Featured – Page 825 – Dielli

Agjentёt e Vorio- Epirit, luajnё nё Shqipёri si nё njё ballo me maska

October 26, 2013 by dgreca

NGA AT’ NIKOLLA MARKU*/

Ngjarjet e fundit te ndodhura ne Greqi me partine naziste, Agimi Arte, te lene te kuptosh se shteti dhe demokracia greke jane ne standarte njerzore dhe kunder cdo marrezie politike. Shpresoja se ajo qe ndodhi me kete parti, me baze dhe filozofi dhunen dhe dallimet rraciale, do te shtrihej deri dhe ne vendin tone Shqiperi, sepse ata kane partnere strategjike ne Shqiperi si per shembull, Vangjel Dulen, Stavri Markon, Panajot Barken, Bollanon e deri tek ati shpirteror i tyre Anastas Janullatos.

Agjentet e Vorie- epirit, luajn ne Shqiperi si ne nje ballo me maska, tjeter thone dhe ndryshe veprojne, te embel nga jashte, e te hidhur nga brenda. Duke degjuar per lajmet e fundit per partine anti shqiptare dhe anti njerzore te Agimit Arte, si per, arme dhe ushtare paramilitare te gatshem per veprime te dhunshme, per njerez te brendshem ne polici , ushtri e gjetke, me shkon mendja tek mospregatitja jone ndaj cdo veprimi ne dem te Shqiperise.

Cfar thoshte Kristo Papas i Agimit Arte, eshte e njejte me ate cka folen Stavri Marko dhe Panajot Barka ne emisioni Opinion te tv. Klan. Edhe qendrimet e Janullatosit per kishen ne Permet dhe ne repliken bajate kunder pr. Dr. Kristo Frashrit, eshte po e njejta gjuhe. Skam pike dyshimi se Panajot Barka, Stavri Marko, Vangjel Dule dhe Janullatos, jane zgjatime te Agimit Arte ne Shqiperi. Thjeshte shteti shqiptar, duhet te veproje njesoj si shteti grek kunder Agimit Arte ne Greqi.

Stavri Marko, ky anti shqiptar i deklaruar dhe ne emisioni Opinion, ne menyren me arrogante duke na treguar se kur jemi bere te pavarur dhe shtet ne Shqiptaret, meritonte braktisjen e atij emisioni ne shenje proteste, nga ata qe mendoj se jane shqiptare. Sigurisht, kulmi arrin deri aty sa te deklaroje se baza e kishes ortodokse Shqiptare jane minoritaret dhe jo shqiptaret. Stavrin nuk e pengon kush te beje ndonje kishe private per veten e tije dhe miqte e Agimit Arte por, mendoje mire ti zoti Stavro dhe Panajoti reagimin shqiptar per veprimet e juaja dhe fyerjet ndaj kombit Shqiptar, komb qe te pranon dhe ty dhe te tjere ne gjirin e tije. Stavri, mos u ngerthesh, dhe mos nxirr nga goja ligesi, sepse cfar arme perdor, ajo do te kthehet kunder.

Panajot Barka, ky elokuent dhe avokat i Janullatosit, por dhe i Agimit Arte, na deklaron se ne shqiptaret nuk integrohemi ne Europe me mendesi te vjetra apo histori te kaluara, si ajo e kishes ortodokse kombetare Shqiptare! Cfar njeriu je zoti Barka, qe kerkon te mohosh historine e paster dhe te ndershme te kishes ortodokse kombetare Shqiptare?!. Ti zoti Barka, kerkon qe te harrojme Fan Nolin, Visarjon Xhuvanin, Kristofor Kisin?!

Ne shqiptaret tolerojme, por nuk harrojme, keshtu do te ndodhe dhe me ju. Mos e mendo apsolutisht ti Panajot dhe anti shqiptari Stavri Marko, se ne do te harrojme urrejtjen tuaj ndaj kombit Shqiptar, si dhe percarjen qe kerkoni te mbillni midis feve. Ja ku po ju them se, cdo tendece per te prishur harmonine fetare, do ti jape funde dhe ekzistences tuaj politiko-ekomomike ne menyren me ekzemplare, sepse, Shqiperine do ta harroni njehere e mire dhe se Vorio- epiri juaj ndodhet vetem ne polin e veriut, apo Antarkdide. Ju keshilloj qe te mos provokoni zemerimin shqiptar, sepse, pastaj dhe Zoti nuk do tju meshiroje, per arsye se, perdoret teologjine, dokmat kanonike jo per paqe dhe harmoni ,por, per shovinizem ne dem te nje populli tejet paqsor dhe bujar sic jane kombi shqiptar.

Si u fronezua Janullatos, kete e dine te gjithe shqiptaret, si me pamje filmike, ashtu dhe me deklarime te drejta te besimtareve ortodokse. Thone, se, njeriu kur arrine moshe madhore te lakmushme, ka raste qe fillon dhe vuan nga deliri dhe endrrat e femijerise. Madje i duket vetja larkqofte, si apostojt e Krishtit, kur i thone qe nuk mbush mire dhe se po lajthit, ai behet me agresiv dhe grindavec, keshtu po ndodh dhe me doktorin e shkencave Anastas Janullatos, shkenca dhe tituj qe nuk i hyjne ne pune shqiptareve, sepse ato tituj, mund ti keshe marre nga Pons Pilati, idioti qe kryqezoi Zotin tone Jezus Krishtin.

Per kujtese te bashkombesve te mi, po rikujtoj dhe njehere deklarimin e akademikut Ylli Popa ne emisioni Opinion, : eshte takuar me Janullatosin “rastesisht”, dhe i ka kerkuar te ndihmoje per ngritjen e kishes ortodokse Shqiptare. Ylli Popa, per seriozitet dhe te vertete, duhet te prononcohet perseri, sepse Janullatos, deklaron se e moren ne telefon per nje pune te rendesishme, madje nga Izraeli, nje shtet qe ky Janullatos erdhi me avion te posacem. Me lind pyetja e drejte ,:kush genjen nga keta te dy?

Ne repliken me profesor zotin Kristo Frashri, Janullatos perpiqet te sperdridhet si gjarper kur rendit statutet e kishes nder vite, krahasuar me kushtetutat e Shqiperise dhe me tutje, duke permendur dhe Patriarkanen Ekumenike te Stambollit. Janullatos, ti dhe ata qe te mesojne per shkrimet genjejne, Ju i shmangeni te vertetes reale. Statuti i kishes miratohet njehere dhe eshte i pejetshem, ky statut, pecakton qarte dhe prere se; Kryepeshkopi, zgjidhet prej gjaku, gjuhe, dhe kombesie shqiptare, statut i njohur nga Patriarkana Ekumenike e Stambollit me vendimin TOMAS.

Janullatos perpiqet te fshihet pas ndryshimeve ne kushtetutat e Shqiperise nder vite, qenies se Shqiperise ne diktature, veprimeve ateiste te partise komuniste Shqiptare etj etj. Nga cili Sinod i shenjte i ortodoksise Shqiptare u zgjodh Janullatos, apo u fronezua sic do ai? Nga “Sinodi” qe krijoi vete me agjente te asfalise greke, duke justifikikuar se ne Shqiperi nuk kishte shqiptare te pergatitur!? Ky argument i dha te drejte per ta mbushur “Sinodin” me antare te partise Agimi Arte, apo simpatizante?! Kujt ja shet keto drejtuesi fetar i shovinizmit grek dhe i Agimit Arte? Ne shqiptareve?

Ky shtetas shovinist grek, merr guximin e nje te lajthituri, pse jo dhe me amnezi, te quaj nje profesor te nderuar ortodoks si Kristo Frasheri, shpifes dhe genjeshtar! Eshte nje popull i tere qe profesorin e njeh si pasuri kombetare, per shkak te punes tije te palodhur ne dobi te kombit.

Askush nuk kerkon nga kisha ortodokse pavarur kombetare Shqiptare te ndryshoje statute sa here qe ka ndryshime ne kushtetuten e vendit. Ketu spekullon Janullatos me bashkpuntoret e tije te siper permendur, kjo eshte genjeshter dhe ky veprim eshte i paligjshem. Po ta sqaroj dhe njeher se, marveshja qe ke ti Janullatos me qeverine e Shqiperise eshte nul, sepse je i paligjshem ne krye te nje kishe jashtzakonisht serioze, sic eshte kisha ortodokse Shqiptare. Se shpejti do te kerkojme pavlefshmerine e marveshjes me qeverine dhe pse ajo eshte bere ligj ne parlament, ne menyren me te peshtire nen presion e qeverise Greke se ose bej keshtu, ose ne nuk ju mbeshtesim ne Europe. Sa turp per Greqine, nje vend qe mashtrohet nga nje palo prift nene presionin se, o bej sic themi ne, ose ne jemi kunder jush, ti Janullaotos je komandanti i ketyre urdhrave te felliqur dhe qindra vjet te vjeter. Shpejte do te gjykohesh nga organizma nderkombetare dhe nga drejtesia shqiptare por, dhe ajo e gjygjit te Hages si percares i kishes ortodokse Shqiptare, destabilizues i harmonise fetare, tjetersim i besimit ortodoks ne ate te besimit Vori-oepir dhe shovinizem Grek. Ne kurrizin dhe ndergjegjen tende te shprishur, qendrojne te gjitha ngjarjet ne dem te kombit Shqiptar, ngjarje si, varrezat e Kelcyres, cvarrimet e te pareve tane, ngjarja ne Permet, liturgjia greke, ndarja midis minoritareve dhe shqiptareve etj etj.

Janullatos deklaron se, ne fronezimin e tije, pati proteste kunder atije, proteste e organizuar nga dy deputete te nje feje tjeter, kjo do te thote se fete e tjera nderhyjne ne kishen ortodokse Shqiptare! Ky deklarim, eshte kulmi i tentatives per te prishur harmonine fetare ne Shqiperi. Kush je ti Janullatos, qe percakton se kush i perkete fese ortodokse dhe kushe eshte ne fe tjeter apo ateist?! Po te jeshe me ty Janullatos je ortodoks shqiptar?! Po pse, kur linde ti Janullatos lindi ortodoksia ne Shqiperi?!

Sakrilegji me i madh qe beni ju Janullatos eshte, kur na afron nje thenie te Apostullit Pal te perdorur ne nje rast te veshtire, si dhe per ti shpetuar romakeve duke thene pikerisht ky Apostulli Pal se, une jam romak. Le ta zberthejme kete pershtatje te Janullatosit, sipas thenies se Apostullit Pal. Sipas Janullatosit, lejohet ndonje dredhi, per te arritur qellimin. Kurre Apostulli pal nuk eshte nenshtruar dredhise, kjo eshte ne menyre apsolute dhe kanonike jo e vertete. Ju betohem nen bibel dhe shpirtin gjakun dhe shenjterine time per kete. Dredhija e Janullatosit, konsiston se dhe ky njeri i thjeshte, e krahason veten me Apostullin Pal, per te thene se dhe ky eshte shqiptar ashtu sic tha the Apostulli qe eshte romak, per te shpetuar nga nje moment i veshtire. Besoj se kuptohet sa spekulluese eshte perdorimi i deklarimit te Apostullit Pal ne ngjashmeri me Shqiperine.

Ky eshte sakrilegj, spekullim dhe turp i madh per cdo besimtar kristjan dhe ortodoks. Apostulli Pal, se bashku me nje nga shkruesit e Ungjillit i perndritshmi Luka, kane kaluar neper Iliri duke perhapur krishterimin dhe fjalen e Jezusit, kjo ngjarje na mjafton per te mos qene te varur nga askush, pervec Jezusit dhe perendise ose Atit tone Perendise se Universit.

Kjo qe them sa me siper, duhet te mjaftoje per te percaktuar se Janullatos nuk eshte as besimtar dhe jo me teper ortodoks, e me teje dhe ne krye te kishes ortodokse Shqiptare. Janullatos eshte nje spekullant dhe ne dokmat e fese sepse, puna e vetme e tije eshte shovinizmi dhe ndarja e Shqiperise. Ai nuk eshte me agjenti i qeverise ne ilegalitet te Vorio- eprit ku merr pjese dhe Spiro Ksera por, eshte shefi i anti shqiptarizmit dhe bekues i Vorio-epirit dhe partise ogur zeze Agimi Arte.

Me te drejte i kerkoj kishes ortodokse Greke, por dhe Patriarkanes qe, individin Janullatos, ta terheqe nga Shqiperia per shkak te zullumeve qe ben ne vendin tone, duke shkelur statut kishe, histori te Shqiperise, cenim te sovranitetit dhe harmonise fetare. Deri tani, Janullatos ka bere sic ka deshur ne organizma nderkombetare, per te perbaltur Shqiperine e brishte, per ti prishur pune ne axhenden e saje te integrimit, duke deklaruar shpifje dhe genjeshtra per cenim te besimeit ortodoks ne Shqiperi dhe fantazi te tjera, si nuk e kupton pseudo hiresi, ose me mire fyhreri (Hitleri) i Agimit Arte ne Greqi se cdo gje qe pergatit ti, si rasti i Permetit me autobuze dhe njerez te blere, eshte nje shemtire, qe shume shpejte dhe eurodeputetin grek, qe flet kunder Shqiperise ne parlamentin e Europes, shume shpejte do ta shohin me percmim. Ckujton ti Janullatos se, ne Keshillin Europes apo parlamentin e saje, do ta hane vazhdimisht sapunin per djath, jo zoti ngatrrestar.Jo. Ne Europe, do ta marrin vesh te verteten e punes tende ne Shqiperi zoti Janullatos. Ekzistenca juaj Janullatos, do te shndrrohet ne nje hije te zeze.

Janullatos, ti dhe Barka, Dule, Marko, Ksera dhe disa prifterinje greke ne “Sinodin” e shenjte, qe ke ngritur ti me emrimet e tua, se shpejti do te merrni mesimin e duhur nga demokracia perendimore dhe drejt per se drejti nga ajo europiane.

Helikopteret e udhetimeve, parate e juaja si rryshfete, nuk do te pine me uje te “bekuar”, sepse bekimi yt me uje eshte kunder atdheeut tim dhe kombit tim, per kete ju siguroj te gjitheve.

Cirruni sa te doni, por une, nuk spekulloj, se bashku me milionat e shqiptareve, se po luaj me patriotizmin e vendit tim, ne jemi thjeshte ne sherbim te tradites tone mijra vjecare, qe eshte e ndritur, e paqme dhe bujare, sic na meson vete feja jone dhe dokma e perjetshme e bibles dhe zotit tone Jezu Krisht se bashku me Atin e shenjte ne perjetesi.

Personalisht une, por dhe stafi qe me mbeshtet, staf ortodoksesh, intelektuale, njerez te thjeshte qe pranojne te pagezohen me buken dhe veren e Jezu Krishtit, do te takohemi me Patriarkanen ekumenike, pse jo dhe me disa kisha te tjera, per te fshire bojen tende prej shenjtori mashtrues, qe te dale ne drite ligesia qe mbart kunder kombit Shqiptar.*(Titulli ne origjinal:JANULLATOS ESHTE AGIMI I ARTE I GREQISE)

Out of Sight, a documentary by Paul Kurti

October 23, 2013 by dgreca

After directing the successful feature film “Right to Love” award-winning filmmaker Paul Kurti shot his next project “Out of Sight” in Albania. Out of Sight is a docuementary told from the perspective of Albanian children how they understand their world, reflecting on the future of Albanian and present lifestyles.

Director Kurti explains that his interest on the society of tomorrow from the eyes of the new generation is what inspired him to make this project.

“I was born in Albania and left in the year 2000, after living through the 90s, a confused decade of transitions for the country and the Albanian society. Every time I visit Albania, I see a lot of aesthetic changes. However, I still find the same confusion about the future as before.

Thus, I decided to make a film, about children who were born after I left the country. Children that did not live through the fall of communism and rise of democracy of the early 90s; the pyramid schemes and rebellion of the mid 90s; or the Kosovo war of the late 90s.

I wanted to explore what it means to be an Albanian child in the new millennium. And since these children are the future of the country, we could get a glimpse into the society of tomorrow,” said director Paul Kurti.

Director Paul Kurti hopes that with this documentary people can learn more about the social conditions of Albania facing youth. The documentary delves into issues like education, poverty, environment and future prospects as seen and understood from the eyes of children.

“I hope that after watching this film, audiences will become more aware that there is so much we can learn from these children. Concepts such as education, order, cleanliness and poverty, become so much more powerful through their voices.

While working on the film, I came across some situations that I was not aware of. On the suburbs of Tirana I saw extreme poverty. Children that were forced to leave school at a younger age because their parents could not afford to buy them books and clothes for school. We show the story of a girl in a similar situation in the documentary. Her parents had removed her from school in grade 4 and she had been sitting at home for the last 4 years. In the meanwhile, her 3 younger sisters were also being removed from school once they got to grade 4. I had never met a child that spoke about school with such passion as her. It was all she has been thinking for the last 4 years, while slowly realizing that she might never get another chance at education.

There are many similar stories that are untold and that people in bigger cities are seldom aware of. That is why I titled the film “Out of Sight,” added Paul Kurti.

The documentary is sponsored by Soros and it is expected to premiere this fall at Top Channel. A short clip of the documentary can be viewed here: http://vimeo.com/73023819 and further updates on the work of Paul Kurti can be found here www.paulkurti.com. / E. Babamusta

Rrexhep Llaja, patrioti çam që nuk u preh dot në vendlindje, Çamëri

October 23, 2013 by dgreca

Dega e Vatrës në Jacksonville përkujton bashkëthemeluesin e degës/
Nga Lek Gjoka/Jacksonville Florida/
Jeta dhe vdekja shpesh herë qëndrojnë shumë afer njëri-tjetrit.Para pak javesh dega e Vatres në Jacksonville Florida mori një lajm jo të mirë nga Tirana.Gjyshi siç e therrisnin të gjithë xha Regjepin kishtë ndërruar jete pa arritur të kthehej me në Florida.Pa arritur të ishtë prezent në një vjetorin e themelimit të deges se Vatres ku sebashku me bashkshorten e tij zonjën Aferdita Plaku e cila u zgjodh edhe në bordin drejtues ishin nismetaret e pare të themelimin të Vatres në Jacksonville Florida.
Kush ishtë patrioti Rexhep Llaja ?
Një çam i nderuar që lindi në Filat të Çamërise dhe që u persekutua dy here edhe nga greket qe e përzuan dhunshem nga trojet e tij të lindjes,nga Çameria martire, por u përndoq edhe nga regjimi diktorial komunist i Hoxhës.
Kaloi nëpër një kalvar të hidhur të vështirë jetësor.Sapo kishtë mbushur të trembedhjetat shovinistat greke qe u lëshuan me egersinë e tyre mbi trojet etnike shqiptare të Çamerise nuk e kursyen as Rexhepin, familjen dhe fisin e tij dhe tere Çamërinë për arsyen e vetme që ishin shqiptarë.I arrestuan dhe si i burgosën disa kohe i larguan forcerisht nga vendlidja, Filati, qyteti çam, ku u lind dhe u rrit xha Rexhepi. Por as në Shqipërinë amë nuk i priten ashtu sikur pret nëna bijtë e tij.Lufta e klasave dhe egërsia komuniste nuk kishin kufi.Si i arrestuan babain, Shuaip Llaja dhe vjeherrin Rexho Plaku nuk vonoi shumë dhe i erdhi rradha e egersise komuniste te hidhte kthetrat edhe mbi Rexhepin.E arrestuan dhe e burgosen për shtate vite më radhe me akuzen e fabrikuar”për agjitacion dhe propogante” kunder komunizmit. Me dhimbje në shpirt , plot lodhje kaloi ato vite vuajtje në burgun famekeq të Spaçit dhe në burgun e punës në Fishte të Lezhes.Si doli nga burgu u mundua të ndërtonte një jetë me te mire sebashku me bashkshorten por hija e trishte e komunizmit e ndiqte nga pas pa ndalesë.Ulkonja komuniste vdiq ne fillimet e vitit 91 dhe xha Rexhepit, sikur i mori një frymarrje tjeter jeta.Te pakten ishte i barabarte me te gjithe shqiptaret e tjere, por dhimbja i vazhdonte.Çameria martire ishte aneksuar përfundimisht në shtetin Grek dhe asnjë politikan shqiptar nuk e ngrinte zërin sikur duhej ndaj atij genocodi të tmerrshem pas luftes se dyte boterore.Rexhep Llaja ishte nder nismetaret e pare në Tiranë në themelimin e shoqates patriotike Çamëri ,shoqate qe mbron interesat e çameve të përsekutuar,që kerkon në rruge shtetërorë pasurinë e çamevë që pa të drejte i sekustruan nga shovinizmi grek.

Vitet askush s’i ndalon dot.Ashtu edhe largimin në amshin plot dhimbje të xha Rexhepit por perkujtimi ështe ai që ringjall historine, kujtesen për brezin e baballareve tanë që kaluan në një jete të tere plot tallaze dhe vuajtje shpirterore në diktaturen komuniste dhe u larguan nga kjo botë më plot dhimbje.Kështu edhe bashkshortja Aferdita Plaku dhe dega e Vatres në Jacksonville Florida përkujtuan 40 ditëshin e mungeses se xha Rexhepit në restorantin e biznesmenit shqiptar Leandro Canaj, antear i Vatres. Zonja Afërdita duke falenderuar pjesmarresit dhe në vecanti miqte e bashkëshortit, antaret e deges se Vatres, foli shkurtimisht për kalvarin e dhimbjeve të saja dhe bashkshortit të saj në diktaturen komunistë.Edhe ajo ndihej shpirterisht e brengosur sepse bashkshorti nuk arriti të prehej dot në vendlindje në Filatin e Çamerise, ku prehen të paret e tij. Me pas,e mori fjalen zoti Adem Demneri, i cil u kërkoi pjesmarresve të mbajnë një minut heshtje.E mori fjalen edhe kryetari i deges se Vatres në Jacksonville Florida, zoti Adriatik Spahiu. Pasi i shprehu familjes Llaja ngushellimet ne emer te vatarneve te deges se Jacksonville, z. Saphiu, foli shkurtimisht për “Gjyshin” siç e quanin gjithmone vatranet e Jacksonvilles xha Rexhepin, foli për cilësite e tij patriotike teper të spikatura ndaj Shqipërise dhe Amerikes- ky shtet që ishte i bekuar nga vete Zoti -sikur thoshte gjithmone i ndjeri.I papërtuar, bujar dhe i sinqerte, fjale paket dhe dashamires e kujtojme dhe do ta kujtojme gjithmonë.Që në fillim sebashku me bashkshorten, zonjen e nderuar Aferdita Llaja(Plaku) iu bashkua Vatres se madhe shqiptare të Nolit e Konices duke drejtuar edhe mbledhjen e pare të themelimit të deges para një viti.Sigurisht ndiej dhimbje që nuk arriti dot ta shijonte nje vjetorin e themelimit të Vatres por me bindje të plote ëndrren e tij të bashkimit të shqiptareve te Jacksonvilles do mundohemi ta bejme realitet, u shpreh Spahiu.

Minutat iken me vrap duke marre me vetë në kujtese shqiptarin patriot çam që do të kujtohet jo vetem nga familja, Çameria por edhe nga shqiptaret e Jacksonvilles.U prehtë në paqen e perjetshme shpirti i patriotit Rexhep Llaja dhe një ditë ëndrra për tu prehur eshtrat perjetesisht tëk të paret e tu në Filat të Çamërise, u befte realitet pa mendur më gjate se Çamëria tani është pjese e shtetit Grek, por në ëndrrën Evropiane, i gjithë trualli i coptuar padrejtesisht nga fuqitë e mëdha i kombit shqiptar,do të jete një në Evropen e Bashkuar.

Një udhëtim magjeps në veriun e largët

October 22, 2013 by dgreca

Një shëtitje e mrekullueshme në hapësirën ajrore përgjatë liqeneve të krijuara prej akullnajave glaciale me siguri në atë kohë, mbi natyrën e gjelbërtë në të katër anët si dhe mbi ato male pitoreske që mahnitin vizitorin dhe që i dhurojnë një copëz të vyer në mozaikun e veriut të largët. Kjo të duket dhe ti ndjenë këtë kur ti udhëton me avion mbi teritorin e Mbretërisë suedeze./

Nga sokol DEMAKU*/

Në Suedi ka te regjistruara sipas statistikave vendore diku mbi 95 700 liqe. Regjioni i veriut është një ndër më të pasurit me liqe diku me mbi 30 868 liqe, ndërsa ujdhesa Gotland është më e varfër në këtë drejtim vetëm me 80 liqe.

Kjo është nje statistikë që e jep Enti Suedez SMHI (pra Enti Hidrometerorologjik Suedez)

Suedia është e bukurë dhe ta vizitosh atë në çdo centimetër të saj do të thotë të marrësh kënaqësi të papërshkrueshme, do ndjesh ate çka në të vertetë njeriut i mungon, ajo cka njeriun e benë të ndjehet mirë në çdo kohë. Kjo është një mrekulli që nuk do e gjeshë në asnjë kend tjetër të rruzullit tokësor. Shpresojmë që këtë ndjesi do ua përcjellim edhe juve, sa herë që ju sjellim në vëmendje pjesë nga natyra dhe bukuritë e saja.

Duke dashur të jemi në koherencë të plotë me shijet tuaja, me shijet prej lexuesi të preferuar me atë që do të ishte më e përshtatshme për të ditur për këtë vend nordik, për njerzit me sjellje dhe kulturë të pa parë, me ndjenja të qiltërta, vend i cili në vetvete mbart një kënaqësi të cilën njeiru ndjen kur gjendet këtu e që nuk mund ta merrni askund tjetër.

Duam të themi edhe ate se njeriu ndjehet sikur është çlirua nga ankthi, nga ndjenjat të cilat i bart si një barrë e cila e rendon terë jetën, e këtu, këto thuase njeriu nuk i ndjen, e mendojm se është ambienti njerzor i cili është krijuar nga pasardhësit e Vikingëve të lashtë, të cilët njerëz janë mikëpritës, zemërgjerë, me ambicje pozitive për jetën, njerëz që kur ti do i takosh do mendosh se tek këta nuk egziston shprehja “Jo” dhe se këta janë ata të cilët çdo herë dhe në çdo kohë mendojnë për vetën dhe të ardhmen e tyre.

Zhvillimi demokratik dhe ekonomia e vendit ka qenë dhe është synimi kryesor i këtyre njerëzve të thejshtë dhe zemergjërë, njerëz të cilët edhe këta kanë pasur baticat dhe zbaticatë e tyre në jetë. Edhe suedzët sikur edhe ne shqiptarët sot, ata dikur ishin ata të cilët mërguan me të madhe, iknin nga veriu, iknin nga trojet e tyre sepse nuk kishin mundësi ta siguronin egzistencën e tyre, por ne jo që ikem nga kjo por edhe trysnit dhe zullumet na e bënë jetën të padurueshme. E si duket këta njerëz ne na kanë kuptua më së miri dhe kanë hapur zemrën dhe na kanë priturë dhe ndihmuar që të jem pjesë e këtij vendi të mrekullueshëm.
Ajo që do t’ju ofrojmë këtë herë, është një shëtitje e mrekullueshme në disa pjesë të këtij vendi e që përveç se na japin një pasqyrë të jetës së njerëzve këtu, ne do kemi rastin të njihemi edhe me jetën, kulturën dhe traditën e tyre. Êshtë inetersant të fillojmë me krahinën Småland, e cila është një krahinë në jug lindje të Suedisë e është shumë interesant në fillim të dim diç më tepër për këtë krahinë e në bazë të disa te dhenave del se diku nga viti 500 para Krish. ka qenë kënetë dhe liqe e pasur me hekur. Por në bazë te të dhënave që njeriu mund të gjejë del se nga mesi i viteve 1800 hyri në përdorim industria e përpunimit të drurit dhe xhamit, uzinat metalurgjike, kështu që edhe jeta këtu ka ndryshua. Këtë kohë do kemi një rritje të madhe të popullsisë dhe në një anë do kemi edhe uri dhe varfëri në rrethe, e nga mesi i viteve 1800 shumë të rinj kanë emigruar në Amerikë shaku i varfërisë. Këtë periodë të vështirë të jetës për shumë familje suedeze dhe suedez shumë shkrimtar dhe poet suedez e kanë pasyqruar në shkrimet dhe veprat e tyre.

Vijon(Pjesë në vazhdime nga libri në dorëshkrim” Një udhëtim magjeps në veriun e largët”i autorëve: Rovena Vata dhe Sokol Demaku)

EDHE NJË HERË PËR KATOVICËN SHQIPTARE DHE HALLET TONA

October 21, 2013 by dgreca

Nga Dalip Greca/

U desh një deklaratë e politikanit të së majtës, Servet Pëllumbi, në intervistë me gazetarin Roland Qafoku në Channal One TV, që politika shqiptare dhe media bashkë me të, të nisin një furtunë në gotën e ujit.Pyetja shtrohet: Ka apo nuk ka Katovicë shqiptare? Ka apo nuk ka fjalim të Ramiz Alisë në Byronë Politike? Cilat janë pikat e takimit mes Katovicës Polake, ku Gorbaçovi lëshoi tezat e reja të orientimit të komunistëve në mbarë kampin e shpartalluar për t’u konvertuar dhe asaj çfarë ndodhi me Shqipërinë që pat deklaruar se nuk ishte as lindje as perëndim, dhe se nuk do ta tradhëtonte komunizmin.

Duke qenë se para 15 vitesh e kam botuar një koment-editorial në gazetën Republika, pas një dokumenti të servirur nga deputeti i atëherëshëm i Partisë Demokratike,Tomorr Malasi, ende sot nuk mund të pohoj se ai dokument ishte apo jo origjinal sepse nuk i kisha mundësitë e verfikimit.

Kur profesori i Filozofisë Marksiste-Leniniste, e risolli këtë përfolje në fokusin e medias, por pa përmendur atë ç’ka ishte shkruar 15 vite të shkuara, nuk mund të heshtja, dhe përmes gazetës Dielli online, i rikujtova profesorit se ai dokument që po pretendon se e servir për të parën herë, është servirur një herë 15 vite të shkuara. Shkrimi i Diellit u botua edhe në Tiranë në disa gazeta të përditshme. Pyetja që shtrova për Servet Pëllumbin ishte: Përse heshte atëherë dhe përse zgjodhe këtë kohë për të thënë atë që pretendon se “ zotëron dokumentin origjinal”? Përse nuk fole sa qe Ramiz Alia gjallë. Nëse kjo është e vërtetë, pra se Byroja Politike është mbledhë dhe Ramiz Alia ka dhënë udhëzimet e kalimit të butë dhe të kontrolluar nga socializmi në kapitalizëm, përse nuk dëshmojnë anëtarët e Byrosë Politike, derisa nuk kanë ikur të gjithë nga kjo botë! Ka ende ish anëtarë të Byrosë Politike gjallë, përse nuk shkon investigimi i gazetarëve deri tek ata?

24 vjet pasi qenka mbajtë ai fjalim, si nuk arritën historianët apo dhe politologët, që ta zbardhnin të vërtetën? Ka apo jo procesverbale? Po pas 15 viteve, pasi u hodh kjo tezë në shtyp, pse s’pati reagime? Dyshimin e mosegzistencës e shton edhe fakti se dokumenti i servirur nuk ka numër protokolli, por vetëm shënimin “top secret” dhe vitin e mbledhjes së Byrosë Politike, 1989. Së paku ai dokument që më qe vënë mua në dispozicion, nuk e kishte datën.

Në emisionin e dytë që organizoi gazetari Roland Qafoku në Channal One TV, më ftoi dhe mua si pjesë e panelit të tij që të bëja një prononcim publik për atë ç’ka kishte ndodhë 15 vite të shkuara dhe çfarë mendoja unë për vërtetësinë e dokumentit të servirur. Pyetjes së tij nëse unë besoja apo jo në Katovicën Shqiptare, egziston apo jo një dokument origjinal; ka mbajtë apo jo një fjalim të atillë Ramiz Alia, iu përgjigja indirekt duke iu referuar një novele të shkrimtarit dhe gazetarit Filip Çakuli, botuar në shtypin lokal para rrëzimit të sistemit diktatorial. Në novelën e tij, Çakuli, lunate me paradoksin. Subjekti ndërtohej mbi këtë fabul: Sulltani ka thirrë në raport Skënderbeun. Pasi e lëvdon për trimëritë në beteja, që ia kanë ndritë faqen Perandorisë Osmane, parathotë se një ditë, ai, Skënderbeu, do të bëhej armiku i atij vetë, Sulltanit dhe Perandorisë; do të dredhonte nga beteja e Huniadit, do të merrte 300 kalorës, do të shkonte në fortesën e Krujës, do t’i priste kokën zotëruesit turk dhe do të bëhej zot i saj. Do të mblidhte Kuvendin e Lezhës, do të krijonte beslidhjen shqiptare dhe do të bashkonte rreth vetes të gjithë princat shqiptarë. Për 25 vjet, i kish thënë Sulltani, ti Skënderbej, do të jeshë kryezot i Shqipërisë dhe do t’i fitosh betejat dhe do t’i mposhtësh rrethimet tona duke triumfuar.Ti do të përdorësh strategjinë e qëndresës në kështjella, ku do të mbashë pak forca, dhe një pjesë të forcave do ta fshehësh në pyje. Unë do të përdor nipin tënd, Hamzanë,si kalë Troje, i cili do të kundërvihet ty, unë do ta fitoj një betejë, por nuk do të mposht dot.Pas 25 vjetësh ti do të vdesësh nga ethet e malarjes dhe unë do ta ripushtoj Shqipërinë. Ne, turqit do të qëndrojmë 500 vjetë në Shqipëri si në shtëpinë tonë. Pas 500 vitesh, me 28 Nëntor 1912, një tjetër shqiptar, do të dalë nga oborri i Padishahut dhe do të shkojë në Vlorë për të shpallë Pavarësinë. Ai do të jetë Ismail Bej Qemali…

Kjo përbënte shkurtazi fabulën e novelës së Çakulit. Po ku qëndron pikëtakimi me Katovicën shqiptare dhe pasojat e saj? Pikëtakimi qëndron në dokumentimin me shkrim në paskohën e rrëfimit të ngjarjeve.Shkruhet pasi ato kanë ndodhë. Kështu dhe Katovica shqiptare që i referohet “dokumenti origjinal” i Pëllumbit apo ai që na seviri Tomorr Malasi,para 15 viteve, ka gjasa që të jetë sajuar pasi kanë ndodhë ngjarjet.Shkurt, ka gjasa që të jetë sajesë prej dikujt që kërkon kaos dhe tymnajë.

Ramiz Alia ka vdekë dhe në të gjallë të vet nuk e zuri në gojë Katovicën. Po të ishte e vërtetë ai do të mburrej me të dhe do ta shkruante në kujtimet e veta.Dy personazhet kryesorë, që lakohen si mbartës të pushtetit të mbikqyrur besueshmërisht, Sali Berisha dhe Fatos Nano, e kundërshtuan tezën e profesorit të Filozofisë. Berisha e quajti Katovicën e Pëllumbit, si përrallë nga e kaluara dhe vetë Servetin, bolshevikun e fundit, ndërsa Fatos Nano, që e mori Partinë Socialiste në mirëbesim nga Ramiz Alia, e ironizoi Katovicën e Servetit si “broçkullat e Pëllumbit”. Po ashtu ish sekretari personal i Ramiz Alisë, Guro Zeneli, dëshmoi se asgjë nuk ka ardhë nga Gorbaçovi dhe se asnjë mbledhje nuk ishte bërë në Byronë Politike, për kalimin e pushtetit sipas tezave të Gorbaçovit. Të gjitha këto ka gjasa të jenë të vërteta, por ç’rëndësi ka?

Në vështrimin tim nuk ka rëndësi fare nëse ka egzistuar apo jo një dokument i tillë. Është organizuar apo jo një mbledhje e Byrosë Politike, ku Ramiz Alia të ketë dhënë udhëzime që në fakt i gjejmë të materializuara sot në Shqipërinë e trazuar. Katovica është një dukuri e vendeve të Lindjes, ku klasa që kishte pushtetin përpiqej ta lëshonte atë përkohësisht me rënie të lirë, të runate kokën, dhe mundësisht gjithçka të realizohej pa viktima nga radhët e saj. Fakti se Katovica e Gorbaçovit ka ndodhë, askush nuk e mohon.Tezat, janë po ato që “dokumenti” i Katovicës shqiptare i vë në gojën e Ramiz Alisë.

Është e vërtetë se pluralizmi nisi me njerëz të besuar,janë të pakët ata që e kundërshtojnë këtë tezë. Hidhini një vështrim historisë 23 vjeçare të partive shqiptare dhe shihni se kush i ka udhëhequr ato.Tek të gjitha ka një skemë si nisje me porosi nga lart, diku me gjurmë të lexueshme, e diku jo. Po i referohemi vetëm njërës, Partisë Social Demokrate të ish Ministrit të Arsimit, Skënder Gjinushi. Lëvizjet e tij duket se janë të përllogaritura dhe të inskenuara fort mirë: E dha dorëheqjen në ditët e shkurtit 1991, pasi kishte qenë tek gjuri i Ramiz Alisë në ditët e nxehta të grevës së studentëve. Më 20 shkurt u rrëzua busti i Enver Hoxhës, me 21 shkurt Gjinushi mblodhi Komisionin nismëtar në një nga zyrat e Pallatit të Kulturës të kryeqytetit, ku u vetëshpall me urdhër nga lartë, kryetar i Partisë Socialdemokrate. Një miku im, pjestar në atë takim, më ka treguar se gjithçka dukej e parapërgatitur. Paradite u mblodh komisioni, programi kishte qenë gati pa u themeluar partia, dhe nuk e kishin mbajtë të fshehtë autorin e atij programi, ishte Agim Popa, i njohur si teoricien i Komitetit Qendror të PPSH, (thonë se një pjesë e programeve të partive të reja kaluan nga duart e Sofokli Lazrit). Po në atë mbledhje të prirur nga Gjinushi, pjesmarrësit ishin njoftuar se pasdite do të vinin nga rrethet 300 vetë, që do të ishin edhe firmëtarë të krijimit të Partisë. Një nga të nëntë themeluesit në atë takim, ishte ngritur dhe kishte guxuar të shtronte një pyetje: Po si u lajmëruan këta 300 vetë dhe kur? Ne po mblidhemi për të parën herë, apo jo?! Përgjigja ishte rrëshqitëse. Dhe pasdite të treqindët kishin ardhë edhe pse në bulevard ishin tanket, që ishin nxjerrë për të treguar forcën e pushtetit në rënie, mbledhja ishte bërë në godinën qendrore të Universitetit. Skenari flet vetë. Po partitë e tjera, si u krijuan me kryetarë të gatshëm? Ndoshta kjo nuk ka më rëndësi pas 23 vjetësh.

Mendoj se nuk ka nevojë që të debatohet gjatë, e lagu s’e lagu, ka apo jo dokument të Katovicës shqiptare, gjasat janë se ajo nuk egziston, por nga ana tjetër, Katovica shqiptare si fenomen, ka ndodhur. Ky është fakt sepse tezat e Gorbaçovit të hedhura në Katovicën Polake, janë të materializuara në Katovicën shqiptare, qoftë edhe rastësisht. Fatkeqsisht, në Shqipëri, demokracia ka mbetur e brishtë, e thyeshme, pushteti vazhdon dhe po i merr frymën shtetit. Për të marrë pushtet shkatrrohet shteti, nuk respektohen institucionet. Ëndrrat e studentëve kryengritës për ta parë vendin në Europë, është bërë tepër e largët dhe tranzicioni ka mbajtur peng integrimin. Marrja e ftesës si vend kandidat për në BE, kot serviret si sukses i politikës, kaq i tejzgjatur, ai dëshmon dështimin e klasës politike, mungesën e kulturës demokratike, moskrijimin e klasës së politikanëve profesionistë, mungesën e qytetarisë të të bërit politikë, dominojnë sherret në vend të dialogut, pozita dhe opozita flasin me njëra tjetrën si prapa gardhit, jo ballazi. Korrupsioni përbën plagën lënguse që po i zë frymën shoqërisë, militantizmi dhe nepotizmi, u kanë zënë vendin profesionistëve etj.

Shqipëria është ende në udhëkryq, pronarët janë mes katër rrugëve, vazhdon odisea e kërkimit të pronava deri në Gjykatën Ndërkombëtare në Strasburg, të përndjekurit janë ende të pa integruar, nacionalizmi tradicional nuk ka mundur të ngrejë kokën dhe nuk ka përfaqësim konkurues politik, partitë e djathta tradicionale, u copëzuan, ish komunistët u kthyen më shpejt se ç’pritej në kapitalistë, madje më shpejt se ç’pretendonte Katovica. Shihni statistikat e Parlamentit shqiptar, në ç’krah janë më të pasurit? Janë tek e majta. Shtypi na ka servirur lista se ndër 10 deputetët më të pasur të Parlamentit Shqiptar, tetë janë të së majtës që zotërojnë miliona, ku kampioni socialist numëronte më shumë se 30 milionë Euro!

Katovica shqiptare ka dhe një tjetër tregues, përveç kthimit të komunistëve në kapitalistë të pasur; ata janë rikthyer edhe me plot pushtet politik absolut, pra kanë ruajtur dominionin udhëheqës. Shtypi flet se shumë pinjollë të ish KQ të Partisë së Punës të Shqipërisë dhe të Byrosë politike, vegjetojnë në administratën e pushtetit qendror. Nga Ministria e Jashtme vjen shifra e 18 punonjësve të atillë! Lustracioni i përfolur ka mbetur në letër. Prona nuk ka shkuar tek i zoti. Të përndjekurit ende nuk kanë marrë hakun e krahëve të vet përveç kalvarit të mundimshëm të dënimeve. Dënimet e ish përgjegjësve të krimeve të komunizmit nuk është kryer. Ish pjestarët e nomenklaturës udhëheqëse janë në pushtet politik dhe atë ekzekutiv. Në Parlament, ku bëhen ligje demokratike, ka ende ish ministra të sistemit komunist. Ç’rëndësi ka nëse është diskutuar apo jo në Byronë Politike nga Ramiz Alia për skenarin e kalimit të pushtetit në duar të besuara? Komunistët edhe sot bëjnë ligjin.Ata gjende me shumicë edhe në pushtet edhe në partitë politike, -në pozitë po se po, por nuk mungojnë as në opozitë. Kjo është Katovica shqiptare, që duhet të na shqetësojë.