Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

UROHEN PASHKËT ORTODOKSE, FESTË ZYRTARE E KOSOVËS SHTET

by

-Në mesazhet e urimit të festës së Pashkëve Ortodokse përkujtohet edhe se, si sot 112 vite më parë Imzot Fan S. Noli e përfundoi përkthimin e botimin dhe e mbajti Meshën në shqip në Pashkët e atij moti për komunitetin shqiptar ortodoks në Boston – Amerikë/

PRISHTINË, 19 Prill 2020-Gazeta DIELLI nga korrespondenti në Kosovë Behlul Jashari/ Përfaqësues institucionalë e politikë të Kosovës kanë uruar të gjithë besimtarët shqiptarë ortodoksë kudo ku janë, si dhe besimtarët ortodoksë të minoriteteve etnike në Republikën e Kosovës, me rastin e kremtimit të Festës së Pashkëve, duke përkujtur edhe se, si sot 112 vite më parë Imzot Fan S. Noli e përfundoi përkthimin e botimin dhe e mbajti Meshën në shqip në Pashkët e atij moti për komunitetin shqiptar ortodoks në Boston – Amerikë.

Ligji për Festat Zyrtare në Republikën e Kosovës përcakton  festat zyrtare, mes të cilave Pashkët Ortodokse, E hëna e Pashkëve

Ligj është miratuar në Kuvendin e Kosovës në 21 Maj 2008,  pak më shumë se tre maj pas shpalljes së Pavarësisë në 17 Shkurtin historik 2008.

Dekretimi i Ligjit për festat zyrtare si dhe i 40 ligjeve tjera të dala nga Paketa e Propozimit Gjithpërfshirës për Zgjidhjen e Statusit të Kosovës të Kryenegociatorit Martti Ahtisaari – Emisarit Special të OKB-së, ishte një nga zhvillimet e ditës së 15 Qershorit 2008 të hyrjes në fuqi të Kushtetutës së Kosovës, e cila është miratuar nga Kuvendi para 12 vitesh në 9 Prill.

Presidenti i Republikës së Kosovës, Hashim Thaçi sot  ka shkruar: 

Me rastin e Pashkëve ortodokse, të gjithë besimtarëve ortodoksë ua uroj këtë festë me besimin në vlerat pozitive religjioze, ndjenjat e mirësisë dhe respektin e ndërsjellë për njëri-tjetrin. Jam i lumtur që shtëpia jonë, Republika e Kosovës, ka harmoni dhe tolerancë ndëretnike, ku secili i gëzohemi festave të të gjitha komuniteteve. 

Kryeministri në detyrë i Republikës së Kosovës, Albin Kurti në mesazhin e urimit shkruan:

Sonte besimtarët ortodoksë kremtojnë Pashkët. Pazakonshëm, ndryshe nga ceremoniali mijëravjeçar, besimtarët nuk do të munden që fizikisht të shkojnë bashkë në Meshën e shenjtë. Por shpresën për përtëritjen e lutjet për ditë më të mira të gjithë në familjet e tyre do t’i japin pa kursim.

U bashkohem atyre duke ua uruar Pashkën, besimtarëve shqiptarë ortodoksë kudo ku jetojnë, si dhe besimtarëve ortodoksë të minoriteteve të ndryshme etnike në vendin tonë.

Si sot, 112 vite më parë, Imzot Fan S. Noli e përfundoi përkthimin e botimin dhe e mbajti Meshën në shqip në Pashkët e atij moti për komunitetin shqiptar ortodoks në Boston.

 Poashtu, Kryetarja e Kuvendit të Kosovës, dr.Vjosa Osmani ka uruar besimtarët ortodoksë me rastin e festës së Pashkëve. Në mesazhin e saj thuhet:

Në këto ditë kur po përballemi nga pandemia Covid-19, Festa e Pashkëve ortodoks duhet të shërbejë për ta bartur mesazhin e unitetit dhe solidaritetit njerëzor. 

Ashtu siç Pashka simbolizon kalimin nga e përkohshmja në të përjetshmen, duhet ta ringjallim forcën për të ecur përpara me besim tek njëri-tjetri për një të ardhme më të mirë!

Për shumë mote Pashkët, gjithë besimtarëve ortodoksë!​

DOM.LUSH GJERGJI NGUSHËLLON JIM XHEMËN, NË EMËR TË IMZOT DODË GJERGJIT, KLERIT DHE KISHËS KATOLIKE NË KOSOVË

by

Dom Lush Gjergji ka përcjellë nga Kosova ngushëllimet më të sinqerta për Jim Xhemën me rastin e kalimit në amshimi të gruas së Tij, Mrika Xhema. 

         Mrika e gëzoftë amshimin e lumtur, ndërsa Xhimi dhe Familja e Tij, paçin ngushëllimin, me Uratë dhe Dashuri!

           Në emër të Imzot Dodë Gjergjit, Klerit dhe Kishës Katolike në Kosovë.

Dom.Lush Gjergji

Patriotism, our love for the nation must be followed by previous generations

by

By: Ilber Gashi/ 

(April 19, 2020) If Albanians are to survive at a level of dignity worthy of its great or sad past, we must help ourselves recapture some sense of the teachings of the great thinkers, national figures and patriots of former ages. It must come again to see that sound legal and political institutions not only express our nation’s highest ideal of what Albania may become, but that they are indispensable instruments for enabling us to realize that ideal. It would be comforting to believe that the forces of history are working inevitably toward this realization and that we too are cooperating with the inevitable. Currently Albanians remain divided in the Balkan region, and one can hope to be reunited. We can only hope that this is so. But we can know that the forces of Albanian institutions, struggling to realize itself on its highest plane, are working with all of us and that those forces need our help desperately. Our patriotism, our love for our nation must follow the former generations who fought hard for the existence of this small but great nation in the heart of Europe! Why is it that with all its political brutalities, genocide, killings and absurdities Serbia still retains an active appeal in the minds and European political figures? For we must never forget that this appeal does exist but we must work hard to convince our historical friends and nations that we are endangered by Serbia, we are peaceful nation and we look for peace and prosperity in the region. There is a period of great difficulty to reach peace with Serbia backed by Russia and mainly Putin. There is no mystery about peace negotiations problems with Serbia. They fit into an almost classic pattern known from antiquity and hundreds of years of dark Balkan history. The Albanian political leaders must find some accommodation and solution for Kosova. And that solution is easy. Kosova remains untouched with its existing borders. All leaders must be united with a single voice when negotiating with Serbia. The danger with Serbia will never go away; they will remain our enemy for years to come.

21 vjetori i masakrës në Makoc

by

Shkruan: Kryeministri në detyrë i Republikës së Kosovës, Albin Kurti/

Shtegtimi…

Forcat policore e ushtarake serbe e jugosllave në fshatrat e Gollakut vetëm në periudhën 19-23 prill 1999 vranë barbarisht 115 civilë të pafajshëm. Mosha e të masakruarve ishte prej 7 vjeç (Fortesë Rusinovci) e deri 98 vjeç (Hamide Zuka). Masakra më e tmerrshme dhe më masive e këtyre ditëve kishte ndodhur më 21 prill 1999 në fshatin Makoc, rreth 7 km në veri të Prishtinës, prandaj prej 115 të masakruarve nëpër fshatrat e Gollakut, 93 u rivarrosën pas luftës në fshatin Makoc, në tokën që e dha falas Mihrije Krasniqi. Ndonëse kanë kaluar 21 vjet, ende askush prej urdhërdhënësve dhe prej ekzektuesve të këtyre krimeve as nuk është gjykuar e as nuk është dënuar. Këtu po i shfaqim edhe dy fotografi të Ridvan Slivovës nga ajo kohë e ky vend.

Me Këshilltarin tim politik, Shkëlzen Gashi, sot bëmë nderime dhe vendosëm lule të freskëta te Memoriali në Makoc.

Dy fotot e para: Ridvan Slivova.

PRESIDENTI THAÇI NGUSHELLON Z.JIM XHEMA

by

Me pikëllim mora lajmin për vdekjen e zonjës Mrikë Xhema, bashkëshortes së bashkatdhetarit tonë të shquar në Shtetet e Bashkuara të Amerikës, Jim Xhema.

Jim Xhema është ndër personalitetet më të rëndësishme të lobit shqiptaro-amerikan, duke afirmuar çështjen e Kosovës në Uashington që nga vitet e tetëdhjeta të shekullit që shkoi. Me lidhje të fuqishme me kongresistë dhe senatorë amerikanë, me mbështetje të gjerë familjare dhe financiare, ai ka dhënë kontribut madhor dhe të pazëvendësueshëm deri në ditët e sotme.

Në emër timin dhe gjithë qytetarëve të Kosovës, mikut tonë të madh, Jim Xhemës, si dhe gjithë familjarëve e miqve të tij, u shpreh ngushëllimet më të sinqerta. Lutemi që shpirti i zonjës Mrikë të prehet në parajsë! HTH