Mergata – Page 90 – Dielli

A DO TË VIJË PRESIDENTI SHQIPTAR TË TAKOJË ARVANITËT?

April 9, 2015 by dgreca

Thedhor Pangallos, personalitet i lartë i shtetit grek deklaronte:
Nuk jam historian që të sjell një mendim të bazuar historik, por jam Arvanitas dhe di historinë e familjes time ashtu siç e dinë edhe shumë arvanitas të Athinës./
Ne Foto:Nga vizita e presidentit Nishani ne Kalbari, 8 prill 2015/
Opinion nga Abdurrahim Ashiku-Athine/
Do të desha që Presidenti i Republikës së Shqipërisë të vinte një ditë në Greqi me një “kërkesë për vizë” nga Ambasadori i Republikës së Greqisë në Shqipëri z. Rokanas ku të shënojë fjalët e tij…
“Të gjithë në Greqi njohim arvanitët dhe gjuhën e tyre, që është gjuha e folur prej fiseve shqiptare në Greqi, një dialekt i gjuhës shqipe. Një gjuhë që flitet shumë në vendin tim, madje shumë i flasin të dy gjuhët. Disa prej tyre e përdorin edhe sot këtë gjuhë…”

Presidenti i Republikës së Shqipërisë z. Nishani u pa dje në dritaret e ekraneve të vegjël vendorë e satelitorë, midis Arbëreshëve të Italisë, në gëzimin dhe krenarinë e ligjshme të pritjes së një Presidenti dhe vlerësimin e disa personaliteteve të larta arbëreshe me dekorata të larta.
Diaspora shqiptare, shpërndarë në shekuj si farat që i merr era, ka nevojë për dorën dhe fjalën e ngrohtë që vjen nga rrënjët e hershme të saj, nga vendi mëmë, gjyshe, stërgjyshe…nga mesazhet njerëzore që e lidhin më shumë me rrënjët e të parëve.
Falë hapësirës historike që Italia u ka krijuar arbëreshëve në mbajtjen gjallë, madje edhe në kultivimin e gjuhës, zakoneve, këngëve, valleve, hapjes së shkollave, studimit të gjuhës shqipe deri në shkallë universitetesh, rrënjët e diasporës shqiptare në Itali kanë gjetur tokë pjellore e vazhdojnë të nxjerrin filiza, të rriten e të japin fryte.
Me radhët e mësipërme nuk kam ndërmend tu hyjë në pjesë studiuesve të çështjes arbëreshe, por në krahë hapje me ta, dua të ndalem paksa në një degëzim paraardhësish të tyre, degëzim që nis me vargjet e një kënge masivisht të njohur…
Moj e bukura More
Ku të lamë e ku më je?…
Fjala është për Arvanitët, për “harresën” zyrtare shtetërore që u është bërë dhe u bëhet tash e më shumë se treçerek shekulli shteti të formuar shqiptar, për harresën dje, por veçanërisht për HARRESËN sot.
Arvanitët, një popullsi që flet shqip, që ka zakone, këngë, valle, kostume shqiptare, që ka mall e dashuri për të parët e vet, që ka dhënë një ndihmesë të jashtëzakonshme në Revolucionin Grek 1821-1828 për Pavarësinë e Greqisë nga Perandoria Otomane, që i kanë dhënë Greqisë personalitete të larta të politikës, shkencës, kulturës, artit deri në nivelet më të larta të shtetit…janë të pranuar zyrtarisht se janë me origjinë shqiptare.
Ambasadori Grek në Republikën e Shqipërisë Leonidha Rokanas i pranishëm në Konferencën Ndërkombëtare të Studimeve Shqiptaro-Greke, ka folur për fenomenin Arvanitas, një fenomen që, sipas tij, nuk tregon vetëm që të dy popujt tanë mund të bashkekzistojnë, por edhe që mund të bëhen një, të pandashëm nga njëri-tjetri. Ai deklaroi:
“Në historinë tonë të përbashkët kemi një fenomen që njihet si ai i arvanitasve. Të gjithë në Greqi njohim arvanitët dhe gjuhën e tyre, që është gjuha e folur prej fiseve shqiptare në Greqi, një dialekt i gjuhës shqipe. Një gjuhë që flitet shumë në vendin tim, madje shumë i flasin të dy gjuhët. Disa prej tyre e përdorin edhe sot këtë gjuhë. Fenomeni arvanitas nuk tregon vetëm që të dy popujt tanë mund të bashkekzistojnë, por edhe që mund të bëhen një, të pandashëm nga njëri-tjetri”.
Thedhor Pangallos, personalitet i lartë i shtetit grek deklaronte:
Nuk jam historian që të sjell një mendim të bazuar historik, por jam Arvanitas dhe di historinë e familjes time ashtu siç e dinë edhe shumë arvanitas të Athinës. Le të mos harrojnë lexuesit se në kundërshtim me Athinën, periferia e Athinës zotërohej deri vonë dhe në shumë raste vazhdon të zotërohet nga fshatra që rrënjët e tyre shkojnë shumë mbrapa dhe thellë atje ku vetë familjet njihen mirë mes tyre.
Nga ana e babait tim Janaq Meleti (Haxhimeletis) kishte nderin të gjendej në krah të Karaiskaqit si nënkomandant i tij. Për çdo njeri që merr mundin të pyesë do të mësojë shumë histori nga të gjitha fshatrat arvanitase për kapedanët vendorë dhe trimat që luftuan për lirinë e atdheut të tyre
Arbërishtja ishte gjuha që fliste Kundurioti, Kryeministër i Greqisë, Bubulina, Boçari, Suliotët dhe shumë të tjerë. Ishte gjuha që kuptonte dhe dinte Karaiskaqi, Andruçoja e shumë të tjerë luftëtarë të revolucionit për pavarësi.
Në fushatën e Azisë së Vogël në vitet 1919-1922 arvanitasit nga Liosia luftonin me bajrakun e tyre. Nuk bënë as një hap mbrapa dhe ranë deri në të fundit. Vetëm kur të kuptojmë këtë do të kuptojmë edhe atë shikimin e arvanitasve të Athinës që përshkruan Tito Athanasiadhi në “Fëmijët e Njovit”. Katalogu i heronjve arvanitas të vrarë në 1922 është më i madh se të vrarët e të gjitha fshatrave të Greqisë së mara së bashku.
Sigurisht që arvanitasit nuk kanë prezencë të rëndësishme vetëm në librin e madh të të vrarëve të nderuar të kombit grek. Ata kanë prezencë të rëndësishme në botën e letrave, në shkencë dhe në institucionet e shtetit të ri veçanërisht duke marrë detyra shumë të larta ushtarake por edhe poste politike…”
Mund të citoj shumë, madje mund t’ju sjell edhe arvanitas të gjallë në bisedat që kam bërë me ta në zonën e Thivas dhe në zona të tjera të Greqisë.
Mund t’ju sjell edhe lotin mbi rrudhat e një arvanitasi që kur e takova për herë të parë më tha “Jam njëqind pa tre vjet” dhe kur e takova për herë të fundit më tha: “Jam njëqind edhe katër vjet”, momentin kur i dhashë një libër me intervistën e parë me Të, çastin kur me sy të përqendruar mbi shkrimin dhe fotografinë e tij me duar që i dridheshin më tha: “Po unë nuku di të lexoj!”.
Arvanitasit mund të them se janë në skaj të kujdesit dhe harresës së shtetit shqiptar, dje, por veçanërisht sot kur falë pranisë së mërgimtarëve nga Shqipëria është zgjuar si asnjëherë “Kushtrimi i të parëve”, dëshira për të foleë shqip, madje edhe dëshira për ta shkruar shqipen e tyre që ka kaluar gojë më gojë e i ka rezistuar si në asnjë vend tjetër asimilimit.
Kam pas fatin të njihem me arvanitas të mëdhenj si Aristidh Kola që “edhe në gojë të ujkut” u ngrit kundër serbëve të Millosheviçit, në përkrahje dhe në debate të mëdha televizive për mbështetjen e kosovarëve në betejën e tyre finale për Kosovën e Pavarur. Kam njohur, madje kam në bibliotekën time, libra të Tito Johallas ndër të tjerë një libër për Skënderbeun dhe një vepër voluminoze për arvanitasit e ishullit të Androsit, në analizë të fjalës së shqipes të banorëve të ishullit, një ndër ishujt e mëdhenj të Greqisë ku arvanitasit ishin shumicë.
Për arvanitasit janë shkruar (dhe vazhdojnë të shkruhen) shumë libra jo thjesht publicistikë e folklorikë por shkencorë, historikë, albanologjikë, biografikë.
Kësaj pasurie të mbledhur me përkushtim dhe kujdes profesional, në kushte aspak të favorshme, deri në kushte ilegaliteti, shteti dhe politika shqiptare i ka qëndruar dhe vazhdon t’i qëndrojë larg, në pozicionin pa sy për ta shikuar dhe pa veshë për ta dëgjuar.
Për disa muaj do të mbush nëntëmbëdhjetë vjet mërgimtar në Greqi. Në kujtesën time të fortë për shkak të profesionit të gazetarit që e kultivoj edhe këtu prej kaq kohe, nuk kam parë, nuk kam dëgjuar që ndonjë personalitet i lartë i shtetit shqiptar të ketë shkuar në ndonjë takim me arvanitas, në stere apo në ishuj.
Kam një koleksion CD me këngë arvanitase, këngë me tekste të Aristidh Kolës dhe me muzikë të Moraitit, këngë që i dëgjoj me dëshirë dhe më japin informacion e mall për jetën e gjallë që përshkruhet në to. Këto këngë janë kënduar dhe këndohen me raste anë e kënd Greqisë, veçanërisht në trevat arvanite por, keq më vjen, nuk i kam parë apo dëgjuar në skenat e festivaleve shqiptare e në veçanti në Festivalin Kombëtar të Gjirokastrës.
Presidenti ynë i nderuar, simbol i bashkimit të popullit shqiptar, ishte midis arbëreshëve të Italisë. Bisedoi me ta, këndoi e vallëzoi me ta, vlerësoi disa nga personalitetet e larta arbëreshe për ndihmesën që ata kanë dhënë dhe japin për rrënjët shekullore të tyre.
Presidenti ynë u mërzit, madje doli në një ankesë të pashembullt publike se dikush, diku, në shtetin e tij, i ka fshehur ftesën e ardhur nga Komuniteti Arbëresh në Itali.
Do të desha që Presidenti i Republikës së Shqipërisë të vinte një ditë në Greqi me një “kërkesë për vizë” nga Ambasadori i Republikës së Greqisë në Shqipëri z. Rokanas ku të shënojë fjalët e tij…
“Të gjithë në Greqi njohim arvanitët dhe gjuhën e tyre, që është gjuha e folur prej fiseve shqiptare në Greqi, një dialekt i gjuhës shqipe. Një gjuhë që flitet shumë në vendin tim, madje shumë i flasin të dy gjuhët. Disa prej tyre e përdorin edhe sot këtë gjuhë…”
Dhe mos harrojë: Mes arvanitasve ka kaq personalitete të larta historike, shkencore, njerëzore, sa një valixhe diplomatike nuk i nxë dekoratat “Nder i Kombit”…
Këtë kërkesë për “vizë” duhet ta bëjë edhe Kryetari i Kuvendit, edhe Kryeministri, edhe ministrat…
“Fenomeni arvanitas nuk tregon vetëm që të dy popujt tanë mund të bashkekzistojnë, por edhe që mund të bëhen një, të pandashëm nga njëri-tjetri”.
Mos u qëndroni larg arvanitasve! Ata sot kanë nevojë më shumë se kurrë për kujdesin e shtetit Amë, për mbijetesë…
Athinë, 9 prill 2015

Romanin “ Puthje e Pamundur” mund ta porositni ne Amazon

April 3, 2015 by dgreca

Botimet ne Diaspore/
Romani “ Puthje e Pamundur” Kronikë,e pranveres 97 i shkrimtarit Kristaq Turtullit është një kronikë artistike e ngjarjeve të jashtëzakonshme të vitit 1997 në vendin tonë. Brenda një caku të shkurtër kohor shkrimtari ka mundur të japë dimensionet reale të kësaj pranvere të hidhur, ku vëzhgimi depërton në realitetin e ngjarjeve duke gjetur te ky realitet një lloj absurdi tragjik. Shkrimtari e jeton këtë realitet, ka vëzhgime të holla dhe ka përpunuar emocionet negative që përftohen prej tij. Ai gjen ato fakte, ato probleme e ngjarje që i japin atij mundësi për t’i kthyer në të vërteta artistike, me vlera estetike.
Pas një ripunimi të veprës së botuar në vitin 2003: ‘Çësht jeta e një njeriu’ Shkrimtari Kristaq Turtulliiu iu kthye edhe njëherë këtij libri me vlera të veçanta për ti a paraqitur lexuesit të gjërë.Personazhet e romanit kanë individualitetin e tyre shpirtëror si dhe karakterin përgjithësues, pas tyre mund të qëndrojë çdo njeri tjetër, që ka ato emocione, ato brenga etj. Personazhet janë dhënë në një periudhë të shkurtër kohe, kështu që ata nuk e ndryshojnë dot as rrjedhën e ngjarjeve, as edhe veten e tyre. Ata shfaqin kuptimin që kanë për jetën, hamendësojnë, fajësojnë, thonë një të vërtetë dhe japin një mesazh. Janë, pra, në jetën dhe fatin e tyre.
Shkrimtari Kristaq Turtulli depërton me një mjeshtëri në botën shpirtërore të personazheve, me një realizëm dhe surealizëm tronditës na paraqet realen dhe jorealen, fantastikën dhe tragjiken. Lutjen për identitet dhe mohimin. Krizën e shoqërisë dhe farsën e saj.
Edhe pse ngjarja dhe personazhet janë dhënë në një periudhë të shkurtër kohore, përsëri këto personazhe të kushtëzuar nga ngjarjet e mëdha e tronditëse, nga elementë origjinalë që e mbajnë lexuesin peshë dhe shtjellimi i mëtejshëm është shumë intrigues e të mban ngrehur deri në fjalët e fundit të veprës. Kompozicioni i romanit i ngjeshur, konciz me mjete të fuqishme figurative, me metafora dhe krahasime të goditura, me monologë e dialogë funksionale gjë që e bëjnë romanin edhe më tërheqës dhe intrigues.
Romani është kompozuar me ato linja e detaje që mundësojnë shprehjen e ideve, s’ka mbingarkesë në linja të tepërta e në pasazhe jofunksionale.
Romani “ Puthje e Pamundur” Kronikë,e pranveres 97 ” është një roman realist ku realja gërshetohet dhe me irealen.
Redaktori i romanit
Muharrem Xhaxho, kritik letrar.

Me shqiptaret në Osnabrück të Gjermanisë

March 12, 2015 by dgreca

Nga Asllan Dibrani/
Festa e 8 marsi është dita që të gjitha gratë e botës i presin dhuratat nga të dashurit e tyre nga bashkëshortët, fëmijët e tyre si shenjë mirënjohjeje të përkushtimit duke shprehur dashurinë dhe respektin ndaj tyre.
-Dita Ndërkombëtare e Gruas 8 Marsi u festuar ne gjithë botën me qellim, të kujtimit të revolucionit mbi te drejtat e veta për barazi, paqë, drejtësi dhe ndërtim e saj që të jetë e barabartë në shoqëri përkrah burrave . Organizime të tilla u mbajtën në Shqipëri , Kosovë dhe trojet tjera, po edhe në Diasporën shqiptare.
Një tubim i ngjashëm u mbajt edhe ne Osnabrück të Gjermanisë me një manifestim madhështore kushtuar 8 Marsit festës së gruas shqiptare që gravitojnë në këto anë.
-Në një atmosferë impozante mjaft familjare , ishte një organizim mbresëlënës .
Organizatorja kryesore ishte Mehreme Aliaj apo siç e quajnë (Meri) e lindur në fshatin Mushtisht ,që njihet si një veprimtare dhe aktiviste e zellshme .Ajo ishte edhe si themeluese e kësaj shoqate .Pos si kryetare e shoqatës, ajo ka edhe obligimet ndaj firmës së vet që posedon një firmë të pastrimit kimik për tekstil , të quajtur “Meri’s Wäscherai” .Ndoshta ka një inspirim për kulturën nga se edhe Meri vjen nga i njëjti fshat i këngës dhe kulturës që rriti këngëtarët e njohura si Shkurte Fejzën ,Shyhrete Behlulin ,Remzije dhe Nexhat Osmanin ,motrat Mustafa etj.
Zonja Mehreme Aliaj , kryetare e “Shoqatës së gruas shqiptare në Osnabrück, si organizatore e tubimit la përshtypje të madhe në mikpritjen dhe si nikoqire . Ishte salla akoma në pritje të pjesëmarrëseve kur nga larg u vërente një ditë ma e veçantë qe me tu afruar gratë shihej një përzgjedhje e gardërobës se tyre me një elegancë që e tregonte se cila në vete.
Salla ishte shumë e vogël për t’i pranuar të ardhurit për këtë festë , nga se një numër mbeti edhe jashtë sallës pa mundur të futen brenda. Zonja Meri shprehet se jam shumë e kënaqur që kam arritur ta kemi një numër aq të madh të grave shqiptare për këtë festë . Nga ajo mësuam se kjo shoqatë ka lënë gjurmë veprimtarie edhe në aktivitete tjera kulturore . Kjo Shoqatë me një afat të shkurtë jete prej një vit e gjysmë, por me përvojë të madhe ka kryer një serë aktivitetesh. Kjo shoqatë ka tubuar mërgimtarët e kësaj ane edhe për festat tona kombëtare siç është “Pavarësia e Shqipërisë” ajo e “Kosovës” , por edhe aktivitete tjera të shpeshta që gjithnjë kanë si synim afirmimin e gruas shqiptare në suazat e kulturës së saj, por edhe në emancipimin e mëtutjeshëm të saj.
Sipas asaj qe u pa në këtë tubim pjesa dërmuese e këtyre grave ishte me një shkallë të kulturës me çka në mesin e tyre kishte edhe intelektuale , krijuese dhe aktiviste të dalluara . Shoqata sot për sot numëron një numër të konsiderueshëm anëtaresh, ku zonja Meri shprehet se ka sinjale të rritjes së tyre . Pastaj ajo thekson se me kalimin e kohës një shtytje në vete ka edhe shkollimi i gjeneratës së re në Gjermani, që dita ditës ,po e ngrit shkallën e kulturës dhe vetëdijes së gruas shqiptare edhe në Diasporë. Nga gjeneratat e reja , po thyhen kornizat e së kaluarës, që nga propaganda e pushteti jugosllav ka ndikuar edhe një neglizhencë edhe tek gjermanët të na kuptojnë drejt deri me tash, thekson nder te tjera zonja Meri. Ne jemi ato që duhet të ngremë zërin dhe të luftojmë për barazimin e femrës shqiptare qe është konsideruar si fuqi punëtore dhe sa për të lindur dhe asgjë tjetër! Zonja Meri shprehet se i ka ardhë keq që nuk kemi pritur gjithë ketë publik dhe sallën e kemi siguruar vetëm për 200 veta, por interesimi ishte i madh . Mbi 350 veta u grumbulluan në sallën e ngushtë, por një nume u detyruar të kthehet në shtëpi me çka përmes këtij shkrimi ju kërkon falje z.Meri . Gratë pjesëmarrëse ishin nga qyteti Ösnabryk ,Hanover , Hamburgu, Mindeni ,Nordhorn , Munsteri por edhe nga Holanda fqinje dhe Belgjika. Tubimin e shoqëruan edhe këngëtarët Benita Pula. Këngëtarja Benita Pula krijoj një atmosferë në publik që shpesh u aplauzuar nga publiku me çka modestia e saj krijoj një afri tek të pranishmit që shumë nga to u shprehen me një admirim me komplimente dhe përshtypje shumë të mirë, por mbeten me shpresa që kjo këngëtare te jetë ne mesin e tyre serish.
Benita Pula ka krijuar një emër në Gjermani ,por i mbesim borxh, po qe nuk e përmendim edhe burrin e saj Astrit Pula në kontributin që ka si menaxher i saj .Për këtë festë pati edhe ushqime nga kuzhina shqiptare me specialitete të ndryshme. Ky tubim përfundoj me këngë e valle te gëzuara dorë për dore me shpresa qe takimet tjera të jenë edhe ma mirë.

Shembull i mirë i një aktiviteti përmbajtjesor të shoqatës së shkrimtarëve nga Suedia

March 8, 2015 by dgreca

Kështu u tha në manifestimin që u organizua në qytetin e Laçit me rastin e promovimit të librit “ Thesari Kombëtar 3” të SHSHASH “ Papa Klementi i XI Albani” të Suedisë/
Nga XHAVIT ÇITAKU/
Në organizim të Shoqatës së Miqësisë Shqipëri- Itali dhe të Bashkisë së Laçit, dje në këtë qytet u promovua libri i SHSHASH “ Papa Klementi i XI Albani” nga Suedia i titulluar “ Thesari Kombëtar3”. Në këtë eveniment të rëndësishëm ishin të pranishëm një numër i madh i qytetarëve, dashamirëve të fjalës së shkruar si dhe Artur Bardhi, kryetar i Bashkisë së Laçit, Besi Bekteshi, drejtor i përgjithshëm në ministrinë e Kulturës në tiranë, Ëngjëll Ndocaj ,drejtor i përgjithshëm i Televizonit shqiptar, Nikollë lleshi, kryetar i Shoqatës së Miqësisë Shqipëri- Itali si dhe përfaqësues nga qeveria e Kosovës dhe gazetar t[ mediave të ndryshme.
Në fillim të këtij manifestimi, Saranda Iseni, moderatore dhe anëtare e Kryesisë së Shoqatës së shkrimtarëve nga Suedia, pasi përshëndeti të pranishmit, shfrytëzoj rastin për të thënë edhe disa fjalë me rastin e 7 marsit ditës ndërkombëtare të gruas, ditë kjo që mbartë respekt dhe dashuri të pafund, ditë që reflekton kurajën dhe guximin e nënave që ndryshuan historinë botërore. Dera është e hapur sepse në shpirtin e një nëne nuk ka nevojë të trokasish, tha ajo.
Ndërkaq, Artur Bardhi, kryetar i Bashkisë së Laçit tha se një nder i madh i kësaj Bashkie që sot janë të pranishëm përfaqësuesit e Shoqatës së shkrimtarëve shqiptar nga Suedia për të cilën kemi dëgjuar vetëm fjalë të mira se si duhet të punohet për komb e atdhe. Me një fjalë ky asosacion është një shembull i mirë i një aktiviteti përmbajtjesor që zhvillon atje larg, në atë vend të një demokracie të zhvilluar që ua ka dhënë mundësinë që bashkatdhetarët tanë të kenë mundësi për të punuar e dhënë kontribut edhe në krijimtari dhe fusha të ndryshme të punës e jetës. Uroj që ky aktivitet i çmuat të vazhdoj edhe në të ardhmen, tha pos tjerash, Artur Bardhi. Lidhur me aktivitetin e pasur që po zhvillon shoqata e shkr”imtarëve shqiptar në Suedi foli edhe Hysen Ibrahimi, kryetar, i cili ndër të tjera tha se falë angazhimit të pandërprerë që po zhvillojnë anëtarët e shoqatës sukseset e saj përditë e më tepër po shtohen dhe se shumë krijues dhe artistët shqiptar tashmë janë bërë emra të njohur në opinionin suedez dhe më gjerë. Fryt i një aktiviteti të madh që po zhvillohet në kuadër të kësaj shoqate edhe edhe ky libër i tretë me radhë që sot po prezantohet para jush. Ndërsa në qershor të këtij viti, po ashtu, në dritë do të dalë edhe libri i katërt, tha ai.
Për librin “ Thesari Kombëtar 3” referuan Kryeredaktori i revistës “ Miqësia” Vllash Prendi, Martin Gecaj dhe Zef Gjeta, udhëheqës të Shoqatës së Miqësisë Shqipëri- Itali, të cilët vlerësuan lartë nivelin e të shkruarit si dhe përmbajtjen konkrete të të gjitha aktiviteteve që janë zhvilluar nga mërgimtarët tanë në Suedi, aktivitete këto të cilat i dhanë një shtytje dhe ndihmuan më të madhe të gjitha proceset më rëndësi që u zhvilluan sidomos në Kosovë. Po ashtu, ky asosacion, thanë ata, po kontribuon më të madhe në kultivimin e traditës, kulturës dhe gjuhës shqipe. Ky është një shembull se si duhet të punojnë edhe të gjitha format e organizimit shqiptar në diasporë, përfunduan ata.
Këtë eveniment e bëri edhe më madhështor grupi i këngëtarëve dhe valltarëve të qytetit të cilët kënduan e luajtën valle të bukura për të pranishmit. Në fund Shoqata Kombëtar e Miqësisë Shqipëri- Itali ndau disa dekorata për kontributin e dhënë në disa fusha.

London Focus Group: The Role of Community Leaders in Diaspora Virtual Registry

March 2, 2015 by dgreca

By Ermira Babamusta and Kanarina Shehu/
London- On February 25, 2015 the new focus group on diaspora’s virtual registration (DVR) “From a Concept to Success” met in London at the Refugee Council office.
This event was part of the on-going series of focus groups meetings in several countries aiming to bring together Kosovo and Albanian business and civil society leaders to discuss and develop options for making the Diaspora Virtual Registration (DVR) platform a success. The DVR has been developed by Kosovo’s Ministry of Diaspora (MoD) with the aim of mapping out diaspora members living abroad, and strengthening diaspora’s ties and participation in the policy development process in Kosovo. The DRV can be found in the following link: http://rd.rks-gov.net.
Participants included distinguished representatives of the Albanian and Kosovo diaspora organizations, Ministry of Diaspora from Kosovo, Kosovo’s Embassy in London, Albanian Embassy in London, the International Organisation of Migration (IOM), the United Nations Development Programme (UNDP), and the representatives of charities of the Albanian community in the UK. VebiKosumi, the chair of the roundtable discussion, opened up the meeting and gave a presentation on the online registration process for professionals, students, and other members of the Kosovo diaspora.
“The event was an opportunity for the Ministry of Diaspora representatives to engage face-to-face with the Albanian community organisations and individuals to discuss the online Diaspora registration process. It also provided an open forum for the diaspora representatives to ask questions and have an interactive discussion with the government officials. The focus group meeting was successful as it brought together the Albanian community with the Kosovo government representatives. I received a lot of positive feedback from the participants afterwards regarding the useful topics covered. I would like to thank the KosovoDiaspora.org platform for giving me the opportunity to organise and chair the meeting, and my special thanks go to the representatives from Kosovo, the Ministry of Diaspora, IOM and UNDP as well as to all participating organisations and individuals from the UK who came to the meeting,” said Vebi Kosumi.
At the London meeting special guests included: Mentor Borovci,LorikPustina, FlakaBraha from Kosovo’s Ministry of Diaspora; BesianBicurri from IOM; and ArdianSpahiu asthe UNDP representative. During their speeches, Mentor Borovci and LorikPustina explained the process of the online registration for the Kosovo diaspora.
“I invite everyone who is a member of the diaspora to register. This registration is important so the Republic of Kosovo would know how many people live abroad, as well as identifythe needs of diaspora professionals,” said Mentor Borovci, a representative of the Kosovo Government.
Mr. Pustina further pointed out that,“all ethnic groups who originate from Kosovo and are living abroad qualify to register. This registry does target as well, all Albanians living abroad, as for our Ministry, the Albanian diaspora is unified and undivided, regardless where they endeavor from – Albania, Montenegro, Macedonia, Presheva…”
The Embassy of Kosovo and the Embassy of Albania were present at the meeting through Mr. MustafëAvdiu and Ms.MigenaBaholli and they spoke about the help, which they provide in furthering the online registration through face-to-face meetings with members of Diaspora in the UK.
The Q&A session followed with an open discussion by representatives of the diaspora organisations and individuals such as LuljetaNuziof the Shpresa Programme, EsatBraçeof the NënëTereza Charity, Artan Llabjani from UK Albanian Proffesionals, Indira Kartallozi from Chrysalis family Future,Beqir Shillova from the British Albanian Kosovar Council and other legal, medical and educational professionals.
Key themes of the discussion related to procedures for registration, and the eventual benefits and uses that the finalization of the database will provide. Some concerns were raised regarding the privacy of personal data shared with the MoD via the DRV. Other discussion points focused on the results of the registration process to date. It emerged that the registration process uses encryption technology to protect the data shared with the MoD, which has planned and designed the system to ensure privacy protection throughout the process of data collection, clearing and analysis.
Diaspora representatives present at the focus group provided positive feedback, and committed to promoting the DRV among their circles as well as ensuring to find ways to make it a succes.
This was the first focus group meeting held in London, preceded by others in New York, United States, and Stockholm, Sweden. Two additional focus groups will take place in Vienna, Austria and Zurich, Switzerland, where large numbers of Kosovo’s diaspora reside.
The organizer of the focus group is NGO Germin in partnership with the International Organization of Migration (IOM), the United Nations Development Office (UNDP) and the Kosovo Ministry of Diaspora (MoD).
Germin is an organization that uses technology to connect and support the Albanian Diaspora communities with their home countries. Germin has founded and manages the www.kosovodiaspora.org, a crowdsourcing digital engagement platform for Diaspora.
The IOM and UNDP are implementing partners of the Diaspora Engagement in Economic Development (DEED) in Kosovo, funded by the Finish Government – www.deed-ks.org.