Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

Kongresmeni Chris Gibson nisi fushatën për një mandat tjetër në Kongres

by

Liga Qytetare Shqiptaro-Amerikane ( LQSHA ) dhe Komiteti Shqiptaro-Amerikan për Çështjet Publike ( AAPAC ) në një takim me Kongresmenin Chris Gibson thotë se ata do të mbështesin kandidaturën e tij – për një mandat tjetër në fushatën e tij të rizgjedhjes në një mandat të tretë në Kongres , duke parë atë si një mik i mirë dhe i dëshmuar i popullit shqiptar/

Nga , Beqir Sina – New York City/

NEW YORK CITY : Kongresmeni republikan Chris Gibson i Qarkut të Kongresit të 19-të në Nju Jork , nën parullën për zgjedhjet e ardhshme , ” Chris Gibson për Kongresin ” ka mbajtur një takim mbledhje fondesh në Manhattan , qytetin e New Yorkut , në klubin prestigjioz Princeton Club, me amerikano shqiptar , hebrej amerikan dhe përkrahësit e tjerë . Gibson po kandidon për rizgjedhje në rrethin e të sapo konfiguruar 19-të të Kongresit , e cila përfshin Dutchess County dhe 10 qarqet në veri të Nju Jorkut            Ai gjithashtu kësaj here ka marrë dhe miratimin e Partisë Republikane, tha Kryetari i Partisë Republikane , Edward Cox , i cili mori pjesë në këtë ngjarje .

” Chris Gibson, ka qenë një përfaqësues i mirë i Republikanëve – duke punuar me përgjegjshmëri në Kongres , Partia Republikane, është krenare sot që ka ardhur për të mbështetur Chris për t’u rizgjedhur në vitin 2014, ” tha kryetari i Partisë Republikane Ed Cox .

Kongresmeni Chris Gibson bëri betimin në Kongres për herë të parë në rrethin e 20-të të Kongresit në Nju Jork , më 6 janar , 2010, dhe po kërkon një mandat të tjetër tani , duke pretenduar se kjo do të i mundësojë atij – për të fituar një mandat tjetër, megjithëse nuk është shumë e lehtë në zgjedhjet e ardhshme ; ngaqë tani ai përballet me një kandidat të partisë Demokratike, që është i pasur , por pa përvojë .
Ish- Kongresisti Joe DioGuardi dhe Këshilltarja e Çështjeve Ballkanike Shirley Cloyes DioGuardi , dhe aktivist hebraik , si Ron Rettner , ishin bashkë- organizator të ngjarjes , duke mbledhur një numër të biznesmenëve të suksesshëm dhe të rëndësishme shqiptarë dhe amerikano hebrejë , filantropët , udhëheqësit e komunitetit teksa u bënë së bashku për të mbështetur fushatën e Kongresmenit Republikan Gibson .
Grupi shqiptar i udhëhequr nga ish-Kongresmeni republikan i Nju Jorkut, Joseph DioGuardi – Presidenti i Ligës Qytetare Shqiptaro-Amerikane, dhe Këshilltaria e Çështjeve Ballkanike Shirley Cloyes – DioGuardi , përfshirë një grup të Borditi të Drejtorve nga zona e Tri-Shtetshit :- Agim Aliçkajn , Luan Bukolla , Zef Balaj , Gazmend Lita , Hafiz Shala , Zini Ismaili , dhe veprimtarë shqiptarët nga Çikago , Wisconsin dhe Iowa – Pajazit Murtishi , Xhevat ” Jack ” Sherifi , Gazmend Lleshi , Destan Aliu , Mamut Skenderi , Nazim Alimi , Gezim Limani , Ramadan Hajdini , Xhevdet Beqiri , Jeff Hamdia dhe Ray Zulku , morën pjesë edhe në një diskutim për shqiptarët në Ballkan.
Anëtarët e Borditi të Drejtorve nga zona e Tri-Shtetshit  , nga LQSHA , në takim me Kongresmenin Chris Gibson , thanë se do të mbështesin kandidaturën e tij për një mandat tjetër , duke e parë atë si një mik i mirë dhe i dëshmuar për shqiptarët në Amerikë .

Në këtë takim (darkë) (të mbledhur rreth një tryezë të madhe me rreth 22 njerëz ) sponsorizuar nga LQSHA kongresmeni Gibson dhe shefia i tij i shtabit Stephanie Valle  u informuan tërësisht në çështjet kyçe që prekin shqiptarët në tokat e tyre stërgjyshore në Maqedoni nga Këshilltaria e Çështjeve Ballkanike Shirley Cloyes dhe shqiptarët që kishin ardhur nga Illinois, Wisconsin, Iowa, New York dhe New Jersey, për të folur rreth çështjeve të tyre.

DioGuardi foli për shqiptarët dhe kontributin e tyre në Shtetet e Bashkuara për çështjen shqiptare nën udhëheqjen e tij – ndërsa i orfojë kongresmenti Gibson mbështetjen e plot nga LQSHA, duke e vlersuar ri-zgjedhjen e tij – në të mirë të Amerikanëve dhe vet shqiptarve.

“Liga Qytetare, ka si mision të saj “gjetjen” e atyre kongresmenëve ose senatorëve që bëjnë diçka të mirë për çështjen shqiptare, u shpreh DioGuardi, siç kan qenë më parë Biden, Gillman, Hyde, Lantos, e të tjerë. Kjo, na bën të “freskojmë me gjak të ri”, pra me miq të rinjë lidhjet tona, tha ai duke pasur një zë të fuqishëm në Capitol Hill, si kongresmenin  Chris Gibson, i cili më parë ka shërbyer edhe në ushtrinë amerikane në Kosovë, dhe është amerikani që ka marrë pjesë në katër luftra – Irak, Afganisatan, Kuvajt dhe Kosovë. Për, këtë edhe ne jemi sot duke mbështetur fushatën fondmbledhëse për kongresmenin Chris Gibson, i cili do të jetë në të mirë të Amerikës dhe natyrisht shqiptarëve” tha DioGuardi.

Kurse, Kongresmeni Gibson, shprehu kënaqësin e tij, që po merrte mbështjen edhe të shqiptarëve , në këtë fushat elektorale, nëpërmjet veprimtarëve shqiptarë, dhe mikut të tij, Presidentit të Lidhjes Qytetare Shqiptaro Amerikane, Joe DioGuardi , duke shtuar se kemi shumë arsye të jemi së bashku :” Unë kam qenë i përveligjuar të njohë shqiptarët , prej kur unë shërbeja në ushtrinë Amerikane, për 7 muaj në Kosovë. Atje, theksojë ai, unë pashë nje vend të bukur dhe njerëz të mirë, njerëz, që e donin shumë vendin e tyre dhe kërkonin të bënin shumë për vendin e tyre , mbas shkatërrimit që dolën nga lufta – njerëz paqësor që gëzonin lirinë e tyre”

Gibson, tha se është “shumë i shqetësuar” rreth ngjarjeve në Ukrainë , duke deklaruar se “Shtetet e Bashkuara duhet të përdorën të gjitha mundësitë diplomatike në dispozicion për të ndihmuar t’i jepet fund trazirave politike në Ukrainë, në dritën e ndërhyrjes ushtarake të Rusisë”

Në këtë kontekst foli edhe veprimtari i dalluar i komunitetit, zoti Agim Aliçka, i cili u shpreh se Putini po luan kartën e ish Bashkimit Sovjetik, me Krimenë. ” Presidenti rus Vladimir Putin duke e cilësuar pavarësinë e Kosovës si pararendëse për aneksimin e Krimesë nga Rusia, tha Aliçka, nuk ka asnjë ndryshim nga parardhësit e tij në kohën e “Luftës së Ftohtë” .

Gibson është një 50 – vjeçarë, i cili gjysmën e jetës (24 vjet ka shërbyer ne ushtrinë Amerikane)  duke qenë veteran i ushtrisë amerikane, i dekoruar me disa medalje nga Qeveria Amerikane. Ai fitoi mandatin e tij të dytë në Kongres në vitin 2012 , duke mundur avokatin Julian Schreibman.  Chris Gibson u rrit në një familje të klasës punëtore në Columbia County , në qytetin e Kinderhook .

Në moshën 17 vjeçare , Chris u rekrutua në Gardën Kombëtare të Nju Jorkut dhe më pas fitoi një bursë nga Komision ROTC në Siena College aty pranë . I pari në familjen e tij për të shkuar në kolegj , Chris është diplomuar  me BA në Histori. Ndërsa në ushtri , ai më pas fitoi një MPA dhe PhD  nga Cornell University dhe është autor i librit “Sigurimi i Shtetit”, një libër mbi sigurimin kombëtar dhe vendimmarrës, botuar në vitin 2008 .

Gjatë karrierës së tij në ushtrinë Amerikane , Chris u ngrit në gradën e Kolonelit dhe dekoruar shtatë herë .

Ku përfshin katër pjesmarrje luftarake në Irak, Kuvajt, Afganistan , dhe vendosjen e trupave të veçanta të SHBA në pjesën Jugperindimore të Kosovës dalluar atje për një operacion kundër drogës , dhe së fundi – pak para daljes në pension – ai shërbeu në Haiti , ku ai urdhëroi 2 avion luftarak në Ekipin ajror të Divizionit 82 ( GNV ) gjatë hapjes e asaj veprimtarie në kuadrin e ndihmës humanitare . Sekretari i Mbrojtes i dha atij Çmimin GNV – Njësia Superior për veprimet e tyre në Haiti .

Pas pensionimit nga ushtria në vitin 2010 , Chris dhe familja e tij u kthye në shtëpin e tij në Kinderhook, aty ku ata tani jetojnë dhe ai u rrit me nënën e tij që jeton ende. Ai u zgjodh për të përfaqësuar rrethin e 20-të të Kongresit në vitin 2010 dhe është ri – zgjedhur në vitin 2012 për të përfaqësuar rrethin e 19 të Kongresit .

Në Kongres , Chris shërben në Komitetin e Shërbimeve të Armatosura ( Nënkomitetet : Taktike Ajrore dhe Forcave Tokësore ; inteligjencës , kërcënimet e reja dhe aftësitë e Personelit Ushtarak ) , Komitetit të Kongresit Bujqësisë ( nënkomiteteve : General Farm  dhe Menaxhimit të rrezikut të Mallrave ; Blegtori , Zhvillim Rural , dhe Credit ) , dhe Komiteti për Politikë republikan .

Gibson në një deklaratë të lëshuar pas fitores në vitin 2012 ka thënë ” Dhënia e besimit tek unë nga votuesit në këtë zonë elektorale është një reflektim i besimit tim se përfaqësimi do të thotë vënien e njujorkezëve në shikim të parë në çdo gjë që do të bëj unë për të gjithë  qytetarët e mi, duke bashkuar njerëzit nga i gjithë spektri politik për të çuar përpara e zgjidhur çdo hall e problem të tyre . ”      Ndërkaq, duhet cekur se kreu i lobit shqiptarë Lidhjes Qytetare Shqiptaro Amerikane Joe DioGuardi, së bashku me bashkëshorten e tij, Këshilltaren e Çështjeve Ballkanike Shiley Cloyes DioGuardi, është i dallueshëm për fushata të tilla elektorale në SHBA, të drejtuara prej tij, me shqiptarët, pasi ai ishte udhëheqësi i parë i lobit shqiptar në SHBA duke lobuar për çështjen shqiptare, ose si janë shprehur vetë shqiptarët duke e quajtur atë “Çelsi që u hapi shqiptarëve dyert e Capitol Hillit “.

Puna e tij dhe e Shirley Cloyes, me lobin shqiptar, gjatë këtyre dy dekadave të fundit, ka qenë shumë efektive, veçanërisht në demokratizimin e Shqipërisë pas 50 viteve të sundimit komunist, dhe në 15 vjeçarin e fundit në atë të çlirimit, të lirisë dhe pavarësisë së Kosovës. Të dy bashk ata kan bërë një punë të madhe në shumë çështje të tjera shqiptare, sidomos për atë të problemeve të shqiptarëve në Mal të Zi, Maqedoni dhe në Luginën e Preshevës dhe në Çamëri.

 

NDËRROI JETË INXHINIERI SHQIPTARO-AMERIKAN, WILSON KOKALARI

by

Ne Foto: Inxhinieri shqiptaro-Amerikan Wilson Kokalari ne Festen e Vatres per  te kremtuar Diten e Flamurit, 28 Nentor 2013-Foto e marre nga arkivi i Diellit/

Ka ndërruar jetë në orët e para të mëngjesit të ditës së Dielë, 23 Mars 2014, inxhinieri i shquar shqiptaro-amerikan, Wilson Kokalari. Wilsoni ishte biri i prindërve vatranë të përkushtuar për cështjen kombëtare. Babi i tij Miko kokalari, pat ardhur për të parën herë në Shtetet e Bashkuara të Amerikës në vitin 1916. Ka një fotografi historike të Nolit me Miko Kokalarin të veshur me kostumin Kombëtar të Jugut, c’ka tregon dhe afërsinë e tij me Imzot Nolin. Nga viti 1916 deri në vitin 1939, kohë e pushtimit fashist të Shqipërisë, Miko Kokalari, e bënte shpesh rrugëtimin ShBA –Shqipëri dhe kthim për nevoja të biznesit. Ai ishte një tregtar i suksesshëm. Babai i Wilsonit ishte nga tregtarët e shquar të Nju Jorkut dhe një nga kolonat e Vatrës, vecanërisht të degës nr. 29 në New York, ku ai kontribuoi ne menyre te vecante. Në takimet e Vatrës, në festat Kombëtare,që organizonte Vatra, i ati i merrte të dy djemtë, Wilsonin dhe Albertin, duek u ëprcjellë atyre dashurinë për Kombin, që i përkisnin. Është kjo arsyeja që Wilsoni, deri në momentet e fundit të jetës i ruajti lidhjet me Vatrën. Madje ai ishte i pranishëm edhe në festimet e 28 Nëntorit të vitit 2013,së bashku me motrën e tij Lumto Uruci dhe djalin e saj, Dr. Edward Uruci.

Emrin e Wilson Kokalarit e gjejmë në kronikat Diellit, vecanërisht në festimeve e Vatrës, së bashku me të atin. Madje në një botim special të Vatrës”Aniversary Album of  Pan-Albanian Federation of America” 1953-54, Wilsoni djalosh i ri qëndron në krah të të atit së bashku me vëllanë më të vogël, Albertin.

Wilson Kokalari përbën shembullin e një shqiptaro-amerikani të shquar që la gjurmë në jetën dhe shoqërinë amerikane. Ai ishte një inxhinier sukseshëm i NASA-s. Emri i inxhinierit Wilson Kokalari lidhet me udhëtimin e njeriut në Hënë. Roli i inxhinierit shqiptaro-amerikan ishte i rëndësishëm në përgatitjet e programit Apollo.Ai ishte përgjegjës për kontrollin final të Apollo-s gajte testimeve. Emri i tij u gdhend ne nje pllake qe la ne Hene sicpat pohuar ai ne nje interviste dhene gazetarit Ruben Avxhiu per gazeten Illyria.

I ndjeri Wilson Kokalari ndërroi jetë në spitalin “Sloane Kettering” në Manhattan,në moshën 78 vjecare, duke pasur tek koka vajzën e tij të dashur, Renna dhe të afërmit.I ndjeri ishte i diagnostikuar me semundje te pasherushme. Shpirti në Paqë Wilson Kokalari!

Gjergj Kastrioti ose busullat u shpikën pas Yllit Polar -“Kryqtari i fundit” i Virgjil Kules

by

Nga Petraq Risto/New York/

Gjergj Kastrioti Skënderbeu i Virgjil Kules është tepër real dhe i prekshëm: burrë shteti, luftëtar, diplomat, i mençur, largpamës, dinak, stresant, i kthjellët, nuhatës, tinzar dhe mbase me shumë epitete të tjera të përshtatshme e të natyrshme për bashkëkohësinë. Ishte një kohë kur ai u kthye në simbol dhe falë këtij simboli populli ynë u frymëzua dhe arriti të mbijetoi… Edhe sikur Skënderbeu të ishte shpikur nga ndonjë shkrimtar anonim, për ne do të kishte vlerë të jashtëzakonshme, por kur ai është i vërtetë dhe tepër ndikues në historinë shqiptare, ballkanike dhe europiane, vlerat e Kryqtarit të Fundit e kapërcejnë forcën e simbolit. Busullat u shpikën pas Yllit Polar.

Në librin e Virgjil Kules, me një strukturë kronologjike, të krijohet ideja e një skele të madhe ngritur nga skulptori, brenda së cilës qëndron dhe blloku gjigant i mermerit nga ku gradualisht, daltë pas dalte, goditje pas goditjeje do të hiqet lëvozhga e mitit e do të zbulohet figura reale e një personaliteti historik,  që diti ta përballojë historinë me mjetet dhe ligjet e kohës. Marrëdhëniet e tij me Papën, Venedikun, Napolin, Portën e Lartë, Romën, Huniadin, Raguzën, Milanin, natyrisht edhe me  fqinjët; betejat e tij, fitoret dhe humbjet, “rrëshqitjet” politike e diplomatike, sherret dhe flirtet me fqinjët, rëniet dhe ngritjet, aleancat dhe krushqitë, e bëjnë atë tepër njerëzor dhe të vërtetë.

Autori i këtij libri është një hulumtues serioz, ai arrin të analizojë faktet historike nëpërmjet prerjeve vertikale dhe horizontale, së brendshmi dhe së jashtmi, pa rënë në përshkrim emocional, poetik e patetik, që siç shprehet ai mund të gjenden të përshkruara mrekullisht në vepra të tjera si te Barleti, Dhimitër Frangu, Noli,  etj. Virgjil Kule na krijon një mit duke hequr lëvozhgën e mitit, thënë më drejtpërdrejtë: krijon figurën e Gjergj Kastriotit jo duke patur parasysh modelin e Barletit për heroin etj., jo duke patur parasysh veprat e shumta letrare, muzikore, artistike, etj., por modelin e ftohtë të dokumenteve historike, të analeve, traktateve, letërkëmbimeve, etj. Skënderbeu ishte udhëheqës vizionar, burrë shteti, diplomat dhe ushtarak. Ai si njohës në thelb i synimeve të Perandorisë Osmane, nuk ishte një “i ngujuar në kështjellë”, por politikan e strateg tepër i lëvizshëm, manovrues e përfitues i situatave europiane, veçanërisht i marrëdhënieve me vendet italike; Gjergj Kastrioti ishte një njohës i mirë i situatës së brendshme, ai e dinte që Porta e Lartë do ta luftonte me një mijë mënyra, me armë dhe presion, me gjeneralë dhe tradhtarë, të huaj apo të brendshëm dhe si rrjedhojë Heroi do të dinte të orientohej, të reagonte, në shumicën e herëve të fitonte e natyrisht edhe të gabonte e të humbëte. Autori i përshkruan qartë marrëdhëniet e brendshme të Gjergj Kastriotit me të vetët si Muzakë Topinë, Moisi Golemin, Aranitin, Hamza Kastriotin, etj., marrëdhënie këto tepër komplekse të lidhura me baticë-zbaticat e kohës në një vend të vogël si Shqipëria, një nyje e rëndësishme midis Lindjes dhe Perëndimit, ku mplekseshin interesa të shumta të fuqive të mëdha në shekullin e XV.  Personaliteti i Kastriotit në Ballkan, veçanërisht pas vdekjes së Huniadit, merr një përmasë tjetër, përmasë që dalta e skulptorit e jep me “goditje” të sigurta duke na dhënë një Kastriot me autoritar në rrafsh ndërkombëtar e natyrisht edhe në marrëdhënie me princërit arbër, të cilët jo rrallë herë kishin një frikë se me absolutizmin e vet “atleti i krishtërimit” do “ti gëlltiste” principatat e tyre. Gjergj Kastrioti ishte një figurë komplekse, i kthjellët në qëllimet e tij, bashkëveprues, gjë që autori Virgjil Kule e jep me ngjyra të gjalla dokumentare duke iu referuar bashkëkohësve të heroit dhe duke bërë deduksionet e duhura në arritjen e përfundimeve të tij.

Libri “Kryqtari i fundit” i Virgjil Kules është një kontribut me vlerë për pasqyrimin e figurës së Heroit tonë Kombëtar, për të cilin në kohën e sotme disa përpiqen të hedhin një baltë të vjetër apo të re, por balta nuk mund të përlyej një simbol të madh gdhendur në mermerin e kohës. Balta nuk ngjit në mermer. Busulla u shpik duke patur parasysh Yllin Polar dhe në shekullin XV Gjergj Kastriot Skënderbeu ishte një Yll Polar: zot i busullave, për të cilën Europa Perëndimore i ishte dhe i mbeti  mirënjohës.( Ne Foto: Nga promovimi i librit te Virgjil Kules te Shtunen me 22 Mars 2014 organizuar ne Prdouces Club, Manhattan, NY)

 

 

 

 

Dita e Sulltan Nevruzit – Haxhi Baba Edmond Brahimaj uron besimtarët bektashinj

by

Tiranë, 22 Mars/ – Kryegjyshi Botëror i Bektashinjve, Haxhi Baba Edmond Brahimaj, uroi sot besimtarët bektashinj në mjediset e Selisë së Shenjtë të Kryegjyshatës Botërore Bektashiane në Tiranë, për Ditën e Sulltan Nevruzit, ditëlindja e të madhit Imam Aliu, e cilësuar në botën Aleviane si dita e fisnikërisë bektashiane dhe e ringjalljes së madhe.

“Sot në këtë ditë të bukur të pranverës ju uroj paçi përherë bekim në jetën tuaj. Zoti qoftë ndihmës drite dhe shkëlqimi në rrugën tuaj. Në këtë ditë gjejmë rrugën për te i madhi Zot për të na lehtësuar me praninë e tij qëllimin tonë për t’iu afruar drejt tij. Ne të gjithë së bashku apelojmë për mbarë njerëzimin që në rrugën e virtytshme të gjejmë dashurinë, gëzimin, lirinë, shpresën e mbi të gjitha paqe në veten tonë. I lutem Zotit të na mbushë me dashuri, të na mundësojë me përkushtim moral dhe atdhetar duke përbuzur egoizmin, vesin e ulët dhe ligësinë, të falim dashuri te njeriu për njerinë, shpirtin human dhe lumturinë familjare”, tha Haxhi Baba Edmond Brahimaj.
Ai uroi qofshi përherë të lumtur kudo që ndodheni, Zoti ju uroftë e bekoftë të gjithëve.
Ditëlindja e të madhit Imam Ali mblodhi në mjediset e Selisë së Shenjtë të Kryegjyshatës Botërore mijëra besimtarë. Në të njëjtën kohë, 22 marsi festohet edhe në teqetë e tjera bektashiane brenda dhe jashtë Shqipërisë.
Besimtarët bektashinj shqiptarë festojnë lindjen e Imam Aliut, që simbolizon për ta rigjallërimin e besimit te vepra dhe fuqia e Zotit e bashkë me të, rigjallërimin e shpirtit dhe të shpresës për jetën, për të ardhmen.
Festa e Sulltan Novruzit shënon fillimin e vitit të ri, sipas sektit bektashian dhe përkon me ditëlindjen e Imam Aliut në Qabe. Në këtë ditë çdo gjë mund të ringjallet, lind shpresa, ringjallja për gjithë njerëzimin. Ajo është një ditë e re, kur të gjithë shpresojnë për një të ardhme më të mirë.
Festa e Sulltan Novruzit ka mbërritur në viset shqiptare së bashku me besimin bektashian, në shekujt XV-XVI. Në shekullin XX dhe në mënyrë të veçantë në mesin e tij, kjo festë është shndërruar në një manifestim mbarëkombëtar. Diktatura komuniste në Shqipëri, e prirur drejt ateizmit, në vitin 1967 i mbylli të gjitha objektet e kultit, përfshi ato të besimit bektashian.
Në Shqipëri Dita e Novruzit, festa më e rëndësishme e Bektashizmit, u dekretua si festë kombëtare në vitin 1996. Sekti i bektashinjve është i vendosur kryesisht në jug të vendit, ndërkohë që ai ka një shtrirje të konsiderueshme në territorin e Republikës së Shqipërisë.
Bektashinjtë janë të përhapur edhe në Kosovë dhe në Maqedoni, ku krahas synitëve ata përbëjnë popullsinë shqiptare të besimit mysliman.
Përfaqësuesit e Bektashizmit kanë dhënë një ndihmë të madhe në çështjen kombëtare, duke filluar që nga periudha e Rilindjes Kombëtare, Pavarësisë dhe gjatë luftës për Çlirim.

Meta: Dita e Nevruzit na fton të jemi më besimplotë drejt të ardhmes

Kryetari i Kuvendit, Ilir Meta, uroi sot besimtarët bektashinj me rastin e Ditës së Sulltan Nevruzit, ditëlindjes së të madhit Imam Aliu.Në një prononcim për mediat, pas vizitës në selinë e Shenjtë të Kryegjyshatës Botërore Bektashiane në Tiranë, kreu i Kuvendit Meta tha se “dua të uroj të gjithë besimtarët bektashinj, por dhe të gjithë qytetarët shqiptarë për një të ardhme më të mirë, më shumë shpresë dhe bashkëpunim. Jam i bindur se kjo është një ditë që na fton të gjithëve për të qenë më të mbarë dhe më besimplotë drejt të ardhmes”.

Sulltan Nevruzi-Basha: Ditë shprese dhe mirësie për të gjithë, pavarësisht besimit

 Kryetari i PD-së, njëherësh kreu i Bashkisë së Tiranës, Lulzim Basha uroi sot të gjithë besimtarët bektashinj për ditën e Sulltan Nevruzit. Me këtë rast, Basha zhvilloi një vizitë në selinë e shenjtë të Kryegjyshatës Botërore Bektashiane.Pas vizitës, Basha tha në një prononcim për mediat, se “kjo është një ditë shprese dhe mirësie për të gëzuar të gjithë qytetarët shqiptare pavarësisht besimit”.

Festa e Nevruzit shënon fillimin e vitit të ri, sipas sektit bektashi, dhe përkon me ditëlindjen e Imam Aliut në Qabe. Kjo ditë cilësohet në mbarë botën Aleviane si dita e fisnikërisë bektashiane dhe dita e ringjalljes së madhe. Festa e Sulltan Novruzit shënon fillimin e vitit të ri, sipas sektit bektashian.Festa e Sulltan Novruzit ka mbërritur në viset shqiptare së bashku me besimin bektashian, në shekujt XV-XVI. Në shekullin XX dhe në mënyrë të veçantë në mesin e tij, kjo festë është shndërruar në një manifestim mbarëkombëtar

 

1 PRILL- LIGJ I RI PER KUJDESIN SHENDETESOR

by

Ligji hyn në fuqi më 1 prill : Ligji jep garancitë e reja për të  paguar pushimin mjekësor për  200.000 njujorkezët/

Nga BEQIR SINA/

NEW YORK CITY : Kryetari i Bashkisë së  New Yorkut, Bill de Blasio ka nënshkruar sot një ligj të zgjeruar për të paguar faturën e pushimit mjekësor ose si thirret këtu “sick time dhe sick day” , duke hapur kështu për herë të parë rrugën për mijëra banorë të Nju Jorkut, të cilët dikur kishin për të zgjedhur në mes të humbjes së një Paycheck dhe shkuarjes në punë edhe duke qenë i sëmurë, për të marrë pagesë si të sëmurë, por duke punuar.Projekt-ligji , i cili u bë ligj është i pari  që kryetari i Bashkisë së qytetit de Blasio ka nënshkruar në ligj , prej se kur mori detyrën më 1 janar 2014. Ky ligj kërkon u bizneseve me 5 ose më shumë punonjës të japë për ata punonjës që kan arsye shëndetësore – pesë ditë pushim mjekësor me pagesë në vitë(kontrolle mjekësore). Në projekt-ligjin e mëparshëm të votuar nga Këshilli Bashkiak i  Qytetit gjatë “mbretërimit” të kryetarit të bashkisë zotit Bloomberg – ishte saksionuar se vetëm bizneset me 20 ose më shumë punonjës mund të ofrojnë kohë për të paguar të sëmurë(sick -day).

De Blasio, pati premtuar dhe mjenjëherë propozoi një zgjerim të projekt-ligjit në janar dhe tani ai projekt – ligj është miratuar nga Këshilli i Qytetit muajin e kaluar .    ” Në një botë të përsosur , këto janë llojet e gjërave që qeveria federale do të ket më shumë kohë përpara për t’i shikuar mirë këto ligje që mbrojnë kujdesin shëndetësor , ” tha de Blasio në nënshkrimin e ligjit të ri, e cila u zhvillua në punishten me të madhe të akullore kompania “Steve” në lagjen Boerum Hill.

” Kjo është gjë e tillë që duhet të jetë një e dhënë e mirë në shoqërinë tonë – një shoqëri gjithnjë e më komplekse , njerëzit që punojnë më gjatë dhe orë më të gjata , në të gjitha llojet e konfigurimit të vendit të punës dhe të familjes . Ju do të keni menduar shumë kohë më parë se qeveria federale do të ket kohë tani për të  thënë ,” hej, njerëzit kanë nevojë për pushim mjekësor të paguar , ata duhet që siguria themelore të mendojë për ta , ne do të ndërhyjmë dhe të kujdeset për çdo njerin në nivel kombëtar . ”    Përveç minimizimin e numrit të punonjësve të kërkuara për biznes , projekt-ligji i zgjeruar ka eliminuar fazat – në periudhën që do të kishte vonuar mbulimin e pagesës së kujdesit shëndetësor për disa punëtorë , duke hequr përjashtimet që ishin për sektorin e prodhimit dhe atë tani nëse ti ke suguracione shëndetësore mund të mbulosh edhe anëtarët e tjerë të familjes që nuk kanë- Buuri ose gruaja, babai ose nëna, gjyshi – gjyshja, nipërit dhe vëllezërit e motrat të gjithë anëtarët e familjes lejohet për të marrë mbulim shëndetësor.  Administrata vlerëson se projekt-ligji i zgjeruar do të ofrojë mbulim me siguracione shëndetësore të 200.000 njujorkezëve të cilët aktualisht nuk kanë pasur sick day dhe sick time të paguar edhe kur kan qenë të sëmurë.Ligji hyn në fuqi më 1 prill .