Behlul Jashari – Page 101 – Dielli

Prizren-Takim Ndërkombëtar i Biznismenëve

October 28, 2017 by dgreca

-Hapja solemne e “Takimit Ndërkombëtar të Biznismenëve, Konferencë & Panair-Prizren 2017”. Ministri Beqaj: Në Prizren do të themelohet Qendra e parë e Inovacionit dhe Inkubatori i Biznesit/

PRIZREN, 27 Tetor 2017-Gazeta DIELLI/
Në Prizren, qytetin më të mdh jugor Kosovës afër kufirit me Shqipërinë, u bë sot hapja solemne e “Takimit Ndërkombëtar të Biznismenëve, Konferencë & Panair-Prizren 2017”.

Mes pjesëmarrësve, ministri i Inovacionit dhe Ndërmarrësisë, Besim Beqaj, ka theksuar rëndësinë që ka përkrahja e sektorit privat në rritjen e eksportit të produkteve, ndërsa ka siguruar për axhendën e prezencës së bizneseve kosovare në tregjet rajonale.”Ministria e Inovacionit dhe Ndërmarrësisë do të mbështesë dhe stimulojë rritjen e sektorit privat dhe fokusimin drejt eksportit”, tha më këtë rast ministri Beqaj. Më tej ai ka thënë se në Prizren do të themelohet Qendra e parë e Inovacionit dhe Inkubatori i Biznesit, nga pesë të tilla që do të themelohen në Kosovë, me qëllim të përkrahjes së bizneseve dhe inovatorëve.Ministri Beqaj ka folur edhe për përkrahjen që Ministria e Inovacionit dhe Ndërmarrësisë do t’u ofrojë bizneseve kosovare në plotësimin e standardeve për plasim në tregjet e huaja, në qasjen në panaire ndërkombëtare, në marketing dhe konsulencë për të qenë konkurrentë, si dhe në përkrahjen për rritjen e efiçiencës, ngritjen e standardeve të cilësisë dhe menaxhimin efikas.“Takimi Ndërkombëtarë i Biznismenëve, Konferencë & Panair-Prizren 2017”, organizohet për herë të katërt nga “Business Forum Prizren”./b.j/

Kosovë-Kuvendi miraton rishikimin e Buxhetit të Shtetit 2017

October 26, 2017 by dgreca

-Kuvendi i Kosovës 120 anëtarësh vijon sencën, miraton në parim me 61 vota rishikimin e Buxhetit të Shtetit 2017 pas moskalimit mbrëmë, kur mungonte të pakëtën 1 votë për të kaluar gjysmën – numrin 60/

PRISHTINË, 26 Tetor 2017-Gazeta DIELLI-Behlul Jashari/ Kuvendi i Kosovës miratoi sot në parim rishikimin e Buxhetit të Shtetit për këtë vit, me 61 vota pro vetëm të maxhorancës, asnjë kundër e asnjë abstenim, derisa në sallë ishin 99 deputetë.Më pas, Kuvendi votoi me shumicë, me 61 vota pro e 28 kundër, asnjë abstenim, për propozimin e grupit paralamentar të AAK që shqyrtimi i dytë të bëhet me procedurë të përshpejtuar.Votimi i Projektligjit për Ndryshimin dhe Plotësimin e Ligjit për Buxhetin e Republikës së Kosovës për vitin 2017, i cili nuk kaloi mbrëmë në mungesë votash pas shqyrtimit të parë, ishte sot në axhendën e vazdimit të seancës plenare të Kuvendit.

Në mbrëmjen e djeshme, edhe pse u votua dy herë, me elektronikë e ngritje dore, në mungesë të votave kurrëfare nga opozita, rezultati ishte i njëjtë: pro Projektligjit votuan 60, kundër dhe abstenim askush, derisa kishte më shumë deputetë në sallë, por nuk u konstatua sa ishin.Për të kaluar Projektligji duhej së paku edhe një votë e Kuvendi të Kosovës 120 anëtarësh.

Që në fillimin e seancës që u zhvillua gjatë ditës së djeshme me shumë debate e replika grupet paralamentare të opozitës, që janë edhe më të mëdhatë në Kuvendin e Kosovës, Lëvizja Vetëvendosje dhe Lidhja Demokratike e Kosovës, u deklaruan se nuk do e votojnë ashtu çfarë është Projektligjin për Ndryshimin dhe Plotësimin e Ligjit për Buxhetin e Republikës së Kosovës për vitin 2017.Pas votimit me mungesë votash, dje në mbrëmje, kryetari i Kuvendit të Kosovës, Kadri Veseli, paralajmëroi vazhdimin paraditën e sotme, nga ora 10:00.

Kuvendi i Kosovës, i zgjedhjeve të 11 qershorit, është konstituar në 7 shtator 2017, kur u zgjodh kryeparlamentari me 62 vota pro, ndërsa në seancën e parë, që ishte e jashtëzakonshme, në 9 shtator zgjodhi qeverinë e re me 61 vota.Kuvendi i sapokonstituuar është mbledhur përsëri në një seancë të jashtëzakonshme, të dytë, e ftuar sipas kërkesës së deputetëve nënshkrues, nga opozita, e cila ka nisur në 10 shtator dhe ka vijuar e përfunduar në 3 tetor me debate lidhur me Parimet Programore të Qeverisë së Republikës së Kosovës 2017-2021.

Seanca plenare e Kuvendit të Kosovës e nisur dje e që vazhdon sot është e treta e rregulltë.

E para seancë e rregulltë, ku në axhendë ishte interpelanca e kërkuar nga opozita pas akuzave publike të shfaqura ndaj ministrit të Bujqësisë, u zhvillua me nisje paraditen e 3 tetorit.

Po në 3 tetor, pasdite, nisi e në 4 tetor vijoi seanca e dytë, ku u miratua unanimisht nga pozita e opozita me 98 vota pro, asnjë kundër e asnjë abstenim, Ligji për ratifikimin e Marrëveshjes financiare për IPA 2016 midis Kosovës dhe Bashkimit Evropian, në vlerë më shumë se 70 milionë euro.

Sot në seancën e Kuvendit të Kosovës në axhendë është edhe shqyrtimi i Raportit vjetor të auditimit i Zyrës Kombëtare të Auditimit për vitin 2016

Shea në Prishtinë-NATO mbetet e përkushtuar në dhe për Kosovën

October 24, 2017 by dgreca

-Jamie Shae nderohet nga UBT me Çimin “Excellence Leadership Award”/

1 Xhemi Shi flet

-Presidenti Thaçi, Kryeministri Haradinaj dhe Kryetari i Kuvendit Veseli presin në takime ish zëdhënësin e NATO-s, Jamie Shea, të cilit UBT i ndan Çmimin për Lidership/

1 Thaci Shea.JPG PRISHTINË, 24 Tetor-Gazeta DIELLI-B.Jashari/ Presidenti i Republikës së Kosovës, Hashim Thaçi ka pritur sot në takim Zëvendës-Ndihmësin e Sekretarit të Përgjithshëm të NATO-s, ish zëdhënësin e NATO-së gjatë periudhës së luftës në Kosovë, Jamie Shea.Presidenti duke i shprehur mirëseardhje, u shpreh se qytetarët e Kosovës do t’i jenë mirënjohës përgjithmonë që ishte zëri i tyre në botë, por edhe zë i Aleancës më të fuqishme në botë që sillte shpresë dhe besim.“Që nga lufta, Kosova ka ecur përpara shumë. Është zhvilluar në të gjithë sektorët”, u shpreh Presidenti Thaçi. “Kemi arritur suksese të mëdha, na presin sfida të mëdha, por jemi në rrugën e duhur, me energjinë dhe vullnetin e duhur”, u shpreh Presidenti Thaçi.Nga ana tjetër, Jamie Shea u shpreh i lumtur me zhvillimin e Kosovës, me të arriturat si dhe me gatishmërinë që institucionet e shtetit të Kosovës kanë për t’u përballur me sfidat.“NATO mbetet e përkushtuar në dhe për Kosovën”, u shpreh ai.Presidenti Thaçi u shpreh se me angazhimin për dialog, për transformim të FSK-së në koordinim me partnerët ndërkombëtarë Kosova nga një konsumuese e kapaciteteve të sigurisë do të transformohet në eksportuese të paqes e sigurisë, në rajon e më gjerë.

1 Haradinaj Shea

Jamie Shea, i shoqëruar nga Rektori i UBT-së, Edmond Hajrizi, takoi edhe Kryeministrin e Kosovës, Ramush Haradinaj dhe Kryetarin e Kuvendit, Kadri Veseli. Ish-zëdhënësit të NATO-s, Jamie Shea, UBT i ndan Çmimin për Lidership, “Excellence Leadership Award”, me të cilin nderon personalitetet që kanë dhënë knotribut jetësor.Me këtë rast, në Kampusin Inovativ të UBT-së, në Lipjan, do të mbahet edhe konferenca dhe diskutimi i hapur me studentë mbi temën: “E ardhmja euroatlantike e Kosovës”, dhe pas kësaj, do të bëhet edhe inaugurimi i Forumit Euroatlantik të UBT-së

1 Jamie Sheea

Kryetari i Kuvendit të Republikës së Kosovës, Kadri Veseli, ka pritur sot në takim Zëvendës-Ndihmësin e Sekretarit të Përgjithshëm të NATO-s, Jamie Shea.Kryeparlamentari Veseli e ka falënderuar ish-zëdhënësin e NATO-s gjatë intervenimit të Aleancës Veriatlantike në kohën e luftës në Kosovë, për angazhimin e treguar dhe kontributin e dhënë.Veseli, po ashtu, ka falënderuar NATO-n për ndihmën e dhënë për qytetarët, si dhe për mbështetjen që vazhdon ta japë për Kosovën, sidomos për ngritjen e kapaciteteve të plota për transformimin e Forcës së Sigurisë së Kosovës (FSK) në Ushtri.Nga ana e tij, Zëvendës-Ndihmësi i Sekretarit të Përgjithshëm të NATO-s, Jamie Shea, pasi ka falënderuar Kryeparlamentarin Veseli për pritjen, ka vlerësuar lart të arriturat e shtetit të Kosovës. Ai është shprehur i kënaqur me përparimet në Kosovë dhe ka shprehur besimin se vendi është në rrugën e drejtë për t’u anëtarësuar në NATO.

Jamie Shae: Kosova ka potencial të madh

-Jamie Shae nderohet nga UBT me Çimin “Excellence Leadership Award”/

PRISHTINË, 24 Tetor 2017-Gazeta DIELLI/ Suksesi me i madh për mua nuk është pavarësimi, por momenti kur pavarësimi të arrihet në tërësi, me integrimin e plotë të Kosovës në institucionet dhe ky është një proces i pandalshëm për Kosovën.

Kosova ka potencial të madh, por ky potencial është i pashfrytëzueshëm nëse nuk e zhvilloni tutje, sepse e ardhmja është edhe në duart tuaja.

Këtë mesazh dhe porosi e ka dhënë Zëvendësndihmës Sekretari i Përgjithshëm për Sfidat në Ardhje të Sigurisë në shtabin e NATO-s, njëherësh ish-zëdhënës i NATO-së gjatë bombardimeve të vitit 1999, në Kosovë, dr Jamie Shae, me rastin e mbajtjes së konferencës: “E ardhmja euroatlantike e Kosovës”, të organizuar nga UBT, me ç’rast edhe nga rektori rektori i UBT-së, prof. dr Edmond Hajrizi, iu nda Çmimi “Excellence Leadership Award”, çmim me të cilin UBT nderon personalitet më të njohura vendore e ndërkombëtare për kontributin e tyre në sfera të ndryshme të jetës.

Me rastin e nderimit me këtë çmim, dr Shae tha se ndjehet i nderuar që është shpërblyer për kontributin e dhënë, ndonëse sipas tij, e ka bërë atë që do ta bënte çdo njeri me ndërgjegje po të ishte në vendin e tij.

Me organizimin e kësaj konference, UBT edhe zyrtarisht ka themeluar Forumin Euroatlantik, qëllimi kryesor i të cilit do të jetë promovimi i procesit të integrimit euroatlantik të Kosovës, si dhe për të krijimi i një urë lidhëse midis botës akademike dhe politik-bërësve në Kosovë.

Rektori i UBT-së, prof. dr Edmond Hajrizi tha se UBT ka privilegjin t’i mbështesë dhe të ofrojë platformë për zhvillimin e punës së studiuesve të rinj, dhe sipas tij, ky forum do ta afrojë Kosovën më afër lidhjeve trans-atlantike, sidomos në fushën e teknologjisë.

“Procesi i integrimit euro-atlantik është në qendër të sulmeve nga vala e fundit e popullzimit dhe përkrahjes për grupe politike të ekstremit të djathtë në Bashkimin Evropian, teksa vendet e Ballkanit Perëndimor kanë një përgjegjësi të veçantë, si shtetet që më së shumti po përfitojnë nga ky proces, që të prodhojnë më shumë lajmë të mira, duke përmbushur detyrat e shtëpisë, në mënyrë që qytetarët e shteteve anëtare të BE-së të jenë dëshmitarë të fuqisë transformative të procesit të integrimit”, vlerësoi Hajrizi.

Zëvendëskryeministri i Kosovës, Enver Hoxhaj tha se Kosova ka një rrugë të gjatë para vetes, për anëtarësim në mekanizmat ndërkombëtarë, përfshirë edhe NATO-n, nën arsyetimin se, këto procese po ngadalësohen për shkak të vështirësive që po shfaqen në politikën e brendshme e të jashtme.

“Edhe po të merrej vendimi sot vendimi që FSK të shndërrohej në Forca të Armatosura të Kosovës, do të duheshin 10 vite që të kemi një ushtri të plotë dhe duhen bërë përpjekje që me kolegët tanë serbë të kemi një dialog të mirëfilltë dhe t’ua shpjegojmë domosdoshmërinë e krijimit te FAK-ut, sepse nuk duhet që vota e tyre në parlament të shndërrohej në një veto të dyfishtë të Serbisë ndaj Kosovës”, potencoi Hoxhaj.

Në konferencë morën pjesë edhe përfaqësuesit e Kolegjit të Mbrojtjes të NATO-s, Giorgio Batistti, dr Brooke A. Smith-Windsor dhe Giuseppe Marobito, të cilët rrëfyen historikun, arsyet, rëndësinë dhe funksionit e NATO-s, që nga themelimi e deri më sot.

Në fund, studentët e UBT-së prezantuan esetë e tyre kritike mbi rolin e NATO-s në botë, si dhe ndanë një dhuratë të përgatitur nga vetë ata, për njeriun që cilësohet si njëri ndër ndikuesit më të mëdhenj në çlirimin e Kosovës, dr Jamie Shae./b.j/

KQZ, rezultate preliminare të zgjedhjeve lokale

October 24, 2017 by dgreca

Kosovë-Sot konferencë e KQZ, rezultate preliminare të zgjedhjeve lokale/

-Media: Këto janë votat përfundimtare në nivel të Kosovës – LDK e para. Rezultatet për asamble komunale në shtatë komunat kryesore/

PRISHTINË, 24 Tetor-Gazeta DIELLI/ Komisioni Qendror i Zgjedhjeve mban sot në ora 13:30 konferencë për shtyp lidhur me procesin zgjedhor në Kosovë, bën të ditur njoftimi dërguar korrespondentit të Gazetës DIELLI.

Pritet të njoftohen rezultate preliminare të zgjedhjeve lokale të 22 tetorit, të cilat vazhdojnë të publikohen e përditësohen në ueb faqen zyrtare të KQZ të Kosovës.

Sipas medias që i refereohen këtij burimi, në bazë të votave të numëruara deri më tani për asambletë komunale, si parti politike LDK del të jetë partia më e madhe në vend, duke i ikur PDK’së me 14.872 vota. Vetëvendosje shumë afër me AAK’në.

Zgjedhjet lokale të 22 tetorit e kanë nxjerrë Lidhjen Demokratike të Kosovës partinë më të madhe në vend.

Në nivel vendi, LDK, që udhëhiqet nga Isa Mustafa, ka marrë gjithsej 173.967 vota në zgjedhjet lokale.

Lidhja ka lënë prapa vetes Partinë Demokratike të Kosovës, që në zgjedhjet lokale ka arritur të sigurojë 159.095 vota.

Kësisoj, PDK, e udhëhequr nga Kadri Veseli, ngec pas LDK’së për 14.872 vota në nivel vendi.

Lëvizja Vetëvendosje, që doli më e votuara në zgjedhjet e parakohshme parlamentare, të mbajtura më 11 qershor, ka pësuar një rënie të ndjeshme.

Partia, e udhëhequr nga Visar Ymeri, ka marrë 113.037 vota në zgjedhjet lokale të së dielës, duke u renditur e treta në nivel vendi.

Vetëvendosje ka 60.930 vota më pak se LDK, që është e para, dhe 46.058 vota më pak se PDK’ja, që zë vendin e dytë.

Jo shumë larg Vetëvendosjes ndodhet Aleanca për Ardhmërinë e Kosovës, të cilën votimi i së dielës e ka nxjerrë partinë e katërt më të madhe në Kosovë.

Partia e kryeministrit aktual të vendit, Ramush Haradinaj, në zgjedhjet lokale ka marrë 96.102 vota në nivel vendi, shkruan Express.

Më tej thekson se Komisioni Qendror Zgjedhor vazhdimisht po publikon rezultatet e fundit në ueb faqen e saj edhe rezultatet për asamble komunale.

Në qytetin e Prishtinës, Lëvizja Vetëvendosje për asamble ka marrë 32.81%, kurse Lidhja Demokratike e Kosovës 28.54%. Pra dallimi është edhe më i vogël se në garën për kryetar, ndërmjet Abrashit dhe Shpend Ahmetit.

Në Prizren, PDK ka marrë më së shumti vota për asambe. Kjo parti ka marrë 31.55% të votave. Ndërsa Lëvizja Vetëvendosje me 16.52%. Kurse LDK-ja e cila në Prizren nuk do të jetë as në balotazh, për asamble ka arritur të marrë 15.45% të votave.

PDK kryeson edhe në asamblenë e Ferizajt. Kjo parti ka arritur të merr mbi 30% të votave, duke lënë pas vetes LDK-në me 27.64% të votave, e e trera vjen VV-ja me 16.7%.

Peja do të jetë një nga qendrat e mëdha të Kosovës e cila nuk do të shkojë në balotazh, pasi Gazmend Muhaxheri i LDK-së ka arritur mbi 50 për qind të votave.

Në këtë komunë LDK-ja ka arritur të marrë 37.54% të votave për asamble, duke lënë prapa AAK-në me 26.23%.

Edhe në Gjilan LDK-ja do ta ketë numrin më të madh të asambleistëve.

33.38% të votave i ka marrë Lidhja Demokratike e Kosovës, 19.90% Lëvizja Vetëvendosje, kurse 17.72% PDK-ja.

29.38% të votave në asamblenë komunale i ka siguruar partia e Kadri Veselit në Mitrovicë.

Në këtë qytet ku do të ketë balotazh ndërmjet PDK-së dhe AKR-së, LDK-ja do të jetë e dyta me asamble pasi ka marrë 20.07% të votave.

Kurse AKR ka marrë 17.25% të votave.

Në Gjakovë, Aleanca për Ardhmërinë e Kosovës ka marrë 24.79% të votave për asamble, kurse Alternativa e Kusari-Lilës ka 16.76% të votave.

Pra në disa komuna, përqindjet e partive dallojnë kur bëhet fjalë për kryetar të komunave dhe për asamble, shkruan Express./b.j/

Kosovë-Zgjedhjet lokale me “shumë befasi”

October 22, 2017 by dgreca

-Mbyllen vendvotimet e zgjedhjeve lokale.Sipas një Exit Poll, paralajmërohen befasi në rezultate, shumë balotazhe për kryetarë komunash/

1 zgjedhjet sot – Komisioni Qendror i Zgjedhjeve në Kosovë paralajmëron publikimin sonte të rezultateve preliminare të zgjedhjeve të sotme lokale, por ende nuk e ka njoftuar orën/

-Ambasada e SHBA në Kosovë 36 ekipe në vëzhgimin e zgjedhjeve/

PRISHTINË, 22 Tetor 2017-Gazeta DIELLI-B.Jashari/ Në zgjedhjet e sotme lokale në Kosovë votimet për kryetarët dhe asambleistët e komunave të nisura në orën 07:00 përfunduan zyrtarisht pak më parë në orën 19:00.

Sipas një Exit Poll në rezultatet e votimeve do ketë “shumë befasi” e balotazhe për kryetarë komunash dhe ato do shpallen menjëherë pas mbylljes së vendvotimeve.

Ndërsa, Komisioni Qendror i Zgjedhjeve në Kosovë paralajmëron publikimin e rezultateve preliminare të zgjedhjeve të sotme lokale, por ende nuk e ka njoftuar orën e konferncës për shtyp që pritet të mbahet gjatë natës së sontme.

“Për komunën tënde. Voto” ishte sllogani i Zgjedhjeve Lokale 2017 në Kosovë, të cilat u monitoruan nga mëse 33.200 vëzhgues të akredituar, rreth 100 të misionit të dërguar nga Bashkimi Evropian. Ambasada e SHBA në Kosovë kishte 36 ekipe në vëzhgimin e zgjedhjeve dhe ka shprehur kënaqësi për procesin.Në zgjedhjet lokale në Kosovë, të gjashtat në liri e të tretat në pavarësi, është votuar në të gjitha 38 komunat e Kosovës, prej të cilave 27 janë me shumicë shqiptare, e në 11 komunitetat pakicë e bëjnë shumicën – në 10 serbët e në 1 turqit.