• Home
  • Politics
  • Opinion
  • Culture
  • Sports
  • Economy
  • Interview
  • Reporting
  • Community
  • Vatra

Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

URAN BUTKA, “Kalorës i Urdhrit të Skënderbeut”

January 16, 2017 by dgreca

Beti butka

Presidenti Bujar Nishani, dekoron Uran Butkën, me titullin “Kalorës i Urdhrit të Skënderbeut” Motivacioni: “Për veprimtarinë e paçmueshme kushtuar studimit, hulumtimit dhe trajtimit skrupuloz të çështjes kombëtare shqiptare” Dekorimi i z. Uran Butka, drejtor i Institutit të Studimeve Historike “Lumo Skëndo” nga Presidenti i Republikës, z. Bujar Nishani, me titullin “Kalorës i Urdhrit të Skënderbeut” me motivacionin:”Për veprimtarinë e paçmueshme kushtuar studimit, hulumtimit dhe trajtimit skrupuloz të çështjes kombëtare shqiptare, shpalosur përmes botimit të veprave madhore, të cilat pasqyruan, ndriçuan dhe rehabilituan shumë figura kombëtare, si dhe për kontributin e vyer profesional e njerëzor dhënë në zhvillimet demokratike në Shqipëri pas shembjes së diktaturës”.

1-ok-uran-butkaBeti butka1 Dekorohet Uran butka

URAN SAFET BUTKA

Lindur në Tiranë, 2 dhjetor 1938. Nga një familje atdhetare dhe intelektuale e shquar, nipi i patriotit Sali Butka dhe i biri i martirit Safet Butka. I internuar me gjithë familje nga regjimi komunist në vitin 1945 në kampin e përqendrimit të Krujës, rrethuar me tela me gjemba. Mësues, në disa rrethe të vendit, kur kishin nevojë për arsimtarë. Në vitin 1961 kreu studimet me korespondencë në Universitetin e Tiranës, fakulteti Histori-Filologji. U pushua nga puna si mësues për motive politike dhe provoi punët më të vështira fizike. Në vitin 1976 u internua sërish nga Tirana me gjithë familje në Shoqëria Kulturore “Jehona e Shkodrës”, shtron sofren tradicionale shkodrane Sofra e një qyteti bujar “Shoqëria Kulturore “Jehona e Shkodrës” në bashkëpunim me Radio Televizionin Shqiptar dhe Star Plus Televizion, organizoi spektaklin tradicional të fundvitit “Sofra Shkodrane”, me pjesëmarrjen e këngëtarëve dhe humoristëve më të shquar shkodranë” Tropojë dhe mandej në Martanesh për njëmbëdhjetë vjet (1976-1987). U kthye në prag të ndryshimit. Mori pjesë aktive në Lëvizjen Demokratike të viteve ’90 dhe në rrëzimin e diktaturës. Drejtues i Shoqatës Kombëtare të të përndjekurve politikë të Shqipërisë. Kryeredaktor i gazetës “Liria”, duke filluar nga viti 1991 e në vazhdim. Nëndrejtor i gjimnazit “Ismail Qemali” Tiranë, 1991-1992. Anëtar i Kryesisë së Partisë Demokratike dhe i Këshillit të saj Kombëtar. Deputet aktiv i PD në Parlamentin Shqiptar në dy legjislatura: 1992-1996 dhe 1996-1997. Kryetar i Komisionit parlamentar të Mediave dhe të Kulturës në të dy legjislacionet. Kryetar i Komitetit për vlerësimin e figurave kombëtare, 1992-1997. Gjatë kësaj periudhe ka promovuar në studime më vete personalitete të rëndësishme të historisë dhe të kulturës shqiptare si Faik Konica, Mid’hat Frashëri, Hasan Prishtina, Hysni Lepenica, Skender Muço, Mustafa Gjinishi, Llazar Fundo, Sejfulla Maleshova, Gani Kryeziu, Muharrem Bajraktari,,Musine Kokalari, Sabiha Kasimati, Bilal Xhaferri, Marie Shllaku, Selman Riza, Shefqet Beja, Mirash Ivanaj, Shaban Polluzha, Drita Kosturi, Xhelal Koprencka, Avzi Nela e dhjetra të tjerë, si edhe ka zberthyer historikisht figura kriminale si Haxhi Qamili, Enver Hoxha, Mehmet Shehu, Shefqet Peçi, Dushan Mugosha, Miladin Popoviç, Milosheviç etj. Prej vitit 1997 e në vazhdim është marrë kryesisht me punë studimore-shkencore kryesisht në fushë të historisë kombëtare, publicistikës, letërsisë, dhe kinematografisë. Ka botuar në organet e shtypit shqiptar dhe revista shkencore me qindra artikuj studimorë për ngjarje historike madhore kombëtare të tjetërsuara nga regjimi komunist dhe historiografia komuniste. Po ashtu ka botuar një varg veprash historike si “Ringjallje”, “Mukja-shans i bashkimit”,, “Gjeniu i Kombit”, “Kthimi i Mid’hat Frashërit”,“Elita shqiptare”, “Lufta civile 1943-1945”, “Bombë në Ambasadën Sovjetike”, “Masakra e Tivarit”, “”Lufta e Drenicës”, “Kryengritja e Malësisë së Madhe”, “Kryengritja e Postribës”, “Krimet e komunizmit në Shqipëri”, “Kristo Kirka”, “Dritëhije të historisë”, “E djathta dhe e Majta në luftë” etj, si edhe polemika historike me studiues e historianë në shtyp dhe TV. Në fushë te letersisë ka botuar: Permbledhjet me tregime e novela:“Vdekja e bardhë”, “Humbja nuk është mbarimi”, “Në shtëpinë tonë”. “Dora e shtetit”, “Më në fund të lirë” dhe romani “Miti i Haxhi Qamilit”. Mbi 25 botime. Po ashtu, skenarë filmash dokumentarë: “Kryengritja e Postribës”, “Kryengritja e Malësisë së Madhe”, “Dy poetët martirë, Genc Leka e Vilson Blloshmi””, Lëvizja Kryeziu”, “Ventotene”, Mid’hat Frashëri”, “Martirët”, “Mallakastra siç ka qenë, “Kryengritja e Dibrës, 1913”,“Baba Kamber Prishta- martir i kombit”, etj. Aktualisht: Drejtor i Institutit të Studimeve Historike “Lumo Skendo”, Tiranë. Tituj shtetërorë vlerësimi: “Mësues i Merituar” 1993, “Mjeshtër i Madh” 2011, “Penda e Argjendtë” 2013 dhe “Kalorës i Urdhrit të Skenderbeut” 2016.

Filed Under: Featured Tagged With: “Kalorës i Urdhrit të Skënderbeut”, dekoron, presidenti Nishani, Uran Butka

Nishani vlerëson Nënkomisarin Simon Gjeta (pas vdekjes) me “Dekoratën e Artë të Shqiponjës”

October 5, 2015 by dgreca

dekorimi-simon-gjetaTIRANË, 5 Tetor/ATSH-Arbi Fortuzi/-.Presidenti Bujar Nishani vlerësoi sot Nënkomisarin Simon Gjeta (pas vdekjes) me “Dekoratën e Artë të Shqiponjës” me motivacionin: “Në vlerësim dhe nderim të thellë për përkushtimin e rrallë, devotshmërinë e pashembullt, heroizmin stoik të treguar në radhët e Forcave të Ndërhyrjes së Shpejtë deri në sakrificën sublime të dhënies së jetës gjatë luftës pakompromis kundër krimit dhe mbrojtjes së rendit dhe zbatimit të ligjit.”

Nënkomisarin Simon Gjeta, ra dëshmorë ditën e shtunë në mbrëmje, në përpjekje për të kapur një shtetas në kërkim. Autori i vrasjes së Simon Gjetës, komandantit të reparti të Forcave të Ndërhyrjes së Shpejtë në Shkodër, u vra gjatë mëngjesit të së dielës nga policia, e cila kishte rrethuar prej mesnatës banesën e tij. Ruzhdi Arishta, i cili qëlloi me 3 plumba oficerin e policisë nuk iu përgjigj thirrjeve të policisë për t’u dorëzuar, ndërkohë që aksioni zgjati rreth 12 orë.

Trupi i pajetë i nënkomisarit Simon Gjeta mbërriti pranë familjes në Tiranë i shoqëruar nga policia. Ishte vetë kreu i Policisë së Shtetit Haki Çako që i dorëzoi me përulje familjarëve të afërmin e tyre për t’i dhënë lamtumirën e fundit, edhe pse do të donin që Simoni të vinte gjallë nga triumfi i tij i radhës në detyrë. Kryepolici Çako udhëhoqi operacionin ku u vra dhe personi që i mori jetën efektivit Gjeta.

Filed Under: Kronike Tagged With: dekoron, pas vdekjes, presidenti Nishani, Simon Gjeta

Presidentja e Kosovës, Jahjaga e dekoroi shkrimtarin Ismail Kadare me Urdhrin e Pavarësisë

September 11, 2015 by dgreca

TIRANË, 11 Shtator 2015/ Presidentja e Republikës së Kosovës, Atifete Jahjaga, takoi sot në shtëpinë e tij në Tiranë shkrimtarin e madh shqiptar me renome botërore, Ismail Kadare, të cilin e dekoroi me Urdhrin e Pavarësisë, për kontributin e jashtëzakonshëm për afirmimin e kulturës dhe letërsisë shqipe dhe për kontributin e madh në përpjekjet e Kosovës për liri dhe pavarësi.Presidentja Jahjaga e vlerësoi lart gjithë punën dhe angazhimin e Ismail Kadaresë jo vetëm në fushën e letërsisë dhe e falënderoi për gjithë përkrahjen dhe mbështetjen e madhe për popullin e  Kosovës edhe në kohët më të rënda të historisë së tij.

Shkrimtari i madh Ismail Kadare, duke e falënderuar Presidenten Jahjaga për nderimin që i ka bërë, theksoi se ajo ka luajtur një rol të jashtëzakonshëm në ndërtimin e imazhit të Kosovës në botë./b.j/

 

Filed Under: Kronike Tagged With: dekoron, Ismail Kadarene, Presidentja Jahjaga

Presidenti Hollande dekoron katër personat që ndaluan sulmin në tren

August 25, 2015 by dgreca

Presidenti francez Francois Hollande i dha dekoratën më të lartë të vendit të tij, atë të Legjionit të Nderit, tre amerikanëve dhe një britaniku, të cilët mposhtën të premten një person të armatosur në një tren të shpejtësisë së lartë. Duke falenderuar tre amerikanët Spencer Stone, Alek Skarlatos dhe Anthony Sadler si dhe britanikujn Chris Norman, presidenti Holland tha se akti i tyre bëri të mundur shmangien e një masakre. Presidenti Hollande tha se veprimet e tre amerikanëve dhe britanikut ndaj aktit terrorist të javës së kaluar dhanë një “mesazh guximi, solidariteti dhe shprese”. Ai tha se dy amerikanët që vepruan të parët kundër personit të armatosur ishin ushtarë por të premten ishin thjesht pasagjerë dhe u sollën si ushtarë por edhe persona të përgjegjshëm. “Një terrorist vendosi të kryejë një akt terrorist. Ai pati armë dhe municion të mjaftueshëm për të kryer një masakër dhe këtë do të kishte realizuar, në se ju nuk do ta kishit ndaluar atë, duke rrezikuar çdo gjë, përfshirë jetën tuaj,”- tha zoti Hollande. Presidenti Hollande i falenderoi amerikanët Stone, Skarlatos dhe Sadler dhe britanikun Norman në emër të Francës. “Që nga e premtja, e gjithë bota ka admiruar kurajon tuaj, gjakftohtësinë tuaj, ndjenjën e përgjegjësisë, solidaritetin që ju bënë që pa asnjë armë, e përsëris pa asnjë armë të përballeshit me dikë të armatosur deri në dhëmbë dhe të gatshëm për çdo gjë”. Ai tha se autoritetet franceze dhe evropiane duhet të merrnin masa kundër sulmeve të mundshme, përfshirë transportin hekurudhor. Në ceremoni merrte pjesë edhe kryeministri belg Charles Michel. Tre amerikanët që janë shokë që nga fëmijëria dhe janë rritur në Sacramento të Kalifornisë, ishin në Evropë si turistë pjesërisht për të festuar kthimin nga shërbimi në Afganistan të Skarlatosit. Ata thanë se nuk kishin asnjë alternativë tjetër përveçse të reagonin kur panë personin e armatosur me armë në dorë. Stone tha se e kishte bllokuar duke i zënë frymën, ndërsa Skarlatos e goditi me një nga armët që i kishte marrë. Stone mesa duket i shpëtoi jetën edhe njërit prej pasagjerëve në tren. Përvoja ushtarake e amerikanëve Stone dhe Skarlatos i ndihmoi ata që të vepronin me shpejtësi, përfshirë ndihmën e parë dhe kontrollin e trenit për ndonjë person tjetër që mund të ishte i armatosur. Pas ceremonisë, britaniku Norman shprehu falenderimin e tij:-“Jam i mrekulluar dhe e vlerësoj jashtë mase medaljen që po më jepet dhe nderimin që po na bëhet për ndërhyrjen tonë”. Mohammed el Khazzanin, babai i miliantit të dyshuar islamik u citua sot nga gazeta spanjolle El Mundo të thoshte se nuk mund ta besonte që i biri ishte terrorist. Avokati i tij tha se 26 vjeçari nga Maroku, el Khazzani thotë se ai nuk po kryente ndojë akt terrorist, por donte vetëm të grabiste pasagjerët në tren pasi ishte i uritur.

Filed Under: Kronike Tagged With: dekoron, katër personat, Presidenti Hollande, që ndaluan, sulmin në tren

PRESIDENTI NISHANI DEKOROI GRUPIMIN PER ÇESHTJET SHQIPTARE

February 5, 2014 by dgreca

Presidenti i Republikёs, Bujar Nishani dekoron Grupimin pёr Çёshtjet Shqiptare dhe Kongresmenin amerikan Aderholt/

Washington D.C., 5 shkurt 2014/

Presidenti i Republikёs, Bujar Nishani, nё njё ceremoni tё zhvilluar nё mjediset e Kongresit Amerikan, dekoroi Grupimin pёr Çёshtjet Shqiptare nё Kongres me“Medaljen e Flamurit Kombёtar”, me motivacionin “Në shenjë mirënjohje dhe vlerësimi për inkurajimin e vazhdueshëm të reformave demokratike dhe integrimit euroatlantik të Shqipërisë, për përpjekjet efrytshme në promovimin e të drejtave, lirive dhe prosperitetit të Shqiptarëve në rajonin e Ballkanit, për mbështetjen ndaj pavarësisë dhe forcimit të shtetit të Kosovës dhe për kontributin e shquar në forcimin e lidhjeve dhe partneritetit ndërmjet Shteteve të Bashkuara dhe shteteve me popullsi shqiptare në Rajon”dhe bashkëkryetarin e kёtij Grupimi Kongresmenin Robert Aderholt me Medaljen “Gjergj Kastrioti Skënderbeu”,me motivacionin “Në shenjë vlerësimi të lartë për aktivitetin e tij të vazhdueshëm në mbështetje të reformave demokratike në Shqipëri, të zgjerimit të hapësirës demokratike për shqiptarët në rajon dhe veçanërisht për pavarësinë e Kosovës”.

Më herët, Presidenti Nishani, u prit në një takim mirëseardhjeje nga bashkëkryetari i Grupimit të Çështjeve Shqiptare në Kongresin amerikan, Kongresmeni EliotEngel. Gjatë këtij takimi u shkëmbyen mendime për zhvillimet e fundit në rajon, në Shqipëri dhe për kontributin e mëtejshëm të këtij grupimi në promovimin e demokracisë dhe integrimin evropian të Shqipërisë dhe vendet e tjera të rajonit ku jetojnë shqiptarë.

Më poshtë vijon mesazhi që Presidenti përcolli pёr tё pranishmit nё ceremoninë e dekorimit.

I nderuar Kongresmeni Engel,
I nderuar Kongresmeni Aderholt,
I nderuar Ambasador Galanxhi, 
Të nderuar miq, 
Zonja e zotërinj!   
 
Më lejoni të filloj duke shprehur kënaqësinë time të pamasë, të Odetës dhe të delegacionit që më shoqëron që, jemi në mesin tuaj dhe t`ju falënderoj për këtë atmosferë kaq të ngrohtë e vëllazërore!

Kam rastin, gjithashtu, të shpreh mirënjohjen time të thellë dhe të gjithë shqiptarëve ndaj Grupit të Çështjeve Shqiptare, për gjithçka ka bërë për Shqipërinë dhe shqiptarët në rajon dhe në Shtetet e Bashkuara të Amerikës.

Të nderuar miq,

Ajo çfarë shqiptarët kanë bërë dhe kanë arritur në zgjerimin e hapësirës së tyre demokratike, zhvillimin ekonomik dhe transformimin social, do të ishte e paimagjinueshme dy dekada e gjysmë më parë.

Dikur bunker i komunizmit, Republika e Shqipërisë ndërmori reforma rrënjësore për ndërtimin e demokracisë dhe shtetit ligjor, vendosjen e ekonomisë së tregut, respektimin e të drejtave të njeriut dhe hapjen e vendit.

Vendi, dikur, më brutal në shkeljen e të drejtave të njeriut, drejtoi, dy vite më parë Komitetin e Ministrave të Këshillit të Evropës, këtij tempulli të mbrojtjes dhe promovimit të të drejtave të njeriut.

Shqipëria tashmë anëtare e NATO-s, ka si objektiv strategjik parësor anëtarësimin në Bashkimin Evropian dhe pret, me të drejtë, bazuar në meritë, të marrë statusin e vendit kandidat në BE këtë qershor.

Të vetëdijshëm se integrimi evropian është një proces që kërkon kohën e tij, kemi motivimin qytetar,  vullnetin politik, dhe aftësitë institucionale për t`i shkuar deri në fund.

Të nderuar miq,

Realiteti dëshmon se pavarësia e Kosovës ishte zgjidhja me e drejtë për sigurinë dhe stabilitetin e saj, të rajonit dhe më gjerë.

Kosova ka nisur udhëtimin e saj evropian duke rritur nivelin e  bashkëpunimit me Komisionin Evropian për liberalizimin e vizave procesin e stabilizim-asociimit, ndërkohë që është anëtare e shumë nismave rajonale dhe më gjerë. Bisedimet Kosovë-Serbi, marrëveshjet e arritura dhe zhvillimi i zgjedhjeve lokale në të gjithë territorin e Kosovës janë zhvillime kthesë për dy vendet dhe për rajonin, në betejën demokratike për paqe.

Republika e Maqedonisë është fqinj i një rëndësie të veçantë për ne. Zbatimi i shpejtë dhe i plotë i Marrëveshjes së Ohrit është jetik për bashkëjetesën ndëretnike dhe stabilitetin e qëndrueshëm të Maqedonisë. Mbështesim fort integrimin euroatlantik të Maqedonisë. Shqiptarët duhet të luftojnë për avancimin e demokracisë dhe të drejtave të tyre vetëm në rrugë institucionale dhe me mjete demokratike.

Problemet ekonomike, kulturore, arsimore, etj, të cilat shqetësojnë shqiptarët në Luginën e Preshevës, duhet të zgjidhen në rrugë institucionale, me dialog, ndërmjet përfaqësuesve të tyre dhe qeverisë në Beograd.

Me koherencë kemi kërkuar dhe do të  kërkojmë respektimin e të drejtave të shqiptarëve në sipas standardeve më të përparuara evropiane në Mal të Zi dhe kudo ku ata jetojnë.

Zonja e zotërinj,

Gjithçka kemi arritur janë fryt i përgjegjësisë sonë Por, këto frute do të ishin të pamundura pa përkrahjen, bashkëpunimin dhe ndihmën bujare të partnerëve dhe miqve tanë zemërgjerë e të durueshëm. Grupi i Çështjeve Shqiptare është njëri prej tyre, madje nga më të rëndësishmit.

Në emër të qytetarëve shqiptarë ju falenderoj nga zemra!

Më lejoni t`ju siguroj për diçka. Duke ndihmuar shqiptarët, ju, jo vetëm keni qenë parimorë, por keni kontribuar për një Ballkan Perëndimor, të qetë e në paqe, në interes të popujve tanë, Evropës dhe Shteteve të Bashkuara!

Shqipëria është e përkushtuar në politikën e fqinjësisë së mirë dhe nxitjen e bashkëpunimit rajonal. Shqiptarët, kudo në rajon,  mbështesin konsolidimin e demokracisë dhe shtetit ligjor dhe integrimin euroatlantik të vendeve ku jetojnë. Shqiptarët do të jenë bashkë në Bashkimin Evropian.

Në gjykimin tonë, bashkëpunimi rajonal mund të bëhet konkret nëpërmjet lëvizjes së lirë të njerëzve, mallrave e kapitaleve dhe angazhimit të përbashkët në nisma e projekte, të cilat do ta bënin këtë rajon tërheqës e konkurrues, si pjesë natyrale e tregut evropian.

Në Takimin e Pestë Rajonal të Presidentëve, të zhvilluar shtatorin e shkuar në Durrës, me homologët e mi të Kosovës, Maqedonisë dhe Malit të Zi ramë dakord të mbështesim realizimin e projekteve shumë të rëndësishme si: Trans Adriatic Pipeline (TAP), Ionian Adriatic Pipeline (IAP) dhe Korridori i 8-të, të cilat do të transformojnë plotësisht infrastrukturën në Ballkan e më gjerë, me efekt edhe në gjeopolitikën rajonale.

Integrimi euroatlantik është destinacioni i përbashkët për të gjithë vendet në rajon. Realizimi i këtij synimi, kërkon paraprakisht dhe domosdoshmërisht të merremi vesh me njëri-tjetrin. Dhe ne, po e bëjmë një gjë të tillë.

Pasi kemi çrrënjosur mosbesimin, që i përket së shkuarës,  duhet të rrënjosim besimin, që i përket së ardhmes. Për këtë, përveç infrastrukturës fizike, duhet të ndërtojmë “korridoret kulturore, arsimore dhe shkencore”.

Ju faleminderit!

 

Filed Under: Kronike Tagged With: dekoron, grupimin per ceshtjet shqiptare, presidenti Nishani

  • 1
  • 2
  • Next Page »

Artikujt e fundit

  • Cikel poetik: Atdheu gjithmonë ka një strehëz…
  • ME RASTIN E 15-VJETORIT TË VIZITËS SË PRESIDENTIT GEORGE BUSH NË TIRANË – NË KUADËR TË 100-VJETORIT TË VENDOSJES SË MARRËDHËNIEVE AMERIKANO-SHQIPTARE*
  • Remarks by Ambassador Ferit Hoxha at the UN Security Council meeting on Ukraine
  • Martin Camaj nëpërmjet një letërkëmbimi
  • AT KARLO  SERREQI O.F.M.
  • Eight IRA Mistakes That Can Cost You a Fortune
  • Mbi veprën e Musine Kokalarit: “Dasmë… Sa u tunt jeta”
  • 6 MUAJ PA PATRIOTIN MEHMET MUJAJ
  • Dalip GRECA, -Ti shkrove për të gjithë…ike… dhe na le ne në borxh…
  • SHTETI PËRBALLË KRIZAVE; SHQIPËRIA NGA SHEMBJA E KOMUNIZMIT DERI TE LUFTA E KOSOVËS
  • NË VILËN E DIKTATORIT RUMUN DHE POEZIA IME PER POETIN UKRAINAS DMYTRO CHYSTIAK…
  • Celebrating 100-year anniversary of Albania – US diplomatic relations
  • “ROLI I MËRGATËS SHQIPTARE NË BOTË DHE NË MËNYRË TË VEÇANTË I MËRGATËS TONË KOMBËTARE NË SH.B.A”
  • SHQIPËRIA, LUFTA DHE KRIZA E ÇMIMEVE, SI DO NDRYSHOJNË EKUILIBRAT
  • NË BE ME STANDARDE TË PLOTËSUARA DHE JO ME RETORIKË SARKASTIKE

Kategoritë

Arkiv

Tags

albano kolonjari Albin Kurti alfons Grishaj Anton Cefa arben llalla Astrit Lulushi Aurenc Bebja Behlul Jashari Beqir Sina dalip greca Elida Buçpapaj Enver Bytyci Ermira Babamusta Eugjen Merlika Fadil Lushi Fahri Xharra Frank shkreli Fritz radovani Gezim Llojdia Hazir Mehmeti Ilir Levonja Interviste Kolec Traboini kosova Kosove Marjana Bulku Murat Gecaj nderroi jete ne Kosove Nene Tereza presidenti Nishani Rafaela Prifti Rafael Floqi Raimonda Moisiu Ramiz Lushaj reshat kripa Sadik Elshani SHBA Shefqet Kercelli shqiperia shqiptaret Sokol Paja Thaci Vatra Visar Zhiti

Log in

This website uses cookies to improve your experience. We'll assume you're ok with this, but you can opt-out if you wish. Cookie settingsACCEPT
Privacy & Cookies Policy

Privacy Overview

This website uses cookies to improve your experience while you navigate through the website. Out of these cookies, the cookies that are categorized as necessary are stored on your browser as they are essential for the working of basic functionalities of the website. We also use third-party cookies that help us analyze and understand how you use this website. These cookies will be stored in your browser only with your consent. You also have the option to opt-out of these cookies. But opting out of some of these cookies may have an effect on your browsing experience.
Necessary
Always Enabled
Necessary cookies are absolutely essential for the website to function properly. This category only includes cookies that ensures basic functionalities and security features of the website. These cookies do not store any personal information.
Non-necessary
Any cookies that may not be particularly necessary for the website to function and is used specifically to collect user personal data via analytics, ads, other embedded contents are termed as non-necessary cookies. It is mandatory to procure user consent prior to running these cookies on your website.
SAVE & ACCEPT