Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

PARADA SHQIPTARE 2022 – I DEDIKOHET DIBRËS

by

New York – PRILL 15,2022/


Parada Shqiptare 2022 I dedikohet DIBRËS!Faleminderit Ambasadorit Shqiptar në Kombet e Bashkuara Z. Ferit Hoxha qe na mundosoj ambjentet e ambasades Shqiptare për kete takim.Çdo vit organizata Rrenjet Shqiptare – Albanian Roots ja dedikon paraden nje kauze ose krahine te Shqiperise Etnike. Simjet organizata Rrenjet Shqiptare bashkë me organizatat prezente ne mbledhje ja dedikuan paraden e rradhes DIBRËS. Ne mbledhje u diskutuan disafakte dhe u shpalosen rregullat e reja per pjesmarrjen ne parade. Vitet e kaluara organizatat me pjesmarrje me te gjatene parade kan passur te siguruar vendin e tyre ne renditje te parades. Simjet rregullat u ndryshuan dhe renditja do behet sipas organizates/grupit qe ben performance me te mir the te bukur ne parade.
Tre vitet e fundit Shoqata Atdhetare Dibra eshte votuar si shoqata me e organizuar dhe me profesjonalja ne pjesmarrje te Parades Shqiptare.
Moren pjese Shoqatat: Federata Pan Shqiptare Vatra , Shoqata Atdhetare Dibra, Shoqata Kraja, Shoqata Ulqini, Grupi Rozafati , Shkolla Meso Shqip, Albanian American Pharmacists Association, Albanian America Law Enforcement Association, Albanian American Cultural Center NJ and Albanian Roots at St. Francis College.Board Drejtues i Parades Shqiptare i bën ftesë, artisteve, sportistave dhe personazheve shqiptare qe deshirojn ti bashkohen parades shqiptare të na kontaktojne tek AlbanianRoots@gmail.com
Faleminderit dhe mirupafshim ne Paraden Shqiptare me 11 Qershor!
Marko Kepi

Presidenti Ilir Meta telegram ngushëllimi Vatrës e familjes Balaj për ndarjen nga jeta të Zef Balaj

by

Presidenti i Republikës së Shqipërisë z.Ilir Meta i dërgoi një telegram ngushëllimi Federatës Panshqiptare të Amerikës VATRA dhe familjes Balaj për ndarjen nga jeta të vatranit e patriotit Zef Balaj. Në telegramin e ngushëllimit ndër të tjera Presidenti Meta shkruan: “Me hidhërim të thellë e mësova lajmin e dhembshëm të ndarjes nga jeta të Zef Balaj, veprimtarit të devotshëm, patriotit të përkushtuar, me kontribut të vazhdueshëm dhe të jashtëzakonshëm për demokratizimin e Shqipërisë, lirinë dhe pavarësinë e Kosovës, si dhe avancimin e të drejtave të shqiptarëve kudo që jetojnë në trojet e tyre. Zef Balaj ishte personalitet me kontribute të mëdha në bashkimin e shqiptarëve të Amerikës dhe krijimin e miqësive në mes të popullit shqiptar dhe atij amerikan, si dhe zhvillimin e tyre në të mirë të kombit tonë” thuhet në telegramin e ngushëllimit të Presidentit të Republikës së Shqipërisë z.Ilir Meta.

SHUHET VATRANI DHE PATRIOTI I MADH ZEF BALAJ, VATRA MESAZH NGUSHËLLIMI

by

E nderuar familja Balaj

I çmuar dhe i pa harruar miku ynë i parajsës Zef BALAJ

Ikja jote e shpejtë na ka trishtuar pa masë. Një largim fizik që na shemb në shpirt. Të gjithë kemi humbur një mik, shok, vatran, patriot, familjar e veprimtar të pa zëvendësueshëm. Zoti i merr gjithmonë të mirët afër vetes, ti ishe i mirë dhe i veçantë, fisnik, zemërbardhë e shpirtmadh.Bashkë punuam e vepruam për 30 vite në të gjitha proceset patriotike, demonstratat, protestat, lëvizjet, ndihmat për komunitetin e kombin, 60 vjet ishe aty duke dhuruar për kombin tonë e komunitetin tonë. Nga Washingtoni e Institucionet e Shtetit Amerikan, te Liga Shqiptaro-Amerikane e deri te Vatra, ti ishe në krye të veprimtarive, pa u ndalur për asnjë moment. Në emër të Federatës Pan- Shqiptare të Amerikës VATRA, në emër të të gjithë vatranëve të Shqiptaro-Amerikanëve e të familjes sime ju përcjell ngushëllimet tona më të sinqerta e më të dhimbshme familjes BALAJ për humbjen e vëllaut tonë Zefit.Të gjithë bashkë si vatranë e komunitet, jemi pranë familjes Balaj, familjarëve e miqve në këto momente trishtimi, lamtumire e humbje të madhe.Lusim Zotin në këto ditë të shenjta Pashkësh për shpirtin e të shtrenjtit tonë Zef Balaj.

Pushofsh në paqe e përjetësi o i pa harruar Zef Balaj.

I pikëlluar

Pranë jush dhe me nderime

Kryetari i VATRËS

Elmi BERISHA

VATRA SQARON OPINIONIN PUBLIK RRETH VJEDHJES SË LOGOS SË VATRËS DHE TË DIELLIT

by

Federata Panshqiptare e Amerikës VATRA njofton opinionin publik se persona të pa përgjegjshëm dhe të pa dinjitetshëm vjedhin dhe trafikojnë logon, vulën e Vatrës dhe të dhëna të mbrojtura me ligj. Shpërndarja e informacionit të pa autorizuar, disinformimi, shpifjet, fyerjet dhe sharjet në emër të Diellit e Vatrës, shtrembërimi i qëllimshëm, shfijet neveritëse, janë një turp i pashembullt për këdo që i bëjnë këto veprime të ulëta ordinere. VATRA i dënon me forcë këto akte të shëmtuara dhe u bën thirrje autorëve të identifikuar në New York se nëse nuk e ndalojnë në mënyrë të menjëhershme këtë maskaradë të poshtër, ata do të referohen në organet ligjzbatuese të Shtetit të New Yorkut. Këto veprime që dënohen me ashpërsinë më të fortë të ligjit, biend ndesh me ligjin mbi pronësinë intelektuale institucionale, ligjin amerikan, kodin etik të medias, Kanunoren e Vatrës, liritë dhe të drejtat themelore të njeriut. Ndal maskaradës ndaj simboleve dhe historisë identitare të shqiptarëve të Amerikës. Të sulmosh Diellin e Vatrën është tradhëti e ndyrë dhe një akt antipatriotik. Informacionet e shpërndara nga faqe anonime si më poshtë jane të pavërteta dhe nuk përfaqësojnë qëndrimin e Vatrës.

FEDERATA PAN-SHQIPTARE E AMERIKËS VATRA PROPOZON KOLONEL DRITAN DEMIRAJ – “NDERI I KOMBIT” DHE “MJESHTËR I MADH”, PËR PRESIDENT TË REPUBLIKËS SË SHQIPËRISË

by

https://fb.watch/clmgLIq0qV/

New York, më 12 Prill 2022

Propozim pë President të Republikës së Shqipërisë:

Drejtuar:                   

Shkëlqesisë së Saj, Zonjës Lindita NIKOLLA

Kryetare e Kuvendit të Shqipërisë

Zotit Taulant BALLA

Kryetar i Grupit Parlamentar të Partisë Socialiste 

Zotit Enkelejd ALIBEAJ

Kryetar i Grupit Parlamentar të Partisë Demokratike

Zonjës Mesila DODA

Kryetare e Grupit Parlamentar Demokraci dhe Integrim

Zotit Agron DUKA

Kryetar i Grupit Parlamentar Aleanca për Ndryshim

Deputetëve të Kuvendit të Republikës së Shqipërisë. 

Lënda:                        Përcillet propozim

Të nderuar zonja dhe zotërinj, 

Federata Pan-Shqiptare e Amerikës “Vatra” organizata më e vjetër e diasporës e ndjek me vëmendje situatën si dhe zhvillimet politike në Shqipëri. 

Stabiliteti politik, partneriteti me aleatin tonë strategjik, Shtetet e Bashkuara të Amerikës, institucionet e forta demokratike janë gjithmonë boshti i orientimit tonë kombëtar për një Shqipëri të zhvilluar.

Duke ndjekur kalendarin kushtetues për zgjedhjen e presidentit të Republikës së Shqipërisë, kemi nderin e veçantë që në unanimitet të plotë të Kryesisë së Federatës Pan-Shqiptare të Amerikës “Vatra” dhe të 20 degëve në të gjitha Shtetet e Bashkuara të Amerikës t`Ju propozojmë dhe të mbështesim për herë të parë një kandidat për postin e Presidentit të Republikës së Shqipërisë. 

Sa më sipër propozojmë zotin Dritan Demiraj si kandidat për zgjedhjet presidenciale në Shqipëri. 

Zoti Dritan Demiraj ka një biografi dhe aktivitet të pasur si një nga ish ushtarakët e lartë më të vlerësuar dhe të dekoruar në dekadat e fundit. Roli i tij në përfaqësimin me dinjitet, profesionalizëm dhe përkushtim të njësive të forcave të armatosura ka bërë krenarë jo vetëm shqiptarët brenda vendit por mbarë shqiptarët kudo ku jetojnë dhe punojnë në botë.

Kolonel Dritan Demiraj gjatë drejtimit të misioneve luftarake është vlerësuar maksimalisht nga institucionet më të larta të Republikës së Shqipëri, duke u vlerësuar me medaljet “Nderi i Kombit”, “Mjeshtër i Madh”, “Medaljen e Artë të Shqiponjës” si dhe është vlerësuar nga Departamenti Amerikan i Mbrojtjes dhe Departamenti Amerikan i Shtetit. 

Gjatë viteve të fundit, zoti Dritan Demiraj ka ushtruar një aktivitet intensiv kombëtar duke qënë gjithmonë një zë i fuqishëm për të ndihmuar në fushën e sigurisë dhe të sfidave në reformimin e forcave të armatosura. 

Ai mban gradën Doktor i Shkencave në fushën e sigurisë dhe të marrëdhënieve ndërkombëtare dhe ka pjekurinë e duhur dhe kualifikimet e nevojshme për të mbajtur detyrën e lartë të kreut të Shtetit Shqiptar dhe për të qenë garant i Kushtetutës dhe ligjeve. 

Federata Pan Shqiptare e Amerikës “Vatra” shpreh besimin e plotë se zoti Dritan Demiraj do të jetë një President simbol i unitetit të kombit dhe një garanci e harmonizimit të politikave me aleatin tonë strategjik SHBA, dhe jo vetëm. 

Duke pasur vëmendje dhe ndjeshmëri të shtuar ndaj zhvillimeve gjeopolitike në rajon dhe më gjerë, si komandant i përgjithshëm i Forcave të Armatosura ai do të jetë një garanci më e madhe në drejtim të politikave të sigurisë.

Të nderuar përfaqësues të popullit Shqiptar në Kuvendin e Shqipërisë!

Federata Pan Shqiptare e Amerikës “Vatra” me mirënjohje dhe vlerësim për rolin dhe misionin Tuaj, lutet të mbështesni kandidatin e parë të propozuar nga diaspora zotin Dritan Demiraj. 

Një president i zgjedhur me konsensus, mirëkuptim dhe përfaqësues i të gjithë Shqiptarëve patriotë, do të jetë mesazhi i duhur politik për situatën aktuale të Shqipërisë. 

Me bindjen e thellë që propozimi jonë do të shqyrtohet dhe do të mbështetet nga ana Juaj pa dallime politike, 

Me respekt dhe nderime

Kryetari i Federatës Pan-Shqiptare të Amerikës “Vatra”

Elmi BERISHA