Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

Koronavirusi i merr jetën zyrtarit të Policisë së Kosovës… Ilir Gjoka(djalë i dajës i Kryetarit të Vatrës)

by

Ka humbur betejën me koronavirusin, Ilir Gjoka, zyrtar policor nga ekipi reagues në Stacionin Policor në Gjakovë.

Informacionin e kanë konfirmuar për median burime brenda Klinikës Infektive në QKUK.

Gjoka po luftonte me koronavirusin, por së fundmi iu përkeqësua gjendja shëndetësore ku edhe pak më parë ndërroi jetë.

Ilir Gjoka është djali i dajës i kryetarit të Vatrës z. Elmi Berisha. Redaksia e gazetës Dielli I shpreh ngushëllimet më të thella familjes Gjoka, si dhe kryetarit të Vatrës. I pushoftë shpirti në Paqe!

NJOFTIM MORTOR NGA FAMILJA ZHERKA

by


Me dhimbje e pikëllim të thellë njoftojmë farefisin, miqtë dhe dashamirët se nga pasojat e COVID-19 në New Jersey të ShBA-së, ka ndërruar jetë në moshën 63 vjeçare KUJTIM(MUS)ZHERKA (9.05.1957 – 4.22.2020)

Per shkak të gjendjes së krijuar nga Covid-19, varrimi  do të bëhet vetëm nga rrethi i ngushtë familjar.
Ceremonia e varrimit bëhet në New Jersey SHBA.

Shpirti i ti paste gjete  në paçen e amëshuar!

Të pikëlluarit
Familja e gjere Zherka

VILSON HIL PERLLESHI NDËRROI JETË NË SPITAL, KRYETARI I VATRËS NGUSHËLLON FAMILJEN PERLLESHI

by

VILSON HIL PERLLESHI NDËRROI JETË NË SPITAL, KRYETARI I VATRËS NGUSHËLLON FAMILJEN PERLLESHI/

Bashkatdhetari ynë Vilson Hil Përlleshi nuk mundi ta fitonte betejën me virusin vdekjeprurës COVID-19. Pas një dyluftimi të ashpër me virusin e padukshëm në spitalin “Northern Westchester Hospital” Mount Kisco- New York, ai ndërroi jetë ditën e Hënë, me 20 prill 2020. Vilsoni ishte i lindur me 14 shtator 1973.

Vilson la në pikëllim të thellë gruan e tij me katër fëmijët, prindërit, tre vëllezër dhe një motër.

E gjithë familja e madhe Përlleshi po përjeton dhimbjen për ikjen e parakohshme të njeriut të saj të dashur dhe Lutet për shpirtin e Tij!

Lek Përlleshi, që i përcolli lajmin gazetës Dielli, tha se “ende nuk po e besojmë se Vilsoni iku në amshim pa Lamtumirë. Besonim shumë se ai do ta fitonte këtë betejë por vdekja na e rrëmbeu Vilsonin tonë të dashur duke na lënë në pikëllim të thellë, me dhimbje në zemër, dhe me lot ndër sy.”

Për shkak të urdhëresave të shtetit që nuk lejon grumbullimet në kohën e Pandemisë ceremonia do të jetë private nga familja.

Kryetari i Federatës Pan Shqiptare të Amerikës “VATRA” z. Elemi Berisha, në emër të Kryesisë së Vatrës dhe të gjithë vatranëve i përcjell ngushëllimet më të sinqerta Familjes Përlleshi për humbjen e njeriut të saj të dashur. 

Edhe gazeta Dielli ngushëllon familjen Përlleshi.

Ngushëllime vatranit, anëtarit të Këshillit të Vatrës, z. Lek Përlleshi për humbjen e nipit të tij të dashur!

Lutemi për Vilsonin!

I pushoftë shpirti në Paqe!

MARJAN CUBI DHE VATRA NGUSHËLLOJNË FAMILJEN JAKAJ

by

Një ndër viktimat e COVID-19 në Queens, New York, është edhe Mark Jakaj, djali i dajës i Marjan Cubit, arkëtar i Vatrës. 

Vatra dhe gazeta e saj Dielli, bashkohen me Marjanin dhe familjen e tij, duke i përcjellë ngushëllimet më të sinqerta familjes Jakaj dhe miqëve për humbjen e njeriut të tyre të Dashur.

      Mark Jakaj ndërroi jetë të Mërkurën me15 Prill në moshën 51 vjeçare, duke mos e përballuar betejën me virusin e padukshëm COVID-19.

      Duke iu përgjigjur urdhëresave të shtetit për moslejimin e grumbullimeve në funeral dhe në pamundësi për të pritur ngushëllime, familja do të organizoi varrim privat. 

Lutemi bashkë me familjen!

Markut i pushoftë shpirti në Paqë!

ZADE BAJRAKTARI-KAMBERAJ NDËRROI JETË NË PRISHTINË

by

NËNA E GAZETARIT SINAN KAMBERAJ NDËRROI JETË NË PRISHTINË, KRYETARI I VATRËS NGUSHËLLON FAMILJEN ./

Të Premten, 10 Prill 2020, ndërroi jetë në Prishtinë ZADE BAJRAKTARI-KAMBERAJ, nëna e gazetarit Sinan Kamberaj.

Njoftimin e përcolli sot në faqen e tij të fb Sinan Kamberaj.

       Në Njoftim shkruhej: Sot, në moshën 98 vjeçare, ndërroi jetë NANA, gjyshja dhe stërgjyshja jonë e dashtun- ZADE BAJRAKTRI- KAMBERAJ(1922 – 2020).

          Trupi i saj u varros sot në varrezat e qytetit në Prishtinë, në prani të rrethit të ngushtë familiar.
Pushoftë në Paqe shpirti i saj!

         Kryetari i Federatës VATRA, z. Elmi Berisha, në emër Kryesisë, Këshillit, degëve të saj si dhe në emër të gjithë vatranëve, i përcjell ngushëllimet më të thella për nënën z.Sinan Kamberaj si dhe familjeve Sinani dhe Bajraktari.

      Gazeta”Dielli” ngushëllon bashkëpunëtorin dhe kolegun Sinan Kamberaj për humbjen e  nënës së Dashur!

Pushofët në Paqë shpirti i Nëns Tuaj  Zade Bajraktari-Kamberaj!