Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

Themelohet Shoqata Shqiptaro Amerikane “Rozafa” Shkodra, New York

by

Nga Qemal Zylo/

Diaspora Shqiptaro Amerikane u pasurua dhe më shumë me krijimin e shoqatës më të re Shqiptaro Amerikane “Rozafa”.

Sot në mjediset e Willow Klub me pronar DJ Fati në Staten Island u krijua Shoqata Shqitparo Amerikane “Rozafa” Shkodra.

Natyrisht sa dëgjon këtë emërtim të kësaj shoqate në mendje të vijnë emrat e mëdhenj që ka nxjerrë qyteti i lavdishëm, plot kulturë , Shkodra dhe ja disa prej tyre: Marin Barleti, Marin Beçikemi, Kolë Idromeno, At Gjergj Fisha, Ndre Mjeda, teolog, Mikel Kodheli, Luigj Gurakuqi, Karl Gurakuqi, Mikel Koliqi, Zef Pllumi, Millosh Gjergj Nikolla, Simon Gjoni, Cesk Zadeja, Tinka Kurti, Zef Jubani, Filip Shiroka etj.

Po ashtu dhe legjenda aq e njohur e Rozafës, kështjella ku është murrosur Rozafa qëndron hijerëndë mbi Bunën e gjerë dhe mbi qytetin e Shkodrës, ku bën krenar çdo shqiptar dhe me endje duan ta vizitojnë, njeri prej tyre ishja unë verën e kaluar.

Shkodra është një prej qyteteve më të vjetra të Shqipërisë, me një histori banimi mijëravjeçare në qytet dhe krahinë.

Founder, nismëtar i shoqatës Shqiptaro Amerikane “Rozafa” është aktivisti i shquar, Presidenti i Organizatës “Rrënjët Shqiptare”, ish kandidat për keshilltar në Bashkinë e Nju Jorkut z. Marko Kepi me origjinë nga Shkodra. Këtë ditë të shënuar të kësaj organizate me një program të pasur e moderoi gazetarja e mirënjohur Kozeta Turishta. Elekuenca dhe lirshmëria e saj në të folur natyrshëm i bëjnë dhe më tërheqëse tubimet ku mblidhen shqiptarët. Pasi falënderoi të gjithë bashkëpunëtorët për krijimin e kësaj shoqate ajo tha se Shkodra ka shumë potencial intelektual pë t’i dhënë Diasporës dhe Kombit.

Themelimin e Shoqatës Shqiptaro Amerikane Rozafa e përshëndeti Kryetari i Bashkisë së Shkodrës z. Bardh Spahia nëpërmjet një videomesazhi për këtë dite të shënuar.

Gazetarja Turishta prezantoi gjithë Bordin të cilët folën para pjesëmarrësve duke u ndjerë shumë të përgjegjshëm pë këtë nismë tejet të rëndësishme. Vlen të theksohet se Bordi kishte një përzgjedhje shumë cilësore të perbëre nga aktivistë të njohur të komunitetit, si intelektual më në zë dhe artistë të mirënjohur.

Më konkretisht Bordi i zgjedhur përbëhet nga këta veta:

Eddie Drishti – Kryetar, Gjilberta Lucaj Cohen, Zëvendëse Presidente, Ilsi Ademi Sekretar, Metin Timi Mlloja Arkëtar, Kozeta Turishta Bordi Këhillimor, Myzafere Alija Bordi Këshillimor, Bujar Ademovi Bordi Këshillimor, Eno Kepi Përfaqësues. Shkodër.

Si media marrim pjesë në shumë aktivitete, por jo vetëm që e pranova me kënaqësi ftesën, por dhe pashë nga afër një organizim professional dhe premtues për të ardhmen.

Shpreh bindjen nga bisedat që pata me kryetarin z. Eddie Drishti officer policie për 23 vjet ne New Jersey, Amerike dhe familja e tij e persekutuar nga regjimi komunist pohoj se ai ka vizion dhe jam i sigurtë se shoqata do të eci përpara bashkë me Bordin e përkushtuar.

Në emër të Bordit të TV dhe Shkollave Shqipe “Alba Life” ju afrojmëmbështetje dhe bashkëpunim të frytshëm.

Në këtë tubim pati dhe një program të bukur artistik. Këngëtari Ilsi Ademi këndoi këngë të ndryshme të shoqëruar në Cello nga artistja Gjilberta Lucaj Cohen dhe Pranvera Çobo në kitarë. Pas krijimit të Shoqatës Shqiptaro Amerikane të pranishmit të gëzuar trokëllitën gotat me njeri tjetrin dhe i uruan Bordit të Shoqatës jetë të gjatë!

TV “Alba Life” së shpejti do të sjellë kronikën e përgatitur dhe do ta transmetojë në kanalet televizive.

21 Janar, 2023

Staten Island, New York

Malësorët e Amerikës mbështesin “Forumi Shqiptar” për zgjedhjet në Tuz të Malësisë

by

Sokol Paja/

New York, 18 Janar 2023- Malësorët e Amerikës mbështesin në mënyrë unanime koalicionin e shqiptarëve “Forumi Shqiptar” për zgjedhjet e 5 Marsit në Tuz të Malësisë. Me pjesëmarrjen masive të malësorëve në New York, në restorantin e V&T të patriotit Lekë Gjolaj, malësorët dëshmuan përgjegjësi patriotike e politike për pjesëmarrje masive në zgjedhjet e 5 Marsit 2023 në Tuz të Malësisë. Shaqo Gjokaj kryetari i Shoqatës Malësia e Madhe dhe Kolë Cacaj kryetar i Fondit Humanitar Trieshi në hapje të mbledhjes renditën arsyet dhe deklaruan mbështetjen e pa kufijshme të koalicionit të shqiptarëve “Forumi Shqiptar” në zgjedhjet e 5 Marsit 2023 në Tuz të Malësisë. Aktivisti i çështjes kombëtare Nikollë Junçaj diskutoi para të pranishmëve rreth sukseseve të qeverisjes së Nikë Gjeloshaj e shqiptarëve në Malësi. “Kjo nuk është veç politikë, është votë për Malësinë, për të tashmen dhe të ardhmen” tha z.Junçaj. Patrioti Driton Sinishtaj sqaroi të pranishmit rreth procesit të votimit, listave e pjesëmarrjes së votuesve malësorëve nga Shtetet e Bashkuara të Amerikës në zgjedhjet e 5 Marsit 2023 në Tuz të Malësisë. Senad Lulanaj kërkoi që të gjithë shqiptarët në Tuz të bashkohen rreth “Forumi Shqiptar”. Gazetari Gjekë Gjonlekaj foli rreth rolit të diasporës në ndihmë të Malësisë në të gjitha dimensionet, nevojat dhe sfidat me të cilat përballet sot Malësia. Diskutuan edhe Mark Gjoku Ulaj, Toni Dedivani, Elez Nikaj, Zef Margilaj etj rreth situatës në Malësi e zgjedhjeve shumë të rëndësishme për të ardhmen e shqiptarëve.

Pas diskutimeve të pjesëmarrësve u arrit me votim unanim mbështetja e pa kursyer ndaj koalicionit të shqiptarëve “Forumi Shqiptar” e cila do të finalizohet me një deklaratë të përbashkët publike.

Shkollat Shqipe “Alba Life” filluan suksesshëm semestrin e dytë për vitin akademik 2022-2023

by

Nga Keze Kozeta Zylo/

Semestri i dytë për vitin akademik 2022-2023 filloi me plot sukses për shkollat Shqipe “Alba Life” që operon në gjithë Nju Jorkun dhe në Online.

Të gjitha mësueset nëpër shkollat ku japin mësim i mirëpritën me plot dashuri dhe respekt nxënësit dhe prindërit të cilët sollën fëmijët e tyre nëpër mjediset ku zhvillohet mësimi i Gjuhës Shqipe.  Pas një pushimi të shkurtër dimëror dhe pas konfirmimit te marrjes së permiteve nga Bordi i Edukimit, ata erdhën plot freski dhe gjallëri për t’u ulur në bangat e shkollës dhe për të marrë mësimet përkatëse për Gjuhën Shqipe.  

Ndonëse disa prej tyre sic na njoftuan mësueset në Bronx si mësueset Mehrije, Kade dhe Merita mungonin për shkak të virozave, gripërave të stinës, përsëri mësimi filloi normal dhe plot profesionalizëm.  E njejta gjë ishte dhe nëpër shkollat e tjera si në Queens ku jep mësim mësuese Vjollca, ne Brooklyn nga mësueset Edlira, Jonida dhe drejtuesja e programit artistik Gela, në Staten Island mësuese Entela, Anxhela, Elona si dhe në Online mësuese Gresila.  

Është shumë krenari kur ky program vazhdon të eci mbaë dhe të rritet vazhdimisht cka është dhe qëllimi i këtij Misioni Kombëtar nga Shkollat Shqipe “Alba Life”.

Mësueset plot përvojë sjellin në klasë përmirësimin e praktikës së mësimdhënies dhe shfrytëzojnë me profesionalizëm traditën me mjetet bashkëkohore. Psh po ndalem vetëm në një klasë ë mësuese Kades, me nxënësit më të rritur në Bronx, e cila nëpërmjet dërrasës me shkrimin e saj dhe kompjuterit kombinon bukur dhënien e mësimit për t’ju mësuar nxënësve atë që është më e domosdoshme.  Kështu veprojnë dhe të gjitha mësueset e tjera me planet e tyre që kanë përgatitur për t’i tërhequr sa më shumë nxënësit për mësimin e Gjuhës Shqipe.  

Mësueset dhe prindërit e kanë të qartë se nuk është e lehtë t’ju mësosh Gjuhën Shqipe pasi këta fëmijë kanë lindur dhe po rriten në Amerikë, jashtë Atdheut të të parëve të tyre, si rrjedhim gjuha e parë e tyre është Anglishtja, pasi në shkollë ku ata venë kanë vetëm këtë gjuhë të parë zyrtare.  

Të gjitha mësueset që përmenda më lart janë të licensuara nga shteti amë dhe disa prej tyre dhe në New York dhe kjo e bën orën e mësimit më interesante pasi sjellin gjithë përvojen e tyre duke e ndërtuar mbi bazën e njohurive te nxënësve dhe këtu nëpër klasat e tyre.  Nxënësit e mbyllën me një aktivitet madhështor semestrin e parë, aktivitet që u zhvillua në Staten Island në fidanishten e parë të Alba Life.  Së shpejti po përgatiten për 15 Vjetorin e Pavarësisë së Kosovës, të cilën e kemi festuar dhe përkujtuar për cdo vit duke respektuar të rënët për Liri dhe Pavarësi, filluar me Heroin legjendar Adem Jasharin.  Pastaj do të vazhdojmë me festimin e 15 Vjetorit të themelimit të TV dhe Shkollave Shqipe “Alba Life”, më 11 Mars, 2023, cka do të jetë një festim i bukur për nxënësit, mësuesit, prindërit dhe mbarë komunitetin shqiptaro amerikan.  

Nxënësit do të kenë programin e tyre special në këtë festë jubile dhe natyrshëm mësuesit kanë planet e tyre rreth realizimit të këtij programi.

Dalja në skenë e fëmijëve është shumë frytdhënëse, pasi në bazë të studimeve psiko-pedagogjike nxënësit i bën të ndihen më konfident, më të shprehur para publikut dhe mësohen me disiplinën artistike.  

Sidoqofte ata vinë gjithë dëshirë pranë këtyre shkollave ngase në zemër kanë amanetin e Rilindasve si: 

Kur lexoj vjershat e tyre,

Zoti sikur flet me gojë,

Marr bekimin prej natyre,

Që vendin mos ta harrojmë.

17 Janar, 2023

New York

Archives: Commemoration of Skenderbeu’s 550th Death Anniversary at Saint George’s Albanian Cathedral in Boston

by

Editor Dalip Greca

Translated by English Editor Rafaela Prifti

Dear Father Arthur Liolin, Honorable Friends, Guests,

It is a privilege to greet you on behalf of the Pan-Albanian Federation of America Vatra, Chairman Dritan Mishto, the Executive Council, the Board as well as the affiliates in the US and Canada. I speak here as the designated representative of Vatra. Concurrently with this event in Boston, the Chairman of Kosova’s Parliament, Kadri Veseli is visiting Vatra’s Headquarters in New York. As you know Noli was the first editor of Dielli, the oldest Albanian newspaper in print to mark its 110th anniversary on February 15, 2019. With the same exuberance the Albanian Orthodox Church of Saint George and the Fan S. Noli Library in Boston commemorate the 110 anniversary of the first Church Service conducted in Albanian by Primate Fan Noli. The Albanian Orthodox Church in America and Vatra have championed the Albanian national cause in the US. The independence movement prompted by patriots lead to the modern state of Albania. Consistently interchanging between Church, Dielli and Vatra, Fan Noli’s name identifies with the foundation of the Albanianism in America with his omnipresence and comprehensive work. In remembering the first church service conducted in the Albanian language, we honor his Eminence Fan Noli and all those who were and are in service of the Albanian Orthodox Church upholding its autocephalous status.

Today’s ceremony comes at the conclusion of a series of events commemorating the national hero of Albania, Gjergj Kastrioti Skenderbeu. The Pan-Albanian Federation of America and its newspaper Dielli have chaired and co-chaired a number of events in honor of his legacy. A special issue of Dielli was complemented with an exclusive design in the anniversary of the Flag Day while each monthly issue included studies and essays on the legendary hero. Jointly with religious institutions and community organizations, Vatra co-chaired a number of conferences and panel discussions. In collaboration with the Catholic Church ‘Our Lady of Shkodra’ in New York, Vatra hosted an event to mark the 550th anniversary of Skenderbeu’s death. Additionally, Vatra was a main contributor to an academic symposium held in Michigan to commemorate the national hero.

Gjergj Kastrioti Skenderbeu Skanderbeg – the iconic leader of the Albanian diaspora in America and Europe, has inspired and greatly infused the patriotic spirit of the nation through the centuries. During the Rescue Albania campaign in June 1917, Vatra’s Chairman Kole Tromara and Dielli’s Editor Bahri Osmani (years later both executed by the communist dictatorship) invoked the legendary period under the heroic leader Skenderbeu to appeal to the national pride encouraging Albanians of America to contribute in reviving the independence of Albania as it was facing great perils of being dissolved during WWI. Thanks to Vatra’s wherewithal and strong connections with Washington DC, including the friendship between US President Woodrow Wilson with Fan Noli as Godfather, Albania was saved at the Peace Conference.

Following the Congress of Lushnja, Vatra Federation invoked the glorious national hero once more during an intense fundraising campaign in order to protect the Albanian state from solvency. The successful efforts by Vatra yielded 198,000 US dollars and the task of the designated liaison was placed with Mid’hat Frasheri, the son of Abdyl Frasheri. Recently Vatra paid homage to Mid’hat Frasheri as his remains were repatriated to Albania with the highest honors.

The veneration of the Pan-Albanian Federation Vatra and its leadership for the iconic hero is also evidenced by the commitment and work of Dielli’s Editors to elevate even further his name around the world. Vatra’s co-founder and editor of Dielli, Faik Konitza, at the age of 22, revealed the nation’s flag and instilled the love for the national symbol. His Albania unveiled the flag of the legendary hero.

Fan Noli, co-founder of Vatra and Dielli’s first editor, known for his outstanding authoritative effectiveness on Skanderbeg completed the book Historia e Skenderbeut in 1921. Noli finalized it with some additions to turn it into a complete work in 1949. The book Historia e Skënderbeut: Gjergj Kastriotit, Mbretit te Shqiperise, 1412-1468 was an acclaimed success and had several reprints. In the 1920s the Albanian translation of Henry Longfellow’s poem by Noli was a peerless linguistic revival across the fields. Dielli’s editor Andon Frasheri had translated from English James Ludlow’s book The Captain of the Janizaries: A Story of the time of Scanderbeg and the Fall of Constantinople. It was published as an addendum to an issue of Dielli in 1930 and in a book format in 1934 by Library Drita in Korce, and once more in 1967 under the title Konstandini dhe Morsinia, with our hero as the main character. Andon Frasheri published another work centered around the hero’s afterlife. Printed in Tirana in 1944, the book I fundmi i Kastrioteve contains 113 pages and includes the author’s inscription: To Fan Noli, the knight of the Albanian literature with gratitude from his disciple. Dielli’s editor from 1963 to 1971, Athanas Gegaj, penned a manuscript titled Arberia and the Turkish Occupation of the XV Century published in Louvain in 1937. It was the PHD thesis Gegaj had presented at the University of Louvain. Fan Noli held this work in very high regard.

Dielli’s editor from 1936 to 1940 and a devout scholar of Scanderbeg, Nelo Drizari, was the first Albanian journalist to graduate from Columbia University in 1926. On the 500th anniversary of Scanderbeg’s death, Drizari authored a monograph written in English called Scanderbeg: His Life, Correspondence, Orations, Victories, and Philosophy. The same year Vatra sponsored the publication written by another former newspaper editor Edward Lico. His book was titled Gjergj Kastrioti Skenderbeu 1468-1968. Xhevat Kallajxhi, a former VOA journalist who also served for ten years as Dielli’s editor wrote several articles and a booklet on the Albanian national hero.

Ladies and Gentlemen,

Let us remember our national hero Skenderbeu for eternity because a people without memory will perish. Let us never forget the iconic leader of the Albanian Church and the Apostle of patriotism, Fan Noli who the mighty Gods delivered to the Albanians of America to lead and enlighten their minds. Memory eternal!

POETI E SHKRIMTARI I SHKRELIT LUIGJ ÇEKAJ: NDERI I MALËSISË SË MADHE!

by

Nga Frank Shkreli/

Javën që kaloi në Selinë e Bashkisë Malësi e Madhe u zhvillua ceremonia, e kryesuar nga Kryetari i asaj Bashksie, Z. Tonin Marinaj, për të nderuar njërin prej intelektualëve të njohur të atij trolli – poetin dhe shkrimtarin malësor prej Shkrelit – të ndjerin Luigj Kolë Çekaj. Frank Shkreli: Luigj Çekaj – Poeti i përndjekur i Shkrelit të Malësisë së Madhe | Gazeta Telegraf — Frank Shkreli: Luigj Çekaj dhe libri i tij i dhimbjes “Unë vij nga Shkodra” | Gazeta Telegraf

Sipas njoftimit nga familja e Luigj Çekaj, që u botua edhe nga portali, “Zani i Veriut”, Bashkia Malësi e Madhe, me në krye shefin e saj, Tonin Marinaj organizoi, javën e kaluar, një eremoni zyrtare per dorëzimin e titullit ” Qytetar Nderi” i Malësisë se Madhe, për poetin Luigj Kolë Çekaj (pas vdekjes). Në sallën e Bashkisë, plot e përplot me të afërmë e dashamirë të poetit, e pranishme ishte edhe familja e tij, e përfaqësuraar nga bashkshortja dhe djali i Luigj Çekajt. Pas himnit kombëtar u mbajt një minutë heshtje në nderim të poetit malësor i cili ishte arratisur në Shtetet e Bashkuara në fillim të 1990-ave, pas shembjes së komunizmit, ku edhe ndërroi jetë, në Janar të vitit 2021.

Familjes, miqëve dhe dashamirësve të shumtë të pranishëm që kishin shkuar atje për të nderuar poetin dhe shkrimtarin e Shkrelit, iu drejtua të pranishëmve me disa fjalë duke i përshëndetur i pari i Bashkisë, Malësia e Madhe, Z. Tonin MARINAJ.  Z. Marinaj i dorëzoi familjes e pranishme aty, ardhur për atë qëllim nga Shtetet e Bashkuara, dekoratën, “Qytetar Nderi”, akorduar Poetit Luigj Çekaj nga Shkreli i Malësisë së mbi-Shkodrës – pasi ai lexoi motivacionin për dhënjen e dekoratës Luigj Çekajt: 

“Për punën dhe përkushtimin e tij si një qytetar bashkohor. Si atdhetar dhe veprimtar i palodhur i çështjes kombëtare shqiptare. Si një përfaqësues i denjë i letërsisë dhe kulturës malësore mbarë shqiptare, ku me poezinë dhe prozën e tij edhe pse në mërgim prej kohësh, nuk e ndau asnjiherë vendlindjen e tij, por duke lartësuar kurdoherë trevën tonë, Malësin[ e Madhe e më gjërë.”

Kryetari i Bashkisë, Tonin Marinaj, 

Kryetari i Këshillit Bashkiak, Ilir Hanaj.

Ndërkaq, në emër të familjes përshëndeti bashkëshortja e Luigjit, Violeta Çekaj, e cila duke falënderuar Bashkinë dhe Kryetarin e saj, Z. Marinaj, shtoi se Luigji u rrit jetim, te dajat pasi babën e vet – të arratisur nga komunizmi — e ka takuar pas 46 vitesh në Nju Jork. Në fjalën e saj, Violeta Çekaj falënderoi — për këtë nderim që i benë bashkshortit të saj të ndjerë — Kryetarin e Bashkise, Z. Tonin Marinaj, duke shprehur gjithashtu respektin dhe falënderimet e saj dhe të familjes si dhe të gjithë atyre që morën pjesë në atë ceremoni vlerësimi për Luigjin duke u shprehur se se né,  kurrë nuk e harrojmë Malësinë e Madhe, tha ajo.

Dhënja e kësaj dekorate, poetit e shkrimtarit Luigj Çekajt, me të drejtë u cilësua si një vlerësim i merituar nga Bashkia Malësia e Madhe, “Për një personalitet të madh si Luigj Çekaj, i cili i bán nder Shkrelit, Malësisë dhe Kombit Shqiptar. Një ceremoni e thjeshtë, për një emër të Madh”, u cilësua tubimi në nderim të Luigj Çekajt orgnaizuar në Kryeqëndrën e Malësisë së Madhe në Koplik. 

Për të ndjerin Luigj Çekaj, si bashkvendas imi nga Shkreli i Malësisë së Madhe dhe mik i familjes time e të cilin kam pasë nderin ta njoftoj vetëm pas ardhjes së tij në Nju Jork, në fillim të viteve 1990-a, pas shembjes së Murit të Berlinit dhe për të cilin, në të kaluarën, kam shkruar disa artikuj modestë në kujtim të personit, punës dhe veprimtarisë së Luigj Çekaj këtu në Nju Jork. Si një anëtar i vyer i komuniteit shqiptaro-amerikan, të cilit edhe sot i mungon shumë prania dhe kontributi i tij letrar dhe shoqëror. 

Ishte nder e privilegj për mua që të merrja pjesë në propozimin – si më poshtë — që i kam bërë Bashkisë Malësi e Madhe, gushtin që kaloi, që të nderojë – këtë bir të trojeve tona, për punën dhe aktivitetin e tij si poet e shkrimtarë por edhe si përfaqsues dhe intelektual i denjë i Malësisë së Madhe në mërgim, por njëkohësisht, edhe i komunitetit shqitaro-amerikan me të cilin ishte shumë i angazhuar. Falënderimet tona Kryetarit të Bashkisë, Malësi e Madhe, Z. Tonin Marinaj dhe Këshillit të Bashkisë për dekortaën që i ka akorduar poetit e shkrimtarit malësor, të ndjerit Luigj Çekaj.

Propozimi im drejtuar Bashkisë Malësi e Madhe për nderimin e Luigj Çekajt me dekoratën “Qytetar Nderi”, (pas vdekje) i Malësisë së Madhe:

Nju Jork, Gusht, 2022

PROPOZIM: QË POETI I NDJERË LUIGJ ÇEKAJ TË SHPALLET QYTETAR NDERI I MALËSISË SË MADHE

I PROPOZOHET BASHKISË: MALËSI E MADHE

PROPOZUESI: FRAN SHKRELI

TITULLI: “QYTETAR NDERI I MALËSISË SË MADHE”

Personi: Poeti e shkrimtari Luigj Çekaj (pas vdekjes)

Luigj Çekaj, shkrimtar e poet, bir i Shkrelit të Malësisë së Madhe, i kësaj treve me emër e za dhe lavdi prej shekujsh i dha Kombit shqiptar trima, poetë e shkrimtarë.  Personalitete që me verpimtarinë e tyre artistike dhe njerëzore – mbrenda dhe larg Malësisë së Madhe – sa ishin gjallë por edhe pas shkuarjes në amshim, ata me veprat e tyre dhe trashëgiminë që kanë lënë pas, vazhdojnë të kontribojnë. Me veprat e tyre, ata vazhdojnë t’i japin nam e za Malësisë së Madhe, duke nderuar vlerat e shënjta iliro-arbërore të pakrahasueshme, për të cilat krenohen të gjithë malësorët, kudo që jetojnë sot, në trojet tona të shënjta të Malësisë së Madhe dhe anë e mbanë botës. Njëri prej këtyre malësorve krenarë  që nderon të gjithë ne dhe Malësinë e Madhe ishte edhe Poeti e Shkrimtari me origjinë nga Shkreli i Malësisë së Madhe, Luigj Çekaj. 

Kam nderin dhe privilegjin që Luigj Çekajn — këtë bir të madh të Malësisë së Madhe — t’a propozoj për dekoratën: “Qytetar Nderi i Malësisë së Madhe”.  Ai, me veprat e tija kudo shkoi dhe me këdo që u takua – Luigj Çekaj, vetëm nder e lavd i çoi Malësisë, në nivelet më të larta shqoërore, intelektuale dhe patriotike, mbrenda dhe jashtë Shqipërisë. Vlerat shekullore të Malësisë së Madhe: nder, burrëri, besë e trimëri, Luigj Çekaj i pasqyron në të gjitha veprat e tija, poezi e prozë. “Libri juaj ka qenë një zbulim poetik për mua”, është shprehur, shkrimtari i madh Ismail Kadare, për veprat e Luigjit. Një zbulin – siç ishte dhe është i tillë për të gjithë ne që e kemi njohur, por edhe ata që kanë lexuar veprat e Poetit dhe Shkrimtarit të Malësisë së Madhe, Luigj Çekaj.

Për këto arsye dhe të tjera që mund të lexoni në artikujt më të gjërë — bashkangjitur këtij propozimi linket mund ti gjeni më poshtë — unë Frank Shkreli propozoj dhe rekomandoj me gjihtë zemër që Poetit dhe Shkrimtarit, Luigj Çekaj, me origjinë nga Malësia e Madhe, t’i akordohet dekorata me titullin: “Qytetar Nderi i Malësisë së Madhe” – se ai veç nder e lavd i ka sjell Malësisë dhe mbarë Shqipërisë.  Me jetën plot vuajtje të rënda dhe me veprat e tija të vlerësuara nga intelektualët e dalluar shqiptaro-amerikanë me të cilët bashkëpunoi ngushtë pas vendosjes së tij në Amerikë, Luigj Çekaj si njeri, si poet e shkrimtar, nderoi veten dhe familjen e tij të ngushtë, fisin e origjinës, Malësinë e Madhe dhe më gjerë. Shkodra dhe Shkreli janë krenarë me të, ndërsa komuniteti shqiptaro-amerikan është përgjithmonë mirënjohës për kontributin e tij të vyer që ka dhënë për vitet sa jetoi dhe punoi në gjirin e komunitetit tonë këtu në Shtetet e Bashkuara.

Prandaj propozoj dhe rekomandoj, me bindje të thellë për meritat e tij, emërimin e Luigj Çekaj për titullin e lartë të Bashkisë së Malësisë së Madhe: “Qytetar Nderi i Malësisë së Madhe”:

                                                Me Motivacionin: 

“Si një prej përfaqësuesve malësorë më të denjë të letërsisë dhe të kulturës shqiptare të Malësisë së Madhe dhe përtej, i cili me poezitë dhe me librat prozë, ai me integritet, profesionalizëm dhe atdhedashuri, mbrojti dhe promovoi, gjuhën, kulturën, traditat dhe vlerat, në përgjithësi, të cilat dallojnë trojet shekullore të Malësisë së Madhe. Duke ndriçuar me veprën e tij, njëkohësisht, edhe mbarë shoqërinë shqiptare në Atdhe dhe në Diasporë. Për rolin dhe rëndësinë e ruajtjes së vlerave tradicionale shekullore të malësorëve, në mbrojtje të interesave dhe identetit kombëtar të malësorëve dhe shqiptarëve kudo që gjënden.”

Me shumë respekt për bashkvëllëzrit e mi në Bashkinë e Malësisë së Madhe, mbetem i jueji,

Vëllazënisht, Fran Shkreli

        Poeti dhe shkrimtari Luigj Çekaj, “Qytetar Nderi” i Malësisë së Madhe

May be an image of 6 people and people standing

       *Fotot nga ceremonia, marrë nga portali, “Zani i Veriut”

May be an image of 3 people and people standing

Kryetari i Bashkisë Malësi e Madhe, Z. Tonin Marinaj me bashkshorten dhe djalin e poetit Luigj Çekaj

May be an image of 13 people and people standing

                            Pamje nga salla e e Bashkisë Malësi e Madhe

May be an image of 7 people and people standing