Përplasje e pikëpamjeve amerikane dhe ruse në OKB

September 29, 2015 by dgreca

Presidenti amerikan Barak Obama dhe Presidentin rus Vladimir Putin prezantuan pikëpamje krejt të ndryshme lidhur me mënyrat për të zgjidhur konfliktin katër vjeçar në Siri.Zoti Obama tha në fjalën e tij në Asamblenë e Përgjithshme të OKB-së se pas gjakderdhjes dhe kasaphanës që ka përjetuar Siria, ky vend nuk mund të rikthehet në status-kuonë e para luftës. Ai bëri thirrje për një “tranzicion të menaxhuar” për të larguar nga pushteti Bashar al-Assadin.

Por udhëheqës rus Vladimir Putin, i cili foli para Asamblesë së Përgjithshme për herë të parë në një dekadë, paralajmëroi se do të ishte gabim i madh të anashkalohej qeveria e Assadit në luftën kundër ISIS.

Zoti Obama tha se nuk ka “zgjidhje të lehta” për konfliktin në Siri, por theksoi se duhet të përdoret diplomacia “për të arritur një marrëveshje që populli sirian të mund të jetojë në paqe”. Ai e sulmoi Assadin si një udhëheqës “që hedh bomba mbi popullin e tij”.

“Katastrofa si Siria nuk ndodhin në vende ku ka një demokraci të vërtetë,”tha zoti Obama. Ai bëri thirrje për bashkëpunim global për të zgjidhur konfliktet në botë.

Por zoti Obama u doli gjithashtu në mbrojtje forcës ushtarake amerikane dhe fushatës së Shteteve të Bashkuara kundër ISIS në Irak dhe Siri.

Zoti Obama kritikoi Rusinë për aneksimin e Krimesë dhe rolin e saj në mbështetje të separatistëve që veprojnë në Ukrainën lindore. Udhëheqësi amerikan u doli në mbrojtje sanksioneve kundër Moskës, si një reagim i dokosdoshëm ndaj situatës në Ukrainë.

Presidenti Obama, fjalim në OKB

Presidenti Barack Obama tha se Shtetet e Bashkuara janë të gatshme të punojnë me Rusinë dhe me Iranin për një “periudhë kalimtare” që do të çonte në largimin e udhëheqësit sirian Bashar Assad nga pushteti.

Presidenti Obama i bëri komentet në fjalimin që mbajti sot përpara Asamblesë së Përgjithshme të OKB-së në Nju Jork.

Presidenti tha gjithashtu se përdorimi i sanksioneve kundër Rusisë nuk pasqyron një dëshirë për t’u rikthyer te lufta e ftohtë.

Duke iu drejtuar sesionit të 70 të Asamblesë së Përgjithshme të OKB-së Presidenti Obama vlerësoi rendin ndërkombëtar “që, siç tha ai, ka bërë të mundur arritjen e përparimeve të pashembullta në lirinë dhe dinjitetin njerëzor.”

“Ky përparim është i vërtetë”, tha presidenti, por ai paralajmëroi se ekzistojnë rryma të rrezikshme që mund ta shtyjnë njerëzimin drejt një bote më të errët dhe më të çrregullt.”

Ai tha se Shtetet e Bashkuara janë të gatshme të punojnë me Rusinë si dhe me Iranin për një “periudhë kalimtare të menaxhuar” që do të çonte në largimin e udhëheqësit sirian Bashar Assad nga pushteti.

Siria nuk mund të “kthehet në status quo-në e paraluftës,” tha Presidenti Obama.

Komentet e tij nxorën në pah tensionet mes SHBA dhe Rusisë, aleatit më të fortë Asadit. E ardhmja e Presidentit Assad pritej të jetë një ndër temat kryesore gjatë një takimi të pazakontë që do të ketë sonte Presidenti Obama dhe Presidenti rus, Vladimir Putin.

Presidenti Obama vuri në shënjestër drejtpërdrejt Rusinë në fjalimin e tij. Ai tha se vendet e botës nuk mund të kthehen tek mënyrat e vjetra të konfliktit dhe nuk duhet të shikojnë prapa.

Në qoftë se nuk punojmë së bashku në mënyrë efektive, ne të gjithë do të vuajmë pasojat,” tha Presidenti Obama.

Ai tha se përdorimi i sanksioneve kundër Rusisë nuk pasqyron një dëshirë për t’u rikthyer te lufta e ftohtë.

“Por ne, tha Presidenti Obama, nuk mund të qëndrojmë indiferentë kur shkelet në mënyrë flagrante sovraniteti dhe integriteti territorial i një vendi.”

Ai iu referua vendimit të Presidentit Putin për të dërguar trupa në Ukrainë në mbështetje të separatistëve.

Nëse kjo ndodh pa pasoja në Ukrainë, tha Presidenti Obama, ajo mund t’i ndodhë çdo vendi që përfaqësohet këtu sot.”

“Përfytyroni në qoftë se Rusia do të ishte angazhuar në diplomacinë e vërtetë. Kjo do të ishte më mirë për Ukrainën, por edhe më mirë për Rusinë. Dhe më mirë për botën,” tha Presidenti Obama.

Presidenti kritikoi gjithashtu mbrojtësit e Presidentit sirian Assad, duke thënë se alternativa në këtë rast është më e keqe. Ai la të kuptohet se ata që e miratojnë logjikën e Presidentit Putin po mbështesin “tiranët si Assadi që përdor bomba për të vrarë fëmijët”.

Presidenti Obama tha se Shtetet e Bashkuara nuk janë të ineteresuara për të izoluar Rusinë. Përkundrazi, tha ai, SHBA kërkojnë një “Rusi të fortë, të interesuar për të punuar me ne.”

Putin, thirrje për koalicion të gjerë kundër ISIS/

Presidenti rus Vladimir Putin e mori te Henen me 28 Shtator fjalën para udhëheqësve botërore të mbledhur për Asamblenë e Përgjithshme të Kombeve të Bashkuara. Zoti Putin u ndal tek situata në Lindjen e Mesme dhe Afrikën Veriore duke thënë se lëvizjet për ndryshim që filluan disa vjet më parë kanë sjellë kaos që po shfrytëzohet nga elementi ekstremist në zonë:

“Mjafton të shohësh situalën në Lindjen e Mesme dhe Afrikën e Veriut. Pa diskutim që problemet politike dhe sociale në rajon ziejnë prej kohësh, dhe pa diskutim që popullata e atjeshme kërkonte ndryshim. Por çfarë kanë arritur si përfundim? Ndërhyrje agresive të brendshme në këto vende kanë krijuar një situatë që në vend që të sjellë reforma, thjesht ka shkatërruar institucione dhe mënyrat bazë të jetesës. Në vend të suksesit, demokracisë dhe përparimit, sundon agresioni, varfëria dhe katastrofa sociale, port ë drejtat e njeriut, përfshirë të drejtën bazë për jetën nuk përfillen. Pyetja që kam për ata që krijuan këtë situatë është nëse e kuptojnë se çfarë kanë shkaktuar? Por kam frikë se kjo pyetje nuk do të marrë përgjigje, sepse situata u krijua nga politikanët që besojnë tek vetja dhe janë të bindur se janë plotësisht të pafajshëm dhe plotësisht në të drejtë. Është e qartë se në Lindjen e Mesme dhe vendet e Afrikës Veriore, vakumi i krijuar në qeverisje ka çuar në krijimin e zonave të përfshira nga anarkia, që menjëherë u vunë në shenjestër nga ekstremistët dhe terroristët”.

Zoti Putin kritikoi qëndrimin perëndimor kundër regjimit aktual sirian të Bashar al-Asadit, duke i cilësuar gabim përpjekjet për zëvendësimin e regjimit të Asadit.

Udhëheqësi rus u ndal edhe tek kërcënimi që paraqet për botën ideologjia ekstremiste dhe fushata e përgjakshme e ndërmarrë nga Shteti Islamik.

Presidenti rus Vladimir Putin i mëshoi nevojës për formimin e një koalicioni të gjerë ndërkombëtar për të luftuar ISIS.

“Situata në botë nuk mund të tolerohet më. Në fakt, propozimi ynë është që të udhëhiqemi jo nga ambicja, por nga vlerat dhe interesat e përbashkëta, bazuar në ligjin ndërkombëtar, të bashkojmë forcat për të zgjidhur problemet e reja me të cilat përballemi dhe të formojmë një koalicion të vërtetë ndërkombëtar, anti-terrorist me pjesëmarrje të gjerë”.

“Vendet myslimane duhet të jenë anëtare kyçe të këtij koalicioni. Në fund të fundit, ISIS nuk është thjesht një kërcënim i drejtpërdrejtë për këto vende, por me krimet e tij po përdhos një ndër besimet e mëdha të botës, Islamin”.

Rusia do të propozojë në Këshillin e Sigurimit një rezolutë për bashkërendimin e përpjekjeve ndërkombëtare kundër ISIS.

Jahjaga met with the representatives of the Global Community Engagement and Resilience Fund

September 29, 2015 by dgreca

*President Atifete Jahjaga met with the representatives of the Global Community Engagement and Resilience Fund/

*Kosova përfshihet në Fondin Global për Angazhim të Komunitetit dhe Rimëkëmbje/

The President of the Republic of Kosovo, Madam Atifete Jahjaga, met in New York the representatives of the Global Community Engagement and Resilience Fund (GCERF), Madam Carol Bellamy, Head of the Board and Mr. Khalid Koser, Executive Director of the fund, with whom she discussed about the inclusion of Kosovo in the initiatives of this organization to eradicate extremism and to prevent radicalism.President Jahjaga expressed her satisfaction on the decision of the Global Fund that in December of this year to formalize Kosovo’s inclusion as one of the five states that will benefit from the fund of 25 million euros for initiatives and projects which for aim have the prevention of radicalism and violent extremism.

The President stressed that it is good news that Kosovo has met the required criteria to become one of the five countries in the world to benefit from the initiatives of the fund at this stage and welcomes the visit of the representatives of this organization very soon in Kosovo.

This meeting is a continuation of the meetings that President Jahjaga has had with the representatives of this organization this year in Geneva. The Office of the President has communicated constantly with GCERF to include Kosovo in its background.

The Global Community Engagement and Resilience Fund has its headquarters in Geneva and was established as a global effort through the public-private partnership, in collaboration with the governments, the civil society and the private sector, to support the efforts of countries to address violent extremism and radicalism.

Kosova përfshihet në Fondin Global për Angazhim të Komunitetit dhe Rimëkëmbje/

-Presidentja Jahjaga u shpreh e kënaqur me vendimin e Fondit Global që në dhjetor të këtij viti të formalizojë përfshirjen e Kosovës si njërin nga pesë shtetet që do të përfitojnë nga fondi prej 25 milionë eurove për nisma dhe projekte që për qëllim kanë parandalimin e radikalizimit dhe ekstremizmit të dhunshëm/

NJU JORK, 29 Shtator 2015/ Presidentja e Republikës së Kosovës, Atifete Jahjaga, takoi në Nju Jork përfaqësuesit e Fondit Global për Angazhim të Komunitetit dhe Rimëkëmbje (GCERF), Carol Bellamy, udhëheqëse e Bordit dhe Khalid Koser, drejtor ekzekutiv i fondit, me të cilët diskutoi përfshirjen e Kosovës në nismat e kësaj organizate për të çrrënjosur ekstremizmin dhe parandaluar radikalizimin.

Presidentja Jahjaga u shpreh e kënaqur me vendimin e Fondit Global që në dhjetor të këtij viti të formalizojë përfshirjen e Kosovës si njërin nga pesë shtetet që do të përfitojnë nga fondi prej 25 milionë eurove për nisma dhe projekte që për qëllim kanë parandalimin e radikalizimit dhe ekstremizmit të dhunshëm.

Presidentja theksoi se është lajm i mirë që Kosova ka përmbushur kriteret e kërkuara për t’u bërë një nga pesë shtetet në botë që përfitojnë nga nismat e fondit në këtë fazë dhe mirëpret vizitën e përfaqësuesve të kësaj organizate shumë shpejt në Kosovë.

Ky takim është në vazhdën e takimeve që Presidentja Jahjaga ka pasur me përfaqësuesit e kësaj organizate këtë vit në Gjenevë. Zyra e Presidentes ka komunikuar vazhdimisht me GCERF për përfshirjen e Kosovës në sfondin e saj.

Fondi Global për Angazhim të Komunitetit dhe Rimëkëmbjes ka selinë në Gjenevë dhe është themeluar si përpjekje globale përmes partneritetit publiko-privat, në bashkëpunim me qeveritë, shoqërinë civile dhe sektorin privat, për të mbështetur përpjekjet e shteteve për të adresuar ekstremizmin e dhunshëm dhe radikalizimin./b.j/

Cili ishte Nilo Catalani ?

September 29, 2015 by dgreca

Nga Fahri XHARRA/
Vazhdimisht Athina zyrtare ka vënë në veprim ndaj kombit shqiptar sharlatanizmat e veta, me frymë grabitqare e shovinizëm të egër! Historikisht, vetëm na është rënë në qafë, dhe si shumë! Si shumë është përdorur gjuha greke e nënçmimit dhe e ndërhyrjes në punët e brendshme të shtetit sovran shqiptar.
Që Greqia është e banuar nga një grumbull sllavësh, shqiptarësh, latinsh, dhe në sasi të vogla edhe nga gjermanikë, keltë, normandë (Kryqëzatat) e nga hebrenj (shekulli I e II pas J.K.) kjo, as që lë shteg për dyshimin më të vogël. Veçse grekët, s’ka pse ndihen të turpëruar për këto origjina. Një përzierje racash nuk është domosdoshmërisht e keqe. Kurse tjetra: Duan apo s’duan grekët : Jo vetëm tërë Bregu është me identitet të pastër shqiptar, por edhe krejt Veriu i Greqisë kontinentale përmban troje të mirëfillta shqiptare të grabitura jo më larg se Lufta e parë botërore, që nga Arta, Preveza, Janina e Mecova – përfshirë tërë Çamërinë historike martire – gjer në Kostur, Follorinë e Manastir.
Strabon-i na mëson se “kombet epirotike” ishin “barbare”, domethënë të huaja para racës dhe gjuhës greke (Vepra, Strabon, VII, 6-13, f. 267. bot. Dübner-Muller).

2° Jo vetëm që shqiptarët nuk kanë emigruar në ndonjë Epir grek, por janë pikërisht grekët ata që kanë emigruar, në numër të vogël në Epirin shqiptar.

3° Përherë shqipja është quajtur “gjuha epirotike”. Dictionarium latino-epiroticum (Fjalori latono-epirot) i F. Blanchus (Frang Bardhit), Romë, 1635, provon pikërisht këtë. Jo më larg se para dyzet vjetësh, Rossi botonte përsëri në Romë një “Vocabolario italiano-epirotico” që nuk është tjetër veçse një fjalor shqip.

4° Në të gjitha veprat e botuara para periudhës së intrigave greke, përngjashmëria midis fjalëve Epir dhe Shqipëri e Poshtme është e përkryer.

5° Po e njëjta gjë edhe në hartat gjeografike. Po kënaqem me një shembull të vetëm: më 1827, admiraliteti anglez botoi një hartë zyrtare të Brigjeve të Shqipërisë, hartë e përgatitur nga një komision hartografësh anglezë, austriakë dhe napolitanë: krejt brigjet e Epirit përfshihen në të.1

6° Rusët, francezët dhe anglezët kanë pasur njëri pas tjetrit në ishujt jonianë një regjiment që e kanë quajtur zyrtarisht Regjimenti shqiptar. Krejt ushtarët e këtij regjimenti ishin rekrutuar në Epir, të gjithë ishin të së njëjtës fe me grekët dhe prapë, të gjithë e quanin veten shqiptarë dhe flisnin shqip.

Por, ne do të flasim për Nil Katalanin dhe rolin e tij si shqiptar dhe rolin e tij ne ruajtjen e gjuhës shqipe.

Nga Matteo Mandela mesojmë që: “Nilo Catalano ishte një sicilian prej një fshati të provincës së Mesinës (sipas biografit Menniti ishte nga Castania, sipas studiuesit Pietro Pompilio Rodotà ishte nga Massa). Me prejardhje familjare ndoshta spanjolle (sikundër del nga mbiemri që është shumë i përhapur në Sicili edhe mes arbëreshëve), Catalano do të ketë lindur aty nga viti 1637…Borgia saktëson se Catalano «nuk ishte as shqiptar dhe as prej Orientit me origjinë, por u bë i tillë prej vullnetit të hekurt që e karakterizonte». Përveç greqishtes së vjetër dhe asaj popullore, studioi me pasion të veçantë edhe shqipen, gjuhë në të cilën shkroi disa vjersha tetëvargëshe që sot na kanë mbërritur përmes Kodikut të Kieutit (1736-1739) të Nikollë Filjas, edhe ai prift nga Munxifsi. Sipas Zef Skiroit, Catalano la edhe një dorëshkrim të vëllimshëm, që sot konsiderohet i humbur, i cili përmbante një gramatikë dhe një fjalor të shqipes.
Me anë të një letre të datës 29 gusht 1692 Catalano e pranoi detyrën e re dhe e «të dielën e datës 4 të muajit janar 1693 u shugurua në kishën e Kolegjit të Propagandës Fide, sipas ritit bizantin prej, imzot Onofrio Costantini-t, arkipeshkvit të Dibrës, i dërguar në Shën Athanas». Në pranverën e vitit 1693, i shoqëruar nga murgu i ri arbëresh Filoteo Zassi, Catalano mbërriti në Korfuz. Më 10 maj u njoftua se «mbërriti në krahinën e Himarës imzot Nilo Catalano, arkipeshkëv i Durrësit dhe Vikar Apostolik, i cili ndaloi për të kaluar verën në selinë e Dhërmiut, që është një vend i shëndetshëm dhe i bollshëm me ujëra dhe ku ka vërejtur se nevoja për kulturë shpirtërore është më e madhe, meqenëse kjo gjë u është mohuar këtyre njerëzve prej gati 23 vitesh pas largimit të misionarëve apostolikë».
Catalano informonte Vatikanin se i kishte dhënë «përparësi ngritjes sërish të shkollës për të rinjtë dhe fëmijët për t’u mësuar të gjithëve Doktrinën e Krishterë». Saktësojmë këtu se mësimi i katekizmit zhvillohej në gjuhën shqipe, sipas një tradite që kishin themeluar arbëreshët në Sicili qysh nga viti 1592 kur Lekë Matranga ngriti shkollën e parë të katekizmit në arbërisht. Mirëpo edhe më parë, së paku qysh nga viti 1584, në Veri të Shqipërisë dhe në viset e Kosovës së sotme ishin hapur shkolla katekizmi në shqip nga vizitatori apostolik Comuloviç. Ky zhvillim përbënte një kthesë të rëndësishme sepse pranohej zyrtarisht nga Selia e Shenjtë përdorimi i gjuhës shqipe për shqiptarët e Himarës dhe rrethinave të saj, duke u njohur atyre një të drejtë që pushtuesit osmanë ua kishin mohuar. Shkolla e katekizmit pati sukses. «Pas gjashtë muajsh që ndodhet në Dhërmi, ku jetojnë 1850 frymë, ngriti shkollën me tetëdhjetë të rinj, të cilët mësojnë ndër të tjera edhe Doktrinën e Krishterë në ditët e diela».

Catalano punoi mes vështirësish dhe pengesash të mëdha. Përveç trysnisë dhe kërcënimeve të osmanëve që synonin t’ua ndërronin fenë shqiptarëve, atij iu desh të përballej edhe me armiqësinë e kishës ortodokse…… (Mjerim i njëjtë si ne kohen e Katalanos )

Miku Monet Maneshi shkruan : Është koha kur Athina zyrtare të japë prova konkrete dashamirëse ndaj Shqipërisë dhe shqiptarëve, koha kur Athina t’i flasë më në fund rradakes!

Referencat : Faik Konica, Matteo Mandela, Mikom Zeqo, Edi Rama,Monet Maneshi

Fahri Xharra 28.09.15
Gjakovë

Çedomir Jovanoviq:Pavarësia e Kosovës, çështje e kryer

September 29, 2015 by dgreca

PRISHTINË, 29 Shtator 2015/ Presidenti i Partisë Liberal Demokratike në Serbi, Çedomir Jovanoviq, e konsideron si proces të pakthyeshëm pavarësinë e Kosovës. Ai thotë se realitetin në Ballkan nuk e njohin vetëm politikanët e papërgjegjshëm.

Shteti i Kosovës është një proces i pakthyeshëm dhe ai vazhdon të injorohet vetëm nga politikanët e papërgjegjshëm. Kështu ka deklaruar në një intervistë ekskluzive sot në gazetën kosovare “Zëri”, presidenti i Partisë Liberal Demokratike në Serbi, Çedomir Jovanoviq. Ai thotë se sa më shpejt që Kosova të pranohet nga Organizata e Kombeve të Bashkuara dhe nga Bashkimi Evropian është më mirë që konfliktet e vjetra me Serbinë të kthehen në një marrëdhënie të respektimit të dyanshëm, “në shpresë dhe miqësi”. Politikani më i moderuar serb Jovanoviq, duke folur për themelimin e Asociacionit të Komunave me shumicë serbe në Kosovë ka thënë se shpallja si “fitore” nga ana e Serbisë me këtë Marrëveshje është vetëm një vazhdim i politikave destruktive në Beograd që humbjet t’i cilësojë si fitore. Duke pranuar se Serbia ka kryer krime të tmerrshme në Kosovë, Jovanoviq, që në Serbi e njohin si “Çeda”, i ka ftuar serbët e Kosovës që t’i mbrojnë vetë interesat e tyre e jo të lejohen të manipulohen nga Beogradi. Jovanoviq ka folur edhe për klasën politike në Serbi dhe në Kosovë, idenë e ish-kryeministrit, Zoran Djindic, për zgjidhjen e çështjes së Kosovës, si dhe për shqiptarët në Luginën e Preshevës./b.j/

Kosova drejt UNESCO-s, hapa përpara

September 29, 2015 by dgreca

-Shtypi: Serbia e pranon se e ka humbur betejën me Kosovën për UNESCO/

Nga Behlul Jashari/ PRISHTINË, 29 Shtator 2015/ Edhe Principata e Monakos nënshkroi si bashkësponsorizuese kërkesën e Kosovës për anëtarësim në UNESCO. “Tani janë bërë 47 shtete që janë rreshtuar përkrah neve në kërkesën që çështja e anëtarësisë sonë të shqyrtohet nga Bordi Ekzekutiv në tetor”, ka bërë të ditur zv/kryeministri e ministri i Jashtëm i Kosovës, Hashim Thaçi nga Nju Jorku. “Po ecim përpara hap pas hapi”, është shprehur ai.Shtypi në Prishtinë sot thekson se, krerët shtetërorë të Kosovës që me vete kanë marrë edhe shumë zyrtarë me rastin e 70 vjetorit të Asamblesë së Përgjithshme të Kombeve të Bashkuara, janë fokusuar në promovimin e anëtarësimit të Kosovës në UNESCO.

Por, kundërlobim të fuqishëm është duke bërë edhe Serbia, e cila ka kërkuar që Kosova mos të shpërblehet me anëtarësim në UNESCO. Megjithatë zyrtarë serbë e kanë pranuar se do ta kenë vështirë që ta ndalin anëtarësimin e Kosovës në UNESCO, shkruan sot Koha Ditore me titullin në ballinë “Serbia e pranon se e ka humbur betejën me Kosovën për UNESCO”.

Presidentja Atifete Jahjaga, kryeministri Isa Mustafa e ministri i Jashtëm, Hashim Thaçi, janë prijësit e delegacionit prej 25 vetash, të cilët kanë udhëtuar për Nju-Jork.

Shefi i diplomacisë së Kosovës, Thaçi, ka njoftuar se janë fokusuar në promovimin e anëtarësimit të Kosovës në agjencitë e OKB-së dhe organizata ndërkombëtare.

Në 12 shtator zv/ministri i Jashtëm kosovar, Petrit Selimi, në një konferencë të jashtëzakonshme shtypi bënte të ditur se Kosova bëri hapin e parë drej anëtarësimit në UNESCO dhe theksonte se Shqipëria kishte një rol fundamental thelbësor për shtyrjen e procesit përpara.

“Kërkesa për plikim është dorëzuar nga Shqipëria dhe është nënshkruar nga 44 shtete anëtare të UNESCO-s që përbën një numër rekord të bashkësponsoruesëve në historinë e re të UNESCO-s”, dekaronte zv/ministi i Jashtëm kosovar, Selimi.

“Ambasadorja në delegacionin e Shqipërisë në UNESCO, Besiana Kadare ka luajtur një rol fundamental”, vlerësonte ai.

Ministri i Jashtëm Selimi bënte të ditur se Kosova ka aplikuar për anëtarësim në UNESCO gjatë verës përmes Nju Jorkut, sipas rekomandimeve nga vet agjencia gjegjëse e Kombeve të Bashkuara. “OKB në Nju Jork ka autorizuar UNESCO-n me mekanizmat e saj t’i prijë procesit në mënyrë të pavarur”, shtonte ai.

Bordi Ekzekutiv i UNESCO-s do të shqyrtojë kërkesën e Kosovës për anëtarësim në 3 tetor, ndërsa Asambleja e Përgjithëshme e UNESCO-s pritet të votojë në javën e parë të nëntorit, me ç’rast do të kërkohen 2/3 e votave për pranimin e Kosovës në këtë agjenci të OKB-së.