Revitalizimi i urës së Mitrovicës dhe hapësirës përreth shtyhet për maksimalisht 48 orë/
Pristina, 15 October 2015
The European Union will postpone for a maximum of 48 hours the start of revitalization of the Mitrovica bridge and its surroundings, scheduled to commence today, in order to provide all parties additional time to reach a mutually agreeable solution.
This short delay should enable conclusion of discussions on the Memorandum of Understanding on the municipal boundaries between the Mitrovica North and the Mitrovica South municipalities.
The EU is committed to achieving a consensus of all sides before commencing the works so that the revitalization can proceed smoothly in the interest of the citizens.
The EU Office in Kosovo/EU Special Representative will keep the public in Kosovo informed about future steps related to the revitalization of the Mitrovica bridge.
The revitalization of the Mitrovica bridge is foreseen by the agreement on the freedom of movement reached on 25 August 2015 between Pristina and Belgrade.
***
Revitalizimi i urës së Mitrovicës dhe hapësirës përreth shtyhet për maksimalisht 48 orë/
Prishtinë, 15 tetor 2015/ Bashkimi Evropian do ta shtyjë për maksimalisht 48 orë fillimin e revitalizimit të urës në Mitrovicë dhe hapësirën përreth saj, e planifikuar për të filluar sot, për t’ju dhënë të gjitha palëve kohë shtesë për arritjen e një zgjidhjeje të pranueshme.
Kjo shtyrje e shkurtër duhet të mundësojë përmbylljen e diskutimeve rreth Memorandumit të Mirëkuptimit mbi kufijtë komunal në mes të komunave Mitrovica Veriore dhe Mitrovica Jugore, thekson njoftimi dërguar nga Zyra e BE-së në Kosovë.
BE-ja është e përkushtuar për arritjen e një koncensusi mes të gjitha palëve para fillimit të punimeve në mënyrë që revitalizimi të bëhet qetësisht në interes të qytetarëve.
Zyra e BE-së në Kosovë / Përfaqësuesi Special i BE-së do të mbajë publikun në Kosovë të informuar lidhur me hapat e ardhshëm në lidhje me rivitalizimin e urës së Mitrovicës.
Rivitalizimi i urës në Mitrovicë është paraparë me marrëveshjen për lirinë e lëvizjes e arritur më 25 gusht 2015 në mes të Prishtinës dhe Beogradit./b.j/
MISIONI- I GËNJESHTRAVE
Nga Dr. Athanas Gegaj*/
Kur arrijti në Amerikë delegacioni komunist i Shqipërisë, po atë ditë filloi koha e gënjeshtrave në gjirin e komunitetit tonë. Shtypi i kohës këtu në Amerikë, pa dijtur se cka ishte duke bërë dhe pa i njohur, filloi të laudërojë këta “clironjës”, që u paraqitën me arrogancë dhe përulën komunitetin tonë. Ishte koha kur qeni nuk e njihte të zonë dhe bota po dilte nga një katastrofë, ku u cdukën dy tiranii dhe vendin e tyre në Europë lindore e mori tirania ruse, shumë më e keqe e anti-njerzore se ato të dy të tjerat. Bijët e kësaj tiranie janë ata, që sot kanë në dorë fatet e popullit shqiptar. Po qe se këtë të vërtetë nuk e kuptojnë shqiptarët e komintetit tonë këtu në Amerikë, atëherë këta s’kuptojnë gjësend në situatën e sotme në Shqipëri dhe në vende tjera ku dominon komunizmi. Fashizmi dhe nazizmi ishin me karakter kombëtar, por nuk njihnin të drejtat e ca popujve të tjerë dhe shkelnin ligjet nderkombëtare. Shkurt donin të themelonin perandori dhe të krijojnë një hegjemoni mbi popuj të tjerë.Komunizmi është nderkombëtar në politikë, po ku vë këmbë, aty krijon skllavë dhe shtetet bëhen vegla të politikës rë shtetit-komunist no.1, të Rusisë.
Komunistët e Nacional-Clirimtares ndoqën po këtë udhë: Gënjyen, mashtruan popullin, i ndanë nacionalistët e më në fund i vranë dhe e robënuen një popull. Kjo qe e kjo është situata sot në Shqipëri.
Por misioni i komunistave të Shqipërisë nuk mbaron këtu. Këta krijuan qëndra në Amerikë, në ca vende të Amerikës së jugut, në Francë e në Itali. Në Romë, pasi një nga të Legatës zgjodhë lirinë, dorëzoi listat e emerave të spiunëve dhe ngjanë ca skandale; në Paris ngjanë skandale, u dëbuan ca zyrtarë të Legatës së Tiranës dhe shumë nga agjentët ikën në vended të tjera. Në Amerikë agjentat po punojnë tash më se 20 vjetë dhe kurrkush nuk u thotë gjësend ! Këta deklaruan botërisht se vetëm ata që ishin të mirë për qeverinë e Tiranës, ata ishin të mirë dhe për komunitetin tonë! E nuk kishin faj !. Komunizmi ku vë këmbë, aty ai komandon dhe themelon organizime qënndrore(brigada) me cellule e qëndra të tjera spiunllëkut. Këto bëjnë rekrutime, bëjnë anëtarë, dhe preferojnë ata që kanë far’ e fis në Shqipëri. Këta i komprometojnë e më në fund i bëjnë skllav, sa që nuk është e mundur të dalin me nga rrjeti i komunizmit. Këso kallëpesh e tipesh kemi edhe në Amerikë. Kur “brigada” e Organizatës Qëndrore është formuar mirë dhe janë të zgjedhur ata që do të veprojnë, jo kurrë të gjithë së bashku, po tak-tuk, aherë fillon lufta, në fillim e mësheftë, pastaj më e qartë. Kjo luftë ka për qëllim qëndrat kombëtare, si p.sh. Vatrën dhe Kishën, faltoret e organizatat politike. Në cdo degë të tyre e ke agjentin e Tiranës. Luftën më të madhe ia bëjnë Kishës e Vatrës, sepse Kisha dhe Vatra janë dy shtylla të patronditura të popullit shqiptar dhe të komunitetit tonë në Amerikë. Por, mos harroni, se cdo organizatë fetare ose edhe politike i ka i ka agjentat mbrenda. E më të shumtën e herës këta diftohen më patriot se patriotët e vërtetë, më atdhetarë e më Amerikanë se Amerikanër e vertetë.
Agjentat e Tiranës në Amerikë nuk lozin një lojë por një qind lojëra. Ke për të parë në botimet e tyre gjëra patriotike Amerikane, ke për të konstatuar se këta janë liridashës, por mos harroni kurrë se këta nuk e ndërrojnë lëkurën e tyre të kuqe. Në fillim këta agjenta jepshin leje për pasaporta, i këshillonin anëtarët e komunitetit tonë të shkojnë në Shqipëri, dhe si shpërblim ju merrnin paratë ! Më vonë ia nisën me telefon e vizita. E qe se pse organi i brigadës qanë sot Behar Shtylllën, e nesër do të qajë edhe Halim Budon, sepse këta kanë ngrënë së bashku dhe janë përqafuar me Hysni Kapon i cili përdoronte edhe shputat për hajvanë e agjenta !
Përpara kësaj situate ca veta që mejtojnë se janë ata dhe asnjë tjetër, që jetojnë me spekulime dhe kurrkush nuk u aka parë hajrin tallen. Anëtarët e komunitetit tone cudhëzohen. Dhe sot këtu e nesër atje del ndonjë kendez i Tiranës dhe këndon fitore. Për agjentat e Tiranës të ckëputesh nga Vatra është një fitore e madhe ! Nuk kanë faj ! Është urdhëri ! Tirana sulmon Amerikën, agjentët e Tiranës sulmojnë Kishën dhe Vatrën dhe fusin përcarje në cdo organizatë që nuk i përulet Tiranës së kuqe, d.m.th, qeverisë së Hoxha-Shehu & Co.
Vatra sot e një mot është dule luftuar agjentat dhe po mbron Kishën nga ndërhyrjet e jashtëme. E shqiptaët e komunitetit tonë cka bejnë. Bejnë sehir e karavan’mileti shkon përpara ! Lumturisht në gjirin e komunitetit tonë kemi shumë burra, që nuk cajnë kokën për Tiranën dhe janë të vendosur të pastrojnë këta agjenta dhe të respektohen ligjet e Kishës dhe të Amerikës. Është luftë e ashpër, por do t’a fitojmë.
*SHËNIM: Ky editorial i Dr. Athanas Gegaj ishte botuar në gazetën “Dielli” më 27 prfill të vitit 1966. Zoti Gegaj ishte nje antikomunist i vërtetë, sic kishin qënë edhe editorët: Qerim Panariti, Xhevat Kallajxhi dhe Arshi Pipa. (Pergatiti:Gjekë Gjonlekaj)
Basha, takim me ambasadorin Lu
Ka përfunduar takimi mes ambasadorit amerikan, Donald Lu dhe kreut demokrat, Lulzim Basha. I shoqëruar nga deputeti Eduart Halimi, Basha zbardhi bisedat e takimit, ndërsa theksoi se Shqipëria po ecën me dy standarde.
“Komunikimi me partnerët tanë është intensiv sepse sfidat e Shqipërisë kërkojnë përkrahje të madhe. Falenderoj publikisht ambasadorin Lu për mbështetjen e tij dhe qeverisë që ai përfaëson”, tha Basha.
Sipas tij, në thelb të takimeve me ambasadorin Lu mbeten temat e dekriminalizimit dhe përpjekja e PD për të mos u mjaftuar vetëm me denoncimin e rasteve, por gjetjen e zgjidhjeve.
Basha tha se burgjet po mbushen me njerëz për kuponin tatimor dhe mospagesat e energjisë elektrike.
“Standardi Edi Ramës që po kapet me presh në duar duke vjedhur, dhe që përgjigje të vetme ka të heshtë dhe të mos japë përgjigje për 600 milionë euro të shqiptarëve”, theksoi ai duke e cilësuar qeverinë si të kalbëzuar dhe në degradim të vazhdueshëm..
Berisha në Cras Montana dhe surpriza e miqve për ditëlindje
Ish-kryeministri Sali Berisha feston ditën e sotme 71-vjetorin e lindjes së tij. Ai nuk ndodhet në Shqipëri, pasi një ditë më parë është nisur për në Zvicër për të marrë pjesë në Forumin e Crans Montana-s.
Por edhe këtu miqtë dhe pjesëmarrësit i kanë përgatitur një surprizë ish-kryeministrit Sali Berisha, duke e uruar në mënyrë të veçantë për ditëlindjen.
“Gjatë drekës zyrtare në Forumin e Crans Montana-s, miqtë dhe të pranishmit festë surprizë për ditëlindje. Falënderim dhe Mirënjohje!”, -shkruan ish-kryeministri Sali Berisha në profilin e tij në Facebook, duke e shoqëruar edhe me fotot e mëposhtme.
CEZ- PD AKUZON, SHTETI PERGENJESHTRON
“CEZ”, Paloka: Hetimi që nga Berisha; Gjiknuri e Cani: Së shpejti e vërteta/
-Reagon Avokatja e Shtetit: Një histori politike/
Kuvendi është përfshirë sërish, në seancën e kësaj të enjteje nga debati për aferën e CEZ, me opozitën që ka përsëritur akuzat ndaj qeverisë.
Partia Demokratike ka akuzuar gjithashtu mazhorancën se nuk po lejon futjen në programin e punimeve të parlamentit votimin e projektligjit për hetimin ndërkombëtar të çështjes.
Në vijim të debatit, deputetja e PD, Jozefina Topalli ka kërkuar që kryeministri Rama të vijë në Parlament dhe të japë llogari. Topalli ka deklaruar se, marrëveshja me CEZ u votua në fshehtësi të plotë në Kuvend.
Duke reaguar ndaj akuzave, kryetari i grupit parlamentar të PS, Gramoz Ruçi ka përsëritur qëndrimin e mazhorancës lidhur me këtë çështje, duke mos anashkaluar kallëzimin penal të bërë dje nga KLSH ndaj ministrit të Energjitikës, Damian Gjiknuri.
“Dje KLSH kallëzoi në prokurori objektin e hetimit tuaj: qeverinë Rama. Prokuroria le ta fillojë çështjen, mund të kërkojë ekspertizë amerikane apo europiane, është institucion i pavarur. Sa për kryeministrin, ai e ka thënë qartë se qeveria është e gatshme të thërrasë ekspertizë të huaj për hetimin”, ka thënë Ruçi.
Ndërsa kreu i grupit të demokratëve, Edi Paloka, përveçse ka kundërshtuar argumentet e mazhorancës për futjen në program të pr/ligjit, ka ironizuar qëndrimin e kryeministrit lidhur me hetimin e çështjes nga prokuroria shqiptare.
”Deri dje Rama fliste për një drejtësi të degjeneruar. Ndërsa sot, për këtë çështje, paska besim tek kjo drejtësi e degjeneruar. Këta shpresojnë se do të mbyllet edhe kjo çështje, por nuk ka për t’u mbyllur sepse është shumë e madhe. Nuk do të mbyllet edhe pse Edi Rama bëri marrëveshje me Ilir Metën. Nuk do të mbyllet sado që ata të përpiqen me procedura”, ka thënë Paloka.
Pretendimeve të qeverisë që hetimi të nisë që nga ardhja e CEZ në Shqipëri, Paloka u është përgjigjur duke thënë: “Hajdeni hetojmë nga Berisha tek Ridvani, por ta dini që Rama do të jetë ai që do dënohet”.
Ndërsa nënkryetarja e Kuvendit, Valentina Leskaj ka sqaruar se, “në konferencën e kryetarëve nuk është miratuar programi”. “Në programin e parë që do të miratohet, pr/ligji do të hyjë dhe rregullorja është e qartë sa i takon miratimit të programit të punës”, ka thënë Leskaj.
Ndërsa ministri i Energjitikës, Damian Gjiknuri, duke iu përgjigjur akuzave në adresë të tij ka deklaruar se, “kallëzimi i KLSH është vetëm një fletë-rrufe politike për të hedhur baltë ndaj qeverisë shqiptare”.
“Në raportin e KLSH fshihen shifrat konkrete të nxjerra nga auditi. Kjo është vetëm një luftë politike për të goditur një nga reformat më të suksesshme të qeverisë”, ka thënë Gjiknuri.
Në debat është përfshirë edhe ministri i Financave, Shkëlqim Cani, i cili ka deklaraur se përgjegjësit e vërtetë të krizës me CEZ janë krerët e qeverisë së kaluar, ndërsa ka paralajmëruar se, “e vërteta do të vijë shumë shpejt”.
Reagon Avokatja e Shtetit: Një histori politike/
Avokatja e Përgjithshme e Shtetit, Alma Hicka ka reaguar këtë të enjte pas kallëzimit penal të KLSH ndaj qeverisë lidhur me aferën e CEZ.
Në një prononcim për mediat, Hicka ka deklaruar se, kallëzimi penal është vetëm një veprim politik i paralajmëruar.
“Kallëzimi u publikua në media përpara se raporti përfundimtar të arrinte në zyrën time. Nuk ia vlen asnjë fjalë për kompetencën e këtij të ashtuquajturi auditim”, ka thënë Hicka.
Ajo është shprehur se, kallëzimi është vetëm një histori politike, “që ka prodhuar aktin e ulët të këtij procesi auditimi”.
“Ëngjëjt e sotëm do të përgjigjen përpara drejtësisë për djallëzitë e djeshme”, ka paralajmëruar më tej avokatja e Përgjithshme e Shtetit.
/ Top Channel/