Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

Për 24 vjetorin e rënies së Mujë Krasniqit dhe 40 dëshmorëve të tjerë të UÇK-së

by

Albin Kurti/

Mëngjesin e ftohtë të 14 dhjetorit 1998, një grup ushtarësh të Ushtrisë Çlirimtare të Kosovës, teksa po kalonin kufirin mes Shqipërisë dhe ish Jugosllavisë për të hyrë në Kosovë, hasën në një pritë të forcave serbe. Të ngarkuar me armë dhe municione siç ishin, ushtarët e UÇK-së u përballën me trupat serbe duke luftuar te Likenet e Hasit në Gorozhup të Pashtrikut.

Gjithsej 41 ushtarë të UÇK-së ranë dëshmorë në udhëtimin e tyre të përbashkët prej luftëtarësh për çlirimin e Kosovës nga Serbia okupatore. Ndër ta edhe Mujë Krasniqi – Kapuçi, Komandant i Brigadës 113 në Zonën Operative të Drenicës. Atë ditë të hënë, në Pashtrik ranë dëshmorë:

Mujë Halil Krasniqi: (06.06.1967) – Klinë

Ali Halil Krasniqi: (13.05.1975) – Klinë

Gani Hasan Zogaj: (19.05.1973) – Klinë

Ilir Hazir Asllani: (27.07.1969) – Skënderaj

Rifat Fazli Mëziu: (28.11.1968) – Skënderaj

Agim Halil Mëziu: (10.04.1974) – Skënderaj

Xhevat Shaban Thaçi: (23.08.1979) – Drenas

Muhamet Aziz Dervishi: (27.11.1967) – Drenas

Sylejman Zeçir Elshani: (11.05.1957) – Drenas

Faton Nazif Xhylani: (06.04.1981) – Drenas

Gani Halit Elshani: (19.05.1973) – Drenas

Luljeta Jahir Shala: (20.11.1977) – Drenas

Agron Mahmut Mehmeti: (07.11.1973) – Drenas

Mentor Ramadan Ibriqi: (09.01.1979) – Drenas

Kadri Haki Demaj: (21.01.1975) – Shtime

Fadil Bajrush Rashiti: (08.01.1975) – Shtime

Afrim Islam Musliu: (21.01.19710) – Shtime

Selim Shaip Selimi: (07.02.1978) – Shtime

Arben Rexhep Hyseni: (12.04.1980) – Shtime

Hafir Imri Bajrami: (15.04.1980) – Shtime

Xheladin Hamdi Xheladini: (02.04.1976) – Shtime

Ramadan Deli Elshani: (20.01.1976) – Shtime

Naser Shefki Kelmendi: (13.07.1976) – Shtime

Isa Xhemshir Olluri: (12.02.1979) – Lipjan

Enver Zymer Olluri: (31.01.1979) – Lipjan

Qamil Hysen Olluri: (15.11.1976) – Lipjan

Bashkim Azem Krasniqi: (25.02.1977) – Lipjan

Beqir Sefë Gashi: (03.01.1966) – Malishevë

Hazir Nezir Kryeziu; (06.09.1956) – Malishevë

Kadri Jahir Gashi: (26.03.1980) – Malishevë

Maliq Hamëz Karaqica: (13.08.1949) – Malishevë

Astrit Gafurr Bytyqi: (17.04.1980) – Ferizaj

Hysni Shaip Kajtazi: (24.04.1979) – Ferizaj

Bekim Qamil Bytyqi: (04.02.1978) – Rahovec

Isaj Muharrem Morina: (13.03.1958) – Rahovec

Mevlan Tefik Hoxha: (09.07.1974) – Prizren

Qenë Avdyl Qenaj: (25.08.1957) – Prizren

Besim Sylejman Qarri: (26.04.19780 – Suharekë

Hysen Kadri Bujupi: (28.10.1969) – Istog

Veli Beqir Ballazhi: (13.09.1978) – Hani i Elezit

Avni Bislim Kutllovci: (21.03.1977) – Vushtrri

I lindur më 1967, në fshatin Çabiq të Klinës, Mujë Krasniqi ishte shumë aktiv në grupet e armatosura që gjatë viteve ’90-të, realizuan dhjetëra aksione guerile kundër policisë serbe dhe pushtetit të Serbisë në Kosovë. Në dukje i shqueshëm edhe nga mjekrra dhe kapela e tij, Muja ishte në ballë që nga fillet e grupeve të para të armatosura, siç qe në ballë edhe në daljen e parë publike të UÇK-së, më 28 nëntor 1997, në fshatin Llaushë.

Sot në përvjetorin e 24-të të rënies së këtyre 41 dëshmorëve të UÇK-së në Pashtrik, Mujë Krasniqin po e kujtojmë me këto 7 fotografi të shkrepura nga gazetari norvegjez Paul Refsdal, i cili e njohu Mujën në spitalet e UÇK-së në Drenicë, ku të dy u kuruan nga plagët. Vetë Refsdsal ishte plagosur në Pashtrik, aty ku pak muaj më pas do të binte Muja. Në këto fotografi historike të publikuara më 2016 nga historiani Durim Abdullahu dhe të bëra mes fshatit Caravik të Klinës dhe fshatit Murgë të Skënderajt, Mujë Krasniqi shihet i plagosur, teksa lëviz me paterica mes ushtarëve të tij, ndër ta edhe Beqir Gashi. Muja dhe Beqa ishin bashkë në këngë dhe në luftë, deri në ditën e 14 dhjetorit 1998, kur ranë dëshmorë për liri, duke u bërë frymëzim për luftë dhe këngë.

Lavdi Mujë Krasniqit, lavdi dëshmorëve të rënë bashkë me të dhe të gjithë dëshmorëve të kombit që dhanë jetën e tyre për çlirimin e Kosovës!

Visar Zhiti i përzgjedhur ndër poetët e shquar botërorë

by

Marius Chelaru, Kryeredaktor i revistës “Poezia”, organ i Lidhjes së Shkrimtarëve të Rumanisë si dhe zv/kryredaktor i një nga revistave më prestigjoze në Rumani “Convorbiri literare”, botoi këto ditë librin me intervista të personaliteteve të shquara letrare bashkëkohore “Interviurile revistei poezia./ Intervistat e revistës poezia”. 

Mes personaliteteve të letërsisë botërore, studiuesi dhe shkrimtari Marius Chelaru, ka zgjedhur intervistën me poetin dhe prozatorin tonë të shquar, Visar Zhiti, intervistë e përkthyer në rumanisht nga Dr. Renata Topciu-Melonashi.  

Përmes mendimeve të poetit të mirënjohur shqiptar, i kushtohet një vend i posaçëm letërsisë shqipe në peisazhin e letërsisë botërore.

Visar Zhiti jep mendime interesante për procesin krijues, për letërsinë e shkruar në kohën e diktaturës së Enver Hoxhës, për cenzurën komuniste, letërsinë e burgjeve, letërsinë e pabotuar, për dukuritë e sotme letrare, për ecurinë dhe problemet  që janë të përgjithshme dhe të posaçme të letrave shqipe. Visar Zhiti flet për lirinë, shtypjen, cenzurën, rolin e letërsisë dhe shkrimtarëve sot.

Personaliteti i letrave shqipe, Visar Zhiti, ka katër vëllime të botuara në gjuhën rumune. Librat kanë pasur jehonë në shtypin e specializuar dhe janë vlerësuar së tejmi nga lexuesi rumun. Vëllimet poetike dhe romanet janë përkthyer në rumanisht nga Luan Topçiu dhe Renata Melonashi-Topçiu.

Mos harrojmë se pikërisht gjatë këtij viti, poeti ynë u nderua me Çmimin e Madh si Laureat i Festivalit Botëror të Poezisë “Mihai Eminescu”.

Marius Chelaru është një mik dhe njohës i shkëlqyer i letërsisë shqipe. Është autor i katër librave që ia ka kushtuar Shqipërisë, shqiptarëve dhe veçanërisht letërsisë shqiptare. Në shtypin letrar në Rumani, kritiku, poeti, përkthyesi dhe drejtues i revistave letrare, ka botuar mbi 200 artikuj për letërsinë shqiptare. 

Në fillim të këtij muaji, në qytetin e Iasi-it u promovua një libër imagologjik për Shqipërinë dhe shqiptarët, për imazhin e tyre në shtypin dhe librat e botuar në Rumani deri në momentin e Shpalljes së Pavarësisë së Shqipërisë. Promovimi i librit u zhvilla në mjediset e Lidhjes së Shkrimtarëve të Rumanisë, filiali Iasi, në praninë e Kryetarit të lidhjes, shkrimtarit Cassian Maria Spiridon, të deputetit Bogdan-Alin Stoica si dhe të Presidentit Dr. Radu Savulescu. Për librin posaçërisht foli Dr. Luan Topçiu, por dhe për ndihmesën që ofron Marius Chelaru në forcimin e marrëdhënieve midis kulturave tona, në njohjen e kulturës shqiptare në Rumani etj.

Zyra e Shtypit

ALAR

Rumani

Instalimi i TEC-ve lundruese në Vlorë, aferë e pastër korrupsioni

by

Gëzim Zilja/

Dy ditë më parë Ministrja Balluku, pasi parashtroi planin për ndërtimin e një sërë rrugëve të reja foli se tashmë nuk do të përdoret fasho e 800 kilovat/orëshit, për familjet shqiptare sepse qeveria mendon për popullin dhe rënia e reshjeve ka qenë e bollshme. Por reshjet, shtoi ajo, do të jenë deri më 17 dhjetor. Dhe si një kujdestare fëmijësh naivë vazhdoi: Për të kursyer ujin ( nuk do të ketë më shira vallë deri dhjetorin tjetër?! ) do vihen në punë dy TEC-et lundruese të ardhura nga Bangladeshi të ankoruara në Portin e Zvërnecit. Edhe shejtan edhe budalla thotë një fjalë e urtë e popullit të stërvuajtur shqiptar. TEC-et u muarën nga fundi i botës, shëmbull unik ky në Evropë, sepse gjoja do të kishte krizë të rëndë energjitike. Në maj dhe qershor KM-ja çau ekranet e televizioneve me konferenca demagogjike mbi krizën energjitike që do të pllakoste në Europë për shkak të luftës në Ukrainë. U tha që TEC-et lundruese do të përdoren gjatë muajve të thatësirës qershor-shtator 2022 për të kapërxyer krizën. Madje Balluku, me paditurinë e saj të admirueshme, tha që SHBA-të favorizuan Shqipërinë sepse këto makina rrangallë të ndaluara në Europë i kërkoi dhe Gjermania dhe ia dhanë Shqipërisë madje me çmim më të ulët. Shumë e ulët steka e inteligjencës me këto argumenta foshnjarakë të Ministres. Le të arsyetojmë pak.

1.Ministrja gënjeu kur tha se gërmadhat që do të prodhojnë energji do të vihen në punë muajt e verës. Muajt e verës na kanë lënë shëndenë e TEC-et prodhuan zero energji elektrike.
2.Në zonën ku janë vendosur TEC-et po vazhdon puna për thellimin e detit mbasi nuk plotësohen kushtet (zhytje 3,5m) për ankorimin e anijeve. Puna për thellimin po shkatërron pyllin me hedhjen e rërës dhe ujit të kripur në zonën pyjore ekzistuese. Gjithë vlerën e ndërtimit të infrastrukturës e paguan qeveria shqiptare.
3.Anijet që do të prodhonin energji elektrike gjatë verës u ankoruan në portin e Zvërnecit më 9 shtator. Qysh nga kjo datë, duke iu referuar kontratës së lidhur (TEC-et janë marrë me qira për dy vjet) me shoqërinë amerikane qeveria do t’i paguajë kësaj qira 100.000 USD për cdo ditë. Deri në janar pa prodhuar asnjë ditë energji qeveria shqiptare do tu paguajë TEC-ve lundruese 120 ditë x100.000 USD/ditë=12.000.000 USD. Për dy vjet prodhojnë ose jo energji kemi: 720ditë x100.000USD/ditë=72.000.000 USD. Theksoj vetëm për qera. Nuk po llogarisim këtu sesa do ia blej KESH-i, TEC-ve kilovat/orën i detyruar nga kontrata, pavarësisht sa është çmimi në tregun e lirë.
4. Anijet do të furnizohen nga toka me bote gjigandë deri në tridhjetë ton për të cilat do të rrafshohen rreth 2(dy) ha pyll për tu parkuar, shkarkuar e vendosur tubacionet.
5. Puna po vazhdon por leja mjedisore nuk është dhënë ende nga ministria përkatës, gjë që përbën shkelje të rëndë të legjislacionit shqiptar. Sa u tha më lart duket qartë se kemi të bëjmë me një vjedhje të turpshme të taksapaguesve shqiptarë. Kontrata me TEC-et lundruese duhet të anullohet dhe opozita duhet ta kallxojë në SPAK këtë aferë të turpshme.
Rezervat ujore të hidrocentraleve janë të bollshme. Shira e borë do të ketë e rezervat do të rriten. Shqipërisë edhe për pesë muaj i mjafton energjia që prodhon vetë, madje KESH ka filluar me kohë shitjen e energjisë. Atëherë përse duhet të vihen TEC-et lundrues në punë? KESH-i shet energji jashtë Shqipërisë dhe blen nga dy rrangalla që qelbin dynjanë me djegijen mazutit? Sa mend do të kuptohet që po vidhet ditën me diell?

Kastro Zizo nderohet me çmimin “Artisti i Vitit” në Uashington DC

by

Nga Nora Kalaja, Nju Jork/

Me 10 dhjetor 2022 artisti i shquar shqiptar Kastro Zizo (Klevis Bega) ka marrë çmimin madhor “Artisti i Vitit 2022” në Uashington DC. 

Me kërkesë të Senatorit të nderuar Charles E. Schumer, flamuri Amerikan u valvit në ndërtesën e Kongresit Amerikan në Uashington DC më 10 dhjetor 2022 me rastin e Ditës Botërore të OKB-së të Drejtave të Njeriut, duke nderuar artistin Kastro Zizo (Klevis Bega), Artisti i Vitit 2022.

Zyra e senatorit Schumer nderon artistin Kastro Zizo (Klevis Bega), Artisti i Vitit 2022 “për arritjet e jashtëzakonshme dhe kontributin e tij të rëndësishëm në artet krijuese në Evropë dhe SHBA. Me festimin e Ditës së OKB-së për të Drejtat e Njeriut 2022, ju përgëzojmë për avokimin tuaj për dinjitet, liri dhe drejtësi, veçanërisht për të rinjtë në Shqipëri dhe në mbarë botën”.

“Te vlerësohesh me një çmim të kësaj lartësie është mikluese, por nderi dhe krenaria vinë me njohjen dhe mbështetjen që njerëz të mëdhenj, i japin punë së një njeriu të dalë nga një vend i vogël si Shqiperia!” u shpreh Kastro Zizo.

Kohët e fundit, mediat prestigjioze amerikane kanë përfolur për suksesin dhe arritjet artistike, dhe jo vetëm të artistit të njohur Kastro Zizo. Revista amerikane NY Glamour Magazine e quan baba i rrokut urban dhe sensacion internacional që ka influencuar gjenerata në Shqipëri e më tej. Gjithashtu është emëruar “Artisti më me ndikim në 2022” (Most Influential Artist of 2022) nga revista NY Elite Magazine. 

Kjo është hera e dytë që Kastro Zizo nderohet me çmimin “Artisti i Vitit” në karrierën e tij, për vitin 2022 në DC dhe më parë për vitin 2010 si “Artisti i Vitit” nga Zhurma Video Music Awards në Kosovë. 

Përveç kontributit në historinë e muzikës dhe këngëve shqiptare, artisti i madh Kastro Zizo ka lënë gjurmë edhe në shoqëri. Nëpërmjet organizatës jofitimprurëse “E ardhmja ime, e tashmja ime”, Kastro Zizo promovon të drejtat e të rinjve nëpërmjet organizmit dhe nxitjen e veprimtarive rinore. Themeluar në Tiranë në 2020, organizata krijon mundësi për edukim joformal, zhvillim dialogu, fuqizimin e rinisë, veprimtari artistike, kulturore, dhe sociale. 

Në nëntor 2022, organizata “E ardhmja ime, e tashmja ime” ideoi projektin “Kasketa” realizuar në bashkëpunim me Youth Tirana dhe me mbështetjen e Kongresit Rinor Kombëtar. Projekti kishte për qëllim promovimin e pikave turistike të Shqipërisë, afrimin e turistëve vendas dhe të huaj, si dhe shërbeu si një aksion komunitar për mirëmbajtjen dhe pastrimin e ndotjeve urbane. 

Një aktivitet tjetër me rëndësi i shoqatës është “Ura Fest”, një aktivitet kulturor dhe artistik që afron të rinjtë e talentuar pranë muzikës, për të realizuar ëndrrën e tyre. Projekti u realizua me sukses në bashkëpunim me shoqatën “E ardhmja ime, e tashmja ime”, Bashkia e Tiranës, dhe qëndra multimediale Ten, me krijues artistik Kastro Zizo dhe VinSmoker, dhe juri Alban Kondi dhe Indrit Topi. (Instagram @imeeardhmja, @kastro_zizo_) 

“Mendoj se të rinjtë janë motorri që do të na çojë në botën e së ardhmes, ndaj ne duhet të bëhemi trampolina e tyre sot në mënyrë që ata të jenë e ardhmja jonë nesër! Është e rëndësishme të punojmë sot për të hedhur themelet e botës ku do të rriten fëmijët dhe nipërit tanë dhe kë themele janë padiskutim të rinjtë e së tashmes,” shtoi artisti Kastro Zizo.

Kastro Zizo honored with “Artist of the Year” Award in Washington DC

By Nora Kalaja, New York 

On December 10, 2022, the renowned Albanian artist Kastro Zizo (Klevis Bega) received the biggest award “Artist of the Year 2022” in Washington DC.

At the request of the Honorable Senator Charles E. Schumer, the American flag was flown over the US Congress building in Washington DC on December 10, 2022, in remembrance of the UN World Human Rights Day, honoring Kastro Zizo (Klevis Bega) Artist of the Year 2022.

Senator Schumer’s office honors artist Kastro Zizo (Klevis Bega) as the 2022 Artist of the Year, “for his exceptional achievements and significant contributions to creative arts in Europe and USA. In celebration of 2022 UN Human Rights Day, we commend you for your advocacy for dignity, freedom, and justice, especially for the youth in Albania and around the world.”

“It is a great privilege to receive an award of such high caliber. I am very honored and proud to receive recognition and support from the honorable senator Schumer. I am very appreciative to be seen as an artist coming from a small place like Albania. Art has the power to change the world,” said Kastro Zizo.

Recently, many prestigious American media have talked about the success and artistic achievements of the famous artist Kastro Zizo. NY Glamor Magazine called him the “father of urban rock” and an international sensation who has influenced generations in Albania and beyond. Kastro Zizo was also named the “Most Influential Artist of 2022” by NY Elite Magazine.

This is the second time that Kastro Zizo has been honored with the “Artist of the Year” award – in 2022 in DC and previously in 2010 by Zhurma Music Video Awards in Kosovo.

In addition to his immense contributions in the Albanian music and songs, the great Kastro Zizo has left a mark in Albanian society. Through his non-profit organization “My future, my present,” Kastro Zizo promotes the rights of youth through advocacy and organizing activities. Founded in Tirana in 2020, the non-profit organization creates opportunities for youth in education, dialogue activities, youth development, arts, culture and social issues.

In November 2022, the organization “My future, my present” (E ardhmja ime, e tashmja ime) organized the “Kasketa” project, in collaboration with Youth Tirana, and support from National Youth Congress. The project aimed to promote Albania’s tourism and to attract local and foreign tourists. The event was also a call for community action to clean up the city areas and to protect the environment.

Another important activity that the non-profit organized is “Ura Fest”, which is a cultural and artistic activity that brings talented young people closer to music, to make their dreams come true. The project was organized in cooperation with the Tirana Municipality and the multimedia center Ten, with artistic creators Kastro Zizo and VinSmoker, and the jury comprising of Alban Kondi and Indrit Topi. (Instagram @imeeardhmja, @kastro_zizo_)

“I believe youth is the driving engine that will take us towards the future. Therefore, we have to become their instrument today so they can be our future tomorrow. I believe in the work that I do in building our youth for the future. It is important to create the foundation in this world for our children so they can be the next generation leaders,” added Kastro Zizo.

Takimi mbarëkombëtarë “Shqipja në Diasporë” duhet të jetë i përvitshëm 

by

Takimi mbarëkombëtar “Shqipja në Diasporë” që u mbajt në Tiranë dhe Shkodër nga data 26-27 nëntor 2022, për hir të rëndësisë dhe nevojës që ka, me qëllim që t`i bashkërendisim aktivitetet dhe angazhimet tona të përbashkëta në shërbim të ruajtjes së gjuhës dhe kulturës kombëtare në Diasporë duhet të jetë i përvitshëm!

Ein Bild, das Text, Person, Mann, Schild enthält. Automatisch generierte Beschreibung

Shkruan: Vaxhid Sejdiu

Takimi mbarëkombëtar “Shqipja në diasporë” që u organizua ditë më parë në Tiranë dhe Shkodër me datat 26 -27 nëntor na detyron të mendojmë më shumë se njëherë, në shërbim të ruajtjes dhe zhvillimit të gjuhës shqipe në Diasporë. Një takim mirë i organizuar që na detyron ta bëjmë të përvitshëm me qëllim që të takohemi dhe të bashkëbisedojmë se çka realizuam në vitin që lëmë pas dhe çka mbeti parealizuar, që na detyron ta realizojmë në të ardhmen. Pra me një fjalë, thënë shkurt, takimi mbarëkombëtar “Shqipja në Diasporë” për hir të rëndësisë dhe nevojës që ka, me qëllim që t`i bashkërendisim aktivitetet dhe angazhimet tona të përbashkëta në shërbim të ruajtjes së gjuhës dhe kulturës kombëtare në Diasporë duhet të jetë i përvitshëm!

Në takim pashë një forcë të madhe pozitive intelektuale dhe profesionale në të gjitha panelet. E gjithë kjo është meritë e QBD dhe stafit të saj veçanërisht në drejtimin e znj. Mimoza Hysa, të cilët arritën të bëjnë bashkë një pjesë të forcës shqiptare në mërgim. A ka nevojë që idetë dhe mendimet të zgjerohen edhe më shumë. Padyshim se po. Por në të ardhmen, në momentin që aktiviteti shndërrohet në aktivitet të përvitshëm mundësitë e shumë përfshirjes do të jenë shumë më të mëdha. Mundësitë për të bashkëbiseduar janë shumë më reale dhe jam i bindur se rezultate në përpjekjet e mërgimtarëve për të ruajtur gjuhën dhe kulturën kombëtare nuk do të mungojnë. 

Ein Bild, das Person, darstellend, Personen, Gruppe enthält. Automatisch generierte Beschreibung

Çdo kush që mundohet në këtë rrugëtim duhet të përkrahet sepse vetëm bashkërisht duke i bashkuar forcat dhe duke zgjedhur më të mirën e mundshme në shërbim të këtyre aktiviteteve gjithëkombëtare mund të arrijmë aty ku synojmë. 

Këshilli Koordinues i Arsimtarëve në Diasporë (KKAD) më se dy vite ka bërë një punë jashtëzakonisht të madhe në shërbim të regjistrimit të të gjitha kërkesave të mësimit dhe zhvillimit të gjuhës shqipe në Diasporë. Dhe sot i gëzohemi faktit se disa gjëra kanë filluar të hynë në binarë dhe me shpresë që edhe kërkesat tjera të fillojnë të realizohen. Shpresojmë që së bashku do të arrijmë suksesin e dëshiruar.