Mirenjohje – Page 3 – Dielli

Festa ne Kryeministri:Rama”Mirenjohje” per kuqezinjte

October 12, 2015 by dgreca

Nga Gjergji Mima/. -Kombëtarja shqiptare e futbollit ka mbërritur në Kryeministri ku është pritur nga kryeministri Edi Rama, në një pritje zyrtare.
Nën brohorimat e mijëra tifozëve kuq e zinj, lojtarët e Kombëtres kanë hyrë në Kryeministri, pasi u ekzekutua himni kombëtar.
Ne podium ndodheshin Kryeministri Rama, trajneri Gianni De Biassi dhe kapiteni Kombetares, Lorik Cana.
Rama, Medalje ‘Mirënjohjeje’ për Kombetaren shqiptare, për trajnerin Giani De Biasi dhe për FSHF-në
Kryeministri Rama ka akorduar medalje ‘Mirënjohjeje’ për Kombëtaren shqiptare, për trajnerin Giani De Biasi dhe për Federatën Shqiptare të Futbollit.
Kryeministri Rama duke falenderuar trajnerin De Biasi dhe futbollistët e Kombëtares për arritjen historike, theksoi se ata kurorëzuan “vrapimin dy vjeçar drejt një ëndrre të pamundur”.
“Një ëndërr që dy vjet më parë askush nuk e mendonte, përveç trajnerit që pasi mori dhe nënshtetësinë shqiptare mendonte se mund ta ngjiste me fanelën kuq e zi majën e frikshme evropiane”, tha Rama.
“Mallkimi i rikthyer i minutave të fundit e fashiti ëndrrën evropiane. Madje disa u vunë kundër jush, harruan ëndrrën kuq e zi, harruan që edhe sikur aty të mbyllej vrapimi juaj, ju i kshit dhuruar një Shqipëri të denjë konkurruese krenare, e cila në grupin e vet arriti përherë të parë të luftonte për të shkuar në finalet e mëdha, duke lënë pas kombëtare që nuk krahasoheshin me ne as për vlerë monetare as për potenciale. Harruan që kishim një grup ferri me skuadra të vështra. As që donin t’ia dinin se ju kishit siguruar play- offin. Ngatëruan lojën me luftën, topin me armët”, tha Rama.
“Kush nuk e ka mbajtur asnjëherë nuk mund të kuptoj atë peshë që ka ajo fanellë kuq e zi. Nuk do e harroj kurrë dhomën e zhveshjes në ‘Elbasan Arena’, lotët, dhimbjen, trupat e ngrirë, fjalët e kapitenit. Ishte momenti që vendosi të nesërmen dhe bën dallimin mes skuadrave të vërteta si e juaja”, theksoi Rama.
Kryeministri ka paralajmëruar ndërtimin e një stadiumi Kombëtar në Tiranë, e cia do t’I kushtohet kombëtares kuq e zi. “Arena kombëtare do t’iu kushtohet juve dhe në një pllakë të artë do të shkuhen emrat tuaj”, u tha futbollistëve Rama.

Cana: Vlerësimi na gëzon shumë

atobuzi (5)Kreu i qeverisë ia ka dhënë fjalën të parit kapitenit Lorik Cana. Duke shprehur falenderime për pritjen e bërë dhe hovin e tifozëve, Cana tha se, “në emër të ekipit është shumë e vështirë të gjejmë personat të cilët brenda vendit në institucione dhe shoqëri, të gjithë e dinë pasionin për vendin, është vështirë të kuptosh të sakrificën dhe mundin.
“Disa janë këtu sepse e dinë që I nderojnë familjarët e tyre dhe veten dhe si unë më I vjetri në kombëtare. Kemi ardhur me një qëllim dhe vlerësimi na gëzon shumë. Në emër të ekipit jemi krenar dhe të lumtur që të tjerët i bëmë të lumtur. Unë e thash edhe dje, pavarësisht se e kemi fatin në dorën tonë, ‘Shqiptarët do të fitojnë cdo luftë sapo të kenë mbaruar betejat me veten”. Suksesi është meritë e djemve, që duhet të merren si shembull, deri të magazinieri. “, tha Cana.

De Biasi: Pa këta djem nuk do të kisha bërë asgjë

autobuzEdhe trajneri i kombëtares, Gianni De Biassi e ka marrë fjalën, ndërsa me tone humori tha se kishte probleme me tonin e zërit.
“E kam zërin e ulët dhe nuk kam përgatitur asgjë. U përlota, ke një aftësi për të prekur telat e zemrave të njerëzve. Kam një moto ‘beso në fuqinë e ëndrrave të tua dhe do të kthehen në realitet”. Pa këta djem nuk do të kisha bërë asgjë, i bashkova dhe i shoqërova me të gjithë ju, falë edhe bashkëpunimit me Presidentin. Jam përpjekur që të marr më të mirën nga të gjithëe, ata përbëjnë një ‘lënëdë plasëse’. Shpresoj që mos u zhgënjejmë”, tha De Biasi.
Duka: Prania e kryeministrit në zhvillimin e futbollit shqiptar ka qenë konkrete në ndërtimin e stadiumeve.
Në prezantimin për presidentin Duka, Kryeministri Rama u shpreh se “Me presidentin Duka kemi nesiur të guxojmë realizimin e ëndrrës së finaleve pas ndeshjes në Serbi. Tre net më parë kur u ndamë me presidentin, tha një fjalë që më shënoi në mendje, nuk erdhëm deri këtu që të mbarojë. Ndërsa mbrëmë pas ndeshjes tha, nuk mbaron këtu, synon më tej, mbase vendin e Blaterit apo Platinisë, të cilin e zuri haku I shqiptarëve. Ndërsa unë dua kontratën e De Biasit, ndërsa për pikët nëse nuk vjen kurrë mos ardhtë”tha ai.
Ndërsa Duka në fjalën e tij theksoi se “Flaminderit për gjithcka që është organizuar. Prania e kryeministrit në zhvillimin e futbollit shqiptar ka qenë në cdo moment konkrete në ndërtimin e stadiumeve. Stadiumi i ri në Tiranë besoj që do të jetë më i bukuri. Ju falenderoj për vizitën në Durrës para Serbisë. Ju falenderoj cunat shumë, nuk mjafton edhe sikur t’iu puth gjithë ditën. Ekipi ka një zemër të madhe dhe e mertiojnë, jo vetëm kaq, por edhe më shumë se kaq. Falenderoj edhe ata që na pritën, kjo më kënaq shumë edhe mua, mediat në rrugëtimin, por edhe ata që na kanë kritikuar. I ftoj të rrinë në qetësi ata që kanë hedhur baltë. Dua që cunat ta shijojnë suksesin në Francë, do të jem I gëzuar që ata të kënaqen, por nuk duhet të shkojmë për turizëm në Francë, mos mjaftohemi vetëm me grupet”deklaroi ai.

Mijera qytetare presin Kombetaren

atobuzi (4)Mijera qytetarë kane duatrokitur kombetaren shqiptare sapo autobuzi ka mberritur nga Aeroporti Nene Tereza prane selise se kryeministrise, ku u organizua pritja ceremoniale ne prani te kryeminsitrit Edi Rama.Brohorima , duatrokitje, urime , kane mbushtur qiellin gri te kesaj te hene, dhe sheshin para kryeministrise se shqiptareve.
Sportadashës, të rinj e të reja, janë në pritje të nisjes së nje koncerti të madh, i organizuar nga Digitalb ne nderim te fitores se madhe e e cila coi Shqiperine ne Kampionatin Europian, France 2015,
Ne kete koncert do të jenë të pranishëm dhe futbollistët e ekipit tonë kombëtar, pas takimeve që këta të fundit do të zhvillojnë me kryeministrin Edi Rama dhe Presidentin Bujar Nishani.
Në shesh, sportdashës, të veshur kuq e zi, kanë ardhur nga të gjitha qytetet e Shqipërisë, por dhe nga Kosova e Evropa. Ndërkohë, grupe valltaresh interpretojnë nën ritmin e këngëve popullore, ndërsa në koncert pritet të performojnë këngëtarë të njohur të muzikës shqiptare, si Flor Mumajesi, Elvana Gjata, etj.

MIRËNJOHJE PËR KONTRIBUTET E DIASPORËS

October 2, 2015 by dgreca

*IPESHKËVI I KOSOVËS, IMZOT DOD GJERGJI NDANË MIRËNJOHJE PËR KONTRIBUTET E DIASPORËS PËR FONDET E KATEDRALES “NËNË TEREZA”

*Informon për DIELLIN z. Marjan Cubi, kryetar i Qendrës Kulturore “Nënë Tereza” të Kishës “Zoja e Shkodrës” dhe Kryetar i Këshillit për mbledhjen e Fondeve./

* Me Mirënjohje është vlerësuar Federata VATRA, zv/ Kryetari Agim Rexhaj, Marjan Cubi, anëtarët e Këshillit dhe vatranët Rrustem Gecaj, Besim Malota, Ibrahim Kolari, Sejdi Hysenaj, Hajdar Bajraktari, Zef Balaj, Sergio Bitiçi, Sabit Bitiçi, Beqir Sina Mhill Gjuraj, Fran Marku, Mehill Velaj, Lek Perlleshi, Pashk Maksuti, Simon Simolacaj, Anton Raja, Elmi Berisha, Simon Qafa, Gjok Deçkaj,Leka Gojçaj dhe Editori i Diellit, Dalip Greca.

***

Kontributi i shqiptaro-Amerikanëve të Trishtetshit, NY, NJ dhe CT për mbledhjen e fondeve për ndërtimin e Katedrales “Nënë Tereza” në Prishtinë është i konsiderueshëm. E gjithë diaspora shqiptare meriton vlerësim sepse ka mbajtë peshën kryesore në fushatë, por shqiptaro-amerikanët e trishtetshit, kryesojnë.Ipeshkëvi i Ipeshkëvisë së Kosovës, Imzot Dod Gjergji, u ka akorduar mirënjohje shumë prej kontributorëve.

Në informacionin që i përcolli Gazetës”Dielli” z. Marjan Cubi, tregon se fushata, që i kaloi një milion e gjysëm dollarë, e nderon komunitetin shqiptar në Nju Jork me rrethina sepse është kontributi më i madh në Botën Shqiptare.

Cubi veçon në mënyrë të veçantë punën e lavdërueshme që bëri Këshilli i Nju Jork-ut me rrethe.

Ndër Mirënjohjet e dërguara nga Imzot Dod Gjergji, veçojmë: Dom Pjetër Popaj- Kryetar i nderit, Marjan Cubi – Kryetar i Këshillit, Lekë Përlleshi-Sekretar, Mark Shkreli – Arkatar 1 , Pashk Maksuti-Arkatar 2 , Agim Rexhaj, Sergio Bitiçi,Fran Marku, Gjergj Paloka, Ibrahim Kolari, Cin Gjonaj, Kol P. Cacaj, Lekë Vataj, Lek Gojani, Lule Gjokaj, Marjan Marku, Mark Gjoku Ulaj, Martin Rrasi, Mhill Gjuraj, Mihill Velaj, Palush Marku, Beqir Sina, Dalip Greca, Vehbi Bajrami, Fran Çotaj, Palok Rudaj, Zef Rudaj dhe Nik Kajtazi.

Kryetari i Këshillit për mbledhjen fondeve, z. Cubi, në listën e atyre që kanë kontribuar me shuma më shumë se 20. 000 dollarë, veçon: Xhim Xhema, Leka Gojçaj, Gjekë Gjonlekaj, Hajdar Bajraktari, Joseph Dioguardi, Noc Simolacaj,

Simon Simolacaj, Pashko Stanaj, Gjon Lleshaj, Mark Përlleshi , Hil Përlleshi, Rrustem Gecaj, Zef Balaj, Pal Nikollaj, Ansambleisti i NY z. Mark Gjonaj, dhe Federata Panshqiptare e Amerikës” Vatra”.Për të gjithë këta kontributorë Ipeshkëvia e Kosovës ka dërguar Mirënjohje të firmosura nga Ipeshkëvi Dod Gjergji.

Mirënjohje u janë akorduar edhe kontributorëve përmes Turneut të golfit si: Anton Raja, Gloria Raja, Elmi Berisha, Ismer Mjeku, Simon Qafa, Lon Gjoni, Sabit Bitiçi, Sejdi Bitiçi,Martin Shkreli, Martin Pjetri, Besim Malota dhe Nazar Mehmeti nga Texasi.

Bie në sy vlerësimi i veçantë që është bërë për VATRËN dhe Vatranët.

Një Mirënjohje e veçantë i është dërguar Federatës Vatra, dhe vatranëve: Zv/Kryetarit Agim Rexhaj, arkëtarit Marjan Cubi, anëtarëve të Këshillit dhe mbështetësve të Vatrës: Rrustem Gecaj,Ibrahim Kolari, Besim Malota, Sejdi Hysenaj, Hajdar Bajraktari, Zef Balaj, Sergio Bitiçi, Sabit Bitiçi, Beqir Sina Mhill Gjuraj, Fran Marku, Mehill Velaj, Lek Perlleshi, Pashk Maksuti, Simon Simolacaj, Anton Raja, Elmi Berisha, Simon Qafa, Gjok Deçkaj,Leka Gojçaj dhe Editorit të Diellit, Dalip Greca.

Mirënjohje për zonjën Nimfa Hakani

April 22, 2014 by dgreca

Nga Prof.dr. Eshref Ymeri/
Në faqen internetike të gazetës “Fjala e lirë” të datës 21 prill 2014, lexova shkrimin mjaft interesant me titull ““Kozmopolitizmi” dhe “Europianizmi” shqiptar shfaqet në mënyrë të shëmtuar”, me autore zonjën Nimfa Hakani nga Nju Jorku. Në këtë shkrim, ndër të tjera, thuhet:
“Këto ditë po flitet gjerësisht në gazetat shqiptare si këndej dhe matanë kufirit për ftesën e bërë nga TV Klan për pjesëmarrjen e këngëtarit serb Zdravko Çoliç në festivalin e këngës, të organizuar nga ky stacion televiziv. Tre këngëtarë shqiptarë nga Kosova e bojkotuan festivalin, të lënduar keqasi që një këngëtar serb që i ka kënduar Serbisë së “lavdishme” dhe ka shprehur përbuzje për shqipëtarët përgjatë jetës së tij, dhe është shprehur se “Kosovcje je Serbija”( Kosova është Serbi) të marrë pjesë krahas tyre në festival. Logjika e thjeshtë nuk e kupton dot këtë ftesë. Të bën përshtypje se sa pak ka reaguar opinioni shqiptar dhe figurat e shquara të opinionit shqiptar. Të vjen turp kur lexon deklaratat e këtij serbi: “Kisha shumë fansa në Tiranë, saqë nga ora 7 e mëngjesit e deri në ora 10:15 janë mbledhur mijëra femra edhe për t’u fotografuar me mua, edhe për autografe. Prandaj planifikoj një koncert në Tiranë, por akoma nuk e kam përcaktuar se ku do të mbahet… Por planifikoj koncert edhe në Shkodër”.
Personalisht, dëshiroj ta përshëndes me gjithë zemër zonjën e nderuar Nimfa Hakani për këtë reagim me shumë të drejtë kundër ftesës që TV Klan i paska bërë këngëtarit shovinist Zdravko Çoliç.
Me këtë rast, dëshiroj të theksoj se TV Klan nuk ka bërë ndonjë gjë të jashtëzakonshme në qëndrimin aq dashamirës që ka mbajtur ndaj Zdravko Çoliçit. Me këtë qëndrim, TV Klan e pasuron edhe më tej traditën antinacionaliste të klasës politike shqiptare, traditë kjo, e cila zanafillën e ka më 08 nëntor 1941. Pikërisht që asokohe kur emisarët jugosllavë Miladin Popoviçi dhe Dushan Mugosha, në mbledhjen themeluese të Partisë Komuniste të Shqipërisë, aprovuan një Rezolutë të përgatitur paraprakisht në Beograd. Në atë rezolutë u mboll fara antishqiptare e rrezikshmërisë që vinte për Jugosllavinë nga nacionalizmi shqiptar, i cili kërkonte ribashkimin e Kosovës me Shqipërinë.
Pikërisht fara e antinacionalizmit shqiptar, e mbjellë me shumë kujdes në atë mbledhje themeluese nga Miladin popoviçi dhe Dushan Mugosha më 08 nëntor 1941, në praninë pjesëmarrësve shqiptar që luanin veç rolin e kukullave të Beogradit, farë kjo që Enver Hoxha, kur erdhi në pushtet më 1944, filloi ta selitë me një përkujdesje shembullore gjatë një periudhe mbi 40-vjeçare, i ka lëshuar rrënjët thellë në ndërgjegjen e shumë shqiptarëve të Shqipërisë Londineze. Prandaj edhe shqiptarëve të kësaj nahijeje nuk u bëjnë kurrfarë përshtypjeje deklaratat e këngëtarit shovinist Zdravko Çoliç. Ashtu siç nuk u kanë bërë përshtypje shumë e shumë gjëra të tjera, si fyerja e veprës së Fan Nolit dhe të mbretiti Ahmet Zogu përmes lejimit të pushtimit të kreut të kishës ortodokse prej një prifti grek, përfaqësues i shovinizmit grekomadh dhe i kishës shoviniste greke, tradicionalisht armike e betuar e kombit shqiptar, ngritja e varrezave të ushtarëve agresorë grekë në Jugun e Shqipërisë dhe e memorialeve në nderim të tyre dhe shumë e shumë gjëra të tjera të natyrës antikombëtare.
Nacionalizmi, si ideologji kombëtare, edukohet që në familje, nën ndikimin e klasës politike të vendit dhe mandej, vetvetiu, përcillet në vetëdijen e çdo anëtari të familjes. Prandaj fëmijët edukimin me frymën e ideologjisë kombëtare e marrin dhe duhet ta marrin që në familje, aty ku zë fill formimi atdhetar i qytetarit dhe i shtetasit të ardhshëm shqiptar. Mandej ky formim vazhdon të konsolidohet në shkollë, që nga bankat e arsimit shkollor e deri në universitet. Por familjet shqiptare nuk marrin asgjë nga klasa politike shqiptare në aspektin e formimit me ideologji kombëtare, me nacionalizëm shqiptar. Prandaj edhe ato vajzat shqiptare që kanë rendur pas këngëtarit shovinist Zdravko Çoliç, për të dalë në fotografi me të dhe për t’i marrë autografe, e kanë prejardhjen nga familje pa kurrfarë vetëdijeje kombëtare, se formimi nacionalist i prindërve të tyre është shterp krejtësisht. Për formim nacionalist dallohen vetëm ato familje shqiptare që vetëdijën kombëtare e kanë të trashëguar brez pas brezi prej pararendësve të tyre të nderuar. Dhe jam i bindur se asnjë vajzë me prejardhje nga familje të tilla nuk ka qenë e pranishme mes atyre mendjekarafileve që rendnin pas shovinistit Zdravko Çoliç për t’iu servilosur në një mënyrë aq të pështirë, duke kërkuar të dilnin me të në fotografi apo t’i merrnin autografe.
Në fund, dëshiroj ta falënderoj zonjën e nderuar Nimfa Hakani, e cila, në shkrimin e saj, me shumë të drejtë, i jep një leksion të mirë klasës politike shqiptare për faktin që i ashtuquajturi opinion i shquar shqiptar pothuajse s’ka reaguar fare ndaj deklaratave të këngëtarit shovinist Zdravko Çoliç kundër Kosovës, opinion ky që s’është gjë tjetër, veçse pasqyrë e po kësaj klase politike në fjalë. Falënderoj, po ashtu, tre këngëtarët kosovarë për formimin e tyre nacionalist, të cilët e kanë braktisur festivalin e TV Klan.

Tiranë, 22 prill 2014

Shqipëri, Medalja e Mirënjohjes për autorë të veprave studimore dhe artistike

December 27, 2012 by dgreca

Presidenti Nishani nderoi autorë librash e botimesh historike si dhe artistë, mes të cilëve edhe gazetarin e Zërit të Amerikës, Ilir Ikonomi/

Në Shqipëri presidenti Bujar Nishani nderoi me 27 Dhjetor me Medaljen e mirënjohjes autorë të veprave studimore dhe artistike kushtuar 100- vjetorit të pavarësisë.
Presidenti Nishani nderoi autorë librash e botimesh historike, si dhe artistë të cilët kanë realizuar disa vepra me rastin e përvjetorit të pavarësisë së vendit, mes të cilëve edhe gazetarin e Zërit të Amerikës Ilir Ikonomi për librin e tij kushtuar udhëtimit të Ismail Qemalit drejt Vlorës.
Kreu i shtetit deklaroi se me veprat e tyre këta autorë “hapën një rrugë dhe nxitën në radhë të parë studiuesit, krijuesit, artistët, historianët të fillojnë të mendojnë më shumë për historinë e Shqipërisë, për të evidentuar më shumë vlerat e kësaj historie si dhe për t’u ofruar një informacion real, transparent, qytetarëve shqiptarë, shqiptarëve kudo që ndodhen, por edhe miqve të Shqipërisë dhe të shqiptarëve mbi historinë e këtij vendi dhe kombi”, u shpreh kreu i shtetit në ceremoninë e dhënies së Medalieve të Mirënjohjes.(Kortezi: Zeri i Amerikes)

MIRENJOHJE NE 100 VJETORIN E PAVARESISE

November 26, 2012 by dgreca

100 vjetori i Pavarësisë, mirënjohje Shteteve të Bashkuara të Amerikës/

Në rast se shqiptarët për herë të parë në historinë e re janë të barabartë dhe krenarë në familjen e popujve euroatlantikë, si anëtar të NATO-s apo si qytetarë të lirë të kontinetit të tyre, merita kryesore u takon SHBA-ve, të cilat në fillim të viteve ‘90-të, e nxoren Shqipërinë nga izolimi i vetëkërkuar, ekonomia e centralizuar dhe aleancat antikombëtare me bazë ideologjike, duke e orientuar atë në rrugën e lirisë dhe të begatisë për popullin e saj. Në rast se Shqipëria nuk do të dilte nga izolimi për të përshtatur në vend rregullat e ekonomisë së tregut, lëvizjes së lire dhe hapjes ndaj botës, duke respektuar liritë dhe të të drejtat themelore të njeriut, çështja jonë kombëtare kurrë nuk do mund të bëhej një çështje europiane dhe ndërkombëtare. Ruajtja e miqësisë me Shtetet e Bashkuara të Amerikës është garanci për Shqipërinë demokratike të 100 viteve të ardhshme./

Nga Mujë Buçpapaj (Tiranë)/

Presidenti Amerikan Barak Obama në telegramin dërguar Presidentit shqiptar, Bujar Nishani, konfirmoi edhe njëherë miqësinë e popullit amerikan me shqiptarët, duke i bërë edhe më domethënëse kremtimet e 100 vjetorit të pavarësisë. Ashtu siç kishte deklaruar në Tiranë sekretarja amerikane e shtetit, Hilari Klinton, edhe presidenti Amerikan shprehu ndjenjat më bensike ndaj Shqipërisë dhe pavarësisë së saj, duke rishprehur një qëndrim të konfirmuar tashmë të politikës shtetërore amerikane, prej fillimit të shekullit të njëzetë.

Në rast se shqiptarët për herë të parë në historinë e re, janë të barabartë dhe krenarë në familjen e popujve euroatlantikë, si anëtarë të NATO-s apo si qytetarë të lirë të kontinetit të tyre, merita kryesore u takon SHBA-ve, të cilat në fillim të viteve ‘90-të, e nxorën Shqipërinë nga izolimi i vetëkerkuar, ekonomia e centralizuar dhe aleancat antikombëtare me bazë ideologjike, duke e orientuar atë në rrugën e lirisë dhe të begatisë për popullin e saj. Në rast se Shqipëria nuk do të dilte nga izlomi, për të përshtatur në vend rregullat e ekonomisë së tregut, lëvizjes së lire dhe hapjes ndaj botës, duke respektuar liritë dhe të të drejtat themelore të njeriut, çështja jonë kombëtare kurrë nuk do mund të bëhej një çështje europiane dhe ndërkombëtare.

Rivendojsa e aleancave natyrore me SHBA-të, dhe aleatët tjerë perëndimore dhe nderkombëtarë, bëri të mundur prezentimin e çështjes së Kosovës, dhe në përgjithësi të çështjes shqiptare në Ballkan, e cila rezulton të jetë çeshtja më e nderlikuar në Europë si një çeshtje e një kombi të ndarë padrejtësisht nga fuqitë europiane në vitin 1913. SHBA-të e inkurajuan Shqipërinë të linte pas të kaluarën diktatoriale duke shikuar nga e ardhmja, si një komb i cili dëshiron të konkurojë me dinjitet në rajon dhe Europë. Gjatë këtyre 22 vjetëve në liri, SHBA-të e kanë ndihmuar Shqipërinë financiarisht, dhe politikisht duke qënë sot në këtë 100 vjetor një vend në liri, krejt i ndryshëm nga ai i dy dekadave më parë, kur sekretari amerikan i shtetit, Xhejms Beker, na pati premtuar se liria punon, se liria jep rezultate, për t’u shndërruar sot në një demokraci, që, siç tha edhe zonja Klinton më 1 nëntor 2012, fuksionin dhe ecën përpara.

Është krejt e qartë se në rast se SHBA-të nuk do të kishin marrë në dorë çeshtjen shqiptare, ajo jo vetëm nuk do të ishte zgjidhur ndonjëherë, por as që do të shtrohej për zgjidhje. Spastrimi etnik i kryer nga shteti serb ndaj shqiptarëve të Kosovës në vitet 1998-1999, është dëshmia më e mirë e këtij kërcënimi ndaj ekzistencës së kombit shqiptar, por edhe e vendosmerisë së sinqertë e SHBA dhe Presidentit Amerikan Bill Klinton për të mbrojtur shqiptarët në ditën e tyre më të veshtirë. Është thënë disa herë se kremtimi 100 vjetorit të Pavarësisë nuk do të kishte ndonjë emocion të madh në rast se Kosova nuk do të ishte e lirë dhe e pavarur. Kolacioni ndërkombëtar i udhehequr nga SHBA-të bëri të mundur jo vetëm çlirimin e Kosovës por edhe njohjen e pavarëisë së saj, integrimit të saj në strukturat ndërkomëbëtare. Vetëm falë mbeshtetjes së SHBA 100-vjetori i Pavarësisë tonë, festohet sot edhe në Shkup, me flamuj kuq e zi, me akademi përkujtimore, me veprimtari masive ku janë përfshirë mbi njëmilionë shqiptarë etnikë që jetojnë në Maqedoni.

Nuk duhet të harrojmë se pas çdo urimi dhe përshendetje që ne i japim njëri-tjetrit dhe miqve tanë në këtë 100 vjetor, qëndrojnë SHBA-të, Presidenti Uillson, Presidenti Regan, Presidenti Xh.H.Bush, Presindeti Bill Klinton, Presidneti Xh.W. Bush, Presidneti Barak Obama dhe mijëra zyrtarë amerikanë të të gjitha niveleve që mbrojten çështjen shqiptare në të gjitha kohërat, që lobojnë edhe sot anambanë botës për Shqipërinë për Kosovën dhe shqiptarët në rajon. Shqipëria në këtë 100 vjetor ka shumë sfida përpara. Konkurenca në familjen e popujve është e madhe, ndërsa kërkesat e ndërkombëtarëve ndaj shtetit shqiptar janë shumë më të mëdha krahasuar me dhjetë apo 20 vjet më parë. Shqipëria tashmë është një shtet 100 vjeçar, por ajo duhet ta reflektojë këtë pjekuri në institucionet e saj, në zbatueshmëinë e ligjit dhe fuknsionimin e institucioneve.

Vertetë, SHBA-të janë miq të shqiptarëve, por ne duhet të ruajmë dhe ta forcojmë edhe më tej këtë miqësi, duke krijuar lidhje edhe më të ngushta me shtetin amerikan, duke kryer gjithmonë detyrat tona të cilat janë shumë të rëndësishme për ecjen përpara të demokracisë bazuar tek ekonomia e tregut dhe garantimi i lirive dhe i të të drejtave themelore të njeriut. Njëqind vjet më parë rilindësit tanë e patën të qartë vizionin për të nxjerrë Shqipërinë nga perendoria osmane dhe hedhur themelet e një shteti të modelit europian, perëndimor, i takon këtij brezi të shqiptarëve që të dijnë të orientojnë Shqipërinë e 100 viteve të ardhshme, të sigurtë dhe krenare.