Sport – Page 29 – Dielli

FIA FORMULA 3-TALENTI SHQIPTAR

August 29, 2020 by dgreca

Lirim Zendeli, nje “yll” shqiptar qe po lind ne Formula 3.

Përgatiti Albano Kolonjari

Një yll shqiptar po lind ne FIA Formula 3. Quhet Lirim Zendeli. Ka lindur ne Gjermani, por me prindër shqiptarë nga Maqedonia e Veriut. 29 gushti i vitit 2020 do të mbahet mënd gjatë nga Lirim Zendeli, pasi arriti të fitojë për herë të parë nje garë të FIA Formula 3. Zendeli garon për Trident Racing Team dhe sëbashku me shokun e tij të ekipit David Beckmann ndanë vendin e parë dhe te tretë. Gara u zhvillua ne SPA-Francorchamps të Belgjikës. Kampionati FIA Formula 3 është në raundin e shtatë. Ne tetor të këtij viti Zendeli mbush 20 vjec . Ai është shpallur kampion i Gjermanisë në vitin 2018 në ADAC Formula 4.

FIA Formula 3:

Lirim, fitorja juaj e parë në Kampionatin FIA Formula 3. Po sa e veçantë ndihet kjo?

Lirim Zendeli: Ishte një garë shumë e veçantë për mua dhe që do të më shërbejë shumë ne garat e ardhëshme. Poli i parë dje, dhe dal i pari sot. Unë mendoj se kemi pasur një makinë vërtet të mirë gjatë fundjavës. Jam thjesht e lumtur që mora pikë. Unë mendoj se jam rikuperuar mjaft në Kampionat dhe tani mezi pres të mbaj ritmin.

FIA Formula 3: U shtruan disa pyetje dje nëse ishte një pozicion poli ‘me fat’, por sigurisht asgjë me fat sot. Ju garuat në kontroll të plotë. A ishte e lehtë brenda makinës?

Lirim: Mund të duket e lehtë, por nuk ka qenë e tille ne pistë. Théo kishte një ritëm të lartë që në fillim dhe unë duhej ta ulja atë për të qëndruar përpara. E dija që nëse do të fillonim të luftonim, mbase do të tërhiqja dhe të tjerët do të arrinin. Kështu që, unë vetëm bëra çmos për të qëndruar përpara. Ne gjithashtu kemi pasur një makinë të mirë për këtë. Théo ka një makinë shumë të mirë duke më shtyrë përpara. Unë mendoj se ai thjesht e nënvlerësoi pak pozicionin tim. Unë jam në vitin tim të dytë këtu, kështu që e njihja pak. Por po. Unë jam thjesht e lumtur që arita të fitoj.

Formula 3. Por ne do të shohim se cfarë do të besh në garat e ardhëshme.

Lirim: Unë pata fat shumë të keq në disa prej fundjavave të kaluara ku nuk shënova asnjë pikë. Unë mendoj se kam pasur tre fundjavë me zero pikë. Kjo është ajo që më la pak pas. Qëllimi im tani është vetëm të ruaj ritmin, të shënoj sa më shumë pikë dhe të rikuperoj. Nuk e di se ku mund të përfundojmë në fund. Unë isha mjaft larg pesë të parëve..Me siguri, fundjava tjetër duhet të jetë po aq e mirë sa tani. Kjo është ajo që unë jam duke kërkuar.

Nata e madhe e futbollit shqiptar në Ligën e Europës

August 28, 2020 by dgreca

Teuta “Mbretereshe”, Sherri “heroi” laçian… Kukësi “shuplakë” Slavias… Shkëndija një fitore për ditëlindje… Renova eleminon kampionen e shumfishtë …

Përgatiti:Albano Kolonjari-

Faleminderit Teuta, Laçi, Kukësi, Shkëndija dhe Renova. 27 gushti i këtij viti do të hyjë në historinë e Europa Lige, si nata e madhe e futbollit shqiptar. Tre ekipe shqiptare Teuta, Laçi dhe Kukësi shkruajnë historinë duke u kualifikuar për në turin e tretë të Ligës së Europës. Dhe sëbashku me to edhe dy skuadrat shqiptare të Maqedonisë së Veriut Shkëndija dhe Renova, kanë bërë që për një natë Liga e Europës të flasë shqip.

Teuta-Beitar 2-0

“Kualifikimin ia dedikojmë familjeve tona, qytetit të Durrësit që na ka përkrahur. Edhe pse me stadium bosh, nga pallatet u dëgjuan broherimat, e dimë që na kanë parë nga televizori…fitorja u përket atyre”, shprehet tranjeri i Teutes Edi Martini. Në stadiumin “Niko Dovana”, Teuta është “mbretëresha” e mbrëmjes shqiptare. Krasniqi (6′) dhe Hebaj (88′) i dhanë Teutës fitoren e pastër përballë skuadrës Beitar të Jeruzalemit. Skuadra nga Jeruzalemi zbriste në Niko Dovana duke mbajtur mbi supet e saj gjashtë tituj kampion, shtatë kupa dhe dy superkupa te këtij vendi. Në “letër” Beitar ishte më i favorizuar se Teuta në këte takim. Por në fushën e lojës Teuta tregoi se ishte një skuadër me shumë dëshirë, dhe e dominoi ndeshjen gjatë 90 minutave. Takimi nisi me sulm dhe me gol për djemt e detit të cilët kaluan në avantazh që në të gjashtën minutë me anë të Krasniqit. “I falenderoj të dy sulmuesit. Janë dy sulmues të talentuar, njeri më i mirë se tjetri. Më vjen mirë, sepse ishte realisht një ndeshje e rëndësishme”, shprehet “arkitekti” i kësaj skuadre Edi Martini., i cili më pas thekson:” Unë vlerësoj grupin. Ne kemi 18 lojtarë të mrekullueshëm. Ne do të punojmë në merkato, por duhet të pranojmë se kemi një ekip mjaft të mirë”. Në pjesën e dytë Teuta nuk u tërhoq, por vazhdoi të sulmonte dhe kishte mundësi për të shënuar, por goli i dytë do të vinte dy minuta përpara përfundimit të takimit, kur Hebaj me kokë, do të vuloste këtë fitore të bukur të djemve të detit.

***

TEUTA-BEITAR JERUZALEM 2-0

Teuta: Frashëri, Todorovski, Arapi, Hoxha, Kuro, Avdyli, Aleksi, Beqja, E.Vila, L.Vila, Krasniqi. Trajner: Edi Martini.

Beitar Jeruzalem: Nitzan, Biton, Dgani, Verdaska, Kostantini, Rotman, Ali Mohamed, Krif, Atar, Azulai, Vered. Trajner: Roni Levi.

***

Kukësi-Slavia e Sofies 2-1

“Shuplakën” që tranjeri Skënder Gega i dha skuadrës bullgare Slavia e Sofies, duke e eleminuar me rezultatin 2-1, e kanë ndierë edhe drejtuesit e Partizanit, të cilët një vit më parë tranjerit kampion nuk i besuan vazhdimësinë e skuadrës së kuqe në kupat e europës. Kukësi-Slavia ishte një ndeshje e hapur nga të dyja skuadrat. Të parët që kaluan në avantazh ishin kuksianët me anë të P.Eze në të 56 minutë nga pika e bardhë e penalltisë. Pikërish kur kuksianët ishin ne momentin e tyre më të mirë dhe po kontrollonin lojën, ndërshkohë dhe miqtë barazojnë rezultatin në 1-1 në të 81 minutë me anë të Krastev. Fitorja e kuksianëve erdhi nga stoli. Në të 65 minutë Gega hedh në fushën e lojës dyshen Gavazaj-Cooper, të cilët do të ishin edhe çelësi i suksesit kuksian. Cooper në të 85 minutë do ti “vidhej” mbrojtje së Slavias dhe pas një asis te Gavazaj shënon golin e dytë për kuksianët. “Jam i lumtur për lojtarët që u futën në pjesën e dytë, por të gjithë dhanë shpirtin në fushë gjatë 90 minutave dhe meritojnë komplimente” shprehet tranjeri Skënder Gega. Por përsa i përket ndeshjeve të ardheshme Gega thotë:”Do e shikoj me qetësi ndeshjen për të parë ku kemi çaluar dhe besoj se do të përmirësohemi. Kemi objektiva të qarta. Kemi nevojë për përmisime dhe për këtë do të flas me drejtuesit. Dua të përshëndes Teutën dhe Laçin për kualifikimin”.

***

Keshla-Laçi 0-0 4-5 me penallti

Portieri Alan Sherri është heroi kurbinas, ndërsa Laçi bën suprizën duke eleminuar Keshla në stadiumin Shafa të Arzerbajxhanit. Me 37 ndeshje në europë, 6 në Ligën e Kampionve, 27 në Europa Ligë dhe 4 në Kupën Intertoto, Kishla dukej një skuadër e “madhe” për laçianët, të cilët nga ana e tyre nuk e kanë një eksperincë të tillë në kompeticionet europiane. Por në fushën e lojës skuadra e drejtuar nga Armando Cungu tregohet cinike dhe për më tepër që nga minuta e 72-të e takimit luan me dhjetë lojtarë pas daljes me karton të kuq të futbollistit De Olivera. 90-të minutat e këtij takimi përfunduan në barazim 0-0 dhe në bazë të rregullores së UEFA-s u luajtën edhe dy pjesë nga 15 minuta të cilat nuk ndryshuan rezultatin e lojës. Për të caktuar fituesin e këtij takimi u gjujatën penalltitë, ku laçianët fituan 4-5. “Për sa i përket goditjeve të penalltive ne ishim prëgatitur në këtë pikë. Ne kishim marrë parasysh faktin se ishte vetëm një ndeshje, Nuk mendoj se jemi me fat. Ne fituam përmes lojës tonë dhe përkushtimit. Unë kam ardhur në Baku dy herë dhe të dyja herët kisha humbur së pari ndaj Inter Baku, pastaj ndaj Karabak. Këtë herë arrita triumfoja. Ishte një ndeshje e vështirë. Keshla është një ekip shumë i mirë. Jemi të lumtur që fituam, në një ndeshje që u bë shumë e vështirë pasi gjyqtari largoi lojtarin tonë me karton të kuq”u shpreh tranjeri Armando Cungu.

FT: KESHLA – LAÇI 0-0

PENALLTITË: (4-5)

1 . Nuabueze (Laçi) – shënon

2. Klof (Keshla) – shënon

3. Lushkja (Laçi) – shënon

4. Silvio Zhunior (Keshla) – shënon

5. Donald Rapo (Laçi) – shënon

6. Aksiundov (Keshla) – shënon

7. Mentor Mazrekaj (Laçi) – shënon

8. Haxhiev (Keshla) – shënon

9. Ignjatovic (Laçi) – shënon

10 Sherri pret penalltinë e fundit dhe kualifikon Laçin.

KESHLA: Namasko, Qirtimov, Bojoviç, Alijev, Salahil, Kamara, Klots, Isgandarli, Hadzhijev, Artut, Mfutila.

LAÇI: Sherri, Turkaj, Selmani, Ignjatoviç, Marku, Lushkja, Ramos, Deliu, Teko, Xhixha. Nuabueze. Tranjer Armando Cungu

***

Sumgayit FC – Shkendija e Tetoves 0-2

Një fitore për ditëlindje. 41 vjet më parë në 27 gushtin e vitit 1979 do të krijohet në Maqedoninë e Veriut Shkëndija e Tetovës. Pikërisht në ditëlindjen e saj të 41-të skuadra e drejtuar nga profesor Ernest Gjoka fiton pastër në transfertë me rezultatin 0-2 përballë skuadrës azerbajxhanese Sumgayit FC. Besart Ibrahimi dhe Ljupco Doriev shënuan nga pika e bardhë e penallitsë. Kjo ishte fitorja e 10-të e Shkëndijës në Europa Ligë dhe e 13-ta në kompeticoinet europiane. Besart Ibrahimi shënoi golin e tij të 15-të me fanellën e Shkëndijes, ndërsa Dorievi shënoi golin e 40-të në kompeticionet eruopiane për Shkëndijen e Tetovës. Skuadra e profesor Ernest Gjokës e dominoi ndeshjen dhe fitoi me meritë këtë takim. 20 minutat e fundit të takimit skuadra e Shkëndijës së Tetove do ti luante me 10 lojtarë pasi në minutën e 70-të Goudiaby do të ndëshkohej me kartonin e kuq.

***

SUMQAYIT FC-SHKËNDIJA 0:2 (0:0)

Stadiumi “Kapital Bank Arena” në Sumqayit-Azerbajxhan

Arbitër: Arman Ismuratov (Kazakistan)

Golashënues: Ibraimi pen. 56’ dhe Doriev pen. 90’ (Shkëndija)

Karton i kuq: Mutallimov 89’ (Sumqayit)

SUMQAYIT FC: Dzhenetov, Hyseynov (c), Khodzhaniyazov, Mustafayev, Mutallimov, Ghorbani, Sadikhov, Badalov, Ahmadov (Hemati 62’), Mammadov (Abdullazade 73’), Nacafov (Abdullazade 63’).

Trajner: Aykhan Abbasov

SHKËNDIJA: Zahov, Paviç, Bejtullai (c), Ibraimi, Totre, Ahmedi, Doriev (Es Sahal 90’+2), Murati (Neziri 90’+3), Dita, Krivak, Imeri (Zejnullai 77’).

Trajner: Ernest Gjoka

Alashkert-Renova 0-1

Skuadra e Renoves fitoi me rezultatin 0-1 ne Jerevan te Armenise. Golin e vetem te ketij takimi e shenoi Miskovskit ne te 56 minute.

FC Alashkert i Yerevan nuk arriti të kalojë raundin e parë kualifikues të UEFA Europa League. Skuadra e Yeghishe Melikyan luajti me skuadrën shqiptare Renova të Maqedonisë Veriut dhe u mposht me një rezultat minimal 0-1. Renova 0:1 (0:0). Alashkert kishte mundesinë të shënonte në minutën e parë të ndeshjes, por portieri Veli bëri mrekullinë duke shpëtuar portën nga një gol i sigurtë. Në fillim e ndeshjes, Alashkert kishte një avantazh të dukshëm për sa i përket hapësirës dhe lojës, ndërsa skuadra e Renoves i afrohej portës kundërshtare shumë rallë. Momenti i parë i rrezikshëm për Renovën ishte në minutën e 16 kur portieri Ognjen Cancarevic shpëton Alashkert nga një gol i sigurtë. Në mes të ndeshjes, Alashkerti nuk ishte ndonjë avantazh të madh dhe Renova gradualisht filloi të kishte kontroll mbi topin dhe sulmoi. Në fund e pjesës së parë, klubi i futbollit armen ende kishte kontroll të plotë lojën, por nuk arriti të depërtojë në mbrojtjen e Renovës. Pjesa e parë përfundoi 0-0. Në fillim të pjesës së dytë, Renova shënoi golin e parë dhe të vetëm të këtij takimi në minutën e 57-të. Në fund të ndeshjes, sulmet e skuadrës armene ishin të lexueshme, dhe skuadra vendase nuk arriti të paraqiste ndonjë rrezik serioz Renoven, e cila ishte rreshtuar në mbrojtje. Renova bëri suprisë duke eleminuar kampionen e shumefishtë të Armenisë. .

Goals: 58′ Nenad Mishkovski

Alashkert: Čančarević; Bryan, Voskanyan, Mitrevski, Honchar; Grigoryan (80′ Tankov); Gome, Perdigão (61′ Camara), Tiago Galvão, Tiago Cametá (67′ Papikyan); Glišić.

Renova: Velii; Velija, Djelil, Mishkovski, Fetai; Gavazaj, Sadiki: Shefiti, Gafuri (C) (86′ Veliu), Ramadani (71′ Jasharoski); Selmani (63′ Stojchevski).

Yellow cards: Gome, Grigoryan, Glišić, Tiago Galvão (A), Selmani, Shefiti, Sadiki (R)

Referee: Nicholas Walsh

Tirana i dhuron kualifikimin Crvena Zvezdes

August 25, 2020 by dgreca

Liga e Kampioneve.Tirana i dhuron kualifikimin Crvena Zvezdes./

-Egbo:”Keshtu e kishte vendosur zoti”.Dean Stankoviç:”Ne kishim fat dhe fituam”…

Pergatiti Albano Kolonjari-
Ne perfundim te takimit Tirana-Crvena Zvezda 0-1, mund te thuash pa frike se bardheblute ishin te pafat dhe i dhuruan Crvena Zvezda kualifikimin. Ne stadiumin “Air Albania” kampionia e Serbise Crvena Zvezda (Ylli i Kuq) nuk tregoi ate cfare pritej nga nje ekip me emer te madh, ne futbollin europian. Nese Muçi dhe Kobina do te tregoheshin me te sakte kualifikimi do te ishte ne anen e bardhebluve. Por ky eshte futbolli. Por nuk shenove do te pesosh. Tranjeri i Tiranes Egbo shprehet se:”Keshtu e kishte vendosur Zoti qe te ndodhte. Nuk jam merzitur fare, jam shume i kenaqur. Jeta vazhdon. Do te luajme fatet tona, ne Ligen e Europes”. Tirana kishte ne perberje te saj lojtare te rinj pa eksperince ne ndeshje te nivelit te tille, dhe kjo ishte e vetmja diference midis dy ekipeve. Bradheblute treguan qe kane nje ekip me mentalitet fitues dhe kerkuan deri ne minuten e fundit qe te ndryshonin rezultatin por ishin te pafat. Tirana luajti si e barabarte perballe Crvena Zvezdes, krijoi volum loje, dominoi dhe krijoi raste te pastra per shenim. Pika me e dobet e Tiranes ne kete takim ishte stoli bardheblu:” Aq lojtare kishim, aq mundesi kishim per te bere nderrime”, shprehet Egbo pas ndeshjes. Persa i perket lojtareve te rinj tranjeri bardheblu shprehet:” Nuk kishim çfare te benim. Aq mund te jepnim brenda fushes. Lojtaret e rinj nuk kishim mundesi per t’iu bashkuar ekipit. Ekipi ka nevoje per lojtare”. Persa i perket paraqitjes se ekipit ne kete takim Egbo thote se:” Ekipi ka fituar besim jashtezakonisht te larte, ka krijuar personalitet dhe mentalitet fitues. Jam krenar çfare kane dhene lojtaret, ne fushen e lojes dhe perpjekjet e tyre per te ndryshuar rezultatin”.Ne fakt sa here qe ka nje perballje midis ekipeve shqiptare dhe serbe, ato perfshihen ne nje vorbull nacionaliste, dhe kjo me shume nga ana e mediave serbe, te cilat si gjithmone perpara takimit krijuan tension e zakonshem. Por ish futbollisti i njohur i Interit, i cili eshte aktualisht tranjeri i Crvena Zvezda (Ylli i Kuq), Dean Stankoviç, shprehet:”Jemi ndjere shume mire. Hera e pare qe kam erdhur ne Tirane. Na kane pritur shume mire. Kam pershtypje mjaft te mira. Dua t’i falenderoj te gjithe. Një perqafim nga zemra”. Persa i perket ndeshjes Dean Stankoviç, thote se:”Tirana kishte nje ekip shume te pregatitur dhe te motivuar dhe ata zhvilluan nje ndeshje shume te mire. Fati eshte nje faktor shume i rendeshishem. Ne e kemi merituar fatin dhe fituam. Tirana ka nje talent shume te mire si Muçi te cilin une e urova dhe i thashe se duhet te vazhdoje te luaje ne ate menyre”. Me kete humbje Tirana eshte skualifikuar nga Liga e Kampioneve, por ne baze te rregullave te UEFA-s do te marre pjese ne turin tjeter te Liges se Europes dhe gjate ketyre diteve do te mesoje edhe kundershtarin e saj te ardhshem.
Presidenti i Federatës Shqiptare të Futbollit, Armand Duka menjëherë pas ndeshjes KF Tirana – Crvena Zvezda, ka bërë një reagim në rrjetet sociale. Kreu i qeverisë së futbollit shqiptar ka përgëzuar kampionen e Shqipërisë për paraqitjen në sfidën e UEFA Champions League të luajtur sot në “Air Albania Stadium”. Pavarësisht humbjes që solli eliminimin e ekipit shqiptar nga ky kompeticion, presidenti Duka u kërkon bardhebluve të shohin përpara dhe të vazhdojnë rrugën e nisur në kompeticionin tjetër europian, UEFA Europa League.
“Tirana, skuadra që nderoi futbollin shqiptar dhe luajti me dinjitet deri në çastet e fundit u largua nga UEFA Champions League. Ky përfaqësim dinjitoz i kampionëve të Shqipërisë, pavarësisht dëshirave dhe shanseve deri në çastet e fundit nuk u kurorëzua me kualifikim. Por kjo nuk duhet ta zhgënjejë familjen bardheblu. Forca Tirana! Europa League është një tjetër mundësi. Sfida europiane vazhdon!-

TIRANA: Lika, Toshevski, Najdovski, Vangjeli, Hoxhallari, Batha, Çelhaka, Kobina, Torasa, Kale, Muçi. Trajner: Emanuel Egbo:

CRVENA ZVEZDA: Borjan, Gobeljiç, Degenek, Milunoviç, Pankanov, Nikoliç, Sanogo, Spiridonoviç, Kanga, Katai, Tomane

Faleminderit Mergim Marvaj…

August 23, 2020 by dgreca

Ish-Kapiteni largohet dhe shpreson:”Nje Flamur, Nje Simbol”Faleminderit Mergim Marvaj.Pergatiti Albano KolonjariNe shtator Kombetarja Shqiptare do te zbrese serisht ne fushen e lojes, por Mergim Marvaj nuk do te jete. Largimet jane gjithmone trishtuese. Ish kapiteni nuk do te jete ne fushen e lojes, por ne zemrat e tifozeve kuqezi. Mergim Marvaj dha doreheqjen nga Kombetarja kuqezi, nepermjet nje postimi ne Instragram. Kane kaluar tete vite nga dita kur gjermano-kosovari Mergim Marvaj veshi per here te pare bluzen kuqezi. Tete vite nga dita kur ish futbollisti i perfaqesueses Gjermane U-21 (dy ndeshje), vendosi te ndiqte rrugen e Lorik Canes dhe te bashkohej me Kombetaren Shqiptare. 50 ndeshje, tre gola mjaftuan ta per ta kthyer ate tashme nje nje Legjende Kuqezi. Mergim Marvaj nuk i ka harruar emocionet e ndeshjes se pare Shqiperi-Katar 2-1 te zhvilluar ne Spanje, kur ish tranjeri De Biassi do ti jepte atij besim per te luajtur me kuqezinjte. Mergim Marvaj shpreson qe ” nje dite nje Flamur te jete simboli yne”. Faleminderit Mergim Marvaj. Faleminderit per sakrficat dhe djeresen e derdhur per bluzen kuqezi. Per here te pare ne futbollin profesionist Marvaj do ta luane me skuadren SV Darmstadt 98 me te cilen zhvillon 38 ndeshje dhe shenon dy gola. Ne sezonin 2007-2008 VFL Bochum 2, tete ndeshje nje gol. 2008-2010, VFL Bochum 65 ndeshje, nje gol. 2011-2014 Greuther Furth 105 ndeshje tre gola. 2014-2016 FC Koln 43 ndeshje, FC Koln 2, 4 ndeshje. 2017-2018 Hamburger SV 31 ndeshje, 2018 Aris 5 ndeshje, 2019 FC Ingolstadt 12 ndeshje dhe 2019-2020 Greuther Furth 23 ndeshje.
Presidenti i FSHF Armando DukaSot u njoha me vendimin e Mërgim Mavrajt për t’u tërhequr nga kombëtarja shqiptare. Lajme të tilla janë gjithmonë prekëse, sidomos kur bëhet fjalë për lojtarë të cilët kanë dhënë shumë për skuadrën tonë përfaqësuese.Gjithmonë me këmbë në tokë, i gatshëm të sakrifikojë për të mirën e skuadrës dhe një lider plot edukatë – kështu e risjell gjithmone ne mendje Mërgimin që nga viti 2012, kur nisi rrugëtimin e tij kuqezi. Këto tetë vite u kulmuan me kualifikimin në Europianin 2016, arritje me të cilën ai e ka vendosur emrin në faqet më të arta të historisë së futbollit shqiptar.Jam krenar për djem si Mërgimi, të cilët kombëtaren e kanë konsideruar si gjënë më të shenjtë. Siç u shpreh edhe ai sot, çdo gjë e ka një fund dhe vitet mbi supe kanë peshën e tyre.Duke vlerësuar maksimalisht kontributin e tij për Kombëtaren kuqezi, dua t’i uroj shumë suksese Mërgimit në të ardhmen dhe sa më shumë mbarësi.Mergim MarvajKanë kaluar gati 8 vite që prej shtatorit të 2012-ës, kur unë debutova për herë të parë me Kombëtaren Kuq e Zi, vite të cilat mbase nuk janë të shumta, porse emocionet, sfidat, sakrificat, rëniet, ngritjet dhe sukseset kanë qënë të mëse të mjaftueshme për të skalitur në brendësinë time përjetime të rralla dhe të pashlyeshme. Ky rrugëtim më ka ofruar mundësinë që ta njoh dhe me mirë vendin tim, njerëzit e vendit tim por dhe vet veten time dhe jo vetëm, si shkak i këtij rrugëtimi dhe sportin arrita ta njoh dhe me mirë. Mirëpo si çdo rrugëtim dhe ky e ka një fund, dhe ky fund është më se i lumtur. Ndaj për këtë dëshiroj të falenderoj të gjithë bashkshoqëruesit e mi duke filluar nga Familja ime, Miqt e mi, Ndjekësit e Kombëtares Kuq e Zi, Presidentin Armando Duka, Kolegët e mi dhe të gjithë Stafet Teknike me të cilët kam punuar, edhe pse gjithsecili prej tyre meriton një falenderim personal jam i detyruar që të gjithë falenderimet ti përmbledh në keto pak rreshta. Mbi të gjitha falënderimet është falenderimi ndaj Zotit, I Cili ma mundësoj këtë fund të lumtur.
Zoti e bekoftë Shqipërinë dhe popullin tonë shqiptar !
Zoti na e mundësoftë që Një Flamur të jetë simboli ynë !
Përzemërsisht,
Mërgim Mustafë Mavra

Liga e Europes… SC Gjilani shruan historine…

August 22, 2020 by dgreca

SC Gjilani shruan historine, dhe gjen “armikun” Bledar Kola./

pergatiti: albano Kolonjari- Ndeshja e pare, fitorja e pare dhe kualifikimi i pare. Skuadra kosovare shkruan historine e saj ne kompeticionet europiane. SC Gjilani u ndesh ne turin paraeliminator me skuadren SP Tre Penne te San Marinos. Takimi u zhvillua ne stadiumin San Marino te ketij shteti. Te paret qe kaluan ne avantazh ishin vendasit e Tre Penne me ane te Gai ne te 16’ten minute. Tete minuta me vone Gjilani barazon shifrat ne 1-1 me ane te Nikac. Pjesa e pare u mbyll ne barazim 1-1. Ne pjesen e dyte Gjilani qe drejtohet nga tranjeri i njohur Gentjan Mezani shenoi edhe dy gola te tjere me ane te Hajdarit 64 dhe Hila 68. Skuadra e Gjilanit e dominoi ndeshjen dhe pati te gjitha mundesite qe ta fitonte takimin me nje rezultat me te thelle. Ne turin e pare eleminator Gjilani do te luaje me skuadren e njohur qipriote Apoel Nikozia. Takimi do te zhvillohet ne stadiumin Fadil Vokrri me daten 27 gusht. Apoel Nikozia eshte nje skuader shume me e forte dhe me shume eksperience ne kompeticionet europiane. Apoel ka fituar titullin kampion ne Qipro 28 here, ka fituar 21 kupa te ketij vendi dhe ka koleksionuar 13 super kupa. Bledar Kola perballe kosovareve.Nje ish yll i kombetares shqiptare do te zbrese ne fushen e blerte te stadiumit Fadil Vokrri, por jo si lojtar. Bledar Kola eshte tranjeri i dyte i skuadres Apoel Nikozia, ndersa tranjer i pare eshte greku Marios Quzounidis. Ndersa Gjilani fitonte ne San Marino, Apoel fitonte takimin me Karmiotissa e vlevshme per Divizionin e Pare Qipriot me rezulatin 2-0 me gola te Ben Sahar dhe Rafael Santos. Ne perberje te saj skuadra Apoel ka futbolliste nga Brazili, Bosnje Hercegovina, Franca, Danimarka, por edhe lojtare vendas, te cilet jane pjese edhe e Kombetares se ketij vendi. Apoel eshte krijuar ne vitin 1926. Nje tjeter shqiptar qe ka luajtur per skuadren me te njohur te Qipros eshte edhe Altin Haxhi i cili luajti per dy sezone 2010-2012. Apoel renditet ne vendin e 64 ne europe dhe ka nje koficient 149.50. Humbjen me te thelle Apoel e ka ne nentorin e vitin 1963 me Sporting Lisbona 16-1. Ndersa fitoren me te thelle 6-0. Ky rezultat eshte perseritur dy here, KK Gjovik Lyn shtator 1963 dhe 28 gusht 1997 perballe HB Torshavn. Ne sezonin 2019-2020 Ne Ligen e Europes Apoel kaloi grupet duke patur perballe kampionen e re Sevilia, Qarabak dhe Dudelange, duke arritur te grumbulloje 10 pike, dhe ne raundin tjeter u eleminua nga AC Ajaks 2-0 dhe 0-0.