Dita e Traditës Shqiptare 2022 në New York
NEVER FORGET- MOS HARRO KURRË
NGA MA. AGIM ALIÇKAJ
Promovim i librit “Mos Harro” Kurrë në Oslo, Norvegji, me porosi të rëndësishme nga ky tubim madhështor
– Përulemi vetëm përpara luftëtarëve të lirisë.
– Prof Dr. Nusret Pllana, shembull i përkushtimit kombëtar dhe sakrificës, e thotë me modesti se libri i madh për gjenocidin serb nuk është i imi, as libri i xhepit “Never Forget” nuk është i imi dhe i Agimit. Janë të shkruar me gjakun e më shumë se 1400 fëmijëve të masakruar dhe të gjitha viktimave të gjenocidit shekullor serb.
– Krimet e luftës ndaj civilëve nuk mund të harrohen as të falen nga askush. Kriminelët serb duhet të dënohen. Të gjithë armiqët e kombit tonë duhet të luftohen, jo të përkëdhelën.
– Nuk ka më lëshime ndaj fashistëve serb dhe as përulje ndaj përfaqësusesve të padrejtë ndërkombëtarë. Pikë! Ata politikanë që nënshtrohen dhe korruptohen nuk kanë ardhmëri në Kosovë.
– Përkëdhelja e vazhdueshme e shtetit shovenist pro-rus serb nga disa përfaqësues ndërkombëtarë është bërë e turpshme dhe paraqet poshtërim të civilizimit.
– Ata që trumbetojnë se Serbisë duhet t’i bëhen lëshime shtesë dhe t’i falen krimet, janë hajvanët më të mëdhenj të shekullit XXI.
– Shteteve gjenocidale të Rusisë dhe Serbisë u duhen thyer dhëmbët njëherë e përgjithmonë. Nuk ka rrugë tjetër.
– “Ballkani i hapur” është manipulim ballkanik, përpjekje për mashtrim të tjerëve dhe i vetvetes. E ka për qëllim vetëm avancimin dhe imponimin e hegjemonizmit ruso-serb në Evropën Juglindore.
– Bashkëpuntori i Millosheviqit, shovinisti serb Vuçiq mund ta bëjë Kosovën pjesë të Serbisë, siç thotë populli “kur të bëjë shelgu rrush”. Punë e madhe nëse nuk na njeh Serbia, ajo shtet i sëmur nga urrejtja për fqinjët dhe deshira e saj për të dominuar në Ballkan.
– Fondi i sigurisë nuk është fond i një qeverie, është fond i ekzistencës kombëtare shqiptare dhe duhet të përkrahet nga të gjithë shqiptarët, kudo në botë.
– Vlerësim dhe falënderim i përhershëm për ndihmën e NATO-s të udhëhequr nga Amerika për të ndaluar gjenocidin serb. Lidhjet me Amerikën duhet të forcohen dhe shtohen.
– Krenar me vëllazërit e mij Skënderin, Naimin, Esatin dhe Samiun në Oslo, me Bedriun në Kosovë, kunatat me vlera të larta familjare, nipat dhe mbesat me arritjet e tyre në të gjitha fushat. Me përkrahjen e tyre me dekada për aktivitete kombëtare në Amerikë, përmes Ligës Shqiptaro Amerikane të udhëhequr nga ish-kongresmeni Joseph DioGuardi dhe Znj. Shirley Cloyes DioGuardi, posaqërisht të Naimit, i cili ishte anëtarë i Bordit të Ligës nga viti 1990 deri pas çlirimit të Kosovës.
– Bashkatëdhetarët tanë të gatshëm për ta ndihmuar edhe më shumë Kosovën dhe të gjitha Trojet Tona.
– Falënderim nga zemra për organizatorët dhe pjesëmarrësit e shumtë në këtë takim.
Përpjekjet për drejtësi dhe afirmim të kombit të ndritur shqiptar me vlera të larta civilizuese, vazhdojnë pa u ndalur.
Mbrëmje përkujtimore me rastin e 1-vjetorit të ndarjes nga jeta të Artistit të Popullit Pirro Mani
Marjana Bulku
Nju Jork
Në mjediset e Producers Club Theater , Manhattan me menaxher vëllezërit Tollja( Ernest & Fredi Tollja) skenografi Andis Gjoni organizoi një mbrēmje përkujtimore në nderim të regjizorit të mirënjohur shqiptar Pirro Mani i cili ndërroi jetë një vit më parë.
Merrnin pjesë në këtë kujtesë nderuese e përkujtimore, aristë dhe aktivistë të komunitetit shqiptaro-amerikanë në Nju Jork, miq dhe adhurues të regjizorit dhe artistit të madh shqiptar Pirro Mani i cili është skalitur në kujtesën e spektatorit shqiptar me rolet e tij ku spikati ai i Sali Protopapës tek filmi “ I teti në bronx”.
Mbrëmjen e hapi iniçuesi dhe organizatori i këtij eventi , zoti Andis Gjoni i cili solli në vëmendjen e të pranishmëve madhështinë dhe thjeshtësinë e regjizorit Pirro Mani, copëza të gjalla nga humori dhe jeta e tij aktive dhe më pas i ftoi pjesmarrësit të ndiqnin një dokumentar të pregatitur enkas për këtë mbrëmje si nderim dhe homazh për artistin e madh që i fali aq shumë artit dhe kinematografisë shqiptare.Dokumentari solli materiale konçize intervistash dhe vlerësimesh që miqtë artistë ia kushtonin Pirro Manit , njeriut që i fali skenës aq shumë role dhe kontribute historike.
“ Kur kthehem në Shqipëri pêrveç të tjerash ndjej edhe boshllëkun e ikjeve të artistëve nga kjo jetë “ – shprehet Mani në një prej daljeve të tij të fundit në Albanian Culture TV (2015)
Është e dhimbshme kur ikin artistët sepse bashkë me ta duket se largohet edhe një copëz e artit , kreativitetit dhe energjisë së bukur që ato mbartin.
Pirro Mani ishte regjisor dhe pedagog i shkëlqyer, për 25 -vjet punoi në Teatrin Kombëtar, lindi në Korçë më 14 Prill 1932 për t’u shquar si një nga personalitetet më të shquar në historinë e teatrit shqiptar.
Studioi në Institutin Shtetëror të Artit Teatror, GITIS, në Moskë. Pas kthimit në atdhe u emërua regjisor i Teatrit “A. Z. Çajupi”, Korçë, të cilin e drejtoi me sukses për disa vite Që nga 1967 – 1992 ka qënë regjisor i Teatrit kombëtar, ku ka vënë me dhjetra pjesë teatrale.
Në karrierën e tij numërohen mbi 80 -shfaqje. Është nderuar me shumë çmime. Pirro Mani ishte konsideruar si mjeshtër i regjisë e skenave masive, njohës i thellë i mizanskenës. Shfaqjet kulminante janë; “Cuca e maleve”, “Fytyra e dytë”, “Arturo Ui”, “Gjenerali i ushtrisë së vdekur”, “Epoka para gjyqit”, “Nata e 12 -të”, “Prometeu”, etj. Është angazhuar edhe në disa filma artistikë. Ka fituar shumë çmime dhe është nderuar me titullin e lartë “Artist i popullit”.
Por siç shprehet Andisi pengu i tij ishte pamundësia për të vënë në skenën amerikane pjesë shqiptare, projekt ky që e le të hapur mundësinë e artistëve të shumtë që jetojnë sot në metropolin e madh amerikan për të shpalosur kryeveprat tona në sallat e boshatisura edhe pse mbi 150 -mijë shqiptarë jetojnë në Nju Jork.
Pas shfaqjes së dokumentarit pati një bashkëbisedim interaktiv mes artistëve dhe pjesmarrësve në këtë event të cilët e ndjejnë se koha për bashkërendime energjish dhe projektesh ka ardhur .
Në fund Zoti Andis Gjoni falenderoi të pranishmit, administratorin e Producer’s Club Theater, Ernest Tollja për sigurimin e mjedisit fizik me urimin se ky mjedis duhet të gjenerojë sistematikisht art dhe vlera të kulturës shqiptare ku monumente si Pirro Mani frymëzojnë dhe edukojnë përjetësisht.
Bujqësia shqiptare e harruar
Prof.Ass.Dr.Gjok Vuksani
Univeriteti Bujqesor i Tiranes/
Shqiptaret kane nje lidhje te vecante me token, te pakrahasuar me asnje kombesi tjeter .Toka , fshati , shtepija e te pareve jane emocione te pashlyeshme tonat qe ne i marrim gjithmone me vete kudo qe shkojme , kudo ku jetojme ne cdo vend te botes.
Rralle mund te gjesh nje shqiptar qe nuk ka mbjelle nje fidan, qe nuk ka vjele nje frut, qe nuk ka bere nje pune te rendomte ne bujqesi, gje e cila eshte shum me e rralle per francezet, amerikanet apo gjermanet.
Kjo lidhet edhe me faktin qe deri ne vitin 1990 rreth 75% e shqiptareve kane jetuar ne zonat rurale te Shqiperise dhe aktualisht rreth gjysma e tyre jetojne po aty.
Ne Shiperi ka rreth 700 mije ha toke bujqesore, nga te cilat 85 % jane privatizuar dhe 15 % vazhdojne te jene prone shtetrore.
Por gjendja e bujqesise dhe fermerve ka ardhur duke u perkeqsuar vit pas viti .Une guxoj te them se nje nga faktoret kryesor te prapambetjes se zonave rurale ,eshte nenvlersimi nga qeveria vecanerisht keto vitet e fundit.
Te krijohet bindja qe “QEVERITARET”e kane harruar bujqesine dhe fermerin, ata merren nga mengjesi deri ne darke me gjithcka tjeter si ndeshjet e futbollit ,ngjyrat e autobuzeve …por jo me bujqesine dhe fermeret qe kontribuojne me rreth 20% ne GDP shqiptare.
Ky nenvlersim i bujqesise deklamohet qartesisht kur veren drejtuesit e dikasterit te bujqesise qe parakalojne njeri pas tjetrit nder vite, pa pasur asnje fije lidhje me fshatin.
Sot e ke te veshtire te gjesh ne krye te nje institucioni qendror apo rajonal te bujqesise nje drejtues agronom , veteriner apo zooteknik,pasi shumica jane katapultuar nga jurisprudenca , bankat apo shkencat sociale .
Pikerisht per kete arsye eshte praktikisht e pamundur te presesh politika te qarta per zhvillimin e bujqesise, profesionalizem, ekspertize dhe aftesi per transferimin e teknologjive te reja tek fermeri.
Situata behet edhe me dramatike nga mbeshtetja qesharake qe qeveria jone jep per bujqesine ,ku vetem 3 euro / hektar shkon direkt tek fermeri, ndersa 42 euro/hektar shkon tek institucionet qe kane si detyre monitorimin e saj , ne diference nga vendet e rajonit ku shumica e fondeve shkon tek direkt tek fermeri ( Grafiku i meposhtem sipas FAO).
(Ref. Revista Monitor, 2022)
Fqinji yne Maqedonine e Veriut alokon 143 euro/ha mbeshtetje shtetrore direkt tek fermeri dhe 45 euro/hektar tek institucionet mbeshtetes.
Gjate vitit 2018 vendet e rajonit si Kosoava , Maqedonia , Mali i Zi kane dhene mbeshtetje direkte te fermeri 53 euro /hektar ndersa vendi jone jep vetem 3 euro per hektar ose 18 here me pak .
Argumentat jane te shumte por pa dashur te merzisim lexuesin po permendim edhe nje : Bilanci tregtar ne bujqesi eshte teper negativ ne raportin import-eksport 3:1, ose e shprehur ne vlere monetare kemi nje total importesh prej 900 milion euro/vit, kundrejt afersisht 300 milion euro/vit eksporte.
Kjo harrese e qellimshme e bujqesise ka bere qe nga zonat rurale te emigrojne ne Europe dhe USA nje numer i madh shqiptaresh.
Sot fshatra te tera ne zonat malore te Pukes,Kolonjes,madje edhe ne zonat bujqesore me te zhvilluara si Korca , Shkodra dhe Lezha jane braktisur nga rinia, aty mund te gjesh vec te moshuar qe mezi capinet neper rruget e vetmuara.
Duket sikur “tablone” po e pikturoj me ngjyra te erreta por kjo eshte e verteta e hidhur e bujqesise se vendit tim dhe e vendit tuaj.
Por cfare duhet te behet qe te ndryshoje kjo gjendje katastrofike e bujqesise??
Se pari mendoj se duhet te rritet mbeshteja direkte per bujqesine e krahasushme te pakten me vendet e rajonit Kosoven, Maqedonine dhe Malin e Zi.
Shqiptaret nuk mund ta punojne token me naften 250 leke/liter (2.3$) kjo eshte pikerisht arsyeja qe vitet e fundit ne disa zona te vendit ka filluar rishtas punimi me kafshe i tokes, teknologji qe kishte 75 vite qe nuk aplikohej me ne vendin tone.
Eshte urgjente te subvecinohet nga shteti per uljen e kostove te prodhimit ne bujqesi me qellim qe te kultivohet toka dhe cmimet e produkteve bujqesore te jene konkuruse, te pakten ne tregun rajonal.
Nje mase tjeter e domosdoshme eshte lehtesimi i barres fiskale ne bujqesi.Vetem vitet e fundit jane bere dy nderhyrje fiskale nga qeveria konkretisht: eshte rritur me 10% taksa doganore e inputeve bujqesore si dhe eshte hequr vlera prej 6% e rimbursimit te TVSH se produkteve bujqesore, te cilat kane ndikuar ne rritjen e cmimeve te inputeve dhe produkteve bujqesore.
Pra qeveria ne vend qe te mundesonte lehtesimin e barres fiskale ne kushtet e krizes globale te ushqimit, ka vepruar ne kah te kundert duke e perkeqesuar ate.
Duhet qe bujqesia te mos lihet ne meshire te tekave te natyres , prandaj mendoj se eshte domosdoshmeri subvensionimi nga shteti i skemave te sigurimeve te prones ne bujqesi nga permbytjet, zjarret dhe semundjet ne blegtori deri 50 % te primit te sigurimit
Nje problematike tjeter qe duhet te afrontohet nga qeveria eshte numri mjaft i reduktuar i studenteve qe studjojne ne deget me rendesi te vacate per ekonomine shqiptare si Agronomi , Veterinari apo Inxhinier Pyjesh.
Shqiperia ka nevoje edhe per juriste e ekonomiste, por nje vend bujqesor si Shqiperia nuk mund te zhvillohet pa agronome dhe inxhinjer pyjesh ku rreth 18 % te siperfaqes e zene kullotat dhe 37 % pyjet.
Prandaj duhet te mbeshteten me bursa studimi studentet qe studjone ne fushat e bujqesie ne menyre qe te pergatiten specialiste te afte per zhvillimin rural dhe transferimin e teknologjive te reja tek fermeret .
Sic shihet hallet e bujqesise jane te medha dhe sygjerimet mund te jene te shtumta por shpresoj qe te fillohet me dashamiresine e politikberesve per bujqesine dhe fermeret.
Te shpresojme se shqiptaret e diaspores kur te vijne ne vendin e tyre te shijojne produktet aautoktone te vendit tone djathin e Gjirokasteres apo qershine e Dibres , domaten “zemer kau” dhe jo feten greke apo domaten italiane.
Festivali i parë i shkollave Shqipe “Alba Life” New York dhe mbyllja me plot sukses e vitit akademik 2021-2022
Nga Keze Kozeta Zylo/
E ftuar speciale Ambasadore e Republikës së Shqipërisë në Washington DC znj.Floreta Faber.
Nderuan me pjesëmarrjen Ministrja e Shtetit për rininë dhe fëmijët në Republikën e Shqipërisë, zonja Bora Muzhaqi dhe z.Mark Gjonaj “Nderi i Kombit”.
Gjuha jonë, gjuhë hyjnore,
Flet me zemrat si me Zotin,
Oh ç’bekime dhurojnë gjyshërit,
Nga gëzimi derdhin lotin…
Amfiteatri i Qendrës “Illyria” siguruar nga z.Mark Gjonaj gumëzhinte plot e përplot nga zërat gazmorë të nxënësve të Shkollës Shqipe “Alba Life” Ambasador i Kombit që operon në të gjitha lagjet e Nju Jorkut dhe në Online. Ishte një e shtunë e bukur plot diell që të lëbyrte sytë, një e shtunë ku ushtuan në skenë këngët dhe vallet e mrekullueshme shqiptare. Çfarë magjie sollën në skenë do të më thoshte nje gjyshe rreth të 80-ve! Ne nipërit dhe mbesat tona i sjellim me dëshirën më të madhe për të mësuar shqip vazhdoi gjyshja.
Dhe dita e shtunë ishte magji, ishte bota e pasur dhe e çiltër e fëmijëve që u ngjitën në skenë plot confidencë për të shfaqur festivalin e bukur. Ata vallëzonin plot harmoni dhe në ritëm të muzikës popullore që ia shtonin dhe më shumë elegancën dhe hijeshinë amfiteatrit.
Nxënësit me kostumet shumëngjyrëshe dhe ngjyrat e Flamurit kuq e zi sillnin dhe më shumë emocion tek të pranishmit që i duartrokisnin plot ëndje dhe emocion artistët e ardhshëm të Diasporës.
Gjatë vitit akademik Shkolla Shqipe “Alba Life” me përvojë 15 vjeçare ka krijuar traditën kulturore të festojë me koncerte si: Ditën e Shenjtë të Flamurit Kombëtar, Festat e Fundvitit, Pavarësinë e Kosovës, Ditën e Shenjtë të Mësuesit, Koncert për mbylljen e vitit akademik shkollor, pjesëmarres në Festivalin e Shkollave Shqipe dhe për herë të parë organizoi Festivalin e të gjitha shkollave shqipe “Alba Life”. Festivali u moderua nga dy nxënës të talentuar bashkëpunëtore të TV “Alba Life” si Arelt Xhaferri dhe Kendra Duli. Ekspresiviteti i tyre në të shprehur e bënte dhe më të bukur komunikimin me publikun.
E ftuar speciale në këtë festival ishte Ambasadore e Republikës së Shqipërisë në Washington DC zonja Floreta Faber
Zonja Faber përshëndeti të gjithë nxënësit, mësuesit, prindërit për punën e shkëlqyer që po bëjnë për të mësuar Gjuhën Shqipe pranë Shkollave “Alba Life”. Ambasadore Faber me një karrierë të gjatë në diplomaci inkurajoi fort që të mos i harrojnë rrënjët e të parëve ndaj duhet ta shfrytëzojnë mundësinë që iu është dhënë për të mësuar dhe folur shqip.
K. Zylo bashkëthemeluese e shkollave shqipe “Alba Life” në emër të bordit dhe gjithë mësuesëve vlerësoi Ambasadoren Faber me Çmimin e Mirënjohjes si një personalitet i lartë i diplomacisë shqiptare dhe për kontributinn e saj të vyer për Shkollat Shqipe “Alba Life” në gjithë Nju Jorkun dhe në Online.
Ambasasore Faber ka qenë e pranishme para tri vjetësh në hapjen e Shkollës Shqipe “Alba Life” në Bronx dhe iu ka shpërndarë nxënësve librat e Abetares.
Dhenia e çmimit u mirëprit me duartrokitje nga të pranishmit.
Festivali i parë dhe dhënia e çertifikatave
Fjala e hapjes u bë nga Dr.Valbona Zylo Watkins e cila përshëndeti në emër të Bordit si drejtuese e procesit mësimor. Ajo është profesore në Staten Island College dhe në Montclair Academy në New Jersey e cila ka dhënë një kontribut të vyer për mbarëvajtjen e mësimit të Gjuhës Shqipe në New York. Programi filloi me këngën: Ty Flamur të duam shumë, kënduar nga kori i shkollave nën drejtimin e artistes së shquar Dëshira Ahmeti Kërliu.
Valltarët e shkollës Shqipe Alba Life në Bronx shfaqën vallen kuq e zi dhe “Vallja e Tropojës” intepretuar nga nxënësit e Bronxit, përgatitur nga mësuese Majlinda Tafaj. Shtoj se kjo shkollë është hapur para tri vjetësh dhe është plot sukses. Në këtë shkollë japin mësim gjithashtu plot përkushtim mësueset Fatbardha Shiqerukaj, Mirvete Krasniqi Veselaj dhe Alda Hoxhaj,
Në këtë festival nderoi me pjesëmarrjen e saj ministrja e Shtetit për rininë dhe fëmijët, zonja Bora Muzhaqi. Në përshëndetjen e saj zonja Buzhaqi tha se sot kam marrë shumë emocione si asnjëherë tjetër dhe u ndjeva tejet krenare, kur dëgjova këta nxënës që intepretonin mrekullisht këngët dhe vallet shqiptare.
Në këtë aktivitet madhështor ishte Z.Mark Gjonaj i cili si përherë të befason me pjesëmarrjen e tij në aktivitete dhe prania e tij veçse frymëzon brezat për të punuar më shumë për Diasporën dhe Kombin. Ai ka mirënjohjen e pakufishme të nxënësve, bordit dhe prindërve
Përshëndetën festivalin kryetari i Lidhjes së Shkrimtarëve, z. Mhill Velaj, si dhe z. Shaban Lajci artisti i mirënjohur i Diasporës dhe Atdheut.
Në skenë performuan nxënësit e Shkollës Shqipe “Alba Life” në Staten Island e cila është shkolla e parë që u krijua në këtë ishull të bukur. Ata interpretuan vallen: “Mor Bubrrec” përgatitur nga mësuese Elona Shkreta, Anxhela Alushaj dhe Ariana Topallaj.
Nxënësit e Shkollës Shqipe “Alba Life” në Brooklyn interpretuan: “Valle Kosovare” dhe “Vallja e Bariut- Rrënjët tona” përgatitur nga mësueset Gela Bulku dhe Ariana Topallaj. Një falënderim dhe mirënjohje e veçantë i shkon prindit Lindita Ndregjoni për përgatitjen e kostumeve plot hijeshi dhe profesionalizëm.
Shkolla e Quensit performoi: “Tring zilja, tring zilja”, “Sa do doja një qenush” këngë për fëmijë, përgatitur nga mësuese Eriola Shahaj nën drejtimin e artistit të njohur Dionis Delia.
Nxënësit e Shkollës Shqipe “Alba Life” në Staten Island përgatitur nga mësuese Entela Muda interpretuan “Vallja e Tiranës”.
Kori i Shkollave Shqipe intepretoi himnin e Shkollës Shqipe Gjuha Shqipe, Gjuha Jonë kompozuar mjeshtërisht nga profesori i pianos Petrika Melo drejtuar nga artistja e shquar Dëshira Ahmeti Kerliu.
Programi u mbyll me këngën popullore aq të njohur: “Xhamadani Vija Vija” kënduar nga kori nën drejtimin e artistes së mirënjohur dhe vitale Valbona Peraj.
Me çmimin e mirënjohjes u vlerësua zonja Vera Mjeku si një personalitet i shquar i Diasporës Shqiptaro Amerikane dhe mike e madhe e shkollave shqipe “Alba Life” në gjithë Nju Jorkun dhe në Online.
Pas këtij programi madhështor Dr.Valbona Zylo Watkins bashkë me Ambasadoren Faber dhe ministren Muzhaqi nën kujdesin e të gjitha mësueseve të klasave të cilat kanë bërë një punë të mrekullueshme për mësimin e Gjuhës Shqipe iu ndanë çertifikatat të gjithë nxënësve për vitin akademik shkollor 2021-2022.
Gjithë festivali u filmua dhe fotografua nga bashkëpunetorët e TV “Alba Life” si: gazetari Valon Gerbeshi, Bujar Sadikaj dhe Elton Xhaferri.
Dreka festive dhe çmimet nga Alba Life
Natyrisht pas një dite shumë të ngarkuar shumica e pjesëmarrësve drekuan së bashku në restorantin “La Botte” në Westchester të organizuar nga bordi i shkollës me kontributin e secilit si drekë festive.
Në këtë drekë festive u krye ceremonia e dhënies së çmimeve të mirënjohjes si Arta Xhaferri koordinatore pranë Shkollës Shqipe “Alba Life” në Bronx me motivacionin:
si Koordinatore për kontributin e saj të vyer dhe me profesionalizëm pranë Shkollës Shqipe “Alba Life” në Bronx.
Mësuese Entela Muda Çmimin e Mirënjohjes për kontributin e saj si një mësuese e përkushtuar me profesionalizëm pranë Shkollës Shqipe “Alba Life” në Staten Island.
U vlerëuan me plot dashuri dhe respekt nxënësit e dalluar të Shkollës Shqipe “Alba Life” si:
Blenda Ekuran Shehu, Kelvin Adil Rustani, Lediana Agim Hasanaj, Dion Odise Salillari
Ariana Daci. Ata janë krenari e Shkollës Shqipe “Alba Life” dhe do të jenë frymëzues për gjeneratat e ardhshme.
Dreka e organizuar kaloi në një atmosferë shumë festive dhe të pranishmit u argëtuan nën tingujt e DJ drejtuar mjeshtërisht nga z.Bujar Sadikaj.
4 Qershor, 2022
Qendra “Illyria” Bronx, NY