Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

Festa e Pavarsise u kremtua edhe ne Jacksonville , Florida

by

Nga Gjergj LACUKU/
Pervjetori i 102-te i Pavarsise , i organizuar nga Federata Vatra, ne qytetin veri-lindor te Florides, ku jetojne nje komunitet prej afro 12 mije Shqiptaresh, u festua a thu se ne ndodheshim ne nje qytet shqiptar.
Ne kete mbremje u kujtuan njerzit ma te shquem te kombit , qe çdo dite te motit e shkrinen per Atdhe , ku spikat figura e Heroit tone Kombetar, Gjergj Kastriotit,pastaj ajo e Ded Gjo’ Lulit qe i priu kryengritjes se Malesise se Madhe qe mbas 432 vitesh ngrit flamurin ne Bratile ne vitin 1911 ,i cili per here te fundit ishte valevite ne Shkoder me 1479, figurat e intelektualve dhe diplomateve Luigj Gurakuqi dhe Dom Nikoll Kaçorri, qe kunorzuan eShpalljes se Pavarsise me 1912.
Shpresoj qe verteta e pamohushme te nxirret ne drite nga historianet dhe ato duhet te marrin guximin te dalin nga guacka komuniste dhe anti-veriore per te i dhane figurava te anashkaluara vendin e duhun ne Altarin e Kombit.
Per te festu se bashku me ne , kishte ardhe nga Shqipnia edhe Kangetari i mirenjohur , bilbili i Jugut, Ylli Baka, si dhe Kangetaret e njohur ne Diaspore , zonja Entela Iliriani dhe Argjend Llogu, te cilet me zanin dhe kanget e tyne te mrekullushme e banen kete feste me magjepse .E veçanta e kesaj mbramje festive ishte prania e zonjes Pellai Ruopp, nji Shqiptare fisnike nga Vlona qe jeton ne Gjermani qe prej 20 vitesh . Ajo nepermjet dashurise dhe rrespketit per Shoqaten “Vatra” na kishte ndjekur vazhdimisht duke kriju me ne nji njohje virtuale , duke u ba pjese e familjes se madhe Shqiptare ne Diaspore.Gjitheashtu , ne kete mbremje na nderuan me pjesemarrjen e tyre edhe Kryesia e deges Vatra Orlando me Znj . Florisiana Metollari se bashku me bashkeshortin Ermal Metollari dhe dy vajzat e tyre te mrekullueshme , zoti Arben Shehu me bashkeshorten Fationa Shehu dhe z. Genc Lulo. Nga Tampa kishte ardhe nji ndër iniciatoret e krijimit te deges Vatra Tampa/Clearwater, z. Tahsin Ruka.
Duhet falenderu edhe Kryetari i Vatra Jacksonville , z. Adriatik Spahiu per prezencen e tij ne keto kohe te veshtira qe po kalon pas tragjedise familjare, ai gjeti forca dhe kurajo per te qene me ne jo vetem ketu ne kemtimin e festes ne Jacksonville por edhe ne Tampa per te hapur degen e re te Vatres si dhe ne Festimin madheshtor qe u ba ne Orlando nga Vatra Orlando. Aty u bashkuam te gjithe : Vatra Jacksonville -Orlando-Tampa. Ato dite festash tek udhetonim nga nji vend ne tjetrin per te festuar 102 vjetorin e Pavarsise, na dukej vetja se po udhetonim neper Shqipni sepse kjo feste Kombetare na mblodhi se bashku si ne Tampa si ne Jacksonville ashtu edhe ne Orlando.Flamuri jone Kombetar, ambjentet Kuq e Zi, kanget , vallet, bisedat dhe prania e TV Borova nga z. Piro Raspopi , na benë te ndjehemi fizikisht ne Shqipni se shpirterisht atje jemi gjithemone .

VATRA E FESTOI ME MADHESHTI DITEN E FLAMURIT

by

Federata Panshqiptare e Amerikës e festoi me madhështi 28 Nëntorin, Ditën e Flamurit Kuq e Zi, 102 vjetorin e Pavarësisë së Shqipërisë, të premten me 28 në mbrëmje, në Restorantin Maestros. Më shumë se 400 vetë i janë bashkuar Vatrës në këtë manifestim, ku u bashkuan dhe festuan edhe shoqata të tjera të komunitetit shqiptar nën drejtimin e Vatrës , si Shoqata Këshilli Kombëtar Shqiptaro-Amerikan, Camëria, Partia Lëvizja e Legalitetit, Shoqata Rugova, Rrënjët Shqiptare,Ana e Malit, Shoqata e Shkrimtarëve etj.
Së bashku me Vatrën ishin edhe klerikët e nderuar përfaqësues të komunitetit katolik, orthodoks dhe muslimanë, të përfaqësuar nga famuillitari i Kishës Katolike Shqiptare “Zoja e Shkodrës” dom Pjetër Popaj, që bekoi darkën, dhe Pastor Fr. Nathan Preston – St. Nicholas Albanian Orthodox Church.
, Imami Edin Gjoni nga Qendra Islame Queens, NY, Imam Rifati nga NJ-dhe një përfaqësi nga Qendra Islame Shqiptare e NJ.
Darkën e ka hapur kryetari i komisionit të festimeve, z. Marjan Cubi, i cili u uroi mirëseardhjen të pranishmëve, evokoi në pak fjalë Ditën historike te Flamurit dhe prezantoi moderatoren e mbrëmjes, Aida Gashi.
Me hymnet Kombëtare të Amerikës dhe Shqiptar të interpretuar nga Dea Elezi,është krijuar një atmosferë solmne emocionuese.
Me një minut heshtje për Dëshmorët e të gjitha kohërave, ka vijuar programi, që më pas ia la fjalën folësit kryesor të darkës, z. Ali Lajqi, ish deputet dhe ish kryetar i Komunës së Pejës. Folësi është ndalë në për rëndësinë historike të aktit të shpalljes së Pavrësisë së Shqipërisë- gjysëm shtet, sepse kjo na ruajti pjesët e tjera të Kombit të copëtuar me vendime të Evropës, kjo na bëri edhe me shtetin e dytë shqiptar, Kosovën , natyrisht edhe me ndihmën e Amerikës.
Dr. Gjon Bucaj ka informuar të pranishmit me ceremoninë e organizuar në Presidencën e Republikës së Shqipërisë me 24 nëntor 2014, ku u nderuan me tituj të lartë martirët e Vatrës. Ai ftoi z. Niko Kirka, të birin e njërit prej themeluesëve të Vatrës, martirit të mbetur pa varr, vdekur në burgun e Burrelit Kristo Kirka. Z. Niko Kirka, një prej të vuajturve të diktaturës, burgosur e internuar, për të cilët tha se ishin idealistë me shpirt atdhetar, që luftuan për atdhe duke mos kursyer as jetën e tyre. Ai bëri thirrje për demokratizim real të shoqërisë shqiptare, duke u mëshuar fort idesë së dekomunistizimit të shqoërisë. Komunisti nuk mund të bëhet demokrat, nacionalist-jo se jo, tha z. Kirka.
Më pas festën e kanë përshëndetur edhe ambasadori i Shqipërisë në Kombet e Bashkuara, z. Ferit Hoxha, Konsullja e Përgjithshme Vlora Citaku dhe ansambleisti i shtetit të New Yorkut, z. Mark Gjonaj.
Moderatorja Aida Gashi ka lexuar fjalimin e nënkryetarit të Vatrës, lexuar më parë në Presidencën e Shqipërisë, ku ai u dekorua me”Nderi i kombit”.
Kryetari i Vatrës, Dr. Gjon Bucaj, ka ftuar klerikët e nderuar për t’iu dorëzuar një fotografi të përbashkët që klerikët shqiptarë të diapsorës në Amerikë, të arbëreshëve dhe atyre të trojeve amtare kishin bërë në festimet e 100 vjetorit të themelimit të Vatrës .
Duartrokitje të forta ka fituar grupi i fëmijëve që drejton artistja Pranvera Cobaj, që interpretoi këngë atdhetare dhe valle.
Më pas pjesmarrësit kanë kërcyer nën ritmin e muzikës së Bujar Uka dhe këngëtares Anila Uka deri pas mesnate.(Një reportazh më të zgjeruar do të lexoni në Diellin e printuar)

MESAZH PER VATREN NGA DUKATI I VLORES

by

Zoterinj te VATRES Populli Shqipetar feston sot kudo ne mbare boten diten e flamurit. Me ne fund u permbys komunizmi, por ne demokraci nuk jemi ende, sepse shqiperine e drejtojne po komunistet ose bijt e tyre. U permbys komunizmi, por token nuk ja kthyen te zotit Pronarit, por e ndane komunisteshe “sipas frymeve te sejciles familje kooperativiste”. DMTH sa here qe ndrohen qeverite populli duhet te ndryshoje pronen?. Per kete aresye Populli ne Shqiperi eshte ne konflikt te pergjakshem e te perhershem deri me sot jane vrare mbi 8000 njeres per pronen dhe dihet qe vrasjet do vazhdojne.Toka kudo faktikisht eshte me konflikt sepse jane dy pronare qe i dalin zot, pronari qe e ka trasheguar nga te paret e tij dhe pronari i ri qe fabrikoi kjo pseudodemokraci.Ne keto kushte as nuk mund te mendohet per investitore te huaj e as vendas. Prandaj lind nevoja o sot o kurre per mbeshtetje nga Komuniteti i Shqipetareve kudo ne bote, por vecanerisht Shqipetareve te SHBA-se, vecanerisht te VATRES , qe te kontribuojne ne zgjidhjen e ketij ngerci, sepse mjafton nje fjale e thene nga DASH qe cdo gje te shkoje ne vendin e saj dhe ne Shqiperi te vendoset Demokraciae vertete dhe te mbyllen rruget e korrupsionit dhe kleptokracise.Urimet me te mira per shqipetaret e VATRES dhe kudo qe jane. Me respekt
Seri Allushi , perfaqesues i 800 familjeve te fshatit Dukat qe nuk iu jane kthyer pronat.
seriallushi@yahoo.com

Sot është një ditë e madhe për VATRËN

by

Nga pershendetja e zv/kryetarit te Vatres, Agim rexhaj me 24 Nentor 2014, ne presidencen e Republikes, me rastin e dekorimit me titullin “Nderi I Kombit”/
I nderuar Shkelqësia Juaj,President Nishani,
Të nderuar zonja dhe zotërinj, vëllezër, motra, Bashkatdhetarë, miq!
Një jetë me përpjekje, sakrifica, ëndrra, zhgënjime, suksese, e kaluar për të arritur clirmin e Kosovës ku kam lindur dhe demokratizimin e Shqipërisë time Nënë, nuk mund të kishte një ditë më të bukur sesa kjo e sotmja.
Qindra mijëra kilometra udhëtime, netë e ditë në dispozicion të cështjes tonë kombëtare, përpjekje të paepura të bëra në një jetë që ndodhej midis dy botëve: Atë të dashurisë dhe dhimbjes për atdheun, për Shqipërinë në njërën anë dhe për Kosovën në anën tjetër.Te dya të ndara prej një kufiri të vendosur në mes të një populli, të një kombi, të një gjaku, të një dheu – dhe një jete me të gjitha të mirat në vendin më të bukur në botë, Ameriken, por…gjithesesi,në mërgim.
Një jetë me shqetësimin e pandarë për fatet e njerëzve të gjakut tim, të vëllezërve, të të afërmve të bashkëkombasve tanë deri në ditën e lirisë;
Dhe të gjitha këto në një vend, në një Vatër, ku u ruajtën fatet e atdheut tonë këtej kufirit e ku u mbrojtën ato matanë kufirit në Kosovën tonë të dashur.
Ishte VATRA ajo që me ngrohtësinë e saj, me idealet e saj, me frymëzimin e saj në një vend të madh ku u vendosen fatet tona më mori pranë vetes për të bërë një udhëtim jo të shkurtër, por plot tridhjetë vjecar që nga ajo ditë kur si emigrant i ri në Shtetet e Bashkuara iu bashkangjita për të mos u ndarë kurrë më prej saj.
Sot është një ditë e madhe për VATRËN.
JU zoti President si një drejtues vizionar i Shtetit tonë Amë keni nderuar vatranët, jo thjesht Ing. Agim Karagjozin, Dr Gjon Bucajn dhe mua, por tërë ata burra që e filluan këtë udhëtim të gjatë që nga celja e tokave të Ulsterit, nga fabrikat e Bostonit, nga dera e Kishës së Nolit, nga zgjuarsia e Konicës, nga përpjekjet e Panaritit deri tek figura eminente e inteligjences shqiptare,Prof. Arshi Pipa, dinjiteti i Ing. Agim Karagjozit e urtësia e Dr Gjon Bucajt.
Unë ndjehem I lumtur, i nderuar, i prekur, i detyruar deri në pikën e fundi të qenjes time për kombin tim.
Zoti President!
Nuk ka fjalë që ta përshkruajë mirënjohjen time për Juve, për Institucionin që Ju Përfaqësoni, për nderin që na keni bërë.
Por ka një mënyrë për tua shpërblyer këtë:
Ta cojmë më pëprara punën e Vatrës për të mirën e Shqipërisë, Kosovës dhe tërë shqiptarëve në botë.
Faleminderit shumë
Zoti e bekoftë këtë vend, Shqipërinë tonë, Kosovën tonë , trojet tona shqiptare popullin shqiptar!
Zoti i bekoftë Shtete e Bashkuara të Amerikes
Zoti ju bekofte juve!
Faleminderit
Tirane,24 Nentor 2014.

DOLI NUMRI SPECIAL I GAZETES “DIELLI”/

by

GAZETA DIELLI JU URON:GEZUAR 28 NENTORIN!/
Sonte del nga shtypshkronja numri special i Gazetes me te vjeter te Botes Shqiptare ne print, Dielli, qe prej 105 vitesh publikohet ne SHBA.
Ky eshte nje numer special-festiv, qe evokon historine Kombetare, ngjarjet kyce te histories kombetare, evokon heronjet, jo vetem ata qe kane lidhje te drejteperdrejte me 28 Nentorin, por me te gjithe historine tone Kombetare, ka urime te bera nga vatranet dhe miqte e Vatres dhe te Diellit, qe suportojne kete botim special.
Ne tw 108 faqet e Diellit festiv te 28 Nentorit 2014, vijne shkrime te Nolit dhe Konices, memorial e shkrime te botuara per te paren here nga ati i Pavarsise Ismail Bej Qemali, vijne shkrime nga bashkepunetoret e Diellit, jo vetem ne SHBA, por edhe nga Europa, nga Tirana, Prishtina, Shkupi e Tetova, ka esse per Flamurin Kombetar, ka studime per figurat e Vatres dhe historine e saj etj.
Gazeta DIELLI, te premten me 28 Nentor , ora 6 e mbremjes, do te jete ne duart e rreth 400 shqiptareve qe do te festojne ne MAESTROS nen drejtimin e Federates VATRA, nderkohe qe perms abonimeve Dielli special do te shkoje ne te gjithe Shtetet e Amerikes se Veriut, perfshi dhe Alaskes, ne Kanada, tek Arbereshet ne Itali, dhe ne institucionet kulturore e shkencore, ne bibiotekat e shteteve te Bashkuara, ne Kanada, Itali etj.
Me kete rast Redaksia e DIELLIT uron te gjithe bashkatdhetaret: GEZUAR 28 NENTORIN!