Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

100 VJETORI I MARRËDHËNIEVE SHQIPTARO-AMERIKANE, VATRA ORGANIZON SIMPOZIUM SHKENCOR MË 28 KORRIK 2022

by

Federata Panshqiptare e Amerikës VATRA në kuadër të 100 vjetorit të vendosjes së marrëdhënieve diplomatike mes Shqipërisë dhe Shteteve të Bashkuara të Amerikës, organizon Simpozium Shkencor ditën e Enjte më datë 28 Korrik 2022 ora 7.00 PM, në Selinë Qëndrore të Vatrës me adresë: 2437 Southern Blvd, Bronx, NY 10458.

Komisioni i Organizimit të 100 vjetorit të Marrëdhënieve Shqiptaro-Amerikane : Elmi Berisha – Kryetar, Agim Rexhaj, Alfons Grishaj, Ervin Dine, Frank Shkreli- Anëtarë.

Koha e dorëzimit të Kumtesave që do mbahen në Simpozium Shkencor është nga data 15 – 20 Korrik 2022. Çdo kumtues do të njoftohet për pranimin ose jo të kumtesës nga Komisioni deri më datë 25 Korrik 2022.

Kumtesat duhet të dërgohen në adresën: gazetadielli@gmail.com

Me nderime

Komisioni Organizativ.

PRESIDENTI I REPUBLIKËS SË SHQIPËRISË Z.ILIR META DEKOROI PATRIOTË TË SHQUAR SHQIPTARË NË MËRGATËN E AMERIKËS

by

Presidenti i Republikës së Shqipërisë z.Ilir Meta dekoroi patriotë të shquar shqiptarë në mërgatën e Amerikës: “Për sakrificat sublime për lirinë e pavarësinë e Kosovës; për kontributin e lartë si veprimtarë të shquar shqiptarë në diasporën e Amerikës; personalitete absolute në dobi të komunitetit shqiptar në Amerikë; si urëlidhës mes Kosovës, Shqipërisë dhe Amerikës; për rolin në zhvillimin dhe demokratizimin e institucioneve; për forcimin e marrëdhënieve Shqiptaro-Amerikane; kontributorë të shquar e veprimtar të pa lodhur për çështjen kombëtare; për ndihmëse të jashtëzakonshme për ruajtjen e identitetin kombëtar, gjuhës dhe shqiptarizmës përtej Atlantikut”. Presidenti i Republikës së Shqipërisë z.Ilir Meta dekoroi me Titullin e Lartë “Nderi i Kombit” Vëllezërit Bytyqi (Ylli, Mehmet, Agron) për sakrificat sublime për Lirinë dhe Pavarësinë e Kosovës, Titullin e Lartë “Nënë Tereza” për Dom Ndue Gjergji dhe Vëllezërit Lekë e Pashko Gojçaj, Titullin “Kalorës i Urdhrit të Skënderbeut” për patriotët, vatranët dhe veprimtarët e shquar të çëhstjes kombëtare: Ahmet Giaffo (Xhafo), Dr. Pashko Camaj, Marjan Cubi, Zef Balaj (Pas Vdekjes), Mhill Gjuraj, Lek Mirakaj, Ramadan Gashi, Bruno Selimaj, Marash Nucullaj, Haxhi (John) Dauti, Ramiz Tafilaj, Vëllezërve Bitici ( Sergio, Mike, John, Joseph), Tonin Mirakaj, Mehmet Kadrija. U nderuan me Titullin “Kalorës i Urdhrit të Flamurit”: Dr. Skënder Myrtezani, Ibrahim Kolari, Agim Aliçkaj, Mëhill Velaj, Besim Malota, Adriatik Spahiu, Gani Vila (Albanian TV of Amerika – Detroit), Qemal dhe Kozeta Zylo (Tv “Alba Life” NY), Mondi Rakaj, Merita Bajraktari, Gjokë Deçkaj, Elio H. Ahmetaj, Gjokë Nikollë Lulaj.

110 VJETORI I VATRËS – NGA PRESIDENTI ILIR META, TE PËRPARIM RAMA, MARK GJONAJ, DAVID PHILLIPS E RITCHIE TORRES

by

PROGRAMI I MBREMJES GALA TE 110 VJETORIT TE VATRES 12 QERSHOR 2022:

ORA 6.00 PM: – KURORA ME LULE NE VARREZAT E VELLEZERVE BYTYQI

ORA 7.00 PM: – DARKA GALA

FOLES:

ELMI BERISHA – KRYETARI I FEDERATES PANSHQIPTARE TE AMERIKES VATRA

Z. ILIR META – PRESIDENT I REPUBLIKES SE SHQIPERISE

Z.PERPARIM RAMA – KRYETAR I KOMUNES SE PRISHTINES

Z. MARK GJONAJ – ISH KESHILLTAR NE BASHKINE E NEW YORK

DAVID PHILLIPS – COLUMBIA UNIVERSITY NEW YORK

RITCHIE TORRES – PËRFAQËSUES I ÇËSHTJEVE SHQIPTARE NË KONGRESIN AMERIKAN

DON PJETËR POPAJ- FAMULLITAR KISHA ZOJA E SHKODRËS

MODERIMI: PASHKO CAMAJ & KRISTINA CAMAJ

ADRESA: VILLA BARONE MANOR, 737 THROGGS NECK EXPY, BRONX, NY 10465.

Grupi artistik “Rozafati”, shfaqje mbresëlënëse në New York

by

Grupi artistik “Rozafati” nën drejtimin e koreografes Angjelina Nika (Mjeshtëri Madh) manhiti të gjithë pjesëmarrësit në një shfaqje artistike mbresëlënëse në Manhattan në New York. Në festivalin e diversitetit multikulturor për të 13-tin vit me radhë organizuar në New York, përformanca e grupit shqiptar krahas grupeve të tjera, ishte shumë emocionuese. Në festivalin e mbajtur më 4 Qershor “Rozafati” mori pjesë me tre Valle tipike shqiptare që përmbledhin kulturalisht trashëgiminë tonë të shkëlqyer artistike. “Vallja e Shqipeve”, “Valle me motive te Kosoves” dhe “Valle me motive të Tropojës” u mirëpritën me entuziazëm të madh te të gjithë të pranishmit. Ishte vërtetë emocion i papërshkruar teksa vlerat e valleve e këngës shqiptare shfaqeshin krahas kulturave të tjera.

Grupi artistik shqiptar “Rozafati” përformoi pas grupit “Schotlands” duke u paraqitur me madhështinë e kulturës dhe identitetit kombëtar shqiptar. Aktiviteti artistik dhe kulturor në mbrojte të kulturës dhe trashëgimisë së shkëlqyer shqiptare, zhvillimin e talenteve shqiptare në muzikë e kërcim, ruajtjen e përçimin e traditës shqiptare në mërgatë e kanë kthyer koreografen Angjelina Nika (Mjeshtër i Madh) në një ambasadore të vërtetë të kulturës shqiptare në Amerikë e më gjerë.