UBT/

Në Parkun Shkencor Inovativ të UBT-së, në Lipjan, u organizua Konferenca Shkencore “Roli i mërgatës shqiptare në krijimin e shtetit shqiptar dhe shpalljes së pavarësisë së Kosovës”, në prag të shënimit të 15-vjetorit të Pavarësisë së Republikës së Kosovës.

Kjo konferencë e cila mblodhi përfaqësues nga institucione të ndryshme publike e private nga Kosova, Shqipëria dhe nga diaspora, u organizua nga UBT dhe Federata Panshqiptare në Amerikë “VATRA”.

Në këtë konferencë morën pjesë: veprimtari i shquar dhe lobuesi më i madh shqiptar për lirinë dhe pavarësinë e Republikës së Kosovës, Jim Xhema, rektori i UBT-së, Prof. Dr. Edmond Hajrizi, kryetari i Komunës së Prishtinës, Përparim Rama, Presidenti i Federatës Panshqiptare në Amerikë “VATRA”, Elmi Berisha, nënkryetari i kësaj federate, Alfons Grishaj, Presidenti i Rrjetit të Bizneseve të Diasporës Shqiptare, Nazar Mehmeti, Presidenti i “Christopher Hyland Inc.” dhe drejtori i “Hylandtown”, Christopher Hyland, rektorët e universiteteve nga Shqipëria, Kosova dhe Maqedonia e Veriut, si dhe profesorë dhe studentë të UBT-së.

Në fjalën e tij hyrës, rektori i UBT-së, Prof. Dr. Edmond Hajrizi vlerësoi lart kontributin e mërgatës shqiptare në Amerikë, me theks të veçantë ndihmën e madhe për shkollimin e të rinjve nga Kosova në Shtetet e Bashkuara të Amerikës.

“UBT është krenar që ka marrëveshje me universitetet më të mëdha në Amerikë. Ka programe të përbashkëta, marrëveshje bashkëpunimi, për shkëmbim të profesorëve e të studentëve, për hulumtime shkencore, për organizim konferencash të përbashkëta e shumë aktivitete të tjera. Ky institucion punon me planprogramet e universiteteve më të mira evropiane dhe amerikane. Ndaj edhe është më i miri institucion privat i arsimit të lartë jo vetëm në vend, por edhe në rajon”, tha rektori Hajrizi.

Në kuadër të kësaj konference, në fjalën e tij, veprimtari i shquar i çështjes kombëtare dhe lobuesi më i madh në Shtetet e Bashkuara të Amerikës për lirinë dhe pavarësinë e Kosovës, Jim Xhema duke treguar edhe pak nga historia dhe eksperienca e tij, tha se është krenar për arritjet e popullit shqiptar.

“Ne jemi shumë unik si njerëz, jo vetëm në Evropë, por në tërë botën. Jam krenar për arritjet të cilat po i shoh sot. Që të jeni në gjendje të keni sukses, duhet të përfshiheni. Kur bashkohen përgatitjet dhe mundësia për të takuar dikë, duhet të shfrytëzohet, dhe unë i zhvillova këto relacione”, u shpreh Jim Xhema.

Kryetari i Komunës së Prishtinës, Përparim Rama tha se ndihet i impresionuar me punën në UBT, njëherit vlerësoi organizimin e konferencës për rolin e mërgatës shqiptare në lirinë dhe pavarësinë e Kosovës.

“Jam i impresionuar për punën që është bërë në UBT dhe uroj që të shtojmë bashkëpunimin, jo vetëm për të mirën e kryeqytetit, por edhe për gjithë vendin tonë. Prishtina ka një potencial fantastik. Unë besoj në energjinë e të rinjve, të shqiptarëve, dhe në mundësinë e transformimit të kryeqytetit”, potencoi Rama.

Në kuadër të kësaj konference u bë ndarja e çmimit të parvjetshëm “Exellence Lidership Award”, i cili u dedikua për Universitetet e Republikës së Shqipërisë, për kontributin e pamohueshëm për krijimin e kuadrove profesioniste të Kosovës.

Për këtë vlerësim të UBT-së, në emrin e universiteteve shqiptare, kryetari i Konferencës së rektorëve në Shqipëri, Artan Hoxha, i cili u shpreh falënderues dhe mirënjohës ndaj UBT-së, duke theksuar nevojën e rritjes së bashkëpunimeve të reja në mes institucioneve arsimore në Kosovë dhe Shqipëri.

“Arsimi i lart privat në Kosovë po ecën me një ritëm të shpejtë. UBT është një nga ato rastet që mund të krenohemi, dhe që së bashku me të gjitha institucionet e tjera ndikon në zhvillimin e arsimit të lartë në Kosovë. Ne vazhdojmë të punojmë së bashku me institucionet e arsimit të lartë dhe uroj që këto bashkëpunime të vazhdojnë dhe të thellohen më shumë”, u shpreh Hoxha.

Përgjatë kësaj konference u prezantuan edhe disa kumtesa, të cilat përmblidhnin historikun e angazhimit dhe përpjekjes së mërgatës shqiptare në Shtetet e Bashkuara të Amerikës, për lirinë dhe demokratizimin e Shqipërisë dhe lirinë dhe pavarësinë e Republikës së Kosovës.

Christopher Hyland foli rreth rolit të diasporës shqiptare në Shtetet e Bashkuara të Amerikës në krijimin e shtetit shqiptar dhe deklarimin e pavarësisë së Kosovës, duke përmendur personalitete të shquara të kombit shqiptar, të cilët ndihmuan dhe u angazhuan në këtë aspekt.

Ndër të tjera, ambasadori Flamur Gashi dhe Frank Shkreli vlerësuan lart kontributin e senatorit Bob Dole, të Jim Xhemës dhe të komuniteteve ortodoks, katolik, mysliman dhe bektashian për lirinë dhe pavarësinë e Republikës së Kosovës.

GAZETA PANORAMA: http://www.panorama.com.al/berisha-thirrje-shba-dhe-be-te-hetojne-skandalin-mcgonigal-cfare-ndodhi-me-opoziten-do-vazhdojme-betejen-deri-ne-fitoren-e-plote-te-revolucionit/?fbclid=IwAR292vpS0Mq5AICaWLqWAvcqU4ZEIseTAS6thGSz0rfZirgi_aFsv4eZUos

Ish kryeministri Sali Berisha i bëri thirrje kryeministrit Edi Rama të largohet nga drejtimi i qeverisë.

Berisha u shpreh gjatë fjalës së tij në protestë me politikat e tij Edi Rama ka larguar nga vendi 937 mijë shqiptarë.

“Pse duhet shqiptarë të durojmë këtë poshtërim që po u bëhet atyre, këtë nxirje të imazhit të kombit. Imagjinoni të dashur qytetarë, sikur të ndodhë që një njeri si ky të vërë kamer, të bëjë hapin në samitin e NATO-s, çfarë do të ndodhë me Shqipërinë dhe shqiptarët. Kombi i tërë do të skuqet nga turp. Edi Rama ik, largohu, jep dorëheqjen. Me politikat e tij, qëndrimet e organizatës kriminale kanë larguar që nga viti 2014 nga ky vend i bekuar 937 mijë shqiptarë. Ka larguar aq sa sirianë janë larguar nga Siria në një luftërat më të egra që ai vend ka njohur. Shqipëria nuk kishte luftë por një shpresë vrasës i cili urren shqiptarët në qenie që vjedh, varfëron, mashtron çdo ditë, këtë popull dhe këtë komb. Një njeri që mendon vetëm e vetëm për pasurimin e tij. Një njeri i cili nxjerr kënaqësi kur boshatis këtë vend nga banorët e tij”, deklaroi Berisha.

Ai u shpreh se BE dhe SHBA duhet të hetojnë skandalin McGonigal dhe veprimtarinë e opozitës gjatë këtyre viteve. Berisha theksoi se PD nuk do të tërhiqet deri në fitoren e plotë të këtij revolucioni demokratik.

“Një njeri i cili në çdo mendim ndryshe sheh një armik njësoj si etërit e tij. Me këtë njeri duhet të ndahemi përfundimisht. Edi Rama këtë vend të bekuar, këtë vend me pasuri përrallore e shndërroi në një tokë të mallkuar, i shndërroi në pasuri të mallkuara dhe bëri që shqiptarët të largohen nga vendi i tyre. Disa ditë më parë mbushi zyrën e tij me një grup vogëlushësh vetëm për të shurdhuar lotët e mjerimit të mijërave fëmijëve që largohen nga toka dhe deti prej këtij njeri që vret shpresën. Duhet ta shporrim një minutë dhe më parë. Në skandalin e fundit botëror, spikati një fakt, një zhvillim ndër më dramatikët. Pas rënies së perdes së hekurt sulmet brutale kundër opozitës shqiptare, nga aleanca dhe korrupsioni, është dukuria më negative, populli opozitar i Shqipërisë u bë objekt i sulmeve të papara.

Ish kryetari i opozitës u mor peng nga EdI Rama. Sali Berisha u sanskionua nga kjo mafie. U bë gjithçka për të caktuar kryetarin e opozitës. Edi Rama nuk korruptoi vetëm McGonigalin. Ai bleu deputetë dhe zyrtarë të cilët u angazhuan në një betejë në mbështetje të Edi Ramës mandat pas mandati, skandal pas skandali. U angazhua në një betejë të pashembullur kundër opozitës sepse ajo guxonte të denonconte vjedhjen dhe korrupsionin. Aktet e Edi Ramës. Në këtë kontekt dua të theksoi se kjo aleancë sado i shkaktoi opozitës shqiptare tronditjet më të thella, por ja ku është sot, më e fuqishme se kurrë. Ne jemi sot më të fuqishëm se idealet tona kurrë nuk mposhten. Se vlerat që mbrojmë janë të drejta. Se e duam me gjithë zemër Shqipërinë. Nuk ishte aleancë mes qeverive perëndimore dhe Edi Ramës por aleancë e rrezikshme mes individëve, zyrtarëve që bënë gjithçka për të mbështetur Edi Ramë.

Që dolën nga ato zyra edhe me përfaqësues të Sinaloas, vetëm që të na mposhtin ne. Nga kjo tribunë në emër tuaj, në emër të shqiptarëve që janë sot dhe atyre që mbyllën sytë për ideale demokratike u bëj thirrje qeverisë së SHBA-ve, kongresit, le të hetojnë të gjithë çfarë ndodhi këto vite me opozitën shqiptare dhe veprimtarinë  George Soros në Shqopëri. Si bëri gjithçka për të ngritur një piedistal një kryekorruptor të varur në shtyllën e turpi të Shqipërisë, Europës dhe mbarë botës. I bëj thirrje parlamentit europian të hetojnë, të shqyrtojnë skandalet e Duçkës dhe Edi Ramës, Janë zinxhir. Është interes i mirë jo vetëm për Shqipërinë por edhe për vendet e tyre. Do vazhdojmë betejën tonë deri në fitoren e plotë të revolucionit demokratik”, tha Berisha.

Prof.Asc.Dr.Gëzim MUSTAFAJ

Presidënt i Shoqatës “Skëndërbej”

Pas përfundimit të Luftës në Kosovë të vitit 1998-99, bazuar në Rezolutën 1244 të Këshillit të Sigurimit të OKB-së, në Kosovë u vendos, Misioni  Administratës së Përkohshme të Kombeve të Bashkuara (UNMIK), i cili kishte  për detyrë  të ndihmonte në sigurimin e kushteve për një jetë të qetë dhe normale për të gjithë banorët e Kosovës.

Në shkurt të vitit 2003, Asociacioni i Komunave dhe Vendbanimeve Serbe të Kosovës  themeloi  në Mitrovicë, një asociacion të komunave me shumicë serbe në Kosovë. Kjo u konsiderua e paligjshëm nga Qeveria e Kosovës, sepse ajo ushtronte autoritet legjislativ dhe ekzekutiv përmes Kuvendit mbi gjithë territorin e Kosovës, përfshi edhe veriun e Kosovës.

Më 17 shkurt 2008, Kuvendi i Republikës së Kosovës shpalli në mënyrë të njëanshme pavarësinë e Kosovës. Megjithatë Serbia  vazhdon ta quaj akoma  si pjesë të territorit saj.

Themelimi i Asociacionit është paraparë në marveshjen e pare të arritur mes Kosovës dhe Serbisë në Bruksel në 19 prill 2013. Me vetëm 2 faqe, marrëveshja ka 15 paragrafë, por nuk u nënshkrua nga asnjëra pale. Kjo marveshje thekson se Asociacioni do të krijohet me statut dhe strukturat e tij, mbi bazën e statutit të Asociacionit të komunave të Kosovës. Kosova dhe Serbia në Bruksel në vitin 2015 kanë arritur edhe një marrëveshje shtesë për themelimin e Asociacionit.

Me të drejtë pyesim? Ç’farë parashikon shkurtimisht kjo marveshje me 15 paragrafë;

Paragrafët 1 deri 6 kanë të bëjnë me krijimin, qëllimin dhe funksionet e një komuniteti të propozuar të Komunave Serbe. Paragrafët 7 deri 9 kanë të bëjnë me strukturat e policisë dhe të sigurisë,  një forcë policore për të gjithë Kosovën përfshirë pjesët e saj veriore. Paragrafi 11 parashikon që zgjedhjet komunale të mbahen në të gjithë Kosovën sipas ligjit të Kosovës. Paragrafi 12 parashikon krijimin e një plani zbatimi. Paragrafi 13 përmban diskutimet mbi energjinë dhe telekomunikacionin. Paragrafi 14 parashikon që; Asnjëra palë nuk do të bllokojë ose do t’i inkurajojë të tjerët të bllokojnë përparimin e palës tjetër në rrugët e tyre për në BE. Paragrafi 15 parashikon krijimin e një komiteti zbatimi me ndërmjetësimin e BE-së.

Asociacioni ka për qëllim të përfaqësojë interesat e qytetarëve të këtyre komunave, kryesisht në fushën e arsimit, shëndetësisë, planifikimit urban dhe rural si dhe të ekonomisë. Po kështu thuhet, se në pajtim me kompetencat e ofruara nga Karta Evropiane për Vetëqeverisje Lokale dhe ligjin e Kosovës për këtë çështje, komunat pjesëmarrëse do të kenë mundësi që të bashkëpunojnë për të ushtruar fuqinë e tyre në gjithë Asociacionin. Kjo marrëveshje thekson se Asociacioni do të krijohet mbi bazën e statutit të Asociacionit të komunave të Kosovës, që është një organizatë jofitimprurëse e themeluar për t’i përfaqësuar dhe për t’u shërbyer interesave të këtyre komunave. Ky asociacion do të ketë organet dhe strukturën organizative; Një Kuvend si organ suprem, të përbërë nga përfaqësues të emëruar prej anëtarëve të zgjedhur nga kuvendet e komunave pjesëmarrëse. Kuvendi do të ketë të drejtë të miratojë amendamentet e statutit, rregulloren e punës dhe të gjitha rregulloret e nevojshme. Të ketë një president dhe një zëvendës president. Presidentin dhe zëvendës presidentin do t’i zgjedhë kuvendi në mesin e anëtarëve të kuvendeve komunale pjesëmarrëse dhe kryetarëve të komunave të tyre. Ky organ do të ketë buxhetin e tij, i cili do të administrohet në përputhje me parimet e transparencës e llogaridhënies dhe dispozitave të Ligjit mbi Prokurimin Publik.

Në këtë kontekst Kosova dhe Qeverija e sajë, janë vendosur përballë një presioni të madh ndërkombëtar për të themeluar me urgjencë shoqatën e komunave serbe, por që bie ndesh me Kushtetutën e Shtetit multietnik të Kosovës. Po organizohen shumë takime dhe debate për mënyrën se si do të duhej të ishte ky “asocacion”. Fondacioni gjerman, Friedrich-Ebert-Stiftung (FES), publikoi një draft sipas të cilit Asociacioni i komunave me shumicë serbe në Kosovë do të ketë kryetarin, asamblenë, flamurin dhe stemën e tij, gjithashtu ka  të drejtë të ketë buxhet të tij, llogari bankare, prona, si dhe të angazhohet në transaksione financiare. Ç’farë është kjo? Gati shtet brenda shtetit. Jemi mësuar të themi se Amerika dhe BE kanë gjithminë të drejtë. Deri diku është e vërtet sepse, jemi shtete të vogla dhe pa mbështetjen dhe përkrahjen e tyre nuk mund të ishim këtu ku jemi. Në gjykimin tim  midis,  gjithmonë të drejtë dhe apsolutisht të drejtë, ka një vijë ndarëse, kjo është familja dhe kombi dhe mbi të gjitha siguria e Kombit Shqipëtarë, që jo pak here është nëpërkëmbur nga ndërkombëtarët. Në këtë pike nuk tolerohet kush do që e kërkon. Kombi duhet të jetë një.

Themelimi i kësaj shoqate me 10 komuna serbe (Mitrovicë e Veriut, Kllokot, Partesh, Ranillug, Graçanicë, Zveçan, Zubin Potok, Novobërdë, Leposaviq dhe Shtërpcë) kundërshtohet me të drejtë nga qeveria aktuale dhe qeveritë e kaluara, pasi do të krijonte një mekanizëm që mund t’i sjellë probleme  Kosovës . Faktike një shoqatë e tillë do krijonte  një strukture etnike paralele me kompetenca ekzekutive.

Po sjell në vëmëndjen e lexuesve vetëm një shëmbull; Sipas statistikave të fundit Kosova ka një popullësi rreth 1 800 000 banorë. Të 10 komunat të marra së bashku kanë një popullësi, duke i marr 100% të banuara nga popullësi serbe (që nuk mund të jetë kurrë e vërtet), kanë 75, 051 banorë ose 4.1% të gjithë popullësisë së Kosovës. Kushdo e kupton se si mundet që një komunitet me 4.1% të ketë qeverin e sajë, shqip shtet brënda shtetit. Ju pëlqen ose jo e barabartë me Rebubliken Serbska në Bosnjë dhe Hercegovinë që janë 44% Boshnjakë dhe 30% Serb.

Ambasadori amerikan në Kosovë, Jeff Hovenier thekson: “Kjo është vendimtare, kjo është e rëndësishme, kjo është urgjente”. Po kështu, Ambasadori i Gjermanisë në Kosovë, Jorn Rohde, ka këmbëngulur edhe ai në lidhje me Asociacionin, duke shpërndarë në Twitter deklaratën e SHBA-ve në lidhje me këtë çështje.

Rohde në postimin e tij shkroi se Kosova është zotuar që ta themelojë Asociacionin e Komunave me shumicë serbe qysh prej disa vitesh dhe se themilimi i tyre është i vonuar. Ai shtoi se me Asociacionin Prishtina do të çojë përpara bisedimet e normalizimit në marrëdhëniet me Serbinë.

Kryeministri  Kurti të enjten parashtroi gjashtë kushte në mënyrë që Asociacioni të bëhet i pranueshëm, ku që në fillim  ai  tha që duhet të jetë në përputhje me Kushtetutën dhe ligjet në fuqi në Republikën e Kosovës dhe parimin e reciprocitetit ndërmjet dy shteteve, duke marr parasysh standardet dhe modelet europiane. Kaq mjafton për të mbyllur çdo hamendsi dhe diskutim.

Për këdo shqiptarë sot duhet të jetë e qartë se udhëheqësit politik në të dy anët e kufirit, pa dallim pozitë dhe opozitë, të jenë në një zë me fjalën e Kryeministrit Kurti sot në Kuvëndin e Kosovës; “Qysh tash ju inkurajoj, që ashtu që jeni të vendosur se Kosova nuk duhet të pranojë marrëveshje pa njohjen reciproke në qendër, ashtu siç m’i thoni mua – aman  thojani kështu me të njëjtin zell edhe Escobarit, dhe jo vetëm mua”, kjo është shumë domethënëse.

Kosova edhe here të tjera ka qënë në dilemma të tilla, por me durim dhe vullnet ja ka dale të bindë faktorin ndërkombtarë, se e drejta është me popullin shqipëtarë të Kosovës, kur familja dhe kombi janë mbi gjithëçka.

New York  Shkurt 2023