dgreca – Page 5706 – Dielli

“BEAUTIFUL ALBANIA- IONIAN ROMANCE” SHFAQET NË NEW YORK ME 15 NËNTOR

November 13, 2012 by dgreca

Në kuadrin e festimeve të 100 vjetorit të Pavarësisë së Shqipërisë,Konsullata e Përgjithshme në bashkëpunim me Organizatën “Motrat Qiriazi” dhe me mbështetjen e Qendrës Ndërkombëtare të Kulturës në Tiranë organizon shfaqjen e dokumentarit televiziv “Beautiful Albania – Ionian Romance”.
Hyrja është falas dhe jeni të lutur t’ia përcillni ftesën edhe miqve të tjerë.

Filmi shfaqet të enjten në 15 nëntor në orën 6 e 30 PM në :

Cinema Village

22 East 12th Street

(Between Fifth Avenue and University Place)

Phone: (212) 924-3363

www.cinemavillage.com

***

You are cordially invited to a special documentary screening, ’Beautiful Albania’, in observance of the 100th Anniversary of the Independence of Albania.

The program will also include remarks by: Hon. Dritan Mishto, Consular General

Dr. Anna Kohen, President of AAWO

Floriana Paskali, Director of International Center of Culture ‘Arbnori’

Thursday, November 15, 2012 at 6:30PM

Free Admission (space is limited)

NË FLORIDA NDËRROI JETË BASHKATDHETARI ZEF SUTI

November 13, 2012 by dgreca

Njoftojmë bashkatdhetarët se në Palm Harbor, Florida, ditën e premte me 6 nëntor, ndërroi jetë në spital, në moshën 84 vjecare, Zef Suti. I ndjeri pat lindur me 15 qershor 1928. Ai ishte ndër antikomunistët e vendosur dhe pas një rezistence në malet e Shqipërisë, u arratis në ish Jugosllavi, ku dhe atje nuk iu ndanë vuajtjet. Shpëtoi kur doli në Botën e Lirë. Për jetën dhe vuajtjet në komunizëm ai ka lënë pas librin e tij”Escape From Komunist Darkness”.

Shërbimet funerale për të ndjerin u bënë me 12 dhe 13 nëntor në Curlew Hills Memory Gardens Funeral Home Chapel. Mesha e Dritës do të mbahet të mërkurën me 14 nëntor, ora 11 am, St. Michael the Archangel Catholic Church që ndodhet në Clearwater, FL. Më pas kryehet ceremonia e varrimit në varrezën, që ndodhet në adresën 1750 Curleë Road, Palm Harbor, FL.

Të interesuarit mund të gjejnë të dhëna më të shumta në adresën : www.curlewhills.com

I ndjeri ishte një activist i përkushtuar i lidhur shpirtërisht me Federatën “VATRA”. Ne arkivin e Vatres eshte arshivuar letra e fundit e te ndjerit,e shkruar ne castet e fundit dhe qe mberriti ne Vater, pikerisht ne kohen qe zemra e tij i kishte ndalur te rrahurat atje ne spitalin e Palm Harbor. Letra percillte fjalet e fundit dhe nje cek prej $160(kuote e pervitshme qe ai dergonte ne Vater), me lutjen:Me trishtoni nese e ktheni mbrapsht! Kryetari i Vatrës, Dr. Gjon Bucaj,(i cili eshte nisur nga Nju Jorku per te marre pjese ne varrimin e te ndjerit, i dërgoi dje një ngushëllim bashkëshortes Maria Suti, të cilin po e bashkëngjisim.

November 12, 2012

Mrs. Maria Suti

Palm Harbor, Florida

Dear Mrs. Suti,

We are saddened by the news of the passing of your beloved husband Zef, who was a great friend of ours and a longtime supporter of The Pan-Albanian Federation of America VATRA.

Zef Suti was a distinguished man that lived his life with dignity and integrity, despite adversities and tribulations during his journey that started in the rough but proud mountains of Northern Albania, through communist persecutions in his native land, in secret prisons of former Yugoslavia, to the free world, finally in the United States where he worked and lived honestly, until he left for eternal life.

Please accept our deepest sympathies from the Board of Directors and members of VATRA, and from myself and my family.

Respectfully,

Gjon Buçaj

2437 Southern Boulevard
Bronx, NY 10458
E-mail: drgjlb2000@yahoo.com

Tel. 718 365-6930

Mobil: 914 760-5653

ESHTE PROMOVUAR NE TIRANE LIBRI”CHARLES TELFORD ERICKSON” ME AUTOR MAL BERISHA

November 12, 2012 by dgreca

Në kuadër të aktiviteteve për 100 vjetorin e Pavarësisë së Shqipërisë,javen qe shkoi është promovuar libri “Charles Telford Erickson”, me autor Mal Berishën.

I pranishm në këtë aktivite, Ambasadori i SHBA-së në Tiranë, Aleksandër Arvizu përgëzoi autorin Mal Berisha për librin ndërsa vlerësoi figurën e Charles Telford Erickson. “Ai e deshi Shqipërinë dhe i përkushtoi jetën e tij për këtë vend dhe popull. Mendoj si do kishte menduar po të shihte Shqipërinë tani. Jam i kënaqur se zoti Mal pati mundësinë të futej thellë në personalitet dhe të na e sillte atë”, theksoi Arvizu.

Nga ana tij, Kryeministri Sali Berisha tha se “në forcën e madhe të dashurisë qëndron vepra e jashtëzakonshme e Charles Telford Erickson. Vetëm kjo forcë mund të mundësojë njeriun të jetë humanist i madh siç ishte edhe Herickson”.

Ndërsa duke cituar Shtrausin, Berisha tha se “Charles Telford Erickson nuk është amerikan , por shqiptar me pasaportë amerike”.

“Sot, ne nderojmë një nga personalitetet më të jashtëzakonshme në historinë e kombit shqiptar, i cili, siç do të thoshte ambasadori i Shteteve të Bashkuara, në Stamboll, në fillimet e shekullit që shkoi, Shtraus: Erickson nuk është një amerikan, por është një shqiptar me pasaportë amerikane. Njerëzit tanë, do të vazhdonte Shtraus, bëjnë përpjekje të mëdha për të mësuar gjuhën e tyre, ndërsa ky ka një shqipe të përsosur dhe komunikon në mënyrën më të lirshme, me shqiptarët e të gjitha besimeve, të të gjitha krahinave. Natyrisht, Erickson kishte këtë dhunti, sepse ai mbarte në vetvete kuintensencën morale të kombit të tij të madh”, u shreh Berisha.

Më tej ai kujtoi edhe takimin me Nënë Terezën duke vënë në dukje se forca e misionarëve është dashuria.

“Liria bëri të mundur që unë të takoj një prej misionarëve më të mëdhenj të këtij planeti. Dhe kjo ishte Nënë Tereza. Atëherë, i gjithë përqendrimi im ishte se nga buronte forca e jashtëzakonshme e kësaj gruaja, për të cilën kisha dëgjuar, kisha parë filma, por sërish nuk arrija të dija se ku qëndronte tërë ajo forcë, që e bënte atë të mundur të operonte aty, ku gjithë të tjerët ishin dorëzuar. Dhe kjo forcë ishte tek besimi i saj i pashtershëm tek Zoti, tek Krishti, tek dashuria”, tha ai.

Kryeministri nënvizoi më tej se “k mundësi që Erickson të jetë rezidenti i parë amerikan, në Shqipëri, në vitin 1908. Në një kohë të shkurtër, ai dhe ungjillorët e tjerë u shndërruan në avokatët më të shkëlqyer të një kombi, mbi të cilin po bëheshin batërditë më të mëdha të kohës. Ne me të drejtë na pëlqen t’u njohim merita personaliteteve tona, të cilat ato i kanë, në sensibilizimin e opinionit publik amerikan dhe autoriteteve zyrtare amerikane, ndaj masakrave dhe barbarive që kryheshin mbi shqiptarët, në dy dekadat e para të shekulli”.

Berisha vlerësoi se “cilido që lexon veprën e tij, gjen aty prozën më të të bukur poetike të shkruar për shqiptarët”.

“Merita e parë dhe më kryesore u takon ungjillorëve të kombit amerikan, atyre misionarëve, të cilët në dhjetëra shkrime e qindra letra e dokumente informonin dhe sensibilizonin kombin, vendin, presidentin dhe qeverinë e tyre mbi atë, çka po ndodhte me shqiptarët”, tha Berisha

Shefi i qeverisë vlerësoi edhe autorin Mal Berisha duke u shprehur se “ke nderu çdo shqiptar”.

“Dua ta falënderoj shumë përzemërsisht. Jam dëshmitar i atij përkushtimi të madh, i atij pasioni dhe asaj dashurie dhe admirimi të pakufishëm që ndjen për Erickson dhe veprën e tij. Me këtë, i dashur Mal, ke nderuar çdo shqiptar. Kombet dallohen ndofta më shumë se për çdo gjë tjetër, me figurat, gratë e burrat që ata nderojnë. Dhe unë të shpreh mirënjohjen, sepse i ke bërë një shërbim të madh kombit shqiptar, me përkushtimin tënd ndaj Charles Telford Erickson”,përfundoi Berisha.

Ndërsa autori i kësaj vepre Mal Berisha, i përshëndeti nga Amerika pjesmarrësit nëpërmjet një videomeazhi në scype.

Kreu i Bashkisë së Tiranës, Lulzim Basha në shenjë miorënjohje i dha Pol Telford Herickson (nipit të Charles Telford Herickson) certifikatën e mirënjohjes.

“Është kënaqësi e veçantë që të ndodhem sonte në këtë përkujtimore të një prej amerikaneve miq të vendit tim në këtë 100 vjetor të Pavarësisë. Sot u takova me tre prej nipërve dhe mbesave të tij. Nesër do jenë në Elbasan, ku do marrin qytetarinë e nderit. Por, në shenjë mirënjohje për veprën e tij si bashki e kryeqytetit të Shqipërisë kam nderin ti paraqes këtë çertifikatë mirënjohje dr. Pol Telford Herickson për punën e jashtëzakonshme dhe kontributin ndaj arsimit shqiptar nëpërmjet hapjes së shkollave në Elbasan, Tiranë dhe Kavajë si dhe kontributin në emër të Shqipërisë në Konferencën e Paqes”, tha ndër të tjera Basha.

Libri, i cili përkon edhe me 100 vjetorin e Pavërësisë, nxjerr në pah kontributin e misionarit protestant, njëherësh pedagog i shkëlqyer dr. Charles Telford Herickson për Shqipërinë dhe shqiptarët.

EKSPOZOHET NE TIRANE MESHARI I GJON BUZUKUT

November 12, 2012 by dgreca

Ekzemplari unikal i Meshari u mundësua falë një marrëveshjeje të qeverisë me Selinë e Shenjtë/

Meshari është ekspozuar përkrah librave, të një rëndësie të madhe gjithashtu, të Matrëngës, Budit, Bardhit, Bogdanit, Arbërit e Kuvendit të 1706, Varibobës, Kazazit etj.
Kryeministri Berisha ishte i pranishëm dje në mbrëmje, në ekspozimin për herë të parë, të Mesharit të Gjon Buzukut, librit më të vjetër në gjuhën shqipe, (1555), në Bibliotekën Kombëtare në Shqipëri. Me një marrëveshje të qeverisë shqiptare me Selinë e Shenjtë, u bë e mundur që ekzemplari unikal të Meshari të Buzukut të dërgohet nga biblioteka Apostullore e Vatikanit dhe të ekspozohet për publikun shqiptar, në kuadër të 100 vjetorit të pavarësisë. Meshari është ekspozuar përkrah librave, të një rëndësie të madhe gjithashtu, të Matrëngës, Budit, Bardhit, Bogdanit, Arbërit e Kuvendit të 1706, Varibobës, Kazazit etj. “Sot, ne, Biblioteka Kombëtare, libri shqiptar dhe bota e librit në tërësi përjetojmë një ngjarje historike. Një vizitor i pritur në shekuj, vjen sot, në Bibliotekën tonë Kombëtare dhe ky është libri që themeloi gjuhën e bukur shqipe të liturgjisë. I shkruar shekuj më parë nga Gjon Buzuku, ai kthehet sot, me germa më të arta se kurrë, në gjirin e fondit të bibliotekës së kombit të tij. Ndaj një mirënjohje të thellë i shprehim Selisë së Shenjtë, Bibliotekës së Vatikanit, për mënyrën e shkëlqyer që e ka ruajtur në shekuj, këtë dokument të parë, për nga rëndësia, të gjuhës shqipe, të shkruar në atë kohë, në alfabetin latin, në atë alfabet që shkruhet edhe sot kjo gjuhë. I ekspozuar këtu, së bashku me Bogdanin, Matrëngën, Juv Varibobën, të gjithë themelues e pasurues të gjuhës shqipe, Meshari dëshmon se, krahas kombeve të tjera, kombi shqiptar i frymëzuar në atë periudhe, nga rilindësit e Italisë dhe rilindësit në botë, filluan një lëvizje të fuqishme të zgjimit të ndjenjës kombëtare, nëpërmjet gjuhës” u shpreh Berisha. Kryeministri e konsideroi ekspozimin e Mesharit për herë të parë në Shqipëri, një ngjarje të madhe kombëtare dhe falenderoi Vatikanin për ruajtjen e shkëlqyer që i është bërë këtij dokumenti të parë, për nga rëndësia, të gjuhës shqipe. “Ne shqiptarët kemi një profil të veçantë të identitetit tonë. Identiteti ynë kombëtar, natyrisht si çdo identitet tjetër, bazohet në një aparat të caktuar genik, por tek ne, identiteti kombëtar ka për shtyllë kryesore, gjuhën e kombit. Sa më shumë ta studiojmë këtë gjuhë, sa më shumë të hulumtojmë për rrënjët dhe ecurinë e saj, aq më shumë do të kontribuojmë në njohjen më të mirë të identitetit të kombit shqiptar. Kjo shtyllë e bën identitetin tonë, do të thosha një identitet të civilizuar. Një identitet, mbi të cilin shpresojmë dhe natyrshëm zhvillohet nacionalizmi, por gjithnjë një nacionalizëm, i cili synon respektin dhe bazohet në kulturën kombëtare, në vlerat e saj dhe jo në urrejtjen ndaj të tjerëve, për arsye të ndryshme” vijoi kryeministri. Ndërsa e cilësoi Mesharin një “kryevepër të gjuhës sonë liturgjike”, Kryeministri nënvizoi se identiteti kombëtar shqiptar ka për shtyllë kryesore, gjuhën shqipe dhe sa më shumë të hulumtojmë rrënjët e ecurinë e saj, aq më shumë kontribuojmë në njohjen më të mirë të identitetit të kombit shqiptar. Kryeministri shprehu mendimin se gjuha liturgjike, si gjuha më e hershme e shkruar e kombit, e cila përbënte edhe gjuhën zyrtare të tij, të rizë vendin e saj në gjuhën shqipe. “Buzuku, Bogdani, Variboba, të gjithë këta në një mënyrë krijuan shqipen zyrtare. E vërteta është se shqipja më e bukur zyrtare në tërë historinë e kobit ka qenë gjuha shqipe e liturgjisë. Ajo kishte unifikuar të gjithë terminologjinë në të gjitha besimet fetare. Natyrisht, për arsye të caktuara nuk ishte kjo që u përzgjodh që në fillim si gjuhë zyrtare, pasi ajo mund të paraqiste vështirësitë veta, në fatin e një kombi që vetëm pak vite më parë kishte themeluar alfabetin e vet. Por gjuha liturgjike përbënte në të vërtetë gjuhën zyrtare të vendit. Gjatë regjimit të shkuar, ajo u syrgjynos dhe të gjitha ndërhyrjet që u bënë në gjuhën shqipe kanë pasur vetëm një qëllim astanik: largimin dhe shmangien me çdo kusht të gjuhës së bukur liturgjike. Nuk mund të pranohet një situatë e krijuar mbi bazën e një dogmë totalitare të zëvendësojë doktrinat e vlerave njerëzore e hyjnore. Unë kam besim të madh se studiuesit, gjuhëtarët tanë do të gjejnë të gjithë guximin, mençurinë e kurajën për të rikthyer në gjuhën shqipe, gjuhën e bukur liturgjike, gjuhën më të hershme të shkruar të kombit. Të mos harrojmë se kombe të mëdha, që kanë pasur filozofë ndër më të mëdhenjtë, shkrimtarë gjenialë, gjuhën zyrtare ia detyrojnë përkthimit të Biblës” tha ndër të tjera kryeministri.

ESHTRAT E MBRETIT ZOG MBËRRIJNË NË TIRANË MË 16 NËNTOR

November 12, 2012 by dgreca

Partia Lëvizja e Legalitetit dhe gjithë mbretërorët shqiptarë kanë kërkuar në vazhdimësi që eshtrat e Mbretit Zog të kthehen në atdhe dhe të rivarrosen në vendin e Tij me një ceremoni dinjitoze që i ka hije shtetit për të respektuar mbretin e parë të shqiptarëve dhe themeluesin e shtetit modern.
Qeveria shqiptare ka marrë vendimet e duhura: për kthimin në atdhe të eshtrave të Mbretit Zog I; për rindërtimin e Mauzoleumit të Familjes Mbretërore; për vendosjen në Tiranë të monumentit të Mbretit Zog I dhe për organizimin e ceremonive përkatëse. Partia Lëvizja e Legalitetit gjen rastin për të shprehur mirënjohjen e saj për nismën e kryeministrit Berisha dhe mbështetjen e institucioneve të tjera.
Partia Lëvizja e Legalitetit e vlerëson këtë nismë të Qeverisë Shqiptare si një veprim të rëndësishëm për respektimin dhe vlerësimin e historisë sonë kombëtare, Mbretërisë Shqiptare, Mbretit Zog I, Familjes Mbretërore dhe legalistëve e mbretërorëve shqiptarë kudo qofshin.
Periudha e Mbretërisë Shqiptare (1928-1939) është periudha më e ndritur e 100 viteve të shtetit shqiptar, jo thjesht si një kujtesë kolektive e gjallë akoma edhe sot, por sepse në thelb, kjo periudhë është e lidhur në mënyrë të patjetërsueshme me krijimin e shtetit modern shqiptar, unitetin e tij territorial dhe kombëtar, orientimin perëndimor, ndërtimin e infrastrukturës, zhvillimin e arsimit dhe kulturës kombëtare, përparimin ekonomik dhe shoqëror, respektimin e lirive dhe të të drejtave të individit, por edhe më shumë.
Partia Lëvizja e Legalitetit është e bindur se vlerat që Monarkia Shqiptare solli në shoqërinë dhe shtetin tonë janë vlera universale, që nuk e kanë humbur aktualitetin e që në thelb dëshirohen dhe janë të mirëpritura nga çdo shqiptar.
Partia Lëvizja e Legalitetit ka dëshiruar që aktivitetet për 100-vjetorin e Pavarësisë të mos politizohen. Në lidhje me zërat kundër kthimit në Atdhe të eshtrave të Mbretit Zog I dhe organizimit të ceremonisë zyrtare shtetërore, mund të themi se:
· Më 17 nëntor 1944, komunistët shqiptarë kur hynë në Tiranë, si akt të parë kryen shkatërrimin barbar me dinamit të varrit dhe Mauzoleumit të Nënës Mbretëreshë që sot po rindërtohet, e ku do të prehen edhe eshtrat e Mbretit Zog I dhe pjesëtarëve të tjerë të Familjes Mbretërore.
· Një akt i ngjashëm u përsërit gjatë natës së 24-25 gushtit 1977, kur të njëjtët autorë tentuan të grabisin eshtrat e Mbretit Zog I nga varreza e Thiais në Paris.
· Pasardhësit ideologjikë dhe biologjikë të këtyre akteve nuk mund të veprojnë shumë ndryshe nga sa kanë vepruar etërit e tyre.
Ceremonitë për kthimin në atdhe të eshtrave të Mbretit Zog I do të fillojnë në Paris, ku do të marrin pjesë përfaqësues të shtetit francez, atij shqiptar, anëtarë të Familjes Mbretërore dhe shqiptarë të diasporës.
Arkivoli me eshtrat e Mbretit Zog do të mbërrijë në Tiranë më 16 nëntor.
Homazhet do të zhvillohen ditën e shtunë, më datë 17 nëntor, nga ora 10:00-12:00 në Pallatin Mbretëror (Pallati i Brigadave), ndërsa në orën 12:00 do të zhvillohet ceremonia e rivarrimit të eshtrave të Mbretit Zogu I në Mauzoleumin e Familjes Mbretërore.
Këto ditë Partia Lëvizja e Legalitetit ka dhe një ngjarje tjetër të shënuar. Pas vlerësimit dhe nderimit që i bëri dje Kuvendi i Shqipërisë figurës së Abaz Kupit, më datë 18 nëntor 2012 do të zhvillohet në Krujë ceremonia festive e dhënies së titullit “Qytetar Nderi” për Abaz Kupin. Gjithashtu, sheshi kryesor i qytetit të Krujës do të mbajë emrin e tij dhe do të ketë bustin e tij. (Abaz Kupi ka qenë kryetari i parë i Legalitetit, riorganizuar në Zall-Herr të Tiranës më 21 nëntor 1943). (Kortezi Ekrem Spahia)