Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

Kosovo hopeful Uefa admission can lead to place in 2018 World Cup qualifying

by

Kosovë, Thaçi vizitë zyrtare në Mbretërinë e Bashkuar/

LONDËR, 16 Shtator 2015/ Zëvendëskryeministri i parë, njëherësh ministër i Punëve të Jashtme i Kosovës, Hashim Thaçi, ka udhëtuar për vizitë zyrtare në Mbretërinë e Bashkuar.

Gjatë vizitës dyditore, zëvendëskryeministri Thaçi do të zhvillojë takime me përfaqësues shtetëror të Mbretërisë së Bashkuar, përfaqësues të  Parlamentit, të shoqërisë civile, përfaqësues të bizneseve dhe të mediave.

Krahas bisedave për thellimin e bashkëpunimit bilateral me homologun e tij dhe deputetë të parlamentit, në këto takime do të flitet edhe për mbështetjen e Britanisë së Madhe në procesin e anëtarësimit të Kosovës në UNESCO, thekson njoftimi dërguar nga Londra i MPJ-së kosovare.

Në Londër, zëvendëskryeministri Thaçi do të takohet edhe me përfaqësues të bizneseve të cilëve do t’ua prezantojë mundësitë për të investuar në Kosovë.

Kryediplomati kosovar Thaçi sot ka shkruar në ‘Facebook’: “Jam në vizitë zyrtare në Britani të Madhe, ku kam takime te shumta zyrtare por sot në mëngjes e pash këtë artikull në shtypin britanez! I dëshiroj Federatës sonë të futbollit dhe futbollisteve që më në fund t’ju realizohet – atyre dhe neve, ëndërra e kahmotshme të luajmë me përfaqësuesën tonë në Botërorin 2018! Presim me padurim”. /b.j/

Kosovë-Mbi 50 mijë nënshkrime për liberalizim vizash

by

-Pjesë e fushatës është edhe një film dokumentar, i cili pritet të shfaqet në tetor/

Nga Behlul Jashari/ PRISHTINË, 15 Shtator 2015/ Fondacioni i Kosovës për Shoqëri të Hapur në partneritet me disa organizata joqeveritare kosovare i dorëzoi sot pasdite Zyrës së BE-së dhe Ministrisë së Integrimit 54,829 nënshkrime të mbledhuara për fushatën për liberalizim të vizave.

Fushata për liberalizim të vizave ka nisur në prill 2015 me letrën e hapur që shoqëria civile ia ka dërguar Përfaqësueses së Lartë të Bashkimit Evropian, Federika Mogherini. Fushata ka vazhduar me vendosjen e posterëve sensibilizues në hapësirat e Aeroportit ndërkombëtar të Prishtinës me mesazh për pamundësinë e lëvizjës së lirë,  si dhe nëpër të gjitha rrjetet sociale.

Po ashtu, fushata ka vazhduar me peticionin online, i cili  ka mbledhur afër 4,000 nënshkrime.

Në 7 qytetet kryesore të Kosovës është organizuar  mbledhja e nënshkrimeve nga qytetarët. Qytetarëve iu është dhënë mundësia që  t’i dërgojnë edhe kartolina të personalizuara  Shefit të Zyrës së BE-së e Përfaqësuesit të Posaҫëm të Bashkimit Evropian Samuel Zhbogar dhe ministrit kosovar për Integrim Evropian Bekim Ҫollaku, për të shprehur pakënaqësinë lidhur me mohimin e të drejtës legjitime të lëvizjes së lirë.

Interesim për ta nënshkuar peticionin kanë shprehur 54,829 qytetarë, ndërsa janë dërguar gjithësej 1,020 kartolina.  Pjesë e fushatës është edhe një film dokumentar, i cili pritet të shfaqet në tetor të këtij viti.

Ministria e Integrimit Evropian bën të ditur se ministri Bekim Çollaku ka pranuar sot peticionin e dorëzuar nga Fondacioni i Kosovës për Shoqëri të Hapur në partneritet me disa OJQ kosovare i cili mbanë mbi 50 mijë nënshkrime të qytetarëve që kërkojnë përshpejtim të procesit të liberalizimit të vizave.

Lidhur me këtë, ministri Çollaku i ka njoftuar përfaqësuesit e organizatave joqeveritare se Kosova pret që këtë vit të merr rekomandimin pozitiv për liberalizimin e vizave duke u mbështetur në faktin se janë përmbushur kriteret e kërkuara nga Udhërrëfyesi për liberalizim.

“Falënderoj organizatat e shoqërisë civile për iniciativën që kanë ndërmarrë për peticionin e nisur për heqjen e vizave midis institucioneve të Kosovës dhe Bashkimit Evropian, për nevojën e përshpejtimit të procesit të liberalizimit të vizave dhe përmbylljen e detyrave nëse kanë mbetur  të tilla”, citohet ai.

“Sipas meje si kryesues i procesit të liberalizimit të vizave në emër të qeverisë së Republikës së Kosovës me përgjegjësinë më të lartë them se të gjitha detyrat e parapara me Udhërrëfyes teknikisht janë të përfunduara, të adresuara dhe të mbyllura”, ka thënë ministri Çollaku gjatë takimit.

Po ashtu ministri ka theksuar se iniciativa e këtyre organizatave do t’i  jep një shtytje edhe më të  madhe procesit të liberalizimit.

Kosovë- Në kufi me Serbinë bllokohen shqiptarët votues në Medvegjë

by

 PRISHTINË, 13 Shtator 2015/ Në vendkalimin kufitar të Kosovës me Serbinë, Mutivodë, drejt Luginës së Preshevës, të banuar me shumicë shqiptare, ku sot në komunën e Medvegjës kishte zgjedhje lokale të jashtëzakonshme, kanë pritur shumë orë votues, qytetarë shqiptarë të asaj komune, që aktualisht jetojnë në Kosovë.Raportohet se në pikëkalimin kufitar medvegjasit edhe janë përplasur me policët serbë, të cilët arsyetoheshin se askush nuk mund të hyjë në Serbi për shkak se kanë probleme me sistem të regjistrimit.

Pas 7 orë pritje në pikëkalimin Mutivodë, banorët e Medvegjës që jetojnë në Kosovë janë lejuar të hyjnë në territorin e Serbisë. Ministrja e dialogut në qeverinë e Kosovës, Edita Tahiri ka kërkuar nga Bashikimi Evropian që të ndërhyjë dhe të mundësohet qarkullimi i lirë, i qytetarëve drejt Medvegjës.

Për zgjedhjet komunale në Medvegjë ishin pesë lista zgjedhore – tre serbe e dy shqiptare, ndërsa ishin të regjistruar rreth 10.500 votues. Sipas medias serbe, deri në orën 15 kanë votuar 35 për qiund e qytetarëve me të drejtë vote. Dy listat shqiptare kanë kërkuar vazhdimin e votimit në disa vendvotime edhe pas kohës së paraparë për mbylljen e tyre, që t’u mundësohet votimi të bllokuarëve gjatë ditës në kufi.

 Por, Komisioni zgjedhor komunal në Medvegjë,  në mbrëmje, ka hedhur poshtë si “të pabazuar” kërkesën e dy listave shqiptare për zgjatjen e kohës për votim në zgjedhjet lokale të zhvilluara sot në këtë komunë.

Në vendkalimin kufitar Kosovë-Serbi, në Mutivodë, ku gjatë ditës kishte kolonë kilometërshe dhe bllokim nga ana serbe, në këto momente ka “qarkullim të lehtësuar” dhe kolonë 300 metra në dale. Ndërsa në hyrje nga Serba në Kosovë nuk ka kolonë dhe pritet 5 deri 10 minuta, sipas Qendrës Kombëtare për Menaxhim Kufitar të Kosovës./B.Jashari/

Zv/Asmbasadori i SHBA në Shqipëri, zoti David Muniz, përshëndet nismat rajonale

by

“Përpara se të vija në Shqipëri, kam shërbyer në Malin e Zi dhe Kosovë. I njoh shumë mirë sfidat me të cilat përballet ky rajon. Mund të them se, personalisht, jam krenar që kam dhënë ndihmesën time, si diplomat amerikan, që rajoni të ecë përpara. Për të gjitha dallimet midis vendeve të Ballkanit Perëndimor, ka akoma edhe më shumë gjëra të përbashkëta. Bashkëpunimi rajonal, sidomos nëpërmjet nismave si Open Government Partnership, është thelbësor për zhvillimin drejt një rajoni ballkanik më të fortë dhe më të suksesshëm. Unë e përgëzoj qeverinë dhe popullin shqiptar për mbështetjen që i kanë dhënë kësaj nisme, dhe ju premtoj se Shtetet e Bashkuara do të vazhdojnë të mbështesin përpjekje që forcojnë marrëdhëniet rajonale.”

Theksoi Zëvendës Ambasadori David Muniz, gjatë aktivitetit “Open Government Partership Dialogue” – 10 shtator, 2015

“Before coming to Albania, I also served in Montenegro and Kosovo. I know very well the challenges this region faces. I can say, personally, that I have been proud to contribute what I am able, as an American diplomat, to help the region move forward. For all the differences between the countries of the Western Balkans, there are even more similarities. Regional cooperation, especially through initiatives like the Open Government Partnership, is essential for progress towards a stronger and more successful Balkan region. I commend the government and people of Albania for their support of such initiatives and commit to you that the U.S. will continue to back efforts that strengthen regional relationships.” Deputy Chief of Mission David Muniz at the Open Government Partnership Dialogue” –. {Sh.K}.

Presheva ka shpallë Asociacionin e Komunave Shqiptare

by

*Presheva në ballë të Kuvendit me flamur kombëtar ka shpallë Asociacionin e Komunave Shqiptare (AKSH)/

*Deputetet e tri komuneve shqiptare me shumicë votash i thanë PO Asociacionit te Komunave Shqiptare-AKSH-së. Nga numri i përgjithshëm i deputetët 100 per qind (43) votuan për, dmth pa kundershtime dhe pa absteniem./

Deputetët e Kuvendeve te tri komunave shqiptare ne Serbine jugore (Preshevë, Bujanoc dhe Medvegjë) ashtu sic ishte paralajmeruar sot me 12 shtator 2015, me flamurin kombëtar ne ballë te kuvendit , me shumice votash kane miratura themelimin e Asociacionit te Komunave Shqiptare ne Serbi.

Deputetet e tri komuneve shqiptare me shumicë votash i thanë PO Asociacionit te Komunave Shqiptare-AKSH-së. Nga numri i përgjithshëm i deputetët 100 per qind (43) votuan për, dmth pa kundershtime dhe pa absteniem.

Votimet u zhvilluan ne nje atmosfere tejet te tensionuar dhe presion sa nga qeveria e Beogradit po aq edhe nga forcat e medha policore dhe ushtarake qe shtrihehsin ane e kend qytetit të Preshevës dhe ne malet e Karadakut.Pas miratimit të ketij asociaconi nga kuvendaret shqiptare kryetari i KKSH-së Jonuz Musliu i ka deklaruar agjencise se lajmeve “Presheva jonë” se “ky proces ështe nje akt historik qe edhe shqiptaret e Lugines te kene AKSH-ne e tyre, eshte jo vetëm përgjigjie e reciprocitet me statusin e serbëve ne Kosovë por edhe imperativ i kohës për nje perespktivë me të mire te shqiptareve të Lugines se Preshevës drejt integrimeve evropiane..”