Politike – Page 463 – Dielli

Kosova para 28 viteve me Kushtetutë shpallej Rapublikë

September 7, 2018 by dgreca

-Në 7 Shtator 1990, Kosova u shpall Republikë me Kushtetutën e miratuar nga Kuvendi i saj në një mbledhje në Kaçanik, që pasonte Deklaratën Kushtetuese të 2 Korrikut e pasohej me Referendumin për Kosovën shtet sovran dhe i pavarur të mbajtur nga 26 deri në 30 Shtator 1991 me votimin pro 99,87 për qind dhe pjesëmarrjen masive 87,01% të 1.051.357 qytetarëve me të drejtë vote/

-Zhvillimet më të rëndësishme brenda dhjetë viteve të Kosovës shtet ishin në 2012-tën, kur Kuvendi, në 7 Shtator që ishte ditë e përvjetorit të Kushtetutës 1990, ka miratuar amendamentimin e Kushtetutës së Republikës lidhur me përfundimin e mbikëqyrjes ndërkombëtare të pavarësisë së Kosovës/-Kosova e pavarur e shpallur para 10 vitesh në 17 Shkurt 2008 deri tani është njohur nga 116 shtete, ndërsa sot ka edhe një përvjetor – njëvjetorin e konstituimit në 7 Shtator 2017 të Kuvendit të zgjedhjeve parlamentare të 11 Qershorit, të tretave në pavarësi e të gjashtave në vendin e lirë/

-Kosovën, nga shtetet fqinje, vetëm Serbia nuk e ka njohur ende…Presidenti i Serbisë nuk ka pranuar të takojë presidentin e Kosovës sot në Bruksel/

SPECIALE-Gazeta DIELLI nga korrespondenti në Kosovë Behlul Jashari

PRISHTINË, 7 Shtator 2018/ Para 28 viteve, në 7 Shtator 1990, Kosova u shpall Republikë me Kushtetutën e miratuar nga Kuvendi i saj në një mbledhje në Kaçanik, që pasonte Deklaratën Kushtetuese të 2 Korrikut e pasohej me Referendumin për Kosovën shtet sovran dhe i pavarur të mbajtur nga 26 deri në 30 Shtator 1991 me votimin pro 99,87 për qind dhe pjesëmarrjen masive 87,01% të 1.051.357 qytetarëve me të drejtë vote.

Republika e Kosovës me kushtetutën e vet e institucionet demokratike të zgjedhje parlamentare e presidenciale që pasuan, të 24 majit 1992, atëherë nuk u njoh ndërkombëtarisht, por megjithatë ishte dhe njihej si deklarim i fuqishëm i vullnetit të popullit mbi 90 përqind shumicë shqiptare, si edhe pjesëtarëve të komuniteteve pakicë.

Në krye të Kuvendit të Kosovës në atë kohë të vendimeve e ngjarjeve historike ishte Ilaz Ramajli. Ishin këto ngjarje e zhvillime drejt lirisë dhe pavarësisë së Kosovës, gjithnjë në rrethana të rënda të okupimit e shtetrrethimit ushtarako-policor që kishte vendosur Beogradi, kur në mënyrë kundërkushtetuese dhe përgjakshëm me kushtetutën serbe të tankeve u rrënua autonomia që kishte Kosova me Kushtetutën e vitit 1974 element konstituv me të drejtë vetoje i federates. Ajo Kushtetutë ishte e para në historinë kushtetuese të Kosovës, ndërsa e dyta ishte ajo e 7 Shtatorit 1990, në rrugën drejt lirisë e pavarësisë.

“Deklarata Kushtetuese e 2 Korrikut dhe Kushtetuta e Republikës së Kosovës e 7 Shtatorit 1990, jo vetëm që ishin akte kushtetuese juridike, por në kohën kur u nxorën ishin edhe akte mbrojtëse dhe pozicionuese në raport me situatë e krijuar në ish Jugosllavi”, ka theksuar Ramajli në një intervistë që kam zhvilluar.

Nga shpërbërja e ish Jugosllavisë, nga elementet konstituive të federatës, mes të cilave ishte edhe Kosova që u bë shtet, shtete të reja të rajonit dolën gjithësej shtatë – edhe Sllovenia, Kroacia, Bosnja e Hercegovina, Maqedona, Mali i Zi dhe Serbia.

“Akti i nxjerrjes së Kushtetutës u bë pikërisht në kohën kur më nuk kishte asnjë dyshim se Jugosllavia kishte hyrë në rrugën e pa kthim të shpërbërjes së sajë. Nxjerrja e Kushtetutës dhe shpallja e Republikës së Kosovës nga Kuvendi me 7 Shtator 1990 ishte dhënie e formës kushtetuese juridike të vullnetit të shprehur unanimisht nga shumica dërmuese e qytetarëve të Kosovës, dhe nga subjektet e atëhershme politike në Kosovë”, shprehet Ilaz Ramajli.

Në Kosovën e lirë nga qershori 1990, prej vitit 2001 deri para 10 viteve, Kosova ka pasur një Kornizë Kushtetuese, e miratuar nga OKB-ja, e cila ishte dokument më shumë inicial kushtetues, por ka mundësuar zhvillimin e vendit nga një krijesë de fakto e pavarur, ndonëse nën protektorat, në një entitet shtetëror të pavarur, edhe pse nën mbikëqyrje ndërkombëtare për një kohë.

Kosova para 10 viteve miratoi Kushtetën e Republikës, e cila në nenin 1 e përcakton “shtet i pavarur, sovran, demokratik, unik, dhe i pandashëm”. Ishte viti 2008 kur u miratua nga Kuvendi i Kosovës akti më i lartë juridik i shtetit në ditën e 9 Prillit, më pak se dy maj pas shpalljes së pavarësisë në 17 Shkurtin historik, ndërsa ka hyrë në fuqi në 15 Qershor.

Atëherë, dekretimi i 41 ligjeve, të dala nga paketa e Propozimit Gjithpërfshirës për Zgjidhjen e Statusit të Kosovës të Kryenegociatorit Martti Ahtisaari – Emisarit Special të OKB-së, ishte një nga zhvillimet më të rëndësishme të ditës së hyrjes në fuqi të Kushtetutës.

Ndërsa zhvillimet më të rëndësishme brenda dhjetë viteve ishin në 2012-tën, kur Kuvendi, në 7 Shtator që ishte ditë e përvjetorit të Kushtetutës 1990, ka miratuar amendamentimin e Kushtetutës së Republikës lidhur me përfundimin e mbikëqyrjes ndërkombëtare të pavarësisë së Kosovës, ndërsa në 10 Shtator pasoi vendimi i Grupit Drejtues Ndërkombëtar, i mbledhur në Prishtinë, për përfundimin e mbikëqyrjes ndërkombëtare.

“Përmbyllja e mbikëqyrjes është vlerësimi më i lartë ndërkombëtar, që i është bërë shtetit të Kosovës pas shpalljes së Pavarësisë”, u vlerësua atëherë.

Grupi Drejtues Ndërkombëtar (ISG) për Kosovën, i cili përbëhej nga vendet që e kanë njohur pavarësinë, ishte formuar më 28 Shkurt të vitit 2008 dhe synonte të orientojë dhe mbikëqyrë zhvillimin demokratik të shtetit të ri, të nxisë qeverisjen e mirë dhe shumetnicitetin.

Kosova e pavarur e shpallur para 10 vitesh në 17 Shkurt 2008 deri tani është njohur nga 116 shtete, ndërsa sot ka edhe një përvjetor – njëvjetorin e konstituimit në 7 Shtator 2017 të Kuvendit të zgjedhjeve parlamentare të 11 Qershorit, të tretave në pavarësi e të gjashtave në vendin e lirë.

Kosovën, nga shtetet fqinje, vetëm Serbia nuk e ka njohur ende, por të dy vendet vijojnë dialogun drejt normalizimit të marrëdhënieve, të ndërmjetësuar nga Bashkimi Evropian – në Bruksel, ku sot pritej të zhvillohej edhe një takim tjetër i nivelit të lartë presidencial, në të cilin proces Prishtina angazhohet për një marrëveshje përfundimtare që do përfshinte edhe njohjen reciproke.

Por, sipas deklaratave nga delegacioni i Beogradit, presidenti i Serbisë, Aleksanadar Vuçiç nuk ka pranuar të takojë presidentin e Kosovës, Hashim Thaçi sot në Bruksel.

Raportimet nga Brukseli bëjnë të ditur se Përfaqësuesja e Lartë e BE-së Federica Mogherini ka takuar ndaras presidentët, të cilët i kishte ftuar për të vazhduar dialogun final Kosovë-Serbi.

Changing Kosovo’s Borders Will Merely Reward Serbia’s Bullying

September 6, 2018 by dgreca

A final agreement should be based on devolving power to Serb-majority municipalities – not on territorial swaps that will only create further regional instability./

By David L. Phillips/*
Kosovo and Serbia are rushing to an agreement, adjusting borders as the basis for normalizing relations. There is, however, an alternative to adjusting borders. In exchange for Serbia’s recognition of its sovereignty, Kosovo would address the core concerns of the Kosovo Serbs by devolving power to Serbian municipalities and pro-actively preserving Serbian cultural heritage.
The international community would establish a $1 billion peace-building fund to consolidate the deal.
An agreement to establish the Association of Serb Municipalities, ASM, was reached by Serbia’s President Aleksandar Vucic and Kosovo President Hashim Thaci in 2015. The ASM was envisioned as a self-governing association of Kosovo municipalities where Serbs are the majority. But the ASM was never implemented.
Serbia poisoned the process by failing to address critical concerns of Kosovo, making a mockery of negotiations.
Serbia’s goal all along was to realize Slobodan Milosevic’s project and partition Kosovo. It has used the lack of progress implementing agreements in EU-facilitated talks to justify a new negotiating tactic, focused on partition and territorial swaps.
The government of Kosovo has tried to keep talks going by staking out a middle ground on the ASM. It accepted the principle of decentralization, while rejecting “executive powers” for Serb-controlled local government entities.
Instead of adjusting borders, Kosovo can normalize relations with Serbia, in accordance with its constitution, by devolving powers except for those explicitly retained by the government. Per the 2013 Brussels agreement on police and judiciary, Kosovo would provide local police, while incorporating Serbian-language police officers into the local security.
It would control the local judiciary, while allowing court proceedings and the publication of judicial notices in Serbian.
Environmental issues would be managed by the Kosovo government, with advice from a Serbian-led council. Urban planning would remain a government function.
Cultural heritage is another critical issue. Orthodox monasteries in Kosovo have mythical importance. Serbs believe that the organ at Decani monastery, for example, was forged from the swords of Serbian knights who fell fighting the Ottomans in the 1389 Battle of Kosovo. Decani, Gracanica and Banjska monasteries are integral to the identity of Kosovo Serbs.
Some monasteries are just empty buildings today. However, in accordance with the agreement on Special Protected Zones, the monasteries would be animated when Serbs celebrate Orthodox religious festivals there. Pilgrims should travel to cultural heritage sites without hindrance.
The Kosovo government must recommit itself to the minority rights embodied in the Ahtisaari principles and enshrined in Kosovo’s constitution. Good governance has costs.
Austria, which currently chairs the rotating EU Presidency, should initiate a $1 billion peace-building fund. Assistance would focus on improving Kosovo’s democracy, strengthening Kosovo civil society and independent media.
Funds would also be used for economic connectivity between Kosovo Serbs and other Kosovo citizens, as well as for joint projects involving Kosovars and Serbs from Serbia.
Kosovo is at a fork in the road. Thaci and Vucic can pursue a perilous path by swapping territories, which risks stoking instability and violence not only in Kosovo and Serbia, but in other fragile states of the Western Balkans.
Or they can reach an agreement whereby Serbia recognizes Kosovo as a sovereign and independent state within its current frontiers, with verifiable measures to increase the quality of life for all Kosovars including Kosovo Serbs.
Though the US is not a formal party to the Kosovo-Serbia Dialogue, it still has enormous clout. When US officials meet with Thaci and Vucic at the UN General Assembly in September, they should endorse a package of incentives sufficient to compel an agreement that obviates the messy prospect of partition.
Then, US and European officials would participate in a signing ceremony, echoing calls by Thaci and Vucic for all EU member states to recognize Kosovo and for Russia and China to allow Kosovo to join the UN.
Both Thaci and Vucic would gain a legacy through a deal that safeguards Serbs, preserves Kosovo’s territorial integrity, and fast-tracks the EU integration of both countries.
Negotiations would never have reached this point if Serbia had not obstructed progress towards normalization. After losing Kosovo, Serbia created a frozen conflict and launched campaign to block Kosovo’s integration with the international system.
Twenty years after NATO intervened to prevent the genocide of Kosovo Albanians, it is time for hard choices.
ASM is preferable to adjusting borders, which would reward Serbia’s bullying and risk a renewed spiral of deadly violence.
*David Phillips is Director of the Program on Peace-Building and Rights at Columbia University’s Institute for the Study of Human Rights. He worked as a Senior Adviser to the State Department under Presidents Clinton, Bush, and Obama. He is author of ‘Liberating Kosovo: Coercive Diplomacy and US Intervention’ (The Kennedy School at Harvard University).

Kosovë-Kuvendi dy seanca të jashtëzakonshme

September 5, 2018 by dgreca

Kosovë-Kuvendi dy seanca të jashtëzakonshme, njëra nuk përfundon e tjetra as nuk fillon/

-Kuvendi i Kosovës sot me dy seanca të jashtëzakonshme të ftuara. Shtyrje pas shtyrje, pas nisjes, në të parën seancë, të kërkuar nga qeveria, paralajmërohet të vijojë nesër në orën 14:00/

-Seanca e dytë e jashtëzakonshme, e kërkuar nga opozita, e ftuar për në orën 10:00 as që ka nisur fare/

Gazeta DIELLI nga korrespondenti në Kosovë Behlul Jashari

PRISHTINË, 4 Shtator 2018/ Shtyrje pas shtyrje ka vazhdimi i seancës së jashtëzakonshme të Kuvendit të Kosovës, të ftuar për sot në ora 9:00 dhe të nisur me një orë vonesë, me vetëm një pikë në axhenë: “Shqyrtimi i Propozim-vendimit të qeverisë së Republikës së Kosovës për emërimin e Ekipit Negociator për Normalizimin e Marrdhënieve në mes të Republikës së Kosovës dhe Republikës së Serbisë”.

Seanca e bojkotuar nga opozita, nisi me vetëm 61 deputëtë të pranishëm të Kuvendit 120 anëtarësh, mes tyre Teuta Rugova nga grupi më i madh parlamentar i LDK-së opozitare, që e bënte forumin me numër minimal – një më shumë se gjysma.

Pas debatit, kur pritej të votohej për ekipin negociator të emëruar dje nga qeveria e që sot kryeministri Ramush Haradinaj ia prezantoi Kuvendit, u dha pushim 15 minutësh, i cili po zgjatë me orë, duket në pritje të sigurisë për kuorum e vota të mjaftueshme.

Në dy njoftime të dërguara nga Kuvendi u njoftuan dy shtyrje të seancës gjatë pasditës.

Në njoftimin e parë bëhej e ditur se, “me kërkesë të iniciuesit, seanca e jashtëzakonshme e Kuvendit shkon në pauzë deri në orën 16:30”, ndërsa në njoftimin e dytë theksohej se pushimi-pauza shkon “deri në orën 18:30”.

Seanca jashtëzakonshme e Kuvendit të Kosovës, e ftuar pas kërkesës së qeverisë, e nisur dhe ndërprerë paraditen e sotme, nuk vijoi as pas “pauzës deri në orën 18:30”, dhe as në ora 20:00 nuk ka njoftim zyrtar dhe nuk dihet kur do vijojë.

Seanca e jashtëzakonshme, sipas paralajmërimeve pas orës 20:00 pritet të vijojë nesër në orën 14:00.

Kuvendi i Kosovës nisi sot sesionin vjeshtor pasi ishin ftuar dy seanca të jashtëzakonshme për t’u mbajtur brenda kësaj dite të martë të 4 shtatorit, ku rikthehet debati për dialogun Prishtinë-Beograd në Bruksel, me të cilin u përmbyll sesioni vjeshtor me një seancë të papërfunduar në 30 korrik.

Seancat e jashtëzakonshme u ftuan gjatë ditës së djeshme në dy mbledhje të Kryesisë së Kuvendit me kryetarët e grupeve parlamentare, njëra e mbajtur pasdite pas një kërkese javën e kaluar nga opozita e tjetra në mbrëmje pas kërkesës së qeverisë pasditen e djeshme.

Jo sipas renditjes së kërkesave, fillimisht u ftua nga ora 9:00 të mbahet seanca e jashtëzakonshme me të vetmen pikë në axhëndë: “Shqyrtimi i Propozim-vendimit të qeverisë së Republikës së Kosovës për emërimin e Ekipit Negociator për Normalizimin e Marrdhënieve në mes të Republikës së Kosovës dhe Republikës së Serbisë”.

Ndërsa, për në orën 10:00, ishte ftuar, por ende as që ka nisur fare, seanca e jashtëzakonshme poashtu me vetëm një pikë në axhendë: “Debat parlamentar lidhur me angazhimet e Presidentit të Kosovës për përfshirjen e ‘shkëmbimit të territoreve’ apo ‘korrigjim të kufijve’ në dialogun në mes të Kosovës dhe Serbisë”.

Në 29 gusht 2018 Grupi Parlamentar i Lidhjes Demokratike të Kosovës, e mbështetur edhe nga dy partitë tjera opozitare, Lëvizja Vetëvendosje dhe Partia Socialdemokrate, dorëzoi kërkesën për seancë të jashtëzakonshme të Kuvendit të Kosovës, siç theksoi, për të shprehur qëndrimin institucional kundër cenimit të territorit të Republikës së Kosovës. “Në këtë seancë do të propozohet për miratim rezoluta me vetëm një pikë, ku konfirmohet se territori i Kosovës është një dhe i pa ndashëm dhe se askush nuk ka mandat të negociojë për territorin e Kosovës. Pazare me shtetin e Kosovës nuk mund të bëjë askush”, ka thekusr opozita duke paralajmëruar që të hënën e para më shumë se një jave “seancë të jashtëzakonshme e Kuvendit para datës 7 shtator 2018”.

Pas kësaj këkresë, Kryesia e Kuvendit të Republikës së Kosovës, e drejtuar nga Kadri Veseli, kryetar, është mbledhur dje pasdite bashkë me kryetarët e grupeve parlamentare, për të shqyrtuar kërkesën e opozitës për seancë të jashtëzakonshme të Kuvendit.

Kryesia vlerësoi se kërkesa i plotëson kushtet formale për mbajtjen e seancës dhe njëzëri vendosi që, konform saj, Kuvendi të mblidhet në seancë të jashtëzakonshme të martën, në 4 shtator 2018, në orën 10:00.

Kryesia e Kuvendit të Kosovës është mbledhur përsëri mbrëmjen e djeshme për të shqyrtuar kërkesën e kryeministrit Ramush Haradinaj për mbajtje të seancës së jashtëzakonshme dhe vendosi që konform praktikave dhe sipas kërkesës së parashtruar, seanca do të mbahet të martën, në 4 shtator 2018, në orën 9:00.

Qeveria e Kosovës, në mbledhjen e pasditës së djeshme, ka emëruar ekipin negociator në kuadër të dialogut për normalizimin e marrëdhënieve në mes të Republikës së Kosovës dhe Republikës së Serbisë.Në këtë dialog, qeveria e Republikës së Kosovës do të përfaqësohet me këtë ekip negociator: Zëvendëskryeministrat Fatmir Limaj, kryetar i Nismës Socialdemokrate – kryesues, Enver Hoxhaj, nënkryetar i Partisë Demokratike të Kosovës – zëvendëskryesues, Behxhet Pacolli, kryetar i Aleancës Kosova e Re – anëtar, Dardan Gashi (nuk përfaqëson ndonjë parti) – anëtar, si dhe dy anëtarë të tjerë- ministri i Administratës Publike Mahir Yagcilar, kryetar i Partisë Demokratike Turke të Kosovës, dhe Avni Arifi – shef i kabinetit të kryeministrit, i cili në mbledhjen e qeverisë në 12 janar 2018 u emërua shef i delegacionit kosovar në bisedimet teknike Kosovë-Serbi në Bruksel.

Qeveria e Kosovës në komunikatën nga mbledhja e ditës së djeshme për emërimin e ekipit negociator theksonte edhe se, po ashtu në këtë ekip rezervohen vendet për përfaqësuesit e opozitës: Lidhjes Demokratike të Kosovës, Lëvizjes Vetëvendosje, Partisë Socialdemokrate, si dhe për ekspertë nga shoqëria civile.

Kryeministri Haradinaj ka vlerësuar se ky është një ekip përfaqësues politik i koalicionit qeverisës, por edhe një ekip që do të prezantojë përgjegjësitë qeveritare.

Ai paralajmëroi se, ky vendim i qeverisë do të dërgohet në Kuvendin e Republikën e Kosovës për aprovim. Në lidhje me këtë kryeministri tha se do të kërkojë nga Kuvendi një seancë urgjente për diskutimin dhe aprovimin e ekipit dhe platformës së negociatave të Kosovës në dialogun për normalizimin e marrëdhënieve me Serbinë.

Në 30 korrik 2018 Kuvendi i Kosovës njoftoi mbylljen e sesionit pranveror pa përfunduar seancën plenare të debatit parlamentar për dialogun me Serbinë, ndërkohë që kishte edhe një propozim rezolute të paharmonizuar mes grupeve parlamentare, rreth së cilës kishte pikëpamje të ndryshme dhe replika.

Propozuesi, që është një nga partitë opozitare – PSD, shprehu gatishmëri për takim me grupet parlamentare që ta diskutojnë dhe ta plotësojnë propozimrezolutën para se ajo të hidhet në votim në fillimin e sesionit vjeshtor.

Në dialogun Kosovë-Serbi në Beuksel një takim tjetër i nivelit të lartë presidencial është paralajmëruar për të premtën e kësaj jave – 7 shtator.

KUVENDI I KOSOVËS, SHTYRJE PAS SHTYRJE, NESER SEANCA E JASHTËZAKONSHME

September 4, 2018 by dgreca

LAJMI I FUNDIT: NUK KA SOT VIJIM TË SEANCËS SË JASHTËZAKONSHME TË KUVENDIT TË KOSOVËS, PARALAJMËROHET PËR NESËR NË ORËN 14:00/

Seanca jashtëzakonshme e Kuvendit të Kosovës, e ftuar pas kërkesës së qeverisë, e nisur dhe ndërprerë paraditen e sotme, nuk vijoi as pas “pauzës deri në orën 18:30”, dhe as në ora 20:00 nuk ka njoftim zyrtar dhe nuk dihet kur do vijojë.

Seanca e jashtëzakonshme, sipas paralajmërimeve pas orës 20:00 pritet të vijojë nesër në orën 14:00./

Shtyrje pas shtyrje ka vazhdimi i seancës së jashtëzakonshme të Kuvendit të Kosovës, të ftuar pas kërkesës së qeverisë, për sot në ora 9:00 dhe të nisur me një orë vonesë, me vetëm një pikë në axhenë: “Shqyrtimi i Propozim-vendimit të qeverisë së Republikës së Kosovës për emërimin e Ekipit Negociator për Normalizimin e Marrdhënieve në mes të Republikës së Kosovës dhe Republikës së Serbisë”.

Në dy njoftime të dërguara nga Kuvendi u njoftuan dy shtyrje të seancës gjatë pasditës.

Ndërsa, për në orën 10:00, ishte ftuar, me kërkesë të opozitës, por ende as që ka nisur fare, seanca e jashtëzakonshme poashtu me vetëm një pikë në axhendë: “Debat parlamentar lidhur me angazhimet e Presidentit të Kosovës për përfshirjen e ‘shkëmbimit të territoreve’ apo ‘korrigjim të kufijve’ në dialogun në mes të Kosovës dhe Serbisë”.

PËR DISKUTIMIN E KUFIJVE KOSOVË – SËRBI

September 3, 2018 by dgreca

Shkruan: Thanas L. GJIKA/

Këto ditë po diskutohet problemi i korrigjimit të kufijve midis shtetit të Kosovës dhe shtetit të Sërbisë. Po marr guximin edhe unë të shpreh shkurt mendimin tim:

Ideja e krijimit të shteteve kombëtarë në Gadishullin e Ballkanit ku të përfshihen gati gjithë territoret ku flitet gjuha e popullit të tyre, më duket ide e drejtë. E them këtë sepse popujt e Ballkanit janë larg nga mendësia e tolerancës europiane. Ideja e krijimit të shteteve kombëtare në Ballkan shpie tek krijimi i një shteti kombëtar Shqiptar në Ballkanin Perëndimor, një shteti Sërb në Ballkanin Qendror, një shteti Bullgar në Ballkanin Perëndimor. Pra nuk ka pse të krijohen dy shtete shqiptare dhe një Maqedoni ku shumicën e përbëjnë Bullgarët e Shqiptarët.

Nëqoftëse shtrimin dhe zgjidhjen e problemit të krijimit në Ballkan të shteteve kombëtare e marrin përsipër ShBA-të dhe BE-ja, atëhere nuk ka pse të shqetësohemi dhe nuk ka pse ta kundërshtojmë.

Bashkimi me shtetin e Kosovës i Luginës së Preshevës ku shqiptarët përbëjnë shumicën dhe bashkimi me shtetin e Sërbisë i Mitrovicës së Veriut ku sërbët përbëjnë shumicën, siguron paqen midis këtyre dy shteteve dhe nuk e dëmton Kosovën. Puna është që ky proces të shpihet deri në fund, pra deri tek krijimi i shtetit kombëtar Shqiptar, shtetit kombëtar Sërb dhe shtetit kombëtar Bullgar.

Fjalët se Mirovica e Veriut përbën “zemrën e Kosovës”, ose pasurinë e saj më të madhe, etj, nuk duhet të na shqetësojnë, ato janë fjalë e asgjë tjetër.

Begatinë e një shteti dhe të banorëve të tij nuk e sjellin pasuritë nëntokësore, e mbitokësore, as fushat e gjera dhe as brigjet e bukura të deteve. Begatinë e një shteti dhe të banorëve të tij e krijojnë njerëzit, sidomos qeveritarët me punën e tyre. Nëse një shtet e drejtojnë njerëz të ndershëm dhe atdhetarë, ai shtet dhe populli i tij jetojnë në begati e paqe. Nëse një shtet e drejtojnë njerëz të pandershëm dhe jo atdhetarë, ai shtet dhe populli i tij jeton në varfëri. Shëmbujt janë të shumtë, por unë po ju sjell vetëm një:

Populli i Zvicrës, popull i një shteti të vogël me shumë male me pak fusha e pak minerale, dhe pa bregdet, jeton në begati; kurse populli i Rusisë, popull i një shteti të madh me fusha të gjera, plot pasuri minerale e brigje të shumta detare, jeton në varfëri. Për të njëjtat arsye jetojnë në begati si populli i Zvicrës edhe populli i Belgjikës, Hollandës, Danimarkës, Suedisë, Norvegjisë, etj. Dhe po për këto arsye jetojnë në varfëri si populli i Rusisë dhe populli i Indisë, Meksikës, Kongos, etj.

Pra dhe populli i Kosovës në ditët tona dhe ai i Shqipërisë së bashkuar nesër, si dhe ai i Sërbisë së sotme dhe ai i Sërbisë së bashkuar nesër, do të jetojnë në begati e paqe nëqoftëse do të drejtohen nga burra shteti atdhetarë e të ndershëm dhe jo se do të kenë nën qeverisje edhe këto ose ato krahina.

Popullit shqiptar nuk i duhen disa shtete, por një shtet i vetëm kombëtar ku të përmblidhen sa më shume territore ku shqiptarët përbëjnë shumicën. Ekzistenca e shtetit të Kosovës si shtet shqiptar i pavarur, ishte një zgjidhje e përkohëshme derisa t’i mbushej mendja klasës politike të shtetit Sërb se Kosova nuk ishte pjesë e Sërbisë. E tani që u kuptua se për shtetin Sërb është më mirë të bashkojë teritoret ku populli Sërb përbën shumicën dhe të mos pretendojë më për Kosovën dhe Luginën e Preshevës, problemi i bashkimit në një shtet shqiptar i trojeve ku populli shqiptar përbën shumicës merr rrugën e zgjidhjes.

Në rast se Kosova pasi të lëshojë Mitrovicën e Veriut dhe të marrë Luginën e Preshevës, do të vijojë të jetë shtet i pavarur, lind problemi: shqiptarët e Maqedonisë do të jenë minoritet i shtetit Shqiptar të Shqipërisë apo minotitet i shtetit Shqiptar të Kosovës?

Zgjidhje më e mirë dhe paqesjellëse është bashkimi i Republikës së Shqipërisë me Republikën e Kosovës në një shtet dhe shkrirja e shtetit të Maqedonisë midis Bullgarisë dhe Shqipërisë së bashkuar. Përderisa shqiptarët e ballkanit Perëndimor, që sot jetojnë të ndarë në disa shtete luftuan kundër pushtuesit osman dhe shtetit Sërb me një flamur të përbashkët, flamurin e Gjergj Kastriotit, do të thotë se ky popull duhet të krijojë një shtet kombëtar nën këtë flamur. Zgjidhjet e tjera janë afatshkurta…