Esad Gjonbalaj – Page 4 – Dielli

RRËNJET E FERRAJVE GJITHMONË TË NGULITURA THELLË NË HSTORINË SHQIPATRE

June 21, 2017 by dgreca

Nga takimi i Ferrajve në Prishtinë/

Prishtine- 20 Qershor 2017/ Historia e Ferrajve nuk mund të jetë ndryshe nga historia dhe fatet e vendlindjes tonë Plavë Gucisë.Kjo foto e pjesëtarëve të familjes Ferraj nga takimi i sotëm ne Prishtinë flet shumë me shume se sa një foto e zakontë.

1 esad

Ne foto prof Dr Naser Ferri, mr. Arben Ferri dhe, Ismet Shabaj-viq nga New York gjegjësisht Plava.Familja legjendare Ferraj dhe Shabaj të Plavë Gucisë janë pjesëtar të një trualli familjar, por rrethanat e kohës presionet, përndjekjet, torturat, vrasjet dhe likvidimet malaziase dhe agjenturave sllave që nga fillimi i viteve 1912 bënë të veten që pjesëtaret e kësaj familje të shpërndahen në shumë vende të botës. Por thënia e mirënjohur se “lumi gjithnjë do kthehet ne shtratin e vetë” është shume kuptimplote dhe me vlere te veçanet edhe nga ky takim i sotëm i Ferrajve ne Prishtine.

Ismet Shabaj jeton ne NY dhe është aktivist i dalluar për çështjen kombëtare shqiptare, edhe pse si thotë Ismeti gjuhën e kemi te vetmen barrierë sepse përndryshe lisit te Ferrajve nuk mund te ja këput e as prek askush rrënjët familjare e as rrënjët e historisë se lavdishme te baballarëve tanë.Prof Dr Naser Ferri arkeolog, stërnip i Jakup Ferrit, theksoj se sikurse se vepruan Ferrjat e truallit ne Plavë me pushkë dhe rezistencë, Ferrajt e sotëm Plavë Gucisë do ja kthejmë me pendë.

Mr Arben Ferri përndryshe nip i Shemso Ferrit deklaroj se vizioni i Ferrajve është ende prezent ne zemrat e çdo shqiptari të Plave Gucisë si në kohen Shemso Ferrit dhe te te gjithë Ferrajve.Takimi i tyre është shumë domethënës edhe nga këndvështrimi i gjere duke qenë ne dijeni dhe te vetëdijesohem se plaga e asimilimit për mase një shekull e gjysmë ka bërë të veten, por fal takimeve dhe orientimeve te qarta kombëtare te pasardhëseve te Ferrjave shqiptaria do të bëj të veten edhe në Plave konkuldojnë pjesëtarët e familjes se Jakup Ferrit nga takimi i sotëm i pinjollëve te denje të Ferrajve.

Esad Gjonbalaj

( Fotografuar ne Institutin Albanologjik, Prishtine 20.06.2017 nga e majta, mr. Arben Ferri, ne mes Ismet Shabaj dhe ne te djathtë prof Dr Naser Ferri )

SHBA- MËRGIMTARËT NGA HOTI NE PLAVË-GUCI KUNDËRSHTOJNE MINIHIDROCENTRALIN

June 12, 2017 by dgreca

DEKLARAT PËR OPINION E MERGIMTARËVE NGA HOTI NË PLAVË-GUCI-KUNDËRSHTOJMË NDËRTIMIN E MINIHIDROCENTRALIT/

Hoti në Plavë-Guci është një vendbanim etnikisht i pastër dhe në të banojnë vetëm shqiptaret autokton, përndryshe Hoti në të kalurën e afërt kishte mase 70 shtëpi, ndërkaq si çdo vendbanim tjetër shqiptar në Plave Guci sot vuan nga plaga e rënd e mërgimit si rrjedhojë e jo perspektives dhe politikave diskriminues nga shteti malazias në 100 vjeçarin e fundit. Hoti i Kujit se si e thërrasin vendoret njihet edhe si Hoti i legjendave, kjo shprehje tek plavë guciasit përdoret fal trimërisë që historikisht hotjanët banë për mbrojtje të Plavës dhe Gucisë si tërsi.

Në New York me 27 Maj 2017 u mbajt një takim i mërgatës me prejardhje nga Hoti ku muarrën pjesë të gjithë përfaqësuesit e vëllazërive të fshatit, dhe u debatua problematika e iniciativës se shtetit malazias për ndërtimin e një minihidrocentrali, që do të shfrytëzoj ujerat e Hotit.

Uji si burim jetës dhe ekzistencës .

Mënyra se si do funksionoj ky impiant është paksa e çuditshme dhe e pa pranueshme sepse ky impiant përmes tubacioneve do mbledh të gjitha ujerat tona, ujëra këto që janë përdorur për pije dhe ujitje të tokave të bukës, livadheve dhe kullosave të fshatit Hot.
Hotjanët të indinjuar thellësisht për këtë iniciativë të shtetit malazias dhe komunës së Plavës një zëri nga ky takim theksuan se janë kundër këtij projekti, projekt ky që do të shëmtoj pamjet e natyrës së fshatit tonë, por çka është ma me rëndësi se shteti malazias këtë projekt po tenton ta implementoj kundër vullnetit dhe duke shpërfillur vullnetin e hotjanve, realizimi i këtij projekti do të thelloj edhe ma shume plagën e rënd të largimit dhe boshatisjes së këtij vendbanimi nga shqiptaret autokton . Shteti i malit të Zi dhe komuna e Plavës nuk mund të sjellin dhe nuk do i lejojmë që të sjellin vendime kudër vullnetit tonë, sepse edhe sot si gjate historisë hotjanët nuk lejuan dhe nuk lejojnë nëpërkëmbjen nga askush. Nëse bota e civilizuar sot mbron natyrën dhe ujerat atëherë valle pse kjo e drejt elementare po shkelet dhe cenohet për shqiptaret autokton të Hotit, nga një shtet që pretendon të jete pjesë e botes së lirë dhe demokratike evropiane.
Ne do të kundërshtojmë këtë nismë në çdo instancë qoftë lokale apo më të larta shtetërore por edhe në qarqe ndërkombëtare për të mbrojtur tokat dhe pasurit tona për të parandaluar vënien në jetë te këtij projekti famëkeq.
Askush, as qeveri e as individ nuk mund te sjellin vendime për pasurit tona shekullore, pasuri këto qe me shekuj i kemi ruajtur dhe mbrojtur nga çdo pushtues dhe do i mbrojmë edhe sot.

New York 12 Qershor 2017

PROVOKIME SERBE NE FSHATIN MARTINAJ TE PLAVE GUCISE

May 13, 2017 by dgreca

Nga Esad GJONBALAJ/

Martinaj 12 Maj 2017- Fshati Martinaj i Plave Guci është vendbanim që historikisht ka qen i banuar tërësisht me shqiptar autokton. Në vitet e 30-ta të shekullit të kaluar mbretëria okupuese Jugosllave kishte sjell ca kolon serb në vendbanime shqiptare në Plave Guci me qellim për të ndryshuar strukturën etnike në vendbanimet shqiptare të kësaj ane. Për të joshur kolonët që të qëndrojnë dhe për të kryer misionin e vet të okupatorit serbëve ardhacak u dhuronte tokat e shqiptarëve të përzën me dhunë ose të përndjekur nga okupuesi i ri në këtë krijesë artificiale të njohur si Jugosllavia mbretërore.

Nga fotoja që ilustron këtë shkrim shihen ca krijesa njerëzore te cilët jan futur në një kafaz (themelet e një kishe kinse inegzistente serbe) në qendër të fshatit Martinaj, dje me datën 12 Maj 2017. Toka ku këta zotëri pretendojnë, është pronë shekullore familjes Prelvukaj e trashëguar ndërshekuj brez pas brezi nga vëllazëria Prelvukaj. Në fakt gjat okupimit të mbretërisë Jugosllave në tokat e vëllazërisë Prelvukaj, pushteti okupues në fshatin etnikisht të pastër Martinaj kishin tentuar për të ndërtuar një objekte të kishës ortodokse serbe, objekt ky i cili nuk arriti te përfundohej kurrë.

Në vitin 2013 ultranacionalistet serb kishin bër po të njëjtin provokim sikurse dje ne Martinaj ku me ndihmën e policisë kishin hyr në fshat me ç’rast banoret e fshati Martinaj patën reaguar ashpër ku policia malaziase pat arrestuar 23 banor të fshatit.

Provokimi i radhës është edhe një presion shtesë ndaj banorëve shqiptar të mbetur aty, se shteti malazias mund të bënë çka të dojë, dhe se shqiptaret janë dhe po ndihen si qytetar të dorës se dyte, dhe në presion të vazhdueshëm në forma të llojllojshme në mënyrë që të dekurajohen për te qëndruar në trojet e tyre stërgjyshore.

Shqiptarët në vendlindje dhe në diasporë duhet të koordinohen që këtyre veprimeve provokuese të u vije fundi dhe se interesi kombëtar është mbi interesin individual dhe partiak, dhe se kur të cenohen vendbanimet shqiptare jemi të cenuar dhe të rrezikuar që të gjithë pa dallim.

KOMUNA E GUCISË PERKRAH AKSIONIN HUMANITAR PËR FAMILJEN QOSAJ DHE VUKAJ

May 8, 2017 by dgreca

Nga Esad Gjonbalaj/

Në mbledhjen e mbajtur me datën 30 mars 2017 Kuvendi i ll -të me radhë i Komunës së Gucisë në këtë vit ,me një rënd dite prej 17 pikave të rendit të ditës ndër të tjera shqyrtoj edhe Kërkesën e iniciuar nga dy subjektet politike shqiptare pjesë e koalicionet qeverisëse së komunës së Gucisë .

-Propozim vendimi për lirimin nga pagesa për tokën ndërtimore për Haxhi Qosaj.

– Propozim vendimi për lirimin nga pagesa për token ndërtimore për Zef Vukaj .

Këto dy vendimet e fundit për lirimin nga pagesa për tokën ndërtimore për Haxhi Qosaj e Zef Vukaj , u propozua nga Sekretari I Kuvendit zt Enver Dedushaj , në emër të koalicionit UDSH dhe Aleancës Shqiptare.

Familja Qosaj dhe Vukaj janë përfituese nga një aksion humanitar i iniciuar nga shoqata e jonë Fondacioni Plave Guci me veprimtari në New York, SHBA. Duke par gjendjen e rënd ekonomike të këtyre dy familjeve dhe kushteve të rënda për jetë Fondacioni Plavë Guci me përkrahjen e diasporës tuboj shuma të konsiderueshme mjetesh për të ndërtuar dy shtëpi të reja familjeve të cekuar ma lartë.

Koordinatori i emëruar nga Fondacionit Plavë Guci për implementimin e këtyre dy projekteve bashkëvendësi ynë zt Shaban Prelvukaj nga organet përgjegjëse të KK të Gucisë kërkoj që të has në mirëkuptim për rastin e familjeve të cekura më lartë. Kërkesë kjo që hasi në mbështetjen dhe përkrahjen e plot te tërë organeve të KK të Gucisë.

Duke u solidarizuar me aksionin e Fondacionit Plave Guci dhe të iniciuesve të Kërkesës të subjekteve shqiptare UDSH dhe Aleancës Shqiptare të gjithë asamblistët jo vetëm që aprovuan liriminë nga obligimet tatimore të familjeve të cekura ma lartë por edhe dhuruan mëditjet e tyre nga 50 euro për të përkrah familjet Qosaj dhe Vukaj . Nga kontributet e asamblistëve u tubuan 1500.00 euro që do u dhurohen këtyre dy familjeve me kushte të rënda të jetës.

Në këtë mënyrë të gjithë këshilltarët ju bashkëngjiten aksionit solidar të Shoqatës, Fondacioni Plave e Guci nga New Yorku.

Ky veprim i KK te Gucisë është për tu përshëndetur dhe vlerësuar por njëkohësisht edhe një inkurajim për diasporën qe në raste të kësaj natyre organet kompetente do të vlerësojnë dhe çmojnë angazhimet e mërgimtarëve për vendlindjen.

RRUGA DEÇAN VETËM NË KRONIKA TELEVIZVE

February 9, 2017 by dgreca

….RELITETI ASKUND NË HORIZONT !/

Nga Esad Gjonbalaj/

Fillimin i punimeve në këtë rruge me rendësi jetike për Plavë Gucinë patën filluar me 25 shtator2014 dhe inaugurimi i fillimit të punimeve qe bërë me një pompozitet të madhe se kinse kjo rruge do të përfundoj për 3 vite e në fakt nga e tërë hapësira rrugore ku është punuar gjer me sot në këtë segment janë hapur vetëm 4km dhe në tërsi vetëm 2km janë të asfaltuara kur dihet se kjo rruge është e gjat rreth 35km.

Nëse për tri vite na qenkan hapur vetëm 4km atëherë valle si është e mundur që gjer ne përfundim te këtij viti (2017 periudha e paraparë) të përfundojnë 30 km e ardhshëm.Premtimi i vjetruar i tri viteve mbeti vetëm në letër sepse thuajse çdo gjë është heshtur tani e me siguri do të riaktualizohet në prag të ndonjë fushate zgjedhore apo të ndonjë interesi personal të ndonjë individi apo të ashtuquajturi politikan të rangut lokal apo qendror. Fillimit te punimeve aso kohe ju patëm gëzuar që të gjithë sepse kjo rrugë ka një rendësi jetike për mbijetesën rajonit te Plave Gucisë por edhe të lidhjeve dhe ndërlidhjeve të territoreve shqiptare në këtë pjesë të Shqipërisë natyrale.

Ky segment rrugor me gjithë paqartësitë dhe të panjohurat për publikun se a është e arritur një marrëveshje e realizuar ndërshtetërore me Malin e Zi apo kjo nisme paska vetëm qëllim të marrjes së primatit se unë e bëra e unë e nisa. Kjo nismë kërkon transparencë si nga komuna e Deçanit e po ashtu edhe nga organet qendrore gjegjësisht Qeveria e Kosovës sepse nuk mund te lihen dhe nëpërkëmben interesat jetike të një pjese të atdheut nën mëshirën e individëve të çfarëdo rangimi na qofshin ata.

Esad Gjonbalaj

9 Shkurt 2017