Vatra – Page 87 – Dielli

MIJËRA BASHKATDHETARË NË SHBA E FESTUAN ME VATRËN 28 NËNTORIN, DITËN E FLAMURIT KUQ E ZI

December 2, 2015 by dgreca

Vetëm në festimet që organizoi Dega e Vatrës në Tampa & Clearwater morën pjesë më shumë se 500 bashkatdhetarë, qindra te tjere ne Orlando e Jacksonville, ndërsa në të gjithë shtetin e Floridës festuan me Vatrën rreth 1300 bashkatdhetarë, 550 vete ne Nju Jork, disa qindra ne Hartford CT, Washington, Toronto etj./

….Përvec festimit të darkës tradicionale solemne, që organizoi Federata Panshqiptare e Amerikës në Nju Jork, në vijim të traditës 103 vjecare, edhe degët e saj nëpër shtetet e Amerikës u bënë organizatore të kësaj feste.Degët e Vatrës në bashkëpunim edhe me shoqatat që veprojnë në komunitetin e shtetit të Floridës, organizuan festime masive. Festime u organizuan edhe në Washington, Hartford CT, Toronto, por vecanërisht tërhoqën vemëndjen festimet në Shtetin e Floridës, ku veprojnë katër degë të Vatrës, dhe ku morën pjesë më shumë se 1300 bashkatdhetarë. Tri prej tyre organizuan manifestime të vecanta sipas rajoneve ku jetojnë. E para ishte dega e Orlandos që i nisi festimet me 25 Nëntor, me 27 nëntor ishte dega e Vatrës në Tampa Clearwater, dhe me 28 Nnëtor Dega e Vatrës në Jackasonville. Dega e Vatrës në Tampa – Clearwater, kishte më shumë se 500 pjesmarrës informoi dega e atjeshme e Vatrës. I urojmë të gjitha degët e Vatrës, duke shpresuar se veprimtaritë e tyre do të jenë intensive edhe në të ardhmen, duke vënë në qendër të punës së tyre veprimtaritë Kombëtare, ruajtjen e gjuhës shqipe, kulturës dhe traditave Kombëtare, duke luftuar për bashkimin e komunitetit.(Në Foto: Pamje nga Festa në Tampa-Clearwater)

NUMRI SPECIAL I DIELLIT DOLI ME 26 NENTOR 2015

November 30, 2015 by dgreca

Numri special me 108 faqe i Gazetës 106 vjecare “DIELLI”, Organ i Federatës Panshqiptare të Amerikës, që botohet në Nju Jork dhe që i ka abonentët në të gjithë Shtetet e Amerikës së Veriut, përfshirë Kanadanë,dhe disa shtete europiane, doli nga shtypi me 26 Nëntor dhe u postua më 27 nëntor 2015. Në këtë numër special u evokua Historia Jonë kombëtare, ngjarjet që i paraprinë Pavarësisë së Shqipërisë dhe Historisë të Flamurit Kuq e zi, u evokuan personalitetet historike dhe personazhet e ngjarjeve të Pavarësisë. Në këtë numër special Dielli pat një mbështeteje të konsiderushme nga vatranët dhe nga disa prej Degëve të Vatrës, ku vecojmë Degën e Queensit në Nju Jork, Degën e Michiganit, degën South Florida, degën e Washingtonit, degen Hudson Valley në New York dhe më së fundi arriti dhe një kontribut nga Dega e Vatrës në Jacksonville. Vecohet kontributi i degës Queens me 6 Faqe dhe Michiganit 5 Faqe me urime e reklamime. Po ashtu Dielli u suportua edhe nga Kisha Katolike Shqiptare e Shën Palit në Detroit, Teqeja Bektashiane në Detroit, Qendra Islame në Queens-NY etj. I falenderojmë të gjithë.
Si individë Gazeta Dielli u suportua nga:Kryetari i Vatrës dr. Gjon Bucaj-1 faqe urim, zv/ Kryetari i Vatres z. Agim Rexhaj- 2 Faqe( nje urim te tij dhe nje faqe nga biznesmeni vatran Eltion Seferi), zv/Kryetari i Vatrës Asllan Bushati- 1 Faqe të tijën dhe: 1 Faqe nga Demë Balidemaj, 1/2 Faqes nga Gjergj Dedvukaj-Shkolla Shqipe; Teuta 1/2 e Faqes-Dukagjin Ukëhaxhiaj; Peter’s Market 1/2 Faqe, Mujë Rugova 1/2 e Faqes, Alba Fuel-1 Faqe-; Marjan Cubi-2 Faqe( 1 vetë dhe 1 Faqe Mhill Gjuraj); Mithat Gashi 1 Faqe, Dritan Mishto -1 Faqe, Rrustem Gecaj 1 Faqe, Alfons Grishaj + Mondi Rakaj 5 faqe, (falenderojmë edhe zotin Kujtim Qafa 1 Faqe, don Fred Kalaj 1 Faqe, Mynyr Nazifi 1 Faqe), Zyhdi Karagjozi-1 Faqe, Skënder Murtezani 6 Faqe, Sabit Bytyci 2 Faqe, Ahmet Hoti 2 Faqe, Zef Balaj 1 Faqe, Ibrahim Kolari 1 Faqe, Sejdi Hysenaj 1 Faqe, Qendra Islame në Quuens me Imamin Edin Gjoni, TV ALB z. Bajram & Drenusha Dreshaj 1 Faqe, Digitalb-Tibo- Dritan Hizmo 1 Faqe, Organizata e Grave Motrat Qiriazi 1 Faqe, Partia Lëvizja e Legalitetit 1 Faqe, Dello Russo-Laser Vision- 1 Faqe, Ismer Mjeku 1 Faqe, Focaccia 1 Faqe.Një Falenderim i vecantë shkon për avokatët Ylber Dauti, Fatos Dervishi dhe Ylli Cakani, të cilët jo vetëm që e suportojnë Diellin gjatë vitit, por kontribuan edhe në numrin special të 28 nëntorit. Faleminderit të gjithëve.
Editori
Dalip GRECA

URAN BUTKA VIZITOI VELLEZERIT BAJRAKTARI DHE AGIM KARAGJOZIN

November 30, 2015 by dgreca

Shkrimtari dhe studiuesi Uran Butka pasi mori pjese ne promovimin e librave te tij”Masakra e Tivarit” dhe “Lufta Civile” te organizuara me 28 nentor nga Vatra, vizitoi Familjen Bajraktari, dhe ndau caste te gezuara me miqte e tij qe jetojne ne Nju Xhersi, Genc dhe Esat Bajraktari( i shoqeruar nga Mithat Gashi) me te cilet kishte ndare kohe te veshtira ne Tepelene ne rinine e tij, dhe me pas shkoi ne Floral Park ne Nju Jork, ku i beri nje vizite mikut te tij, z. Agim Karagjozi, President Nderi i Vatres.Z. Butka shoqerohej ne kete vizite nga anetari i kryesise se Vatres dhe President i Fondit te Studenteve, pedagogu Mithat Gashi dhe Muhamet Omari.

VATRA DHE BASHKESIA SHQIPTARE NE NEW YORK FESTUAN ME MADHESHTI FESTEN E FLAMURIT

November 29, 2015 by dgreca

Te Premten me 27 Nentor 2015 ne mjediset e restorantit MAESTRO’S Federata Panshqiptare e Amerikes, ne vijim te tradites se saj 103 vjecare, se bashku me organizatat shqiptare dhe disa nga deget e saj si ajo e Queensit organizoi nje festim madheshtor te Dites Kombetare te Pavaresise. Kane qene me shume se 400 pjesmarres, si dhe te tri bashkesite fetare ne Nju Jork, te perfaqesuar nga Imami Edin Gjoni i Qendres Islame ne Queens, dom Pjeter Popaj famullitar I kishes Katolike shqiptare “Zoja e shkoderes” ne Nju Jork si dhe pastor Nathan Preston nga Kisha Ortodokse Shqiptare Shën Nikolas.Kryetari i Komisionit te Festes dr. Skender Murtezani u ka uruar mireseardhjen te ftuareve dhe ka ka uruar Festen e Flamurit me nje fjalim te shkurter.Nder te tjera, dr. Murtezani, duke folur per Diten e Flamurit tha:

Pjesmarja juaj ne kete darke solemne eshte nderimi me i madh qe ju i beni festes se Flamurit dites me te rendesishem per Shqipetaret kudo qe jane. Prezenca juaj sonte eshte shprehja e nderimit te gjithe patrioteve te kombit qe punuan per pavarsimin e Shqiperise. Kjo rruge e gjate me plot sacrifica u kurorezua me 28 Nentor 1912 me ngritjen e Flamurit Kuq e Zi ne Vlore, nga ana e themeluesve te Shtetit Shqipetar ne krye me Ismail Qemal Vloren.Kjo mbremje eshte nje rast I mire qe te falemnderojme popullin Amerikan dhe udheheqesit e saj te shkelqyeshem, ne mbeshtetjen pa reserve jo vetem te republikes se Shqiperise po tani edhe te Republikes se Kosoves.Prezenca juaj sonte respecton ata qe ne keto 103 vite me vepren e tyre e rradhiten kombin tone ne familjen e kombeve te emancipuara.Respect ne vecanti per te gjitha brezat e vatraneve te cilet me mesimet e Nolit, Konices dhe shum patrioteve rikanalizun veprimtarine patriotike te filluar qindra vite me pare ne nje nivel me te larte, me te suksesshem.Respekt te gjith mergates shqipetare ne Amerike qe e mbajtejn dhe vazhdojne te mbajne te gjalle jo vetem gjuhen e lashte dhe te embel shqipe po dhe atdhedashurine.GEZUAR FESTEN E PAVARESISE!Dr. Murtezani ka prezantuar moderatoren e darkes, gazetaren Kozeta Turishta, qe ka drejtuar me profesionalizem darken.Hymnet Kombetare jane interpretuar nga kengetarja e re Dea Elezaj. Ne emer te tri besimeve fetare Imam Edin Gjonaj ka percjelle mesazhin fetar. Ai ka fole per harmonine nderfetare karakteristike shqiptare dhe ka falenderuar Zotin, qe e ka amrer ne mbrojtje Kombin shqiptar.Konsullja e Shqiperise ne Nju Jork, zonja Irena Dai, ka pershendetur ne emer et Shtetit shqiptar. nder te tjera Ajo tha: Eshte nje privilegj dhe kenaqesi qe sot te ndaj me Ju emocionin e festimit te Dites Historike te Kombit Shqiptar, Shpalljen e Pavaresise Kombetare. Ky moment madheshtor i Historise sone, pesha dhe rendesia e te cilit nuk do te zbehet kurre, na jep nder e krenari duke na treguar qendresen e nje Kombi dhe mbijetesen e Tij. Jam e lumtur , tha Konsullja e Republikes se Shqiperise, zonja Dai, qe sot, mes Vatres se Nolit dhe Konices, kam nderin qe te perkujtojme dhe pershendesim perpjekjen e jashtzakonshme per Liri e Pavaresi, te Ismail Qemalit, Isa Boletinit, Hasan Prishtines, Luigj Gurakuqit dhe shume te tjere te cilet me vendosmerine e tyre, hodhen themelet e shtetformimit.Keta shqiptare kaq te vendosur dhe te dedikuar per Kombin, jane nje frymezim absolut per te gjithe brezat, nje inkurajim per te punuar me te gjitha forcat ne rrugen e progresit dhe te mireqenies se Kombit Shqiptar.Edhe sot, pas 103 vjetesh, ku historia e shtetit shqiptar, ka patur nje rrugetim te veshtire, ka perjetuar ndryshime te thella, ajo cfare ka qendruar e pandryshueshme, eshte dashuria per Shqiptarizmin. Ate e gjen ane e kand Globit, kudo ku jane shqiptaret, me deshiren e madhe per te respektuar e nderuar kete Dite te Lavdishme per Kombin, -keshtu sic jeni mbledhur ju sot.Mesazhin e saj Konsullja e Shqiperise, Zonaj Irena Dai e ka mbyllur: Deshiroj qe t’ju drejtoj urimet me perzemerta Juve dhe gjithe shqiptareve nga do qe ndodhen per 103 vjetorin e Pavaresise!Gezuar Diten e Pavaresise. Te gjithe se bashku le te ndjekim rrugen e kontributit, perkushtimit dhe dashurise per Shqiperine, duke i dhene asaj sukses dhe begati.Edhe Konsulli i Republikes se Kosoves, z. Kryeziu, ka sjelle pershendetjet e Qeverise se Kosoves dhe ka uruar Diten Kombetare et Pavaresise se Shqiperise.Ansambleisti I Shtetit te Nju Jorkut z. Mark Gjonaj ka pershendetur ne gjuhen shqipe dhe ka uruar festen kombetare.Veprimtari Harry Bajraktari ka evokuar trimerine e dy heronjeve luftetare te pragpavaresise. Ne fillim te fjales se tij, z. Bajraktari tha: Sot, pikërisht, para 105 vjetësh, më 27 Nëntor 1910, dy vjet para shpalljes së Pavarësisë së Shqipërisë, me urdhërin e Durgut Pashës, xhonturqit e pabesë në sheshin e pazarit në Gjakovë, varën publikisht Shaban Binakun e Avdullah Hoxhën, në të njëtën ditë, në të njëjtin vend. Varjen e këtyre dy dëshmorëve të kombit, Qeveria e Xhonturqve e bëri publikisht me qëllim që ta frikësonte masën popullore shqiptare që ishte ngritur kundër këtij pushtuesi për të fituar lirinë dhe pavarësinë…..Me pas e ka marre fjlaen foleso I nderit i mbremjes, historinai Uran Butka, te cilin e ka paraqite dr. Gjon Bucaj. Gjate prezantimit dr. Bucaj percolli nje mesazh te shkurter.

Ne fillim te fjales se tij, shkrimtari Butka tha: Jam i nderuar që jam i ftuari i “Vatrës” në këtë përvjetor të Ditës së Pavarësisë Kombëtare dhe që sjell përshëndetjet më të përzemërta nga Shqipëria: Gëzuar 28 Nëntori- dita e shenjtë e Flamurit!

Shpallja e Pavarësisë nga Ismail Qemali erdhi si rezultat i lëvizjeve të mëdha kulturore , politike dhe luftarake shqiptare, më së afërti qysh nga Komiteti i fshehtë i Manastirit 1905 dhe krijimi i çetave të para të lirisë, 1905, Kongresi i Alfabetit në Manastir 1908, Kongresi arsimor i Elbasanit 1909, kryengitjet e fuqishme antiosmane dhe çlirimtare në vitet 1910-1912 në Kosovë, Malësinë e Madhe dhe gjithë hapësirën shqiptare, paralelisht e pazgjidhmërisht edhe me lëvizjet atdhetare në Amerikë, që kulmuan me shoqatën Besë-Besën 1907, themelimin e Kishës shqiptare në Boston 1908, daljen e gazetes “Dielli” 1909 dhe themelimin e Shoqërisë Panshqiptare “Vatra”, 1912.

E them qysh në krye se këtë herë nuk vij si politikan, por si një pjesëz e kulturës kombëtare, që është shënja e kushti i parë e identitetit dhe mbijetesës sonë kombëtare….

Ansambl I valleve “Rozafat” I Qendres Kulturore “Nena Tereze prane Kishes Katolike Shqiptare Zoja e Shkodres nen drejtimin e koreografes Angjelina Nika dhe Ansambi”Kenga dhe Vallja Shqiptare” nen drejtimin e Pranvera Coba, kane dhene program artistik dhe jane duartrokitur nxehtesisht.

Pjesmarresit jane argetuar nga Bujar dhe Anila UKa, Trio Oda dhe Kleopatra Dokle. Vallet shqiptare kane vazhduar deri ne mesnate.

Ne darken festive ka marre pjese edhe nje perfaqesi e deges se Vatres me kryetarin Alfons Grishaj, zv/kryetarin Mondi Rakaj, anetarin e Keshillit te Vatres Kujtim Qafa me familjet e tyre si dhe Kryetari i deges se Vatres ne South Florida, Kolec Ndoja. Ne emer te degeve me nje fjale te shkurter ka pershendetur kryetari i deges se Vatres ne Michigan, Alfons Grishaj. Ne mesazhin e tij, z. Grishaj, percolli falenderoi vatren per kete organizim te shkelqyer, falenderoi mysafirin e ardhur nga Tirana z. Uran Butka, qe po u jep leksion historianeve per rishkrimin dhe korrigjimin e Historise kombetare.(Nje kronike me te zgjeruar mund ta lexoni ne Diellin e printuar.)

VATRA E TË GJITHË SHQIPTARËVE

November 28, 2015 by dgreca

NGA URAN BUTKA*/

Jam i nderuar që jam i ftuari i “Vatrës” në këtë përvjetor të Ditës së Pavarësisë Kombëtare dhe që sjell përshëndetjet më të përzemërta nga Shqipëria: Gëzuar 28 Nëntori- dita e shenjtë e Flamurit!

E them qysh në krye se këtë herë nuk vij si politikan, por si një pjesëz e kulturës kombëtare, që është shënja e kushti i parë e identitetit dhe mbijetesës sonë kombëtare.

Si shkrimtar, unë e ndiej dhe e çmoj lidhjen e gravitetin shpirtëror e mendor, flakën e pashuar të zjarrit të shqiptarizmit dhe sakrificën e jashtëzakonshme të shqiptarëve të Amerikës për atdheun dhe kombin.

Si historian, e vlerësoj kontributin tuaj në luftën për liri, pavarësi e demokraci, që kulmon me shpalljen e Pavarësisë, formimin e konsolidimin e shtetit shqiptar, mbrojtjen e çështjes shqiptare dhe integritetit teritorial nga coptimi i huaj, që kulmon me Konferencën e Paqes në Paris, ku i kishte dërguar delegatët e saj “Vatra”. Po ashtu, në luftën kundër komunizmit dhe diktaturës çnjerëzore gjysëmshekullore staliniste dhe rrëzimin e saj, si edhe në mbështetje të proceseve demokratike, që kulmuan në vetet ’90 dhe në vazhdim.

Aspekti tjetër i rëndësishëm i kontributit historik të shqiptarëve të Amerikës, është ushqimi dhe ndikimi i lobit shqiptar të Amerikës tek politika amerikane në favor të çështjes shqiptare. Theksoj se lidhja dhe bashkëpunimi i pashkëputur me SHBA, mikun dhe aleatin tonë të madh, është siguruar , jo aq nga shqiptarët në Shqipëri, sesa nga shqiptarët e Amerikës, veçanërisht të “Vatrës”, në një përpjekje titanike nëpër shekuj. Mjafton të përmendim personalitetet e shquara: Nolin, Konicën, Kirkën, Frashërin, Pecin, Tromarën, Omarin, Çekrezin, Panaritin, Dakon, Floqin, Qiriaqët, Përmetin, Kallajxhiun, Pipën e të tjerë, deri tek zotërinjtë e nderuar Agim Karagjozi, Gjon Buçaj, Nikolla Pano , Sami Repishti,Elez Biberaj, Harri Bajraktari,Rrustem Gecaj, Frans Grishaj e të tjerë.

Presidenti Uilson i informuar historikisht prej Nolit, Midat Frashërit e të tjerë u bë mbrojtës madh i kombit tonë. Natyrisht edhe nga Shqipëria janë bërë përpjekje, fjala vjen,, im gjysh,Sali Butka në vitin 1920 botonte në librin “Ndjenja për Atdhenë” edhe, poezinë ”Rroftë Amerika” :

Rroftë, rroftë Amerika

Presidenti i saj Uilsoni

Me 14 pika,

I tha botës: qëndroni!

Madje kjo u kthye edhe në këngë dhe u përhap kudo .

Ne duhet t’i jemi mirënjohës për jetë SHBA, presidentit Klinton dhe NATO-s, që kryesuan luftën e drejtë për çlirimin e Kosovës nga kolonizatorët serbë, të cilët kryen masakra dhe shpërngulje biblike ndaj shqiptarëve të Kosovës, të njëjta si ato të terroristëve të sotëm të Isisit.

Theksoj se shqiptarët e Amerikës, vecanërisht ish-kongresmeni dhe kryetari i Ligës Shqiptaro-amerikane z.Jozef Diguardi, kontributi i të cilit ende nuk është vlerësuar sa duhet, ishin të parët që ndihmësuan në luftën për lirinë dhe Pavarësinë e Kosovës, që është fitorja më e madhe e kombit tonë, pas pavarësisë së Shqipërisë të virtit 1912.

Si publicist, çmoj, së pari “Zërin e Amerikës” një zë i fuqishëm,që vinte e vjen nga Shtetet e Bashkuara dhe ngjallte e ngjall mbështetje, shpresë e veprim drejt përparimit në kohët më të veshtira të historisë sonë dramatike, me këtë rast uroj analistin dhe studiuesin Ilir Konomi. Vlerësoj lartesisht gazetën “Dielli”, që ka ndriçuar si një diell kombin në kohët më të errëta të tij. Me këtë rast përshëndes z.Dalip Greca, editorin e sotëm të “Diellit”, në vazhdën e “Diellit” të dikurshëm që s’do të perëndojë kurrë. Po ashtu edhe gazetën Ilyria dhe botuesin Vehbi Bajrami, si edhe gjithë mediat shqiptare, që emetojnë në territorin e ShBA .

Mund të them pa e tepruar, se ekzistenca dhe përparimi i Shqipërisë dhe i kombit nuk do të ishin siguruar pa përpjekjen e Vatrës, vatranëve, shoqatave të tjera shqiptaro-amerikane dhe gjithë shqiptarëve të Amerikës ,

Por unë mendoj se ato janë të lidhura pazgjidhmërisht edhe me ju të sotmit , intelektualë të njohur , bisnesmenë, studentë, punonjës të thjeshtë, por me shpirt shqiptari. Sot Shqipëria, Kosova dhe shqiptarët në Mal të Zi, Maqedoni, Preshevë, Çamëri kanë nevojë për fjalën dhe ndihmën tuaj. Jetojmë në një kohë të vështirë, të krizave të brendshme morale, ekonomike e politike, por edhe të rreziqeve të mëdha, që vijnë nga konfliktet rajonale e botërore, veçanërisht nga terrorizmi.

Shqipëria e Kosova, si dy shtete shqiptare, krahas arritjeve si vende të lira e demokratike, dëshmojnë njëherësh edhe probleme të mëdha , që kërkojnë zgjidhje. Ato luftojnë me vetveten për të mposhtur të keqen e trashëguar nga e shkuara, jo vetëm komuniste, por edhe e tranzicionit të zgjatur e të dhimbshëm, për shkak të mendësive e politikave konfliktuale, korrupsionit të lartë, mungesës së një shteti ligjor, por edhe të një qytetarie dhe tradite demokratike të munguar. Përpjekja për t’u integruar në bashkimin Europoian, pavarësisht nga pengimet dhe mangësitë, si dhe orientimi euro-atlantik, ku busull ka qenë dhe mbetet SHBA, është drejtimi i duhur, ashtu si edhe lufta kundër terrorizmit, që kërcënon jetën dhe paqen e njerëzimit. Por në politikat e sotme duhet forcuar fryma kombëtare e demoktatike, si edhe reformat e thella në të gjitha fushat, sidomos ato ekonomike dhe të sundimit të ligjit. Kjo kërkon një klasë politike të re, jo si ajo me mendësi komuniste, apo e inkriminuar, që dominon në Shqipëri e Kosovë, kërkon një gjeneratë intelektuale kombëtare dhe profesioniste, si ajo që shkollohet në ShBA dhe vendet perëndimore , kërkon një reagim aktiv qytetar, dhe institucional ndaj politikave të mbrapshta, të brendshme e të jashtme, sidomos ndaj atyre antishqiptare serbe dhe greke.

Mendoj gjithashtu, se ruajtja e harmonisë fetare, një aset i cmuar dhe model për të gjithë botën e qytetëruar, është një imperativ dhe shëmbëlltyrë, sidomos në këto kohë të trazuara.

Së fundi, mendoj se Vatra juaj, vatra e gjithë shqiptarëve, duhet të ngrihet në një nivel tjetër, që t’i përgjigjet zhvillimeve kombëtare, ashtu si në kohën Nolit, Konicës e Kirkës, për të përballuar sfidat e kohës së sotme dhe të së ardhmes shqiptare.

Unë kam besim tek e ardhmja e shqiptarëve, tek inteligjencia, karakteri, përkatësia europiane dhe sidomos fryma kombëtare, që do t’i bashkojë edhe më shumë shqiptarët shpirtërisht mes vedi, por edhe në një shtet të vetëm kombëtar.

Zoti ju bekoftë dhe mbrothësoftë, juve dhe gjithë shqiptart kudo janë! Zoti i bekoftë Shtetet e Bashuara të Amerikës!

Nga mot gëzuar Ditën e Flamurit!

* Fjala pershendetse mbajtur ne darken solemne te Vatres me rastin e 103 vjetorit te Pavaresise, me 27 nentor, ne restorant MAESTRO’S