Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

Kosova shënoi 30 vjetorin e Nismës për Pajtimin e Gjaqeve

by

-Kryeministri në detyrë Haradinaj mori pjesë në shënimin e 30- vjetorit të Nismës për Pajtimin e Gjaqeve: Kjo besëlidhje e menduar nga intelektualë të urtë, pri nga Anton Çetta, u ndoq nga rinia e Kosovës…Bësëlidhjet shqiptare zakonisht u paraprijnë betejave të ashpra për jetë a vdekje, që nga Kuvendi i Lezhës i marsit 1444, deri te Lidhja e Pejës dhe ajo e Prizrenit, e qershorit 1878, si dëshmi se shqiptarët dinë të bashkohen për ta  mbrojtur lirinë dhe dinjitetin e Atdheut/

-Në muzeun “Shtëpia e Pavarësisë së Kosovës Dr. Ibrahim Rugova” në Prishtinë ruhet një fotografi krejt e veçantë, e Anton Çettës me Presidentin Rugova, e cila e vetme i ka shpëtuar djegies nga zjarri i vënë në atë shtëpi nga forcat serbe në pranverën 1999/

Deçan, 2 Shkurt 2020-Gazeta DIELLI/*

Kryeministri në detyrë i Republikës së Kosovës, Ramush Haradinaj, ka bërë homazhe dhe marrë pjesë në shënimin e 30- vjetorit të Nismës për Pajtimin e Gjaqeve në Lumbardh të Komunës së Deçanit.

Para të pranishmëve të shumtë, kryeministri në detyrë Haradinaj, tha se pajtimi që nisi këtu në Lumbardh të Deçanit, nga atdhetarët, 30-vjet ma parë, u përqafua në të gjithë Kosovën dhe nga të gjitha shtresat, ngase shqiptarët sikur e parandien se momenti i të vërtetës po afrohej,  e kjo e vërtetë ishte kryengritja e përgjithshme për liri e pavarësi, që u zhvillua nën udhëheqjen e UÇK-së e që e simbolizon komandanti ynë Adem Jashari.

“Kjo besëlidhje e menduar nga intelektualë të urtë, pri nga Anton Çetta, u ndoq nga rinia e Kosovës, nga të burgosurit politikë, nga shumë veprimtarë për të kulmuar me tubimin më të madh që njihet në historinë e shqiptarëve, te Verrat e Llukës, më 1 maj 1990, aty ku u mblodhën gjysmë milioni njerëz dhe ku për pak orë u pajtuan 66 gjaqe e ngatërresa mes shqiptarëve”, shtoi kryeministri në detyrë Haradinaj.

Siç, theksoi ai, bësëlidhjet shqiptare zakonisht u paraprijnë betejave të ashpra për jetë a vdekje, që nga Kuvendi i Lezhës i marsit 1444, deri te Lidhja e Pejës dhe ajo e Prizrenit, e qershorit 1878, si dëshmi se shqiptarët dinë të bashkohen për ta  mbrojtur lirinë dhe dinjitetin e Atdheut.

“Si dikur komandanti i ushtrisë së Lidhjës, Sylejman Vokshi që i priu përpjekjeve për liri, profesor Anton Çetta u ngrit e tha: “Hajdeni burra, po bëjmë diçka për këtë vend”, duke i pajtuar rreth 1800 gjaqe dhe mijëra plagë e ngatërresa”, u shpreh kryeministri në detyrë Haradinaj, duke shtuar se Anton Çetta ishte unifikues urtak,  zbulues i shpirtit të popullit dhe autoritet moral.

“Ai mbylli plagën ma të shëmtuar tonën, gjakmarrjen, tu i hap shteg paqes shqiptare dhe kthimin në familjen tonë euroatlantike. Pranë profesor Antonit, njeriu  ndihej se kishte vlerë. Për t’u lidhë rreth idesë së çlirimit duhej me e lidhë një pakt, një pajtim mes shqiptarëve, që Profesor Çetta e arriti në mënyrë shembullore”, theksoi kryeministri në detyrë Haradinaj.

Ndër tjerash, kryeministri në detyrë Haradinaj, shtoi se Anton Çetta e ka zbërthyer kodin e fjalës së dhënë, besën, duke i bërë burrat e ashpër me ia shtri dorën hasmit të deridjeshëm, për me u bë vëllëzër të armës, në luftën çlirimtare.

“Republikën e Kosovës e kanë bë intelektualët durimtarë dhe kryengritësit bashkë, sepse dy palët ishin idealista. Dhe sot, shqiptarët, kanë sërish nevojë për idealistë – patriotë ligjorë- që besën dinë ta kthejnë në kontratë shoqërore e konfliktin në debat demokratik. Të bashkuar duhet ta fitojmë betejën për vendosjën e sundimit të ligjit, pa alternative”, deklaroi kryeministri në detyrë Haradinaj.

Në fund të fjalës së tij, kryeministri në detyrë Haradinaj shprehu mirënjohje dhe lavdi  ndaj vajzave e djemve dhe të gjithë atyre veprimtarëve të çështjes kombëtare që u bashkuan këtu në Lumbardh e vazhduan në gjithë vendin. ​

Aksionit për pajtimin e gjaqeve në Kosovë, filluar nga Verrat e Llukës, i printe profesori Anton Çetta, i cili në 20 vjetorin e Kuvendit të Pajtimit te Verrat e Llukës është dekoruar nga Presidenti i Kosovës me “Medaljen e Artë për Paqe, Demokraci dhe Humanizëm  Dr. Ibrahim Rugova”  për kontribut të veçantë dhënë gjatë gjithë jetës së tij për paqen, zhvillimin e demokracisë dhe kultivimin e vlerave humane.

Tubimi i njohur te Verrat e Llukës, në Deçan, i mbajtur më 1 Maj 1990, ku morën pjesë mbi 500 mijë njerëz, ishte nisma e parë e madhe për pajtimin e gjaqeve dhe ngatërresave midis shqiptarëve…Kjo nismë më vonë u shndërrua në lëvizje të rëndësishmë mbarëkombëtare.

Në muzeun “Shtëpia e Pavarësisë së Kosovës Dr. Ibrahim Rugova” në Prishtinë ruhet një fotografi krejt e veçantë, e Anton Çettës me Presidentin Rugova, e cila e vetme i ka shpëtuar djegies nga zjarri i vënë në atë shtëpi nga forcat serbe në pranverën 1999./b.j/

*Per me shame fotografi shih ne fb Dielli vatra

BOTUESI I GAZETËS “ILLYRIA” NË VATËR

by

BOTUESI I GAZETËS “ILLYRIA” VEHBI BAJRAMI, VIZITOI VATRËN DHE I DHA MBËSHTETJE KRYETARIT ELMI BERISHA/

Mesditën e së premtes, 30 Janar 2020, biznesmeni Vehbi Bajrami, botues i gazetës”ILLYRIA”, i shoqëruar nga kryeredaktori Ruben Avxhiu, ishte për vizitë në Vatër, enkas për të uruar dhe mbështetur mikun e tij, Kryetarin e sapozgjedhur z. Elmi Berisha.

        Z. Vehbi Bajrami u shpreh se ndjehej shumë i gëzuar dhe i emocionuar që e viziton Vatrën me rastin e zgjedhjes në krye të saj të mikut të tij prej më se 30 vitesh. Jam i bindur, tha ai, se z. Berisha do të  lerë gjurmë në Vatër dhe do të bëjë më të mirën për të dhe do të jetë bashkëpunues në komunitet. Z. Berisha e njeh mirë komunitetin, ka përvojë, do të dijë që me Vatrën të hyjë në Washington dhe të ndikojë për çështjen Kombëtare sepse ka përvojë nga koha kur ishte i dërguari i Dr. Rugovës, ka  përvojën pse qëndroi e bashkëpunoi me biznesmenin e njohur Jim Xhem pranë senatorit republikan Bob Dole.

   Ka dhe avantazhet të tjera z. Berisha:  Duke qenë për disa vite në krye të rrjetit ndërkombëtar të bizneseve shqiptare në Diasporë, besoj se do ta ketë më shumë shanse që jo vetëm të forcojë Vatrën, por edhe të kontribuojë për investimet e diasporës në Vendlindje. Kryetari i ri i Vatrës e ka shansin që ta bëj mirë rolin e Liderit në Vatër sepse e njeh mirë këtë fushë edhe teorikisht. Kujtoj me këtë rast librin e tij “Lidership”, botuar në dy gjuhë, promovuar kohë më parë nga Gazeta Illyria, tha z. Bajrami.

Z. Vehbi Bajrami theksoi se me Vatrën atë vetë e lidhin miqtë por edhe historitë e personazhet e librit të tij “Shqiptarët e Amerikës”, ku më shumë se 20 për qind të lëndës i referohet Vatrës dhe vatranëve.

Vatra, tha z. Bajrami, e meriton që të jetë ombrella, ku diaspora të mblidhet dhe të luftojë për çështjen tonë Kombëtare. Vatra është më e vjetra organizatë e diasporës, ka ndërtesën e saj, me zyra, salla, bibliotekë e arkiv, më shumë se kushdo ka anëtarësi, ka degët e saj në shtetet e Amerikës së Veriut dhe Kanada, është e vetmja që ka gazetë dhe me këtë rast, theksoi ai, përgëzoj editorin Dalip Greca, për punën e palodhur dhe profesionale që ka bërë për Diellin.

Z. Bajrami e garantoi kryetarin e  Vatrës se gazeta Illyria do të jetë e hapur për ta ndihmuar në misionin e tij dhe të Vatrës.

Kryetari Berisha e falenderoi mikun e tij për vizitën dhe mbështetjen. Vlerësoi kontributin e dhënë për çështjen shqiptare, veçanërisht në fushën e medias, por edhe më gjërë. Ndjehem mirë, tha z. Berisha që kemi bashkëpunuar për rreth 30 vite; unë kam përfituar nga ky bashkëpunim. Ndjehem i gëzuar që Kuvendi i Vatrës dha konsesusin e plotë që ta drejtoj këtë organizatë me shumë emër e shumë histori. Gjatë mandatit tim unë do të përpiqem që duke ruajtur substancën dhe frymën e Vatrës, së bashku me ekipin tim, strukturat dhe degët e Vatrës, të lëmë gjurmët e  një pune të mirë. Po shoh se njerëzit shkruajnë dhe komentojnë në mënyra të ndryshme rreth Kuvendit të Vatrës, por jam i bindur se ky Kuvend që Vatra organizoi në Detroit,me më shumë se 100 delegatë, ka qenë më demokratik se çdo mbledhje e forum tjetër i komunitetit. Gjithçka ishte trasparente, serioze, dhe ne dolëm të bashkuar që andej. Ne ishim dy kandidatë, me dy platforma, dhe u mirëkuptuam me njeri tjetrin dhe delgatët na duartrokitën në fund. Jam i bindur, tha z, Berisha, se gjatë drejtimit tim Vatra do ta ketë qasjen e  shekullit XXI. Atë rrugëtim që pat nisë paraardhësi im,z. Mishto, i cili hapi derën e Vatrës për rininë, ne do ta finalizojmë. Washingtoni do të jetë një tjetër piksynim ynë për të rritur prezencën shqiptare atje, tha z. Elmi Berisha.

Gjatë takimit kryetari i Vatrës shoqërohej nga zotërinjtë Idriz Lamaj, Besim Malota dhe editori i Diellit.

Kryeredaktori i gazetës ILLYRIA Ruben Avxhiu e intervistoi kryetarin e  Vatrës Elmi Berisha.

PAS KUVENDIT “VATRA” PUBLIKON STRUKTURAT DREJTUSE

by

Pas konsultimeve gjatë dhe pas Kuvendit të kryetarit të ri z. Elmi Berisha, i zgjedhur në mënyrë unanime nga delegatët, u përcaktuan strukturat drejtuse të Vatrës deri në Kuvendin e ardhshëm. Ekzekutivi i Vatrës është konceptuar me strukturë të departamenteve, ku çdo zv. President drejton njërin prej departamenteve. Bie në sy ardhja e emrave të rinj si në kryesi ashtu edhe në Këshillin Drejtues,  që drejton Vatrën deri në Kuvend. Vetëm në kryesi, përfshi zv.presidentët, janë 12 emra të rinj, ndërsa në Këshill janë 41 emra të rinj. Në strukturat drejtuse të Vatrës është rritur numri i femrave(ç’ka mbetet prioritet pas Kuvendit), po ashtu ka më shumë emra studuesish me grada shkencore . Dukuria tjetër pozitive është tërheqqja ne keto struktura te nje grupi qe vijne nga shtresa e te perndjekureve politik, te lindur ne kampet e internimit. Vetem ne Kryesi jane tre te tille. Vatra mbetet e hapur  për të gjithë ata që duan të kontribuojnë nën emblemën e saj. Po ashtu Vatra u bën thirrje shoqatave të komunitetit- për të qenë më efikas në punën tonë për çështjen Kombëtare- le t’i bashkohen Vatrës duke u federuar tek ajo, pa dëmtuar identitetin e secilës organizatë.Të bashkuar do të jemi më të fortë.

Ja strukturat Drejtuse:

KRYESIA/Executive Body of the Board

    Elmi BERISHA –  President

    Agim REXHAJ- President Nderi

   – Alfons  GRISHAJ; Zv/President për çështje politike

  –  Ervin      DINE       ; Zv/President- Për çështjet inovative, integruse dhe rininë

   – Besim    MALOTA ; Zv/ President- Për çështjet organizative
   – Pashko  CAMAJ    ;Zv/President- Për Marrdhëniet me Komunitetin dhe për  Edukimin
  – Adriatik SPAHIU ; Zv/President-Për degët dhe shtimin e anëtarësive.

  – Nazo VELIU; Sekretare
   – Marjan CUBI- arkëtar

   – Zef BALAJ         ;  Anëtar

   –  Anton RAJA;   Anëtar

   –  Agustin MIRAKAJ; Anëtar

   –  Dr Skender MURTEZANI; Anëtar

   – Merita B McCormack; Anëtare
   – Marjana BULKU  ; Anëtare

   – Idriz  LAMAJ        ; Anëtar

   –  Ibrahim KOLARI ; Anëtar
    – Sokol  BEJLERI   ; Anëtar

Mark MRNACAJ; Anëtar

    – Milaim TAHIRI ;   Anëtar

   – Mondi  RAKAJ  ;   Anëtar

   – Zudi KARAGJOZI;  Anëtar

   – Dalip   GRECA    ;  Anëtar

   KESHILLI/ Board of Directors

1- Sabit BYTYÇI- Kryetar i Këshillit

2- Albina Gjergji- Këshilltare për mediat dhe marrdhëniet me publikun

3- Dr. Paulin Marku(Këshilltar për Arsimin, Kulturën dhe çështjen Kombëtare)

4- Dr. Sokol Paja- Këshilltar për mediat dhe marrdhëniet me publikun)

5- Agim Aliçkaj

6- Astrit Gjonpali

7- Arben Zeqiri

8- Ali Lushnja

9- Alban Hoti

10- Adnan Merovci

11- Angjelina Nika

12- Besnik Rexhvelaj

13- Bashkim Musabelliu

14- Bardh Tomaj

15- Çezar Ndreu

16- Kol. Dritan Demiraj

17- Dr. Arjeta Ferlushkaj

18- Dritan Haxhia

19- Dem Balidemaj

20- Bedri Lita

21- Eduart Aranitasi

22- Erion Bardhi

23- Eduard Haxhia

24- Frederik Ndoci

25- Franc Anton Dodaj

26- Fero Gjonbalaj

27- Av. Harry Metuku

28- Av. Ylli Cakani

29- Gezim Nika

30- Gjok Deçkaj

31- Gjergj Ivezaj

32- Gjok Lulaj

33- Hysen Ulaj

34- Henry Gjonbalaj

35- Ilir Cubi

36-Ilirjan Blloshmi

37- Ismer Mjeku

38- Isuf Spahiu

39- Kujtim Porja

40- Klarent Novaku

41- Lek Mirakaj

42- Lumo Cungu

43- Liridona Malota

44- Luz Thaçi

45-Lek Perlleshi

46- Nazmi Berisha

47- Muhamet Omari

48- Marko Kepi

49- Mehmet Kadria

50- Mhill Velaj

51- Mhill Gjuraj

52- Medi Hoxha

53- Ndrece Gjergji

54- Prend Qeta

55- Paulin Mrnaçaj

56- Rafaela Prifti

57- Ramiz Muja

58- Ramadan Gashi

58-Simon Qafa

59 – Sejdi Husenaj

60- Syl Ramushi

61- Sali Haxhibrahimi

62- Sokol Selmani

63- Shpresa Gallo

64- Shaqir Salihu

65- Shkumbin Tetaj

66 – Tonin Mirakaj

67- Thanas Gjika

68- Ylli Dosku

69- Valentin Lumaj

70- Xhafer Berisha

71- Xhafer Aga

Gazeta DIELLI

Editor-Dalip Greca

Editore për Gjuhën angleze-Rafaela Prifti

   KRYETARËT E DEGËVE/Chapter Presidents

— Kryetartë e degëve Janë pjesë të Këshillit-

1- Queens -NY- Dr. Skënder Murtezani

2-  Michigan –     Mondi Rakaj

3- N. Florida-      Adriatik Spahiu

4- Tampa-Clearwater- Tasim Ruko

5- S.Florida Kolec Ndoja

6- Orlando- Florisiana Ahmetaj

7- Hudson Valley- Simon Qafa

8- Toronto   – Tony Sufaj

9- Hartford-CT- Milaim Tahiri

10- New Jersey- Adem Manellari

11- Worcester – Sek. Thanas Gjika

KUVENDI I VATRES NE VESHTRIMIN E NJE DELEGATI

by


Nga Qamil S. Dardhankodra -Delegat Ii deges se Torontos-Kanda ne Kuvendin e Vatres-Detroit, 19 Janar 2020/
Më 19 janar 2020 në Detroit SHBA u mbajt Kuvendi Zgjedhor i “Vatrës”. Të pranishëm qenë delegatët nga të gjitha degët e saj që janë në SHBA si dhe nga dega e Torontos nga Kanada. Mikpritëse qe dega e Detroitit e cila u bani delegatëve nji pritje të shkëlqyeshme. Mysafirët u vendosën në hotelin e z. Mynyr S. Nazifi, i cili kishte përgaditë nga nji shportë dhuratash dhe nga nji flamur për çdo vatran. Kuvendi u mbajt në lokalet e Teqes së baba Rexhepit e cila qe lëshue falas për “Vatrën”. Kuvendi filloi punimet rreth orës 10, në fillim u intonue hymni shqiptar dhe ai amerikan, mbasandej punimet e Kuvendit i uruen dhe i bekuen kryefetarët; i zoti i shtëpisë baba sheh Pashai dhe imzot Ndue Gjergji, nga kisha shqiptare e këtushme “Zoja Pajtore”. Mungoi hoxha nga xhamia e këtushme për të cilin më thanë se ka shumë vjet që nuk vjen në manifestime të këtilla – më erdhi shumë keq. 
Qenë dy pika të rendit të ditës; zgjedhja e kryetarit të ri dhe disa plotësime statutore me gjithë telashen që nxori dega e qytetit të Vashingtonit. Për kryetar të “Vatrës” ishin dy kundërkandidat dhe që të dy nga Kosova, njeni nga Gjakova tjetri nga Mitrovica. Drohej nga ndonji përqarje, të gjithë folësit që dolën në foltore thanë që duhet të fitojë “Vatra” dhe që nga ky vend të mos dilet me ndonji përqarje. Mbas përshëndetjeve dhe urimeve të rastit filluen diskutimet për disa ndryshime e plotësime statutore, këtu u ngrit tensioni bukur shumë tue i falënderue disa zhurmaxhive e poteraxhive saqë drejtuesi u kërcnue se njenin prej tyne do ta nxirrte jashtë. Këto ndryshime u tejkaluen dhe u lanë për nji herë tjetçr.
Dy kandidatët për kryetar i paraqitën vizionet e tyne për punën që do të banin në krye të “Vatrës”, mbasi filluen pyetjet dhe përgjigjjet, kandidati z. Agim Rexha u tërhoq. Edhe kjo pikë që ishte dhe dukej mjaft e ndieshme kaloi me pak zhurmë – u zgjodh kryetari i ri Elmi Berisha nga Gjakova, ndërsa Agim Rexha u zgjodh kryetar nderi, meqë kryetari i deritashëm kaloi në amshim. Vuna re se në mesin e delegatëve nuk ishte askush nga Maqedonia, kjo me brengosi thellë. Kishte delegatë nga Mali i Zi, Kosova madje edhe nga Çamëria. Punët kaluen pa ndonji telashe ma të madhe, nji delegat më tha se na ndihmoi bekimi kryetarëve dhe fakti se u mbajt mbledhja në vend të shejt. Për teqen e babes Rexhep kisha ndëgjue shumë – ishte ma shumë objekt patriotik sesa fetar. Aty qenë fotografitë e rilindasve kombtarë, aty e pashë Isa Boletinin e Adem Jasharin, atdhetari i madh baba Rexhep ishte fotografue me të madhin Fan Noli, Antony Athanas, etj. Më bani përshtypje nji fotografi e NMT mbretit Zog bashkë me 4 kryetarë fotografue në Pallatin mbretnor: qenë dy priftërij njani katolik e tjetri ortodoks, nji hoxhë dhe nji sheh. Faik Knica, Fan Noli e mbreti Zog dhe dr. Rugova qenë kokat ma të mençme të derisotme.
Kur filloi të shqyrtohej disidentllaku i degës së Vashingtonit zhurma përsëri filloi megjithatë kjo degë u përjashtue nga “Vatra”. Kryetari i deritashëm Dritan Mishto nji njeri tepër i zoti kishte vendosun të mos kandidohej sepse disa e kishin marr nëpër gojë ngase prindi i tij (nga Elbasani) paska qenë komunist, se paska dhanë urdhna për kështu e ashtu, etj. Të gjithë folësit i kërkuen falje z. Mishto edhe unë i kërkova falje në emën të degës së Torontos, unë mendoj se kemi ba mëkat të madh ndaj tij dhe se edhe 30 vjet  “Vatra” nuk do të ketë kryetar me aftësi të tillë. Në vazhdim z. Mishto paraqiti raportin mbi punën dyvjeçare, shihej se ky njeri asht i denjë për ndonji punë në diplomaci, ndërsa pjesën e sulmit dhe akuzës e kaloi me disa thanie të Platonit. 

Marko Kepi kandidat për në Parlamentin e Nju Jorkut midis zgjedhësve në Staten Island

by

Nga Keze Kozeta Zylo/*Përfaqësues nga shoqatat shqiptaro amerikane u mblodhën në qendrën “Eagle” në Staten Island për të mbështetur fushatën elektorale të kandidatit për në Ansamblenë e shtetit të Nju Jorkut z.Marko Kepi.Z.Marko Kepi është President i organizatës “Rrënjët Shqiptare” një lider në Diasporë dhe një marins amerikan, i cili i ka zgjedhësit e tij në Staten Island dhe në zonën Bay Ridge, Brooklyn. 

Në këtë tubim mori pjesë kongresisti amerikan z.Michael Grimm, kryetari i fushatës së Marko Kepit i cili përshëndeti të pranishmit dhe i ftoi të gjithë pjesëmarrësit që të mbështesin kandidaturën e Marko Kepit një djalë plot perspektivë dhe me vizion për të ardhmen në Amerikë.  Kongresisti Grimm tha se ka mjaft prej shqiptarëve zgjedhës që nuk janë regjistruar dhe si të tillë e vështirësojnë fitoren e Marko Kepit.  Kandidati për në Ansamblenë e shtetit të Nju Jorkut z.Marko Kepi me plot kulturë dhe mirësi midis të tjerash tha se në Staten Island dhe në Brooklyn janë 30. 000 zgjedhës, por shumë prej tyre nuk janë të regjistruar.  Dita e votimit është përcaktuar të jetë në datën 23 qershor.  Prandaj duhet të vinë të regjistrohen dhe të plotësojnë një formular që është nga shteti i Nju Jorkut dhe këto do të jenë konform me ligjin e zgjedhjeve.  

Ekipi i fushatës për zgjedhjen e Marko Kepit po punon me të gjitha mundësitë për të regjistruar zgjedhësit dhe për ta çuar më tej punën gjer në fitore të tij.

Udhëheqëit e shoqatave dhe aktivistë të dalluar të Komunitetit shqiptar si Dash Miftari, Uk Gjonbalaj, Sali Bollati, Ylber Pilku, Igli Xhaja, etj folën para kamerave të TV “Alba Life” për të mbështetur birin shqiptar Marko Kepin.   Pjesëmarrëit u shpërndanë duke marrë me vete detyrat e ndryshme për të ndihmuar Marko Kepin dhe për ta çuar këtë djalë shqiptar në Parlamentin e Nju Jorkut.Së shpejti do të sjellim kronikën e përgatitur për këtë tubim nga TV “Alba Life”, New York

28 Janar, 2020,Staten Island, New York

*Per me shame fotografi shine ne FB Dielli vatra