Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

Presidenti Hollande dekoron katër personat që ndaluan sulmin në tren

by

Presidenti francez Francois Hollande i dha dekoratën më të lartë të vendit të tij, atë të Legjionit të Nderit, tre amerikanëve dhe një britaniku, të cilët mposhtën të premten një person të armatosur në një tren të shpejtësisë së lartë. Duke falenderuar tre amerikanët Spencer Stone, Alek Skarlatos dhe Anthony Sadler si dhe britanikujn Chris Norman, presidenti Holland tha se akti i tyre bëri të mundur shmangien e një masakre. Presidenti Hollande tha se veprimet e tre amerikanëve dhe britanikut ndaj aktit terrorist të javës së kaluar dhanë një “mesazh guximi, solidariteti dhe shprese”. Ai tha se dy amerikanët që vepruan të parët kundër personit të armatosur ishin ushtarë por të premten ishin thjesht pasagjerë dhe u sollën si ushtarë por edhe persona të përgjegjshëm. “Një terrorist vendosi të kryejë një akt terrorist. Ai pati armë dhe municion të mjaftueshëm për të kryer një masakër dhe këtë do të kishte realizuar, në se ju nuk do ta kishit ndaluar atë, duke rrezikuar çdo gjë, përfshirë jetën tuaj,”- tha zoti Hollande. Presidenti Hollande i falenderoi amerikanët Stone, Skarlatos dhe Sadler dhe britanikun Norman në emër të Francës. “Që nga e premtja, e gjithë bota ka admiruar kurajon tuaj, gjakftohtësinë tuaj, ndjenjën e përgjegjësisë, solidaritetin që ju bënë që pa asnjë armë, e përsëris pa asnjë armë të përballeshit me dikë të armatosur deri në dhëmbë dhe të gatshëm për çdo gjë”. Ai tha se autoritetet franceze dhe evropiane duhet të merrnin masa kundër sulmeve të mundshme, përfshirë transportin hekurudhor. Në ceremoni merrte pjesë edhe kryeministri belg Charles Michel. Tre amerikanët që janë shokë që nga fëmijëria dhe janë rritur në Sacramento të Kalifornisë, ishin në Evropë si turistë pjesërisht për të festuar kthimin nga shërbimi në Afganistan të Skarlatosit. Ata thanë se nuk kishin asnjë alternativë tjetër përveçse të reagonin kur panë personin e armatosur me armë në dorë. Stone tha se e kishte bllokuar duke i zënë frymën, ndërsa Skarlatos e goditi me një nga armët që i kishte marrë. Stone mesa duket i shpëtoi jetën edhe njërit prej pasagjerëve në tren. Përvoja ushtarake e amerikanëve Stone dhe Skarlatos i ndihmoi ata që të vepronin me shpejtësi, përfshirë ndihmën e parë dhe kontrollin e trenit për ndonjë person tjetër që mund të ishte i armatosur. Pas ceremonisë, britaniku Norman shprehu falenderimin e tij:-“Jam i mrekulluar dhe e vlerësoj jashtë mase medaljen që po më jepet dhe nderimin që po na bëhet për ndërhyrjen tonë”. Mohammed el Khazzanin, babai i miliantit të dyshuar islamik u citua sot nga gazeta spanjolle El Mundo të thoshte se nuk mund ta besonte që i biri ishte terrorist. Avokati i tij tha se 26 vjeçari nga Maroku, el Khazzani thotë se ai nuk po kryente ndojë akt terrorist, por donte vetëm të grabiste pasagjerët në tren pasi ishte i uritur.

Kosova mot për det, fluks i lartë e pa pritje drejt Shqipërisë

by

PRISHTINË, 24 Gusht 2015/ Instituti Hidrometeorologjik i Kosovës vazhdon të japë parashikimin e motit edhe për bregdetin shqiptar, drejt të cilit në këtë verë ka fluks të madh të kosovarëve.
“Mot me temperatura të larta do të vazhdojë të mbajë edhe përgjatë vijës bregdetare, ku maksimalet gjatë gjithë javës do të lëvizin ndërmjet 30-34 gradë celsius”, theksohet në parashikimin për këtë javë dërguar mediave.
Ndërsa, në Kosovë “vranësirat e lehta dhe kthjellimet do të jenë dominuese gjatë gjithë javës, duke krijuar kushte për një mot relativisht të ngrohtë dhe me vapë”.
Sipas Qendrës Kombëtare për Menaxhim Kufitar të Kosovës, nga mëngjesi i sotëm në tre vendkalimet kufitare drejt Shqipërisë, Vërmicë-Morinë, Qafë e Prushit dhe Qafë e Morinës edhe në fluksin e lartë që vazhdon nuk ka pritje e kolona në hyrje-dalje. Kalohet për më së shumti 5 minuta dhe kolona më e gjatë vetëm 20 metra është në Vërmicë./B.J/

Presidenti Obama fton kryeministrin Mustafa në samitin e liderëve në New York

by

Presidenti amerikan Barack Obama fton kryeministrin kosovar Isa Mustafa në samitin e liderëve në New York.
“Kryeministri i Republikës së Kosovës, Isa Mustafa, është ftuar nga presidenti i Shteteve të Bashkuara të Amerikës, Barack Obama, që të marrë pjesë në samitin e liderëve, që do të mbahet më 29 shtator në New York”, sapo bëri të ditur Kryeministria kosovare në njoftimin e dërguar.
Theksohet se, Samiti do të mbahet në selinë e Kombeve të Bashkuara dhe në të do të diskutohet për të arriturat e shteteve në luftën kundër ISIS-it dhe ekstremizmit të dhunshëm.
Ftesa i është dorëzuar para pak ditësh kryeministrit Mustafa nga Ambasada e SHBA-ve në Prishtinë.

SECOND GROUP OF PEACE CORPS VOLUNTEERS BEGIN SERVICE IN KOSOVO

by

Thirty Six Volunteers Take Oath at a Ceremony in Pristina/
August 22, 2015/
PRISTINA, Kosovo – On August 22, the second group of U.S. Peace Corps Volunteers in Kosovo completed its pre-service training in the communities of Kamenica, Koretin, Topanic and Hodanoc, as they now begin their two-year Volunteer service.
Peace Corps has set up its program in Kosovo since September 9, 2013 when the Country Agreement was signed between the Peace Corps and the Republic of Kosovo. Peace Corps looks forward to a long and fruitful relationship with the people and the government of Kosovo. In 2016 the third groups of 40 Volunteers are scheduled to arrive.
The Peace Corps traces its roots and mission to 1960, when then-Sen. John F. Kennedy challenged students at the University of Michigan to serve their country in the cause of peace by living and working in developing countries. From that inspiration grew a federal government agency devoted to world peace and friendship.
To this day, the three original goals of the Peace Corps remain the same: 1) to help the people of interested countries in meeting their need for trained men and women; 2) to help promote a better understanding of Americans on the part of the people served; and 3) to help promote a better understanding of other peoples on the part of Americans.
The new group of Volunteers was sworn in by U.S. Ambassador Greg Delawie in a ceremony attended by the President Atifete Jahjaga, Minister of Education, Science and Technology Arsim Bajrami, Minister of Labor and Social Welfare Arban Abrashi, former Kosovo Ambassador to the U.S. Akan Ismaili along with numerous distinguished guests, friends of Peace Corps, the host families, training staff and Peace Corps Kosovo staff.
With the swearing-in ceremony, the new Volunteers officially begin their two-year service assignments which will take place in thirty six communities throughout the Republic of Kosovo.
Peace Corps Kosovo Director Stephen Kutzy said, “The communities of Kamenica, Koretin, Topanic and Hodanoc, which hosted the Volunteers during training, have been wonderfully hospitable in welcoming the Volunteers into their homes and assisting them with learning local languages. It is an excellent example of the cooperation between our two countries for the benefit of everyone.”
As part of the pre-service training, Volunteers received intensive language training. The Volunteers also received information about the Kosovo educational system. Each Peace Corps Volunteer lived with a host family to gain better understanding of the community and culture in Kosovo, and to facilitate the development of their language skills.
The Volunteers will move to their assignments throughout Kosovo this week. All thirty six will work in English language education.
For more information about the Peace Corps program, please contact the office at
Mujo Ulqinaku str. No. 3, 10000 Pristina, telephone +381 (0) 38 712 770

Mustafa-Delawie: Mirënjohje për përkrahjen dhe kontributin e pazëvendësueshëm të SHBA-ve për Kosovën

by

Nga Behlul Jashari/PRISHTINË, 22 Gusht 2015/Ambasadori i ri i Shteteve të Bashkuara të Amerikës në Prishtinë, Greg Delawie, në takim me kryeministrin Isa Mustafa ka shprehur përkushtimin e tij gjatë misionit në Kosovë për thellimin e mëtejshëm të bashkëpunimit ndërmjet dy shteteve.
Ambasadori Delawie po ashtu vlerësoi progresin që po arrihet në Kosovë, duke shprehur përkrahjen e mëtejshme të SHBA-ve për Kosovën.
Gjatë takimit njoftues, kryeministri Mustafa e informoi ambasadorin Delawie për progresin në Kosovë, duke theksuar prioritetet e Qeverisë për zhvillimin e qëndrueshëm ekonomik, punësimin dhe mirëqenien, sundimin e ligjit, luftën kundër korrupsionit dhe krimit të organizuar si dhe axhendën integruese euroatlantike, e reformat thelbësore në fusha të tjera, si pjesë e zhvillimit të vendit.
Kryeministri Mustafa shprehu mirënjohjen e popullit dhe të Qeverisë së Kosovës për përkrahjen dhe kontributin e pazëvendësueshëm që SHBA-të kanë dhënë dhe po japin për Republikën e Kosovës.
Kryeministri Mustafa po ashtu shprehu përkushtimin e plotë të Qeverisë së Kosovës për thellimin e mëtejshëm të bashkëpunimit dhe partneritetit strategjik me Shtetet e Bashkuara të Amerikës.
Takimi u zhvillua pasi ambasadori i ri i Shteteve të Bashkuara të Amerikës në Kosovë, Greg Delawie, dje pasdite dorëzoi letrat kredenciale në pritjen me ceremoni solemne shtetërore te presidentja e Republikës, Atifete Jahjaga, bashkë me të cilën edhe shëtitën më këmbë shesheve të Prishtinës Ibrahim Rugova, Gjergj Kastrioti-Skënderbeu e Nëna Terezë, ku vizitoi edhe panairin e mjedrave që promovon prodhimin vendor dhe që mbështetet nga USAID-i, i mirëpritur e përshëndetur përzemërsisht nga shumë qytetarë, edhe duke u takuar me shtrëngime duarsh.