Kuvendi i Republikës së Kosovës, kryesuar nga kryeparlamentari Glauk Konjufca, mbajti seancën e radhës.

Në këtë seancë raportoi kryeministri i Qeverisë së Kosovës, Albin Kurti, për takimin e fundit në Bruksel lidhur me dialogun Kosovë-Serbi.

Fillimisht, kryeministri Kurti tha se më 26 tetor në margjina të Samitit të Këshillit Evropian në Bruksel zhvilloi takim me krerët e Bashkimit Evropian, me Kancelarin e Gjermanisë, Olaf Scholz, me Presidentin e Francës, Emmanuel Macron, me Kryeministren e Italisë, Giorgia Meloni, me Presidentin e Këshillit Evropian, Charles Michel, Zëvendës Presidentin e Komisionit Evropian, Përfaqësuesin e Lartë për Politikë të Jashtme dhe të Sigurisë, Josep Borrell, si dhe emisarin e tij për rajonin e Ballkanit dhe dialogun midis Kosovës dhe Serbisë, Miroslav Lajcak.

Në këtë takim, Kurti shtoi se së pari dhe mbi të gjitha ka kërkuar më shumë siguri në kufirin ndërmjet Kosovës dhe Serbisë.

“Nga Serbia erdhi agresioni ndaj Kosovës me paramilitarët, të cilët e kryenin sulmin terrorist të sponsoruar nga Serbia. Kërkova po ashtu që të bëhet edhe ndëshkimi e sanksionimi i Serbisë për këtë sulm terrorist ndaj Kosovës, pasi mosndëshkimi bëhet inkurajim për përsëritje”, theksoi Kurti.

Ndër të tjera, Kurti tha se ka kërkuar që Kosovës t’i jepet statusi i vendit kandidat për Bashkim Evropian dhe që pesë shtetet mos njohëse t’i bashkohen 22 shteteve anëtare të Bashkimit Evropian të cilat e njohin pavarësinë e Kosovës.

Më pas kryeministri Kurti dha detaje të tjera nga takimi i 26 tetorit në Bruksel.

“Para krerëve të Bashkimit Evropian si dëshmitarë dhe si garantues ne ofruam të nënshkruajmë Marrëveshjen Bazë të Brukseli të 27 shkurtit, me gjithë Aneksin Zbatues të Ohrit të 18 marsit, si dhe propozimin për zbatimin e nenit 7 të Marrëveshjes në lidhje me nenin 10, pra për idenë e vetëmenaxhimit të shndërruar në propozim. Nënshkrimi do të nënkuptonte pranim, e për rrjedhojë edhe zbatim. Mirëpo, pranimi do të thotë nënshkrim, e vetëm nënshkrimi do të thotë pranim dhe garanci për zbatim. Samiti i Këshillit Evropian në Bruksel ishte ngjarja, por edhe vendi, edhe kryeqyteti ku kjo do të duhej të ndodhte. Serbia refuzoi sërish nënshkrimin, duke refuzuar kështu edhe draftin për vetëmenaxhim apo zbatimin e nenit 7 të marrëveshjes në lidhje me nenin 10 të marrëveshjes bazike”, tha Kurti.

Tutje, kryeministri Kurti tha se ka mirëpritur deklaratën e përbashkët nga krerët e Bashkimit Evropian dhe shteteve të Gjermanisë, Francës dhe të Italisë të 27 tetorit për thirrjen për njohjen de-fakto të Kosovës nga Serbia, si dhe deklaratën e Presidentes së Komisionit Evropian znj. Ursula von der Leyen, e cila ishte për vizitë këtë të hënë në Kosovë.

Normalizimi i plotë i marrëdhënieve është interes i dyanshëm, shtoi Kurti, duke shtuar se prandaj edhe kërkohet njohje-reciproke. “Njohja de-fakto reciproke që është arritur tashmë me Marrëveshjen e Brukselit, ajo duhet të zbatohet. E ardhmja jonë është në Bashkimin Evropian dhe në aleancë, miqësi e partneritet me Shtetet e Bashkuara të Amerikës. Për Bashkimin Evropian, Shtetet e Bashkuara të Amerikës dhe Republikën e Kosovës, Marrëveshja Bazike në Bruksel dhe Aneksi në Ohër janë ligjërisht të obligueshme”, tha kryeministri Kurti.

Kryetari i PDK-së, deputeti Memli Krasniqi kritikoi qasjen e kryeministrit Kurti përballë deputetëve të Kuvendit të Kosovës lidhur me takimin e 26 tetorit në Bruksel.

Ai tha se kryeministri Kurti nuk foli për draftin e marrëveshjes për të cilin është ftuar të flas në Kuvend.

“Një e vërtetë e madhe prej të cilës nuk mund të largohesh është se ke pranuar asociacionin pa njohjen e ndërsjellë. Po flet për disa njerëz të mençur të disa shteteve mike, por po harron se dy presidentët e fundit amerikanë kanë thënë se ‘angazhohemi për marrëveshje gjithëpërfshirëse, finale me njohje në qendër’. Sot nuk është njohja në qendër. Nën kujdesin tuaj është hequr njohja, është bërë një marrëveshje e përkohshmë, jo finale, jo gjithëpërfshirëse, por e pjesshme me asociacionin në qendër, e sipas atij nenit shtatë me autonomi politike për serbët në qendër”, theksoi Krasniqi, duke shtuar se kjo është arsyeja që PDK-ja ka thënë se kjo marrëveshje nuk është e mirë për Kosovën.

Edhe kryetari i LDK-së, deputeti Lumir Abdixhiku, ishte kritik ndaj kryeministrit Kurti.

Abdixhiku tha se ndonëse janë bërë dy javë pasi që kryeministri Kurti ka pranuar një dokument që për herë të parë definon statutin e asociacionit, deputetët vazhdojmë të jenë në terr informativ.

“Gjithsesi sot jemi para një gjendje të re. Kryeminstri ka bërë atë që kemi paralajmëruar se do ta bënte në fillim të këtij viti. Pra, do të pranonte asociacionin. Përkundër refuzimit të atëhershëm se ky pranim po ndodhte, statusi i asociacionit na vije çuditrisht një muaj pas sulmit terrorist në Banjskë. Them çuditrisht, sepse kur pritjet tona ishin se beteja kundër terrorizimit do të shfrytëzohet në përballje diplomatike, ne jo vetëm që mbetëm me sanksione, jo vetëm që Serbia nuk u sanksionua, por se ne së bashku me ta pranuam statusin e asociacionit dhe ende jemi në sansione”, tha Abdixhiku.

Në emrin e Grupit Parlamentar të Aleancës për Ardhmërinë e Kosovës, kryetari Besnik Tahiri, e cilësoi papërgjegjësi totale raportimin e vonuar të kryeministrit Kurti, duke mos shpalosur informacione.

“Konfidencialiteti i dokumentit për Serbinë dhe përfaqësuesit e saj mund të jetë taktizim, por për Kurtin mungesa e transparencës dhe përfshirjes së publikut, së Kuvendit dhe akterëve të tjerë është arrogancë dhe është vazhdimësi e mashtrimit të tij që nga dita e parë kur ka ardhë në Kuvend”, u shpreh Tahiri, duke shtuar se pasojë e taktizimeve të Kurtit ndaj Kosovës janë vendosur sanksione.

Në emër të Grupit Parlamentar të VV-së, kryetarja Mimoza Kusari-Lila, përmendi sfidat, por edhe progresin të cilin ka shënuar Qeveria e Kosovës, përfshirë edhe në veri të vendit.

“Shpresoj se nëse bëhemi bashkë dhe nuk përsërisim gabimet e të kaluarës natyrisht se e ardhmja jonë për integrim evropian dhe NATO është e sigurt. Situtata në terren ka ndryshuar rrënjësisht dhe si i tillë çdo diskutim i deritashëm për dialogun lehtësohet nga pesha e rëndë e gjendjes së mëhershme që ishte në veri dhe se avancimi i procesit të integrimit të të gjitha komuniteteve po vazhdon me një progres të cilin nuk e kishim deri më tani”, tha Kusari.

Në emër të Grupit Multietnik, Enis Kervan, tha se minoritet e kanë përkrahur dialogun nga fillimi, sigurisht duke shpresuar në një marrëveshje të mundshme me synim normalizimin e jetës politike dhe shoqrore në Kosovë.

“Duhet të theksohet edhe njëherë se Kosova është një shtet multietnik, ku jetojnë edhe komunitetet tjera joshumicë. Ne si komunitet kërkojmë që të jemi të informuar dhe të kontribuojmë në këtë proces, duke e mbështetur dialogun dhe duke e mbështetur qeverinë. Nuk duhet të harrojmë se çdo gjë është ndryshuar pas 24 shtatorit. Akti i 24 shtatorit është kryer me mjete terroriste dhe për qëllim Serbia kishte të pushtojë territor të Kosovës”, theksoi Kervan.

Në këtë debat morën pjesë edhe deputetët tjerë nga pozita dhe opozita, duke shprehur mendime të ndryshme për dialogun, përfshirë edhe për marrëveshjen e 26 tetorit në Bruksel.

Për vazhdimin e kësaj seance me pikat tjera, kryetari Konjufca tha se deputetët do të njoftohen me kohë.

See Insights and Ads

Create Ad

Like

Comment

Share

Presidentja e Republikës së Kosovës, Vjosa Osmani priti në takim të rregullt ambasadorin e Shteteve të Bashkuara të Amerikës, Jeffrey Hovenier me të cilin bisedoi për zhvillimet e fundit në vend si dhe tema të tjera të interesit të përbashkët.

Në takim u diskutua edhe për të rejat e fundit nga procesi i dialogut mes Kosovës dhe Serbisë, ku Presidentja Osmani theksoi se Kosova është treguar vazhdimisht palë konstruktive, ndërsa Serbia vazhdon me qasjen selektive që pamundëson zbatimin e plotë të marrëveshjes së Brukselit dhe aneksit të Ohrit. Ajo gjithashtu theksoi se propozimi për draftstatutin e Asociacionit duhet t’i nënshtrohet shqyrtimit nga Gjykata Kushtetuese.

Presidentja Osmani nënvizoi edhe njëherë rëndësinë e bashkëpunimit të ngushtë me SHBA-të për të arritur progres në procesin e dialogut.

Kryetari i Kuvendit të Republikës së Kosovës, Glauk Konjufca, së bashku me kryeministrin Albin Kurti bëri homazhe dhe vendosi lule pranë varrezave të heronjve Afrim Zhitia dhe Fahri Fazliu, në 34 vjetorin e rënies së tyre.

Duke vlerësuar lart veprën e tyre heroike për çlirimin e Kosovës, kryetari Konjufca tha se Afrimi dhe Fahriu janë pararendës së luftës çlirimtare dhe se me aktin e tyre heroik dhanë porosinë se liria nuk arrihet pa luftë.

“Ata e dhanë porosinë dhe shembullin më të vlefshëm se okupatori nuk largohet nga Kosova pa i kapur populli armët në dorë. Kjo ishte porosia e tyre më e vlefshme dhe më vjen mirë që ata po nderohen dhe vlerësohen gjithmonë. Ne jemi këtu edhe me kryeministrin e Kosovës, me familjarët e dëshmorëve dhe me bashkëpunëtorët e tyre për t’i nderuar ata”, tha Konjufca.

Kreu i Kuvendit tha se heronjtë Afrim Zhitia dhe Fahri Fazliu përveç luftës me armë, gjithashtu kishin edhe formim intelektual.

“Ata përveç se kishin armën në dorë kundër pushtuesit serb, kishin edhe formim të lartë intelektual, kishin vetëdije historike dhe ishin të edukuar dhe të brumosur me parimet më të shëndosha dhe me idealet më të larta kombëtare”, tha kryetari Konjufca.

Heronjtë Afrim Zhitia dhe Fahri Fazliu ranë heroikisht duke luftuar me policinë serbe më 2 nëntor të vitit 1989 në lagjen Bregu i Diellit në Prishtinë.

Kryeministri i Republikës së Kosovës, Albin Kurti bashkë me Presidenten e vendit, Vjosa Osmani-Sadriu, hapën sot zyrtarisht punimet e Samitit të Ballkanit Perëndimor kundër Diskriminimit Racor.

Ky samit dyditësh shënon një ngjarje të rëndësishme vjetore që bashkon palët kryesore të interesit nga i gjithë rajoni, për të ndarë më së miri praktikat dhe strategjitë për adresimin dhe luftimin e diskriminimit racor ndaj komuniteteve rom, ashkali dhe egjiptian.

Këtë vit, me moton “Unitet në diversitet”, Samiti nuk do të fokusohet vetëm në sfidat, por edhe në histori suksesi e praktika të mira, qofshin ato të institucioneve apo komuniteteve. Përveç bashkimit të ekspertëve, liderëve dhe aktivistëve për të diskutuar dhe zhvilluar strategji efektive për luftimin e diskriminimit racor në të gjitha format e tij, Samiti ofron platformë për ndarjen e historive dhe përvojave të njerëzve të prekur nga diskriminimi racor.

Në fjalët e tij të hapjes, Kryeministri Kurti ka theksuar se shtetet përfitojnë nga diversiteti etnik, dhe se sot jemi këtu me përkushtimin për të mos lejuar që diskriminimi të rrezikojë një të ardhme më të mirë për të gjithë qytetarët tanë pa dallim. Duke veçuar secilën arritje që ka kontribuar në luftimin e pabarazisë dhe diskriminimit, kryeministri tha se ne jemi këtu sot dhe do të flasim nesër e çdo ditë për rrugën tonë të përbashkët.

Ndërkaq Presidentja Osmani ka deklaruar se ndihet e nderuar të jetë në hapjen e Samitit të Ballkanit Perëndimor kundër Diskriminimit Racor të cilin e konsideroi një platformë të duhur për ta ngritur zërin tonë kundër diskriminimit të çfarëdo lloji, por në të njëjtën kohë edhe për ta riforcuar përkushtimin tonë institucional kundër diskriminimit racor në veçanti.

Pjesë e ceremonisë së hapjes ishte edhe një ekspozitë pikturash me autorë nga komunitetet rom, ashkali e egjiptianë, si dhe të fëmijëve të Qendrës Ditore për Fëmijë në Situatë rruge.

Samiti i Ballkanit Perëndimor kundër Diskriminimit Racor do të vazhdojë nesër me pesë sesione, që ndër të tjerash do të shqyrtojnë; Buxhetimin e përgjegjshëm për romët, Praktikat e mira dhe sfidat ne dy nivelet e qeverisjes, Mekanizmat institucionalë për zbatimin e ligjeve dhe politikave kundër diskriminimit racor, Njohuritë digjitale, Ekzaminimin e pengesave ndaj komuniteteve rom, ashkali dhe egjiptian, Histori suksesi dhe praktikat më të mira në luftën kundër diskriminimit racor – Përvoja nga Ballkani Perëndimor, si dhe Shërbimet e bazuara në komunitet.

Samiti organizohet nga Zyra për Qeverisje të Mirë, të Drejta të Njeriut, Mundësi të Barabarta dhe Jo-Diskriminim në kuadër të Zyrës së Kryeminisitrit, mbështetur prej konsorciumit të përbërë nga VoRAE, HEKS, Terre des Hommes Kosovë, me fonde të Agjencisë Zvicerane për Zhvillim (SDC).

Artan Nati/

“Të gjitha kafshët janë të barabarta, por disa kafshë janë më të barabarta se të tjerat” është shprehja më sintetizuese e George Orwell në veprën e tij alegorike “Ferma e kafshëve”. Ky citat ilustron se si derrat, të cilët fillimisht drejtuan revolucionin me premtimin e barazisë dhe lirisë, përfundojnë duke u bërë po aq shtypës dhe tiranë sa njerëzit që përmbysën.Mesazhi këtu është se pushteti mund të korruptojë edhe ata që e nisin me qëllimet më të mira, dhe shërben si një koment për situatën e krijuar në Shqipërinë e pas diktaturës, ku liderat që udhëhoqën revolucionin e përmbysjes së komunizmit u shndërruan po aq të korruptuar sa paraardhësit e tyre dhe vazhdojnë edhe pas 33 vitesh të qëndrojnë në krye.
Vepra e Orwell-it shërben si një kritikë më e gjerë e çdo sistemi politik ku pushteti është i përqendruar dhe i pakontrolluar, dhe është një paralajmërim kundër ndjekjes verbërisht të liderëve karizmatikë dhe lejimit të tyre për të manipuluar dhe kontrolluar narrativën. Ai gjithashtu thekson rëndësinë e të qenit vigjilent dhe të mbajtjes përgjegjës të atyre që janë në pushtet për të parandaluar gërryerjen e parimeve mbi të cilat është themeluar një shoqëri.
Duket sikur Orwell e ka parashikuar në vitin 1945 se çfarë do të ndodhte në Shqipërinë e pas viteve 90-të. Në fillim të viteve 1990, Shqipëria më në fund hyri në rrugën e demokracisë dhe dukej se ditët e zeza kishin mbetur pas dhe më në fund do të bashkoheshim me familjen europiane. Në fakt kohët e mira nuk zgjatën dhe historia po kthehet drejt barbarisë dhe Shqipëria kurrë nuk ndërtoi një demokraci, por një autokraci, fakt të cilin e provon edhe numri i pafund i skandaleve në qeverinë e sotme, por edhe në qeveritë e kaluara. Është e vështirë të dallosh kush është ëngjëlli e kush është djalli. Korrupsioni është ngjitësi që mban sistemin tonë të bashkuar. Pasuria e të gjithëve është e ndotur qëllimisht, kështu që Rama apo gjithë liderët tanë të mëparshëm kanë pasur fuqinë të akuzojnë këdo për korrupsion dhe të largojnë këdo në çdo kohë. Pyetja më legjitime që bëjnë gjithë Shqiptarët është: Çfarë dreqin ndodhi? Pse nuk u realizuan shpresat e viteve 1990? Cili është faktori kyç që e ka bërë shekullin 21 kaq të errët, regresiv dhe të rrezikshëm?
Gjëja normale për të thënë është se rendi demokratik në Shqipëri është në krizë më të thellë se kurrë. Por vetëm duke thënë këtë nuk shpjegohet pse. Pse ne Shqiptarët e refuzojnë demokracinë? Çfarë dobësie në sistemin tonë të ashtuquajtur demokratik po shfrytëzojnë armiqtë e tij? Çfarë është në rrënjë të këtij 30 e ca vjeçari të errët postdiktatorial?
Kundërshtari me të cilin përballemi nuk janë thjesht dinosaurët politikë të trancizionit 30 vjeçar por mendësia dhe trashëgimia e tyre. Armiku ynë është natyra njerëzore. Ky nuk është një kundërshtar i vogël, por tani ne kemi një kuptim më të mirë të problemit me të cilin përballemi. Pikërisht këtu qëndron gjenialiteti i Orwell-it, që pa e njohur Shqipërinë të parashikonte se këta liderat tanë intelektualë , patriotë dhe idealistë, të shndërroheshin si derrat te vepra e tij “Ferma e kafshëve”, Liberalizmi është një mënyrë jetese e ndërtuar mbi respektimin e dinjitetit të çdo individi. Krijuesit e sistemit demokratik perëndimor e strukturuan sistemin liberal demokratik ashtu siç bënë pikërisht sepse i kuptuan instinktet më pak se demokratike të natyrës njerëzore. Çdo qenie njerëzore ka të drejta të caktuara që rrjedhin nga natyra e njeriut dhe jo nga qeveria ose ligjet e saj.
Kanti besonte se qeniet njerëzore kanë natyrshëm një prirje për të qenë të këqij. Ai e shpjegon të keqen radikale si korrupsion që pushton tërësisht një qenie njerëzore dhe çon në dëshira që veprojnë kundër ligjit moral universal.
Mendja jonë është një betejë e vazhdueshme – edhe nëse nuk e vërejmë atë. Siç shkroi Aleksandr Solzhenitsyn, “Vija e betejës midis së mirës dhe së keqes kalon nëpër zemrën e çdo njeriu”. Shumë nga themeluesit e Amerikës ishin besimtarë të zjarrtë të demokracisë liberale deri në një pikë. Ata kishin një respekt të thellë për virtytin individual, por edhe dobësinë individuale dhe besonin se ambiciet dhe epshi për pushtet ishin pasionet mbizotëruese në mendjet e shumicës së njerëzve. Gjithashtu ata besonin në “shthurjen e natyrës njerëzore” dhe se njerëzve “u mungon informacioni dhe vazhdimisht mund të mashtrohen”.
Themeluesit e kombit Amerikan ishin të vetëdijshëm se shumica drejtohen lehtësisht nga demagogë ambiciozë. Kështu, themeluesit e Amerikës ndërtuan një sistem që respektonte opinionin popullor dhe rregullin e shumicës, ndërsa përpiqeshin të ndërtonin parmakë për të kontrolluar pasionin dhe paragjykimet popullore. Themeluesit e ndanë pushtetin midis degëve. Ata ndërtuan një sërë kontrollesh, në mënyrë që demagogët dhe çmenduritë populiste të mos mbulonin vendin.
Ne nuk jemi aq të virtytshëm sa mendojmë se jemi. Shqiptarët nuk janë më të mirë se askush tjetër. Përkundrazi kombi jonë dhe gjithë ballkani ka jetuar në errësirë në periudhën e transformimeve të mëdhaja në europën perëndimore. Kjo duhet të na bëjë më të përulur e skeptik për gjykimet e nxituara tendecioze ndaj politikës amerikane dhe asaj europiane. Demokracia nuk është e natyrshme; është një arritje artificiale që kërkon punë të madhe.
Pastaj ne duhet të forcojmë institucionet që supozohet tu mësojnë qytetarëve se si të aplikojnë dhe bëhen pjesë integrale e demokracisë perëndimore: si të peshojmë provat dhe të angazhohemi për të vërtetën; si të korrigjojmë verbimet tona partizane dhe të mësojmë të dyshojmë në opinionet tona; si të respektojmë njerëzit me të cilët nuk jeni dakord; si të shmangim katastrofizmin, konspiracionin dhe mendimi apokaliptik; si të shmangim mbështetjen e demagogëve; si të krijojmë kompromise komplekse.
Demokratët nuk lindin; ato janë bërë. Nëse shekulli i 21-të do të bëhet më i ndritshëm për ne Shqiptarët në mbarë rajonin , ne duhet të bëhemi shumë më të mirë në vëzhgimin e sistemit tonë dhe liderëve tanë me skepticizëm dhe raciionalizëm. Ne nuk duhet të shqetësohemi vetëm për njerëzit që shkatërrojnë demokracinë. Duhet të shqetësohemi se kush e ndërton atë.