Archives for January 2013

SA I KA KUSHTUAR SHTETIT SHQIPTAR ANTISHQIPTARI VASIL BOLLANO?

January 4, 2013 by dgreca

Antishqiptari i betuar Vasil Bollano, ish kryetar i Bashkisë së Himarës, i ka kushtuar shtetit shqiptar 109 milionë lekë…/

Kontrolli i Lartë i Shtetit ka bërë publike dëmet që i ka shkaktuar shtetit shqiptari, antishqiptari Vasil Bollano. Sipas shtypit të Tiranës, KLSH do të kallëzojë penalisht ish- kryetarin e Bashkisë së Himarës, Vasil Bollano pasi ka shkaktuar dëmin e konsiderushëm prej 87 milion lekësh duke mos menaxhuar ose duke lejuar shkelje me taksat vendore. Plus dëmit të parë, Bollano nuk ka zbatuar rekomandimet e KLSH duke shkaktuar një dëm prej 22 milion lekësh. KLSH ka kallëzuar edhe ish- Drejtorin e Urbanistikës në Himarë N.C.

“Ish-kryetari i Bashkisë Himarë, V.B., për periudhën që ka drejtuar 2008 deri më 30.06.2011 nuk ka menaxhuar, ka lejuar shkelje, nuk ka llogaritur dhe nuk ka vepruar për arkëtimin e detyrimeve në tatim-taksat për periudhën objekt auditimi në shumën totale 87,783,240 lekë, si taksë nga ndërtesat, taksë për tokën, taksë hoteli dhe taksë për zënie hapësire publike.

Gjithashtu, ai nuk ka zbatuar dhe ka vepruar në mënyrë të kundërligjshme në refuzimin e paargumentuar të rekomandimeve të kontrollit të KLSH-së, të dërguara me shkresën nr. 187/4 datë 26.03.2008, shkresën nr. 372/6, datë 29.3.2010, dhe të rikërkuara me shkresën nr. 372/17, datë 22.10.2010, duke mos i dërguar Agjencisë së Prokurimit Publik rekomandimet e iniciuara nga KLSH, gjë që ka sjellë si pasojë mos arkëtimin dhe mos kërkimin në rrugë ligjore të dëmit të shkaktuar buxhetit të shtetit nga keqmenaxhimi i njësisë vendore, me vlerën 22,235,224 lekë.

Si pasojë e veprimeve dhe mosveprimeve të mësipërme penale dhe shkeljeve të tjera të legjislacionit në fuqi, KLSH ka konstatuar një dëm ekonomik në vlerën 40,753,136 lekë dhe të ardhura të munguara nga mosarkëtimi i taksave lokale në vlerën 87,783, 240 lekë,” thuhet në njoftimin e KLSH.

Rezultatet e auditimit

– Për 22 raste, lejet e ndërtimit janë shqyrtuar dhe miratuar mbas 6 muajve nga vendimi për miratimin e lejes së sheshit të ndërtimit, veprim ky në kundërshtim me nenin 46 të ligjit nr. 8405, datë 17.09.1998 “Për Urbanistikën”;

– Për 59 raste janë pranuar kërkesa për miratim të lejes së sheshit dhe lejes të ndërtimit pa titull pronësie nga Zyra Vendore e Regjistrimit të Pasurive të Paluajtshme, por vetëm mbi bazën e formularit 6, Aktit të Marrjes së Tokës në Pronësi apo vendimit të gjykatës për njohje të faktit juridik të pronësisë në emër të kërkuesve;

– Nga Drejtoria e Urbanistikës e Bashkisë janë zbardhur leje ndërtimi pa u bërë më parë arkëtimi i tarifës së taksës së ndikimit në infrastrukturë në afatin brenda 30 ditëve të punës, për 47 raste me vlerë prej 5,332,306 lekë dhe 1 rast me vlerë prej 1,190,134 lekë

Si do të sillet shteti shqiptar më këtë njeri që nuk e njeh ligjin dhe as shtetin shqiptar dhe nuk ka lënë naziskin grek pa cuar në Himarë e pa i ngatërruar himariotët? Është koha që t’i jepet një mësim se ligji vepron njëllojë në Shqipëri

QEVERIA SHQIPTARE KRIJON KOMITETIN E DIASPORES

January 4, 2013 by dgreca

TIRANE- PDIU ka pershendetur vendimin e Këshillit të Ministrave për krijimin e Komitetit të Diasporës shqiptare. Vendimi është prezantuar nga kryeministri Berisha në mbledhjen e sotme të qeverisë, duke e quajtur këtë “një detyrim te madh, moral”, ndaj shqiptarëve kudo që janë. PDIU në deklaratën e saj thotë se ky vendim erdhi si pasojë e kërkesës së saj të vazhdueshme. Ngritja e këtij Komiteti, thekson më tej PDIU është pasqyrim i një objektivi themelor të Programit të saj për të cilin ka luftuar që në fillim të ekzistencës si parti politike.

“Më shumë shqiptarë jetojnë jashtë sesa brenda dhe si e ka treguar historia jonë e afërt dhe e re, siç e ka treguar historia e vendeve me diasporë të madhe, kjo pjesë e kombit ka luajtur rol kyç në rilindjen, rimëkëmbjen e vendit. Kombi shqiptar nuk e ka luksin të mohojë ekzistencën e një pjese kaq të madhe të trupit të vet të gjymtuar kombëtar. Në gjykimin tonë politik, diaspora shqiptare është një, pavarësisht kohës kur është larguar nga vendi, apo nga cili troj etnik i saj vjen. Në këtë kuptim, problematika e saj është dhe problematika e kombit. Brenda kësaj diaspore, popullsia me origjinë çame jashtë vendit është një përbërëse mjaft aktive dhe problematika e saj duhet trajtuar me synim vendosjen e drejtësisë dhe përfshirjen e kontributeve të saj.”- thuhet në deklaratë.

Ndërkaq, sipas Berishës, fati na bëri që të kemi më shumë diaspore se shqiptarë në trojet shqiptare.

“Në këtë aspekt, u duhet kërkuar ndjesë shqiptarëve kudo që janë se nuk ka qenë e mundur të kenë mbështetjen e merituar të Shqipërisë, por i garantoj se realizimi i saj është përparësi madhore. Komiteti i Diasporës do të bëjë çdo gjë, për t’u gjendur afër shqiptarëve në të katër anët e planetit, nga Zelanda e Re, Alaska e Poli i Veriut. Dikush më bëri një mesazh, ku më thoshte: Ju përshëndes nga Poli i Veriut në Finlandë”- tha Berisha.

Ai theksoi me tej se Komiteti i Diasporës do të përpunojë praktikat e skemat më të mira në mënyrë që qeveria te gjendet më pranë tyre.

“Diaspora ka një rol historik, të jashtëzakonshëm, në jetën dhe në betejat e shqiptarëve për liri e zhvillim. Të mos harrojmë se edhe Rilindja jonë, në tërësinë e saj, me ndonjë përjashtim, lindi jashtë trojeve shqiptare. Ky ishte fati ynë. Për të mos numëruar të gjithë aktet e avokatisë së jashtëzakonshme që i ka bërë kombit, diaspora shqiptare në Shtetet e Bashkuara të Amerikës që, ndonëse nuk është më e madhja dhe më e pasura, është absolutisht më zemërzjarrta për Shqipërinë e kombin shqiptar.”- tha ai.

Ku po e çon mushka lidershipin e Kosovës?

January 4, 2013 by dgreca

Nga Nexhmedin Spahiu/

Gazeta më e madhe amerikane “New York Times” botoi artikullin e agjencisë më të madhe në botë “Reuters” me titull: “Kosova, imazh i Perëndimit të egër për investitorët” (http://www.nytimes.com/reuters/2012/12/31/world/europe/31reuters-kosovo-investment.html?smid=fb-share). Artikulli bën fjalë për atë që Komisioni i Pavarur për Miniera dhe Minerale ka tërhequr në mënyrë të paligjshme 4 nga 5 licencat sa i kishte dhënë kompanisë britanike “Fox Marble” për industrinë e gurit në Kosovë.

Artikulli linte mëdyshjen nëse kjo ka të bëjë me korrupsionin në Kosovë, të cilin e trajton edhe me raste të tjera (tenderi me pasaportat biometrike) apo me prapavijë politike.

Ambasadori britanik në Kosovë, Ian Cliff, citohet të ketë deklaruar se është shumë i shqetësuar për këtë dhe se shefi i tij, ministri i Jashtëm britanik, William Hague, e ka ngritur këtë çështje në nivelet më të larta të Kosovës.

Artikulli trajton joseriozitetin kulmor të kryetarit të Komisionit të Pavarur për Miniera e Minerale, Ahmet Tmava, i cili i përgjigjet “Reutersit”, se obligimin ligjor që ky komision e ka pasur që ta njoftojë me shkrim kompaninë e licencuar e ka kryer, duke e njoftuar atë gojarisht.Deri më tani çdo veprim korruptiv që ka larguar investitorë nga Kosova, është arsyetuar me kinse politikën që Kosova e ka për ta rezervuar tregun e saj për shtetet aleate që e çliruan Kosovën.

Skandali me rumunët

Kur, p.sh., një kompanie rumune i janë plaçkitur mjetet e punës nga partnerët kosovarë dhe kësisoj i është djegur investimi i saj milionësh, mosreagimi i institucioneve të Kosovës është arsyetuar me atë se Rumania nuk po e njeh Republikën e Kosovës, dhe punë e madhe që digjen investitorët rumunë!

Skandali me sllovakët

Edhe kur Ministria e Punëve të Brendshme të Kosovës i nxjerr telashe banale shefit të Zyrës Diplomatike Sllovake në Kosovë (de facto ambasadorit sllovak në Kosovë) edhe ky veprim skandaloz arsyetohet me atë se Sllovakia nuk e ka njohur Republikën e Kosovës, dhe kush po ua var sllovakëve!Në vend që prezenca në Kosovë e misioneve diplomatike të shteteve që nuk e kanë njohur Kosovën të shfrytëzohet për afrim me këto vende dhe lobim për njohje edhe nga këto vende, veprohet në mënyrë të kundërt, veprohet në stilin e diplomacisë, Zullu, sipas tregimit të Faik Konicës.

Skandali me britanikët

Skandali i fundit i përket një fushe krejtësisht tjetër. Tani loja e fëlliqur korruptive apo politika abuzive bëhet ndaj një kompanie të një prej vendeve më meritore për çlirimin e Kosovës, Britanisë së Madhe, sa detyron edhe sekretarin (ministrin) e saj të Jashtëm William Hague të shprehë shqetësim. Shtrohet pyetja: Ku po e çon mushka lidershipin e Kosovës?. Kjo shprehje përdoret nga populli i Tiranës, për dikë që nuk e di se kah është duke shkuar, por i vihet pas tekeve të tij jo të arsyeshme.

Shqelmim aleatit të madh në momentin vendimtar

Skandali i fundit është gjëja që më së paku i duhet Kosovës në momentin kur Kosova është në fazën finale të bisedimeve me Serbinë. Në fakt, bisedimet për veriun e Kosovës nuk janë asgjë tjetër, pos pazar se deri në çmasë Kosova, formalisht e pavarur, do të jetë realisht e varur nga Serbia.

Atëherë kur Kosovës i duhet t’i koncentrojë të gjitha energjitë që këtë pazar të kalojë sa më mirë e sa më lehtë, kur i duhet që edhe dreqin edhe të birin ta bëjë aleat për të nxjerrë një pazar sa më të favorshëm, Kosova shqelmon vendin, kryeqyteti i së cilit, Londra, është epiqendra e të gjitha pazareve politike në botë.

Tri kryeqytetet e botës: Stambolli, Parisi dhe Londra

Jo më kot thuhet se bota ka 3 kryeqytete: Stambollin që është pazari më i madh në botë i gjësendeve (veshmbathjeve, ushqimeve etj), Parisin që është pazari më i madh në botë i vlerave artistike, dhe Londrën, ku bëhet pazari kryesor: ai politik, ku vendoset për fatet e kombeve. Dhe lidershipi i Kosovës shqelmon hiç më pak se në Londër, dhe e bën Kosovën objekt të trajtimit negativ të agjencisë më të madhe në botë dhe gazetës më të madhe në Amerikë dhe shumë gazetave tjera në botë.

Varri për investitorët, tragjedi për Kosovën

Shkrimi i lartcekur me të drejtë citon Christopher Gilbert-in, drejtuesin e kompanisë britanike “Fox Marble”, tek thotë se kjo punë është një varr për kompaninë e tij, por një tragjedi për Kosovën.

Fati i “Trepçës”

Duhet pasur parasysh që Kombinati “Trepça” nuk është privatizuar deri më tani pikërisht ngaqë ende nuk ka përfunduar çështja e veriut. Britanikët janë ata që e kanë nisur “Trepçën” në kohën mes dy luftërave botërore dhe interesimi i tyre për të vazhdon të jetë i lartë edhe sot. Tani kur po vendoset fati i “Trepçës”, veriut të Kosovës dhe më ketë i gjithë Kosovës, të shqelmosh britanikët për çfarëdo arsye: korruptive, budallallëku apo çfarëdo tjetër është një vetëvrasje ekonomike e politike.

Epilogu i korrupsionit apo budallallëkut

Epilogu i këtij veprimi mund të jetë që kompania britanike ta padisë Komisionin e Pavarur për Miniera e Minerale, dhe t’ia marre nja 20-30 milionë euro. Apo mos ndokush shpreson se ky Komision ka juristë të aftë që ta fitojnë gjyqin kundër kompanisë britanike?! Por, për këtë si duket nuk mërzitet Ahmet Tmava, ngaqë ky ndëshkim paguhet jo nga xhepi i tij, por nga xhepi i taksapaguesve të Kosovës.

20-30 milionë euro ndëshkim mund të jetë fatura më e vogël për Kosovën, për faktin që Ahmet Tmava e mentorët e tij “i kanë hipur mushkës”. Dëmi për imazhin e Kosovës si Perëndim i egër për investitorët është katastrofik, ndërsa imazhi për Kosovën që shqelmon aleatët më të mëdhenj të saj është vetëvrasës.

ZERI I AMERIKES:Një koleg mbyll karrierën profesionale

January 4, 2013 by dgreca

70 vjetori i Zërit të Amerikës përkon edhe me 70 vjetorin e ditëlindjes së njërit prej kolegëve tanë të Shërbimit Shqip, i cili së shpejti largohet nga ekipi pas një kariere të larmishme. Ai është Shaqir Salihu, i cili filloi punën në Zërin e Amerikës në fillim të viteve 80, pasi kishte ardhur në Amerikë si refugjat politik nga Kosova.

Kur Shaqiri erdhi të punojë për Zërin e Amerikës në Uashington, Shqipëria ishte e izoluar, ndërsa në Kosovë vazhdonte shtypja dhe diskriminimi ndaj popullatës shqiptare.
“Në kohën kur unë fillova karrierën time si gazetar, Shërbimi Shqip i Zërit të Amerikës kishte mbetur vetëm me pesë vetë, pasi brezi i parë kishte dalë në pension. Unë pata fatin e madh të punoj në këtë shërbim gjatë disa prej zhvillimeve më të rëndësishme në historinë shqiptare, duke filluar që nga lufta e Kosovës për pavarësi, përmbysja e komunizmit në Shqipëri dhe tranzicioni drejt demokracisë.”
Kur Shaqiri filloi punën këtu, Zëri i Amerikës transmetonte vetëm në radio.
“Televizioni hyri më vonë, në vitin 1999 dhe kjo ishte një sfidë për të gjithë ne. Teknologjia ishte e re dhe më e vështirë se sa radioja. Unë u bëra producent dhe mu desh të punoja shumë më tepër se më parë. Por puna këtu ka qenë kënaqësi e madhe. Ne gjithmonë jemi përpjekur të ruajmë një nivel të lartë profesionalizmi, që është tipari dallues i Zërit të Amerikës.”
Shaqiri thotë se është krenar që po përmbush një mision të gjatë, të cilin ai e quan mbi të gjitha fisnik.
“Ndihem me të vëretë i bekuar që kam patur mundësinë të punoj për një institucion që gëzon një shkallë të lartë besueshmerie dhe besnikërie tek shikuesit dhe dëgjuesit. Dua të falenderoj me këtë rast kolegët e mi këtu në Uashington dhe korrespondentët që ne kemi në Shqipëri, Kosovë, Maqedoni dhe Mal të Zi. Për mua ka qenë kënaqësi të punoj me një grup kaq të përkushtuar profesionistësh.”
Me një ceremoni plot emocione, me pjesmarrjen e drejtuesve kryesorë të Zërit të Amerikës, kolegët i uruan Shaqirit fat të mbarë tani që ai po mbyll karrierën profesionale. Urime i erdhën edhe nga korrespondentët në Shqipëri, Kosovë dhe në Maqedoni me të cilët ai punon çdo ditë si producent i emisionit Ditari.
Arben Xhixho, shef i seksionit shqip të Zërit të Amerikës, përmendi disa cilësi që i kanë bërë përshtypje te kolegu i tij:
“Për mua është kënaqësi dhe nder i veçantë që kam punuar me Shaqirin për kaq shumë vite. E kam njohur që nga viti 1992. Gjatë gjithë këtyre viteve, që kemi punuar si kolegë te Zëri i Amerikës, dy gjëra më kanë lënë përshtypje të veçantë: e para është përkushtimi i tij ndaj punës dhe e dyta, gatishmëria, vullneti, këmbëngulja e tij për t’u përshtatur me të gjitha ndryshimet që kanë ndodhur në trasnmetimet radiotelevizive gjatë këtyre dhjetëvjeçarëve të fundit.”
Djali i Shaqirit, Ilir Salihu, punon prej disa vitesh në departamentin e teknikës të Zërit të Amerikës dhe shpesh i takon të punojë edhe për programin Ditari, ku Shaqiri është producent. At e bir kanë rast të takohen në punë disa herë gjatë ditës.
“Do të më mungojnë drekat që hanim bashkë çdo ditë dhe puna e përditshme krahas tij. Kemi kaluar disa vite bashkë në këtë punë por tani është koha për pension. Ne kemi marrëdhënie shumë të ngushta dhe jetojmë afër kështuqë do të shihemi shpesh.”
“Dua t’u uroj gjithë shqiptarëve kudo që janë 100 vjetorin e pavarësisë, që u arrit me aq mund e përpjekje. U uroj gëzuar vitin e Ri 2013, qoftë i mbarë e i suksesshëm për të gjithë”, thotë Shaqiri.(Kortezi Ilir Ikonomi, Zeri i Amerikes)

2013 Going back to our roots (Europe)

January 4, 2013 by Administrator

By Nick Markola CIMA^®

2012 turned out to be a lot better than most predicted this time last year. We are grateful the Mayan’s and their calendar skills were subpar.

2012 was a centennial year for Albanians with global commemorations and many great events. Centennial events reminded us all of our rich history, great accomplishments, of centuries of all struggles and victories and of our European roots. We should always celebrate our rich history and traditions, but always remember that we need to work hard and smart to achieve even more in the future. Each one of us should give our contribution. In my view, it is important for all of us to invest wisely, create a strong society of successful investors in various fields globally, starting from the United States to Europe and as far as Australia. Having strong investor portfolios on individual basis provides for our families. It further provides for the common good and gives us all more leverage. As 2012 is winding down, taking a closer look at our portfolios and positioning them for 2012 is prudent. Europe, despite all of its woes, maybe a good place to consider investing. Exploring going back to our roots, going back to Europe, always makes sense.

In positioning investment portfolios for the coming year, Wall Street professionals and investors are looking across the globe. There are walls of worries about the Fiscal Cliff and deficits in the US, sovereign debt in Europe, soft or hard landing in China, commodity crisis in Latin America and the nuclear issues in the Middle East, just to name a few. However, there are also investment opportunities throughout the world investors can capitalize on despite the challenges. Europe has been in the news extensively. Images of rioting folks in Greece or workers demonstrating in Italy, France or Spain may be fresh in our minds. There are arguments that Europe has entered into a depression and that may lead some to argue why considering investing in an area, in or on the brink of depression may profitable. They may argue for investments in economies that are growing at healthy rates.

For starters, it is very important to draw a clear distinction and delineation between economies and stock markets. While the performance of economies and markets may coincide during some periods, it is crucial to understand that often their performance diverges and goes in opposite direction. In support of this, one should look at the US in 2012. GDP growth has been anemic, but the equity markets have been very strong, returning well over 10%. China’s growth in the past has been very strong but equity markets have not. Brazil’s economy has grown at attractive rates but the equity market has not behaved the same. If one needs more evidence to understand that economic growth and stock market performance don’t behave the same way, a look at Europe in 2012 is a case in point. The European economy put up negative growth, while equity markets across Germany, France and UK were up in double digits with the Pan European Stoxx Europe 600 Index up almost 20%.

Debt crisis is still raging in Europe and some of the European governments are in very difficult financial situation. However, some European companies, unlike their government, are in much better financial position and flush with cash. Barron’s reports that companies in the Stoxx Europe 600 Index, had approximately €600 billion ($800 billion) in cash at the end of 2011, substantial increase from the €540 billion at the end of 2007, according to data from Thompson Reuters Eikon. Approximately a third of the companies in the index are currently debt free which means that they have plenty of cash on the sidelines waiting to be deployed. Corporate earnings are further forecasted to rise by 5% to 10% in 2013. Price to earnings multiples, a frequently used measure to analyze investments, have significantly improved in 2012 for European companies. The real catalyst for such an improvement may be the actions of the European Central Bank (ECB). The ECB tried on numerous occasions in the past to deal with the crisis but not with much access. Over the summer, it appears that the markets were encouraged with the actions and comments of the ECB President Mario Draghi that they will spare no measure and will do everything possible to deal with the European debt crisis. The July 2012 pledge by Mr. Draghi that they will do “whatever it takes” appears to have soothed the market participants in Europe.

With the negative news out of Europe and with the recession then potential depression, many European companies have suffered. There are still risks in Europe, especially on the political side. Political risks have somehow diminished but Greece is still a mess. Italy has significant issues to deal with, and Spain and Portugal are on the brink of needing rescue packages. France also has real issues. There has been a lot of chatter about austerity measures in Europe, however, a closer look at government budges reveals anything but austerity as expenses aren’t reined in while spending has increased. The US has seen real issues in getting just two political parties to agree on anything meaningful. Therefore, getting all the European governments to agree on anything meaningful is a challenge.

One of the important tenets of investing is that one should always look for good investments. A more important tenet is to look for good investments in bad places because most will shy away difficult environments. Europe may be considered anything but a good investment place for many, but it is where our roots are. Going back to our roots always makes sense. Some of the companies in Europe I am contemplating on taking a closer look at are the German chemicals producer, Bayer; Swiss luxury goods maker Richemont; Danish drug maker, Novo Nordisk or the Spanish utility Enagas. Investing in stocks is always risky. Taking a closer look at companies in places such as Europe which is going through challenging times from an economic standpoint may provide attractive opportunities in 2013. It will provide an opportunity to go back to our roots and possibly generate attractive returns in this turbulent world.

With best wishes for a wonderful Holiday Season and a happy, healthy and prosperous New Year, be well and invest wisely.

* The writer is the Co-Founder of APEN