“Vatra” Long Island, mbajti mbledhjen e radhës ku u vendos festimi i 1 vjetorit të themelimit të degës më 26 tetor 2025, vizita në Selinë Qendrore të Federatës Vatra në Bronx me anëtarët e degës e fëmijët e shkollës shqipe Gjergj Fishta, mbështetja maksimale e veprimtarisë së Vatrës e gazetës Dielli dhe përgatitjet dinjitoze për festën e flamurit kombëtar më 28 nëntor 2025. Kryetari dr. Paulin Marku hapi mbledhjen duke i falënderuar të pranishmit për pjesëmarrjen dhe vlersoi përkushtimin e kontributin e tyre atdhetar e patriotik në sherbim të komunitetit shqiptar në Long Island e më gjerë. Ai theksoi se dega Vatra Long Island ka dëshmuar seriozitet dhe angazhim maksimal në veprimtarinë atdhetare e patriotike të Federatës “Vatra”, gazetës “Dielli”, shkollës shqipe “Gjergj Fishta”. Vlen të theksohet se dega jonë është gjithnjë e në rritje në numrin e antarsisë e aktiviteteve patriotike, theksoi Dr. Marku. “Aktualisht që flasim dega jonë ndihet krenare për faktin se ka bashkuar shumë atdhetarë, intelektualë e përfaqësueses të trevave të ndryshme shqiptare, sipas kryetarit Dr. Paulin Marku i cili theksoi se bashkëpunimi me shkollën shqipe “Gjergj Fishta” New York dhe kontributi i anëtarëve të kësaj dege ka qenë mbeshtjetje dhe inkuarim për veprimtarinë e shkollës shqipe. Gjatë mbledhjes anëtarët e degës propozuan dhe dhanë ide e projekte të cilat do të realizohen në tremujorin e ardhshëm.

Vatra Long Island është e hapur dhe fton komunitetin shqiptar në Long Island që ti bashkohet veprimtarisë atdhetare e patriotike të komunitetit tonë, tashmë të konsoliduar. Mbledhja përfundoi me sukses dhe miratoi projektet e degës për vazhdimësinë. Anëtarët shprehën mirënjohje dhe gatishmërinë e tyre për ty angazhuar me veprimtaritë e komunitetit në Long Island N.Y, dhe më gjerë. Bashkëpunimi dhe mbeshtjetja e anëtarëve të Vatrës tonë është jo vetëm frymëzim por pikë referimi dhe suksesi për të çuar përpara projektet tona kulturore dhe komunitare, theksoi ndër të tjera dr. Paulin Marku. Gjithashtu, ai shprehu mirnjohje edhe për ata anëtarë që në pamundësi për të marrë pjesë kanë dërguar sugjerimet dhe mbeshtetjen e tyre. Të pranishëm në mbledhje ishin: Paulin Marku, Afrim Gega, Besnik Bajraktari, Klaudio Turkaj, Prend Ndoja, David Turkaj, Enard Qepuri, Amarildo Marena dhe Artur Bajraktari. Vatra Long Island është ndër degët më të reja të Federatës me një rrugëtim frymëzues e shumë premtues.

Sokol Paja/

Regjisori dhe producenti Antonjo Gjonaj vizitoi Vatrën. Ai u prit nga vatrani historik z.Marjan Cubi, këshilltari për art dhe kulturë në Vatër z.Nazim Salihu, ish-deputeti i Kuvendit të Kosovës z.Halil Ahmeti, anëtari i kryesisë së Vatrës z.Ilir Cubi dhe editori i Diellit. Në fjalën e mirëseardhjes z.Marjan Cubi i shpjegoi artistit Gjonaj etapat historike në të cilat ka kaluar Vatra, ndërsa këshilltari për art dhe kulturë në Vatër z.Nazim Salihu i detajoi producentit Gjonaj aktivitetet kryesore kulturore të Vatrës me synim promovimin e kulturës kombëtare.

Regjisori dhe producenti Antonjo Gjonaj në fjalën e tij falënderoi Vatrën për mikpritjen dhe punët e mëdha kombëtare përgjatë historisë. Producenti Gjonaj shpjegoi veprimtarinë e tij artistike në Itali e Shqipëri, studimet dhe fokusi në kinematografi, filmat për Rai-n, Mediaset, bashkëpunimet në produksione amerikane e shqiptarëve. Ai tregoi me krenari përfshirjen e Plisit shqiptar në Festivalin e filmit në Venezia dhe së fundmi përpjekjet për të depërtuar në kinematografinë amerikane. Në përfundim të takimit kineastit Gjonaj iu dhurua albumi me pikturat e piktorit Halil Ahmeti.

Njoftim për Festën e Pavarësisë

Të nderuar bashkatdhetarë,

Ju ftojmë të bashkoheni me ne për të festuar Ditën e Pavarësisë në një mbrëmje të paharrueshme plot muzikë, këngë dhe emocione!

Data: 28 Nëntor 2025

Ora: 19:00

Vendi: Marriott Hotel, 12600 Roosevelt Blvd N, St. Petersburg, FL 33716

Çmimi: $100 për të rritur, $50 për fëmijë (deri në 12 vjeç)

Këngëtarët: Devis Xherahu dhe Korab Shaqiri

Recitim: Aktori i njohur Bujar Asqeriu

Pagesat: Zelle në 727-459-6713

Mos e humbisni këtë mundësi për të festuar së bashku trashëgiminë dhe krenarinë tonë kombëtare! Rezervoni vendet tuaja tani dhe ejani të krijojmë kujtime të bukura.

Për më shumë informacion dhe rezervime, kontaktoni Endri Filipi në 727-709-2742 dhe Bledar Prifti në 727-512-4701 dhe VatraTampaBay@gmail.com.

Ju mirëpresim së shpejti!

Përzëmërsisht,

Vatra Tampa Bay

E nderuar familja patriotike Murtezani

Fort i dashur e i nderuar miku ynë i shtrenjtë dhe i çmuar Skënder

Me keqardhje të thellë e dhimbje mësova lajmin e largimit nga jeta të Nanës sate të dashur e të pa harruar Sabrije. Në emër të Federatës Pan- Shqiptare të Amerikës VATRA, të gazetës Dielli, në emër të të gjithë vatranëve e të familjes sime ju përcjelli ngushëllimet tona më të sinqerta e më të dhimbshme për humbjen e Nënës suaj të dhembshur e të pazëvendësueshme. Një grua fisnike shqiptare që la pas një trashëgimi familjare e atdhetare të shkëlqyer.

Zoti ju dhashtë forcë për të përballuar pikëllimin për humbjen e njeriut tuaj të shpirtit e të zemrës.

Të gjithë bashkë si vatranë jemi pranë jush e familjes Murtezani, familjarëve, miqve e dashamirësve tuaj në këto ditë të vështira trishtimi e lamtumire.

Ta kujtoni përjetë e mot me nderim dhe respekt të veçantë Nanën tuaj të paharruar.

Jeni në lutjet dhe mendimet tona të përshpirtshme.

Sabrija pushoftë në paqen e përjetshme. Dritë e bekim iu bëftë shpirti i saj.

I pikëlluar

Pranë jush dhe me nderime

Kryetari i VATRËS

Dr.Elmi BERISHA

Mondi Rakaj*/

Komunitetet fetare shqiptare në mërgatën e Amerikës zënë një vend shumë të rëndësishëm në historinë e zhvillimit, integrimit, bashkimit e promovimit të bashkatdhetarëve tanë. Prijësit fetarë të Kishës Katolike, Kishës Ortodokse, Xhamisë dhe Teqesë Bektiashiane kanë qenë personalitete fetare e atdhetare duke lënë gjurmë të pashlyeshme në jetën dhe veprimtarinë e shqiptarëve të mërguar në Amerikë. Komunitetet fetare shqiptare në Shtetet e Bashkuara kanë pasur historikisht një bashkëpunim të shkëlqyer me Federatën “Vatra”, gazetën “Dielli” dhe kanë vepruar gjithmonë për të mirën e çështjes kombëtare dhe komunitetit shqiptar. Një trashëgimi historike dhe patriotike që vazhdon të frymëzojë dhe sot, brezat e rinj të emigrantëve shqiptarë. Vëllazëria ndërfetare shqiptare është një ndër vlerat më të shenjta e më të shtrenjta të kombit tonë.

Komunitetet fetare janë pjesë e gjallë e jetës aktive të shqiptarëve, pjesë e pandarë e identitetit kombëtar e historisë kombëtare. Para disa javësh u informova se në kishën e Shën Thomait në Farmington Hills në Michigan kishte ardhur një prift shqiptar, At Eugene Shkurti. Ky ishte një lajm shumë i mirë për mbarë komunitetin shqiptar në Michigan.

Përgjatë takimit vëllazëror me At Eugene Shkurtin e informova për veprimtarinë e Federatës Vatra, historinë e saj të jashtëzakonshme, kontributin e gazetës Dielli, vlerën e tyre komunitare e atdhetare si institucione të shenjta kombëtare. Kaluam momente të bukura përgjatë një bashkëbisedimi me fokus rritjen e bashkëpunimit në dobi të komunitetit shqiptar e çështjes kombëtare.

Në shenjë mirënjohjeje At Eugene Shkurtit i dhurova stemën e gazetës “Dielli” dhe kopje autentike të Diellit në disa numra të vitit 1975 dhe librin e mikut tim Prof. Dr. Nusret Pllana mbi terrorin e Serbisë pushtuese në Kosovë. At Eugene ishte shumë falenderues dhe shprehu gatishmërinë për bashkëpunim të vazhdueshëm jo vetëm në përmbushje të misionit por mbi të gjitha të ruajtjes së trashëgimisë historike të përpjekjeve të përbashkëta për fe, komunitetet, komb e atdhe.

*Drejtori i Degëve në Federatën “Vatra”.