Kosovë-Opozita tre herë sot hedh gaz lotsjellës
Foto Gazeta Dielli – Behlul Jashari: Kuvendi i Kosovës, 14 dhjetor 2015, gazi lotsjellës i opoozitës në sallën e seancave plenare /
-Seanca e Kuvendit ndërpritet edhe në sallë alternative. Janë thyer disa dritare të ndërtesës së Parlamentit/
-“Mbledhja ilegale e koalicionit të ‘Zajednicës’ po vazhdon nëpër skutat e Kuvendit. Jashtë Kuvendit qytetarë e aktivistë mbështesin aksionin opozitar, me protestë”, është shprehur VV./
Nga Kuvendi i Kosovës: Behlul Jashari/ PRISHTINË, 14 Dhjetor 2015/ Për të tretë herë është hedhur gaz lotsjellës nga opozita sot në Kuvendin e Kosovës. Rreth orë 15:35 gazi lotsjellës ndërpreu seancën në sallën alternative të Kuvendit të Kosovës.Seanca plenare në sallë alternative nisi pak para orës 14:00, ndërsa ishte ftuar të mblidhet sot në orën 10:00. Por, paradite, as nuk filloi seanca, opozita hodhi gaz lotsjellës në sallën plenare, sapo mbërritën të gjithë, edhe deputetët, edhe qeveria, edhe përfaqësuesit ndërkombëtarë, pas kontrollit detaj, madje edhe të dyfishtë, në të gjitha hyrjet e ndërtesës së Kuvendit dhe brenda tij në holl, të cilit iu nënshtruan poashtu gazetarët.
Në këto rrethana, kryeparlamentari Kadri Veseli ftoi për një “pushim” dhe më pas për mbledhjen e Kryesisë së Kuvendit, ku nënkryetarja e Kuvendit e VV-së, Aida Dërguti, hodhi gaz lotsjellës dhe e ndërpreu.
Ndërkohë u mor vendimi për mbajtjen e seancës, si në disa raste të kaluara në sallën alternative, ndërsa deputetë të opozitës kanë vazhduar të qëndrojnë në sallën plenare.
Shqyrtimi i dytë i Projektligjit për Buxhetin e Republikës së Kosovës për vitin 2016, i cili u miratua, ishte një nga 28 pikat e axhendës së seancës së Kuvendit sot.
Jashtë Kuvendit, që para kohës së paraparë për fillimin e seancës dhe në vazhdim kishte grumbullime të aktivitëve e përkrahësve të opozitës, dhe më pas edhe veprime të dhunëshme, nga të cilat janë thyer disa dritare të ndërtesës së Parlamentit.
“Mbledhja ilegale e koalicionit të ‘Zajednicës’ po vazhdon nëpër skutat e Kuvendit. Jashtë Kuvendit qytetarë e aktivistë mbështesin aksionin opozitar, me protestë”, është shprehur VV.
Kosovë-Kuvendi seancë në sallë alternative, miratoi Buxhetin e Shtetit
Foto Gazeta Dielli-Behlul Jashari: Kjo ishte pamja e kontrollit ne hyrje te kuvendit te Kosoves para fillimit te seances/
-Gazi lotsjellës i opozitës pamundësoi nisjen e seancës në sallën plenare/
-Rreth orës 15:35 gazi lotsjellës i hedhur nga opozita ndërpreu seancën edhe në sallën alternative të Kuvendit të Kosovës./
-Sot, Buxheti i Shtetit 1 miliard e 680 milionë euro në axhendën me 28 pika, në 17 dhjetor presidentja e Republikës, Atifete Jahjaga, do të mbajë fjalimin vjetor/
Nga Kuvendi i Kosovës: Behlul Jashari/ PRISHTINË, 14 Dhjetor 2015/ Kuvendi i Republikës së Kosovës miratoi pak më parë Buxhetin e Shtetit 2016 në vlerë prej 1 miliard e 680 milionë euro, me 78 vota pro, asnjë kundër e asnjë abstenim, ndërsa qeveria e ka miratuar në 30 tetor. “Shqyrtimi i dytë i Projektligjit për Buxhetin e Republikës së Kosovës për vitin 2016”, ishte një nga 28 pikat e axhendës, e cila nën një kishte “kohën për deklarime jashtë rendit të ditës”.Seanca plenare në sallë alternative nisi pak para orës 14:00, ndërsa ishte ftuar të mblidhet sot në orën 10:00. Por, paradite, as nuk filloi seanca, opozita sërish hodhi gaz lotsjellës në sallën plenare, sapo mbërritën të gjithë, edhe deputetët, edhe qeveria, edhe përfaqësuesit ndërkombëtarë, pas kontrollit detaj, madje edhe të dyfishtë, në të gjitha hyrjet e ndërtesës së Kuvendit dhe brenda tij në holl, të cilit iu nënshtruan poashtu gazetarët, përfshirë korrespondentin në Kosovë të gazetës Dielli.
Në këto rrethana, kryeparlamentari Kadri Veseli ftoi për një “pushim” dhe më pas për mbledhjen e Kryesisë së Kuvendit, ku nënkryetarja e Kuvendit e VV-së, Aida Dërguti, hodhi gaz lotsjellës dhe e ndërpreu. Ndërkohë u mor vendimi për mbajtjen e seancës, si në disa raste të kaluara në sallën alternative, ndërsa deputetë të opozitës kanë vazhduar të qëndrojnë në sallën plenare.
Jashtë Kuvendit, që para kohës së paraparë për fillimin e seancës dhe në vazhdim kishte grumbullime të aktivitëve e përkrahësve të opozitës.
Dy deputetë të opozitës, Fisnik Imaili e Faton Topalli të VV-së, edhe pse janë nën masë arresti shtëpiak, të arrestuar pas zhvillimeve të kaluara me gaz lotesjellës në Kubend, erdhën në seancën e sotme duke kaluar kontrollet e sigurimit, ku është edhe Policia e Kosovës.
“Shqyrtimi i dytë i Projektligjit për Buxhetin e Republikës së Kosovës për vitin 2016”, është një nga 28 pikat e axhendës, e cila nën një ka “kohën për deklarime jashtë rendit të ditës”.
Qeveria e Kosovës vlerëson se “Projektligji për Buxhetin 2016, reflekton përkushtimin për adresimin e objektivave zhvillimore dhe përmirësimin e vazhdueshëm të mirëqenies për qytetarët duke qenë plotësisht në harmoni edhe me Fondin Monetar Ndërkombëtar”.
Në 17 nëntor, Kuvendi në seancën e zhvilluar në një “sallë alternative” pa opozitën, e cila e pamundësoi me hedhje gazi lotsjellës në sallën plenare, miratoi në parim projektligjin për Buxhetin e Republikës së Kosovës për vitin 2016 me 71 vota pro, 7 abstenime e 1 kundër.
Komisioni Parlamentar për Buxhet dhe Financa, javën e kaluar, në 8 dhjetor, miratoi Raportin me amendamente të Projektligjit për Buxhetin e Republikës së Kosovës për vitin 2016 dhe e procedoi tutje në seancë të Kuvendit.
Kuvendi i Kosovës prej gati tre muajsh, nga fillimi i sesionit vjeshtor me seancën e 17 shtatorit, bllokohet nga opozita, në kundërshtim të 4 marrëveshjeve të 25 gushtit me Serbinë dhe marrëveshjes së demarkacionit me Malin e Zi, edhe me gjuajtje gazi lotsjellës në seanca e jashtë tyre, pas të cilave zhvillime ka pasur 7 deputetë opozitarë të arrestuar e 1 pas orësh qëndrimi i ftuar në Polici dhe Prokurori, është liruar me procedurë të rregulltë.
Seanca e sotme është ftuar nga Kryesia e Kuvendit përkundër kundërshtimit të opozitës së bashkuar, e cila ka paralajmëruar se do vazhdojë me pamundësimin e zhvillimit të seancave plenare.
Kuvendi i Kosovës këtë javë do do mblidhet edhe në një seancë tjetër në 17 dhjetor, ku presidentja e Republikës, Atifete Jahjaga, do të mbajë fjalimin vjetor para deputetëve. Sipas deklaratave, opozita nuk do ta pengojë këtë seancë, megjithatë mund të japë mesazhet e saj me ndonjë “aksion politik” të parë edhe më herët në seanca të veçanta-solemne, ku deputetë opozitarë aty ku ishin ulur kanë shpalosur parulla me slogane.
Javën e kaluar u bë një vit nga konstituimi i Kuvendit të Kosovës, në 8 dhjetor 2014, i cili një ditë më pas zgjodhi qeverinë e re, gjashtë muaj pas zgjedhjeve të parakohëshme parlamentare të 8 qershorit.
Pas zgjedhjes, qeveria e Kosovës,
Kosovë, në mesnatë nuk përfundon dita e gjatë e ngjarjeve në Kuvend
Gazi lotsjellës u hodh përsëri në mesnatë nga opozita në seancën e Kuvendit të Kosovës dhe e ndërpreu./
OPOZITA: 100 Police hyne ne Kuvend/
DIELLI:I lutemi Zotit ta ftilloje Politiken e inatosur Shqiptare! Ka mjete me demokratike se sa Gazi Lotsjelles!/
Nga Behlul Jashari/ PRISHTINË, 23 Tetor 2015/ Duket se as në mesnatë nuk do të përfundojë dita e sotme e gjatë e ngjarjeve në Kosovë, gjatë së cilës pati marsh paqësor në rrugët e Prishtinës, organizuar nga shoqëria civile, me mesazhe drejt Kuvendit, ku u pamundësua nga gazi lotsjellës i opozitës seanca e ftuar për pasdite dhe e paralajmëruar për orë të mbrëmjes ende nuk ka nisur, ndërkohë që në sheshin pranë vazhdon protesta e aktivistëve opozitarë e qyetatarëve të mbledhur, nga të cilët ka edhe gjuajtje bomolash tymi me ngjyra drejt Policisë që ka shtuar masat e sigurisë.
Kuevendi i Kosovës nuk u mblodh në orën 20:00 e as në 22:00 e 23 si kishte paralajmërime pas pamundësimit me hedhje gazi lotsjellës e bllokim nga opozita të fillimit të seancës plenare që ishte ftuar për në orën 16:00.
Është hera e tretë e pamundësimit të seancave plenare të Kuvendit me hedhje gazi lotsjellës.
Kuvendi Kosovar, ka më shumë se një muaj nga fillimi i sesionhit vjeshtor, nuk ka arritur të përfundojë asnjë nga seancat plenare të ndërprera nga opozita edhe me hedhje gazi lotsjellës e të vezëve, me “rrethime” të foltores e kryesuesit, mes fërshëllimash e fjalorit të ashpër.
Kryetari i partisë opozitare AAK, Ramush Haradinaj, në një deklaratë tha se para se të fillonte seanca i kishte kërkuar koalicionit qeverisës “të gjejnë një mënyrë për anulimin e marrëveshjeve” të 25 gushtit me Serbinë dhe të demarkacionit me Malin e Zi. “Pa anulim të marrëveshjeve, nuk ka kushte të mbahet seanca e Kuvendit”, u shpreh ai.
Pas hedhjes sot të gazit lotsjellës, sot fillimisht për herë të parë edhe jashtë sallës së seancave, pranë zyrës së kryeparlamentarit, LVV deklaroi se, “protesta jonë brenda Kuvendit vazhdon, deri në tërheqjen e marrëveshjeve me Serbinë dhe demarkacionit me Malin e Zi”.
Në mbledhjen e Kryesisë së Kuvendit, që po zhvillohet para mesnatës, ka shkuar përfaqësuesja e opozitës që e bojkoton, Aida Dërguti e LVV, nënkryetare e Kuvendit, e cila ka bërë kërkesën që mos mbahet senca. Sipas saj, shpërndarja e masës para Kuvendit të Kosovësa do të ndodhte pasi të përmbushej kjo kërkesë.
Por, sipas raportimeve mediale të minutës së fundit nga Kuvendi seanca plenare, me vendimin e Kryesisë që pritet, do nisë në mesnatë, në orën 24:00.
***
Shenim i Diellit: Korrespondenti i Gazetes Diellit ne Prishtine, gazetari Behlul Jashari njoftoi pak caste em pare se:Gazi lotsjellës u hodh përsëri në mesnatë nga opozita në seancën e Kuvendit të Kosovës dhe e ndërpreu.Sipas opozitës, afër 100 policë u futën në Kuvendin e Kosovës. “Opozita sërish hodhi gaz lotsjellës. Insistimi i Mustafës, Thaçit dhe Veselit, për t’i qëndruar besnikë Serbisë, po përballet me insistim edhe më të madh të opozitës për të mbrojtur Republikën. Policia ka intervenuar edhe në shesh. Protetuesit po vazhdojnë protestën”, shprehet opozita në mesnatë.
Në sallën e Kuvendit të Kosovës kishte edhe hedhje me shishe nga opozita në drejtim të kryeparlamentarit Veseli dhe kabinetit qeveritar, që u larguan.
PS: I lutemi Zotit ta ftilloje Politiken e inatosur Shqiptare! ka mjete em demokratike se sa Gazi Lotsjelles!