dgreca – Page 5490 – Dielli

EDHE NE NEW YORK GATISHMERI E LARTE PAS AKTIT TERRORIST NE BOSTON

April 16, 2013 by dgreca

Andrew Cuomo: “Unë i jam drejtuar, në cilësinë e guvernatorit të shtetit të New Yorkut, dje agjencive shtetërore, duke përfshirë edhe Divizionin e Sigurisë Kombëtare dhe Shërbimet e urgjencës, Policise se Shtetit, MTA dhe Autoritetit Portual, që të jenë në një gjendje të lartë gatishmërie deri sa kemi për të mësuar më shumë në lidhje me këtë akt.”

Nga Beqir SINA/

NYPD on high alert in New York City’s Times Square after the Boston Marathon blasts, with President Obama’s televised address as the backdrop. The explosion, coming at a revered sporting event, caused network to break into regular programming and stay with the tragedy. NEW YORK CITY – Një çift i bombave të fuqishme shpërtheu vetëm disa hapa me vijën e finishit në maratonën e Bostonit të hënën, duke vrarë të paktën tre veta mes tyre një fëmijë 8 vjeçarë Martin Richard, dhe duke plagosur më shumë se 100 persona të tjerë në mesin e tyre ka edhe konkurrentë dhe spektatorë, sipas autoriteteve lokale të policisë. Policia, e Bostonit, gjithashtu tha se zbuloi një bombë tjetër të pa shpërthyer e vënë qëllimisht përgjatë rrugës ku po përmbyllej maratona, duke shtuar se gjendja pas shpërthimeve ishte kaotike në përgjigjen emergjente që forcat e shumta po trajtonin viktimat e gjakosur – duke përfshirë të paktën shtatë fëmijë – dhe kalimtarë të hutuar në tentativë për t’u larguar për sigurinë. Presidenti Barak Obama, iu drejtua kombit Amerikan disa orë nga shpërthimi nga Shtëpia e Bardhë të hënën, duke u zotuar se “autorët e këtij akti do të zbulohen dhe kan për të marrë përgjigjen e merituar rreth shpërthimeve, të cilat thanë se FBI është duke i hetuar si terrorizëm i mundshëm. Presidenti i Shteteve të Bashkuara, Barack Obama, është zotuar se përgjegjësit e krimit do të sillen para drejtësisë. “Ne ende nuk e dimë se kush e ka bërë këtë ose përse, andaj njerëzit nuk duhet të bëjnë konstatime para se t’i kemi të gjitha faktet. Por, ne do të merremi me këtë, do ta gjejmë se kush e ka bërë dhe pse e ka bërë. Të gjithë individët përgjegjës, të gjitha grupet përgjegjëse do të ndjejnë peshën e drejtësisë”, ka thënë presidenti Obama, duke u bërë thirrje qytetarëve të Bostonit “që të qëndrojnë të bashkuar dhe të kujdesen për njëri-tjetrin”. Presidenti nuk iu referua çiftit të shpërthimeve në Boston si një sulm terrorist, por një zëdhëns federalë nga Byroja Federale e Hetimeve – FBI tha se kjo axhensi zbulimi ishte duke i trajtuar dy shpërthimet të koordinuara dje në Maratonën e Bostonit si një akt i terrorist. Agjenti i FBI Richard Deslauriers, tha në një konferencë shtypi gjatë natës së hënës disa orë mbas shpërthimeve se agjencia e tij kishte marrë rolin udhëheqës në hetimin e çiftit të shpërthimeve në Maratonën e Bostonit, duke vrarë të paktën tre dhe duke plagosur më shumë se 100 persona të tjerë në mesin e tyre ka edhe konkurrentë dhe spektatorë, sipas autoriteteve lokale të policisë. “Kjo është një hetim penal dhe është një hetim i trajtuar si akt terroristë,” tha ai. Shpërthimet, në Boston dje tërhoqën vëmendjen maksimale të Policisë dhe forcave të ruajtjes së rendit në New York në një përgjigje të shpejtë nga New York Police Department, e cila ka mobilizuar në pjesët më strategjike të qytetit dhe njësi anti-terroriste, skuadra bombë-shkatërruese, dhe kudo sot në mënegjes duket prania shtesë e forcave të armatosuar rëndë dhe uniformë, sidomos në stacionet e trenave dhe të autobusve, hotelet, aeroportet, urat, shkollat, spitalet, stadiumet, qendrat muzeale dhe monumentet kryesore të New York Cityt dhe ndërtesave të larta grdacieleve. “Ne kemi rrit sigurinë në hyrje të tuneleve, shkollat e larta,spitalet, stadiumet, hotelet, stacionet e trenave dhe autobusve, aeroportet dhe vende të tjera të rëndësishme në qytetin e New Yorkut, me anë të vendosjes së trupave shtesë së NYPD, forcave speciale dhe gardës kombëtare e ushtrisë amerikane, në përgjigje kritike (CRVs) rreth shpërthimeve në Boston ,” tha zëdhënësi i departamentit, të policisë së NYPD Paul Browne, në një e-mail . New Yorku, qyteti amerikan që ka kaluar aktin terrorist më të madh në historinë e SHBA, 12 vjet më parë më 11 shtator 2001 kur humbën jetën afro 3 mijë vetë, prej shpërthimeve në Boston, dje në mesdrekë, ishte në gatishmëri të lartë, i për forcuar me praninë e madhe të forcave të policisë, gardës, kombëtare, forcave speciale dhe ushtrisë amerikane, duke rrethuar, stacionet e trenave të nëndheshëm, sheshet qëndrore, monumentet e mëdha, muzeumet, shkollat dhe stadiumet. Më shumë se 700 njerëz nga New York konkuruan në maratonën Boston këtë vit. Rreth 532 konkurrentët ishin nga Manhattani, 145 nga Brooklyni, 10 nga Queens, 17 nga Bronxi dhe shtatë nga Staten Island, sipas organizatorëve dhe asnjeri deri tani nuk rezulton se ka lëndime. Kryetari i Bashkisë së New Yorkut, Miachel Bloomberg kërkoi që njujorkezët të mbajnë sot ceremoni përkujtimore për viktimat dhe familjet e tyre, dhe të drejtojnë lutjet e tyre, për shërimin sa më të shpejtë të të lënduarve. Ai shtoi se 1,000 pjesëtarë të njësisë kundër terrorizmit të NYPD janë vënë në gadishmëri në qytetet prej sot. “Unë kam folur me Komisionerin e Policisë Kelly Ray, për të rritur sigurinë në vende strategjike dhe të infrastrukturës kritike, duke përfshirë, urat, tunelet dhe stacionet e trenave dhe autobusve në qytet. Disa nga hapat e sigurisë që ne jemi duke marrë mund të jenë të dukshme, duke përfshirë vendosjen e automjeteve të sofistikuara dhe të blinduara, automjetet e “Reagimit Kritik” dhe personel shtesë të policisë, dhe të tjerë, por që nuk janë për të ngjallur panik, por që njerëzit të jenë të qetë, dhe sa më të sigurtë “tha ai. “Ne kemi 1000 anëtarë të NYPD të caktuar për të vepruar kundër-terrorizmit, dhe ata – së bashku me tërë NYPD dhe Gardën Kombëtare do të jenë përgjatë infrastrukturës kundër terrorizmit – të gjithë jemi të mobilizuar plotësisht për të mbrojtur qytetin tonë”. theksoi Kryetari i Bashkisë së New Yorkut, Miachel Bloomberg Departamenti i Transportiti të Udhëtarëve MTA – New York, tha se ka vënë në detyrë forcat e saj të policisë dhe se do të rritë patrullat dhe inspektimet në stacionet e trenave. “MTA është duke shtuar patrullat e mbulimit dhe inspektimet e lëvizjes së njerëzve. Gjithë personeli i sigurisë dhe të gjithë të punësuarit do të jenë vigjilent”, ka thënë zëdhënësi i MTA Kevin Ortiz. “Kjo lloj gadishmërie do të vazhdojë deri sa të zbulohet plotësisht shkaku i shpërthimeve në Boston. NYPD është gjithashtu në gatishmëri dhe tregoi se ata do të japin vëmendje shtesë për sistemin e metrosë”, tha Ortiz. Governatori i New Yorkut, Andrew Cuomo vuri në dukje se të dielën pjestarë të Gardës Kombëtare, nga New Yorku, kishin dërguar tri automjete dhe gjashtë ushtarë për të mbështetur sigurinë në maratonën e Bostonit. Ai shtoi se në New York agjencitë janë në një gjendje të gadhishmërisë së lart për të rritur vigjilencën. “Mendimet dhe lutjet tona janë me popullin e Bostonit – Massachusetts, në tragjedinë e tmerrshme në maratonën e Bostonit,” tha ai. “Unë i jam drejtuar, në cilësinë e guvernatorit të shtetit të New Yorkut, dje agjencive shtetërore, duke përfshirë edhe Divizionin e Sigurisë Kombëtare dhe Shërbimet e urgjencës, Policia e Shtetit, MTA dhe Autoriteti Portual, që të jenë në një gjendje të lartë gatishmërie deri sa kemi për të mësuar më shumë në lidhje me këtë akt.”

Një zëdhëns i FBI nga New Yorku, foli nga Bostoni për kanalin televizivë të qytetit NY1 duke thnë sipas tij se :” Bombat shpërthyen në sekonda me njëra-tjetrin në orën 02:50 të mesdrekës dhe ishin të vendosura rreth 50-100 metra larg njëra tjetrës afër tribunës së mbylljes së Maratonës së Bostonit. Ata kanë ndodhur katër orë pas fillimit të garës vjetore ku marrin pjesë mijëra vrapues, nga e gjithë bota, duke përfshirë shumë atletë njujorkezë,” tha ai. Komisioneri i policisë së Bostonit, Ed Davis tha se shpërthimet deri tani të paktën kan vrarë tre veta – duke përfshirë një djalë 8-vjeçar – dhe plagosën më shumë se 100 njerëz. Gjashtë fëmijë janë dërguar në Spitalin e Fëmijëve Boston. Kushtet e tyre varionin nga serioze në të mirë. Ai nuk tha nëse njujorkezët ishin në mesin e të plagosurve. Davis tha se policia kishte marrë në pyetje disa persona, si të dyshuar por askush nuk ishte nën arrest dhe nuk kishte dyshime themeltare deri më tani, për ndonjerin perj tyre. Një agjentë anonim i FBI tha se dëshmitarët kan parë një njeri të ikte i “hutuar” të cilin policia po e kërkon dhe mendon se lagimi i tij dukej i dyshimtë. Zyrtarët, thanë se njerëzit që kan pasur të afërmit e tyre në Maratonë apo si spektatorë mund të telefonojnë në numërin e telefonit 617-635-4500 për të gjetur nëse dikush ishte plagosur në shpërthimet. Autoritetet thanë, gjithashtu se kanë vendosur një numër për ata që do të konsiderohen si dëshmitarët mund të telefononi 1800-494-tips nëse ata kanë ndonjë informacion. Komisioneri i policisë inkurajoi njerëzit në Boston të shkojnë në shtëpitë e tyre, dhe të nisin jetën normale. “Njerëzit duhet të jenë të qetë. Ata duhet të kuptojnë se kjo është një ngjarje e rëndë dhe ne kemi nevojë për të gjitha informatat në dispozicion për ne, njerëzit nuk duhet të jetojnë më në frikë” tha ai. Natën e fundit, guvernatori i Massachusetts Patrick Deval , tha “Qyteti i Bostonit është i hapur dhe i qetë dhe kështu do të jetë i hapur sot e çdo ditë, por kjo nuk do të jetë për zonën ku ndodhën dy shpërthimet, sidomos për biznes si zakonisht”, tha ai. “Nuk do të jetë e hapur nga prania e hetimeve në përputhje me peshën dhe seriozitetin e hetimeve të vazhdueshme.” Administrata Federale e Aviacionit ka krijuar zonë të ndalim-fluturimit mbi vendin e ngjarjes. Komisionari i policisë në Boston, Edward Davis, ka thënë se po punohet në stabilizimin e situatës, ndërsa nga qytetarët ka kërkuar që të jenë të kujdesshëm. “U rekomandojmë njerëzve që të qëndrojnë në shtëpi; nëse janë në hotelet pranë zonës, të kthehen në dhomat e tyre, të mos shkojnë kudo dhe të mos mblidhen në turma të mëdha. Duam të sigurohemi se kemi stabilizuar plotësisht situatën”, ka thënë Davis. Forcimi i sigurisë është bërë edhe përreth qyteteve më të mëdha dhe kyçe të Shteteve të Bashkuara në, Kalifoni, Çikago, Nju Jork, Dallas, Feniks, dhe Uashington.

KONTRIBUTI LETRARO – HISTORIK I DR. SELIM BEQIRIT

April 16, 2013 by dgreca

Nga Albert HABAZAJ/*

Selim Beqiri është një figurë e njohur në botën e shkrimit. Mendimin e tij të shkruar bujarisht dhe me dinjitet shkencor e ka blatuar në Tempullin e Shenjtëruar të Fjalës, ku është pranuar me fisnikëri, sepse e ka merituar. Studiues, doktor i shkencave albanologjike, tash’ e 40 vjet më parë, pjesëmarrës me ligjërata e kumtesa në veprimtari shkencore kombëtare e rajonale, me objekt kryesisht vlerat etnokulturore e atdhetare të Labërisë; me kontribute të vyera për njohjen e vendlindjes, të personaliteteve të ndryshme historikë e socialë, për vlerat morale, vetitë e virtytet e bashkëkrahinorëve të tij; veprimtar i njohur shoqëror, i cili, shfrytëzimin e dobishëm të kohës e ka një nga gjërat më të çmuara – ky telegrafisht ëshët portreti i studiuesit skrupuloz Selim Beqir Beqiri 77 vjeçar, me banim në Tiranë dhe me origjinë nga Tërbaçi i Vlorës, i lindur më 15 maj 1936. Kontributi i tij letraro – historik ravijëzohet në faktin se, me botimet e realizuara është shfaqur si një studiues konsekuent në dy plane: në zbatimin e parimeve të historizmit dhe në respektim të parimeve estetike të letërsisë, duke e gjetur çelësin e suksesit tek ura harmonike që i lidh tezat e tij themelore historike – etnologjike dhe letrare. Paradigma e veprës së tij të botuar është vërtetësia logjike në funksion të qartësisë kombëtare, në trajtë të lokalizuar, si studiues i mirë, si mësues model, si frymëdhënës i arkivave, si atdhetar i vlefshëm.

Konferenca Kombëtare e Studimeve Etnografike / 28 – 30 qershor 1976, organizuar nga Akademia e Shkencave, Instituti i Historisë, Sektori i Etnografisë ishte kuvendi i mendimtarëve të etnokulturës shqiptare. U ligjëruan 53 referate dhe 10 diskutime për kulturën shoqërore dhe kulturën materiale dhe artistike. Krahas korifejve shqiptarë të mendimit me përmasa europiane Aleks Buda e Eqrem Çabej, krahas Mark Krasniqit e Hivzi Islamit nga Prishtina, krahas kualiteteve shkencore shqiptare Stefanaq Pollo, Zija Xholi, Alfred Uçi, Jup Kastrati, Rrok Zojzi, Qemal Haxhihasani, Zihni Sako, Ismet Elezi, Kristo Frashëri, Aleks Luarasi, Spiro Shkurti, Mark Tirtja, Skënder Anamali, Ramazan Bogdani, Viron Koka, Abaz Dojaka, Gjovalin Shkurtaj, Andromaqi Gjergji, Afërdita Onuzi, Yllka Selimaj, Ikbal Bihiku, Llambrini Mitrushi, Beniamin Kruta, Emin Riza, Liviu P. Marcu nga Rumania, Ligor Mile, Jorgji Gjinari, Selami Pulaha, Agron Fico, Koço Nova, Pandi Geço, Fiqiri Haxhiu, Bajram Mejdiaj, Shyqyri Ballvora, Nexhmedin Luari, Hulusi Hako, Zija Shkodra, Riza Drishti, Piro Thomo, Koço Zheku, Vasilika Cicko, Kristaq Angjeli, Edmond Luçi, Naum Guxho, Nimete Qarri, Dhorka Dhamo, Andon Kuqali, Tefik Caushi, Aleksandër Dhima, Nikollë Gjoni, Sami Ferizi, Haxhi Goci, Kahreman Ulqini, Iljaz Kaçaj, Fadil Mehmeti, Henrik Mikopli, Riza Drishti e Dilaver Kurti, tërhoqi vëmendjen e studiesve shqiptarë dhe të huaj dhe referati shkencor i Dr. Selim Beqiri për BESËN, i cili është botuar në vëllimin me materialet nga Konferenca Kombëtare e Studimeve Etnografike, Tiranë, 1977, f.275 – 280.

Për kontributet atdhetare e shkencore dhe për virtytet shembullore si njeri, që edukon me veprim e me shembull vetiak në jetë, Selim Beqiri u vlerësua nga Shoqata Atdhetare Mbarëkombëtare “Labëria” me dekoratën më të lartë që kjo shoqatë jep “Personalitet i shquar i Labërisë”. Mësuesi veteran dhe studiuesi koherent S. Beqiri, ashtu i thjeshtë, si e vërteta, shumë korrekt, i pashfaqshëm, i pabujshëm, larg mburrklave e tullumbaceve të fryra me lavdi inekzistente, me një disiplinë shembullore në punën e tij kërkimore – shkencore po i bën një shërbim të madh kulturës së vendlindjes, të Lumit të Vlorës e Labërisë dhe mbarë etnokulturës shqiptare. Selim Beqiri: me librin më të ri “Humor dhe mençuri, Legjenda e Simbole Trimërie Tërbaçiote”- pjesa mbi ujë e ajsbergut: “Krijimtaria popullore tërbaçiote” fantazi, humor, fragmente simbolesh nga këngë epiko – historike po nxjerr në dritë thesare nga miniera e pasur e krijimtarisë dhe trashëgimisë shpirtërore të popullit tone në rrjedhat e kohës. Nuk kam ndërmend të shkruaj për monografitë e tij aq të mirëpritura: për “Gjeneralin fisnik”, as për atë në nderim të bujarit – Resul Veliu,- që ka përmasat e një heroi vërtet vigan të Lirisë, as për “Banën” – kushtuar njërës nga trimëreshat e Tërbaçit, nënë Rabihanës së bardhë e të rrallë, as edhe për të veçantin libër – “Trashëgimia”, ku përfshihen dy pjesë: “Besa dhe besëlidhjet” dhe “Tërbaçi – Fjalorth historiko-gjeografik”, as për traktatin historik, edhe pse vetëm me 113 faqe kërkimore – shkencore-“Si u krijua e si mbijetoi Tërbaçi”, as për monografinë “Luftëtar brez pas brezi – Merkoselimajt”, të cilat autori i quan punime modeste edhe pse ato kanë sinqerisht vlera të çmuara kulturore e në respekt të zakoneve më të mira e të traditës së vyer që kemi trashëguar deri më sot. Është një botim i ri dhe pikërisht libri: “Humor dhe mençuri, Fantazi e Simbole Trimërie tërbaçiote” që të thotë: NDERO VETEN! Sipas Fjalorit Enciklopedik Letrar me krijimtari popullore ose folklor kuptojmë veprat poetike e tregimtare të krijuara nga autorë popullor anonimë, që kanë kaluar gojë më gojë. Mund të përkufizohet shkurtazi letërsi gojore e popullit…Të krijuara që në kohërat e lashta, ato kalojnë me anë të rapsodëve, bardëve dhe secili prej tyre i plotëson ose i ndryshon. Vetvetiu buron një krijimtari e motivuar tek autori, sepse gjeografia e krijimtarisë është pikërisht treva jonë e dashur tërbaçiote, libri është një “dritësi flake”, në qoftë se mundem të përdor një shprehje nderimi burimore të poetit të njohur lab Agim Shehu.Do të mjaftonte ky libër që Selim Beqiri të quhet një gjurmues, vjelës e studiues cilësor i kësaj veprimtarie krijuese, që e ka mbajtur të gjallë, të freskët e të shëndetshme shpirti i artë popullor.Jam munduar të jem sa më pak, mundësisht, por e pamundur aspak subjektiv, në vlerësimin tim për profilin e autorit. Ky botim është një gur qosheli në ndërtesën e historiografisë shkencore, gjuhësore, letrare e historike të Tërbaçit, sepse plotëson një zbrazëtirë të ndjeshme në kulturën e shkruar. Autori nuk është një regjistrues emocional i materialit argumentiv kulturor, por edhe vlerësues objektiv e kritik i tyre dhe model për t’u ndjekur nga disa shkrues hapaçelë, që edhe në malore i fusin të pestin me botimet e tyre. Me botimin e dhjetë legjendave të dëgjuara e me jehonë, me ato relikte të çmuara mbijetese, shpalosen vlera me interes për fushën etnofolklorike-tërbaçiote…Humori miqësor që ka përzgjedhur autori në këtë libër është si sherbet për bakllava, ndërsa ato pakëz këngë të zgjedhura popullore, me motive trimërie, janë tamam si ato hojet e mjaltit nga kosherja e gurrës popullore, aq gjëmimtare sa vetë emrat lavdimëdhej të bijve viganë të Tërbaçit tonë me nderim sa dielli. Punimet dhe botimet e Selim Beqirit pasurojnë antologjinë e poezisë gojore shqiptare; kopështit të lulëzuar të prozës popullore i shtojnë fidanë të gjelbër dhe të shëndetshëm dhe i ndrisin si gjerdan I bukur për gushe Etnologjisë së Vendit të Shqipeve.

*) Ne Foto: Albert Habazaj. Drejtor i Bibliotekës “ Nermin Vlora Falaschi”,

Universiteti “Ismail Qemali” Vlorë, ALBANIA

SHPRESË PËR REFORMIMIN E IMIGRACIONIT NË AMERIKË

April 15, 2013 by dgreca

Nga Frank Shkreli/

Ne Foto: Presidenti Obama duke bërë betimin e një grupi të ri shtetasish amerikanë në Shtëpinë e Bardhë/

Çështja e imigracionit këtu në Shtetet e Bashkuara ka qenë dhe vazhdon të jetë një çështje që shkakton debate dhe mos marrveshje ndër më të ashpërat, jo vetëm gjatë fushatave elektorale në nivel federal, shtetëror dhe vendor, por edhe në jetën e përditshme anë e mbanë Amerikës. Nuk është fjala për imigrantët që vinë këtu legalisht, por për ata që hyjnë në këtë vend ilegalisht dhe qendrojnë këtu me vite, dekada dhe ndoshta për gjithmonë si të tillë duke shkelur ligjet e imigracionit të këtij vendi.

Llogaritet se tani për tani, në Shtetet e Bashkuara mund të jetojnë rreth 11 milionë imigrantë ilegalë, megjithse numëri i vërtetë është vështirë të përcaktohet. Shumica e tyre hyjnë në këtë vend nga Meksika, por imigrantë ilegalë në Amerikë ka pothuaj nga çdo kënd i botës, përfshirë edhe shumë shqiptarë. Megjithëse, kryesisht për arsye të krizës ekonomike, hyrja pa leje e imigrantëve, sidomos nga Meksika, është ngadalësuar në mënyrë të dukshme dhe sipas disa burimeve mund të jetë në nivelin më të ulët në 40-vjetë, problemi i imigracionit ilegal vazhdon të mbizotëroj diskursin politik dhe ekonomik të këtij vendi.

Muajtë e fundit, në Uashington është venë re një ndërmarrje serioze nga senatorë të dy partive politike demokratë dhe republikanë për të zgjidhur, atë që është cilësuar si çështja e imigracionit ilegal, nismë e cila siç duket do të arrijë kulmin këtë javë, si çështja numër një në agjendën e Kongresit. I ashtuquajturi “Grupi i të Tetëve” i Senatit amerikan dhe grupi i 6 ligjvënse të Dhomës së Përfaqsuesve, për disa javë tani janë takuar privatisht, me shpresë për të arritur një marrveshje në vija të përgjithshme, për një çështje që ka përçarë politikën dhe vendin për vite me radhë, për të mos thënë për dekada, ndërsa në të njëjtën periudhë janë bërë edhe përpjekje për të gjetur mënyra për zgjidhjen e këtij problemi që të jetë e pranueshme për të dy palët, duke arritur një marrëveshje për një plan të gjithëanëshëm reformash të sistemit të imigracionit të Shteteve të Bashkuara të Amerikës.

Ndër propozimet e para për të reformuar sistemin ishte ai i Senatori republikan Xhon Mekejn dhe i të ndjerit ish-Senatorit demokrat Eduard Kenedi, të cilët kishin hedhur propozimin e parë pothuaj dhjetë vjetë më parë, për një projekt ligj që do të konsiderohej si një kompromis. Sipas këtij propozimi, republikanët ishin të kënaqur me marrjen e masave më të forta përgjatë kufirit me Meksikën — gjë për të cilën kanë këmbëngulur vazhdimisht – me qëllim për të ndaluar hyrjen në masë dhe të pa kontrolluar të imigrantëve ilegalë dhe demokratët do kënaqeshin me miratimin e një procesi, në bazë të të cilit, më shumë se 11-milionë imigrantëve ilegalë do tu mundësohej e drejta për tu bërë banues të përhershëm të këtij vendi. Plani Mekejn-Kenedi pat siguruar edhe përkrahjen e ish-presidentit Xhorxh Bush, por nuk mori përkrahjen e nevojshme në Kongresin amerikan. Gjatë fushatës për president, katër vjetë më parë, Barak Obama premtoi reforma të gjithanshme të imigracionit, por gjatë katë vjetëve të kaluara nuk tregoi ndonjë interesim të madh për këtë çështje. Ndërsa në fillim të mandatit dytë, Presidenti Obama ka thënë se reforma e imigracionit është një prej prioriteteve të tija kryesore, duke shprehur besimin e tij se do të arrihet një konsensus në Kongres.

Komisioni i ligjeve i Senatit amerikan ka caktuar të Mërkurën e kësaj jave si ditën që senatorët e këtij komisioni do të dëgjojnë dëshmi mbi planin e Senatit, përfshirë edhe propozimin për të legalizuar miliona imigrantë ilegalë që tani jetojnë në këtë vend, por sipas lajmeve, një gjë e tillë mund të ndodhë vetëm pasi imigrantët ilegalë të kenë kaluar nepër një proces tepër rigoroz kontrolli individual, pasi të kenë kapërcyer pengesa të shumëta, dhe duke përfshirë edhe nevojën për të mësuar anglishten dhe për të pasur një vend pune.

Edhe në të kaluarën, në Kongresin amerikan janë paraqitur propozime të ndryshme për të reformuar ligjet mbi imigracionin, por sivjet duket se ekziston mundësia më reale për të ndërmarrë reformat e nevojshme, pasi sipas një sondazhi të kohëve të fundit, 64 për qind e amerikanëve janë në favor për t’u dhënë shtetësinë imigrantëve ilegalë. Antarët e Kongresit zakonisht tentojnë të marrin vendime në përputhje me përkrahjen dërmuese publike të çështjeve që konsiderohen nga ligjvënsit amerikanë, siç është reforma e imigracionit. Si rrjedhim, një numër kongresistësh, përfshirë edhe Senatorin republikan Xhon Mekejn shprehen optimistë se ky mund të jetë viti që, më në fund, sjellë reformat e nevojshme në sistemin amerikan të imigracionit. Këjo sepse, edhe Presidenti Obama ka shprehur gatishmërinë e tij duke thënë se është i vendosur që të bëjë ç’është e mundur për të siguruar miratimin e reformave nga Kongresi.

Megjithëse propozimet e reja pritet të kundërshtohen nga konservatorët të cilët janë kundër legalizimit të statusit për imigrantët pa dokumenta, edhe pala republikane duket gjithashtu e vendosur për të bërë diçka për të përshpjetuar reformën mbi imigracionin, pasi nuk dëshiron të konsiderohet si partia që është kundër imigrantëve. Senatori Marco Rubio, kryenegociatori republikan për të reformuar ligjet e imigracionit, nga prindër të ardhur nga Kuba dhe njëkohësisht kandidat i mundshëm për president në vitin 2016 — ndërsa ishte ftuar nga tre programet e tre rrjeteve televizive kryesore të së djelës për të diskutuar problemin e imigracionit — tha në programin “Meet the Press”, të TV-NBC se ligjet që kemi tani, “nuk janë të mira për askënd…. statuskuoja është e tmerrshme për Amerikën”, shtoi ai. Duke folur për propozimin e ri për imigracionin, që përkrahet si nga republikanët ashtu edhe nga demokratët, Senatori Marco Rubio iu përgjigj intervistuesit se, ai nuk po e bën gjithë këtë përpjekje për të reformuar sistemin e imigracionit në Amerikë, për qëllime politike. Ai tha se, “Unë jam Senator. Unë nuk paguhem vetëm për të mbajtur fjalime. Unë paguhem për të zgjidhur problemet”, me të cilat përballohet vendi.

Siç duket, në një përpjekje për të zbutur kundërshtimin nga konservatorët të cilët janë kundër një amnistie për imigrantët ilegalë, Senatori Rubio tha gjithashtu në një program tjetër televiziv (Fox News) se propozimet e reja për të reformuar sistemin e imigracionit nuk janë amnisti, duke shtuar se në të vërtetë, propozimet e reja e bëjnë më të vështirë që një immigrant illegal të fitojë statusin legal, në krahasim me procesin dhe ligjet ekzistuese.

Pritet që grupi i 8 senatorëve demokratë e republikanë, të cilët për disa muaj tani kanë punuar për arritjen e një marrveshjeje për reformimin e sistemit të imigracionit në Shtetet e Bashkuara të Amerikës do të njoftojnë hollësitë e propozimeve të tyre të Martën. Media amerikane thotë se propozimet e reja për reformimin e imigracionit përfshijnë edhe rritjen e numërit të imigrantëve që vinë në këtë vend në mënyrë ligjore. Tani, Shtetet e Bashkuara pranojnë 1 milion imigrantë në vit me dokumenta, më shumë se çdo vend tjetër në botë. Sipas propozimeve të reja pritet që ky numër të rritet me pesë për qind, sipas gazetës Los Anxheles Tajms.

Pasi të njoftohen këtë javë hollësitë e propozimeve të reja nga grupi i 8 senatorëve nga të dy partitë, mbetet për tu parë nëse ata do të mund të bindin shumicën e Senatit dhe të Dhomës së Përfaqsuesve, si edhe grupe interesash të ndryshme, se pas shumë vitesh dhe propozimesh të shumëta, më në fund ka ardhur koha për një reformë të gjithanshëme të ligjeve amerikane mbi imigracionin në Shtetet e Bashkuara të Amerikës. Miratimi i ligjeve të reja është kritik gjithashtu edhe për fatin e qindra, për të mos thënë mijëra shqiptarëve dhe familjeve të tyre që mund të gjënden në këtë vend pa dokumentat e nevojshëm për një qendrim legal në Shtetet e Bashkuara.

PERGJAKET MARATONA NE BOSTON

April 15, 2013 by dgreca

Mediat në Shtetet e Bashkuara njoftojnë për dy shpërthime që kanë ndodhur në qendër të qytetit të Bostonit. Rrjeti televiziv CNN raporton për së paku dy persona të vdekur dhe më shumë se njëzet të tjerë të plagosur.
Dëshmitarët i kanë përshkruar shpërthimet si të fuqishme. Ato kanë ndodhur gjatë Maratonës së Bostonit, pak para cakut.
Në pamjet të cilat po i transmeton CNN-të shihet se detonimet kanë ngjarë njëra pas tjetrës.
Forca të mëdha policore, bashkë me zjarrfikës dhe ekipe mjekësore shihen në vendngjare.
Në vendin e krimit shihen edhe forca të mëdha anti-terroriste.
Njësitet emergjente po shfrytëzojnë tendën e ngritur për vrapuesit e maratonës, për të trajtuar të plagosurit.
Shpërthimet thuhet të jenë dëgjuar rreth tre orë pasi fituesi kishte arritur në cak.
Mediat amerikane raportojnë gjithashtu se autoritetet e rendit kanë shtuar masat e sigurisë në New York dhe në Washington.

Boston Marathon Blasts Kill 2, Police Say

April 15, 2013 by dgreca

By JOHN ELIGON and KEN BELSON

BOSTON – A series of explosions was reported near the finish line at the Boston Marathon on Monday, leaving two people dead and at least two dozen injured, according to the Boston Police Department.A third explosion was heard just before 4 p.m., about an hour after the first two blasts. The police were apparently aware of that device before the explosion occurred.

The blasts took place about four hours after the start of the men’s race, which meant that there were still several thousand runners yet to finish the race. One senior counterterrorism official said it was too soon to tell whether the explosions were related to terrorism.

The Boston police confirmed they were looking into the explosions, but made no further comment. Another senior United States government official said that the Boston police and the F.B.I. said they had received no reports in recent days about a threat of an attack on the marathon and that there was no warning on Monday.

Several news outlets reported that a loud explosion was heard on the north side of Boylston Street, near a photo bridge that marks the finish line. Another explosion was heard several seconds later.

The Associated Press reported that authorities were helping injured runners leave the scene and that bloodied spectators were being carried to a medical tent that was being used for runners.

Bruce Mendelsohn, who works in a building near the explosion, said on Twitter that he saw blood on the sidewalks and about a dozen casualties.

Authorities in large cities are typically on the highest level of alert for events like a marathon, said Anthony Roman, a security expert.

“It is quite the counterterrorism effort,” said Mr. Roman, who runs Roman & Associates, a New York firm.

For major events in New York and other large cities, Mr. Roman said the police would typically weld manhole covers shut and examine the entire route just before the race. They would also place snipers on rooftops, with helicopters overhead, and analytic cameras in the city would be used, he said.

“They have all the analytic cameras in the city focusing on the race with their advanced software network, reading license plates,” Mr. Roman said.

The Boston Marathon is one of running’s most storied events, established in 1897 and one of the six World Marathon Majors. The event typically attracts an estimated 500,000 spectators and requires certain qualifying times for runners to compete.

The course winds throughout downtown Boston as well as several outlying cities, including Ashland, Framingham, Natick, Wellesley and Newton.

Unlike many sporting events that take place in closed arenas, marathons are known and heralded for their sprawl, allowing throngs of spectators to line the 26.2-mile course.

Within minutes of the explosions on Monday, social media and cable networks projected the images of gray smoke on Boylston Street, with emergency crews on the scene.

After the explosions, a spokesman for the New York Police Department said security was being increased at hotels and other prominent locations in New York.

Reporting was contributed by Steve Eder, William K. Rashbaum and Mary Pilon from New York, and Eric Schmitt from Washington.( THE NEW YORK TIMES)