Delegacioni – Dielli

Delegacioni nga shteti Iowa i SHBA në Kosovë

June 26, 2017 by dgreca

Ministri i Punëve i Jashtme i Republikës së Kosovës, Enver Hoxhaj dhe ai i Arsimit, Shkencës dhe Teknologjisë, Arsim Bajrami do të presin në takim delegacionin nga Iowa – SHBA/

Foto: Dielli arkiv(Ilustruse?

PRISHTINË, 26 Qershor 2017-Gazeta DIELLI/ Një delegacion nga shteti Iowa i SHBA-ve mbërrin në Kosovë, ku në takime me autoritetet do të bisedohet për bashkëpunimin ndërmjet dy vendeve.

Ministri i Punëve i Jashtme i Republikës së Kosovës, Enver Hoxhaj, i shoqëruar edhe nga disa ministra të tjerë, do të presë në takim delegacioniun nesër në mëngjes në Prishtinë.

Ndërsa pasdite ministri i Arsimit, Shkencës dhe Teknologjisë, Arsim Bajrami do të presë në takim delegacionin nga Iowa – SHBA, i pëbërë nga rektorë, dekanë dhe profesorë të universiteteve të Iowa-s (University of Iowa, The University of Northern Iowa, Des Moines Area Community College (DMACC), si dhe Drake University). Me këto universitete, ministri Bajrami paraprakisht ka nënshkruar marrëveshje bashkëpunimi.

Qëllimi i vizitës së delegacionit është bashkëpunimi edhe me i thellë në fushën e arsimit, si dhe implementimi i këtyre marrëveshjeve./b.j/

Delegacioni nga Bundestagu gjerman viziton Kosovën

April 5, 2016 by dgreca

-Kuvendi kosovar do krijojë Grupin e miqësisë me Bundestasgun gjerman/

PRISHTINË, 5 Prill 2016-B.Jashari/ Një delegacion i deputetëve nga Bundestagu gjerman, në vizitën në Kosovë, u prit sot nga ministri i Integrimit Evropian, Bekim Çollaku, në një takim ku u diskutuar për axhendën evropiane të Kosovës dhe bashkëpunimin bilateral ndërmjet dy vendeve.Ministri Çollaku ka informuar deputetët gjermanë se Kosova ka përmbushur obligimet karshi procesit të liberalizimit të vizave dhe se është në pritje të një vendimi meritor në mënyrë që kosovarët të lëvizin pa viza. Për këtë ka thënë se është shumë e rëndësishme mbështetja e Gjermanisë si partner kryesor dhe strategjik i Kosovës brenda Bashkimit Evropian.

Njëkohësisht ministri Çollaku ka folur edhe për fillimin e zbatimit të Marrëveshjes së Stabilizim Asociimit. Ai ka theksuar se hyrja në fuqi e MSA-së ofron mundësinë për rritjen e shkëmbimeve tregtare dhe investimeve gjermane në Kosovë.

Po ashtu, ministri Çollaku ka nënvizuar nevojën e intensifikimit të përpjekjeve për punësim sezonal të profesionistëve kosovarë në Gjermani, për profile e sektorë të caktuar.

Delegacioni gjerman në përbërje prej deputetëve: Peter Weiß (CDU/CSU), Andreas G. Lämmel (CDU/CSU) si dhe Josip Juratovic (SPD), kanë përgëzuar ministrin për hyrjen në fuqi të MSA-së, duke premtuar vazhdimin e mbështetjes së shtetit gjerman në procesin e liberalizimit të vizave dhe ndërmarrjes së reformave në kontekst të axhendës evropiane.

Delegacioni i përbëre nga anëtarë të Grupit të miqësisë, të Parlamentit Gjerman, për marrëdhëniet me shtetet e Evropës Juglindore, në Kuvendin e Kosovës u takua sot edhe Komisionin për Integrime Evropiane, ndërsa dje zhvilloi takim me Komisionin për Punë të Jashtme. Me këtë rast u theksua se Kuvendi i Kosovës shumë shpejt do ta krijojë Grupin e miqësisë me Bundestasgun gjerman.

Kryetari i Komisionit për Punë të Jashtme, Enver Hoxhaj, ka shprehur gjithë respektin e thellë të institucioneve dhe të popullit të Kosovës për ndihmën e vazhdueshme të Gjermanisë dhe të popullit gjerman për vendin tone.

PRESIDENTJA JAHJAGA NE KRYE TE DELEGACIONIT TE KOSOVES NE OKB

September 12, 2015 by dgreca

Ne delegacion me 11 anetare, pervec Presidentes Jahjaga, do te marrin pjese edhe Kryeministri Mustafa, zv/ Kryeministri Thaci dhe ministri i Brendshem Skender Hysenaj etj./

Sic njofton gazeta “Telegrafi” e Kosoves, Presidentja Jahjaga do t’i prije nje delegacioni qe do te perbehet nga 11 veta, perfshi dhe ate vete. Telegrafi komenton se kjo do të jetë njëra prej vizitave zyrtare më të kushtueshme për shtetin dhe se të gjithë janë duke u çuditur me një numër kaq të madh të njerëzve që Jahjaga ka zgjedhur ta shoqërojnë nga ekipi i saj.

“Presidentja si duket ka vendosur që ta qeras stafin e saj me një shëtitje disaditore në Nju Jork, përndryshe është i pakuptimtë një numër kaq i madh i këshilltarëve dhe stafit të saj, si pjesë e delegacionit të përbashkët qeveritar”, thotë ky burim.

Përveç Jahjagës dhe 10 shoqëruesve të saj, për në Nju Jork pritet të udhëtojnë edhe kryeministri Isa Mustafa dhe zëvendëskryeministri Hashim Thaçi. Ndërkaq, gjatë sesionit, atyre pritet t’iu bashkohet edhe ministri i Brendshëm, Skënder Hyseni.

“Kjo përveç që është shumë e kushtueshme për buxhetin e Kosovës, është edhe jashtë çdo logjike institucionale të merren 10 persona si shoqërues jashtë vendit. Nuk po shkojnë në pushime vjeshtore ata, por në Sesionin Vjeshtor të Asamblesë së Përgjithshme të OKB-së”, thotë ai.

Ndryshe, gjatë sesionit vjeshtor të Asamblesë së Përgjithshme të OKB-së në Manhattan, ku zakonisht edhe vendosen delegacionet e shteteve, hotelet i ngrisin shumë çmimet dhe një dhomë kushton në mbi 1 mijë dollar vetëm për një natë.