Beqir Sina – Page 61 – Dielli

SHBA: Qyteti i New Yorkut, popullsia shënon rekord të lartë – Big Apple po bëhet më e madhe

March 28, 2014 by dgreca

Shqiptarët në Nju Jork, dhe Nju Xhersi, jetoin në qarqet me rritjen më të madhe të popullsisë/

Nga BEQIR SINA/NEW YORK – NEW JERSEY : Popullsia e Qytetit të Nju Jorkut, e ka shënuar një rekord në rritjen e popullsisë prej 8.405.837 njerëz, sipas një vlerësimi të lëshuar të enjten nga Zyra e Regjistrimit të SHBA – “U.S. Census Bureau” . Popullsia e njërit prej qyteteve më të mëdhenjë në botë, New York City, deri në korrik të 2013, u rrit me 230.704 njerëz, ose përafërsisht 2.8 për qind , që nga viti 2010.Secili nga të pesë njësive bashkiake, qytet-lagjet kan rritjen e popullsisë , përfshirë edhe dy njësit Queens dhe Staten Island – që sipas raportimit mund të arrijnë në rezultate të reja të popullsisë . Një analizë e të dhënave nga Departamenti i Urbanistikës të Qytetit të Nju Jorkut treguan ndryshimi më i madh ka ndodhur në qytetin e Brooklynit,( një qytet ky ku më së shumti jetojnë emigrantët përfshirë, shqiptarët, sidomos ata të ardhur dy dekadat e fundit), ku popullsia u rrit me 3.5 për qind , ose 87.400 njerëz , e ndjekur nga njësia Queens (edhe këtu ka një përqëndrim të madh shqiptarësh) – ( 2.9 për qind , 65.500 njerëz ); Manhattani (ka numërin më të vogël të shqiptarëve për shkak të shtrejtësisë) – ( 2.5 për qind , 40.300 njerëz) , Bronxi ( bënë pjesë në qytet më të populluara me shqiptarë)-( 2.4 për qind , 33,600 persona ) ; dhe Staten Island( edhe ky është një ishull i vogël i populluar nga shqiptarët) – ( 0.8 për qind , 3,900 persona ) .

Zyrtarët e qytetit ia ja atribuojnë rritjen e popullsisë , pjesërisht , në një rënie të numrit të personave që kanë lëshuar qytetin dhe një tepricë e vazhdueshëme vjen prej natalitetit – atë të lindjeve mbi numërin e vdekjeve .

” Këto rritje të popullsisë, theksojnë nevojën për të nxitur krijimin e strehimit për të gjithë njujorkezët , diçka që ne jemi duke u përqëndruar në këtë të mandatit të ri të kryetarit të bashkisë për të siguruar 200,000 apartamente të përballueshme për popullim të 10 viteve të ardhshme “, tha Carl Weisbrod , kryetar i Komisionit të Planifikimit të qytetit të Nju Jorkut.

Kurse, për ne shqiptarët, ndoshta për të nxjerr dhe numërin e shqiptarëve që jetojnë në këto qarqe me rritjen më të madhe të popullsisë!?

Në vitin 2007 , paraardhësi i Kryebashkiakut Bill de Blasio , multimiliarderi Michael Bloomberg , publikoi një dokument të quajtur PlaNYC , një nismë kjo që kishte për qëllim përgatitjen e qytetit për një rritje të popullsisë deri në 1 milion banorë më shumë, deri në vitin 2030 . Dokumenti përshkroi përpjekjet për të luftuar ndryshimin e klimës dhe për të siguruar njujorkezët, të mos lënë qytetin se sipas planit PlaNYC ata do të jenë të shëndetshëm dhe më të sigurt, dhe me qytet më të pastër për brezat që vijnë .

Ndërkaq, Zyra e Regjistrimit të Popullsisë dha një vlerësim të imët mbi rritjen e shpejtë të popullsisë në dy Qytetet Metropolitane sipas statistikës në bazë qarqesh (zip code) New York – Newark – Jersey . Ku edhe Byroja e Regjistrimit e SHBA, njoftoi sot se ka rritje rekord të popullsisë në qytetet New York City dhe Newark e Jersey NJ, aty ku është përqendruar më së shumti popullsia.

Rritjen më të shpejtë simbas qarqeve e kan qytetet New York dhe Newark – dhe qyteti Jersey, në mes të 1 korrikut 2012 , dhe 1 korrik 2013 . Mbas tyre vjen Hudson County , New Jersey, popullsia e të cilit u rrit me 1.1 për qind gjatë periudhës së lartpermendur. Ato u pasuan nga Kings County, New York dhe Queens County , New York me 0.9 për qind, Bronx County, NY, Westchester County , NY dhe Union County , NJ me 0.8 për qind , dhe Bergen County, New Jersey, Middlesex County, NJ dhe Somerset County , NJ me 0.7 për qind.

Në lidhje me rritjen numerike , Kings County në Brooklyn – New York, është shtuar me 23.714 njerëz gjatë periudhës 2012-2013, më shumë se çdo qark tjetër . Ajo u pasua nga Queens County, NY, e cila u rrit nga 20.286 njerëz , Bronx County , NY 10.794 njerëz, Westchester County , NY 7,696 njerëz dhe Hudson County , NJ me 6.913 njerëz.

Kings County në Brooklyn New York, mbetet njëri prej qarqeve më i populluar në qytetin New York – Newark – Jersey me 2.592.149 banorë , e ndjekur nga Queens County, po në qytetin e New Yorkut dhe New York County, NY.

Ky informacion është i bazuar në vlerësimet vjetore të popullsisë për secilin prej qarqeve të vendit , ekuivalentët e qarkut , zona metropolitane dhe zonat Micropolitane që nga regjistrimi i vitit 2010 dhe deri në 1 korrik 2013 . Të dhënat e internetit kanë qenë në dispozicion dhe ndihmuan të tregojnë renditjen dhe komponentët e ndryshimit të popullatës si lindjet , vdekjet , migrimit dhe lëvizjet e brendeshme .
New York – Newark – Jersey City, zonat Metropolitane simbas statistikës përbëhet nga 24 qarqet : Bergen , Essex , Hudson , Hunterdon , Middlesex , Monmouth , Morris , Oqeani , Passaic , Somerset , Sussex dhe Njësitë e Unionit në New Jersey , kurse në Metropolin e New Yorkut, janë njësitë Bronx , Dutchess , Kings , Nassau , New York , Orange , Putnam , Queens , Richmond , Suffolk dhe Westchester . .

TAKIMET E KANDIDATIT SHQIPTAR PER NE PARLAMENTIN E MAQEDNISE NE SHBA

March 27, 2014 by dgreca

SHBA: Kërçovarë, Struganë, Presparë, dhe Dibranë, shafqin interesim të jashtëzakonshëm për t’u regjistruar /
Numri i të regjistruarve në zonën e “Tri-Shtetshtit”, pritet t’i kalojë të 1500 vetat deri të dielën – kur edhe skadon afati i registrimit për diasporën/

Nga BEQIR SINA/NEW YERSEY : Kandidati për deputet nga Diaspora për SHBA dhe Kanada, zoti Tefik Abdullai nga radhët e komunitetit të shqiptarëve të Illionoit, bashkë me një grup veprimtarësh të dalluar, nga Staten Island NYC, New Jersey, Connecticut, Dallasi – Teksasi , zotërinjët Nazar Mehmeti, Gani Fejza,Ismet Smajli, dhe Ylber Korça,(Bruno Ceka ishte në Çikago) realizuan këtë weekend disa takime me bashkatdhetarët shqiptarë të emigruara nga Maqedonia në vite, kohë dhe rrethana të ndryshme në SHBA. Dy veprimtarët e dalluar nga Teksasi, Mehmeti dhe Korça, në krye të këtij delegacioni kan bër thirrje vazhdimisht për regjistrimin e të gjithë shqiptarëve nga Maqedonia në zonën e “Tri – Shtetshit”- New York, New Jersey dhe Connecticut, në qoftëse se ata kan dokumentat zyrtare, pra sipas tyre ato që kërkon ligji i zgjedhjeve në Maqedoni(pashaportën biometrike të Maqedonisë dhe një kartë indentiteti të vendit ku jeton aktualisht). Duke kërkuar nga bashkëatdhetarët e tyre, që të jenë më të bashkuar me qëllim që të fitohet patjetër depueteti shqiptarë, pra vetëm e vetëm që deputeti i diasporës nga Amerika në Parlamentin e Maqedonisë, kësaj radhe të jetë një shqiptarë. Nazer Mehmeti kujtojë në këto takime se : “Kur ne u bashkuam të gjithë, si në kohën e luftës në Kosovë dhe Maqedoni, pra Kosova, Shqipëria, Lugina e Pershevës, shqiptarët e Maqedonisë, Malit të Zi dhe Çamërisë, ju vetë e patë se çfarë kontributi dhamë për çështjen kombëtare dhe cili ishte rezultati i kësaj ndihme, tha Nazer Mehmeti dhe vijojë se prandaj, edhe sot këtu ne nuk vijmë të evokojmë atë se çfarë bëm, dhe kush e bëri më pak apo më shumë, por vijmë këtu në mesin tuaj – për t’ju bër një thirrje, dhe të kërkojmë një moblizim të, të gjithëve, Presparve, Kërçovarve, Struganëve, Dibranëve e tjerëve, të regjistrohen dhe të mobilizohen për zgjedhjet e 26 Prillit në Maqedoni – “Ai përsëriti se kohë nuk ka më – dhe të merremi me njeri tjetrin , si në zgjedhjet e 2011 kur edhe e humbëm deputetin tonë, apo të merremi me atë si dhe kush është kandidat, tani, thirrja jonë është si shqiptarë kush ka dokumetat që kërkohen në ligjin e zgjedhjeve të Maqedonisë nga KQZ-ja, të shkojë e të regjistrohet sa më parë edhe këto ditë që kan mbetur dhe të dalë në votime më 26 Prill -. “Kjo që kërkohet sot nga të gjithë ne – duhet parë vetëm si nji obligim kombëtar – ne duhet të dëshmojmë që jemi shumicë në Amerikë dhe jemi ne ata që kemi zërin tonë në Parlamentin e Maqedonisë”, tha kryetari i delegacionit të Dallasit, zotëri Nazar Mehmeti, duke ftuar edhe një herë mërgatën shqiptare nga Maqedonia për një angazhim të përgjithshëm regjistrimi dhe votimi”. “Deputeti i diasporës, është i rëndësishëm, sepse e zyrtarizon dhe institucializon bashkëpunimin ndërmjet vendorigjinës tonë dhe mërgatës shqiptare, ai do të jetë zëri ynë do të jetë nyja lidhëse e diasporës me Senatorët dhe Kongresmenët, qeverinë Amerikane dhe vetë ne shoqatat dhe organizatat e komunitetit”, tha Ylber Korça, i cili ishte pjesë e delegacionit të Dallasit së bashku me veprimtarë të tjerë, dhe kishte ardhur t’ju bëjë thirrje bashkëqytetarëve të tij të regjistrohen dhe dalin në votime për Tefik Abdullain .

“Rock – Stari” strugan në New Jersey, Haxhi Dauti, i cili thotë se deri tani ai dhe dhjetra anëtarë të tjerë nga familja dhe miqtë e tij, janë regjistruar dhe janë bër gati sipas tij për të votuar Tefik Abdullain në 26 Prill , u shreh se “për ne shqiptarët të Maqedonisë, dhe meqense na erdhi rasti të kemi një shqiptarë, që do të merret me diasporën shqiptare në Amerikë, pra të jetë ky zëri ynë dhe të jetë ai që ka për të krijuar lidhjet më të mira midis vendorigjinës dhe ne mërgatës shqiptare, duke na afruar edhe më shumë me Prespën, Manastirin, Tetovën, Gostivarin, Strugën , Kërçovën dhe Dibrën, e tjerë, duhet që të regjistrohemi dhe të votojmë së bashku”, tha i bindur në fitoren e Tefik Abdullait “Rock-Stari”, strugan Haxhi Dauti . Kurse, Imamët e dy xhamive kryesore në këtë zonë ku jetojnë shumë Strugan dhe Dibranë, Imam Harrun Pollozhani dhe Imam Rifat Halili, u bënë thirrje të gjithë besmitarëve nga Maqedonia, që mënyrë të organizuar edhe kësaj radhe së bashku, të regjistrohen për të votuar më 26 Prill – pikërsiht kanididatin për deputetët shqiptarë Tefik Abdullai, i cili do të jetë sipas tyre, zëri i shqiptarëve të Maqedonisë në Parlamentin e Maqedonisë dhe do flasin shqip, do të prezantojë shqip dhe do të ngrejë zërin shqip të diasporës shqiptare në Amerikë”, than të dy Imamët më popullor në këtë zonë, pa vënë aspak në dyshim përkrahjen e tyre dhe mbështetjen e xhamisë.
“Deputeti i Diasporës nga Amerika, natyrishtë që do të jetë urë e mirë lidhëse midis mërgatës që jeton jashtë vendit dhe organit më të lartë ligjvënës dhe politikëbërës në shtetin e Maqedonisë. Ne si diasporë kemi nevoja të ndryshme, që nga lindja deri në vdekje, si njerëz të Zotit. Pra duhet të kemi një qasje që në mënyrë institucionale zëri juaj si komunitet nga këtu (SHBA) të troket nesër në derën e duhur në Parlamentin e Maqedonisë, edhe atë vetëm në gjuhën tonë të ëmbël dhe të bukur shqip”, tha Imam Rifat Halili.

Në telefon veprimtari i dalluar i komunitetit Fluturim Rizavani, thotë se në mënyrë indidviduale familjet shqiptare Waterburyt që janë një numër i madh nga Maqedonia, Struga Dibra, dhe Prespa, janë moblizuar të regjistrohen dhe të votojnë kandidatin shqiptarë Tefik Abdullai për në Parlamentin e Maqedonisë, duke e parë atë si një zë shqiptarë nga shqiptarët e Amerikës. Në fund duhet cekur se të gjithë deklaruan se regjistrimi në pikat e caktuara po ecën mjaft mirë, dhe ndoshta edhe më mirë ngase ata e kanë menduar, duke shtuar se deri tani qindra shqiptarë janë regjistruar dhe duke shtuar se çdo gjë po kryehet në mënyrë vullnetare, dhe individuale, në baza shoqërore dhe familjare . Numëri i të regjistruarve në zonën e “Tri-Shtetshtit” , sipas tyre pritet t’i kaloi të 1000 vetat deri të dielën kur edhe skadon afati i registrimit për diasporën.`

Një kartolinë për të festuar ditëlindjen e NTM Leka II, Princ i Shqiptarëve

March 26, 2014 by dgreca

Nga BEQIR SINA, New York/Me kalimin e çdo viti , NTM Leka II, Princ i Shqiptarëve, Trashëgimtari mbart një ngjashmëri të fortë me gjyshin e Tij, Mbretin e Shqiptarëve, Ahmet Zogun dhe babanë e Tij Leka Zogun, si dhe kurrë më shumë se në këtë fotografi ku ai paraqitet qysh fëmijë me tiparet, karakteristika dhe fizonominë e një prijësi të ardhëshëm të gjithë shqiptarëve

BENSONHURST BROOKLYN NY : Mbretëria shqiptare është një pasuri e very kombëtare, e themeluar nga Mbreti i të gjithë Shqiptarëve Zogu i Parë, si shenjë e dashurisë dhe krenarisë së lart tonë kombëtare. Ashtu si Britania e Madhe, Hollanda, Japonia, Monako, Suedia, Danimarka, Norvegjia, Luksenburgu, Austria, dhe shumë shtete, të tjera kryq e tërthor globit, edhe ne shqiptarët e Bardhylit dhe të Teutës, kemi një mbretëri, që të krenohemi me historinë dhe kulturën e tonë kombëtare. Duke i dhënë asaj vendin që i takon gjatë periudhës së Monarkisë Shqiptare, e cila është një pjesë shumë e rëndësishme e historisë dhe kulturës së kombëtare, jo vetem në Shqipëri, Kosovë e trojet shqiptare, por edhe për të na prezantuar edhe jashtë. Mbasi, familja mbretërore shqiptare, sot meriton më shumë se çdo politikan në Shqipëri të nderohet me të gjitha atributet që i takojnë, prej kombit shqiptar. E jo të flitet ende si gjysmë shekulli më parë gjatë sundimit komunistë – kur foli propaganda komuniste e Enver Hoxhës, dhe baballarët e tyre. Dhe, më keq, është se kur një njeri Kryeministri i një vendi (Edi Rama) Kryeministri i Shqipërisë, flet akoma ashtu si ja ka konfigurar Enveri, atë pak tru që ka, flet me të njëjtën “urrejtje” ndaj figurës së Mbretit Zogu i Parë.Duke kërkuar qetësisht në foto-albume , do të gjesh fotografinë e bukur të Naltësis së Tij Mbretërore Leka II, kur ai ishte fëmijë, i veshur me një kostum popullor të Kosovës, në tirqe, jelek dhe plisin e bardhë mbi krye, ndërsa mban në prehër një pushkë antike.

NTM Leka i dytë duket se e ka paraqitur këtë portret të veçantë, në mesin e një numëri fotografishë për të festuar ditëlindjen e Tij – sa herë të vijë 26 Marsi i cili shënon ditëlindjen e Mbretit Leka i Dytë me betimin që ka bër trashëgimtari – kur ndrroi jetë babai i tij .

“Unë (emri), Mbreti i Shqiptarëve, në minutën që hyp në fronin e Mbretërisë Shqiptare dhe marr në dorë pushtetet mbretërore, betohem para Zotit Fuqimadh se do të ruaj njësinë kombëtare, pavarësinë shtetërore dhe tërësinë tokësore; gjithashtu, do të ruaj Statutin e do të veproj pikërisht sipas atij dhe sipas ligjeve në fuqi, duke pasur parasysh gjithmonë të mirën e popullit. Perëndia më ndihmoftë”. Ky është betimi i plotë që parashikon Statuti Themeltar i Mbretërisë Shqiptare në vitin 1928. Me kalimin e çdo viti , NTM Leka II, Princ i Shqiptarëve, Trashëgimtari mbart një ngjashmëri të fortë me gjyshin e Tij, Mbretin e Shqiptarëve, Ahmet Zogun dhe babanë e Tij Leka Zogun, si dhe kurrë më shumë se në këtë fotografi ku ai paraqitet qysh fëmijë me tiparet, karakteristika dhe fizonominë e një prijësi të ardhëshëm të gjithë shqiptarëve .Imazhi soditës që vjen nga ajo fotografi, është në kontrast me një foto shqiptare dritë – zemre, shenja burrënie, dhe tiparet më të bukura të rracës së kulluar dardane, të cilat janë si një kartolinë, edhe sot për ditëlindjen e 32të, të NTM Leka II, Princ i Shqiptarëve.Për të plotësuar foto-albumin e Tij me fotografi , Oborri Mbretëror, gjithashtu, ka lëshuar në biografinë e Tij – edhe imazhet e tjera, që lidhen me jetën e Familjes Mbretërore Shqiptare, fatin e Tyre – prej nga Mbretit Zogu i Parë, Mbretëreshës Geraldinë, babait të tij të ndjerë Leka Zogu dhe nënës së tij të ndjerë Susan – kur ata ishin së bashku, në kohën e Mbretërisë, emigrimin në gjitha vitet e egzilit, dhe kur ata u rikthyen në Shqipëri.

NTM Leka II, Princ i Shqiptarëve, ka lindur më 26 Mars 1982, në orën 13:43, në Johanesburg, Afrika e Jugut në “Sandton Clinic”. Dhe kjo është ditëlindja e Tij e 32të. Klinika në të cilën ka lindur NTM është shpallur nga qeveria e Afrikës së Jugut në atë ditë, si tokë shqiptare për 24 orë, me kërkesë nga NMT Leka I, Mbret i Shqiptarëve.Ai është djali i Mbretit Leka Zogu i Parë, i cili ndërroi jetë në Tiranë, më 30 nëntor 2011 – dhe i biri i nënshtetases Australiane Princeshes Susan Cullen-Ward . Ai erdhi, së bashku me familjen për të jetuar në Shqipëri, pas 20 vjetësh në qershor të vitit 2002.Prindërit e Tij – Mbretit Zogu i Parë, Mbretëreshës Geraldinë, babai Leka Zogu, nëna Susan – i kan lën mjaft Atij mjafton që ka një trashëgimëni për të qenë pasardhësi, i një Mbreti si gjyshi i Tij Ahmet Zogu, në atë kohë jashtëzakonisht popullor, i cili i ishte njeriu që mblodhi fiset dhe i bëri shtet(bëri Shtet, drejtoi me Republikë Parlamentare.(Pluralizëm). Garantoi monedhën shqiptare në rang ndërkombëtar. Lejoi lëvizjen e lirë të shqiptarëve pa vizë në Amerikë, dhe nëpër botë.)

NTM Leka II, Princ i Shqiptarëve, feston sot ditëlindjen e Tij të 32të me të fejuarën Elia Zaharia, miqtë e shumtë në të gjitha trojet shqiptare

Kurse, Kalendari Mbretëror Botëror, kujton 26 Marsin 2014, me Ditëlindjen e 65-të, të Princeshës së Kurorës Margarita e Rumanisë, e cila ka lindur më 26 Mars 1949. Ditëlindjen e 32-të, Crown Prince Leka II i Shqipërisë i lindur më 26 Mars 1982. 26 Marsin kur Hollanda feston Ditëlindjen e 9-të, të konteshës, Emma Luana e Orange-Nassau, Jonkvrouwe van Amsberg e lindur më 26 Mars 2005. Më 26 Mars Luksemburgu dhe Austria, kremtuan Ditëlindjen e 20-të, të Archduchess Gabriella së Austrisë, Princesësh Imperiale e Austrisë, Princess Royal së Hungarisë,

Princi Leka

Ka lindur më 26 Mars 1982, në orën 13:43, në Johanesburg, Afrika e Jugut në “Sandton Clinic”. Klinika në të cilën ka lindur NTM është shpallur nga qeveria e Afrikës së Jugut si tokë shqiptare për 24 orë, me kërkesë nga NMT Leka I, Mbret i Shqiptarëve.

Titulli:

Naltësia e Tij Mbretërore Leka II, Anwar, Zog, Reza, Baudoin, Msiziwe, Princ i Shqiptarëve

Edukimi

Vitet e para të jetës mori mësimet nga një mësuese privat, para se të vijonte shkollimin në Johanesburg, në Afrikën e Jugut.

St Stithian’s Collage
St Peter’s Preparatory School
ST Peter Collage

Në vitin 2004 deri në vitin 2005 vijoi studimet në akademinë me famë botërore”Royal Military Academy of Sandhurst” në Mbretërinë e Bashkuar. Gjatë këtyre studimeve mori edhe disa çmime si psh: “The King Hussein Price” dhe toga e NTM Leka II, Princ i Shqiptarëve është shpallur si “The Sovereign’s Platoon”.
Universitetin Mbreteror Iliria dega Marrdhenie Nderkombetare dhe Diplomaci.

Kurset:

Në vitin 2002, mësime private në letërsinë shqipe.
Në vitin 2004 kreu një kurs njëmujor në akademinë ushtarake “Skënderbeu” në Tiranë.
Në vitin 2004 kreu një kurs njëmujor në Bacons Field, “PreSandhurst Course”
Në verën e vitit 2006, vijoi kursin e gjuhës italiane në Peruxha, pranë “Universitta di Stranieri”.
Në vitin 2010 Akademia e Mbrojtjes, SCSDS
pallati 8
President Nderi:President i Federatës Shqiptare të Golfit. http://fshgolf.org/

Kryetar Nderi i qytetit Baton Rouge dhe President Nderi i Kishës së Baton Rouge lindor.
President Nderi i Shoqatës Italiane për Jetimet “Fiaba”.
Nën Patronazh: “The International Comission and Association on Royalty and Nobility” http://www.nobility-association.com/patronsofficers.htm
Antar Nderi i SOS Jetimët e Shqipërisë (SOS Avenir Orphelins d’Albanie – France) http://albania.dyndns.org/
Antar Nderit i Komunitetit Olimpik Shqiptar 2011

Udhrat:

Kordoni I madh të Urdhërit Santi Maurizio e Lazzaro

Kordoni I madh të Urdhërit Besa & Skenderbeu
Celsi i Qytetit të “New Orleans” nga Krytari i Bashkise Z.Landrieu
Titulli “Qytetar Nderi” i qytetit te Burrelit
Titulli “Qytetar Nderi” i Komunes se Berdices, Shkoder

Gjuhët:

Shqip – Anglisht

Shpallja e Titullit Princ Trashëgimtar:

Në bazë Statutit të Vitit 1928, të Mbretërisë Shqiptare, Princi Trashëgimtar i fronit mbretëror është djali më i madh i Familjes Mbretërore. Kështu që Ai shpallet trashëgimtar i Fronit Mbretëror mbasi të ketë mbushur moshën 18 vjeçare, nga NMT Mbreti. NTM Leka II, Princ i Shqiptarëve u shpall Trashëgimtar i fronit në vitin 2000, mbas një betimi që Ai bëri përpara NMT Leka I, Mbret i Shqiptarëve, në Johanesbug. Nga ajo ditë, Ai zgjodhi të ishte NTM Leka II, Princ i Shqiptarëve.

Historia e Emrit të NTM Leka II, Princ i Shqiptarëve:

NTM u pagëzua me emrin Leka nga MSM Susan, Mbretëresha e Shqiptarëve. Emri Anëar, NTM Leka II e mori për nder të Presidentit Anëar Sadat i Egjiptit, duke qenë se Presidenti Sadat ishte një mik i mirë i NMT Leka I, Mbret i Shqiptarëve. Emrin Reza, për nder të miqësisë që NMT Leka I, kishte me Shahun e Iranit. Emrin Baudoin, NTM Leka II, e mori nga kumbara e Tij, Mbreti Baudoin i Belgjikës. Emri Msiziwe është një titull honorifik (në gjuhën Zulu do të thotë: Njeri i Popullit të Tij), e mori më vonë nga Mbreti i fisit Zulu.

Detyrat:

Princ Leka ka punuar pranë Ministrisë së Jashtme si Këshilltar i Ministrit në vitin 2006-2009 për çeshtjet e Mardhenieve dypaleshe. Ka punuar pranë Ministrisë së Brendshme si Këshilltar i Ministrit nga viti 2009 deri në 2012.

Nga data 27 Korrik 2012 ka qenë Këshilltar Politik pranë Presidentit të Republikës, detyrë që e lëshoi për shkak të angazhimeve të Tij .

Princi Leka nuk do të jetë më këshilltari politik i presidentit Bujar Nishani. Trashëgimtari i fronit mbretëror është tërhequr ngy ky post për t’ju përkushtuar tërësisht rolit të tij si kreu i familjes mbretërore. “Duke pasur parasysh kontekstin gjithëpërfshirës dhe megjithëse ruaj një konsideratë dhe një mirënjohje të thellë për emërimin tim në postin e këshilltarit pranë kreut të shtetit, funksioni i cili kulmoi rrugëtimin tim personal dhe profesional në njohjen e administratës dhe shtetit, e gjej të volitshëm momentin për t’u tërhequr nga kjo detyrë dhe për t’iu kushtuar tashmë vetëm rolit tim krejt të veçantë të kreut të familjes mbretërore shqiptare. Ky rol paraqet për Shqipërinë një avantazh. Ai i shërben gati ekskluzivisht imazhit, prestigjit dhe dinjitetit të një vendi me histori dhe tradita si i yni. Në këtë kuadër, familja mbretërore shqiptare, megjithëse me mjete të pakta, ka zhvilluar aktivitete të shumta, duke u ofruar miqve tanë në të gjithë botën një vitrinë sa më reale, por edhe sa më tërheqëse të një Shqipërie që meriton të njihet më mirë”, shprehet princi Leka në “Facebook”.

BOJKOTI NUK U VLEN SHQIPTAREVE

March 26, 2014 by dgreca

Dibranët në Amerikë angazhohen me çdo kusht për zgjedhjen e deputetit shqiptarë Tefik Abdullai/

Nga Beqir Sina, Staten Island- Nju Jork/

Nju Jork, 25 mars – Dibranet në Nju Jork, thone se do të marren pjesë masivisht në zgjedhjet parlamentare të 26 prillit, të cilat janë për njësinë zgjedhore numër 8të që përfshin Shtetet e Bashkuara dhe Kanadan.

Musa Pacuku kryetar i Shoqates Atdhetare Dibra, ne Nju Jork thotë se pas takimeve me shoqatate shqiptarëve të diasporës është arritur një pajtim që të punohet së bashku për regjistrimin e qytetarëve që kanë të drejtë vote, dhe se ne takimin qe kan pasur ne Nju Xhersi nuk eshte permendur fjala “bojkot” por eshte thene mbas ketyre votimeve duhet te mblidhemi se bashku te gjithe dhe te analizojme situaten brenda komunitetit, te krijuar mbas takimit per zgjedhjen e kandidatit nga Diaspora.

“Problemi kryesor është se duhet pare menyra se si u anashkaluan shume shoqata dhe grupe te tre komuniteteve me te medha me shqiptar te ardhur nga Maqedonia ne SHBA, ata nga Dibra, Kercova dhe Struga – – thotë Pacuku duke shtuar se ne jemi tani te gjithe per Tefik Abdullain pavaresisht qejfmbetjeve qe kemi- duhet te regjistrohemi sa me pare se koha nuk pret dhe te shkojme ne votime me 26 Prill per kandidatin tone shqiptar”.

Ndërkaq, edhe mediea shqiptare nga Maqedonia e ka konfirmuar te njejten gje, se Dibranet jane per deputetin Tefik Abdullai. Gazetat shqiptare atje shkruajn se Shoqata Dibrane ka lënë mënjanë pakënaqësinë e shprehur më parë për mosrespektimin e duhur gjatë përzgjedhjes së kandidatëve që do të garojnë për të përfaqësuar diasporën.

Sipas shtypit shqiptar ne Maqedoni thuhet se Shoqata Dibra jo vetëm që do të merr pjesë por edhe do të angazhohet në sensibilizimin e mërgatës dhe në procesin e regjistrimit të mërgimtarëve me të drejtë vote. Kete e ka pohuar edhe anëtarit të kryesisë së Shoqatës Dibrane, arkatari i saj Dini Radoveshi, duke shtuar se edhe anëtaret e kësaj shoqate do të angazhohen që në këto zgjedhje të fitojë kandidati shqiptar.

“Shoqata kurrë nuk ka përmendur fjalën bojkot. Ne shprehem pakënaqesinë tonë për procedurën e kandidimit, por nuk kemi deklaruar se do të bojkotojmë zgjedhjet. Të bojkotosh zgjedhjet do të thotë të bojkotosh veten dhe t’ia lehtësosh fitoren kandidatit maqedonas”- shprehet Radoveshi.

Kurse, ne telefon te njejten gje pohoi edhe zoti Musa Pacuku kryetari i Shoqates Dibra ne Nju Jork, per gazeten Bota sot, i cili tha se jo vetem nuk kemi thene se i bojkotojme zgjedhjet por kemi bere thirrje dhe po punojme qe te rritet numeri i te regjistruarve per te qene gati per votime ne 26 prill diten e zgjedhjeve.

Veprimtari i dalluar ne kete komunitet, biznesmeni i suksesshem Refik Kosovrasti, i cili ka qene mjaft i angazhuar per kete fushat , i tha gazetes Bota sot, ne SHBA, se dibranet kan per te siguruar edhe autobuset, te cilet do te transportojne votuesit ne diten e zgjedhjeve me 26 Prill, ai shtoi se jane ngritur grupe vullnetaresh per regjistrimin e Dibraneve, prane Xhamise dhe zyres se Shoqates ne Staten Island.

Kosovrasti, u shpreh se edhe vajza e tij Medihaja, qe ka qene manaxhere e fushates se kandidatit shqiptar per ne Keshillin e Bashkise se qytetit te Nju Jorkut, Ken Biberaj ne vitin 2012, eshte e angazhuar me asistence dhe konsulence ne keto zgjedhje.

Ndërkaq për gazetën Zhurnal, Murat Mela, një aktivist i shquar për cështje me interes kombëtar, pavarësisht angazhimeve në biznes, gjen kohë për t’u angazhuar në sensibilizimin dhe regjistrimin e shqiptarëve që kanë të drejtë vote.

“Personalisht, deri tani kam regjistruar rreth 100 persona. Fatkeqësisht, ky nuk është ndonjë numër për t’u krenuar, por arsyet janë të shumëllojshme. Ka pakënaqësi nga qasja e partive politike, shumë dibranë nuk i kanë pasaportat e reja biometrike, pastaj bëhet fjalë për një shtrirje të madhe gjeografike, njerëzit janë të zënë me punë dhe nuk gjejnë kohë për të ardhë deri në pikat ku bëhet regjistrimi”- thotë Mela.

Simbas gazetes Zhurnal thuhet se :”Një pikë tjetër regjistrimi është Xhamia në Staten Island, ku pritej të bëhet pjesa më e madhe e regjistrimit për shkak të frekuentimit, por edhe imami i kësaj xhamie Omer Papraniku numëron të njejtat arsye, megjithatë paraqitja dita ditës po shtohet, thotë Papraniku. Në proces janë përfshirë edhe aktivistë të pavarur, të cilët lobojnë që diasporën e Maqedonisë në Amerikë ta përfaqësojë një deputet shqiptar për të korrigjuar kështu lëshimin e zgjedhjeve të vitit 2011. Arif Mashkulli, një filantrop dhe aktivist për cështje me interes kombëtar vazhdon sensibilizimin e komunitetit dibran për të regjistruar mërgimtarë me të drejtë vote.

“Mërgata duhet të dalë në zgjedhje dhe të zgjedh një deputet shqiptar, i cili do të na përfaqësojë denjësisht në kuvendin e Republikë së Maqedonisë dhe të ngre zërin ashpër për cështje si projekti “Fusha e Lukovës”, ku drejtpërsëdrejti dëmtohen dibranët”- thotë Mashkulli.

Mërgimtarët shqiptar të Nju Jorkut dhe Nju Xhersit kërkojnë që vendvotimi nga përfaqësia konsulare e Maqedonisë në Manhatan të zhvendoset në xhaminë në Staten Island si vendi më i afërt dhe më i përshtatshëm për komunitetin shqiptar të kësaj ane. Afati i regjistrimit të diasporës me të drejtë vote përfundon më 29 mars. Qytetarët që nuk janë regjistruar nuk mund të realizojnë të drejtën për të zgjedh ditën e votimit, më 26 prill 2014, shkruan gazeta shqiptare Zhurnal nga Maqedoni

Kongresmeni Chris Gibson nisi fushatën për një mandat tjetër në Kongres

March 23, 2014 by dgreca

Liga Qytetare Shqiptaro-Amerikane ( LQSHA ) dhe Komiteti Shqiptaro-Amerikan për Çështjet Publike ( AAPAC ) në një takim me Kongresmenin Chris Gibson thotë se ata do të mbështesin kandidaturën e tij – për një mandat tjetër në fushatën e tij të rizgjedhjes në një mandat të tretë në Kongres , duke parë atë si një mik i mirë dhe i dëshmuar i popullit shqiptar/

Nga , Beqir Sina – New York City/

NEW YORK CITY : Kongresmeni republikan Chris Gibson i Qarkut të Kongresit të 19-të në Nju Jork , nën parullën për zgjedhjet e ardhshme , ” Chris Gibson për Kongresin ” ka mbajtur një takim mbledhje fondesh në Manhattan , qytetin e New Yorkut , në klubin prestigjioz Princeton Club, me amerikano shqiptar , hebrej amerikan dhe përkrahësit e tjerë . Gibson po kandidon për rizgjedhje në rrethin e të sapo konfiguruar 19-të të Kongresit , e cila përfshin Dutchess County dhe 10 qarqet në veri të Nju Jorkut Ai gjithashtu kësaj here ka marrë dhe miratimin e Partisë Republikane, tha Kryetari i Partisë Republikane , Edward Cox , i cili mori pjesë në këtë ngjarje .

” Chris Gibson, ka qenë një përfaqësues i mirë i Republikanëve – duke punuar me përgjegjshmëri në Kongres , Partia Republikane, është krenare sot që ka ardhur për të mbështetur Chris për t’u rizgjedhur në vitin 2014, ” tha kryetari i Partisë Republikane Ed Cox .

Kongresmeni Chris Gibson bëri betimin në Kongres për herë të parë në rrethin e 20-të të Kongresit në Nju Jork , më 6 janar , 2010, dhe po kërkon një mandat të tjetër tani , duke pretenduar se kjo do të i mundësojë atij – për të fituar një mandat tjetër, megjithëse nuk është shumë e lehtë në zgjedhjet e ardhshme ; ngaqë tani ai përballet me një kandidat të partisë Demokratike, që është i pasur , por pa përvojë .
Ish- Kongresisti Joe DioGuardi dhe Këshilltarja e Çështjeve Ballkanike Shirley Cloyes DioGuardi , dhe aktivist hebraik , si Ron Rettner , ishin bashkë- organizator të ngjarjes , duke mbledhur një numër të biznesmenëve të suksesshëm dhe të rëndësishme shqiptarë dhe amerikano hebrejë , filantropët , udhëheqësit e komunitetit teksa u bënë së bashku për të mbështetur fushatën e Kongresmenit Republikan Gibson .
Grupi shqiptar i udhëhequr nga ish-Kongresmeni republikan i Nju Jorkut, Joseph DioGuardi – Presidenti i Ligës Qytetare Shqiptaro-Amerikane, dhe Këshilltaria e Çështjeve Ballkanike Shirley Cloyes – DioGuardi , përfshirë një grup të Borditi të Drejtorve nga zona e Tri-Shtetshit :- Agim Aliçkajn , Luan Bukolla , Zef Balaj , Gazmend Lita , Hafiz Shala , Zini Ismaili , dhe veprimtarë shqiptarët nga Çikago , Wisconsin dhe Iowa – Pajazit Murtishi , Xhevat ” Jack ” Sherifi , Gazmend Lleshi , Destan Aliu , Mamut Skenderi , Nazim Alimi , Gezim Limani , Ramadan Hajdini , Xhevdet Beqiri , Jeff Hamdia dhe Ray Zulku , morën pjesë edhe në një diskutim për shqiptarët në Ballkan.
Anëtarët e Borditi të Drejtorve nga zona e Tri-Shtetshit , nga LQSHA , në takim me Kongresmenin Chris Gibson , thanë se do të mbështesin kandidaturën e tij për një mandat tjetër , duke e parë atë si një mik i mirë dhe i dëshmuar për shqiptarët në Amerikë .

Në këtë takim (darkë) (të mbledhur rreth një tryezë të madhe me rreth 22 njerëz ) sponsorizuar nga LQSHA kongresmeni Gibson dhe shefia i tij i shtabit Stephanie Valle u informuan tërësisht në çështjet kyçe që prekin shqiptarët në tokat e tyre stërgjyshore në Maqedoni nga Këshilltaria e Çështjeve Ballkanike Shirley Cloyes dhe shqiptarët që kishin ardhur nga Illinois, Wisconsin, Iowa, New York dhe New Jersey, për të folur rreth çështjeve të tyre.

DioGuardi foli për shqiptarët dhe kontributin e tyre në Shtetet e Bashkuara për çështjen shqiptare nën udhëheqjen e tij – ndërsa i orfojë kongresmenti Gibson mbështetjen e plot nga LQSHA, duke e vlersuar ri-zgjedhjen e tij – në të mirë të Amerikanëve dhe vet shqiptarve.

“Liga Qytetare, ka si mision të saj “gjetjen” e atyre kongresmenëve ose senatorëve që bëjnë diçka të mirë për çështjen shqiptare, u shpreh DioGuardi, siç kan qenë më parë Biden, Gillman, Hyde, Lantos, e të tjerë. Kjo, na bën të “freskojmë me gjak të ri”, pra me miq të rinjë lidhjet tona, tha ai duke pasur një zë të fuqishëm në Capitol Hill, si kongresmenin Chris Gibson, i cili më parë ka shërbyer edhe në ushtrinë amerikane në Kosovë, dhe është amerikani që ka marrë pjesë në katër luftra – Irak, Afganisatan, Kuvajt dhe Kosovë. Për, këtë edhe ne jemi sot duke mbështetur fushatën fondmbledhëse për kongresmenin Chris Gibson, i cili do të jetë në të mirë të Amerikës dhe natyrisht shqiptarëve” tha DioGuardi.

Kurse, Kongresmeni Gibson, shprehu kënaqësin e tij, që po merrte mbështjen edhe të shqiptarëve , në këtë fushat elektorale, nëpërmjet veprimtarëve shqiptarë, dhe mikut të tij, Presidentit të Lidhjes Qytetare Shqiptaro Amerikane, Joe DioGuardi , duke shtuar se kemi shumë arsye të jemi së bashku :” Unë kam qenë i përveligjuar të njohë shqiptarët , prej kur unë shërbeja në ushtrinë Amerikane, për 7 muaj në Kosovë. Atje, theksojë ai, unë pashë nje vend të bukur dhe njerëz të mirë, njerëz, që e donin shumë vendin e tyre dhe kërkonin të bënin shumë për vendin e tyre , mbas shkatërrimit që dolën nga lufta – njerëz paqësor që gëzonin lirinë e tyre”

Gibson, tha se është “shumë i shqetësuar” rreth ngjarjeve në Ukrainë , duke deklaruar se “Shtetet e Bashkuara duhet të përdorën të gjitha mundësitë diplomatike në dispozicion për të ndihmuar t’i jepet fund trazirave politike në Ukrainë, në dritën e ndërhyrjes ushtarake të Rusisë”

Në këtë kontekst foli edhe veprimtari i dalluar i komunitetit, zoti Agim Aliçka, i cili u shpreh se Putini po luan kartën e ish Bashkimit Sovjetik, me Krimenë. ” Presidenti rus Vladimir Putin duke e cilësuar pavarësinë e Kosovës si pararendëse për aneksimin e Krimesë nga Rusia, tha Aliçka, nuk ka asnjë ndryshim nga parardhësit e tij në kohën e “Luftës së Ftohtë” .

Gibson është një 50 – vjeçarë, i cili gjysmën e jetës (24 vjet ka shërbyer ne ushtrinë Amerikane) duke qenë veteran i ushtrisë amerikane, i dekoruar me disa medalje nga Qeveria Amerikane. Ai fitoi mandatin e tij të dytë në Kongres në vitin 2012 , duke mundur avokatin Julian Schreibman. Chris Gibson u rrit në një familje të klasës punëtore në Columbia County , në qytetin e Kinderhook .

Në moshën 17 vjeçare , Chris u rekrutua në Gardën Kombëtare të Nju Jorkut dhe më pas fitoi një bursë nga Komision ROTC në Siena College aty pranë . I pari në familjen e tij për të shkuar në kolegj , Chris është diplomuar me BA në Histori. Ndërsa në ushtri , ai më pas fitoi një MPA dhe PhD nga Cornell University dhe është autor i librit “Sigurimi i Shtetit”, një libër mbi sigurimin kombëtar dhe vendimmarrës, botuar në vitin 2008 .

Gjatë karrierës së tij në ushtrinë Amerikane , Chris u ngrit në gradën e Kolonelit dhe dekoruar shtatë herë .

Ku përfshin katër pjesmarrje luftarake në Irak, Kuvajt, Afganistan , dhe vendosjen e trupave të veçanta të SHBA në pjesën Jugperindimore të Kosovës dalluar atje për një operacion kundër drogës , dhe së fundi – pak para daljes në pension – ai shërbeu në Haiti , ku ai urdhëroi 2 avion luftarak në Ekipin ajror të Divizionit 82 ( GNV ) gjatë hapjes e asaj veprimtarie në kuadrin e ndihmës humanitare . Sekretari i Mbrojtes i dha atij Çmimin GNV – Njësia Superior për veprimet e tyre në Haiti .

Pas pensionimit nga ushtria në vitin 2010 , Chris dhe familja e tij u kthye në shtëpin e tij në Kinderhook, aty ku ata tani jetojnë dhe ai u rrit me nënën e tij që jeton ende. Ai u zgjodh për të përfaqësuar rrethin e 20-të të Kongresit në vitin 2010 dhe është ri – zgjedhur në vitin 2012 për të përfaqësuar rrethin e 19 të Kongresit .

Në Kongres , Chris shërben në Komitetin e Shërbimeve të Armatosura ( Nënkomitetet : Taktike Ajrore dhe Forcave Tokësore ; inteligjencës , kërcënimet e reja dhe aftësitë e Personelit Ushtarak ) , Komitetit të Kongresit Bujqësisë ( nënkomiteteve : General Farm dhe Menaxhimit të rrezikut të Mallrave ; Blegtori , Zhvillim Rural , dhe Credit ) , dhe Komiteti për Politikë republikan .

Gibson në një deklaratë të lëshuar pas fitores në vitin 2012 ka thënë ” Dhënia e besimit tek unë nga votuesit në këtë zonë elektorale është një reflektim i besimit tim se përfaqësimi do të thotë vënien e njujorkezëve në shikim të parë në çdo gjë që do të bëj unë për të gjithë qytetarët e mi, duke bashkuar njerëzit nga i gjithë spektri politik për të çuar përpara e zgjidhur çdo hall e problem të tyre . ” Ndërkaq, duhet cekur se kreu i lobit shqiptarë Lidhjes Qytetare Shqiptaro Amerikane Joe DioGuardi, së bashku me bashkëshorten e tij, Këshilltaren e Çështjeve Ballkanike Shiley Cloyes DioGuardi, është i dallueshëm për fushata të tilla elektorale në SHBA, të drejtuara prej tij, me shqiptarët, pasi ai ishte udhëheqësi i parë i lobit shqiptar në SHBA duke lobuar për çështjen shqiptare, ose si janë shprehur vetë shqiptarët duke e quajtur atë “Çelsi që u hapi shqiptarëve dyert e Capitol Hillit “.

Puna e tij dhe e Shirley Cloyes, me lobin shqiptar, gjatë këtyre dy dekadave të fundit, ka qenë shumë efektive, veçanërisht në demokratizimin e Shqipërisë pas 50 viteve të sundimit komunist, dhe në 15 vjeçarin e fundit në atë të çlirimit, të lirisë dhe pavarësisë së Kosovës. Të dy bashk ata kan bërë një punë të madhe në shumë çështje të tjera shqiptare, sidomos për atë të problemeve të shqiptarëve në Mal të Zi, Maqedoni dhe në Luginën e Preshevës dhe në Çamëri.