Opinion – Page 642 – Dielli

Milionerët dhe shitja e mendjeve!

August 6, 2015 by dgreca

Shkruan:Driton Smakaj/

Në shoqërinë shqiptare, në trevat ballkanike në përgjithësi, është në ‘trend’ që ata që janë bërë milioner, bëjnë ç’mos që edhe të na përcaktojnë sistemin e demokracisë, sistemin ekonomik, sistemin bankar, sistemin e polisave të sigurimit, sistemin e mediave dhe gazetarisë, sistemin e bërjes së familjes, sistemin synetisë…pra, me një fjalë këta milionerë po duan të na përcaktojnë të tashmen dhe të ardhmen tonë, sepse ata po mendojnë që kush nuk është milioner, nuk është i mençur, kush nuk është milioner nuk din asgjë për shtetin dhe organizimin shoqëror, kush nuk është milioner nuk e kupton ekonominë dhe shfrytëzimin e klasës punëtore.
Kaq injorantë mendojnë se janë masat e gjëra shoqërore në Shqipëri dhe Kosovë, saqë nuk e kuptojnë sesi këta milionerë i grumbulluan milionat dhe sesi po i grumbullojnë ende këtyre ditëve.
Mbi të gjitha mos na shitni mendë. E dijmë kush jeni, nga vini, ku ishit, çka bënit dikur, çka bëni tash, sa jeni humanitar duke dhënë mijëra euro për të varfur, pasi të keni plaçkitur milionat nga djersa e atyre që fitojnë paranë në mënyrën më të ndershme të mundshme.
Pra, të nderuar milionerë, lëreni shoqërinë tonë të zhvillohet lirshëm, mos i bleni gazetarët e varfër që të iu bëhen pararojë duke shkruajtur përralla për ju, mos i bleni mediat e televizionet për të ua shpërlarë trurin njerëzve me përralla që shkruhen për ideale të mëdha. Mos i bleni universitetet dhe profesorët për të krijuar kuadra falso që mëpastaj do të jenë instrumente, apo siç janë quajtur në Romen e lashtë, vegla pune që flasin.
Milionerë të nderuar, lëreni shoqërinë tonë të zhvillohet mbi bazen e ndershmërisë dhe dijes, mbi bazen e vlerave ku individi vlerësohet mbi bazën e aftësive që ka, e jo mbi bazen se cilit klan i përket.
Milionerë të nderuar, mos tentoni ta shëndrroni skenen politike në një pazar të deputetëve.
Duhet të bindeni njëherë e përgjithmonë se shteti nuk është ndërmarrje, nuk është as kafeteri e nuk është as diskotekë.
Shteti nuk është instrument për milionerët e as nuk është konsorcium për menaxhim të bizneseve. Shteti është për popullin dhe për të mbrojtur të drejtat e popullit, si në aspektin e sigurisë, poashtu edhe në aspektin ekonomik. Shteti është gjykatësi dhe avokati i masave të gjëra shoqërore, për të mbrojtur masat që të mos shfrytëzohen nga pakica.
Pra të nderuar milionerë, duhet ta dini edhe një fakt tjetër. Nëpër botë ka edhe miliarderë dhe nuk i fusin hundët kaq thellë në çdo fushë të sistemit shoqëroro-politik. Ka edhe miliarderë që janë njerëzit më të urryer dhe nuk kanë asnjë pikë respekti as brenda shoqërisë e as nga institucionet, nuk kanë kurajo të dalin në një shesh për një shëtitje apo në një lokal për një kafe. Ka të atillë që thonë: -Oh të kem miliardat, pastaj s’më intereson ç’farë thonë të tjerët-
Por, nuk mendojnë kështu këta miliarderet e urryer, ata ndjehen tmerrësisht keq sëbashku me miliardat e tyre.
Pra milionerë të nderuar, jetojmë në shekullin e informacionit, kështu që, na lini të zhvillohemi lirshëm dhe mos na shitni mend.
Një gjë është e sigurtë, nëse vazhdoni kështu, padyshim do të bëheni MILIARDERË, por do të hyni në klubin e miliarderëve të urryer.

Kapja e drejtësisë dhe shtetit nga mafia-politike dhe largimi i tyre nga pushteti!

August 2, 2015 by dgreca

Opinion nga Faik KRASNIQI/
Enver Hasani ka qenë ushtar i ”devotshëm” PDK-së, prej pas përfundimit të luftës, prandaj nga kjo parti gjithmonë është shpërblyer me postet më të larta shtetërore! Për shkeljen e ligjit dhe abuzimet që ka bërë vazhdimisht sa ka mbajtur këto poste, ku për këto abuzime ka pasur në vazhdimësi kritika dhe raportime nëpër media, çdoherë është mbuluar dhe mbrojtur nga eprorët e tij të PDK-së dhe SHIK-ut, të cilët e kanë emëruar në ato pozita të larta shtetërore! Fakti më i gjallë dhe më i vërtetueshëm se z. Enver Hasani është vegël e PDK-së, ishte vendimi i tij skandaloz në favor të PDK-së, sa ishte kryetar i Gjykatës Kushtetuese, ku me atë vendim të tij Kosova mbeti mbi 6 muaj pa Qeveri dhe e shpëtoi këtë parti nga shkuarja në opozitë! Padyshim që Prokuroria e shtetit duhet t’i hetojë personat që kanë neglizhuar lëndën e Enver Hasanit, por kjo Prokurori nëse do që me të vërtetë ta shkëput drejtësinë nga ndikimet politike, nuk mjafton vetëm nëse i ndëshkon prokurorët dhe gjykatësit për shkelje të ligjit, neglizhencë, abuzime dhe pisllëqe të tjera, se tekefundit këta prokurorë dhe gjykatës janë të emrëruar politikisht dhe veprojnë sipas urdhërave të eprorëve të tyre të politikës dhe parapolitikës, por Prokuroria e shtetit duhet t’i godas kokat e mëdhenjë të politikës, të cilët kanë ndikimin dhe monopolin në çdo pore të shtetit dhe në jetën ekonomike të çdo qytetari të Kosovës, kapot e mafio-politikës, falë të cilëve jemi në këtë gjendje të rëndë dhe të mjerueshme ekonomike dhe politike!
Deficiti legjislativ i këtij fillim-mandati është një paralajmërim se këto dy parti politike në pushtet kanë në plan instalimin e një kornize të atillë ligjore për interesat e klaneve të tyre që mund ta shpijnë vendin drejt një diktature të dirigjuar nga interesi i të fortëve në pushtet, të politikës dhe të parapolitikës. Pjesa dërrmuese e pushtetarëve të sotëm janë pjesë e aferave dhe krimeve të ndryshme, ekonomike dhe politike. Prandaj, partitë në pushtet, i dizajnojnë, i plotësojnë dhe ndryshojnë ligjet, ndërrojnë ato dhe i bëjnë më pastaj sipas interesave të klaneve të caktura partiake dhe oligarkëve të biznesit, në mënyrë që të vazhdojnë krimin e tyre ekonomik dhe politik, përmes pushtetit që ushtrohet nëpërmes një kornize të caktuar, improvizuar ligjore!
Kam thënë edhe më herët se ky vend po rrëshqet drejt një diktature nga këto dy parti në pushtet, të cilat përmes monopolit në çdo segment shtetëror dhe në jetën ekonomike të qytetarëve të Kosovës, e kanë privatizuar dhe kapitalizuar jo vetëm shtetin e Kosovës, por edhe jetën e çdo qytetari të saj, jeta e të cilëve varet nga aventura dhe pedofilia e tyre politike!
Këto dy parti nuk kanë bërë koalicion për ta zhvilluar Kosovën ekonomikisht dhe për ta integruar drejt BE-së, por janë bërë bashkë për ta vjedhur e plaçkitur sa më shumë këtë shtet dhe këtë popull, që edhe pse po vuan tmerrësisht nga mafia-politike tash e 16 vite, ky popull fatkeqësisht ka rënë në gjumë të thellë! Prandaj mos të presim ditë të mira për Kosovën dhe këtë popull: as liberalizim të vizave, as drejtësi, as zhvillim ekonomik, as ulje të papunësisë, deri sa në krye të saj do kemi këta mafiozë e banditë, të cilët për 16 vjet rresht shkatërruan dhe degraduan çdo gjë dhe patupërsisht vazhdojnë akoma ta bëjnë një gjë të tillë! Çelësi është tek populli, dhe vetëm populli mund ta pastrojë Kosovën nga mafia-politike që është në pushtet, qoftë me votë, qoftë me protesta gjithë-popullore e qoftë me revolucion! Përndryshe, brenda një ose dy viteve, nga Kosova nuk do të ngelet më asgjë!

Gëzimi nga ligësia

July 31, 2015 by dgreca

Nga Aurel Dasareti/*
Për ta luftuar një ide duhet së pari të kesh një ide kundërshtuese. Shikuar nga pikëpamja e një shtypësi, idetë luftohen më shpejtë nëse dikush i frikëson njerëzit nga të menduarit. Një popull i frikësuar nuk ka asnjë kundërshtim.
***
A veprojnë keqbërësit nga ideologjia apo ndjenjat? Janë veprimet produkt i një mendje të sëmurë ose llogaritjeje shpirtligësie? Apo është vetëm një ndjenjë detyre që qëndron prapa?
Sipas Kodit Penal vrasja është akti kur me qëllim e marrim jetën e një personi tjetër, ose në një mënyrë tjetër jemi drejtpërdrejt përgjegjës për vdekjen e dikujt tjetër.
Vrasja është si pikënisje e padëshirueshme dhe e dënueshme, si historikisht dhe në shumicën e shoqërive në botë. Por në një numër situatash mundet që vrasjet edhe të përjashtohen nga dënimi. A është një vrasje e justifikuar, shpesh varet nga një vlerësim moral apo kënd shikimi (domosdoshmëri, vetë-mbrojtje, lufta, ekzekutimi)
Në vendet demokratike, në kuptimin e ngushtë, vrasjet ndahen në dy kategori ligjore të përgjegjësisë:
• Vrasja e qëllimshme, do të thotë për të vrarë me qëllim, ka pasur një synim për të marrë jetën e të tjerëve. Ajo ende mund të përfshijë vrasje të kryera në zemërim dhe afekt, ose dehje e vetë-detyruar, dhe dënimi për vrasje ndodhë nëse kryerësi (vrastari) ka pasur një bindje se vdekja do të jetë një pasojë e mundshme e aktit. Pakujdesia e vrazhdë nuk është një bazë e mjaftueshme për të gjykuar dikë për vrasje.
• Vrasje me paramendim do të thotë se jo vetëm që e ka vrarë qëllimisht, por gjithashtu edhe llogaritje racionale e planifikuar, shpesh të referuara si “vrasje gjakftohtë”.
Ka vepra të tjera që përfshijnë marrjen e jetës së të tjerëve, dhe në këtë mënyrë mund të konsiderohen forma të vrasjes. Aksidente të dënueshme (shpesh në trafik) dhe dhuna fizike me pasojë vdekjen është në ligj akt i ndarë nga vrasja, por ndryshon bazuar kryesisht në qëllimet e keqbërësit (shkelësit të ligjit), për shembull:
• Vrasje neglizhencë, një aksident fatal ku dikush ka faj penal.
***
Tragjedia e shqiptarëve të FYROM-it (por edhe të Kosovës etj, është ajo histori e veçantë) qëndron në faktin se numrin më të madh të vrasjeve e kryen vetë pushteti sllavo-folës i ndihmuar nga BDI dhe PDSH, sidomos të ligut Ali Ahmeti dhe të ligut Menduh Thaçi. Kjo katrahurë false, FYROM, me dekada kryen terror shtetëror ndaj popullsisë shqiptare; terrori fundit ishte Kumanova.
Maskarai prej pseudo-politikani, plehu Ali Ahmeti, aq shumë kohë ka qëndruar afër organeve seksuale të pushtuesve sllavo-folës, sa që beson se ajo trevë shqiptare është prona e tij private dhe se pushteti i është dhënë për shfrytëzim personal. Armiku i tij më i madh është vdekja, mendimi se jeta dhe vepra e tij është e paqëndrueshme. Kur nuk arrin të heq mendjen nga vdekja ai kërkon rrugëdalje tek veprimtaria kriminele, duke i kundërvënë vdekjes ambicie të dyfishta: të mirash materiale, ligjesh bastarde, sundim të realitetit përmes vrasjeve të kundërshtarëve politik, terrorizimit të bashkëkombësve të vet dhe tradhtisë kombëtare. Besimi i tij tek pavdekësia përkon me besimin në përparim: si unazë aktive e zinxhirit të përjetshëm të përparimit ai beson se ka shpëtuar nga zhdukja.
Edhe kjo qeveri fashiste (e radhës) e FYROM-it: ВМРО – ДПМН & DUI (BDI) mbijeton edhe për faktin se ka përdorur gjithmonë dhunën kundër shqiptarëve që kanë demonstruar në forma paqësore, prandaj askush më as që guxon të mendon për shprehjen “demonstratë”.
Pse na sulmojnë?
Është e rëndësishme që ne ta vendojmë veten në vendin e kundërshtarit tonë dhe të përpiqemi për të kuptuar se pse ata veprojnë ashtu. Atëherë do të jetë më e lehtë për ne për të gjetur përgjigjen e duhur dhe për të kuptuar se si ne mund të ndikojmë në vendimet e tyre. Le të diskutojmë më përpara për ata që urdhërojnë sulmin, jo për ata që e kryejnë atë.
Për ta luftuar një ide duhet së pari të kesh një ide kundërshtuese. Shikuar nga pikëpamja e një shtypësi, idetë luftohen më shpejtë nëse dikush i frikëson njerëzit nga të menduarit. Kjo metodë kushton pak, sepse ajo heq barrën e përgjegjësisë prej tyre. Rrahja e njerëzve është mënyra më e lehtë për të arritur qëllimin. Një popull i frikësuar nuk ka asnjë kundërshtim.
Qëllimi nuk është të frikësojë ata që morën pjesë në demonstrata që të mos marrin pjesë përsëri. Policia është e vetëdijshme se demonstruesit të cilët ishin sulmuar, do të vijnë përsëri dhe përsëri. Qëllimi është që t`i trembë të gjithë ata që qëndrojnë në shtëpi, në mënyrë që ata kurrë nuk do të mendojnë për të marrë pjesë në ndonjë formë të aktivitetit politik. Aparati policor përdor taktikën e vjetër: “Goditi ata që janë të lidhur, kështu që ti i frikëson ata që janë të lirë”
Çfarë është qëllimi i gjithë kësaj që e them unë?
Ne duhet të kuptojmë se si mendojnë këta njerëz egërsira, kështu që të mundemi gjithmonë të mbajmë një hap përpara. Ne duhet ta largojmë nga kryet idenë se disa njerëz janë vetëm të mirë dhe të tjerët vetëm të këqij. Ne të gjithë kemi gabime, dhe disa prej nesh kanë edhe të njëjtat gabime si qeveria terroriste e FYROM-it, por dallimi është se qeveria ka fuqinë. Ne nuk e kemi.
Ne duhet të ndryshojmë metodat tona. Sepse në qoftë se vazhdojmë të përdorim vetëm një metodë – domethënë protestojmë – nuk do t`i arrijmë ndryshimet që ne kërkojmë…
*AUREL DASARETI, USA, ekspert i shkencave ushtarake-psikologjike (dasaretiaurel@yahoo.com.au)

Kufijtë e Kosovës, përgjegjësi e të gjithëve

July 29, 2015 by dgreca

-Kryetari i AAK-së, Ramush Haradinaj me ekspertët e vendit diskutoi demarkacionin e kufirit me Malin e Zi/
PRISHTINË, 29 Korrik 2015/-Me nismën e kryetarit të AAK-së, deputetit dhe anëtarit të Komisionit Parlamentar për Politikë të Jashtme, Ramush Haradinaj, sot, në ambientet e Kuvendit të Kosovës, u mbajt tryeza tematike “Demarkacioni i kufirit me Malin e Zi”.
Kryetari i AAK-së, Haradinaj tha se kësaj teme të ndjeshme dhe të rëndësishme për vendin, duhet t’i qasemi seriozisht dhe të mos e konsiderojmë asnjëherë si çështje të një partie politike ose grupi të caktuar. “Kufijtë janë përgjegjësi e të gjithë neve”, tha ai, duke i falënderuar ekspertët prezentë në tryezë dhe ftuar ata që të jenë pjesë e vazhdueshme e punës.
Në tryezë diskutuan ekspertë të fushave të ndryshme, profesorë universitarë dhe njohës të hartografisë, aerografisë, topografisë, çështjeve kufitare… si prof. dr. Muharrem Cërrabregu, prof. dr. Florim Isufi, prof. dr. Muhamet Mala, prof. dr. Muhamet Sadiku, Gazmend Muhaxheri, Ali Lajçi etj., si dhe deputetë të Kuvendit të Kosovës dhe kryetarë të komunave.
Sipas komunikatës dërguar nga AAK, ekspertët dhanë argumentet e tyre që dëshmonin të kundërtën e asaj që është raportuar nga Komisioni Shtetëror për Demarkacionin e Kufirit me Malin e Zi. Ekspertët e njohur të hartografisë në vend thanë se Agjencioni Kadastral i Kosovës nuk është organi kompetent për caktimin e kufijve.
Në fund u nxorën edhe konkluzionet e kësaj tryeze, në lidhje me demarkacionin shtetëror të kufirit midis Kosovës dhe Malit të Zi.
U tha se duhet referuar hartave kredibile, burimore të vitit 1962 dhe më herët; si dhe kufiri duhet përcaktur mbi parimet Ujëndarëse (Drini i Bardhë), Qafore, Kodrinore dhe Natyrore.
Gjithashtu, u vendos që të hartohen dhe të aprovohen nga institucionet e Kosovës bazat e punës Komisionit Shtetror për demarkacionin e kufirit me Malin e Zi./B.Jashari/

Leter pa zarf Myftiut te Pukes

July 28, 2015 by dgreca

Nga ILLO FOTO- NJU JORK/
Ne foto: Myftiu u Pukes, Gezim Kopan/
I pernderuar Myfti,
Nuk njihemi fizikisht, por kjo nuk me pengon te te pershendes miqesisht dhe te te dergoj te fala te sinqerta, per te pasur gezime dhe lumturi,ne jeten provizore, qe na eshte dhene e drejta ta jetojme.
Ne diten e lumtur te Fiter Barjamit , Ju ju drejtuat populit te Pukes ku sherbeni , me nje mesazh shume kuptimplote dhe qortus , per aq sa e lejojne suret perkatese te ketij problemi , qe rregullon mardheniet e njerzve me te derguarin e Perendise.
Po e citoj nje pjese te mesazhit tuaj, ashtu si e ka botuar shtypi civil i Shqiperise :
“Largimi është tradhti ndaj vendlindjes. Azili nuk është shpëtim, bëhuni më vizionarë! Ktheni sytë nga tokat tuaja bujqësore. Jemi i vetmi vend ku toka nuk punohet. Kur nuk doni vendin tuaj, si mund t’iu duan të tjerët”.
Si bashkatdhetar dhe specjalist i vjeter bujqesie , te falnderoj nga zemra , per kete konsiderate te munguar , qe shprehni ndaj tokes meme dhe ndaj bujqesise te vendit tone . Te tere njerzit, me perjashtim te qeverritarve, e dine se ne Shqiperi, ka 25 vjet, qe nuk mbillen gati c’do vit, mbi 200 mije Ha toke, ne mos me shume.
Me lejoni t’i shtoj shqetesimit tuaj qytetar , se tokat me te mira bujqesore ne Myzeqe, Zadrime, Vurg, Mamuras, Maliq dhe luginat e lumejve ka vite , qe u ka mbire trusku . Mbi to po kuturiset te peshkohet, i respektuar, Myfti.
Eshte tamam keshtu, sic shpreheni ju. Jemi i vetmi vend ne bote, ku toka nuk punohet. Ne e kemi alternitiven, qe te mos emigrojme dhe e perbuzim .
Shumica e tokave te pa punuara jane te pa kulluara dhe pa ujitje . Po sa do t’i leme keshtu ? Ministrat e bujqesie te ketij tranzicioni 25 vjecar, jane fajtoret e drejtperdrejte te ketij handikapi te pa pare . Lere, qe nuk kane vene ujet ne zjarr, per te ndryshuar situaten me token bujqesore , po nuk i kane dhene popullit shqiptar nje raport , sa toke nuk selitet dhe pse . Me sa duket, Ministrat nuk e dine shifren e sakte te tokes te pa mbjelle . Shifrat, kemi te drejte te dyshojme se jane te manipuluara , deri sa ish Ministri Ruli, raportonte, perpara medjave se bujqesia eshte rritur mbi 8 %, kur ajo eshte shume posht nivelit te vitit 1990.
Nuk eshte e qarte , pse fshihet shifra e mos mbjelljes se tokes bujqesore , nje realitet nga me mostruozet , qe ka njohur ky vend, ashtu sic e nenvizoni dhe Ju ne mesazhin tuaj. Fshatari token e ka punuar me parmende druri dhe ja ka dale. Sot nuk behet fjale, per mjete mekanike te punimit, qe i kemi dhe i gjejme, po s’i patem.
Keto 25 vite kane ministruar Ministrine e bujqesise 10 Ministra . Sejcili e ka shpallur veten shkencetar dhe patriot ,por e kane dorezuar Ministrine me token shqiptare te pa mbjelle dhe pa thene gjysem fjale , per faktin pse nuk mbillet. Ministri i bujqesise , mund te emertohen ndryshe edhe Ministri i tokes dhe i ujit siperfaqesor . Faktikisht nuk kane menazhuar as toke , as ujra dhe perseri e kane mbajtur emrin ministra; per cfare ? Si i ka lejuar populli te kaperxejne pragun e Ministrise , pa u pergjigjur? Profesoret e bujqesise shqiptare , dogjen diplomat perpara zyres se ish Ministrit . Kete nuk e harron bota dhe Europa, por ne Shqiperi kjo ngjarje unikale u harrua , qysh ne mbremjen e dites , qe ndodhi . Lavdia eshte e perjeteshme per profesoret bujqesore shqiptare !
Situata e heshtjes 25 vjecare, nuk ka spjegim. Ajo qe te them me sinqeritetin e burrit eshte kjo : Po qe se do ta kisha krijuar une kete situate , ose dicka afer kesaj, do te kisha vajtur me kohe ne vetvrasje pa u menduar dy here !
Nje koleg, me ka thene , tani von , se pushtetaret e fshefin gjendjen e tokes se pa punuar , sepse nuk i pranon Europa . Personalisht mendoj krejt te kunderten . Europa nuk e ka vene kete kusht dhe ne se dikush mund ta zgjidhi kete ngerc , eshte vete Europa . Ne kemi dhene boll prova , se jemi te pa afte , per nje sipermarrje te tille mbi token tone . Duhen investime te medha , brenda nje afati kohor sa me shkurter. A mund ta realizojme ne kete investim , me buxhetin modest, qe do te kemi ne c’do kohe ? Europa mund ta beje , po tja kerkojme .
Shtypi ka bere dhe po ben sehir . Duhet te gjendet nje burre t’u kerkoi llogari pushtetarve , ne emer te popullit ! Juve dhe kleriket e tjere shqiptare ju dhemb zemra , per token , qe nuk mbillet , sepse ju i doni besimtaret e varfer . Nuk kini asnje ngjashmeri me Ministrat e korruptuar dhe te pa ndergjegjshem , per detyren , qe ju ka ngarkuar populli . Nuk jeni as nje gazetaruc , qe pergjon per ndonje lajm sensacional .
Toka e pa mbjelle nuk eshte nje gabim , qe riparohet me nje autokritike. U eshte hequr shqiptarve alterrnativa me e plote per punesim , mirqenie dhe evitim te emigracionit marrok .
Kur themi , qe jane fajtore te rinjte , qe ikin , me perpara , duhet te kthejme syte dhe vemendjen nga Ministrat e bujqesise , qe populli i ka paguar dhe vijon t’i paguaj me roga te pa krahasushme , per 25 vite . Une nuk di te mallkoj . Besoj kete do ta beni Ju , ne emer te besimtarve , qe ju u sherbeni me perkushtim .
Juve keni besim tek pushtetaret e rinj te Bashkive te medha se do te bejne dicka me shume per bujqesione , vecanerisht per kullim- ujitjen . Kete mendim kam dhe une , por me shume rezerva . Pse ? U bene reforma te sukseshme ne arsim , pensione , ushtri , shendetesi , do te behet dhe ajo e drejtesise; kudo . Bujqesia do te mbetet po kjo , me koregjim te inflacionit . Bujqesine e duan hiq e mos keput . Kjo situate arsyetohet se ka ndryshuar struktura e mbjelljve, sipas kerkeses se tregut. Kjo keshtu ka ndodhur vertet , por pritej . Te publikojne sa $ merren nga nje Ha. toke e kadastruar ? Kjo shifer na duhet per krahasim . Le te mbillet toka me se te duan; qofte dhe manaferra .
Pak dite perpara degjova Zv. Ministrin e bujqesise , qe fliste se do te pastrohen me shume kanale . Per c’kanale flet ky zoteri ? Fjala eshte per nje rrjet te tere inxherik , te eliminuar ne teren .
Zv. Ministri optimist foli dhe per politikat bujqesore , qe do te formuloi me mire Ministria , tani , qe “kanalet “ i ka Bashkia . Po per c’politika behet fjale , kur nuk ekziston objkti allfa : Nuk mbillet toka ! Do te ndjehem i lumtur , ne se realizohet parashikimi tuaj per punen e Bashkive te medha . Jam ende skeptik .
Toka bujqesore nuk eshte “disa kanale “ , sic e percaketojne keta “optimiste “ qeverritare . Toka bujqesore eshte bonifikim integral, nga Velipoja ne Karaburun .Bonifikimin nuk e beri Diktatura , por populli. Shqiptarve ju deshen 30 vite per ta perfunduar . U prish per disa dite dhe vijon te mos jete funksional per 25 vjet . Kur dhe kush do ta beje funksional? Kete duhet ta gjykoi drejtesia e pa varur !
Uroj te behet me e mira dhe ne kurban Barjam te takohemi me koncepte dhe praktika te reja per token dhe ujrat siprfaqesore , qe gjithsesi duhet te kemi ende besim tek vendimi mbarepopullor , i shprehur 2 here me vote .
Me konsiderate te larte : Illo Foto , NY- Korrik -2015