Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

Kosovë, ushtrim fushor “Marsi 2014”

by

Nga B.Jashari/.-Ministria e Forcës së Sigurisë së Kosovës bën të ditur se njëra nga njësitë e Komandës së Doktrinës dhe Stërvitjes (KDS), Qendra e Studimeve Universitare e FSK-së, ka realizuar ushtrimin fushor  të koduar “Marsi 2014”.

Pjesa teorike u realizua në hapësirat e Kazermës “Skënderbeu”, ndërsa vlerësimi final është se ky ushtrim ka qenë mjaft frytdhënës dhe ka ndihmuar kadetët që të shohin sfidat me të cilat mund të ballafaqohen gjatë karrierës së tyre ushtarake, dhe vendimet të cilat duhet t’i marrin.

Në njoftimin e zyrës së shtypit të FSK-së theksohet se, kadetët gjatë periudhës 4 vjeçare realizojnë disa ushtrime fushore.

 

Lugina e Preshevës, shqiptarët fitojnë së paku një mandat në Kuvendin e Serbisë

by

Nga B.Jashari/.- Shqiptarët e Luginës së Preshevës do të kenë të paktën një deputet në Kuvendin e Serbisë, pasi sipas rezultatit paraprak të 65.37% të vendvotimeve, të publikuar në mesnatë nga Komisioni Zgjedhor Republikan , lista Partia për Veprim Demokratik – Riza Halimi ka fituar 0.89% të votave. Po të ishte përfundimtare kjo përqindje do fitoheshin 2 mandate, aq sa figurojnë edhe në rezultatin paraprak të mesnatës të publikuar në faqen zyrtare.
Kryesuesi i listës, lideri i Partisë për Veprim Demokratik – Riza Halimi, i cili në mandatin e kaluar ishte deputeti i vetëm shqiptar në Kuvendin e Serbisë, e fiton këtë mandat për herë të katërt.
Derisa parti të tjera shqiptare në Luginën e Preshevës kanë bojkotuar pjesëmarrjen në zgjedhjet parlamentare serbe, partia që udhëheq Halimi kishte vendosur që edhe këtë herë të garonte në zgjedhjet për Parlamentin e Serbisë.
Riza Halimi, kryesuesi i listës së Partisë për Veprim Demokratik, sipas medias lokale në Luginën e Preshevës ka thënë se shpresonte që qeveria e ardhshme e Serbisë të bëjë diçka konkrete për banorët e kësaj zone.
“Dalja masive e votuesve tanë ka peshë për sigurimin e përfaqësuesve legjitimë në Parlament”, është cituar ai

UKRAINË – Parlamenti miraton mobilizimin e pjesshëm ushtarak

by

Parlamenti ukrainas miratoi sot një mobilizim të pjesshëm për t’u përballur me ndërhyrjen e Rusisë në punët e brendshme të Ukrainës.
Mobilizimi i kërkuar presidenti i përkohshëm, Olexandre Turçinov, që ka të bëjë me përkeqësimin e gjëndjes politike në vend dhe me ndërhyrjen e Rusisë në punët e brendshme të Ukrainës, u miratua nga 275 deputetë, ndërkohë që 33 deputetë nuk morën pjesë në votim. Askush nuk votoi kundër.

UKRAINË – Pjesëmarrje prej 50 për qind në referendumin në Krime

by

SEBASTOPOLI (KRIME) 16 Mars – Vazhdojnë votimet për referendumin që po zhvillohet sot në Krime, ndërsa pjesëmarrja pritet të jetë tepër e lartë e popullsisë ruse në rajon.

Aktualisht të dhënat e pjesëmarrjes rezultojnë mbi 50 për qind e votuesve janë paraqitur të votojnë për referendumin e aneksimit nga Rusia, sipas shifrave të publikuara në Sebastopoli, qyteti më i populluar në Krime, deklaroi komiteti qendror zgjedhor në Sebastopoli, vetëm rreth 5 otë pas hapjes së qendrave të votimit.

Riza Halimi i Preshevës garon në zgjedhjet e nesërme në Serbi

by

Nga Behlul Jashari/Në zgjedhjet e nesërme të jashtëzakonshme parlamentare në Serbi garon edhe një listë e shqiptarëve të Luginës së Preshevës, Partia për Veprim Demokratik – Riza Halimi.Lideri i kësaj partie, Halimi, i cili ishte deputeti i vetëm shqiptar në Kuvendin e Serbisë, synon edhe një mandat tjetër.

Duke iu përgjigjur sot interesimit të medias, kryeministri i Kosovës, Hashim Thaçi tha se “ftoj qytetarët në Preshevës, Medvegjës dhe Bujanovcit që të participojnë në jetën demokratike, të participojnë në proceset elektorale dhe t`i zgjedhin njerëzit e tyre për t`i përfaqësuar”, Qytetarët serbë të Kosovës që kanë dyshtetësi kanë të drejtën dhe do të kenë mundësinë të votojnë.

Kryeministri Thaçi tha se, “me Kushtetutë dhe ligjet e Kosovës qytetarët e Kosovës e kanë të drejtën e dyshtetësisë dhe kjo e drejtë duhet të respektohet për të gjithë qytetarët pa dallim”, ndërsa theksoi se, “Serbia nuk mund të organizojë zgjedhje në Kosovë”