht në arenën ndërkombëtare.

Presidentja Jahjaga e njoftoi Dukeshën e Cornwall-it se sot ka pranuar aplikacionet e para nga gratë për njohjen e statusit ligjor të të mbijetuarve të dhunës seksuale gjatë luftës, duke shtuar se kjo shënon edhe zyrtarisht fillimin e këtij procesi kaq të rëndësishëm.

Dukesha e Cornwall-it tha se ka pasur rastin të dëgjoj histori të ngjashme edhe në vende të tjera të botës, por në asnjë vend nuk ka dëgjuar histori kaq të dhimbshme dhe të tmerrshme të këtij krimi lufte.Ajo shtoi se do bëj përpjekje që historitë e grave të Kosovës të dëgjohen edhe jashtë vendit duke i inkurajuar ato që të ndajnë historitë e tyre për të thyer stigmën shoqërore e cila e mbulon këtë krim lufte.Dukesha e Cornwall-it shprehu interesim të lartë për të mësuar nga gratë rreth përpjekjeve të tyre për të mbijetuar këtë krim lufte, duke i quajtur ato gra të mrekullueshme. Ajo shtoi se ndjehet e bindur që ato do t’ia dalin t’i mbijetojnë këtij krimi veçanërisht tani që kanë edhe mbështetjen institucionale të ofruar nga Presidentja Jahjaga.

NJOFTIM I KRYETARIT TE VATRES

March 19, 2016 by dgreca

LULZIM BASHA DO TE VIZITOJE VATREN TE DIELEN ME 20 MARS 2016, ORA 3.pm/

Antarëve të Këshillit Drejtues: Kam marrë njoftimin se ditën e dielë me 20 mars, z. Lulzim Basha, kryetar i Partisë Demokratike të Shqipnisë, do të vijë për vizitë në selinë e Vatrës, n’orën 3 mbas dreke. z. Basha asht për vizitë pune në Shtetet e Bshkueme, në krye të nji delegacioni ku bajnë pjesë disa nga deputetët demokrat të PD-së. Ai do të jetë i shoqnuem edhe nga ambasadori Mal Berisha.

Edhe pse koha asht tepër e shkurtë e këtij njoftimi, shpresoj se shumë nga ju, sidomos kush banon afër qytetit të New York-ut, mund të shfrytëzoni rastin për të përshëndetë mysafirët.

Përshëndetje,

Gjon Buçaj

LULZIM BASHA U PRIT NGA APN NE RUSSIA TEA ROOM

March 19, 2016 by dgreca

NEW YORK CITY : “ Pjesë e vizitës së kreut të opozitës shqiptare, dhe kryetarit të Partisë Demokratike, zotit Lulzim Basha, gjatë viztës së tij në SHBA, ishte edhe takimi i mbrëmshëm me organizatën APEN, një organizim profesionistësh shqiptarë, me edukim të lartë dhe pozicione pune të spikatura në Nju Jork e për rreth tij, zhvilluar në Russian Tea Room – New York City.

Në këtë ngjarje të rëndësishme me diasporën shqiptare, zoti Basha ishte i shoqëruar, nga bashkëshortja e tij, si dhe nga kryetari i ligjvënësve demokratë, në Paralamentin e Shqipërisë, z. Gent Strazimiri, znj Jorida Tabaku, z. Eduard Selami, znj.Mimoza Hajdarmataj, dhe këshilltar i politikës së jashtme, Ambasadori Mal Berisha.

Kjo pritje mjaft e ngrohtë e shqiptarëve të Amerikës, bëri mbrëmë së bashku më shumë 200 shqiptarë, dhe miq amerikanë, shumica e tyre studentë nga universitetet e njohuara amerikane dhe, lider të komunitetit tonë, si Mark Gjonaj dhe Ken Biberaj, dhe veprimtarë të dalluar, afaristë, biznesmen, bankier, artist, gazetar, sportistë dhe shqiptarët nga më të suksesshëm në SHBA, nga Shqipëria, Kosova dhe trojet shqiptare, të cilët tani jetojnë në SHBA.

Me këtë rast komuniteti Shqiptaro-Amerikan – i Nju Jorkut, me shtetet për rreth, kremtojë edhe përvjetorin e 25-të, të ri-vendosjes së marrëdhënieve diplomatike me Republikën e Shqipërisë dhe Shteteve të Bashkuara të Amerikës, me liderin e Partisë Demokratike, z. Lulzim Basha, dhe delegacionin, që e shoqëronë atë, në këtë viizitë të rendësishme gjatë këtyre ditëve në Shtetet e Bashkuara.

Politikani i ri shqiptaro – amerikan Ken Biberaj, Kryetari i Bordit të Drejtorëve të Dhomës së Tregtisë në Manhattan – NY, dhe zv/ President në biznesin e famshëm restorantin Russian Tea Room – në fillim të fjalës së tij, duke i uruar mirëseardhjen në Nju Jork, liderit të opozitës Lulzim Basha, dhe deputetve të tjërë, tha se “jemi të nderuar që sot së bashku me ju – ne komuniteti shqiptarë, ne po festojmë edhe 15 Marsin 1991, 25 vjetorin të rivendosjes së marrëdhënieve diplomatike mes Shqipërisë dhe SHBA-, një ngjarje historike, kjo për mbarë kombin shqptarë”.

Më pas Biberaj, theksoi rëndësinë e këtyre marrëdhënieve të miqësisë dhe partneritetit mes Shqipërisë dhe SHBA, duke nënvizuar kontributin e paçmueshëm të Shteteve të Bashkuara në mbështetje të proceseve demokratizuese të Shqipërisë, në ato vite, dhe në rrugën e saj drejt integrimit euroatlantik, lirinë dhe pavarësinë e Kosovës, të cilat e kan rifillimin e këtyre marrënive të shkëlqyera nga 15 Marsi 1991, tha ai.

Kurse, duke i uruar mirëseardhjen zotit Basha, bashkë-kryesuesi i Rrjetit të Profesionisteve dhe Sipermarresve Shqiptaro Amerikane, zoti Edmont Çoku, foli pak për atë pse “APEN”, eshte nje organizate e dedikuar per promovimin, mbeshtetjen dhe peparimin e zhvillimin social, ekonomik dhe profesional të komunitetit shqiptar, ketu ne SHBA.

“Kjo, eshte nje inisiative e shqiptareve te Amerikes, ka shtuar ai e cila eshte e bazuar ne tre shtyllat kryesore “Te rinjet, profesionalizem, dhe te suksesshem”, te cilet cdo do t’ia kujshtojne nje pjese te jetes se tyre edhe Shqiperise, Kosoves, dhe vendlindjes së tyre, prej andej nga ne kemi ardhur.”

Asambleisti shqiptarë i Nju Jorkut, zoti Mark Gjonaj, e cili nuk mungon në asnjë veprimtari të komunitetit shqiptarë në New York, në përshëndetjen e tij gjeti rastin që të iu urojë mireseardhjen në qytetin e Nju Jorkut, zotit Basha dhe depueteve të tjerë demokrat, si dhe vlersoi dhe e pergezoi me kete rast edhe të rinjët shqipatrë në integrimin e tyre në SHBA, duke vënë në pah, edhe arritjet e tyre ne fushen e biznesit dhe sipermarrjes si dhe nenvizoi kontributin e madhe të shqiptarëve të Amerikës, ne te miren e Shqiperise dhe Kosoves dhe te gjithe shqiptareve.

Nick Markola i cili është një nga bashkë-themeluesit e APEN, dhe bashkë-kryetar dhe anëtar i bordit, në emër të kësaj organizate, tha se është nder i veçantë, që në emër të APEN për të mirëpritur, Z. Basha, ambasadorin Berisha, anëtar të Parlamentit Strazimiri, Selami dhe Tabaku, Hadarmataj, Assemblyman Mark Gjonaj, dhe mysafirët të shquar, miqt e APEN-it.

Me këtë rast theksojë Markola, në fillim të fjalës së tij, një falënderim të veçantë, ua drejtojë atyre që e meritojnë për të bërë këtë pritje një realitet. “Së pari, më lejoni të falënderoj z Hasan Biberaj, z Ken Biberaj dhe të gjithë familjen Biberaj për sponsorizimin e plotë të kësaj pritje, në lokalin e tyre të njohur Russian Tea Room. Patriotizmi i tyre dhe bujaria e tyre e thellë për të gjithë shqiptarët, çdo herë është vlerësuar shumë nga komuniteti shqiptarë në Nju Jork”, tha Markola.

Gjithashtu, Markola, tha se :” Unë do të doja të falënderoj bordin e APEN për të gjithë punën e tyre të madhe dhe për çdo gjë që bëjnë për komunitetin, anëtarët e bordit, por më lejoni të veçojë për sonte, disa prej tyre, dhe gjenden rreth meje këtu, të tillë si znj Mediha Kosovrasti, bashkë-kryetare, Edmond Coku dhe z. Ilirjan Fundo.

Më pas ai kujtojë se pse APEN – është një organizatë e tillë e veçantë në komunitet, sidomos për roganizmimin e pritjeve të tilla në komunitet.

“Si një organizatë, ne jemi të përkushtuar për promovimin, mbështetjen dhe njohjen e zhvillimit social, ekonomik dhe profesional të komunitetit shqiptaro-amerikan. Ne jemi të përbërë nga profesionistë të suksesshme dhe sipërmarrësit në zyrat e rëndësishme financiare dhe sociale e shqoqërore në New York, e për rreth tij. APEN, tha ai është një organizat e cila ka një nga qëllimet kryesore të saj e cila është të ndihmojë brezave të rinj me avancimet e tyre të karrierës dhe suksesit profesional”.

Më tej ai tha se ne kemi qenë të nderuar dhe të përveligjuar që kemi organizuar këto pritje, dhe ky është viti i 10-të që APEN, po organizon një”Dignitary Event” në New York. “

Siç e dini, tha ai gjatë dekadës së kaluar, ne kemi pritur personalitete nga parti të ndryshme dhe pozicione të ndryshme politike, të majtë dhe të djathtë, nga dy shtetet tona, Shqipëria dhe Kosova, të cilët na kanë dhënë një platformë unike për shkëmbimin e ideve, duke përfshirë dhe pyetje dhe përgjigje, një pratikë kjo e integrimit tonë këtu në SHBA, ku “seancat” janë të stilit të hapur. Gjatë viteve, ne kemi pritur me krenari Kryeministrin Berisha, Kryeministrin Rama, Presidentin Nishani, Presidenten Jahjaga, kryeministri Thaçi, Presdientin, Sejdiu etj.

Markola, gjithashtu u shpreh se :” Ne jemi të lumtur për të parë se që prej rënies së komunizmit, Shqipëria ka bërë shumë progres. Gjërat nuk janë më vetëm ëndrrat në të kaluarën, tani ato janë arritur dhe realizuar. Vendi është anëtar i NATO-s dhe tani në rrugën për një anëtarësim të ardhshëm në BE. Shumë gjëra të mira kanë ndodhur dhe ne jemi mirënjohës. Por ajo që ka ndodhur deri më tani nuk është e mjaftueshme. Të gjithë së bashku, duhet të kryejnë shumë më tepër” tha ai..

Lidhur me gjendjen e tanishme në Shqipëri, Markola tha se ata gjithashtu ndajnë disa shqetësime të përbashkëta, që shumë prej jush i dini, ju drejtua ai pjesmarresve duke veçuar të tilla si korrupsioni, ekonomia në stanjacion, pasuritë kombëtare me shitje të shfrenuar dhe çështja e imigrimit të vazhdueshëm të popullatës shqiptare jashtë vendit.

Në periudhën e komunizmit, tha ai Shqipëria ishte vendi më i varfër në Evropë. 25 vjet më vonë, vendi ynë nuk ka lëvizur shumë nga ai vend me ekonomi të vështirë. Shqipëria, është ende një nga vendet më të varfra në Evropë.

Demokracia në trojet shqiptare mbetet e brishtë me disa figura të dyshimta në pika të shquar. Duket se partitë politike në Shqipëri, pavarësisht 25 viteve në demokraci, nuk e kanë mësuar premtimin themelor të demokracisë për të fituar dhe udhëhequr mirë.

“Ne, theksojë Markola, do të donim të shikojmë në Shqipëri, shumë më shumë dialog mes palëve dhe më pak armiqësi. Ne do të donim probleme të zgjidhen, duke punuar së bashku. Vetëm, nga përvojat tona në SHBA, ne besojmë se dialogu dhe kompromiset sigurojn prosperitet dhe sukses” tha ai.

Më tej Markola sugjerojë se ka disa burime të mëdha që Shqipëria, që simbas tij ajo nuk i ka shfrytëzuar plotësisht.

“Së bashku me Kosovën, tha ai ne kemi popullatën më të re mesatare në Evropë. Kjo do të thotë se ne kemi atë që i mungon Europës sot dhe që është e re, e gjallë dhe e shkolluar shumë e gatshëme dhe në gjendje për të punuar dhe drejtuar vendin. Kështu, tha ai ne besojmë se të gjithë mbajnë përgjegjësi që të punojnë ngushtë së bashku për të përmirësuar ekonominë, dhe të ardhmen e vendit tonë” .

Ndëras konkludoi : “Në përfundim, si shqiptarë dhe si amerikano shqiptarë sonte këtu, ne jemi shumë krenarë për të gjitha arritjet deri tani. Në të njëjtën kohë, ne jemi të vetëdijshëm se më shumë mbetet për të gjithë ne për të bërë. Ne jemi të bindur se nëse punojmë së bashku, ne do të bëjmë gjëra të mëdha të ndodhën. Diaspora shqiptare është e madhe, është shumë e suksesshëme dhe, nëse kërkohet vetëm një përqindje e vogël e saj, ajo është e gatshëm, dhe në gjendje për të ndihmuar në mënyra të ndryshme të ndihmojmë për Shqipërinë, Kosovën dhe të gjitha trojet tona stërgjyshore,” tha në fund të fjalës së tij Nick Markola, i cili është një nga bashkë-themeluesit e APEN, dhe bashkë-kryetar dhe anëtar i bordit.

Kryetari i Partisë Demokratike , zoti Lulzim Basha , foli në fillim të fjalës së tij për vizitën në SHBA , e cila përkoi me 25-vjetorin e rivendosjes së marrëdhënieve diplomatike mes Shqipërisë dhe SHBA-së.

Ai foli gjithashtu për sfidat e Shqipërisë për ndërtimin e një demokracie funksionale dhe shtetit të së drejtës si zbatimi i reformës së Dekriminalizimit, zgjedhjet e lira dhe të ndershme dhe reforma në drejtësi të cilat kanë qene në qendër të axhendës së kreut të opozitës në SHBA.

Gjithashtu kreu i demokratve foli edhe për takimet në Washington, me zyrtarët e lartë amerikanë ku ai kishte diskutuar edhe për qendrimet e Partisë Demokratike për nxjerrjen e Shqipërisë nga kriza dhe për programin dhe alternativën qeverisëse të demokratëve.

Zoti Basha, u premtojë shqiptarëve të Amerikës, se do të bëjë çfarë është e mundur për të krijuar një infrasturkur të besueshme për të votuar diaspora shqiptare në Shqipëri, dhe shprehu atyre bindjen se nga diaspora do të dalin simbas tij 5 deputetë.

Më pasë zoti Bash tha se :”Përvoja e jetës më ka mësuar që gjithmonë të pyes njerëzit më në përvojë, mbasi edhe njerëzit e medhënjë e kan nsiur karierën e tyre duke pyetur. Këshilla e parë është vetvetja dhe kjo bëhet e vështrirë sapo hynë në politikë. Por në se përpiqesh kjo është një luftë brenda vetes në radhë të parë dhe lufta brenda vetes është lufta më e fortë. Pra, të qëndrosh tek vetvetja dhe të besoshë tek vetja jote, tek besimi i atyre që të kanë bërë të hedhish hapin të futesh në politikë

, u shpreh ai..

“Dhe e dyta, shtojë ai t’a kesh mendjen e hapur për të arritur objektivat e qëllimet parimore për të cilat politika duhet të angazhohet. Shpesh herë për të arritur objektivat lypet edhe krompomisi e megjithse aleatët gjenden në vendet më të pamenduara , ndonjëherë i ke edhe “armiqtë” apo kundërshtarët e tu aty ku t’i se mendon.

Politika është akti i zgjidhjes së problemeve, dhe jo i mos zgjidhjes dhe hapjes së problemeve. Pra zgjidhjes përmes asaj pa sakrifikuar, qëllimet, vlerat dhe moralin politik.”

Shqipëria, u shpreh Basha, nuk është sot ashtu si e paraqet propoganda e kësaj qeverie. 100 mijë shqiptarë janë larguar dhe simbas të dhënave të Ministrisë së Brendshme, gjermane, azilkërkuesit shqiptarë janë të dytët mbas sirianëve në Gjermani. Ndërkohë që Departamenti i Shtetit ka bërë të ditur se 200 mijë shqiptarë kanë aplikuar për Green Cards për programin e emigracionit.

Pra nga të cilët 200 mijë, aplikojnë kurse 100 mijë e kanë marrë një hap aktivë për tu larguar nga Shqipëria, vendi i tyre, dhe përbëjnë më shumë se 10 përqind të popullsisë rezidente të atyre që jetojnë në Shqipëri. Kjo nuk është propogandë me shifra të “gatuara” nga opozita por jan fake të pakontestueshme se cila është gjendja e shqiptarëve me këtë qeveri që shpiku rilindjen.”

Ai tha se per kete pyetja është pse po ndodh kjo pse po largohen shqiptarët nga vendi i tyre? Përgjigjeja jonë është kjo se “Shqiptarët, sot largohen për shkak të gjendjes së mjeruseshme ekonomike, dhe kësaj rilindije që premtojë kjo qeveri me të ardhur në pushtet”.

Ndersa u pergjegje se situata e keqe ekonomike, simbas meje është produkt i i kësaj keqeverisje, e cila me dy fjalë Shqipëria nuk është më, vend i opurtunitetit për një ardhmeri për të gjithë shqiptarët, por për të ardhur keq Shqipëria sot është një vend për opurtunitete vetëm për 5 njerëz në krye të saj, ku të gjithë shqiptarët e tjerë, duhet të luftojnë e punojnë vetëm për këta 5 njerëz. Kjo nuk quhet demokraci – kjo quhet oligarki!

Prandaj, tha ai ajo që duhet të ndryshojë është rithemelimi i konceptit të demokracisë, një demokracie të re me pjesmarrjen e të gjithë shqiptarëve. Ku çdo qytetar shqiptarë të jetë me të vërtet zotër në shtëpinë e vet, t’ua kthejnë Shqipërinë shqiptarëve.

Si mund të ndodh kjo së pari pyeti serish Basha, duhet shteti ligjor, që demokracia të fundksionojë . Qeveria të jetë përgjegjëse ndaj qytetarëve të saj. Por jo në se prishen zgjedhjet , blihen vota , në se persona me rekorade të tmershme kriminale që nuk kanë asnjë lidhje më PS apo PD, nuk asnjë lidhje me politikën, nuk kan qenë as edhe një ditë socialist apo demokrat , por që vijnë drejtpërdrejt nga burgjet e Europës, dhe SHBA, të dënuar më parë për krime të rënda të tipit të krimit të organizuar , pa pritur e shohen veten e tyre, deputet, apo kryetar bashkie dhe anëtar të kësaj qeverie.

Dhe kerkoje zgjedhjet e lira e të ndrshme, te cilat tha Basha janë themeli i demokracisë dhe demokracia është themeli i opurtunitetit . “Pse, sepse çfardo që të bëjë një qeveri , në fund duhet të jap llogari para “gjykatës më të madhe” pra popullit të saj. Mes zgjedhje të lira e të ndershme.

Kjo është e paparanueshme që nji qeveri të bëj çfarë të dojë ajo. Kjo po ndodh në shumë vende me ri-lindjen e kësaj qeverie. Por për Shqipërinë dhe shqiptarët, kjo është e paranueshme ashtu siç êshtë edhe për Partinë Demokratike, dhe opozitën në Shqipëri.”

Prandaj sqaroi Basha, zgjedhjet e lira e të ndershme janë e vetme zgjidhja – këtë kërkojmë dhe për këtë po luftojmë. Se çfarë po bejmë përpara shqiptarërve dua të them se nuk po vijmë vetëm si opozitë , por i kemi denocuar dhe iu jemi kundërvenë me guxim, me të gjithë deputete tanë në parlament. për tu shprehur me votë për zgjedhjet paralamentare në Shqipëri.

“Kjo sigurisht kërkon më shumë se vullnet politik , kërkon një infrastrukturë, dhe kusht që vota e shqiptarëve në Shqipëri të mos dhunohet, vidhet dhe tjetërsohet, me para, dhe të deformohet, sfidat janë shumë me të mëdha . Por nese ka fare pak vullnet politik, ka edhe zgjidhje”

Kryetari i Partisë Demokratike Lulzim Basha gjatë një vizitës në New York, sipas axhendës së tij dhe delagcionit që e shoqëronë atë do të marrë pjesë nesër në një meshë në Kishën Katolike Shqiptare në Amerikë, mmbi caktimin e datës 4 Shtator të Shejtërimit të Nana Terezes, dhe do të vizitojë shtëpinë e kollosve të kombit shqiptarë, Federatën PanShqiptare të Amerikës Vatra.