Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

Kosovë-opozita: Nesër në ora 14:00, protestë në Prishtinë

by

-Herën e kaluar, në 28 nëntor, në manifestimin e opozitës në Prishtinë sipas vlerësimeve të saj ishin 35 mijë pjesëmarrës/
PRISHTINË, 8 Janar 2016/ “Nesër në ora 14:00, do të mblidhemi tek Biblioteka Kombëtare, për të nisur kështu protestën për shtet me sovranitet dhe kundër Qeverisë antikushtetuese”, deklaruan sot Lëvizja Vetëvendosje, Aleanca për Ardhmërinë e Kosovës dhe Nisma për Kosovën.
Para protestës së nesërme në Prishtinë, opozita e bashkuar kosovare mbajti sot konferencë shtypi në Sheshin Skenderbeu, afër ndërtesës së qeverisë së Kosovës.
Kryetari i Aleancës për Ardhmërinë e Kosovës, Ramush Haradinaj, u bëri thirrje qytetarëve të Kosovës që të bashkohen në protestën e nesërme. “I ftoj të gjithë qytetarët që në ora 14:00 të vijnë tek Biblioteka Kombëtare, e të marshojmë bashkë deri në Sheshin Skenderbeu. Të protestojmë për anulimin e marrëveshjeve të dëmshme dhe të kërkojmë llogaridhënie nga ata që e shkelën Kushtetutën”, tha Haradinaj.
Visar Ymeri, Kryetar i Vetëvendosje-s, tha se nesër është një ditë jashtëzakonisht e rëndësishme për Republikën e Kosovës. “9 janari është dita e protestës gjithëpopullore, dita e protestës së qytetarëve kundër marrëveshjeve të dëmshme dhe të rrezikshme që i ka nënshkruar qeveria e Kosovës, dhe kundër këtyre shkelësve të Kushtetutës. Nesër, qytetarët do të bëhen bashkë për ta kërkuar sovranitetin e vendit. Republika e Kosovës nuk mund të udhëhiqet nga njerëz që me vendimet e veta tentuan ta përmbysin rendin kushtetues të vendit”, theksoi Ymeri.
Kryetari i Nismës për Kosovën, Fatmir Limaj, tha se nesër në shesh do të protestojmë masivisht, për të mos lejuar që shkelësit e Kushtetutës të vazhdojnë të qeverisin me vendin. “Është momenti kur zëri qytetar duhet të jetë i bashkuar dhe i fuqishëm, ashtu që të mos lejojë një precedent të keq në Kosovë që shkelësit e Kushtetutës të vazhdojnë të qeverisin. Nëse ata refuzojnë të japin llogari, atëherë edhe ne si qytetarë duhet të refuzojmë të na qeverisin shkelësit e Kushtetutës”, u shpreh Limaj.

Herën e kaluar, në 28 nëntor, në manifestimin e opozitës në Prishtinë sipas vlerësimeve të saj ishin 35 mijë pjesëmarrës. Manifestimi ishte ftuar nga opozita në kundërshtim të katër marrëveshjeve të 25 gushtit me Serbinë, veçmas asaj për asociacionin e komunave me shumicë serbe në Kosovë, si dhe kundër marrëveshjes për demarkacionin e kufirit me Malin e Zi./b.j/

Protestë e Studentëve në Tiranë

by

Sali Berisha: Të mbështesim studentët në protestën e tyre/
Foto: Pamje nga protesta e sotme. Fotografi e korrespondentit te Diellit Shefqet Kercelli/
Studentë të Lëvizjes për Universitetin, protestuan sot, e Merkure 11 nentor, kundër ligjit të ri të arsimit të lartë, kryeministri Rama u ka dhënë përgjigje nga Durrësi, ku po merrte pjesë në një takim, për prezantimin e arritjeve të qeverisë. Ai tha se reforma e re në arsimin e lartë është një mundësi që universiteti të kalojë në një shkallë më të lartë, ndërsa vuri theksin te mbyllja e disa universiteteve private.“Nuk kemi arritur të kemi universitete më të mira, po ta kishim arritur për dy vjet duhet të merrnin me siguri drejtimin e botës, por kemi arritur të pastrojmë një tumor të madh, tumorin e universiteteve private që ishin fabrika diplomash, gjithashtu edhe një sistem të tërë të cilit do ja shihni hajrin që të gjithë, edhe ata që që sot janë të bindur se është e duhura. Është një mundësi që universiteti të kalojë në një shkallë të re”,¬ tha Rama.
Sali Berisha: Të mbështesim studentët në protestën e tyre/
Ish kryeministri Sali Berisha, i ka kërkuar Partisë së tij të japë përkrahje për protestat e studentëve. Ai shkruan ne Facebook:Sot studentet dhe pedagoget e universiteteve publike te vendit, ne revolten e tyre ne mbrojtje te te drejtes kushtetuese te shkollimit ne arsimin e larte te te rinjve shqiptare, mbushen per ore te tera sheshin para kryeministrise, ne nje revolte qe zgjati ore te tera. Oratore te shumte moren fjalen, ata etiketuan Ramen, i cili i tmerruar ja kishte mbathur para se revolta te arrinte tek dritaret e tij.
Te revoltuarit denoncuan dhunen, keqtrajtimin e Edi Rames, qe ushtroi me badiguardet dhe fallangat e krimit me uniforme ndaj studenteve qe e goditen ate me veze si person i shpallur nongrata nga studentet e universiteteve publike.
Motoja e levizjese e revoltes universitare eshte moto kushtetuese: “arsim publik falas”, kerkese percaktuese per shkollimin dhe te ardhmen e femijeve te Shqiperise.
Revolta e studenteve eshte revolte kunder mbylljes se dyerve te universiteteve me ligjin e arsimit te larte nga Edi Rama, i hartuar nga lobe te universiteteve private pas korruptimit koke e xhep te Edi Rames.
Fitorja e levizjes studentore eshet e nje rendesie vendimtare per triumfin e revolucionit demokratik qe po zien ne zemren e mbare qytetareve shqiptar. Ndaj ju bej thirrje dhe nje here, nxenesve, gjimnazisteve, studenteve, te rinjve, te rejave, prinderve te tyre, mesuesve, pedagogve, mbare qytetareve te mbeshtesim me te gjitha mundestite tona revolten studentore. Studentet do te fitojne!

Protesta & Dhunë në Podgoricë – Opozita Malazeze kërkon dorëheqjen e kryeministrit Gjukanoviç

by

PODGORICË, 19 tetor – Millo Gjykanoviç e qeveris Malin e Zi si një shtet privat, thotë opozita. Protestat kritike ndaj qeverisë mposhten me forcë. Por rezistenca po rritet në shetin e vogël ballkanik.Në ditën e dytë radhazi protestat të dielën (18.10) në Mal të Zi u përshkallëzuan në konfrontime të dhunshme mes demonstruesve dhe policisë. Mijëra vetë në mbrëmje dolën në rrugët e Podgoricës duke kërkuar dorëheqjen e kryeministrit Millo Gjykanoviç dhe qeverisë së tij të majtë, siç njofton një gazetar i agjencisë së lajmeve AFP. Nga radhët e demonstruesve u hodhën gurë dhe flakhedhës në drejtim të policisë. Forcat e rendit përdorën gazin lotsjellës.
Të shtunën policët kishin penguar marshimin e qindra njerëzve drejt parlamentit. Njësi të përforcuara policie rrethuan parlamentin dhe godinën qeveritare. Kur demonstruesit u përpoqën të çajnë bllokadat, policia përdori gazin lotsjellës.
Pak më parë policia kishte shpërndarë një kamping protestuesish të vendosur qysh përpara disa javësh para parlamentit. Shumë protestues u dëbuan nga ky shesh.
Opozita në Mal të Zi kërkon një qeveri tranzicioni dhe zgjedhje të reja. Qysh në fund të shtatorit mijëra vetë në Podgoricë kanë protestuar kundër Gjykanoviçit. 53-vjeçari është që nga fillimi i viteve 90-të në pushtet në ish-republikën jugosllave me rreth 630.000 banorë. Në këtë mënyrë ai është ndër politikanët me vjetërsinë më të lartë në Europën Juglindore.
Në qershor Gjykanoviç u rizgjodh në krye të partisë socialiste në pushtet në Mal të Zi me rezultat eksepsional prej njëqind për qind të votave. Kjo ndodh rrallë madje edhe tek udhëheqësit e fortë partiak në gadishullin e Ballkanit.
Zgjedhjet e rregullta parlamentare në Mal të Zi zhvillohen në pranverë 2016. Për të shtunën (24.10) e ardhëshme opozita planifikon protesta masive.

Kosovë-Bllokadë, peticion, protestë…

by

-Kryesia e Kuvendit përgatitje për seancë plenare, opozita paralajmëron vazhdim bllokade, në kundërshtim të 4 marrëveshjeve të fundit në Bruksel, ku edhe sonte pritet takim kryeministror Kosovë-Serbi-
Nga Behlul Jashari/ PRISHTINË, 13 Tetor 2015/ Në Kuvendin e Kosovës është ftuar për nesër mbledhja e Kryesisë me kryetarët e grupeve parlamentare, me vetëm një pikë në axhendë: Përgatitjet për seancën plenare.
Kuvendi i Kosovës, i bllokuar nga opozita e me të gjitha seancat plenare të ndërprera në sesionin vjeshtor rimblidhet këtë javë, ndërkohë që kërkohet zhbllokimi. Por, opozita edhe sot ka paralajmëruar vazhdim të bllokimit të Kuvendit, si dhe protesta, të cilat u zhvilluan edhe gjatë natës së kaluar në Prishtinë pas arrestimit në mbrëmje e deri në lirimin e liderit të parë të LVV-së, Albin Kurti.
Javën e kaluar, pas zhvillimeve gjatë ditës së 8 tetorit me gaz lotësjellës të hedhur nga opozita në mbledhjen plenare të Kuvendit, është mbajtur mbledhja e Kryesisë, së bashku me shefat e grupeve parlamentare. Në mbledhje, ndonëse nuk morën pjesë nënkryetarja e Kuvendit dhe shefat e të tre grupeve parlamentare të opozitës, LVV, AAK e Nisma, Kryesia vendosi për mbajten e seancës plenare të Kuvendit të Kosovës në 15 tetor, e cila do hapej me deklarime jashtë rendit të ditës dhe pyetje parlamentare.
Ndërsa, jo seanca të reja të Kuvendit të Kosovës, pa garantuar mbarëvajtjen e tyre, është opinioni i Institutit Demokratik të Kosovës (KDI), i cili ka dënuar ashpër përdorimin e gazit lotsjellës në sallën e seancave dhe kërkon nga subjektet politike opozitare të ndalojnë praktikën e bllokimit të punimeve në Kuvend.
Në kundërshtim të 4 marrëveshjeve të Kosovës me Serbinë të 25 gushtit – të raundit të 28-të të takimeve të kryeministrave dhe të marrëveshjes së demarkacionit me Malin e Zi, opozita kosovare ka organizuar edhe peticion dhe ka mbledhur mëse 200 mijë nënshkrime të qytetarëve, ka bojkotuar tre mbledhjet e kaluara të Kryesisë me kryetarët e grupeve parlamentare, bojkoton edhe komisionet parlamentare.
“Kryeministri Mustafa ka për obligim kushtetues, qytetar dhe kombëtar të tërhiqet nga ato marrëveshje të dëmshme dhe të pazbatueshme”, thuhej në letrën e opozitës drejtuar qytetarëve javën e kalur.
“E vetmja mundësi reale në këtë situatë është që qeveria të tërhiqet nga këto marrëveshje ose të bie bashkë më to”, ka deklaruar sot në konferencë të jashtëzakonshme për shtyp Lëvizja Vetëvendosje.
“Nuk mund dhe nuk do bëhet tërheqja e nënshkrimeve nga katër marrëveshjet Prishtinë-Beograd në Bruksel, që janë ndërkombëtare dhe që bazohen në ligjin e miratuar në Kuvendin e Kosovës për ratifikimin e Marrëveshjes së 19 prillit 2013”, ka theksuar qeveria kosovare.
Pas kthimit nga Brukseli, raundi i 28-të i dialogut me Serbinë në nivel kryeministror, Mustafa ka njoftuar në mbledhje të qeverisë dhe në konferencë shtypi se, “paketa e katërmarrëveshjeve të 25 gushtit 2015 përfshinë: marrëveshjen për kodin telefonik, marrëveshjen lidhur me heqjen e pengesave të Serbisë në zbatimin e marrëveshjes për energjinë, parimet themelore për themelimin e asociacionit të komunave me shumicë serbe dhe poashtu marrëveshjen lidhur me heqjen e barrikadave nga ura e Mitrovicës”.
“Këto marrëveshje janë në pajtim të plotë me Kushtetutën e Republikës së Kosovës dhe në pajtim të plotë me ligjet e Kosovës, ndërsa kanë të bëjnë me përmbushjen e detyrimeve tona që ne i kemi krijuar me Ligjin për Ratifikimin e Marrëveshjes së Parë, e aprovuar në Kuvendin e Kosovës në vitin 2013”, është shprehur kryeministri Mustafa.
Kryeministrat e Kosovës e Serbisë, Isa Mustafa e Aleksandar Vuçiç, në procesin drejt nomalizimit të marrëdhënieve pritet të takohen sot në darkë në Bruksel në raundin e 29-të të dialogut në nivel të lartë kryeministror, të nisur në tetorin e para tre viteve me raundin e parë, që pasonte nisjen bisedimeve teknike. Për takimin më të ri, media serbe njofton se kryeministri Vuçiç udhëton sot drejt Brukselit dhe paralajmëron se tema e bisedimeve do të jëtë përparimi i deritashëm në dialogun në normalizimin e marrëdhënieve të Beogradit e Prishtinës dhe hapat e ardhshëm në zbatimin e marrëveshjeve.
Në Bruksel, kryeministrat Mustafa e Vuçiç të qeverive të reja të zgjedhjeve 2014 në të dy vendet, që u mbajtën më parë në Serbi e pastaj në Kosovë, do zhvillonjë takimin e gjashtë të tyre, ndërsa nga 28 raundet deri tash të dialogut Prishtinë-Beograd në nivel të lartë, 23 ishin mes kryeministrave të atëhershëm Hashim Thaçi e Ivica Daçiç.
Kosova dhe Serbia në procesin drejt normalizimit të marrëdhënieve, të kryesuar nga BE e mbështetur nga SHBA, takimin e parë kryeministror në Bruksel e kanë zhvilluar në 19 tetor 2012. Bisedimet në nivel kryeministrash kanë pasuar dialogun teknik, të filluar në 8 mars 2011, poashtu në Bruksel, ku në krye të delegacionit kosovar ishte Edita Tahiri atëherë zëvendëskryeministre, tash ministre e Dialogut.

Nju Jork, Protesta për Diskriminimin e Shqiptarëve në Mal të Zi

by

U mbajtë protestë në Nju Jork, për Diskriminimin e Shqiptarëve në Mal të Zi

“Të përkrahim aspiratat e vëllezërve dhe motrave tona në vendlindje për të drejtat e tyre të barabarta në Mal të Zi”

Nga Beqir SINA/

OKB- NJU JORK : Disa dhjetëra shqiptar – nga Detroiti, dhe zona e Tri-Shteshit, u mblodhën së bashku për të protestuar kundra diskriminimit të Shqiptarëve në Mal të Zi.

Kjo protestë u organizua nga shoqata “Malësia e Madhe” në Detroit me përkrahjen nga Nju Jorku të Federatës PanShqiptare të Amerikës VATRA, dhe disa shoqata dhe aktivistë të diasporës shqiptare në SHBA.

Protesta u mbajt me rastin e paraqitjes së delegacionit Malazez, në takimet vjetore që zhvillohen në Kombet e Bashkuara në Nju Jork, në kuadrin e Sesionit të 70-të, të Asamblese së Përgjithëshme të Kombeve të Bashkauar.

Shkas për këtë protestë është marr nga Raporti i fundit i Departamentit të shtetit Amerikan, mbi të drejtat e njeriut, i cili konfirmoi atë se Shqiptarët, po e përjetojnë për një kohë të gjatë, diskriminim dhe trajtimin e pabarabartë dhe verifikon trajtimin e Shqiptareve si qytetar të rëndit të dytë në shtetin e Malit të Zi .

Protesta nisi në rrugën përball Konsullatës së Mali të Zi, duke filluar nga ora 11 e paradites dhe vazhdojë duke hedhur parrualla dhe sllogane kundra diskriminimit të Shqiptarëve në Mal të Zi.

Në ora 13:00 – në mesdrekë protestuesit kan marrshuar duke mbajtur parrullat dhe flamujt e Shqipërisë dhe flamurin Amerikan, për t’ju drejtuar sheshit Dag Hammarskjold Plaza përballë selisë së Organizatës së Kombeve të Bashkuara – OKB-së, në Nju Jork.

Protestën e moderojë ish deputeti shqiptarë në parlamentin e Malit të Zi zoti Xheladinë Zeneli, ndërsa kan folur kryetari i Vatrës dr. Gjon Buçaj, Kryetari i shoqatës, “Malësia e Madhe, aktivisti i njohur i komunitetit shqiptar Leke Leci (Gjonaj), sekretari i saj zoti Luigj Gjokaj, ish kryetari i shoqatës Palvë & Guci , zoti Esad Gjonbalaj, dhe të there.

Zoti Xheladinë Zeneli – lexoi kërkesat drejtuar institucioneve përkatëse për Mbrojtjen e Lirisë dhe të Drejtat e Njeriut, pranë Kombeve të Bashkuara, ambasadave të SHBA, dhe disa vendeve Europiane.

Zoti Zeneli – duke faleminderuar shoqatën “Malësia e Madhe” nga Detroiti, për këtë inisiativë që ia vlen për t’u lavdëruar, tha se :”Ne jemi mbledhur sot këtu kundra politikës diskriminuese që Malin e Zi, ndjek ndaj vëllezërve dhe motrave tona në vendlindje. Ky pushtet, tha ai është shovinist, mbasi gati çdo ditë ata po keqëtrajton popullin shqiptarë atje, diskrimonojnë atë dhe e trajtojnë si popull të dorës së dytë dhe në mos më keq “.

Më tej ai tha se Shqiptarët në Mal të Zi nuk mund të krahasohen me popujt tjerë që jetojnë në këtë shtet sepse janë popull i veçantë,jo vetëm për nga gjuha, kultura,tradita dhe historia e tyre, por edhe për nga autoktonia e tyre. Si pjesë e ndarë e një populli më të lashtë në Ballkan, ata gjinden në trojet e veta styrgjyshore me mijëra vjet.Sllavët kur erdhën në këtë pjesë të Ballkanit zaptuan dhe okupuan territoret e tyre të cilat veçse ishin të banuara me shqiptarë.

Organizata e Kombeve të Bashkuara, para selisë së cilës, që ne jemi mbledhur sot, tha Zeneli, ka aprovuar një Deklaratë për të Drejtat e Popujve Autokton me qëlllim që t’i udhëzojë shtetet-anëtare lidhur me politikën e tyre shtetrore në raport me të drejtat kolektive të popujve vendas apo autokton.Deklarata, nënvizojë ai, sqaron të drejtat individuale dhe kolektive si dhe të drejtat e tyre kulturore, identitetin,gjuhën, punësimin,shëndetin, edukimin dhe çështjet e tjera. Deklarata e” ndalon diskriminimin kundër popujve autokton.

“Pra, theksojë z. Xheladin Zeneli, shqiptarët në Mal të Zi, përfshihen në këtë kategori sepse janë popull që,sipas Deklaratës së Popujve Autokton,do të duhej të kenë të drejta të veçanta të bazuara në lidhjet e tyre historike me një territor të caktuar ,pra me trevat e tyre etnike në Mal të Zi dhe me veçori kulturo-historike që i dallon ata nga popujt tjerë që jetojnë në këtë shtet.

Gjithashtu, shqiptarët janë të pambrojtur ndaj margjinalizimit të tyre sepse ligjet egzistuese në Mal të Zi ,ne vend që t’i mbrojnë të drejtat e tyre si popull autokton,përkundrazi këto ligje dhe institucione diskriminojnë ndaj tyre”.

“Kemi ardhur këtu sot që të ngrisim zërin edhe një herë, për padrejtësitë që vazhdojnë t’ju bëhen vëllezërve dhe motrave tona në vendlindje” u shpreh Kryetari i shoqatës, “Malësia e Madhe, aktivisti i njohur i komunitetit shqiptar Leke Leci (Gjonaj).

Dhe shtojë, se, Shoqata “Malësia e Madhe” po i bënë thirrje komuniteteve shqiptare në diasporë të Amerikës që t’iu bashkëngjitën, dhe të përkrahin këtë protestë , mesazhi i së cilës është : “Le ti përkrahim aspiratat e vëllezërve dhe motrave tona në vendlindje për të drejtat e tyre të barabarta në Mal të Zi”, tha kryetari i shoqatës zoti Lekë Leci (Gjonaj).

Veprimtari i dalluar nga Detroiti, zoti Luigj Gjokaj, mbasi foli për rëndësin e madhe që ka në këto momente, kjo protestë para Kombeve të Bashkuara, në Nju Jork, ku janë syt e gjithë botës, këto ditë, në këtë vend ku shqiptarët, kan protestuar me dekada, e quajti protestën një zë të fuqishëm për t’i thënë botës, se pushteti malazezë – po i diskrominon dhe keqtrajton shqiptarët,.

“Porse, shqiptarët e Amerikës, tha Gjokaj, nuk do të ndalen dhe do të protestojnë si kan protestuar gjithmonë, deri sa të realizohen të drejtat e tyre, shqiptarët të jenë të barabart dhe faktor nën Mal të Zi. Kjo protestë nuk është “fundi” por është fillimi i ngritjes së zërit tonë, në Nju Jork dhe Uashington”

Në emër të Federatës Pan-Shqiptare të VATRA, unë bashkohem me ju sot me anëtarët e tjerë, për të bashkuar zërat tanë në një protestë të përbashkët kundër shkeljeve të vazhdueshme të të drejtave të njeriut të shqiptarëve në Mal të Zi, tha në fillim të fjalës së tij, kreu i vatranëve Buçaj. .

“Sot është një rast të përshtatshëm për të ngritur zërin përsëri, tha Buçaj, ndërsa, kryeministri Gjukanoviç merr pjesë në Asamblenë e Përgjithshme të Kombeve të Bashkuara këtu në Nju Jork.Dhe shtoi ai se është të ardhur keq, se një çerek shekulli pas rënies së komunizmit, ka ende një nevojë për protesta si kjo, për të mbështetur të drejtat e njeriut, sepse, qeveria e Malit të Zi vazhdon të mohojë qytetarëve të saj shqiptarë, të drejtat e tyre. Aqsa qeveria e zotit Gjukanovic vazhdon të mohojë të shqiptarëve, ashtu si në kohën e diktaturës komuniste, sundimit serb mbi shqiptarët”

“Pozita e shqiptarëve nën Malin e Zi, është jashtëzakonisht e rëndë, çka e obligon çdo njerin prej nesh të dalë sot e të protestojë kundra diskriminimit të Shqiptarëve, në Mal të Zi” tha në fjalën e tij Esad Gjonbalaj, ish kryetari i shoqatës Palvë & Guci në Nju Jork.

Xheladinë Zeneli : Duke u nisur nga kjo që u tha më lartë , eshtë imperative që të gjithë ne t’jemi unik, të bashkuar rreth disa kërkesave kryesore të shqiptarëve nën Mal të Zi:

1 – Kërkojmë që flamuri kombëtar shqiptar të mos konsiderohet si ” flamur i një shteti tjetër” por si simboli i tyre kombëtar. Shqiptarët në Mal të Zi janë pjesë e ndarë e një populli i cili ka një gjak, një gjuhë ,një histori dhe NJË FLAMUR : flamurin kuq e zi me shqiponjën dykranare. Po ky flamur, është dhe do të jetë simboli i tyre i identifikimit kombëtar pa marrë parasysh se ata janë të ndarë me kufij artificial nga shteti i tyre amë. Gjithashtu, përdorimi i lirë i flamurit nuk duhet kufizuar me ligj sepse një e drejtë e kufizuar,është një e drejtë e mohuar .

2 – Kërkojmë të drejtën e plotë për vetëqeverisjen lokale të Komunës së Tuzit -Malësisë. Jemi ngopur me ofertat ofenduese dhe nënçmuese të Podgoricës kur është në pyetje statusi i Komunës së Tuzit, duke filluar me ate që quhet ” Komunë urbane”, ” Referendum konsulltativ”, ” Komunë e kryeqytetit”, ” Komunë me statut të veçantë” dhe shpikje tjera terminologjike me të cilat arsyetohet mohimi i statutit të barabartë të Komunës së Tuzit. Ne nuk pranojmë ate çka n’a ofrohet por ajo çka n’a takon !

Banorët e Malësisë kërkojnë që të trajtohen në mënyrë të barabartë,ashtu si edhe popujt e tjerë në Mal të Zi dhe kërkesa e tyre është në përputhje me të gjitha ligjet,kartat dhe konventat ndërkombëtare për vetëqeverisjen lokale dhe decentralizimin e pushtetit qendror.

3 – Komuna e Ulqinit duhet të gëzoi kompetenca më të mëdha në nivel të vetëqerisjes lokale,posaçërisht në menaxhimin e resurseve të veta ekonomiko- turistike në territorin e vet;

4 – Kraja si vendbanim shqiptar do të duhej të jetë njësi administrative e Komunës së Ulqinit dhe jo e Tivarit;

5 – Përfaqësimi proporcional i shqiptarëve në organet e administratës shtetërore .
Shqiptarët sot janë të përfaqësusar në organet shtetërore me rreth 1.2% edhe përkundër faktit se ata përbëjnë rreth 5% të poppullsisë së Malit të Zi. ( sipas statistikave zyrtare).Kurse malazezet, të cilët përbëjnë rreth 45% të popullsisë, përfaqësohen në organet e tyre shtetërore me rreth 80%.

6 – Këkojmë që vendbanimet shqiptare të mos kthehen në deponi të hedhurinave si rasti i Jerinës ,mbi fshatin Martinaj;

7 – Emërimi i drejtorëve të shkollave apo i kuadrave tjerë udhëheqës shqiptar në mjediset ku shqiptarët përbëjnë shumicën , të bëhet në baza të aftësive profesionale dhe jo nga bazat e lojalizmit partiak apo në baza të përkatësisë nacionale sllavo-malazeze.Pushtetit udhëheqës në Podgoricë nuk i intereson dhe nuk i konvenon që në pozitat drejtuese tē shkollave shqipe,të jenë individ me ndjenja apo me vetēdije tē lartē kombëtare shqiptare.Duke zgjedhur njerēzit që iu përshtatën atyre,ata e zbatojnë më mirē dhe më lehtë politikēn e vet tē sllavizimit tē plan-programeve shkollore, dhe si pasojë e kësaj, rrjedhon asimilimi gradual i brezave shkollor nē trevat me popullsi shqiptare.

Ndryshimi i programeve dhe teksteve shkollore në gjuhën shqipe dhe harmonizimi i tyre me tekstet shkollore të Shqipërisë dhe Kosovës .Abetarja mbarëkombëtare të mos jetë si libër plotësues apo opcional,por të jetë mësimi i saj të jetë i obliguar për nxënësit shqiptar të shkollave fillore. Të hapet fakulteti apo ndonjë institucion tjetër i lartë publik në gjuhën shqipe në Ulqin apo Tuz;

8 – Të ndalet procesi i asimilimit, sllavizimit dhe i ç’kombëtarizimit të trevave me popuulsi shqiptare ;

9 – Të ndalet uzurpimi i pronave të shqiptarëve nga ana e qeverisë malazeze

10 – Kërkojmë nga Kuvendi i Kosovës që të mos të aprovojë demarkacionin e kufirit të Malit të Zi me Kosovën dhe të anulojë marrëvshjen e arritur në Bruksel në fund të muajit gusht të këtij viti.
Nëse duhet të bëhet demarkacioni i ri i kufijëve, ky demarkacion duhet të bëhet sipas kufijëve të para vitit 1878 , më saktësisht sipas kufijvë të vitit 1859 dhe jo sipas vitit 1913, atëherë kur Mali i Zi veçse kishte aneksuar dhe grabitur pjesë të kosiderueshme të territorit shqiptar

11. Dhe më në fund por jo më pak e rëndësishme, kemi një kërkesë nga Shqipëria : Kërkojmë nga shteti ynë amë që të invokohet neni 8 i Kushtetutës së saj i cili thotë : ” Republika e Shqipërisë mbron të drejtat kombëtare të popullit shqiptar që jeton jashtë kufijëve të saj”.