INTERVISTA/ Flet Xhelal Halili, kryetar i Shoqatës Kulturore “Jehona e Shkodrës”; Shkodra mbetet qytet i aktiviteteve kulturore
-Humori shkodran është i rrallë si vet Zef Deda, Gëzim Kruja Drande Xhai/
– Në Shkodër një aktivitet pa zërin e Bujar Qamilit do të dukej i zbehtë/
Bisedoi: Albert Z. ZHOLI/
Xhelal Halili mbetet një ndër organizatorët më të suksesshëm të aktiviteteve kulturore-artistike në Shkodër. Grupi i tij artistik “Jehona e Shkodrës”, tashmë i ka kaluar njohjet në kufijtë e zonës së Shkodrës pasi ka kaluar deri në Vlorë në eventet e bukurisë. Madje aktiviteet e grupit të tij, kanë bërë bujë dhe në Malin e Zi. Kjo falë dhë humoristëve shkodran por dhe këngëtarëve me emër të këtij qyteti simpatik.
Cilat janë aktivitete e “Jehona e Shkodrës” gjatë vitit 2014?
Aktivitetet kryesore janë spektakli i bukurisë “Mis Plazhi Adriatik 2014” edicioni i 2 me eksluzivitetin tonë. Aktivitetet tona startuan më 30 korrik në resotrtin “Sanset”, Vlorë dhe më pas u zhvendosëm në Shëngjin po me këtë sigël ku çmimin e parë e mori Beki Ndreu nga Burreli dhe ëm aps në Velipojë në kompleksin turistik “Titanik” në datën 15 gusht. Gjithë ky rrugëtim pati kulmin në kompleksin turistik “Copacabana”, në Ulqin ku çmimin “Bukuroshja e detit shqiptar” e mori vajza nga Shkodra Ilda Kroni, çmimin e dytë vajza nga Elbasani Ina Qoshku, dhe çmimin e tretë vajza 17 vjeçare nga Shkodra Marinela Zefi. Të gjitha këto vajza u u respektuan nga z. Prel Shkreli dhe Myslim Llolla, si bashkëpunues me “Jehona e Shkodrës”.
Si u cilësuan çmimet dhe nga ishin vajzat konkurruese?
Çmimin e parë e mori një vajzë shkodrane, çmimin e dytë vajza nga Elbasani, por do të veçoja çmimin n”Miqësia” të cilin e mori vajza nga Serbia, Zorana Merkoviç. Juria ishte profesionale e përbërë nga Shpresa Drasati (kryetare jurie), Ardit Çelepija nga Shkodra, Prel Shkreli, Lida Haxhija Presidente e një agjencie mode.
Cilat janë projektet e së ardhmes?
Së shpejti jemi të ftuar nga komuniteti shqiptar në Zvicër me 10 vajza mis fituese në spektaklin bukuroshet e detit shqiptar. Në Zvicër do të realizojmë nj spektakël me këngë, humor, dhe me sfilata të bukurosheve. Bashkë me ne do të jetë dhe këngëtari i mirënjohur dhe Mjeshtri i Madh, Bujar Qamili, Elidon Çelaj dhe këngëtaren e emigracionit Elisabeta Marku. Mbas këtij aktiviteti që do të zgjas tre ditë ne dio të përgatitemi për aktivitetin final që e bëjmë çdo fund viti “Sofra Shkodrane”, që e zhvillojmë ditën e natës së bardhë më 25 dhjetor, ose ndryshe në ditën e Krishtlindjeve.
Me cilët realizohet ky aktivitet i veçantë?
Sigurisht ky aktivitet realizohet në bashkëpunim me humoristët dhe këngëtarët më të mirë shkodran. Mund të themi se është një variete më e bukur se ato që shfaqin televizionet netët e vitit të ri. Këtu dua të përmend dy Mjeshtrit e Mëdhenj, Gëzim Krujën dhe Zef Dedën si humorist tepër të spikatur (të cilët do vijnë dhe në Zvicër), por nuk do të veçoj aktoren Drande Xhai, apo Anton Krosaj që përbëjnë grupin e humorit “Gaz e Maraz”
Cilat festa janë të mirë organizuara nga ju?
Përveç sa më lart ne organizojmë spektakle dhe variete thuajse në tërë festat e vitit që përmban kalendari shqiptar. Psh, zhvillojmë aktivitete në ditën e 14 shkurtit, në ditën e 8 Marsit, dhe ën festat që theksuam më lart.
Me bashkatdhetarët tanë në Mal të Zi a keni bashkëpunime?
Sigurisht. Ne spektaklin e fundit të bukurisë e bëmë në qytetin e bukur të Ulqinit. Ne bashkëpunojmë me të gjithë këgëtarët e mirënjohur të trevave shqiptare në Malin e Zi, pasi ata kanë fansat dhe njohjet e tyre dhe në Shqipëri.
Mund të na thoni një numat të përafërt të aktiviteteve që zhvilloni në vit?
Janë pothuajse mujore, mbi 12 aktivitet ku dua të përmend dhe bashkëpunimet me Unionin Artistik të Kombit shqiptar që e drejton z. Haklaj. Shkodra është një qytet artdashës dhe nuk mund ta perceptoj jetën pa aktivitete të tilla që rrallë qytet tjetër mund ti zhvilloj