Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

GJON MILI U SHUA DITËN E SHËN VALENTINIT

by

MJESHTRI I MADH I FOTOGRAFISË, GJON MILI ISHTE VATRAN/

1 Gjon Mili ok*34 VJET NGA SHUARJA E GJON MILIT, MJESHTRI TË MADH TË FOTOGRAFISË BOTËRORE , VATRANIT QË PUNOI mË SHUMË SE NJË DEKADË NË RADHËT E VATRËS/

2 Gjon Mili

*Mjeshtri i madh i fotografisë Botërore, vecanërisht asaj artistike, shqiptari i shquar Gjon Mili, erdhi në SHBA më 1923, i sponsorizuar nga dajua i tij, Kocho Chekani. Ai ra në kontakt me Faik Konicën dhe vatranët e tjerë sapo shkeli në Amerikë./

1 Mili Konica

Ne Foto: Delegate te Kuvendit te Vatres me 1926.Gjon Mili, lart- ne kembe, i pesti, me dore mbi supin e Faik Konices./

*E kujtojmë me rastin e 14 Shkurtit, ditës së ndarjes nga jeta, atë që i dha emër Kombit Shqiptar përmes fotografisë.
* Gjon Mili ishte për një mandate arkëtar I Federatës VATRA.
Nju Jork, 14 Shkurt- Si Sot 34 vite të shkuara, ndërroi jetë mjeshtri më i madh i fotografisë, veçanërisht asaj artistike, dhe i pari përdorues i flashit elektronik në fundvitet ‘30,(1937) shqiptari me famë botërore, Gjon Mili.
Ai u shua pas një sëmundje të rëndë të mushkërive, që për shkak të rëndimit nuk arriti ta kapërcente. Dha shpirt në Courtland Garden, në Stamford, Connecticut. Shërbimet mortore u kryen në Manhattan, qendra metropolitane e famshme në të gjithë botën, veçanërisht për galeritë dhe muzetë, ku Mili kishte shkëlqyer, duke punuar gati katër dekada për revistën e njohur”LIFE”.
Atë të premte shkurti të vitit 1984, në shtëpinë mortore Frank E. Campbell, në 81 Street dhe Madison Avenue, ne Manhattan-NY, kishte fare pak shqiptarë. Vlen të përmendet mikja e tij, zonja e Vatrës, kryetarja degës së për Nju Jork –Nju Xhersi dhe zëvendës/kryetare e Federatës, gazetarja dhe Shkrimtarja Nexhmije Zajmi, që ishte një nga shqiptarët e pakta që nuk i ishte ndarë deri në çastet e fundit të jetës.
Po përse u ndodhën aq pak shqiptare rreth arkivolit të mjeshtrit, ndërkohë që në dekadën e parë të ardhjes së tij në Amerikë, i riu Gjon Mili kishte shpenzuar shumë kohë për çështjen Kombëtare dhe qe me aq krenari e kishte përdorur emrin e vet shqiptr GJON?!
Mili, i inkuadruar në rradhët e Vatrës sapo shkeli ne SHBA, ishte një ambasador energjik i çështjes Shqiptare. Nga viti 1923 e deri në mesin e viteve ’30, atë e gjejmë nëpër shumë veprimtari të Vatrës, herë si vatran i thjesht, herë si arkëtar i përgjithshëm i Federatës Vatrës, herë veprimtar i Kryqit të Kuq Shqiptar, herë kryetar apo sekretar i mbledhjeve të Vatrës, konkretisht i degës 42 në Pitsburgh në PA, herë si reporter, herë shoqërues i artistëve të famshëm amerikanë- miq të Shqipërisë, që jepnin koncerte nëpër shtete të Amerikës me repertor shqiptar etj.
Në specialen që ka botuar Dielli jeni njohur me detaje të jetes se Gjon Milit, kujtimet e tij për të atin, që siç shkruante Mili- ishte me sjellje prej aristokrati te lindur, por që u nda nga jeta shpejt(1917), duke e lënë jetim Gjonin adoleshent, për nënën e tij Viktori, që kishte studiuar për mësuese, për martesën me ndërmjetës të prindërve te tij, për xhaxhanë Hristo-n, për motrën Costanca e vëllanë Vasil, për dajon Kocho, që e sponsorizoi udhëtimin e tij në SHBA, për njohjen me Faik Konizën dhe vatranët, miqësia me kryetarin e Vatrës dhe editorin e mesviteve ’20, Aqile Tasi, letërkëmbimi me Kryetarin e Vatrës të viteve ’60 Kristo Thanas, kontributi në gazetën Dielli etj…

Ish nenkryetar i federates Panshqiptare te Amerikes, Sergio Bitici, i tha gazetes Dielli: Me rastin e funeralit te Gjon Milit, ne Joseph Campbell Funeral Home, me 1984, kane qene  Vetem tre Shqiptar, te tre prej Vatres. Nexhmije Zaimi, Tonin Mirakaj dhe Sergio Bitici.
Nexhmija, kujton Sergio,  na tha se Gjon Mili, ne vitet tridhjeta ka organizuar vallet popullore, ne Panairin Boteror, i mbajtur ne Flushing, Queens,NY. Ajo gjithashtu me ka thene se Gjon Mili kishte nje emer te gjate Rumun prandaj eshte
Konsultuar me Faik Konitzen per nderrimin e emrit me nje emer te bukur dhe me karakteristik Shqiptar. Konitza ia rekomandoi emrin Gjon.Gjon Mili ka patur burs nga Vatra, por vitet e fundit te jetes se tij nuk ishte ne terma te mira  me Vatren. As Nexhmija nuk e dinte arsyen, por ajo, sadoqe ishte Vatrane e dedikuar, mbante anen e Gjonit.

Le te jene keto pak radhe KUJTESE per Mjeshtrin e Madh…(d greca)

 

VATRANË, BËHUNI PJESË E DARKËS SOLEMNE TË 10 VJETORIT TË PAVARËSISË

by

10 Vjetori i pav Kosove

VATRANË, BËHUNI PJESË E DARKËS SOLEMNE TË 10 VJETORIT TË PAVARËSISË/

Të nderuar Vatranë,

Sic jeni njoftuar, të Shtunën më 17 Shkurt, Federata Panshqiptare e Amerikës i është bashkuar organizatave të Komunitetit në kryesimin e këshilltarit të Nju Jork-ut në festimin e 10 Vjetorit të Pavarësisë së Kosovës. Federata Vatra në vijim të traditës së saj do të ketë pjesmarrje masive në darkë.

Festa organizohet të Shtunën me 17 Shkurt 2018, duke filluar nga Ora 6.00 PM, në MARINA DEL REY( 1 MARINA DR. BRONX, NY 10455).

Argëtojnë: Grupi 4 YJET me Shqipe Kastratin & Agim Gerbeshi.

CMIMI I BILETES $75.00

Vatres i jane caktuar 12 tavolina me nga 12 persona secila, por mund te bejme edhe me shume.

Ju lutem bëni rezervimet: Zyra e Vatres: 718-365-6852

Agim Rexhaj: 917-848-3999

Marjan Cubi 914-31600045

Nazo Veliu 347-323-8121

Besim Malota 203-455-7167

Pashko Camaj:516- 9020–588

Gezim Nika 917-596- 4663

Frederik Ndoci 914-450-9418

Zef Balaj- 917-337-1753

Dr. Skender Murtezani 646-530-0809

Dritan Haxhia 646-468-8482

Astrit Gjonpali 201-470-3281

Marjana Bulku 347-209-9378

Ramiz Mujaj-917-346- 2038

Asllan Bushati 917-669-2082

Dalip Greca 917-254-6103

 

VATRA PRITI MINISTRIN E KOSOVES PER DIASPOREN

by

 

1 a gashi minist1 D Gashi Dritani1 agimi flet1 salle me Gashin1 Besimi flet11 leka

Vatra e  interesuar për projektet e Ministrisë së Diasporës së Kosovës/

2 adem

Të Shtunën pasdite , 3 Shkurt 2018, në Selinë e Federatës Panshqiptare të Amerikës u organizua një takimI kryesisë së Vatrës Me Ministrin e Diasporës dhe Investimeve Strategjike dhe njëkohësisht zv. Kryeministrit të Kosovës, z. Dardan Gashi, i shoqëruar nga këshilltarët e tij dhe diplomatët e Konsullatës së Përgjithshme të Kosovës në Nju Jork; Fatmir Zajmi dhe Ylber Kryeziu.

Në median e Kosovës u publikua kronika e Ministrisë së Diasporës: Në vazhdën e takimeve të vizitës së Ministrit të Diasporës dhe Investimeve Strategjike dhe njëkohësisht zv. Kryeministrit të Kosovës, z. Dardan Gashi, u realizuan takime me njërën nga shoqatat më të vjetra shqiptare në Diasporë, përkatësisht me kryesinë e kësaj shoqate, si dhe me profesionistët e rinj shqiptarë nga Neë Yorku.

Gjatë takimit me drejtuesit e shoqatës pan shqiptare të ShBA-ve në Neë York, Vatra, Ministri Gashi i informoi për punën e Ministrisë dhe projektet të cilat presin të realizohen gjatë këtij viti, përderisa falënderoi Vatrën dhe mbarë anëtarësinë e kësaj organizate të rëndësishme për punën e palodhshme.

Gashi i njoftoi të pranishmit për marrëveshjet e nënshkruara me Republikën e Shqipërisë të cilat lidhen drejt për së drejti me diasporën duke u koncentruar në themelimin e Qendrave të përbashkëta në diasporë ashtu që këto të shërbejnë si adresa e parë e bashkëpunimit dhe ndërveprimit institucional mes Qeverive të Kosovës dhe Shqipërisë dhe bashkatdhetarëve tanë.

“Një nga qendrat kryesore kulturore për diasporën do të jetë në Neë York”, porositi Gashi.

Nga ana tjetër drejtuesit e Vatrës, informuan Ministrin për punën e tyre, në veçanti mësimin e gjuhës Shqipe në diasporë, të cilën e quajtën si “detyrë të shenjtë”.

***

Kryetari i Vatrës z. Dritan Mishto, pasi i uroi mirëseardhjen Zv/ Kryeministrit Gashi,Ministër i Diasporës,i prezantoi veprimtaritë dhe projektet strategjike të Vatrës për diasporën. Realisht, Historia e Diasporës Shqiptare në Amerikë pasqyrohet dhe identifikohet me historinë e Federatës Panshqiptare të Amerikës, Vatrës 105 vjeçare dhe Gazetës së saj Dielli, që me 15 shkurt 2018 përjeton 109 vjetorin e nisjes së botimit këtu në SHBA, tha Kryetari Mishto.

Federata Vatra , duke qenë më shumë se sa një organizatë, me shumë degë të saj nëpër shtetet e Amerikës dhe në Kanada, me miq të saj në Europë e veçanërisht në Ballkan, po synon që ta udhëheqë Diasporën në veprimtari të përbashkëta.

Për Vatrën ka nisë një periudhë e re për forcimin e marrdhënieve me Shtetet e Bashkuara të Amerikës, që janë shpëtimtarët e Kombit. Në këndvështrimin e Vatrës, Vota kundër  SHBA e Shqipërisë në Kombet e Bashkuara, ka qenë një votë e gabuar, një votë që bie ndesh me interesat Kombëtare të shqiptarëve, me Vizionin dhe strategjinë e Vatrës, por ishte dhe votë  kundër dëshirës së shqiptarëve të Amerikës.

Vatra, tha z. Mishto, ka marrdhënie të shkëlqyera me Konsullatën e Përgjithshme të Kosovës në New York, dhe vlerëson kontributin e Konsulles së përgjithshme Teuta Sahatçija dhe stafit të saj.Ne kemi një bashkëpunim të mirë, veçanërisht për shkollat shqipe, që Vatra i ka prioritet.

Ne jemi këtu, për të dëgjuar, diskutuar çdo ide tuajën, çdo projekt për Diasporën shqiptare të Amerikës. Na thoni se çfarë prisni nga Vatra dhe ne jemi gati të japim kontributin tonë.

Në debatin pas ekspozesë së Ministrit Gashi dhe Kryetarit të Vatrës Mishto, janë përfshirë në debatin e lirë zv/Kryetari i Vatrës Agim Rexhaj, anëtarët e Kryesisë Marjan Cubi, Zef Balaj, Besim Malota, Ibrahim Kolari, Lek Përlleshi, Dritan Haxhia, Tasim Ruko, Dalip Greca, Kujtim Pore etj.

Në fund të takimit zv.Kryeministri, njëkohësisht Minstri i Diasporës për Kosovën dha një intervistë për TV Kultura Shqiptare.

***

Më vonë Gashi takoi edhe profesionistët e rinj shqiptar në Neë York, me të cilët u diskutua për projektet e punës praktike në administratën  e Qeverisë së Kosovës, shkollën e përbashkët verore që do të organizohet sivjet dhe projekte të tjera që lidhen me të rinjtë.Së bashku u dakorduan që rinia profesioniste në diasporë, duhet të jetë motor kryesor i promovimit të vlerave dhe identitetit shqiptar në botë, si dhe promotor i shtetit të Kosovës dhe Shqipërisë.

VATRA I KËRKON QEVERISË SHQIPTARE TRANSPARENCË

by

VATRA I KËRKON QEVERISË SHQIPTARE TRANSPARENCË PËR KUFIRIN DETAR DHE ÇËSHTJEN ÇAME/

1-logo-vatra

DEKLARATË E FEDERATËS PANSHQIPTARE TË AMERIKËS”VATRA”/

Federata Panshqiptare e Amerikës VATRA i ka ndjekur me kujdes dhe interes të vecantë bisedimet e Ministrave të Jashtëm të Shqipërisë Ditmir Bushati dhe atij të Greqisë Niko Kotzias, zhvilluar në Kretë dhe në Korçë,në dy raunde 3-ditore për zgjidhjen e problemeve të vjetra mes dy vendeve të mbartuara që para 70 vitesh.
Duke qenë se Qeveria shqiptare ende nuk ka dhënë detaje dhe informacionin e nevojshëm për shqiptarët rreth asaj që u quajt “Marrëveshje Historike” nga Kryeministri Rama dhe Ministri i Jashtëm Bushati, Vatra ndjehet e shqetësuar për atë çfarë deklaroi Mnistri i Jashtëm i Greqisë, Niko Kotzias se “Shqipëria ka rënë dakord që Greqia të zgjerojë kufirin detar në 12 milje.”
Mospërballja e qeverisë shqiptare me këtë deklaratë, moskundërshtimi, e shton shqetësimin e Vatrës dhe të vatranëve.
Vatra që 105 vitet e jetës së saj ia ka kushtuar mbrojtjes së tërësisë së Shqipërisë, Vatra që mbrojti Korçën dhe Gjirokastrën në kohë të vështira, në Konferencën e Londrës dhe në atë të Parisit, i apelon qeverisë që të mos hyjë në pazare që cënojnë kufijtë shqiptarë dhe t’u japi detaje shqiptarëve për marrëveshjen, që pritet të nënshkruhet në Tiranë gjatë vizitës së Kryeministrit Aleksis Tsipras në Tiranë në muajin prill.
Vatra sjell në kujtesë të shqiptarëve edhe lëshimin që ka bërë qeveria shqiptare për lejimin e ndërtimit të varrezave greke në territorin shqiptar. Do të mjaftonte një Memorial në kujtim të viktimave të asaj lufte që nuk e bënë shqiptarët, por italianët dhe grekët.
Po ashtu Vatra sjell në kujtesë edhe çështjen e pazgjidhur Çame, për të cilën Ministri i Jashtëm Grek deklaroi, në kundërshtim me atë çfarë deklaroi Ministri ynë, se nuk është shtruar fare në tryezën e bisedimeve.
Deklarata e fundit e Presidentit Grek Prokopis Pavlopulos, i cili e konsideron Çështjen Çame të pakuptimtë, e kyç problemin përfundimisht në “Kalendrat Greke”. Kërcënimi i presidenti Pavlopulos se Greqia do të bllokojë çeljen e negociatave të Shqipërisë në BE nëse shtrohet Çështja Çame, nuk përcjell frymën Europiane të një vendi anëtar i BE, siç është fqinji ynë jugor.
Vatra është e interesuar që marrëdhëniet me fqinjin jugor të jenë të mira dhe problemet e mbartuara të gjejnë zgjidhjen e duhur, por jo duke “dhuruar” hapësira detare, apo pasuri të shqiptarëve. Shqipëria nuk mund ta “blejë” votën e Greqisë për çeljen e negociatave për anëtarsimin në BE duke dhuruar pasuritë Kombëtare apo duke braktisur Çështjen Çame.

MYSAFIRË TEK KUJTIM QAFA NË DETROIT

by

1 diploma Kujtimi            Paraditen e 28 Janarit 2018, takimin e parë Kryetari i Federatës Panshqiptare të Amerikës Vatra, z. Dritan Mishto me bashkëpunëtorët, e filloi me një vizitë në shtëpinë e veprimtarit të njohur, e vatranit veteran,z. Kujtim Qafa, i vlerësuar me “AWARD OF MERIT” nga Federata Vatra në darkën e paspunimeve të Kuvendit të Qershorit 2017.

1 dalipi grup Kujt

 Edhe pse dega e Vatrës në Michigan u riorganizua përgjatë Janarit të vitit 2012, ku Kujtim Qafa u zgjodh anëtar i Kryesisë së degës dhe anëtar i Këshillit të Qendrës, ai prej kohësh ishte vatran.

1 a ok Kujtimi tav

Ndërsa ecnim nga hoteli ku kishim fjetë drejt shtëpisë së Kujtimit në Shelby Township, sjell ndërmend njohjen me Kujtimin në një lokal në Lydig Ave. në Bronks. Isha me z. Zef Balën dhe Dritan Haxhinë atë kohë. Kujtimi pat sjellë një shkrim, që në Vatër u konsideru”delikat” dhe nuk u botua në Dielli. Kujtimi natyrisht që nuk u zemrua, përkundrazi ishte ndër të parët që kontribuoi për ringjalljen e Diellit, që atë kohë kishte 2 vjet e gjysëm pa dalë dhe une sapo e kisha marre drejtimin. Kujtimi ishte i pari që dha kontributin e vet.

1 Kujtimi

Në gazetën Dielli me 23 mars 2010 pata botuar këtë lajm:”Vatrani Kujtim Qafa me banim në Detroit, i njohur për shpirtin antikomunist e demokratik, ka mbajtur premtimin duke dhuruar  shumën prej $1,200.00 për gazetën më të vjetër të shqiptarëve-Diellin e Vatrës.(Shumë qenë zotuar atë kohë, por jo të gjithë e mbajtën fjalën.)

        Z. Kujtim Qafa njihet si një ndër veprimtarët më të dalluar në Michigan. Ai përherë i ka qëndruar pranë Federatës  Vatra dhe ka kontribuar nëpër fushatat që janë organizuar. Kontributi që dha këtë herë për gazetën”Dielli” është shprehje e bujarisë së tij. E falenderojmë me mirënjohje të thellë.”…

             Tash Kujtimi për shkak të sëmundjes nuk mund të dalë lirshëm, por miqtë e vet vatranë nuk e kanë braktisur. Ai na pret tek dera me buzëqeshjen e vet karakteristike.

-Mirë se Ju ka pru Zoti!- dhe na përqafon me radhë.

 Tryeza është e shtruar, rakia dhe mezet  janë gati.

Kryetari Mishto e pyet për shëndetin. Kujtimi plot kurajo thotë se ndjehet mirë.

          Alfonsi e kalon situatën e parë me humor. Ia njohin mirë kodet njëri tjetrit. Djali i Kujtimit, Adriani, i qeshur, na përshëndet shqip dhe na mbush gotat. Zef Balaj sjell në kujtesë kohën e shkuar. Në bisedë përfshihen të tërë të pranishmit: edhe Mondi Rakaj, edhe Dr. Eduard Grishaj.

– Kryetar, ne punuam me shpirt për Vatrën, tot Kujtimi- ju të rinjët që e keni marrë tash duhet ta çoni më tej. Dhe unë kam besim se ju si diplomat e jurist,e keni përgatitjen për ta ngritë Vatrën, që t’i dëgjohet zëri edhe në Washington, edhe në Tiranë, edhe në Prishtinë e Shkup, edhe ne Luginën e Preshevës. Urimet e  mia për punën që po bëni. Më informojnë vatranët për aktivitetin tuaj në qendër, por edhe Dielli mi sjell lajmet.

 Një orë pas nesh arrijnë mysafirë të tjerë: Prof. Romeo Gurakuqi me djalin Jon, si dhe vatrani veteran Julian Çefa. Kujtimi pas përshëndetjes vijon bisedën: Sjell në kujtesë festimet e 500 vjetorit të vdekjes së Heroit Kombëtar Gjergj Kastrioti Skënderbeu në prill të vitit 1968, ku ai ishte pjesmarrës aktiv. Në veprimtaritë përkujtimore të  Romës- 1968-ës mori pjesë edhe Vatra e Bostonit, ku gjaku i arbërit u bashkua me shqiptarët e Amerikës, thotë Kujtimi.

– Çfarë rastësie, thotë Kujtimi duke qeshur- unë isha në festimet e 500 vjetorit në Romë, dhe sonte, pas 50 vitesh, do të vij patjetër në darkën përmbyllse të përkujtimeve të 550 vjetorit.

Në bisedë ndërhyn z. Julian Çefa:- Takimet e 500 vjetorit në Romë në 24-25-26 prill 1968 dhe Simpoziumi shkencor në Palermo në tetor 1968, hapën rrugën e bashkëpunimit mes Vatrës dhe arbëreshëve. Një vit më pas ishte radha e Vatrës që të ftonte arbëreshët. Dhe ata erdhën plot 120 veta.Qëndruan 10 ditë.  Cfarë gëzimi? Kam qenë vetë pjesmarrës në takimet e Nju Jork-ut, thotë Çefa.

Pas dy orësh bisedë u larguam nga shtëpia e Kujtimit për t’u takuar në darkën solemne, ku Kujtimi u nderua me mirënjohje për aktivitetin e gjithanshëm në Komunitet, veçanërisht atij sportiv.(Per me suhle fotografi shkoni ne Fb -d greca)