dgreca – Page 5364 – Dielli

Votimet më të mira të organizuara ndonjëherë në Shqipëri dhe qejf mbetja gazetareske

July 5, 2013 by dgreca

Shkruan:Hajro Çini M.A. Economics/

Në liri e drejta e shprehjes, e drejta e përzgjedhjes, e drejta e vlerësimit, apo jo, dhe shumë të drejta të tjera janë vlera kaq themelore sa që ti imponohesh dikuj, qoftë edhe me dashamirësi, është e jashtkohshme. Kështu edhe me letrën që një djalë 16 vjeçar, plot ëndërra, i lutet Dr. Berishës të mos largohet nga politika dhe Dr. Berisha me shumë kulturë përgjigjet. Një akt i tillë ka shqetësuar jo pak një zonjën Buçpapaj, që e mban veten për gazetare, dhe përpiqet ti imponohet të tjerëve që të mos e lexojnë atë këmbim.

Me zonjën në fjalë, unë jam ndeshur shpesh, kështu që edhe kjo përgjigje e rradhës nuk përbën risi.

Zonja në fjalë deklaron se është gazetare dhe merr kredit që i përket antikitetit, më konkretish Kasandrës, në lidhje me rezultatin e zgjedhjeve, ku ajo shprehet se e kishte paralajmëruar verdiktin e popullit, “sovranit” siç kanë qejf ta quajnë shpesh politikanët kur janë të mbështetur nga ai.

Janë bërë disa analiza edhe në gazetën Dielli, ku më të spikaturat, për mendimin tim, kanë qënë shkrimet e Dr. Enver Bytyçit dhe shkrimi i Dr. Elton Marës, “Fitoi apo humbi sovrani/populli”.

Si cilësia e shkrimeve, si niveli etik dhe profesional i të dy personave ka qënë shumë i lartë. Pakrahasueshmërisht më i lartë krahasuar me të tjerë, që, vend e pa vend përmëndin titullin gazetar.

Unë nuk do ti hyj arsyeve personale dhe vetiake të zonjës në fjalë, për ngazëllimin e humbjes së PD-së, se nuk dua të bie në atë nivel, por po parashtroj disa gjëra që mua më kanë bërë përshtypje në këto zgjedhje dhe pak më gjërë.

Së pari, është hera e parë që komunistët, të kamufluar si socialistë apo LSI-stë, vinë në pushtet pa dhunën e armëve, por me një mënyrë pak më paqsore. Ata erdhën në pushtet me votën e blerë të “sovranit”. Ka me qindra raste të kapur në Shqipëri në këtë aktivitet. Edhe pse kjo dhunë quhet në perëndim, për standartet ku ka kaluar Shqipëria është progres.

Së dyti, për herë të parë, pala humbëse e njeh rezultatin pa asnjë kontensim, edhe pse atje ka me mijra raste të regjistruara. Edhe ky është një progres për tu përshëndetur. Këtu dallon ana që punon për kombin dhe jo për veten me palën që nuk do t’ja dijë asfare për komb, por për interesa të shovinizmit fqinjë, që edhe i organizoi më 8 nëntor 1941 në një parti kriminale.

Së treti, pas 8 vitesh në pushtet rotacioni është një gjë normale në një demokraci, qoftë edhe të brishtë.

Së katërti, të gjithë akuzat që i bëheshin Dr. Berishës si diktator, që po përpiqej të zaptonte të gjithë institucionet, për të sunduar, morën fund mbrënda natës. (Zonja në fjalë ka qënë ndër zërat më të çjerrë kundër kësaj “diktature”).

Së pesti, humbi ajo anë që kishte bërë shumë për çështjen kombëtare, që kishte bërë shumë për zhvillimin kombëtar, për progres dhe përparim. Kishte futur Shqipërinë në NATO, kishte hequr vizat për shqiptarët në Europë, kishte ndërtuar një infrastukturë fantastike nëpër gjithë Shqipërinë, dhe “sovrani” votoi anën tjetër, që për 50 vjet e kishte vrarë “sovranin”, e kishte shkatërruar në çdo anë, qytetare, kombëtare, ekonomike, politike shoqërore etj. Më e çuditshmja pa asnjë program të qartë elektoral.

Së gjashti, pala humbëse, e drejtoi Shqipërinë për 8 vite. Me gjithë progresin në shumë fronte, qeverisja pati edhe mangësi. Pati edhe fusha ku dështimi ishte total, si tek pronat, pati fusha ku duhej të ishte bërë më shumë. Është dëmshpërblyer vetëm 25% e asaj që duhej bërë për shtresën e persekutuar, (edhe pse kjo qeveri është e vetmja që ka bërë diçka dhe ajo që po vjen jo vetëm që i ka shkaktuar krimet, jo vetëm që i neglizhoi kur ishte në pushtet për 8 vjet, por edhe do të bëj të njëjtën gjë sapo të marrë pushtetin.)

Administrata tregoi një paaftësi, arrogancë me qytetarin, dhe një korrupsion të papranueshëm. Por etika, mendoj unë, është problem kombëtar. Njeriu i Ri që formoi rregjimi komunist nuk ka as ndërgjegje as etikë. Duke shtuar këtu edhe faktin se prokuroria, ajo që duhet me kushtetutë të luftojë korrupsionin, ishte një celulë komuniste në shërbim të agjendës politike, në shkelje të Kushtetutës, të ish Presidentit Bamir Topi. Megjithatë pavarësisht nga shkaqet “sovrani” ndëshkoi këtë aspekt të kësaj qeverie, duke vërtetuar qartazi, se ai ka mundësi, me votime, të shprehet pa frikë.

Së shtati, “sovrani” ndëshkoi jo vetëm partinë më të madhe që kishte qënë në pushtet për 8 vjet, por edhe partinë më të madhe opozitare. Nga 66 deputetë që kjo parti kishte më 2009, sot ka vetëm 61. Dhe kjo duke mos qënë në pushtet, pra e pakonsumuar nga pushteti, nuk arriti të fitojë, të paktën të kishte qënë në nivelin e para 4 viteve. “Sovrani” shpërbleu me shumë gjenerozitet, partinë e tretë më të madhe në Shqipëri. Atë që kishte qënë në pushtet per 45 muaj dhe opozitë pak më pak se 3 muaj. Kjo parti kishte edhe një specifikë shumë domethënëse. Kryetari dhe nënkryetari i saj, kur ju prishën pazaret, u shfaqën në TV me zë dhe figurë, me bllok në dorë duke kordinuar aktete e tyre korruptive. Të dy dolën jo fajtorë, sepse pavarësisht se çfarë shprehu gjykata, regjistrimi ishte bërë pa aprovimin e një gjykate dhe për rrjedhim prova ishte ligjërisht e papranueshme në gjykatë. Por ndërsa Meta mund të mos dënohej ligjërisht, me të drejtë, kjo nuk mund të thuhet moralisht. Bota perëndimore ka një standart interesant, konliktin e interest në fakt dhe në aparencë. Kur ka një hije dyshimi për një shkelje standarti, qoftë edhe e pafaktuar, personi i dyshuar nuk mund të kryejë funksionin. Thënë qartë, një gjykatës që është pare për shëmbull në një klub sporti, ku rastësisht shihet edhe dikush që do të gjykohet në atë gjykatë është arsye e mjaftueshme që ai gjykatës të mos jetë pjesë e gjykimit, edhe pse ai mund të mos ketë pasur asnjë kontakt me personin që po gjykohet.

Së fundi, të marrësh atributet dhe statusin e gazetarit, duhet në rradhë të parë duhet, mendoj unë, të mos jetë ithtar politik i cilido krahu qoftë, apo më keq, kur të prishen pazaret, të hidhet nga ithtar në kundërshtar të rreptë. Një rast i tillë tregon shumë edhe për integritetin professional apo etik të gazetarit dhe sipas standardeve ndërkombetare të gazetarit profesionist, të skualifikon direkt nga ai status.

Hajro Çini M.A. Economics

Shkrimet e fundit me te lexuar ne Dielli online

July 5, 2013 by dgreca

Per muajin qershor rezulton se shkrimet me lexuara ne Dielli online jane:

1- Fahri Xharra: Raca shqiptare dhe shamijat arabe- ne vend te pare me 1143 lexues

2- LAMTUMIRË MANJOLA MIRAKAJ LIBOHOVA!-, me 636 lexime

3- Fahri Xharra- Boll mo! E kemi kuptuar lojën, me 470 lexues

4- Thirrja e Federates vatra per zgjedhjet e 23 Qershor, me 205 lexues

5- Beqir Sina”Parada e 28 e emigranteve ne New York, 175 lexues

6- Dr. Elton Mara: Fitoi apo humbi sovrani, Popull?- 114 lexues

7- Branko Manojlovski, njeriu qe po ringjall ortodoksizmin shqiptar ne Maqedoni,, vizitoi Kishen e Elbasanit te At Markut, me 180 lexues

8- Beqir Sina: Parada Shqiptare me 176 dhe “U larguan mbetjet komuniste” por, Ju na i sollët në Amerikë ! me 109

9- Dr. Enver Bytyci” Berisha, kritika unikale dhe gabimet njerëzore të tij”-109

10- “Edlira Bucpapaj: GENTJAN, ENDRIT, JU LUTEM MOS E LEXONI LETRËN E SALI BERISHËS”, me 108

11- Sofra poetike e Diellit: Elida Bucpapaj, Neki Lulaj, Gezim llojdia,Dorina Guci-146 lexues

12- Mimoza Dajci:Ju qe shkaterruat PD-125 lexues

NË KËRKIM TË ZËVENDËSIT TË BERISHËS

July 5, 2013 by dgreca

Basha apo Olldashi? Njëri prej dy kandidatëve tashmë të vetëm do të jetë pasardhësi i Sali Berishës në Partinë Demokratike të Shqipërisë.

Gara për pasardhësin e kryetarit historik të Partisë Demokratike,(PD) Sali Berisha do të ketë vetëm dy finalistë: Lulzim Bashën, kryetar i Bashkisë së Tiranës, dhe Sokol Olldashin, Minisër i Transporteve dhe i Punëve Publike, në qeverinë në largim të kësaj partie. Dy kandidaturat u zyrtarizuan dje kur Berisha, kur deklaroi se “Kryesia paraqet para anëtarësisë Lulzim Bashën dhe Sokol Olldashin si kandidatura zyrtare të PD për postin e kryetarit të saj”. Pas rreth dy javeësh, më 22 Korrik, gara do të përfundojë dhe në krye të PD do të jetë njëri prej të dyve.
Paraqitja e kandidaturave filloi një javë më parë kur Berisha vendosi të japë dorëheqjen nga të gjitha postet drejtuese në PD, si reflektim për humbjen e thellë të zgjedhjeve parlamentare të 23 qershorit. Edhe pse gara ishte e hapur dhe për këtë post mund të kandidonte çdo anëtar i PD, pati vetëm 4 kandidatura, nga të cilat kryesia e PD përzgjodhi vetëm dy. Pasardhësi i Berishës do të marrë përgjegjësinë “ të ngrejë PD nga humbja e thellë në një fillim tëri , të fuqishëm” si deklaroi Berisha në ditën e shpalljes së vendimit për dorëheqje.

Fillim i ri për rikthimin në pushtet – një anëtar, një votë.

Fillim i ri projektohet në një mënyrë të re zgjedhjeje të pasardhësit. Për herë të parë që nga krijim i saj në vitin 1991, Partia Demokratike, do të votojë për dy kandidaturat sipas parimit “një anëtar, një votë”. Zgjedhjen e kryetarit të ri të PD sipas këtij parimit e deklaroi vetë Z. Berisha kur tha se “PD ka pësuar një humbje dhe për të është jetike një fillim i ri”. Fillimin e ri e premtojnë dy kandidatët për të marrë postin e kryetarittë PD. Lulzim Basha, kryetar i Bashkisë së Tiranës, premton se qëllimi i tij si kandidat për të qënë pasardhës i Berishës do të jetë” ringritja e PD dhe fitorja e ardhëshme, ngritja e një sistemi të qartë dhe transparent të meritës dhe kreditimit për kontributet e çdo anëtari të saj”. Ndërsa Sokol Olldashi, Ministër i Punëve Publike dhe Transportit, deputet në katër legjislatura, premton të “rindërtojë themelet morale, mbi të cilat PD do të duhet të rikthehet në pushtet”.

Pasardhësi i Berishës, demokracia e brendshme dhe ridimensionimi i PD

Votimi më 22 korrik do të përcaktojë se cili do të jetë fituesi i garës për të marrë postin e kryetarit të Partisë Demokratike. Aanalisti i pavarur politik në Tiranë, Aleksandër Çipa mendon se nuk ka reflektim për humbjen, nuk ka garë të vërtetë. ”Mënyra sesi u zgjedhën dy kandidaturat, e ka përjashtuar leximin drejt të votës kundër që më se 1 milion qytetarë të Shqipërisë i dhanë PD. Votimi sipas parimit demokratik “një anëtat, një votë” kur dy kandidaturat i përzgjodhi me dorën e vet Berisha, mendon se kthehet në një alibi përballë opinionit publik, përballë anëtarësisë së PD lidhur me mungesën e dermokracisë së brendshme në PD, zotërimin e të gjitha pushteteve nga kryetari i partisë. Përsëris, dy kandidaturat finale janë dizenjuar nga kryetari historik, Sali Berisha. Dy kandidaturat nuk qetësojnë grupet e përfaësimit në PD dhe aq më pak idealistët e PD”.

Përzgjedhja e Bashës dhe Olldashit si kandidatët e vetëm për të qënë pasardhës të Berishës, shihet më tepër sesa si kandidatura në inters të Berishës sesa për ringritjen e PD nga gropa e thellë e humbjes. “Berisha me përzgjedhjen vetë të pasardhësit, kërkon garanci politike dhe garanci pë trashëgiminë politike. Kjo zgjedhje do të bunkerizojë PD. Ridimensionim i PD për të riardhur në pushtet është vetëm një utopi, sepse nuk ka asnjë provë për reflektim ndaj votës së sovranit popull” thotë Aleksandër Çipa .Ish deputeti i PD, anëtar i forumeve të larta të saj, Aleksandër Biberaj, mendon se “përzgjedhja nuk reflekton humbjen në 23 qershor. “ Berisha vazhdon të sillet me të njëtën arrogancë që e coi në humbje. Nuk ka konkurrencë reale, nuk ka garë, kandidatët janë të emëruar nga lidershipi aktual i PD. Do të jetë një lidership i ri, që do të vazhdojë në rrugën e lidershipit të vjetër” thotë Biberaj. Ai e cilëson arrogancë ekstreme faktin që nuk u lejua të depozitojë dokumentacionin për të vënë kandidaturën e tij për postin e kryetarit të PD.

Lideri historik dhe pasardhësi

Modeli politik i drejtimit të PD nga Berisha humbi më 23 qërshor. Por deri tani duket se kjo nuk e ka zbehur vendimmarrjen, pothuajse absolute në PD.

“Askush nuk e zëvendëson dot Sali Berishën, ai është lideri ynë historik, burim i pashtershëm force, energjie dhe krenarie për çdo demokrat” tha pasardhësi i tij potencial, Lulzim Basha. Opinioni i analistëve politikë të Tiranës mendon se Basha do të jetë kryetari i PD. Nëse kjo ndodh atëhere ai do të drejtojë partinë e djathtë më të madhe në Shqipëri, që në shtator kalon në opozitë, duke mos qënë deputet në Parlament. Kjo do ta vërë atë në të njëjtën pozitë si kryeministri i ardhshëm Edi Rama, kur ishte kryetar i Bashkisë së Tiranës dhe i PS, pozitë që Basha e kritikoi me forcë, në fushatën e zgjedhjeve lokale të 2011-ës, kur erdhi në krye të bashkisë së Tiranës me vendim të Kolegjit Zgjedhor.

”Ky është një tregues i mungesës së qëndrimeve parimore dhe integrale të PD” shprehet për DW Aleksandër Çipa. PD fitoi në mënyrë plebishitare zgjedhjet parlamentare të vitit 1992 dhe Berisha u zgjodh President i Shqipërisë. Ai erdhi sërish në krye të PD në vitin 1997, kur humbi zgjedhjet e parakohshme parlamentare të atij viti, pas trazirave që shkaktuan rënia e firmave piramidale dhe rënia e qeverisë së PD, me kryeminister Aleksandër Meksin. Për 16 vjet me rradhë, 1997- 2013, PD, më e madhja në spektrin e djathtë të Shqipërisë u drejtua nga Sali Berisha. Gjatë kësaj periudhe, PD ka qënë 8 vjet në opozitë dhe 8 vjet në qeverisje , ku Sali Berisha ka mbajtur të dyja postet : atë të kryetarit të PD dhe të kryeministrit të Shqipërisë. Partia Demokratike e Shqipërisë ështe anëtare e Partisë Popullore Europiane dhe e Bashkimit Ndërkombëtar Demokrat.(Ani Ruci, DW)

Pope John Paul II approved for sainthood

July 5, 2013 by dgreca

The Vatican has announced it will canonize Pope John II saint. The announcement came after a second miracle had been attributed to the late pope, according to Vatican officials.

Less than 10 years after his death, the Vatican announced on Friday its plans to canonize the late Pope John Paul II.

Pope Francis approved a second miracle attributed to the late pontiff, clearing the way for sainthood.

Karol Wojtyla – Pope John Paul II’s given name – was born in Poland in 1920. He was elected to the pontificate in 1978, becoming the first non-Italian pope in 400 years. During his time as leader of the Roman Catholic Church until 2005, the Polish-born pope enjoyed international popularity for his likeability and charisma.

His opposition to communism during the Cold War has been credited as a crucial factor in the formation of the Solidarity labor movement in 1980, which gradually helped erode Communist power in Eastern Europe by the end of the decade.

The Church beatified Pope John Paul II in 2011 after finding evidence of what they said was the first credible miracle resulting from his intercession.

Surprise dual canonization

The Vatican also announced on Friday that Pope John XXIII, who had led the Church from 1958-1963 and had overseen the Second Vatican Council, would also be made saint. The pope reportedly approved the second canonization even though Vatican officials had not brought forth evidence of a second miracle, the general requirement for sainthood.(DW)

PRESIDENTI NISHANI: KLD NJEH VETEM KUSHTETUTEN, JANE PA BAZE KRITIKAT!

July 5, 2013 by dgreca

Presidenti Nishani vlerëson punën e anëtarëve të Këshillit të Lartë të Drejtësisë: Ky Institucion i pavarur funksionon vetëm mbi bazën e Kushtetutës dhe të ligjit/

Tirane- 5 korrik 2013/ Presidenti i Republikës dhe njëkohësisht Kryetari i Këshillit të Lartë të Drejtësisë, Bujar Nishani duke drejtuar mbledhjen e radhës, vlerësoi maksimalisht punën e deritanishme të këtij Këshilli dhe anëtarëve të tij duke theksuar se: “Ky Institucion kushtetues e i pavarur funksionon vetëm në bazë të ligjeve dhe Kushtetutës së vendit”.

Në mbledhjen e sotme Presidenti Nishani vuri në dukje se ditët e fundit janë bërë akuza dhe sulme të pabazuara nga aktorë të ndryshëm të politikës kundër punës së Këshillit të Lartë të Drejtësisë.

Presidenti Nishani inkurajoi anëtarët e Këshillit të Lartë të Drejtësisë duke u shprehur se ata nuk e lidhin punën e tyre me mazhorancat politike, me atë të Parlamentit, të qeverisë dhe të asnjë institucioni tjetër të veçantë. Kryetari i Shtetit i nxiti anëtarët e Këshillit të Lartë të Drejtësisë për të vazhduar punën në respekt të vlerave, në respekt të ekzistencës dhe funksionimit të institucioneve të pavarura të pandikuara dhe të paintimiduara nga asnjë kah, si dhe të përgjegjësisë së madhe që kanë përballë opinionit publik e qytetarëve shqiptarë, përgjegjësi që vjen duke u rritur nga dita në ditë për të vendosur standarde të cilat do të jenë të pakthyeshme në kohët dhe ditët e ardhshme.

“Këshilli i Lartë i Drejtësisë e ka bazuar, e ka organizuar tërë veprimtarinë e tij dhe ka funksionuar vetëm mbi bazën e ligjit, të së drejtës që ky ligj i jep për të përmbushur misionin dhe detyrat e tij kushtetuese dhe ligjore.” – theksoi Presidenti Nishani.

Kreu i Shtetit, duke sjellë si shembull pozitiv procedurën e ndjekur për herë të parë në përzgjedhjen e gjyqtarëve të Gjykatës Aministrative të Apelit, nënvizoi së Këshilli i Lartë i Drejtësisë ka sjellë për herë të parë modelin e ri dhe transparent të pikëzimit përsa i përket vlerësimit të gjyqtarëve, duke shtuar se Këshilli ka marrë vendime të rëndësishme pozitive në drejtim të ruajtes së pavarësisë së gjyqësorit, integritetit moral dhe profesional të gjyqtarëve dhe se do të vazhdojë të qëndrojë në këtë lartësi.

Në përfundim të fjalës së tij Presidenti i Republikës u shpreh se është i bindur që anëtarët e Këshillit “do t’i japin një kontribut shumë të madh në radhë të parë ndjeshmërisë së opinionit publik, pritshmërive të opinionit publik dhe mbi të gjitha sistemit gjyqësor, i cili ka nevojë për monitorim të fortë, për reforma të forta, për inkurajime të modelit pozitiv, dhe për penalizime të ashpra të modeleve negative.”