Nga Beqir SINA/
NEW YORK CITY : Atmosfera kuq e zi, për atë që thirret “Ëndërra Kuq e zi – u bë realitet” kualifikimi i kombëtares së Shqipërisë, për në “Francë 2016”, më 11 Tetor 2015, në Erevan Armeni— tek shqiptarët e Amerikës përsëri ka qenë e jashtëzakonshme, e paparë ndonjëher në historinë e emigracionit.
Festa e shqiptarëve ngado ka nisur dje dhe nuk po ndalet!
Pjesmarrja e Shqipërisë në Evropianin e futbollit, France 2016 – ka bërë që me mijëra shqiptarë, në mënyrë krejt spontane të lënë lokalet nga ndoqën 90+3 minuta ankthi, dhe, menjëher të shperthejn rrugve të qyteteve me plot njerëz, duke valvitur flamurin kuq e zi dhe thirrjet entusiaste “Shqipëria- Shqipëria”, duke festuar kështu me madhështi edhe në Shtetet e Bashkuara të Amerikës.
Me konkretisht në kryeqendrën e “kohës moderrne” metropoilin e botës në New York, dje mbas dite deri në orët e vona kanë dalë për të festuar një numër i madh i tifozëve shqiptarë, të emigruar nga Shqipëria, Kosova, Mali i Zi, Maqedonia, Lugina e Preshevës, Arbereshët e Italisë, për të festuar kualifikimin historik në futboll.
Si shihet edhe në videot dhe fotografit e postuara në rrjetet sociale, nga shqiptarët e Amerikës, të cilat po qarkullojn në rrjetet sociale, shihet fare mirë se kryeqendra e shqiptarëve New Yorku, me qytetet e tij – Manhattan, Bronx, Kuins, Brooklyn dhe ishulli Staten Island – ka qenë të mbuluar për disa orë me flamujt kuqezi.
Flamujt kuqezi dhe brohoritjet entuziaste boriet e makinave dhe në disa vende edhe fishkezjarre – kanë tërhequr vëmendjen e amerikanëve dhe truistëve të huaj në rrugët e Nju Jorkut.
Kualifikimi i Kombëtares Shqiptare për në Francë 2016 ka bërë jehonë, të madhe edhe në shtypin sportiv këtu përtej oqeanit.
Mediat amerikane, dhe ato të shqiptarëve të Amerikës, gazeta shqiptaro amerikane Illyria, Dielli dhe Bota sot, në kronikat sportive të ditës së djeshme, por edhe sot kanë shkruar për fitoren e Shqipërisë me Armeninë dhe kualifikimin historik në Europian – Francë 2016.
Shqipëria, krahas Gjermanisë, Rumanisë, Polonisë mbrëm ka ka siguruar vendin e saj për në Euro 2016, theksonë media amerikane, ato shkruajn se Shqipëria bëri historinë duke mundur Armeninë me rezultatin 3 me 0.
“Kjo fitore i siguroi një vend në turneun e tyre të parë në ndonjë kampionat ndërkombëtar”, tha gjigandi sportiv amerikan i ESPN me bazë në Toronto – Kanada. CNN – në kronikën sportive duke përmbledhur të dielën sportive, tha se Shqipëria, krahas Gjermanisë, Rumanisë, Polonisë, mbrëm ka ka siguruar vendin e saj për në Euro 2016, Shqipëria fitoi në ndeshjen me Armeninë 3 pikë me 3 gola” tha CNN.
Shqipëria, tha Fox-sport, mbas 85 vjetëve prej krijimit të Federatës së Futbollit Shqiptarë, për her të parë në historinë e saj merr pjesë në Europian – një nga kompeticionet më të rëndësishme të futbollit botëror mbas atij të Kupës së Botës, kua Shqipëria nuk ka marr pjesë asnjëherë.
KAPITENI
Nga Ilir Levonja/
Lorik Cana e mbylli intervistën me fjalët e Samiut (Frashërit)…, ”shqiptarët më së pari duhet të mundin vetveten dhe do fitojnë shumë beteja”. Jo rastësisht ai ka qënë gjithmonë një referues i përkryer i çështjes kombëtare. Dhe e ka mbrojtur përmes një sjellje tepër profesionale. I është referuar pjekurisë së njerëzve që përmes urtësisë të gjejmë vetveten. Dhe kështu është. Dhe kështu ndodhi. Ky kualifikim historik do kishte ndodhur më përpara. Ndofta që më 8 tetor 2015. Por vrulli i ekzaltimit dhe devijimi i misionit të futbollit drejt nacionalizmave dhe furisë politike, u kthye një presion torturues për ta. Pa diskutim ka qënë nata më e vështirë. Ndaj ndodhi dhe ai rezultat që na fyu me shi akull të ftohtë.
Gjithsesi çfarë ndodhi sot është shuplaka më e fortë për politikën historike sidomos pas rënies së Perandorisë Osmane e këtej. Madje dhe fakti real pse ne jetojmë në pesë shtete.
Pikërisht këtij dështimi grindjesh të personalizuara, që nga familjet Vlora, Toptani, Zogu, Qamilët, etj. Revolucionet dhe anti të tillët. Shto edhe dhunën e diktaturës së proletariatit, ku humbën idealet, u shpik dhuna, krimi i tipit sheksiparian. Ekzekutimi i zërit ndryshe, shfarosja që shuajti aq jetë të pafajshme. Shpikja e armikut të klasës. Dhe jo ndofta, por gjëndja shfaronjëse e vetvetes që ia kaloi edhe fushatave pushtuese të Italisë dhe Gjermanisë. Që mire apo keq…, na njohën rreshtnash nëpër varret reale të truallit ilir. Por kjo nuk do ndodhte kurrë për faktin e dashurisë së përjetshme që ne krijojmë në raport me liderin. Jemi gati të varrosim gjithçka, si e si ta mbajmë tjetrin pafundësisht në pushtet. Të mbulojmë çdo krim të shëmtuar me egoizmin e detyrës dhe aspak të ndjesës njerëzore. Edhe pse hiqemi më katolikë se Papa. Edhe tregohemi më myslimanë se Allahu.
Jo më larg se dje, ndoqa një emison të titulluar ”Divorce Albanian Style” të një gazetare nga Bullgaria Adele Peeva. Mbi tërë atë kalvar të sajuar, torturash, barbarish etj. Ndarje që quhen si të sojit shqiptar. Më bëri përshtypje se si dy apo tre prokurorë çështjesh në fjalë. Edhe pas kaq e aq vitesh, nuk kishin kurajon të kërkonin një ndjesë publike. Karshi detyrës, aq më tepër pas mbarimit të saj, pas futjes së kohës në mes, pas një dështimi epokal…, ndjenja e reflektimit është më e prekshme. Më e lehtë për tu dalluar dhe e ndarë me ne njerëzimin qoftë edhe për të pastruar sado pak vrajet shpirtërore. Por çuditërisht që të tre ata, ish persekutorë nuk shfaqën as më të voglën ndjenjë pendese. Kjo edhe kur e vërteta tashmë njihet botërisht, për lojën e shpikjes së armiqve të klasës. Për vrasjet, shkatërrimin, denigrimet …, përmes arrestimeve, burgosjeve apo dënimeve afatgjata të pikërisht shqiptarëve të martuar me gra të huaja. Një absurditet i gjallë që sot ka fytyrën e devotshmërisë. Atëhere duhet ta dime mire të gjithë ne shqiptarët se, Enver Hoxha nuk e bëri vetëm diktaturën. Por bashkë edhe me ne. Që nuk ndjejmë aspak faj, që nuk skuqemi, që nuk dime të kërkojmë falje.
Pikërisht për këtë që nuk arrijmë të mundim veteveten.Loriku është shembulli që mundi vetveten. Kujtoni kohën e batutave dhe denigrimit duke filluar që nga Kosova. Tek ne, me aleancat politike që u përpoqën të përfitonin me anëtarisimin e tij. Siç ishte rasti I Aleancës Kuq e Zi që u kthye në parti politike. Dhe menjëherë Loriku, u çanëtarsua.
Shpesh kthehen në të tilla, shumë prej tyre. Dhe si parti shohin xhepat e vetit, më së pari. Kurse çështja mbetet thjesht demagogji. Këtë po bën Vetvendosja sot në Kosovë. Arriti deri tek gazi lotësjellës në Kuvend. Sepse nuk mundin dot vetveten. Kështu edhe ne, që edhe pse të degjeneruar,i pranojmë. Shqyejmë njëritjetrin dhe marrim rezltate të rekordeve botërore. Një komb në pesë shtete.
Megjithatë politika ka filluar më të madhe, që nga minuta e 85 e ndeshjes sot në Armeni.Të postojë foto nga djemtë atje, të postonin ngjyrën e kuqe. Që vet ata e kanë përdhosur. Të mburren me atë që ata e kanë shpërdoruar për kaq vite. Dhe që ata djem nga pesë treva të ndara e bën. Duhet thënë atyre djemve, kapitenit së pari, që të postojnë foto me njerëzit e thjesht, me shqiptarët kudo që janë. Jo me ata kollarexhinjë që na ndanë dhe vazhdojnë të na ndajnë.
Duhet thënë dhe politikanëve, merrni shembullin e djemve të kombëtares. Mundi vetveten.Dhe bëni një shtet që të krenohemi.
Kosova feston për Shqipërinë
-Për fitoren historike të futbollit shqiptar/
-Urojnë Mustafa, Veseli, Thaçi/
Nga Behlul Jashari/ PRISHTINË, 11 Tetor 2015/ Kosova feston për Shqipërinë, për fitoren historike të kombëtares së futbollit, të sportit shqiptar, qielli mbi Prishtinë përflaket sonte nga fishekzjarret, kryeqyteti kosovar jehon nga thirrjet e gëzimit e sirenat e automjeteve që defilojnë me flamuj kuqezi.
Fishekzjarret në sheshet plot njerëz e kudo para ekraneve televizive janë imazhet e kësaj mbrëmje gëzimi të madh edhe nëpër qytetet e tjera të Kosovës. Në sheshe ishin bërë organizime dhe vendosur ekrane të mëdha.
“Shqipëria shkruan historinë, kualifikohet në Euro 2016”, “Kuqezinjtë shkruajnë historinë”, “Shqiptarët janë në Francë”, janë tituj të raportimeve të medias kosovare.
“Shqipëria ka mposhtur Armeninë me rezultat të thellë 3 me 0 si mysafire për të siguruar kualifikimin direkt në Evropianin 2016, që mbahet në Francë”, theksojnë raportimet, përfshirë transmetimet e emisionet speciale të radiotelevizioneve kosovare.
Në këto momente në Prishtinë theksohet ideja që heronjtë kuqezi të futbollit shqiptar të kthejnë nga Armenia drejt Shqipërisë nëpër Kosovë e rrugës së kombit drejt Tiranës dhe të gjithë t’i presim dhe t’i urojmë nga afër.
“Ju lumtë djemve të kombëtares, gëzuar të gjithë shqiptarëve”, shkruan në ‘facebook’ kryetari i Kuvendit të Kosovës, Kadri Veseli.
“Urime kombëtares së Shqipërisë dhe të gjithë shqiptarëve anë e kënd!”, shprehet kryeministri i Kosovës, Isa Mustafa pas fitores historike në Armeni.
“Ishte ky një moment i shumëpritur dhe tani një kualifikim meritor për në Franca 2016. Për këtë u punua shumë, dhe një kontribut të spikatur e dhanë edhe futbollistët kosovarë, me lojën e të cilëve ndjehemi krenarë të gjithë shqiptarët”, thekson ai.
“Dekadat e ardhshme në sport do të jenë padiskutueshëm në favorin tonë, sepse tani edhe Kosova po depërton fuqishëm në skenën sportive ndërkombëtare dhe ne zotohemi se përkrahja institucionale nuk do t’u mungojë asnjëherë për sukseset e tyre të mëtejme”, përfundon kryeministri Mustafa.
“Kombëtarja kuq e zi shkruan historinë e futbollit shqiptar me shkronja të arta, kualifikohet për në Evropianin 2016 në Francë”, shprehet sonte zv/kryeministri e ministri i Jashtëm i Kosovës, Hashim Thaçi.
“Festë e jashtëzakonshme për të gjithë shqiptarët anembanë botës. I uroj djelmoshave kuq e zi shumë fat në EURO 2016”, thekson ai.
KOMBETARJA KUQ E ZI-NDERI I KOMBIT
Presidenti Nishani vlerëson Ekipin Kombëtar të Futbollit të Shqipërisë me Dekoratën “Nderi i Kombit”/
Presidenti i Republikës Bujar Nishani vlerëson Ekipin Kombëtar të Futbollit të Shqipërisë me Dekoratën “Nderi i Kombit” me këtë motivacion: “Në vlerësim të arritjes historike të kualifikimit për në fazën finale të Kampionatit Europian ‘Francë 2016’, për rezultatet e shkëlqyera sportive që mundësuan këto fitore si dhe për lartësimin e imazhit të Shqipërisë dhe shqiptarëve në botë duke na bërë më krenarë e të bashkuar se kurrë”.
NUK ESHTE ME ENDERR- JEMI NE FRANCE
*Shqipëria shkruan historinë/
*Kualifikimi në Evropian, FSHF përfiton 12 milionë euro, 2 milionë shpërblim për lojtarët/
Nuk eshte me enderr. Qe sot Shqiperia shkroi historine e enderruar nga brezat. Djemte Kuq e Zi, me De Biasin ne krye, me fitoren 3 me 0,e cuan Shqiperine ne Paris.
Festë e madhe në gjithë trojet shqiptare për fitoren e Kombëtares shqiptare, pas kualifikimet për herë të parë në kampionatin europian. Nesër ekipi i futbollit mbërrin në ora 13,00 në Rinas ku do të pritet nga dhjetra mijëra tifozë. Me pas ekipi do të dekorohet nga Presidenti i Republikës Bujar Nishani.
11 tetor 2015, data që hyri në historinë e futbollit shqiptar. Kombëtarja shqiptare ka shkruar historinë, duke bërë ëndrrën realitet. Pas fitores 3-0 me Armeninë, për herë të parë kuqezinjtë janë kualifikuar në një kompeticion të rëndësishëm, sic është ai Europian, në mesin e skuadrave elitare të futbollit
Shqipëria do të jetë pjesë e Europianit 2016 që do të zhvillohet në Francë.
Djemtë e De Biasit e kanë nisur shumë mirë lojën, për të arritur në minutën e 9′ ku me një autogol të shënuar nga mbrojtësi armen Kamo Hovhannisyan kaluan në avantazh.
Fillimisht ka goditur Basha, por topi u prit nga portieri, që nuk arrin ta kontrolloje topin duke e prekur Kamo Hovhannisyan, i cili e devijoi gabimisht duke e dërguar në portën e tij.
Në minutën e 23’ do të vinte goli i dytë për Shqipërinë, i cili do të shënohej nga Berat Gjimshiti. Memushaj pason një top të saktë në zonë për Gjimshitin, i cili më pas e ka dërguar në rrjetë për herë të dytë në pak minuta.
Pjesa e parë u mbyll me rezultatin 0-2.
Edhe pjesa e dytë nis me raste për Shqipërinë. Në minutën e 76’ Armando Sadiku ka shkundur për herën e tretë rrjetën e portës armene.
Me këtë rezultat Shqipëria renditet në vendin e dytë me 14 pikë pas Portugalisë.
Sapo u mbyll ndeshja në pankinën e Shqipërisë ka shpërthyer shampanja, ndërsa të gjithë lojtarët rezervë, trajneri De Biasi dhe stafi teknik vërshuan në fushë për të festuar. Ranë në sy lotët e kapitenit. Lorik Cana qante me dënesë për fitoren, para se t’i bashkohej festës me shokët e tij.
Trajneri De Biasi:
Fitorja me Armeninë e ka çliruar kombëtaren nga një barrë e rëndë, pas humbjes me Serbinë. Për De Biasin ka qenë moment për t’u shfaqur fitimtar. “Po them një gjë, qe ia thashë edhe me djemtë para ndeshjes. Kush ishte me ne në fillim? Pak vetë besuan tek ne kur debutuam në Gjeorgji. Por unë i thashë lojtarëve: Nëse ndiqni kërkesat e mia do ia dalim! Dikush na qeshi pas krahëve atëherë, por sot ai që qeshte, vjen pas nesh dhe gëzon edhe ai me ne.
Lorik Cana , kapiten i kombëtares:
“Humbja u bë me Serbinë dhe ne nuk na e ka ndryshu jetën, serbët do na shohin që luajme në Francë, nga lokalet duke pi birra dhe une i pershendes gjithsesi!” ka thënë kapiteni.
“Disa sharje na erdhen edhe nga njerezit tanë, pas asaj ndeshjeje, por ne nuk e kemi ul kokën se donim t’i gëzonim njerëzit tanë. Besoj ky grup lojtarësh e ka pasur diçka të veçantë. Kemi qenë lojtarë nga të gjitha trojet e shqiptarëve. Edhe nga Maqedonia, edhe nga Presheva. Është hera e parë që ka një perfaqësuese të vërtetë.” ishte vlerësimi i Canës për ekipin kombëtar.
Bujar Nishani, President i Shqipërisë
Udhë të mbarë në Europian , Shqipëri!
Edi Rama shkruan:Endrra e Pamundur u be realitet! Shqiperia ne historine e Finaleve te Europianit! Mirenjohje Kuqezinjve dhe DeBiazit ?
Ilir Meta shkruan:
Ekip i madh dhe urime Kombëtares. Jemi në Francë
Lulzim Basha thotë:
PERPARA SHQIPE!
Mirenjohje Kombetares Kuq e Zi!-Lironi Ballist Morinen!
Sali Berisha shkruan:Fitore historike 3 – 0 e ekipit te kombit tone me Armenine. Futbolli yne kombetar ne zenit. Mirenjohje te thelle, urimet me te perzemerta kuqezinjve qe firmosen sot ne Yerevan historine, ne radhe te pare De Biazit, kapitenit Cana, shenuesve te golave historike Xhemshiti dhe Sadikut, Berishes se pamposhtur dhe te gjithe Ekipit! Urimeee!!! Sb
Erion Veliaj poston në facebook:Shqiponjat shtegëtojnë n’Paris smile emoticon
Armando Duka, President i FSH:“Jam shumë i gëzuar, ishte fryt i një punë shumë të lodhshme. Të gjithë festojmë. Meritojmë të quhemi shqiptarë të vërtetë. Kanë dhënë shumë, besuam dhe ia dolëm. Pak na besuan, por ska gjë ne ia dolëm. Kata cuna meritojnë shumë dhe kanë dhënë shpirtin dhe zemrën.”, ka deklaruar Duka për Tvsh.
Fjalët e Etrit Berishës:
Jam shumë I emocionuar. Së pari dua të falënderoj trajnerin, futbollsitët dhe gjithë stafin. Është një mrekulli që ka ndodhur, Duke pasur parasysh edhe ndeshjet e fundit kemi sakrifikuar shumë. Kemi bërë gjithçka që është e mundur për ta realizuar këtë ëndërr. Nuk po mundem ta besoj ende. Në këto kualifikime kemi përjetuar gjithçka. Mirëpo në fund ia vlejti. Gjithçka që vjen si vështirësi del me sukses.
Kualifikimi në Evropian, FSHF përfiton 12 milionë euro, 2 milionë shpërblim për lojtarët/
Përveç gëzimit të kualfikimit historik të Kombëtares për herë të parë në një kampionat Evropian, fitorja 3-0 ndaj Armenisë sjell edhe një përfitim tëmadh ekonomik për Shqipërinë.
Federata Shqiptare e Futbollit ka fituar 12 milionë euro vetëm nga kualifikimi i Kombëtares në kampionatin Evropian të futbollit “Francë 2016”.
Kampionati Europian është mjaft fitimprurës për çdo ekip që arrin të kualifikohet, pasi UEFA, të drejtat televizive, por edhe sponsorët e ndryshëm sjellin përfitime marramendëse, sidomos për federata të vogla, si në rastin e Shqipërisë.
Vetëm për fazën e grupeve për kualifikueset Shqipëria mori 5 milionë euro. Ndërsa për kualifikimin, Shqipëria do të marrë 12 milionë euro. Të njëjtën shumë marrin të gjitha kombëtaret që kualifikohen, pa llogaritur financimet përmes sponsorëve. Ndërsa në fazën e grupeve në ‘Francë 2016’, çdo fitore vlen 1 milionë euro, ndërsa barazimet 500 mijë euro.
Gjithashtu nj përfitim të majmë ekonomik kanë përfituar edhe lojtarët e kombëtares shiptare për fitoren ndaj Armenisë. Zv/ Presidenti i FSHF, Lutfi Nuri ka konfirmuar se FSHF planifikuar të japë plot 2 milionë euro për ekipin, në formë shpërblimi, për fitoren ndaj Armenisë.