Interviste – Dielli

VATRA INKURAJON HETIME GJITHËPËRFSHIRËSE PËR TË VËRTETËN ELEKTORALE NË SHQIPËRI

April 30, 2021 by dgreca

INTERVISTË E GAZETËS”DIELLI” ME KRYETARIN E FEDERATËS PANSHQIPTARE TË AMERIKËS”VATRA” PAS KTHIMIT NGA SHQIPËRIA-/

ELMI BERISHA: VATRA DO TË INFORMOJË ME KORREKTËSI INSTITUCIONET AMERIKANE PËR ZGJEDHJET E 25 PRILLIT-/
- Elmi Berisha, kryetari i Federatës Panshqiptare të Amerikës VATRA, në një rrëfim të gjatë për gazetën “Dielli” dhënë gazetarit Sokol Paja, pas kthimit nga vizita në Shqipëri, skanon ecurinë dhe takimet intensive që delegacioni i Vatrës zhvilloi në Shqipëri me rastin e zgjedhjeve Parlamentare të 25 prillit. Sipas kryetarit z.Elmi Berisha, Vatra inkurajon hetime gjithëpërfshirëse për të vërtetën elektorale mbi zgjedhjet në Shqipëri, pasi e vërteta u bën mirë institucioneve dhe qytetarëve të republikës së Shqipërisë. Z.Berisha tregon me detaje për vizitën e delegacionit të Vatrës në familjet e prekura nga termeti dhe ndihma që do japë Vatra për këto familje, tregon detaje të kontributit për zgjedhje të lira dhe demokratike në Shqipëri, takimet me Presidentin e Republikës Meta, ish-kryeministrin Berisha, liderin e opozitës Basha, vizitën në Autoritetin e Dosjeve, takimin me akademik Beqir Metën, pjesmarrjen në takimin elektoral dhe mbeshtetjen e dhënë kandidates, që kishte mbështetjen e të përndjekurëve politikë Ledina Fratari, si dhe takimi me simbolin e qëndresës antikomuniste në Shqipëri Simon Mirakajn.

z.Kryetar si ndjeheni pas kthimit nga vizitat e rëndësishme në Shqipëri dhe Kosovë?

Ndjehem jashtëzakonisht i lumtur për vizitat që patëm në Shqipëri me një pjesë të Kryesisë së Vatrës. Kjo ishte një vazhdimësi e shkëlqyer e traditës vatrane, ndjekur prej vitesh me radhë.

Vatra nuk mund të mungojë dhe nuk mund të qëndroj larg në momente të rëndësishme, siç janë zgjedhjet, apo procese të ndryshme kombëtare si në Shqipëri, Kosovë apo vise të tjera kombëtare. Vatra ka dhënë dhe jep kontributin e saj për të mirën e shqiptarëve në shtetet amë. Ajombështet proceset demokratike dhe monitorimi i zgjedhjeve dhe mbarëvajtja e tyre kanë një rëndësi për Vatrën dhe çdo shqiptar kudo që jeton e punon. Ndjehem shumë i gëzuar që së bashku me përfaqësuesit më të denjë të Vatrës kryesuam një delegacion për të monitoruar dhe mbështetur proceset demokratike në Shqipëri.

A e përmbushi Vatra misionin e saj gjatë kësaj vizite të rëndësishme në Shqipëri me rastin e zgjedhjeve parlamentare?

Vatra bëri një vizitë historike dhe një përfaqësim dinjitoz në Shqipëri në një kohë shumë të rëndësishme për qytetarët shqiptarë siç ishin zgjedhjet parlamentare.Vatra e përmbushi më së miri misionin,qëllimin dhe angazhimin e saj në dobi të qyytetarëve shqiptarë, proceseve demokratike dhe betejës për zgjedhje të lira dhe të ndershme në Shqipëri. Vatra ka kërkuar institucione të forta dhe të qëndryeshme, zgjedhjet të lira dhe me standarte, sundim të ligjit, respektim të drejtave të njeriut, luftë krimit e korrupsionit, zhvillimin e ekonomisë, krijimin e një shpresë të re në shqipëri që të mos shpopullohet Shqipëria, zhdukjen e nepotizmit dhe kryerjen e reformave të qënësishme që zhvillojnë Shqipërinë dhe e afrojnë atë me Perëndimin.

Si u prit Vatra në Shqipëri ?

Në këtë vizitë shumë të rëndësishme që ne si Vatër zhvilluam në Shqipëri, u pritëm në mënyrë të shkëlqyer, siç është pritur gjithmon Vatra në këta 30 vite.Vizitën e filluam nga Shkodra ku nderuam vëllain e nën/kryetarit të Vatrës, studjuesin Eduard Grishaj i cili u nda tragjikisht nga jeta pak javë më parë dhe më pas kemi vazhduar në Tiranë duke u takuar me Presiodentitn e Republikës z.Ilir Meta, ish kryeministrin Prof.Dr Sali Berisha, liderin e opozitës Lulzim Basha, kryetaren e Autoritetit të Dosjeve znj.Gentiana Mara Sula, qëndrestarin e persekutimit komunist në shqipëri z.Simon Mirakaj, Akademik Beqir Metën që po përgatit një studim të shkëlqyer mbi historinë e Vatrës, kemi vizituar familjet e prekura nga termeti dhe në fund kemi mbështetur publikisht kandidaten për deputete të shtresës së të përndjekurve politikë znj. Lediana Fratari. Zhvilluam bisedime dhe takime intensive ku Vatra këmbënguli fort në misionin e vizitës së saj. Dua të theksoj ftesën nga Doktor Berisha i cili u ndje shumë i respektuar dhe na falenderoi pafund për ndihmën që po jep Vatra jo vetëm në histori por edhe në këtë moment shumë të rëndësishëm për shtetin dhe popullin shqiptar. Doktor Berisha parashtroi vështirësitë për zgjedhje të lira dhe të pamanipuluara dhe ne i premtuam se do të jemi kurdoherë aktivë në proceset vendimmarrëse të shtetit e kombit shqiptar.

Ju kanë etiketuar në shtyp për njëanësi politike dhe lidhje me të djathtën, çfarë komenti keni për këtë?

Vatra ka qenë gjithmonë më afër të djathtës për shumë arsye historike, shpirtërore dhe ideologjike. Me të majtën nuk kemi pasur asnjëherë qasje të afërt. Vatra shkoi natyrshëm në misionin dhe qëllimin e saj. Vatra përkrah çdo shqiptar pa dallim. Ne nuk kishim asnjë ftesë nga e majta në Shqipëri. Të majtët edhe kur vijnë në New York, nuk kujtohen për Vatrën. Qasja jonë është e qëndrës së djathtë. Vizita jonë dhe kontributi ynë në Shqipëri ishte i natyrshëm dhe shumë i përshpirtshëm. Uroj në të ardhmen që institucionet dhe të majtët në Shqipëri të kujtohen dhe të ndërgjegjësohen se Vatra punon për çdo shqiptar dhe jo vetëm për individë të caktuar apo parti politike. Vatra do të bashkëpunojë dhe punojë me të gjtihë ata që do ta kërkojnë ndihmën dhe bashkëpunimin tonë. Fakti që opozita ka kërkuar të takohet me ne do të thotë se ata ndjehen më të afërt me ne. Të majtët më kanëbërë presion dhe më kanë kërkuar gjatë vizitës, që të mos ndërhyj në punët e brëndshme të Shqipërisë, por ua kam bërë të qartë se Vatra është mbi partitë dhe ka synim të kontribuojë për mirëqënien e çdo qytetari në Shqipëri, Kosovë e në viset shqiptare. Vatra ka misionin, qëllimin, filozofinë dhe qëndrimet e saj dhe nuk i ndryshon për askënd pavarësisht se kujt i pëlqejnë apo jo. Ne do ta japim ndihmën dhe bashkëpunimin tonë në çdo rast kur kërkohet për të mirën e mbarë qytetarëve shqiptarë dhe jo individëve të caktuar.

Cili është qëndrimi juaj për zgjedhjet në Shqipëri?

Zgjedhjet Parlamentare në Shqipëri u zhvilluan në një klimë tensioni dhe parrregullsish të theksuara. Partia në pushtet vodhi të dhënat personale të qytetarëve shqiptarë dhe i përdori për të fituar pushtet. Kjo është diçka e rëndë dhe e papranueshme ne një shtet demokratik. Kjo është një gjë shumë serioze dhe nuk i bën legjitime këto zgjedhje pasi qeveria duke përdorur fuqinë e pushtetit institucional ushtroi presion mbi zgjedhësit nëpërmjet eksponentëve të caktuar të veshur me pushtet ekonomik dhe politik dhe bleu votat. Ky fakt e ka shqetësuar tejmase Vatrën. Shqiptarët kanë nevojë për të vërtetën mbi zgjedhjet. Uroj dhe shpresoj që sa më parë e vërteta sesi u votua dhe kush fitoi realisht në Shqipëri të zbulohet sa më shpejt. Vatra inkurajon hetime të fuqishme dhe gjithëpërfshirëse për të vërtetën elektorale në Shqipëri. E vërteta u bën mirë institucioneve dhe qytetarëve të republikës. Është një domosdoshmëri e panegociueshme që në një shtet demokratik të sigurohen të dhënat personale të qytetarëve dhe të mbrohen me ligj. Patronazhimi, vjedhja e database të qytetarëve shqiptarë është shkelje e të drejtave dhe lirive themelore të njeriut. Qytetarë të survejuar dhe të intimiduar kudo e ngado. Pushteti përdori çdo mjet për të fituar zgjedhjet me çdo kusht edhe në kundërshtim me ligjin. Gjithësesi ne do të informojmë institucionet amerikane rreth situatës parazgjedhore dhe ditën e zgjedhjeve.

Si e gjykoni përfshirjen e institucioneve shtetërore në zgjedhje, pra si pushteti përdori shtetin për të fituar zgjedhjet?

Institucionet shtetërore dhe njerëzt të lidhur me pushtetin kanë shantazhuar e bërë presion për votën.Dora e pushtetit dhe shtetit ndjehej ngado e kudo. Ne kemi pasur informacione të sigurta si nga opozita dhe ambasadat ndërkombëtare për atë që po përgatitej të ndodhte në Shqipëri. Shteti u vu në shërbim të partisë në pushtet për të fituar zgjedhjet. Shteti me të gjitha fuqitë dhe kapacitetet u vu në shërbim të partisë në pushtet. Këto zgjedhje u zhvilluan në një klime të tensionuar dhe jo demokratike. Është mëse e qartë që pushteti përdori shtetin për të fituar partia shtet. Është abuzuar me votën e qytetarëve. Ne jemi në një vijë me denoncimet e OSBE-ODHIR, se përveç shit-blerjes së votës, njësimi i shtetit me partinë në pushtet,mbetet një rrezik permanent për ta mbytur demokracinë dhe zgjedhjet e lira. Vatra do të vazhdojë misionin e qëllim e vet. Vatra do ta duartrokasë atë parti që bën gjëra të mira për qytetarët shqiptarë dhe do ta kritikojë me gjithë fuqinë e saj atë parti që nuk u shërbën qytetarëve. Vatra do ta ngrejë gjithmonë zërin për të mirën e përgjithshme të shtetasve shqiptarë kudo ata gjenden.

Pse Vatra mbështeti hapur vetëm kandidaten e ish të përndjekurve politikë Lediana Fratari?

Për Lediana Fratarin ishte mbështetje me ndërgjegje, me zemër dhe me shpirt.E kishim mision të parardhësve vatranë që diktatura i vrau, i pushkatoi, i burgosi, dhe i syrgjynosi kampeve të internimit.Të përndjekurit e regjimit komunist në Shqipëri janë heronjt të vërtetë. Askush nuk mund ta imagjinojë persekutimin e padrejtë që ata kanë përjetuar mbi kurriz. Ne u pritëm në mënyrë të shkëlqyer nga të gjithë të përndjekurit në Shqipëri dhe Vatra vendosi ta pëkrahë hapur këtë kandidate dinjitoze. Ne kemi qenë gjithmonë pro të përndjekurve politkë në Shqipëri. Ne i kemi përkrahë dhe do ti përkrahim në të gjitha proceset dhe kauzat që ata ndjekin e kërkojnë. Kjo mbështetje është e drejtë morale jona, mbi të gjitha për atë që Lediana përfaqësonte në këtë kandidim për zgjedhjet parlamentare në Shqipëri. Ne ende besojmë se vajza si Lediana do ta sjellin ndryshimin në Shqipëri.

Çfarë mbresat ju ka lënë vizita në familjet e prekura nga tërmeti në Shqipëri?

Vizita e delegacionit të Vatrës në familjet e prekura nga termeti ishte shumë domethënëse për tu gjendur pranë vëllëzërve e motrave tona në ditë kaq të vështira. Një ndër qëllimet kryesore të vizitës në Shqipëri ka qenë kontakti dhe komunikimi me këto familje në mënyrë që Vatra tu ndërtojë shtëpi këtyre familjeve me fondet që Vatra ka grumbulluar dhe pse jo të fillojë një fushatë tjetër për mbledhje fondesh shtesë. Jemi ndjerë tepër të trishtuar për gjendjen në të cilën shteti kishte lënë në mëshirë të fatit qytetarët e tij. Njerëz të braktisur, që kishin mbi 1 vit e gjysmë që jetonin në çadra, fëmijë pa shkollë, dhe jetësë në kushte skandaloze. Qeveria kishte harruar qytetarët e saj. Familjet kishin nevojë emergjente për ndihmë.Gjendja reale ishte e tmerrshme. Dimër e verë një jetësë e rëndë në çadër. Takuam njerëz fisnik dhe të dashur. Jemi mallëngjyer nga këto takime. Nuk e përshkruaj dot emocionin që kemi përjetuar si delegacion. Familja Jaku kishte nevojë imediate për ndihmë dhe sidomos fëmijët për shkollim. Ne do i gjendemi pranë kësaj familje. Ne do të bëjmë gjithçka tu gjendemi pranë. Shqipëria ka nevojë për solidaritet.

Si po shkon kërkimi shkencor për botimin e librit studimor për historinë e Vatrës?

Një ndër objektivat e vizitës së delegacionit të Vatrës në Shqipëri ishte edhe takimi me Akademik Beqir Metën i cili po punon fuqishëm për librin shkencor të historisë së Vatrës. Patëm një takim shumë frytëdhënës dhe u njohëm nga afër me punën voluminoze shkencore të Akademikut Beqir Meta i cili dëri më tani ka bërë një punë kolosale. Historia e Vatrës po del në dritë dhe i shprehim mirënjohjen dhe falenderim profesor Beqir Metës për punën fisnike që është duke përgatitur. Shpresojmë dhe kemi besim se libri do të jetë gati në vitin e 110 vjetori të Vatrës, pra vitin e ardhshëm. Po përgatitet një punim shkencor dinjitoz, jemi me fat për këtë bashkëpunim dhe libri studimor që do jetë shumë shpejt në dorën e vatranëve dhe studjuesve shqiptarë e të huaj.

Çfarë mbresash ju la vizita në Autoritetin e Dosjeve?

Në autoritetin e dosjeve patëm një vizitë shumë mikpritëse dhe miqësore. Dua ta falenderoj Kryetaren e Autoritetit Gentiana Mara Sula e cila u shpreh e gatshme për bashkëpunim dhe na ofroi çdo qasje në dokumentacion për hulumtime dhe kërkime sipas ligjit dhe procedurave të marrjes së informacionit dhe njohjes me dokumentet. Ishte një takim shumë emocional ku u njohëm me disa dosje persekutimi të njerëzve të pafajshëm. E pa imagjinueshme vuajtja e padrejtë me të cilën janë përballur qytetarët shqiptarë gjatë diktaturës komuniste. Persekutime rrënqethëse. Falë bashkëpunimit të ngushtë me Autoritetin e Dosjeve, Vatra në vazhdim do të ketë akses që të bëjë vetting për strukturat e saj, veçanërisht për të gjithë ata që e sulmojnë apo hedhin baltë mbi Vatrën. E vërteta i bën mirë secilit prej nesh.

Një mesazh për vatranët dhe të gjithë shqiptarët

Vatra do ta ruajë misionin e saj të shenjtë duke qenë gjithmonë një institucion shpirtëror, patriotik dhe atdhetar me qëllim për të punuar ditë e natë për kombin shqiptar. Vatra do të kontribuojë në vazhdim në proceset demokratike dhe do kërkojë rritjen e mirëqënies për shqiptarët në Kosovë, Shqipëri e trevat shqiptare. Vatra do të punojë fort që të mbrojë interesat kombëtare të shqiptarëve dhe të kontribuojë për shtete të forta, reforma të thella dhe institucione funksionale që garantojnë zhvillim ekonomik, barazi para ligjit dhe garantim të lirive e të drjetave themelore të njeriut.

DREJTËSIA NDËRKOMBËTARE DO TË RIKONFIRMOJË PASTËRTINË E LUFTËS PËR LIRI E PAVARËSI

January 19, 2021 by dgreca

Anton Quni Ministri i Mbrojtjes i Republikës së Kosovës, në një rrëfim ekskluziv dhënë gazetarit Sokol PAJA, për gazetën “DIELLI”, Organ i Federatës Panshqiptare të Amerikës VATRA, New York, deklaron se përballë sakrificës për arritjen e lirisë dhe pavarësisë edhe kësaj radhe është koha që Kosova të përballet me të kaluarën dhe të provojë me fakte dhe prova para drejtësisë ndërkombëtare pastërtinë e luftës për liri dhe pavarësi. Sipas Ministrit të Mbrojtjes z.Anton Quni fatet individuale asnjëherë nuk kanë diktuar fatin historik të Kosovës. Aspiratat për të parë Kosovën anëtare të Bashkimit Evropian dhe anëtare të NATO-s shkojnë përtej fateve individuale. Jemi të gatshëm të vihemi në shërbim të atdheut duke reflektuar se përfaqësojmë vlerat më të larta demokratike që përfaqëson edhe vetë Evropa.

ZOTI MINISTËR, SI PARAQITET SITUATA NË KOSOVË NË ASPEKTIN E SIGURISË KOMBËTARE DHE BETEJA E SHTETIT NDAJ PANDEMISË GLOBALE?

Pandemia Globale COVID-19, ka sfiduar edhe sistemet më të avancuara shëndetësore të vendeve më të zhvilluara ekonomikisht në nivel botëror, prandaj edhe Kosova është përballur me vështirësi për shkak të sistemit të paqëndrueshëm shëndetësor por edhe për shkak të vështirësive ekonomike dhe sociale si dhe një stabiliteti të paqëndrueshëm politik. Në rrethanat e pandemisë, të gjitha aspektet e sipërpërmendura kanë pasur një ndikim negativ edhe në aspektet e sigurisë. Kufizimi i lirisë së lëvizjes dhe izolimi kanë ndikuar negativisht në aspektet ekonomike, duke shkaktuar rritje të papunësisë dhe thellimit të vështirësive ekonomike. Po ashtu, në këto rrethana, rritja e dhunës, veprave penale të vjedhjeve dhe thyerjeve, rritja e dhunës në familje, kanë ndikuar, sfiduar edhe aspektet e sigurisë; ndërsa paqëndrueshmëria politike, ka ndikuar negativisht kur me vështirësi është arritur konsensusi për miratimin e pakos për rimëkëmbjen ekonomike. Në këto rrethana shumë të vështira, pavarësisht rrethanave politike, është dashur një koordinim i lidershipit, me qëllim të rritjes së besueshmërisë në vend të aplikimit të forcës, rritje e nivelit të reagimit sidomos në raport me grupet vulnerabile (sidomos dhuna mbi baza gjinore); fuqizimin e gjithëpërfshirjes duke balancuar qasjen ndërmjet institucioneve të shtetit dhe shoqërisë civile, integrimin e qasjes së përgjigjes ndaj pandemisë në kuadër të programeve të sigurisë; si dhe fuqizimin e llogaridhënies. Në këtë kontekst, pavarësisht sfidave, institucionet e sigurisë kanë luajtur një rol konstruktiv dhe situata e tillë ka qenë e menaxhueshme.

RRËZIMI I QEVERISË NË KOSOVË NGA GJYKATA KUSHTETUESE, A E KA RREZIKUAR SIGURINË KOMBËTARE DUKE MARRË PARASYSH ETAPAT NË TË CILAT GJENDET SHTETI I KOSOVËS: HAPAT DREJTË INTEGRIMIT EVROPIAN, DIALOGU ME SERBINË DHE LUFTA NDAJ COVID?

Ndërrimet e shpeshta në strukturën udhëheqëse institucionale shtetërore, sigurisht se krijojnë një situatë të paqëndrueshme politike që reflekton në ndërprerje të proceseve, pasiguri në raport me atraktimin e investitorëve të huaj, si ndryshim të qasjes në raport me obligimet shtetërore në proceset politike dhe obligimet ndërkombëtare. Gjithsesi, pavarësisht ndryshimeve të shpeshta, qëndrueshmëria institucionale është ndërtuar në nivelin e administratës. Prandaj, pavarësisht ndryshimeve të shpeshta, viteve të fundit është vërejtur një maturim i institucioneve të administratës shtetërore të cilat pavarësisht nivelit jo të kënaqshëm të profesionalizmit apo edhe politizimit, kanë arritur të ruajnë funksionimin institucional dhe të ruajnë memorien institucionale, duke krijuar vazhdimësi në shumë procese politike dhe shtetërore. Kosova ka vendosur marrëdhëniet kontraktuale me BE-në, përmes MSA-së dhe ka një strukturë institucionale të avancuar që në vazhdimësi monitoron realizimin e detyrave shtetërore, sipas agjendës evropiane. Po ashtu, sa i përket proceseve politike, siç është Dialogu me Serbinë, Kosova ka marrë zotime ndërkombëtare në procesin e normalizimit të marrëdhënieve ndërkombëtare. Ligji për ratifikimin e marrëveshjes për normalizimin e marrëdhënieve ndërmjet Kosovës dhe Serbisë është miratuar nga organi më i lartë i shtetit, prandaj detyrimet ndërkombëtare janë të obligueshme, sepse në këtë mënyrë edhe në raport me aleatët strategjikë, tregojmë përkushtimin shtetëror dhe maturinë institucionale për të marrë përsipër detyrimet tona ndërkombëtare. Modalitetet e implementimit të këtyre marrëveshjeve duhet të realizohen në nivel teknik dhe në konsistencën e veprimeve institucionale dhe profesionale, por edhe koordinimin me partnerët ndërkombëtar, duke respektuar me përpikëri dispozitat kushtetuese dhe ligjore të Republikës së Kosovës.

SI I KOMENTONI ARRESTIMET E KRERËVE TË SHTETIT TË KOSOVËS DHE TË LUFTËS SË UÇK NGA PROKURORIA SPECIALE?

Aspiratat shekullore për të realizuar të drejtën për liri dhe pavarësi, gjatë gjithë historisë, kanë pasur çmimin shumë të lartë. Edhe kësaj radhe, Kosova, përmes shprehjes së vullnetit nga institucioni më i lartë i shtetit, Kuvendi i Republikës së Kosovës, ishte e gatshme të përballet me detyrimet ndërkombëtare për t’u përballur me drejtësinë ndërkombëtare. Rezistenca paqësore e bashkë-dyzuar me luftën për liri të Ushtrisë Çlirimtare të Kosovës dhe përkrahjen e pakursyer nga aleatët tanë që na kanë shoqëruar në gjithë rrugëtimin tonë për liri, janë kurorëzuar me shpalljen e Pavarësisë së Kosovës, duke konstituuar për herë të parë shtetësinë e Kosovës, të njohur ndërkombëtarisht. Në këtë kontekst, ashtu si do herë gjatë historisë kur fati i individëve nuk është konsideruar përballë sakrificës për arritjen e lirisë dhe pavarësisë edhe kësaj radhe, është koha që Kosova të përballet me të kaluarën dhe të provojë me fakte dhe prova para drejtësisë ndërkombëtare pastërtinë e luftës për liri dhe pavarësi.

A PO BËN EVROPA NJË PADREJTËSI NË DËM TË SHQIPTARËVE TË KOSOVËS?

Unë besoj fuqishëm në drejtësinë ndërkombëtare. Evropa përfaqëson vlerat më të larta demokratike dhe mbi bazën e këtyre vlerave janë angazhuar edhe në sferën diplomatike; por edhe atëherë kur iu bashkuan SHBA-ve dhe NATO-s në luftën e tyre kundër totalitarizmit dhe diktaturës së Millosheviqit. Prandaj, besoj fuqishëm në vlerat fondamentale demokratike që janë kultivuar në Evropë për shekuj me radhë; dhe njëkohësisht vlerësoj lart edhe kontributin e Evropës në forcimin e shtetit ligjor dhe fuqizimin e qeverisjes demokratike në Kosovë.

SI KOMANDANT DHE LUFTËTAR LIRIE, SI I KOMENTONI AKUZAT E SPECIALES NDAJ UÇK?

Si komandant dhe luftëtar lirie, konsideroj se të gjithë ne që kishim fatin më të madh histori t’i shërbejmë atdheut për të arritur lirinë pas sakrificave shekullore, edhe kësaj radhe secili nga luftëtarët e lirisë është i gatshëm t’i bëjë shërbimin e radhës atdheut dhe t’i përgjigjemi detyrimeve ndërkombëtare të Kosovës.

A ËSHTË E TURPSHME BARAZIMI I AGRESORIT ME VIKTIMËN?

Drejtësia ndërkombëtare e pavarur dhe e paanshme është udhërrëfyes për vlerat demokratike që promovon e drejta ndërkombëtare. Nuk është e rrugës të paragjykojmë proceset gjyqësore të cilat janë në vijim e sipër. Do të presim vendimin përfundimtar të gjykatës mbi këto procese gjyqësore për të bërë konstatimet dhe vlerësimet. Në këtë fazë, në nivel shtetëror dhe institucional do të angazhohemi me të gjitha kapacitetet që në mënyrë profesionale para Gjykatës Speciale, të paraqesim faktet dhe provat kredibile që dëshmojnë kryerjen e akteve gjenocidiale për pasojë shkeljen flagrante të të drejtave të njeriut të garantuara me aktet më të larta ndërkombëtare, nga ushtria Serbe e udhëhequr nga diktatori Millosheviq. Tani është koha që në mënyrë të koordinuar për një qasje të strukturuar, si institucione shtetërore, të bashkëveprojmë me shoqërinë civile duke u zgjeruar edhe në sensibilizimin dhe shpërndarjen e fakteve të vërteta edhe përmes rrugëve institucionale diplomatike; por edhe duke përdorur edhe mënyrat e reja të komunikimit (përmirësimi i profilit të Kosovës në qasjen në informatat që janë të qasshme në internet; publikimi i video-incizimeve dhe fotografive që argumentojnë me fakte mënyrat brutale të shkeljes së lirive dhe të drejtave elementare njerëzore nga Serbia; si dhe argumentimin për vërtetësinë e fushatave të fabrikuara nga Serbia, për shtrembërimin e fakteve historike). Një aspekt i veçantë i paraqitjes së fakteve që provojnë vërtetësinë e tyre janë edhe kronologjia historike gjatë procesit të rezistencës paqësore, proceset e negociatave ndërkombëtare në Rambuje deri tek lufta për liri e udhëhequr nga Ushtria Çlirimtare e Kosovës e mbështetur fuqishëm, nga fushata e sulmeve ajrore nga NATOs; ku për herë të parë qasja për të mbrojtur të drejtat elementare njerëzore dhe për të parandaluar aktet gjenocidale të një sistemi diktatorial, tejkaloi konceptet klasike të së drejtës ndërkombëtare për sovranitetin shtetëror. Të gjitha këto fakte, shteti i Kosovës do të kujdeset t’i paraqesë para gjykatës; prandaj besoj fuqishëm se drejtësia ndërkombëtare do të ri-konfirmojë edhe njëherë pastërtinë e luftës për liri.

NJË NDËR AKUZAT QË “SPECIALJA” I BËN UÇK ËSHTË VRASJA E KATOLIKËVE NË KOSOVË, SI E KOMENTONI KËTË AKUZË? A E KA CENUAR UNITETIN E QYTETARËVE?

Historikisht, harmonia ndër-fetare ndërmjet shqiptarëve të të gjitha besimeve, është ndër vlerat më të larta që ka kultivuar kombi ynë. Vlerat kombëtare kanë determinuar rrugën tonë për liri dhe pavarësi. Pavarësisht se prokuroria ka mundur të ketë në dispozicion informata të pasakta që kanë për qëllim deformimin e fakteve historike, shpreh bindjen time të plotë se gjykata ndërkombëtare do të vendosë sipas parimeve më të larta të drejtësisë dhe kredibilitetit të provave. Dëshmitë historike për harmoninë ndër-fetare janë faktet dhe provat që do t’i shërbejnë një gjykimi të pavarur dhe profesional, prandaj besoj fuqishëm se këto prova të fabrikuara nga Serbia, për qëllime të ndryshimit të rrjedhës së fakteve historike, do të jenë një përpjekje e dështuar e radhës, edhe në sferën ndërkombëtare, ashtu siç ndodhi kur Gjykata Ndërkombëtare e Drejtësisë, legjitimoi luftën për liri dhe aktin e shpalljes së pavarësisë së Kosovës.

CILAT KANË QENË DISA NGA REFORMAT KRYESORE NË MINISTRINË E MBROJTJES NËN UDHËHEQJEN TUAJ SI MINISTËR I MBROJTJES.

Në cilësinë e Ministrit të Mbrojtjes, kam ndërmarrë veprimet institucionale dhe ligjore në dy drejtime: -Rritja e llogaridhënies në menaxhimin e punëve publike në kuadër të Ministrisë, duke siguruar proces transparent duke respektuar parimin e meritokracisë dhe kompetencës profesionale në të gjitha proceset; si dhe – Fuqizimi i subjektivitetit ndërkombëtar të Kosovës dhe rritja e rolit të saj në paqen dhe sigurinë ndërkombëtare. Kosova arriti për herë të parë në historinë më të re, të bëhet pjesë e misioneve paqeruajtëse ndërkombëtare. Ushtarët e FSK-së të jenë pjesë përbërëse e Ushtrisë Amerikane për të marrë pjesë në misione paqeruajtëse ndërkombëtare; duke avancuar kështu agjendën e Kosovës në proceset integruese euro-atlantike.

SI E GJYKONI SE DO DALË KOSOVA PAS KËSAJ PËRBALLJE ME DREJTËSINË NDËRKOMBËTARE NË HAGË?

Kosova si çdo herë gjatë historisë, pavarësisht vështirësive gjatë rrugëtimit, për të fuqizuar shtetësinë e saj, edhe në përballje me drejtësinë ndërkombëtare, do të arrijë të konsolidohet dhe së shpejti do të zërë vendin e saj, në proceset integruese përkrah vendeve të rajonit në familjen Evorpiane. Fatet individuale asnjëherë nuk kanë diktuar fatin historik të Kosovës. Aspiratat për të parë Kosovën anëtare të Bashkimit Evropian dhe anëtare të NATO-s shkojnë përtej fateve individuale prandaj, gatishmëria për t’u përballur me drejtësinë ndërkombëtare është një ri-konfirmim se secili prej nesh, jemi të gatshëm të vihemi në shërbim të atdheut duke reflektuar se përfaqësojmë vlerat më të larta demokratike që përfaqëson edhe vetë Evropa.

COVID AND ITS IMPACT ON MENTAL HEALTH

December 18, 2020 by dgreca

DIELLI EXCLUSIVE INTERVIEW WITH DR. BASHKIM KADRIU

COVID AND ITS IMPACT ON MENTAL HEALTH

Interviewed by Rafaela Prifti

“The impact of COVID-19 pandemic has affected all facets of society. Yet the toll is uneven for vulnerable individuals, those who struggle with chronic conditions, disabilities, and those with severe mental illnesses. My concern is that this impact will continue to be present in our lives in years to come.”

Bashkim Kadriu MD, FACP, currently holds the position of Director, Clinical Leader, Neuroscience Experimental Medicine (Neuroscience Therapeutic Area) at Janssen Research & Development, La Jolla, California. Previously he has served as Acting Deputy Director at the Office of Clinical Research, and Clinical Fellow and Neuroscientist at the Experimental Therapeutics and Pathophysiology Branch, National Institute of Mental Health, NIH, Bethesda, being the first Albanian Physician-Scientist at the prestigious research institute.

After completing your medical school training at the University of Prishtina, Kosova, you relocated to Chicago. For nine years, you worked as research postdoc and scientist at Chicago’s University of Illinois and later at Albert Einstein College of Medicine, New York City where you completed your Psychiatry Residency training. You received a Fellowship at the National Institute of Mental Health, Bethesda. What were some of your previous interests?

My work at the University of Illinois in Chicago focused on studying the epigenetic regulation of risk genes in diseases such as schizophrenia and mood disorders, while my later work at the National Institute of Health consisted on the neurological correlations on treatment-resistant mood disorders with an emphasis on discovering biosignatures that guide novel fast-acting therapies that help individuals suffering from depression and mood disorders. I was fortunate to work with some of the best leaders who mentored me through the years and guided me into publishing my work at high-impact reputable journals. I have published over 55 peer-reviewed journal articles, several book chapters and presented work at prestigious scientific journals and conferences in the field.

You are certified by the American Board of Psychiatry and Neurology and have received numerous awards for exceptional clinical care and professional accolades including a recent NIMH Dr. Richard J. Wyatt Award for Translational Research and NARSAD Investigator Award from Brain and Behavioral Research Foundation. You were granted US citizenship through the path of exceptional accomplishments in science. Recently you relocated to the West Coast where you have accepted a new position. What was the adjustment like for you under the circumstances? What has been the focus of your work recently?

Yes, indeed I moved to Southern California in the last 2 months and I have been adjusting slowly but no without challenges. I recently moved to industry where I landed a job and my work currently focuses on early drug discovery in relation to mood disorders. This has been a tough time for everyone, especially at the height of an ongoing world pandemic. Personally, the biggest challenge of my moving to the West Coast was leaving my patients, although I still continue to provide care for some of them through the telemedicine platforms, which took off during this pandemic. Coming from academia to the industry takes some adjustment but the overall transition here has been smooth. It is my hope to continue the research of developing new and better treatments for patients who suffer from severe mental illnesses.

Due to social restrictions and isolation regime imposed by the CDC guidelines, groups of individuals such as seniors and special needs are especially vulnerable. Particularly individuals with a compromised mental health are in a precarious situation. One tragic element is the number of suicides. According to studies done in the past on suicide prevention, you have stated that in the last 20 years there has been a 30% increase in the number of suicides in the US. What are some other findings of the study?

Unfortunately despite the research and advances in suicide prevention, the rates of suicide have seen an increase in the US over the years. Based on previous assessments, a large portion (~90%) of individuals who commit suicide have an ongoing mental illness. Aside from the devastating loss of life, the impact of mental health illnesses in America comes with a high economic cost of around 1 trillion dollars as a consequence of missing workdays, lower productivity and the expenses incurred by hospitalization and the treatment of such conditions.

Self-isolation and the limiting of social interactions continue to have major impact on the mental health of the population. Have there been studies that focus on the topic?

As a rule, major crisis have an enormous impact on the public health. Some of the examples is the financial collapse of 2008 or other critical disruptions of daily lives cause or are associated with a significant increase in mental disorders. Among the most exposed groups are the front line health workers, who deal with the pressures of increased workload in the number of patients that need medical care and attention but also the daunting levels of stress and exhaustion, physical, emotional and mental. Studies conducted in Asia, Europe and most recently in the US have shown that front line workers, the medical staff in charge of COVID patients have experienced and exhibited symptoms of serious depression, anxiety and sleep disorders. Some studies published in Lancet found that 50% of the patients that underwent ICU treatment due to Coronavirus experienced PTSD, amplified by the social isolation or quarantining before and after hospitalization. When it comes to general population, the health pandemic has impacted all facets of society. Yet the toll is uneven for the vulnerable population such as individual who suffer with struggle with chronic conditions, disabilities and those with severe mental illnesses.

What is your concern with respect to that particular segment of the population?

My concern is that the impact will continue to be present for years to come. We are already seeing the impact of loneliness, social isolation, disruption of daily routines and the lives caused by the pandemic. The latest numbers issued by CDC and NIMH show a staggering increase in rates of depression, anxiety, and suicide cases here in the US and elsewhere. I fear that these trends will continue to rise in months ahead as the pandemic effects continue to be present in our lives.

You have stated that the symptoms experienced at this extraordinary time are not unlike the signs manifested by post-war societies in the post-conflict period. Drawing a parallel with the home countries like Kosova and Albania, you have shared your personal experience during the Kosova conflict and the isolation from the outside world.

Even though there has been two decades since the days of the NATO bombings, the enormous impact of that experience is long lasting in the psychological and mental context. I made the analogy with the current situation in the sense of the repercussions and influence on the population. One positive outcome out of this situation is the lowering of the stigma associated with mental health as more and more people find themselves in similar circumstances and in need of dealing with post-traumatic stress disorders caused by a global pandemic. For medical personnel this could mean finding better ways to help those who are in need of treatment, without fear of being stigmatized.

Can you elaborate on your analogy with the Kosova war in relation to mental health and well-being?

Well, although the two experiences are completely different, as someone who endured a long pre-war conflict and experienced 78 days of NATO air strikes in Kosovo, I drew a parallel with the pandemic-related isolation as well as the associated element of fear of uncertainty and ‘the fatigue’ people experience over time. As tough as it is, we are gradually adapting to the new normal, learning to deal with the unpredictability of our daily routine and inability to plan our future. The new vaccine in the horizon offers hope that we are seeing the beginning of the end of this pandemic that devastated many lives and ravaged many families.

You have underscored the importance of being aware of one’s state of mind and emotions. What’s your advice to minimize the effects on mental health in terms of recognizing depression symptoms and take mitigating steps?

Some signs or indications of depression include increased anxiety, sleep disorders, fatigue and loss of interest or motivation. It is very important to set a goal and follow through with it. Under the current circumstances, when daily routines are disrupted, it is very helpful to have an activity that helps you stay energized which gives a sense of purpose and motivation for your general well-being.

A study conducted by the University of Oxford found that 1 in 5 diagnosed with COVID have a subsequent psychiatric diagnosis in the following 14 to 90 days. The research compared patients recovering from COVID with those recovering from other medical events such as the flu. Can you explain the study for our readers?

I read that study, and the findings there seems staggering from many angles. This study measures the incidence and hazard ratios for psychiatric disorders, dementia, and insomnia, during the first 14 to 90 days after a diagnosis of COVID-19. Individuals affected and recovering from COVID compared to those of influenza (common flu) report significant increased rates of physical and mental fatigue, memory/concentration issues, headache, pain, insomnia, as well as higher rates of anxiety and depression. While these findings are worrisome in many aspects, controlled longitudinal designs studies are needed in the future to see if these findings hold for longer period of time and how they may affect our mental and physical health.

The same study found that the relationship between mental illness and COVID-19 is actually bidirectional, people with psychiatric diagnosis were about 65% more likely to be diagnosed with COVID-19 than people without. What have you seen in your line of work?

In my line of research and expertise as specialized clinician, we do notice that individuals with severe mental illnesses have weakened immune system and increased rates of medical comorbidities such is obesity, hypertension, diabetes etc. There is also finding indicating that in a subset of patients who suffer from depression or bipolar disorder, there is an immune based etiology triggering their individual symptoms. Thus, it is not surprising that individuals struggling from psychiatric illnesses have higher rates of COVID-19 incidence.

While most of us may experience fatigue or some sense of anxiety during the time of the pandemic, the study is talking about a diagnosis. Can you explain the difference?

Feeling some sense of anxiety, stress and being preoccupied with the future is often just a normal response, in fact it is the reason why we wake-up every day and get going to carry out our routines. This pandemic has taken a heavy toll on all our lives. So, experiencing heightened-level of stress and anxiety is normal. However, anxiety becomes pathological when it is excessive and disproportional to the situation, when it occurs most of the days and lasts over weeks to months. Generalized anxiety impacts personal health, daily routine, social interactions and other domains of daily life circumstances such as sleep, ability to focus and concentrate, feeling nervous or restless and even panic symptoms at times. If anyone experiences these symptoms, please pay attention to it and seek medical help to a local provider, therapist or psychiatrist.

And what is your message to the community?

To the Albanian community here in US and beyond, I say to focus on helping each-other and, being there for our loved ones, family, friends, and fellow countrymen. More than ever, we really need to raise awareness in our community about the detrimental impact that untreated mental illnesses may cause to our families and daily lives.

Thank you for the work that you do and for the interview!

KOLONEL DEMIRAJ: AKUZAT NDAJ UÇK TË PAVËRTETA

November 25, 2020 by dgreca

LUFTËTARËT E LIRISË TË PAFAJSHËM. AKUZAT NDAJ UÇK TË PAVËRTETA DHE TË PRODHUARA NGA SERBIA DHE RUSIA/

Kolonel Dritan Demiraj, “Nderi i Kombit” dhe “Mjeshtër i Madh” në një rrëfim ekskluziv dhënë gazetarit Sokol Paja, për gazetën Dielli, Organ i Federatës Panshqiptare të Amerikës VATRA, New York, deklaron se gjithë populli shqiptar beson në pafajësinë e UCK-së, pasi ajo ishte një luftë e drejtë, çlirimtare dhe bëhej për të mbrojtur idealet e vendit dhe të popullit shqiptar në Kosovë për vetëvendosje. Sipas Kolonel Demirajt akuzat e Prokurorisë për vrasje të katolikëve në Kosovë është një narrativë e pastër serbo-ruse dhe krejtësisht e pavërtetë dhe e pabazuar. Akuzat për “Shtëpinë e Verdhë” dhe burgjet e pretenduara të UÇK në zonat e thella të Shqipërisë janë gënjeshtra dhe propagandë serbe.

DIELLI- Kolonel Demiraj si i shikoni ngjarjet në Kosovë pas arrestimit të kreut të shtetit Hashim Thaçi e ish-kryeparlamentarve Krasniqi, Veseli e komandantëve e luftëtarëve të tjerë të UÇK?

Në gjykimin tim arrestimi i komandantëve kryesorë të Ushtrisë Çlirimtare të Kosovës është një nga ngjarjet më të rënda të historisë së shtetit të Kosovës dhe Kombit Shqiptar. Këto arrestime u bënë në një moment kur dy muaj më parë në Shtëpinë e Bardhë u firmos marëveshja ekonomike midis Kryeministrit Abdulla Hoti dhe Presidentit Aleksandër Vuçiç, një marëveshje që për hir të së vërtetës mundësonte që Serbia të përfitonte shumë më tepër sesa Kosova. Besoj se duhet theksuar se në momentin e arrestimit të Presidentit Thaçi, ish-Kryetarëve të Parlamentit të Kosovës Krasniqi dhe Veseli dhe arrestimin e kryetarit të grupit parlamentar të Lëvizjes Vetëvendosje, njërit nga gjeneralët më të mëdhenj të UÇK gjeneral major Rexhep Selimit është krijuar një vakum i qënësishëm politik dhe i sigurisë. Pikërisht ky vakum dhe mbështetja e paprecedentë që jep në vazhdimësi miku i “Sandrit” në Shqipëri, bëri që javën e kaluar ish-ministri i kasapit të Ballkanit Sllobodan Milosheviç (Vuçiçi) të guxonte nëpërmjet një interviste të kërcënonte Kosovën me një ndërhyrje ushtarake, duke e krahasuar në mënyrë shoviniste situatën e konfliktit të fundit në Nagorni Karabak me mospërmbylljen e objektivave strategjike të Serbisë në Kosovë. Duhet theksuar se ky është momenti kur e gjithë klasa politike në Kosovë duhet të heqë mënjanë interesat personale dhe të zgjedhin një president i/e cili të jetë një përsonalitet i respektuar, me eksperiencë politike i/e cili të ketë dhe mbështetjen e perëndimit. Sa i përket kohës për të cilën do të gjykohen këta ish-drejtues të luftës dhe politikës së Kosovës, edhe pse është një proces nul dhe i padrejtë, përsëri gjykoj se për fat të keq ky proces do zgjasë me vite. Në këtë situatë partitë politike në Kosovë kanë vetëm dy rrugëzgjidhje, ose të arrijnë një marrëveshje për forcimin e qeverisë së Kosovës, ose të shkojnë në zgjedhje të parakohshme. Duhet theksuar se nga 2011 e në vazhdim, bisedimet me Serbinë janë bërë në hijen e Tribunalit Special.

DIELLI: Drejtësia ndërkombëtare, a po luan një padrejtësi shqiptare duke e barazuar UÇK me një ndërmarrje të përbashkët kriminale?

-Kjo padyshim që është një nga padrejtësitë më të mëdha me të cilën po përballen shqiptarët në shekullin e XXI-të. Në rast se UÇK do të ishte ndërmarrje kriminale, atëherë vetvetiu del pyetja se përse NATO dhe SHBA-të ishin partnerët më të ngushtë të saj. Nëse do të ishte e kundërta, atëherë ata nuk do të pranonin të bashkëpunonin me ta, pasi dihet SHBA-të janë djepi i demokracisë në botë, ndërkohë që NATO është organizata më e madhe politiko-ushtarake e sigurisë në botë. Pikërisht ky është dhe paradoksi i kësaj drejtësie dhe i akuzave që ajo paraqet ndaj heronjve tanë kombëtarë. Nëse UÇK do të konsiderohej si e tillë, atëherë edhe ata të cilët bashkëpunuan me të do të konsideroheshin si të tillë dhe së bashku me Selimin, Veselin, Krasniqin dhe Thaçin duhet të ishin edhe gjeneralët amerikanë. Nëse këta të dy e mbështetën çështjen dhe idealin e tyre, atëherë me keqardhje e them që këtu drejtësia është e njëanshme. Nëse këto “krime” të supozuara (të cilat nuk kategorizohen aspak si krime kundër njerëzimit) kanë ndodhur në kohën kur njësitë e Arkanit dhe të paramilitarëve serbë vrisnin, digjnin, përdhunonin dhe zhvendosnin mijëra fëmijë, gra, motra dhe qytetarë të paarmatosur, atëherë a nuk ishte misioni i tyre që të mbronin jetën dhe pasurinë e qytetarëve të tyre? Më duhet t’i rikujtoj lexuesit, se këto ngjarje kanë ndodhur gjatë kohës që komandantët tanë po zhvillonin luftën çlirimtare. Gjatë luftës dhe pas saj, luftëtarët dhe komandantët e UÇK kanë bashkëpunuar me trupat e NATO-s. Të gjithë i mbajnë mend pamjet kur luftëtarët e UÇK në rresht pas thirrjes së SHBA-ve dhe NATO-s dorëzuan krejtësisht arsenalin e armëve, e gjithë kjo nën mbikqyrjen e vazhdueshme dhe sipas rregullave të përcaktuara nga ndërkombëtarët. Për këtë qëllim, më duhet të sjell në vëmendjen tuaj edhe rezolutën ndërkombëtare 1244 tëOKB-së.

DIELLI: A e rrezikojnë stabilitetin e shtetit dhe unitetin e popullit ngjarjet në Kosovë, ku një ndër akuzat e Prokurorisë Speciale është vrasja e katolikëve në Kosovë?

-Vrasja e katolikëve në Kosovë është një narrativë e pastër serbo-ruse. Prej kohësh propaganda, qeveria, parlamenti, organizatat “Think Tank”, kisha ortodokse serbë, OJQ-të, etj janë përpjekur duke harxhuar shuma të mëdha parash të përfituara nga trafiqet e drogës dhe nga shitja e paligjshme e armëve te grupet terroriste nëpër botë, me qëllim që ta paraqesin qeverinë dhe popullsinë e Kosovës si një shtet ku qytetarët e së cilës janë ekstremistë Islamikë dhe terroristë, ndërkohë që në fakt është e kundërta. Në këtë linjë, një mbështetje të madhe ka dhënë edhe fushata e vazhdueshme dizinformuese e Ministrisë së Jashtme Ruse. Vrasja e civilëve katolikë në Kosovë është krejtësisht e pabazuar. Ajo bëhet me qëllim krijimin e një përçarje midis relegjioneve, e cila është në fakt një çështje shumë e ndjeshme ndërkombëtare, duke shkaktuar përçarje midis religjioneve si dhe destabilititet politik brënda vendit. Kjo padyshim që cënon sigurinë e brendshme edhe në rajon, pasi Ballkani përbëhet nga një religjion miks, ku janë të gërshetuara të tre besimet fetaresi ajo Muslimane, e Krishterë dhe Ortodokse.

DIELLI: Si ushtarak i lartë i shtetit shqiptar dhe si njohës i shkëlqyer i ngjarjeve të kohës, terrenit dhe protagonistëve, si i gjykoni akuzat për Shtëpinë e Verdhë dhe burgjet e pretenduara të UÇK në Shqipërinë verilindore?

-Akuzat për “Shtëpinë e Verdhë” dhe burgjet e pretenduara të UÇK në zonat e thella të Shqipërisë janë gënjeshtra dhe propagandë serbe, të cilat janë ngritur me të vetmin qëllim që të justifikojnë krimet kundër njerëzimit, genocidin, mbi 20.000 përdhunime grash dhe vajzash, vrasjen e mijëra civilëve, shpërnguljen masive të mbi 800.000 qytetarëve të Kosovës, shkatërrimin dhe grabitjen e dhjetëramijëra shtëpive dhe bizneseve shqiptare. E them këtë me bindje, pasi në atë kohë kam qënë efektiv i njësisë më speciale shqiptare, kohë në të cilën kam patur akses të plotë duke kontrolluar pothuasje të gjitha “bazat” dhe kampet pritëse, tek shumica e informacioneve shtetërore dhe jo vetëm, dhe e them me bindje të plotëse një akuzë e tillë është përgatitur vetëm nga prokurorët serbë nuk është aspak e vërtetë. Ajo që vlen të diskutohet, është se një akuzë e tillë antishqiptare hidhet në mediat shqiptare nga një politikan shqiptar, i cili tashmë është provuar përpara gjithë kombit se është bashkëpunëtor dhe mik i ngushtë i ish-ministrit të propagandës së makinës vrasëse të Millosheviçit. Këto mbeturina të politikës shqiptare do të mbahen mend në historinë e vendit tonë si tradhtarët më të poshtër të Kombit Shqiptar, njëlloj siç do të mbahet mend si heronjtë e Kombit Shqiptar Ramush dhe Daut Haradinaj, Rexhep Selimi, Limaj, Krasniqi, Veseli, etj.

DIELLI:. A besoni në pafajësinë e UÇK dhe luftëtarëve të saj? Si do dalë Kosova pas kësaj përballje në Gjykatën Speciale?

-Padyshim që jo vetëm unë, por gjithë populli shqiptar beson në pafajësinë e UCK-së, pasi ajo ishte një luftë e drejtë, çlirimtare dhe bëhej për të mbrojtur idealet e vendit dhe të popullit shqiptar në Kosovë për vetëvendosje. Unë dhe të gjithë ne besojmë në idealet dhe pafajsinë e drejtuesve kryesorë të UÇK dhe sigurisht koha do ta vërtetojë se ata janë të pafajshëm, e bashkë me ta edhe lavdinë që ajo e meriton përgjatë historisë. Nëse indidivë të tillë, pas luftës gjatë karrierës politike kanë bërë shkelje ligjore, atëherë më duhet të them se të dy periudhat duhet të ndahen nga njëra-tjetra dhe secili duhet të mbajë përgjegjësi individuale, të japë llogari përpara ligjit dhe nëse faktet vërtetojnë ndonjë akuzë të tillë, atëherë kjo duhet të ndahet nga ideali i madh i UÇK-së. Personalisht kam besim të plotë se vetë UÇK dhe drejtuesit e saj, të cilët sot po akuzohen padrejtësisht sot, do të fitojnë nderin dhe lavdinë që i takon dhe do të zënë vendin e tyre në historinë e popullit shqiptar.

DIELLI: Si e gjykoni qëndrimin publik të kryeministrit të Shqipërisë Rama në artikulimin mediatik rreth çështjes së Kosovës?

Ekzibicionistët politikë si Kryeministri i Shqipërisë, për pak vëmendje dhe mbijetesë politike sakrifikojnë interesat kombëtare dhe çdo gjë. Interesat kombëtare nëpërkëmben pikërisht atëherë kur politikanët mediokër synojnë të zgjidhin “probleme globale”. Çështja e Kosovës nuk duhet të trajtohet si e ndarë, pasi është pjesë e çështjes shqiptare në Ballkan. Serbia që nga viti 1995, sot ka marrëdhëniet më të këqija me vendet e rajonit. Dhe në këtë situatë, Edi Rama po i shërben Beogradit si një farë ‘normalizuesi’ për hegjemoninë e Serbisë në Ballkan. Pavarësia e Kosovës në raport me Serbinë nuk mbrohet me deklarata butaforike në Beograd, por përmes trysnisë që i duhet bërë Serbisë, në koordinim midis diplomacisë së Prishtinës dhe Tiranës. Edi Rama është bërë pjesë aktivee projektit për asgjësimin, anashkalimin dhe mënjanimin e njohjes së Kosovës si moment kyç e parimor, duke përdorur si instrument “Minishengenin”, i cili në fakt i shërben vetëm Serbisë. Në takimin që pati me ish-Kryeministrin e Kosovës z. Albin Kurti në Tiranë, Rama theksoi: “Nuk ka makroshengen shqiptar pa minishengenin ballkanik”! pra, ky Esadist tradhtar vendos përpara bashkëpunimit të faktorit shqiptar, projektin serb të “Jugosllavisësë Re”! Këto projekte do të hapnin tema që janë mbyllur përfundimisht pas pavarësimit të Kosovës dhe njohjeve të rëndësishme ndërkombëtare (rreth 117 të tilla sot), përfshirë këtu edhe vendimin afirmativ të Gjykatës Ndërkombëtare të Drejtësisë. Duke qenë se nuk kishte asnjë përgatitje për këtë ndërmarrje apo ndonjë ndjenjë për qytetarët e Kosovës, ai ra në kurthin e Serbisë, e cila me vite të tëra synon diskutimin në lidhje me ndarjen e Kosovës. Por, këtë lojë të ndyrë antishqiptare, ky mediokër politik bashkë edhe me ndonjë që po vuan sot pasojat e atyre që ka gatuar këto 19 vite, në çështjen mbarëshqiptare e ka filluar herët investimin e tij antishqiptar dhe nuk mund të themi që kjo është thjeshtë një koinçidencë. Edi Rama, gjatë gjithë aktivitetit të tij publicitar dhe politik ka vlerësuar dhe admiruar jo më pas se katër antishqiptarë të shquar serb. Këtu nuk mund të lë pa përmendur Ivo Andriçin, Aleksandër Vuçiçin, Goran Bregoviçin dhe Sinisa Mihajloviçin. Andriçi për llogari të Serbisë bëri projektin e dëbimit të shqiptarëve nga territoret etnike (1938). Aleksandër Vuçiçi, ish-ministri i propagadës së kasapit të Ballkanit gjatë Luftës në Bosnje dhe në Kosovë, i cili kishte shërbyer si konobar(kamarjer) i Sheshelit dhe Milosheviçit. Goran Bregoviç, me profesion nacionalist serb, ishte frymëzues dhe idhull i ushtrisë vrastare serbe gjatë luftës në Kosovë me këngën “Pucaj”. Ai i këndonte kallashit serb që vriste popullatën kroate e shqiptare. Për këtë këngë shoviniste serbe mori edhe çelësat e Qytetit të Tiranës nga Edi Rama, direkt pas konfliktit në Kosovë në kohën kur ishte Kryetar i Bashkisë. Sinisa Mihajloviç një nacionalist serb, mik i ngushtë i kriminelëve të luftës Zeljko Ranatoviç (alias Arkan) dhe kasapit të Ballkanit Ratko Mlladiç. Tani vetvetiu lind pyetja: Po Ramoviçi cilit komb i takon, se vetëm shqiptar nuk mund të quhet ai me aktivitetin e tij politik, por një “Kalë Troje” në çështjet shqiptare!

DIELLI: A po tenton të fitojë pikë në publik kryeministri Rama duke akuzuar kundërshtarët politik në Shqipëri rreth raportit të Dik Martit, rolin e liderit të opozitës Basha dhe akuzat si hetues i UCK? Ky amplifikim shtetëror dhe i mediave pranë Kryeministrit a e dëmton Kosovën në këtë moment?

-Idetë dhe propaganda e majtë, gjithmonë riciklojnë teza “konspirative” për konsum të brendshëm sa herë Kryeministrit Shqiptar i zbulohen djallëzitë politike, ekonomike e korruptive si dhe antishqiptare që ai dhe shpura e tij politike ka bërë sidomos këto tetë vitet e fundit. Këto ide, rishtaz i riciklohen në përpjekje për të mbuluar keq-qeverisjen e tij njëlloj si në rastin e Dik Martit dhe merr “përsipër” zgjidhjen e problemeve “globale” e “rajonale” ose të akuzojë liderin e opozitës Basha, me qëllim që të justifikojë antishqiptarizmin dhe dështimin e tij si kryeministër i vendit. Ai duhet të hetohet nga Institucionet e Sigurisë Kombëtare në Shqipëri, prokuroria, gjykata, për një sërë faktorësh të cilat lidhen me vendosjen e taksës në rrugën e kombit, qëndrimi denigrues ndaj Kosovës, etj. Mos reagimi nga Edi Rama përballë lobimit të egër të Serbisë për mosnjohjet e Kosovës dhe tërheqjen e disa njohjeve të saj të bëra më parë, nuk janë as më pak as më shumë se vërtetim i saj që sapo thashë më lart. Qëndrimi publik denigrues, fyes dhe thellësisht stigmatizues ndaj Kosovës dhe liderve të saj, duke akuzuar dhe çuar në gjyq heroin e gjallë të Kosovës Ramush Haradinaj, vetëm se nuk pranoi të bëhej pjesë e veprimit antikombëtar të projektit serb për ndarjen e veriut të Kosovës, përse ai dhe qeveria e tij e drogës, PPP-ve, korrupsionit, trafiqeve dhe shpërnguljes masive të shqiptarëve jashtë vendit, etj nuk guxojnë të hapin një akuzë ndërkombëtare për genocidin serb në Kosovë në vitet 1998-1999 ose të paktën ta miratojë në Parlamentin e tij të mbushur me analfabetë? Si përfundim, këto sjellje të kryeministrit shqiptar për mendimin tim e dëmtojnë shumë imazhin e Kosovës.

DIELLI: Kryetari i grupit parlamentar të PS në Shqipëri ka deklaruar se do ngrihet një Komision Parlamentar që do hetojë raportin e Dik Martit, a është kjo një përpjekje e funksionarëve të qeverisë dhe institucioneve për të larguar vëmëndjen nga dështimet e qeverisë dhe dështimet e menaxhimit të pandemisë globale në Shqipëri?

Po pa dyshim që po, ky komision mund të ngrihej vetëm për të larguar vëmendjen nga dështimet spektakolare të qeverisë. Prej tetë vitesh tashmë, qeveria e Ramës është kapur në shkelje të Kushtetutës së Republikës së Shqipërisë, ka keqqeverisur më keq se askush më parë, mbushi vendin me drogë dhe ka rritur kultivimin e kanabisit me rreth 236 herë për 4 vite, ka shpëngulur mbi 600.000 shiptarë si pasojë e varfërisë, mungesës së shëndetësisë, vendeve të punës, mungesës së institucioneve të drejtësisë, vjedhjes së rreth 7 miliardë dollarëve me PPP, rritjen në 85 përqind të borxhit të jashtëm, mbushjen e Parlamentit dhe bashkitë e Shqipërisë me vrasës, përdhunues, trafikantë droge, armësh, analfabetë, hajdutë, kriminelë, etj. Unë mendoj se komisioni i ngritur nga shoku i ngushtë i trafikantëve të drogës Balla dhe zëdhënësi i Ramës në parlamentin monist nuk do të ngrihet, pasi ai është diskretituar madje pa filluar akoma dhe çdo gjë që Edi Rama dhe shpura e tij antishqiptare kanë përgatitur kundër Bashës ka dalë në dritën e diellit.

ELMI BERISHA: VATRA RESPEKTON INSTITUCIONET E ZGJEDHURA NGA SHQIPTARËT

October 9, 2020 by dgreca

-TIRANA E PRISHTINA ME AXHENDË TË PËRBASHKËT DIPLOMATIKE-

Kryetari i Federatës Panshqiptare të Amerikës “VATRA” z. Elmi Berisha në një intervistë me gazetarin e DIELLIT SOKOL PAJA, flet për vizitën e tij në Republikën e Kosovës dhe të Shqipërisë. Ai tregon për takimet e Prishtinës dhe të Tiranës, për Memorandumin e Mirëkuptimit të nënshkruar në Ministrinë e Jashtme të Republikës së Kosovës.

Po ashtu ai sqaron edhe takimin me Kryeparlamentarin socialist Gramoz Ruçi, ish Ministër i fundit i Diktaturës, i akuzuar për vrasjet e 2 prillit.

Z.Kryetar si ndjeheni pas kthimit të vizitave zyrtare në Kosovë dhe Shqipëri?

Mendoj se ishte një vizitë e jashtëzakonshme. Ndjehem shumë mirë dhe shumë krenar. Gëzohem për veten dhe për Vatrën. Kam hasur në një bashkëpunim dhe respekt të jashtëzakonshëm në kuadër të nismës që Vatra ka marrë për të qenë aktive dhe lobuese në dobi të shtetit të Kosovës e Shqipërisë dhe për të të mirën e shqiptarëve në krejt viset ku ata jetojnë e punojnë. Jam respektuar si kryetar i Vatrës prej të gjithë faktorit politik si në Shqipëri dhe në Kosovë, si nga pozita dhe nga opozita.

Sa mendoni se e kanë përmbushur misionin politik, diplomatik dhe atdhetar këto dy vizita në Tiranë dhe Prishtinë?

Jetojmë në një kohë të jashtëzakonshme të pandemisë globale. Gjithçka nuk funksionon normalisht. Gjatë gjithë kësaj kohe Vatra është munduar të përmbushë misionin dhe rolin e saj Kombetar, diplomatik në përmbushje të nevojave të Vatrës, komunitetit vatran dhe mbi të gjitha qytetarëve shqiptar në Kosovë dhe në Shqipëri. Jemi duke punuar fort dhe kemi një program dhe axhendë kombëtarë e ndërshtetërore për të ndihmuar reciprocikisht kryerjen e reformave si në Shqipëri dhe në Kosovë. Vatra po luan një rol jashtëzakonisht të madh në këto kohë edhe pse situata globale na ka kufizuar në veprimtarinë tonë. Koha në të cilën jetojmë na obligon fort të jemi sa më afër nevojave dhe rolit të pakursyer diplomatik e atdhetar në dobi të çështjes kombëtare e qytetarëve të kombit tonë. Mendoj se jemi në rrugën e mbarë. Kemi shumë për të bërë…

Cilat ishin mesazhet që ju përcollët në emër të Vatrës për shtetarët në Kosovë dhe Shqipëri?

Mesazhi kryesor i Vatrës për institucionet e shtetit të Kosovës dhe Shqipërisë tek liderët e skenës politike në të dy vendet ishte uniteti për çështjen Kombëtare, bashkëpunimi, qasja shtetformuese dhe ndihma e të gjithë faktorëve politik për zhvillimin e vendeve tona dhe roli i secilit institucion dhe individ me peshë politike në kryerjen e reformave dhe në zhvillimin e vëndeve tona si në Shqipëri dhe në Kosovë. Ndërtimi i një ekonomie të fortë, lufta e pakompromis ndaj krimit dhe fenomeve që ngadalsojnë avacimin dhe zhvillimin e reformave. Qasja diplomatike e përbashkët dhe qëndrimi i njëjtë në raport me dialogun me Serbinë dhe të qënurit bashkë në të gjithë proceset integruese me të cilat përballet shteti i Kosovës dhe Shqipërisë.Kordinim mbarëkombëtar mes dy vendeve tona.

Si i vlerësoni hapat e Shqipërisë dhe të Kosovës në proceset integruese euroatlantike?

Hapat e Shqipërisë dhe të Kosovës në proceset integruese euroatlantike janë të ngadaltë e për këtë nevojitet akoma më shumë lobim në Uashington dhe në Perëndim dhe në kancelaritë e vendeve të fuqishme perëndimore. Vatra ka ofruar gjithmonë dhe do të ofrojë eksperiencën, ekspertizën, personalitete profesionistësh te formuara në Amerikë dhe vatranët e spikatur në dobi të përmbushjeve të reformave dhe të një ndihme më të specializuar në përmbushje të nevojave që kanë institucionet në Shqipëri dhe në Kosovë. Qeveritë kanë akoma shumë për të bërë. Vatra do ta luajë shumë fort rolin e saj. Për asnjë moment ne nuk do ndalemi me qëllim që të shohim Shqipërinë e Kosovën përkrah shteteve më të zhvilluara në Ballkan e në Perëndim.

Roli diplomatik i Vatrës në Shtëpinë e Bardhë, Shqipëria e Kosova a janë më afër apo më larg Uashingtonit?

Roli diplomatik i Vatrës në Shtëpinë e Bardhë është historik. Si kurrë më parë gjatë kësaj periudhe të ngjarjeve dhe zhvillimeve, Shqipëria e Kosova nuk e kanë pasur një qasje të tillë në Uashington. Kombi ynë dhe shtetet tona janë më shumë se ansjëherë tjetër më afër Uashingtonit. Shqiptarët janë një faktor i paanashkalueshëm. Vatra ka asistuar dhe do të jetë gjithmonë aty në proceset e mëdha diplomatike, politike e zhvillimore të shteteve tona Kosovë e Shqipëri. Ju garantoj se Vatra është shumë e pranishme në Uashington dhe do të jetë aty me fuqinë e saj lobuese sa në të mirë dhe prosperitetit të Kosovës dhe Shqipërisë.

Roli diplomatik e specifik i Vatrës në bisedimet Kosovë-Serbi në Uashington, çfarë u diskutua si u këshillua delegacioni kosovar në këto bisedime?

Vatra lëshoi prerazi këshillimin e saj për delegacionin e Kosovës që të jetë unik, që të veprojnë sëbashku si një trup i vetëm pozitë dhe opozitë. Vatra ishte kategorike që të mos preken kufijtë e Kosovës dhe që Kosova të jetë e pavarur dhe e paprekshme në kufijtë që u shpall pavarësia dhe në kufijtë që ajo është njohur botërisht.

Çfarë përmban memorandumi i mirëkuptimit mes Vatrës dhe Ministrisë së Jashtme e të Diasporës së Kosovës, që ju dhe Ministrja Meliza Haradinaj-Stublla nënshkruat?

Memorandumi i mirëkuptimit mes Vatrës dhe Ministrisë së Jashtme e të Diasporës së Kosovës në thelb është një strategji mbarëkombëtare intgeruese që identifikon të gjitha nevojat tona si komb dhe si shtete në mënyrë që të ofrojmë bashkëpunim dhe ekspertizë me qëllim që të jemi dinjitozë dhe të zhvillojmë politika të përbashkëta zhvilluese në të mirë të kombit e qytetarëve që jetojnë në shtet tona Shqipëri e Kosovë. Qëllimi i këtij memorandumi është qëllimi i vullnetit të mirë dhe bashkëpunimit e lobimit reciprok në proceset zhvilluese dhe integruese. Ne do të ofrojmë për shtetin e Kosovës dhe të Shqipërisë ekspertët tanë, akademikë, profesorë, kërkues shkencorë në përmbushje të nevojave që do të paraqiten në raport me nevojat dhe proceset zhvilluese.
–A jeni konsultuar me Strukturat drejtuese të Vatrës, Kryesinë e Këshillin për axhendën diplomatike në Shqipëri dhe Kosovë?

Sigurisht që jam konsultuar me Strukturat drejtuese të Vatrës, Kryesinë e Këshillin për axhendën diplomatike në Shqipëri dhe Kosovë. Që pas ardhjes sime në krye të Vatrës axhenda e kryetarit dhe Federatës së Vatrës ka qenë në rakordim të plotë dhe e miratuar prej të gjitha strukturave drejtuese të Vatrës. Asnjëherë nuk janë anashkaluar strukturat dhe gjithmonë do të pyetën. Për shkak të pandemisë globale dhe kushteve të jashtëzakonshme të fluturimit dhe protokolleve shtetërore të masat parandaluese të Covid-19, kësaj herë kam udhëtuar i vetëm në Shqipëri dhe Kosovë por në kushte normale gjithmonë do kem përfaqësinë më dinjitoze të Vatrës në çdo strukturë të saj në çdo takim politik, diplomatik dhe atdhetar. Kësaj herë udhëtova i vetëm sepse nuk doja të rrezikoja jetën e miqve, bashkëpunëtorëve dhe drejtuesve të Strukturave drejtuese të Federatës Vatra. Unë veproj si Institucion, unë veproj si Vatër, kudo ku kam shkuar kam paraqitur Vatrën. Por nevojat dhe rregullat strikte të autoriteteve ndërkombëtare shtetërore e shëndetësore më detyruan të mos kem me vete bashkëpunëtorët më të afërt dhe përfaqësuesit më të nderuar të Vatrës. Mesazhet në Prishtinë dhe në Tiranë kanë qenë mesazhet e drejtuesve dhe e strukturave të Vatrës dhe mesazhet publike atdhetare e diplomatike që ka anonçuar Vatra. Unë gjithçka e kampublike të deklaruar në Vatër. Nuk ka asgjë përtej publikes dhe nismave politike e diplomatike të Vatrës.

Çfarë ju tha Doktor Sali Berisha në darkën e shtruar në nderim të vizitës suaj në Shqipëri?

Doktor Berisha shprehu vlerësimet maksimale për Federatën Panshqiptare Vatra. Ai u shpreh falenderues dhe entuziast për gjithçka ka bërë Vatra dhe projektet e saj në vazhdim. Unë e informova doktor Berishën për veprimtarinë dhe axhendën kombëtare që ka Vatra në vazhdim. Doktor Berisha ishte shumë i emocionuar dhe më shprehu përkrahje të jashtëzakonshme. Ishte në pajtueshmëri dhe në të njëjtën linjë veprimi diplomatike me veprimtarinë e Vatrës. Dua ta falenderoj doktor Berishën, Bashën dhe Partinë Demokratike në Shqipëri si mbështetëse dhe përkrahëse e fortë e filozofisë, punës, e misionit politik e diplomatik të Vatrës.

Jeni takuar me Ministrin e fundit të Diktaturës shqiptare, kryeparlamentarin Ruçi, kjo ka shkaktuar zemërim te vatranët e përndjekur nga regjimi komunist, cili është shpjegimi juaj rreth këtij takimi?

-Ky ishte një takim diplomatik e kortezie. Unë jam kryetar i një organizate mbarëshqiptare. Unë nuk mund të veproj me dy standarte. Unë si Vatër, si institucion takoj institucione, jo individë. Ruçin aty ua gjeta aty ua lashë. Unë respektoj ato institucione që janë zgjedhur me votë nga qytetarët e Shqipërisë dhe të Kosovës. Nëse ka pasur vatranë të prekur më vjen keq por këta Vatranë kanë mundësinë dhe duhet që të influencojnë në Shqipëri e Kosovë që familjarët dhe qytetarët e këtyre dy shteteve të zgjedhin një qeverisje më të mirë e më dinjitoze. Unë jam në diplomaci që tash 30 vjet. Kurrë në parimet e mia nuk ka qenë standarti i dyfishtë në diplomaci apo veprimtaritë patriotike e atdhetare. Është koha të ecim përpara. Është koha për paqe dhe zhvillim. Është koha të ringrihemi nga e kaluara dhe të shohim përpara. Edhe unë kam 6 familjarë të vrarë e te zhdukur nga regjimi serb por kjo s’më pengon për tu ulur në bisedime me Serbinë me qëllim prosperitetin dhe zhvillimin e Kosovës dhe të qytetarëve të saj. Prezencën e Vatrës në Uashington nuk mund ta rrezikoj duke vepruar keq diplomatikisht. Vatra duhet të respektojë ato institucione që shqiptarët i kanë zgjedhur me votën e tyre. Vatra nuk takon individë, Vatra takon institucione. Vatra nuk saboton apo sulmon ato institucione që i ka njohur Uashingtoni apo Perëndimi. Vatra do të respektojë gjithmonë institucionet e shtetit të Kosovës dhe Shqipërisë perderisa ato janë votuar nga qytetarët. Nuk është etike, diplomatike, patriotike dhe totalisht jo perëndimore dhe në frymën e Uashingtonit që të sulmojmë institucionet e shtetit të Kosovës dhe Shqipërisë pavarësisht se nga kush drejtohen. Vatra nderon e respekton institucionet e votura. Nëse unë anashkaloj institucione të pranuara nga perëndimi dhe të votuara nga populli, kam bërë një hap fals në diplmaci. Kam 30 vjet në diplomaci aktive në Uashington. Standartet e dyfishta janë të papranueshme në diplomaci. Unë dua të kuptohem dhe të mirëkuptohem për këtë axhendë si në Kosovë dhe në Shqipëri.

Si e vlerësoni punën e qeverisë së Kosovës dhe Shqipërisë në përballje me pandeminë globale Covid-19?

Ka qenë një situatë shumë e rëndë dhe e vështirë për të dyja këto shtete. Kanë bërë maksimumin brënda kapaciteteve por është dashur edhe më shumë. Shpresojmë që situata të normalizohet sa më shpejt dhe jeta të kthehet në shkëlqimin e saj si më parë. Sapo të kthehemi në normalitet Vatra do jetë aty me ekspertët e saj më të mirë në ndihmë dhe rimëkëmbje të instituteve dhe instucioneve shëndetësore e shtetërore.

Si e vlerësoni përformancën informative dhe analitike të gazetës Dielli përgjatë pandemisë globale Covid-19?

Gazeta Dielli ka bërë një punë fantastike. Një performancë ekslente. Na ka bërë të gjithëve krenarë me atë që ka paraqitur në faqet e saj dhe formatin online. Si kurrë më parë në këtë periudhë mendjet më të ndritura dhe ekspertët shqiptarë më të spikatur në botë dhanë një ekspertizë shumë të vyer për lexuesit dhe vatranët. Ne jemi shumë krenar për këtë. Ky ishte një moment krenarie për këtë gazetë shekullore. Kryeredaktori i saj z.Greca me bashkëpunëtorët e tij punuan e vepruan pa u ndalur. Ata meritojnë nderimet e mia më të thella dhe respektin e gjithë komunitetit e vatranëve. Dielli shëndriti kudo dhe këdo. Dielli na përfaqësoi në mënyrë brilante.

Jeni vlerësuar nga Universiteti Luarasi me Titullin e lartë “Honoris Causa” dhe keni nënshkruar një kontratë për sponsorizimin e kolanës së historisë së Vatrës në 5 vëllime , si ndjeheni pas këtij rezultati personal dhe vatran?

Ishte një surprizë jashtëzakonisht e këndshme. Nuk e kam pritur. Ndihem i respektuar dhe i privilegjuar. Do ta mbaj me krenari dhe dinjitet këtë nderim shumë të lartë. Ky është një titull që nderon Vatrën dhe kontributin e saj historik. Nënshkrimi me miqtë e mi sponsorizues dhe Akademikun e nderuar Prof. Dr. Beqir Meta për kolanën e historisë së Vatrës me 5 vëllime i jep një dimension të ri shkencor Vatrës, veprimtarisë, historisë dhe rolit e kontributit të saj historik në dobi të çështjes kombëtare shqiptare. Gjatë qëndrimit tim në Tiranë u mundësuan nga miqtë e mi 20 mijë dollarë për të përmbushur një detyrim të jashtëzakonshëm të botimit të historisë së Vatrës. Suksesi i Vatrës është një sukses për të gjithë shqiptarët. Sapo të kthehemi në normalitet së bashku me një përfaqësi të gjërë të Vatrës do të vizitojmë Tiranën e Prishtinën për të parë nga afër ecurinë e sukseseve, përparimin e vendeve tona dhe zbatimin e marrëveshjeve të nënshkruara. Kjo është Vatra e shekullit të 21 që respekton qeveritë e zgjedhura me vota demokratike. Ne do të lobojmë e influencojmë në qëllim të mirë të axhendës kombëtare patriotike në Perëndim dhe Uashington.