Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

ALEANCA KUQ E ZI PARALAJMERON AGIMIN E ARTE TE GREQISE:

by

MOS I SHTRINI METASTAZAT NAZISTE BRENDA KUFIJEVE TE SHTETIT SHQIPTAR!/

Aleanca Kuq e Zi ka paralajmëruar nazistët grekë të Agimit të Artë të mos tentojnë të shtrijnë metastazat naziste brënda kufijve politik të shtetit shqiptar, duke u bërë të qartë se në të kundërt AK do i bëjë të kujtojnë humbjen tragjike në Betejën e Lëkurzit në fillim të shekullit të kaluar, lënien e kockave të fashistëve grekë të Metaksdasë në trojet tona gjatë Luftës së Dytë Botërore dhe dështimin fatal të monarko-fashsitëve greke në Shqipërinë e Jugut në vititn 1949.
Ky ka qenë reagimi i AK përmes një deklarate për mediat një ditë pasi partia greke “Agimi i Artë” në faqen e saj zyrtare reagoi me një gjuhë të ashpër ndaj kërkesës së partisë “Aleanca Kuq e Zi” për largimin nga Shqipëria të kryepeshkopit Anastas, duke i cilësuar shqiptarët “një komb kaçakësh që kërcënojne kryepeshkopin Anastas, duke përfituar nga dobësia dhe disfatizmi i Athinës dhe bëjnë kërkesa të egra dhe të pabaza për Çamërinë”.
“Në ditët e fundit të vitit 2012 dhe në ditën e parë të vitit 2013 mediat greke i kane bërë jehonë deklaratëve të nazizstëve të Agimit të Artë të Greqisë kundër Kombit Shqiptar në përgjithësi dhe Aleancës Kuqezi në vecanti.
Nazistët grekë të Agimit të Artë e quajnë Kombin Shqiptar “komb kacak” që nuk ka “me se të mburret”; e konsideron “një komb të bërë nga Italia, nga sionistët Amerikanë dhe Perandoria Osmane”. Nazistët grekë të Agimit të Artë e quajnë “pabazë dhe të egër kërkeksën shqiptare për cështjen Came” dhe paralajmërojnë se “do hapin degët e tyre brënda kufijve politikë të shtetit shqiptar, në Himarë, Tepelernë, Gjirokastër e Sarandë”.
Përballë këtij sulmi të orkestruar politik e mediatik të nazistëve grekë kundër Kombit Shqiptar, Qeveria e Berishës hesht duke demonstruar nënshtrimin servil të saj ndaj Athinës dhe nazistëve Grekë.
Aleanca Kuq e Zi ka lindur për t’i dalë zot Kombit Shqiptar, shqiptarëve kudo në botë dhe për të mbrojtur identitetin, vlerat dhe interesat tona nga cdo forcë që i kërcënon ato. Aleanca Kuq e zi është krenare për mbështetjen që na kanë dhënë aleatët tanë historike dhe perpsektivë, Shtetet e Bashkuara të Amerikës, Italia dhe Turqia si dhe jemi të vendosur t’i kemi aleatë strategjikë përjetë.
Aleanca Kuq e Zi i bën me dije nazistëve grekë të Agimit të Artë se Kombi Shqiptar është kombi më i vjetër, më i kulturuar dhe më proevropian në Ballkan dhe nuk ka asgjë të përbashkët me Kombin e Grek të falimentuar politikisht, ekonomikisht, institucionalisht e moralisht në nivel kombëtar e ndërkombëtar. Nazistët grekë nuk mund të transferojnë dështimin e shtetit të tyre në trojet shqiptare dhe në marrëdhëniet me Shqipërinë.
Aleanca Kuq e Zi i bën me dije nazistëve grekë që si parti politike dhe aq më shumë nesër në qeverinë kuq e zi ne do e përfshijmë në agjendën tonë politiko-diplomatike kombëtare dhe ndërkombëtare zgjidhjen e cështjes e Camërisë si një cështje të drejtë dhe legjitime e Kombit Shqiptar. Turpin e këtij parlamenti që nuk po miraton rezolutëne mbi Camërinë do ta miratojë parlamenti i ardhshëm me votat kuq e zi.
Së fundi AK paralajmëron nazistët grekë të Agimit të Artë të mos tentojnë të shtrijnë metastazat naziste brënda kufijve politik të shtetit shqiptar sepse Aleanca Kuq e Zi do i bëjë të kujtojnë humbjen tragjike në Betejën e Lëkurzit në fillim të shekullit të kaluar, lënien e kockave të fashistëve grekë të Metaksdasë në trojet tona gjatë Luftës së Dytë Botërore dhe dështimin fatal të monarko-fashsitëve greke në Shqipërinë e Jugut në vititn 1949” thuhet në deklaratën e AK.
Më tej AK thekson se kjo parti është për politikë të fqinjësisë së mirë në rajon, por vetem të bazuar në marrëdhëniet e respektit të ndërsjelltë dhe në interesat reciproke.
“Nazistët grekë ta fiksojnë mirë në mëndje se në Shqipëri do i digjet toka nën këmbë dhe se teshtima e grekëve do trëmbë vetëm qeverinë e shtetasit Berisha por kurrë Kombin e popullin shqiptar” përfundon deklarata.(Kortezi Bota Sot)

Albanian executed in Bronx

by

Yesterday’s stabbing was the 417th and final recorded homicide this year, a record low for the city. It was also the second homicide of the day. Erion Mecani, 23, was fatally shot in the head and neck in the Bronx at 1:30 a.m. yesterday morning while sitting in his father’s parked Cadillac. There have been no arrests yet, and officers say they are investigating the incident and whether or not Mecani’s murder was a possible hit job.

A 23-year-old man was found shot to death execution style in the passenger seat of his father’s Cadillac, which was parked outside a Bronx industrial building, cops said yesterday.

Victim Erion Mecani — an Albania native — was on his way to meet someone when he was blasted in the head and neck and killed at 2324 Boston Road, about two miles from his Cambreleng Avenue home, sources said.

Cops found the body around 1:30 a.m. after responding to a 911 call about an unconscious man. It was not clear when he was shot.

There were no immediate arrests and investigators were also looking into the possibility that Mecani was lured to the scene and that the killing was a hit job.

Heartbroken relatives gathered at his apartment, where his parents were inconsolable. Neighbors described him as friendly and said he always had a smile on his face.

 

PRESIDENTI NISHANI E MBYLL VITIN 2012 ME DEKORIME

by

Presidenti Nishani dekoron personalitete të shquara të artit, kulturës dhe sportit shqiptar;/

 Urdheri “Nder i Kombit” per LORO BORICIN, dhe PROKOP MIMEN-pas vdekjes, “Mjeshtër i Madh” per Mihallaq Luarasin, Kolec Topalli, Rikard Ljarja, Fatos Kongoli, Justina Aliaj, Alush Shima, Visar Zhiti/

Presidenti i Republikës, Bujar Nishani, në mbyllje të vitit 2012, kur Shqipëria dhe shqiptarët kremtuan madhërishëm 100-vjetorin e shpalljes së Pavarësisë, nderoi lart veprën e shquar dhe kontributin e disa personaliteteve të artit, kulturës dhe sportit shqiptar.

Ceremonia zyrtare e rastit u organizua në kuadër të një takimi me përfaqësues të shumtë të artit, kulturës dhe sportit, ku Presidenti Nishani, në vigjilje të datës së ndërrimit të viteve, shprehu urimet më të mira e të përzemërta për të pranishmit në veprimtari, gjithashtu dhe mirënjohjen për punën dhe veprimtarinë e gjithsecilit prej tyre në shërbim të kombit, të Shqipërisë dhe të popullit shqiptar.

Në fjalën e tij përshëndetëse, Presidenti i Republikës u ndal në kontributet dhe veprimtarinë e këtyre personaliteve duke shprehur vlerësimin më të lartë, njëkohësisht dhe mirënjohjen për modelin e shkëlqyer të punës me përkushtim dhe vetmohim për ecjen përpara, për zhvillimin dhe trashëgimin e vlerave më të mira të artit, kulturës dhe sportit shqiptar.

Duke i konsideruar viganë të kombit shqiptar dhe elitën reale të kombit dhe vendit, Presidenti Nishani theksoi se arritjet dhe vepra e këtyre personaliteteve i përket të gjithë kombit.

“Ju, krahasuar me të gjithë qytetarët e tjerë të këtij vendi dhe me të gjithë shqiptarët kudo që jetojnë, keni një veçori, e cila ka të bëjë me veprën tuaj, me kontributin tuaj. Arritjet dhe vepra juaj nuk ju përkasin vetëm ju, ato i përkasin gjithë kombit, ato i përkasin gjithë shqiptarëve, por, fatmirësisht i përkasin të gjithë kohërave dhe atyre që vijnë, prandaj ato janë një pasuri e madhe kombëtare. Ndaj, unë jam shumë i privilegjuar që, në emër të të gjithë qytetarëve shqiptarë, të përcjell të gjithë ndjesitë, respektin e të gjithë shqiptarëve kudo ku jetojnë, mundësinë për t’ju thënë faleminderit! Falemnderit është një fjalë e vetme, një shprehje e sinqertë, por që mbart në vetëvete një respekt shumë të madh, që jo çdokush ka mundësinë ta thotë këtu, përballë jush, por ja që unë pata fatin në emër të të gjithë atyre që dëshirojnë t’ua thonë, t’jua përcjellin. Për këtë jam krenar”, u shpreh Presidenti Nishani.

Kreu i Shtetit duke sjellë në vëmendje vitin 2012, si vitin e 100-vjetorit të Pavarësisë, nënvizoi se vlerësimi dhe nderimi i disa përfaqësuesve të spikatur të botës së artit dhe të kulturës për kontributet e tyre në këtë përvjetor është modest krahasuar me veprën e tyre.

Në këtë kontekst, Presidenti Nishani propozoi që nderimi i njerëzve të artit, kulturës dhe sportit të kthehet në një traditë të përvitshme festive.

“Le të nisim një traditë që në çdo fundvit së bashku me urimet për festat, le të ndajmë edhe këtë vlerësim e këtë mirënjohje për përfaqësues të botës së artit e kulturës shqiptare. Besoj që është një mundësi modeste, por një mundësi reale për të shprehur vlerësimin, falenderimin, mirënjohjen dhe mbi të gjitha, për t’i rikujtuar njëri-tjetrit të gjithë shoqërisë, të gjithë aktorëve të shoqërisë, çdo qytetari se sa i rëndësishëm është kontributi i këtyre njerëzve, se sa të mëdha janë vlerat që përmes jush i transmetojmë ndër kohë, ndër vite, ndër shekuj historisë sonë. Veprat tuaja janë pjesë e kësaj historie. Bashkë me urimin dhe vlerësimin për punën dhe kontributet tuaja, më lejoni të përfitoj nga rasti që në këto ditë të pritjes së ardhjes së Vitit të Ri të uroj për secilin prej jush, në radhë të parë një jetë të gjatë, një jetë të lumtur! Të uroj për secilën nga familjet tuaja shumë gëzime, paqe dhe mbarësi! Të uroj gjithsesi sa më shumë vepra, sa më shumë kontribute!”, vlerësoi Presidenti i Republikës.

Në vijim, pas leximit të dekretit presidencial nga Sekretari i Përgjithshëm, Bardh Spahia, në një atmosferë solemne, të ngrohtë e miqësore, Kryetari i Shtetit nderoi këto figura të shquara për sportdashësit dhe spektatorët shqiptarë:

Loro Boriçi (pas vdekjes) me Urdhrin “Nder i Kombit”, me motivacionin: “Me përkushtim të rrallë, duke e konsideruar sportin si një mision jetik për t’i shërbyer Shqipërisë me talentin e tij të rrallë, ai ishte dhe mbetet ikona e futbollit shqiptar.”

Prokop Mima (pas vdekjes) me Urdhrin “Nderi i Kombit”, me motivacionin: “Njëri nga themeluesit e Teatrit Kombëtar, i cili vuri talentin, kulturën e diksionin e tij të përsosur në shërbim të artit skenik dhe të teatrit shqiptar duke simbolizuar shprehjen e një mjeshtrie interpretuese të pashoqe.”

Zotin Mihallaq Luarasi me Urdhrin “Mjeshtër i Madh”, me motivacionin: “Mjeshtrit të palodhur i teatrit, i cili nuk u tërhoq as përballë dhunës së diktaturës duke e përdorur artin skenik si tribunën prej nga duhet të ushtojnë të vërteta dhe vlera universale”.

Zotin Kolec Topalli me Urdhrin “Mjeshtër i Madh”, me motivacionin: “Në saje të vullnetit për t’i shërbyer me përkushtim studimit të gjuhës sonë, i ka çuar më tej dhe i ka ngritur edhe më lart studimet në fushën e gjuhësisë, me thjeshtësinë dhe vetëdijen e një shkencëtari të mirëfilltë.”

Zotin Rikard Ljarja me Urdhrin “Mjeshtër i Madh”, me motivacionin: “Me larminë e interpretimeve të tij të përkryera, sidomos në kinematografi, ai është shndërruar në njërin nga aktorët më të adhuruar e mbresëlënës të filmit shqiptar dhe skenave teatrore.”

Zotin Fatos Kongoli me Urdhrin “Mjeshtër i Madh”, me motivacionin: “Shkrimtarit që trajton me mjeshtri anë të ndryshme të jetës sonë shoqërore. Veprat e tij me nivel të lartë letrar, të përkthyera edhe në gjuhë të huaja, kanë pasuruar botën e krijimtarisë letrare shqiptare.”

Zonjën Justina Alia me Urdhrin “Mjeshtër i Madh”, me motivacionin: “Aktores dhe këngëtares së talentuar, e cila në saje të pasionit dhe forcës shpërthyese interpretuese shkëlqeu në skenën artistike shqiptare si një meteor i shndritshëm.”

Zotin Alush Shima me Urdhrin “Mjeshtër i Madh”, me motivacionin: “Mjeshtrit virtuoz të penelit dhe shpërthimit të ngjyrave të gjalla, i cili rindërtoi në kanavacë realitetin e tij pamor duke i shpalosur mbarë botës një Shqipëri krejt ndryshe nga ajo e realizmit socialist.”

Zotin Visar Zhiti me Urdhrin “Mjeshtër i Madh”, me motivacionin: “Poetit, prozatorit dhe publicistit, i cili me sinqeritetin e rrëfimit dhe me forcën e shprehjes artistike shquhet për dhuntinë e fjalës, duke u bërë një nga përfaqësuesit më të shquar të letërsisë shqiptare brenda dhe jashtë vendit.”

Pas marrjes së dekoratës personalitetet e nderuara shprehën mirënjohjen për Kryetarin e Shtetit shqiptar për këtë gjest, që sipas tyre është shenjë vlerësimi dhe vëmendjeje e shtetit ndaj kulturës dhe sportit shqiptar.

Nipi i Loro Boriçit, Lorenc Radovani: Faleminderit zoti President! Ndihem thellësisht i privilegjuar që ndër nipat e Loros, më takoi mua që të merrja këtë çmim. Shpresoj dhe mendoj që me figurën e tij, me punën e tij deri në vetëmohim, ai i dhuroi emocione të mëdha popullit shqiptar në një sport shumë të dashur që është futbolli dhe në një kohë shumë të vështirë që ishte regjimi i kaluar. Ndoshta ishte i vetmi argëtim. Besoj gjithashtu që, përveç kësaj, ai e ka përfaqësuar Shqipërinë edhe jashtë kufijve të saj, duke e nderuar gjithmonë e duke qenë vërtet një “Nder i Kombit”. Ju faleminderit!

Vajza e Prokop Mimës, Ajkana: Më lejoni t’ju falenderoj ju, President i Republikës, për vlerësimin që i bëhet babait dhe familjes sime. Urime të gjithëve dhe një vit të mbarë!

Mihallaq Luarasi: Faleminderit të gjithëve që keni ardhur këtu. Ju përshëndes! Ju uroj një vit të ri të mbarë!

Kolec Topalli: Më lejoni të falenderoj Presidentin e Republikës për nderin që më bën dhe besoj se ky vlerësim i punës sime 40-vjeçare do të jetë dhe një premtim për të përfunduar vepra të tjera për të mirën e kombit shqiptar. Faleminderit!

Rikard Ljarja: Falenderoj Presidentin e Republikës! Falenderoj edhe kolegët prezentë sot në këtë ceremoni dhe të gjithë kolegët, me të cilët ne kemi punuar një jetë të tërë. Ju faleminderit!

Fatos Kongoli: Falenderoj me gjithë zemër Presidentin e Republikës për këtë dekoratë të lartë që më dha në këtë vit të 100-vjetorit të Pavarësisë dhe në prag të vitit të ri! Faleminderit shumë!

Justina Alia: Kur isha e vogël merrja distinktivë, ju e dini, ka qenë koha e tyre, dhe ngjitesha me vrap për t’ia çuar nënës e babait. Sot është krejt ndryshe. Atdheu sot më ka vënë një vello mbi krye, të respektit dhe të dashurisë. Këtë titull, unë do të vrapoj si atëherë fëmijë 10- vjeçar, për t’ia çuar fëmijëve të mi. I nderuar qofshi zoti President! Ashtu siç na nderoni, Zoti ju nderoftë edhe më shumë!

Alush Shima: Falenderoj zotin President të Republikës, të gjithë të pranishmit që ndodhen në sallë për këtë nder të veçantë që më krijoi mundësinë dhe mora këtë titull. Ju faleminderit të gjithëve që jeni prezentë!

Visar Zhiti: E pranoj me kënaqësi këtë dekorim, e konsideroj si institucionalizim, mbështetje dhe lartësim të asaj që më mungonte. Duke pranuar këtë dekoratë, mendoj se kemi pranuar një Shqipëri tjetër, më të mirë, më të bukur, të lirë dhe demokratike. E ndiej veten produkt i saj. Jeta ime dhe ajo që arrij i takojnë kësaj kohe! Me mirënjohje, faleminderit dhe njëherë!

 

KOMUNITETI SHQIPTARI NE SHBA GJATE NJE VITI- NE FOKUSIN E GAZETARIT

by

Viti 2012 viti i 100 Vjetorit të Pavarësisë/ 100 VJETORI I VATRES/

NGA BEQIR SINA/
BENSONHURST BROOKLYNNY : Duke filluar qe nga ato te cilat do te mbeten pjese e historise se Shqiperise, si anetaresimi ne NATO, deri tek zhvillimet e politikes se brendshme dhe te jashtme ne Shqiperi, Kosove, Maqedoni e Mal te Zi, në Luginën e Preshevës dhe Çamëri, pavarësinë e dytë të Shqipërisë çdo gjë kulmoi në 100 vjetorin e Pavarësisë së Shqipërisë, një nga festimet më të mëdha të të gjitha kohërave, si në Prishtinë, Shkup, Tiranë dhe në New York.Këtë vitë edhe Çështja Çame mori një farë shtytje te re gjate ketij viti megjithse pati edhe disa levizje te mira te brendeshme, por për tu veçuar është komuniteti Çame në SHBA, dhe i mbijetuari i Masakrës së çamërisë , veprimtari i dalluar i kësaj çështje në Amerikë professor Sali Bollati me të gjithë çamët në SHBA . Si dhe arsyeja qe ne parlamentin shqiptare çamët tani janë me dy deputet, per here te pare qysh ne kohen e Mbreterise Shqiptare Zogut të Parë

Janar

Times Square polici Bekim Beqaj “unaza” në vitin e ri, me një puthje të gjatë në buzët e Jenny McCarthy
– 1 milion vetë ishin mbledhur në sheshin Times Square për të parë globin e kristaltë që shënon sekondat e fundit të vitit të vjetër deri në momentin e ndërrimit të viteve

Partia Lëvizja e Legalitetit, në marrëveshje me familjen Kupi, organizojë pelegrinazhin e përvjetëshëm tek varri i Abaz Kupit – Me rastin e 100 vjetorit të pavarsisë së Shqipërisë, Abaz Kupi, të varroset në vendlindjen e tij, në Krujë!

Nju Jork, në moshën 30 vjeçare, vdiq Fatos Osmani, djali i vetëm i veprimtarit të çështjes kombëtare në SHBA, Osman Osmani – Presidenti Bill Clinton mori pjesë në funeralin e tij ndërsa Kryeministri i Shqipërisë Dr. Sali Berisha telefonoi familjen Osmani t’i shpreh ngushëllimet, personalitete nga Kosova, Shqipëria dhe komuniteti shprehën ngushëllimet e tyre familjes Osmani

Intervistë të posaçme për gazetën kombëtare Bota Sot, nga New Yorku,me Ismer Mjekun botuesin e Albanian Yellow Pages – Faqet e Verdha Shqiptare- (numëratori telefonik)

Shkurt

Uashingtoni, asitencë Tiranës në projektet e zhvillimit, punësimit dhe ndërtimin e tramit – Kryetari i Bashkisë së Tiranës z Lulzim Basha zhvilloi një takim me kryetarin e Bashkisë së Uashingtonit z. Vincent Gray

Tahiri lobon në SHBA për çështjen çame

U shfaq në New York, filmi dokumentar burgu i braktisur “Goli Otok” i rexhizores nga Kosova Mrika Krasniqi

Këshilli i Sigurimit të Kombeve të Bashkuara sot diskutoi për Kosovën – Hoxhaj: Të shpërbëhen strukturat jolegale dhe paralele serbe në Kosovë

Intervistë eksluzive për gazetën Bota Sot me Lola Luma shkodrania që ka gjetur në New York famën e saj si modele, aktore, por edhe si show girl në Nju Jork

17 Shkurt 2008 festime madheshtore nga shqiptaret e Amerikes ne New York. 17 Shkurti 2008 viti qe i realizoi Kosovës aspiratën për të cilën breza të tërë luftëtarësh e veprimtarësh u përpoqën me sakrifica e mundime të gjata. Në këtë përvjetor, shqiptaret e Amerikes u përulen me respekt para të gjithë atyre që bënë sakrificën sublime për lirinë, demokracinë dhe pavarësinë e atdheut të tyre të shtrenjtë.

Mars

Vizita jone nga Nju Jorku në Mitrovicën: një qytet i ndarë…….!Mitrovica, e ndarë duket dhe e pa shpresë, ajo është një simbol i pas-luftës në Kosovë…..

Bota Sot » Engel i kërkon Clintonit sqarime shtesë për Kosovën

Nje i ri, shqiptare, ne Nju Jork, nise gare per Keshillin Bashkiak te Qytetit – Ken Ceni Biberaj Nen/President dhe Zedhenesi i Grup Financimit RTR, Inc.

Presidentja Jahjaga vuri kurora lulesh te varri i Fan Nolit – zonja Atifete Jahjaga, në kuadër të vizitës në SHBA, vuri kurora lulesh te varri i atdhetarit, publicistit dhe shkrimtarit shqiptar, Fan Stilian Noli, në varrezat në Boston.

– Liga qytetare shqiptaro-amerikane ka lëshuar sot një deklaratë, ku i bën thirrje lidershipit politik shqiptar të Kosovës që të kundërshtojë heqjen e “Republikës” nga emri i Kosovës në takimet rajonale dhe çdo referencë të Rezolutës 1244.

Intervistë me regjizorin Amerikan Joshua Marston dhe bashkë-Skenaristin dhe Producentin Shqiptar të filmit “Falja e gjakut”, Andamion Murataj

U shfaq në New York, filmi dokumentar “Spaçi – Simboli i Qendresës Antikomuniste – Ish i burgosuri politik Pëllumb Lamaj thotë se politikanët e sotëm në Shqipëri, ende nuk i kanë dënuar krimet e komunizmit

Bota Sot shkruan librit “Një jetë mes Kosovës dhe Amerikës” e Hajdar Bajraktarit ….

Prill

Nju Jork, perkujtohet 133 vjetori i lindjes se Mit’hat Frasherit – Lamaj: “Eshtrat e ketij njeriu te madh – Mit’hat Frasherit, duhet te prehen ne Atdhe”
“Në kampin e Tepelenës komunistët lanë të vdisnin nga uria 300 fëmijë, fshatarët u gjuanin me gurë të internuarve” – Agim Musta rrëfen për kampet e internimit dhe sajimin e bandave diversante në diktaturë
24 Marsi 1999 – Dita e Lirisë së Kosovës;shënohet edhe në SHBA dhe Kanada nga shqiptarët

Kryeministri i Republikës së Kosovës, Hashim Thaqi, u takua me bashkatdhetarët në New York me këtë rast vlerësoi lart rolin e komunitetit shqiptaro-amerikan në lidhjet e shkëlqyera me SHBA, dhe falemnderoi ata për kontributin e tyre, në pavarësinë e Kosovës

Mark Gjonaj zyrtarisht shpallë kandidaturën për në Asamblenë e Shtetit të New Yorkut

Princi Leka, mbrriti në vizitë zyrtare në SHBA – Pritje madhështore në New York, për Princin Leka dhe zonjushen Elia Zaharia, e fejuara e Princit Leka

NJU JORK : Federata PanShqiptare e Amerikës VATRA shënoi 100 vjetorin – Ditëlindjen e saj!1 mijë shqiptarë të ardhur nga të gjitha anët e Amerikës, Kanadasë, dhe mbarë trojeve shqiptare, Shqipëria Etnike ishte mbrëmë në 100 vjetorin e krijimit të Vatrës

Maj

Lartesia e Tij Mbreterore Princi Leka II me Zonjushen e nderuar, Elia Zaharia dhane nje koktejl duke trasheguar traditen e vjeter te familjeve Mbreterore, nga e gjithe bota, kur vizitojne New Yorkun

Promovohet në New York, kompleti i veprës së plotë(1- 8 volume) të Imam Vehbi Ismailit

Studentët shqiptarë nga kolegjet John Jay College dhe Fordham College nisën fushatën “Studentët për Ken2013″

SHBA: Virginia ne qytetin e Norfolk, nga data 24 deri 29 prill 2012 u zhvillua Festivali Artistik i Orkestrave Frymoreve dhe formacioneve te ndryshme te Ansambleve te Kengeve e Valleve -Orkestra Frymore e Forcave te Armatosura te Shqiperise dhe Ansambli Shterore i Kengeve dhe Valleve Popullore shpalosi vlerat me te vyera kombetare

Zonja Liri Berisha takim me Zonjën e Parë, Michelle Obama në Samtin e 25-të, të NATO-s

Qershor

U prezantua në New York libri ;” KOSOVO Path to Freedom – KOSOVA: Rruga e Lirisë ” i autorit Sergio Bitiçi

Në Washington u zhvillua ceremonia e përkujtimit të Viktimave të Komunizmit: Një kurorë me lule të freskëta – në emër të të gjitha viktimave të komunizmit në Shqipëri, vendosën në këtë ceremoni, edhe Ambasada e R.Shqipërisë si dhe Organizata “Shtëpia e Lirisë Shqiptaro – Amerkiane”, me qendër në Washington dhe delegacioni i udhëhequr nga LQSHA, presidenti Joe DioGuardi dhe bashkëshortia e tij Shirly Clojes – DioGuardi

New York : U mbajte ore komemorative ne kujtim te Dino Asanaj

18 qershor, 2012, 183 lojtarë kanë marrë pjesë në Turneun Vjetor të Golfit, i cili është i katërti në radhë dedikuar ndihmave që po vazhdojnë të japin shqiptarët e Amerikës, për ndërtimin e Katedrales Nëna Terese në Prishtinë. Ky turne u zhvillua nën kujdesin e një grupi kordinator : Anton Raja (kryetar i bordit) Elmi Berisha (nën kryetar) Leon Gjoni, Martin, Pjetri, Louis Gjelaj, Michael Torrelli, Ismer Mjeku, Frank Fogliano, Simon Qafa, Mark Tushaj, dhe Palok Rudaj.

U zhvillua ne New York, pikniku i madh Shqiptare Dita e Trashegimise Me shume se kater mije shqiptare te Amerikes, nen organizmin e Qendres Nene Tereza prane Kishes Shqiptare Zojes se Shkodres, pasurojne edhe me shume jeten argetuese, kluturore, artistike dhe sportive
Parada e shqiptarëve në Manhattan e organizuar nga Shoqata “Rrënjët Shqiptare”, Marko Kepi, Ervin Toro dhe Dorian Nasto ndezi atmosferën në pragë të 100 vjetorit në të 5 Avenue – Motoja “Çamëria është Shqipëri!”

Korrik

4 Korriku 236 Vjetori i Pavarësisë së Shteteve të Bashkuara u festua në të gjitha vendbanimet shqiptare

Karolina e Veriut: Bashkatdhetarët tanë festojnë 90-vjetorin e lidhjeve miqësore SHBA – Shqipëri

Krijohet dega e Federatës PanShqiptare të Amerikës VATRA, për Qarkun e Hudson Valley, e cila përfshin zonën e eperme të New Yorkut, dhe do të udhëhiqet nga z Elmi Berisha, ish përfaqësues i Presidentit të Kosovës dr. Ibrahim Rugova, në ish Zyrën e ambasadorit të nderit të Kosovës në Amerikë, Bob Dole, veprimtarë i dalluar i komunitetit për dekada.

Këshilli Kombëtar Shqiptaro Amerikan dhe Instituti Nacional Demokratik, ftojnë përzemërsisht në një panel – diskutim në Uashington me temën : “Kontributet e grave në Ndërtimin e Shtetit në Kosovë”

Gusht

Interviste me anetarin e Kongresit Amerikan, Eliot Engel : “Heqja e immunitetit , hapi pozitivë për Shqipërinë, në BE ”

Intervista : Zef Balaj: 100 vjetori i Vatrës, një burim krenarije që e vë në mendime të gjithë diasporës

Besimtarët shqiptarë myslimanë në Amerikë festuan Fitër Bajramin

Southfield Michigan :Me rastin e 100-vjetorit të Pavarësisë së Shqipërisë në Miçigan – SHBA, u organizua një aktivitet masivë kushtuar kësaj ngjarje të rëndësishme kombëtare, nga Kisha Katolike Shqiptare Zoja Pajtore me famullitarin e saj Dom Nue Gjergji e cila me këtë rast mbajtri edhe një Turne Futbolli për moshat 9-12 vjeçaredhe Festivalin e Kishës

Shtator

Mark Gjonaj – në ndihmë të moshuarve dhe fëmijëve !

New York : në kuadrin e aktiviteteve me rastin e 100 vjetorit të pavarësisë së Shqipërisë, në organizimin e Shoqatës së Shkrimtarëve Shqiptaro- Amerikanë”, “Televizioni Kultura Shqiptare” dhe “Gjonlekaj Publishing Company, mbajtën një orë përkujtimore, kushtuar poetin tonë të madh, Ali Podrimja.

Në kujdesin e shoqatës Vatra në New York, u promovuan dy libra të Professor Nusret Pllana : Mbas New Yorkut, librat e professor Pllanës, “NATO intervention in Kosovo” dhe libri “Terrori i Serbisë pushtuese mbi shqiptarët 1844-1999” në “dyert” e Biblotekës së Kongresit Amerikan

Ish kongresmeni me orgjine shqiptare Joe DioGuardi uroje i pari per fitoren Gjonajn

Press Konferenca – Shqiptaro-Amerikanët për Obama-Biden

Konferenca Kombetare per Shtetesine shpalli emerimin e zotit Ilir Zherka si Drejtor Ekzekutiv

NEW YORK : Këshillit Kombëtar Shqiptaro-Amerikan mbajti darkën vjetore kushtuar 100-vjetorit të pavarësisë së Shqipërisë

SHBA: Statuja e Nëna Terezes në mesin e 80 personaliteteve më të shquara nga e gjithë bota në Kopshtin Kulturor në Rockefeller Park – Presidenti Nishani përuron shtatoren e “Nënë Terezës” në Cleveland

Tetor

Hapet Zyra e aplikimit të Pasaportës Biometrike Shqiptare, në New York – Presidenti i Shqipërisë zoti Bujar Nishani dhe zoti Dritan Mishto preu shirtin e Zyrës së aplikimit të Pasaportës Biometrike në New York, e cila ndodhet në mjediset e Konsullatës së Përgjithshme në qytetin e New Yorkut

NJU JORK : U zhvillua “Konferenca ; Harta e Leadershipit Ballkanik”. me temën “Gratë në Formësimin e Shoqërisë” . Bashkëshortja e Kryeministrit Berisha, zonja Liri Berisha u nderua me çmimin prestigjioz “FEBA 2012”

Këshilli Kombëtar Shqiptaro-Amerikan /KKSHA/, mbajti darkën vjetore dhe mbas saj lëshoi dekleratë falmnderimi për Darkën e 16-vjetore të Çmimeve në Nju Jork – KKSHA: “Thank You ! – Ju Faleminderit!”

Një delegacion nga Bashkia Kamëz, vizitoi shtëpinë e Vatrës në New York – Vatra, tani është ajo shoqatë shqiptare në diasporë që i mban të hapura dyert e saj, – për të gjithë shqiptarët

JAPONI: Shqiptarët hapin biznesin e tyre, në qendër të Tokios. Famous Famiglia Pizza, e vëllezërve Kolaj nga Kosova, një nga bizneset më të mëdha në botë të industirsë kulinare këto ditë ka bërë hapjen e njësisë së saj të parë në Japoni në Stacionin historikë të Trenit dhe të restauruar bukur në qendër të Tokios

New York : Mblidhen fonde për Katedralen Nëna Terezë në Prishtinë: Dom Pjetër Popaj : “Mbledheja e këtyre ndihmave për Katedralen Nëna Terezë në Prishtinë është drejtimi i njerëzve kah Zoti, në forcimin e besimit, paqes dhe bashkëjetes fetare, mbasi edhe Katedralja Nena Tereze; është ngritur të jetë në shërbim të paqes dhe bashkimit mes shqiptareve ”

LQSHA – dhe DioGuardi në fushatë për kandidatët republikan e demokratë për zgjedhjet e 6 nëntorit

Albanian Culture kremtoi ditëlindjen e 15-të

Ambasadori i Kosovës Bekim Sejdiu dhuroi Abetare, dhe libra për shkollat shqip në Amerikë

Nentor

SHBA zgjedhjet 2012 : I pari shqiptar ne historine e emigracionit qe zgjidhet ne nje post kaq te lart shteteror ne SHBA – Mark Gjonaj eshte dhurata me e bukur ne 100 vjetorin e pavaresise qe shqiptaret e Amerikes i bejne kombit tone ne festimet e ketij 100 vjetori – U desh te kalonte nje shekull qe mbas Joseph DioGuardit me gjak shqiptari te dilte nje bir shqiptari nga Reci i Ulqinit te ngjitej ne nje post kaq te lart. Mbas 100 vjetesh shqiptaret e Amerikes nxjerrin nje shqiptar ne krye te Shtetit te New Yorkut qe ti perfaqesoje ata dhe te jete zeri i tyre ne kete shtet

– Mundësit Shqiptarë valëvitën flamurin kuq e zi – Ergys Mirukaj i peshës 84 kg u rendit i treti duke marrë medaljen e bronxit

Nju Jork: U zhvillua Festivali i XXII-të i Këngës e Valles Shqiptare në Amerikë – Shpaloset flamuri kuq e zi më i madh në Amerikë. Kurora e Festivalit Shqiptar 28 nëntori 1912 – përvjetori i 100- të, i Shqipërisë së Pavarur
Universiteti “William Paterson” – New Jersey, veprimtari për 100 vjetorin e Pavarësisë së Shqipërisë” Nata e Kulturës Shqiptare”

Premiera e dokumentarit, për promovimin e bukurisë natyrore të Shqipërisë, në New York, perla e bregdetit Jone

Në qytetin Waterbury -(Uareberi) të Connecticut, u bë ngritja e falmurit kuq e zi – në shtizën e Bashkisë së Qyetit. Në ndërkohë që një shqiptari të vjetër të këtij komuniteti në shenjë nderi iu bë ” Majori Dite i Qytetit – “Mayor of the Day” i Waterburyt

New York : Mijëra shqiptarë “vërshuan” si lumë në New York me rastin e 100-vjetorit të pavarësisë së Shqipërisë

Shtatë ditë valvitet në mes të Nju Jorkut flamuri kuq e zi me rastin e 100 vjetorit të pavarësisë

Përfaqësitë e Shqipërisë në Nju Jork dhanë një pritje me rastin e 100-vjetorit të Pavarësisë

Kisha Katolike Shqiptare Zoja e Shkodres ne Nju Jork, Meshe dhe ngriti Flamurin me rastin e 100 vjetorit te pavaresise

Dhjetor

Këshilli Bashkisë së Nju Jorkut, mbajti ceremoni për 100 Vjetorin e Pavarësisë së Shqipërisë “Formohet” Shqipëria Etnike në Këshillin e Bashkisë së New Yorkut: ceremoni në 100 vjetorin e pavarësisë: nderohen me Proklamatën e Bashkisë së New Yorkut, disa përfaqësues të komunitetit shqiptarë, të cilët në mënyrë simbolike përfaqësonin Shqipërinë, Kosovën dhe të gjitha trevat shqiptare. Nderohet, edhe i biri i konsullit të parë shqiptarë në Nju Jork

Super Tony ! kampioni i botës që do Bashkimin Kombëtarë në intervistë ekskluzive me Bota sot mbas fitimit të Kupës së Botës me gazetën tonë

Harry Bajraktari mesazh familjes së Azem Hajdarit me rastin e përurimit të përmendores së heroit të demokracisë,

Reshat Mati – “Ariu Shqiptarë”, 13 vjeçari që po çuditë Amerikën

OKB: Shoqata „Çamëria“ në Shtetet e Bashkuara bashkoi Shqiptarët e Amerikës të përkujtojë genocidin ndaj shqiptarëve të Çamërisë para OKB-ës

Kisha Katolike Shqiptare Zoja e Shkodres ne Nju Jork, mblodhi mijëra besmitarë për të festuar Krishtëlindjet

SHBA: Martin Shkreli, një 29-vjeçarë shqiptaro amerikan anëtarë i revistës Forbes “30 under 30” në Financë

 

Shqipëri, Medalja e Mirënjohjes për autorë të veprave studimore dhe artistike

by

Presidenti Nishani nderoi autorë librash e botimesh historike si dhe artistë, mes të cilëve edhe gazetarin e Zërit të Amerikës, Ilir Ikonomi/

Në Shqipëri presidenti Bujar Nishani nderoi me 27 Dhjetor me Medaljen e mirënjohjes autorë të veprave studimore dhe artistike kushtuar 100- vjetorit të pavarësisë.
Presidenti Nishani nderoi autorë librash e botimesh historike, si dhe artistë të cilët kanë realizuar disa vepra me rastin e përvjetorit të pavarësisë së vendit, mes të cilëve edhe gazetarin e Zërit të Amerikës Ilir Ikonomi për librin e tij kushtuar udhëtimit të Ismail Qemalit drejt Vlorës.
Kreu i shtetit deklaroi se me veprat e tyre këta autorë “hapën një rrugë dhe nxitën në radhë të parë studiuesit, krijuesit, artistët, historianët të fillojnë të mendojnë më shumë për historinë e Shqipërisë, për të evidentuar më shumë vlerat e kësaj historie si dhe për t’u ofruar një informacion real, transparent, qytetarëve shqiptarë, shqiptarëve kudo që ndodhen, por edhe miqve të Shqipërisë dhe të shqiptarëve mbi historinë e këtij vendi dhe kombi”, u shpreh kreu i shtetit në ceremoninë e dhënies së Medalieve të Mirënjohjes.(Kortezi: Zeri i Amerikes)