Archives for May 2013

Gazeta “The Daily Caller” zbardh të vertetat e fotografisë të Ramës me Obamën

May 30, 2013 by dgreca

Nga BEQIR SINA, New York/

Kjo foto që kreu i socialistëve Rama e publikoi në hapjen e fushatës elektorale mund te kete kushtuar 80 mije dollare.Lajmi publikohet nga gazeta amerikane “The daily callers” në faqen e saj online. Sipas gazetës fotografia mendohet se është bërë në një darkë për mbledhje fondesh në 8 tetor 2012 në San Francisko.

http://dailycaller.com/2013/05/29/albanian-socialist-leader-showing-off-fundraiser-photo-with-obama/

NEW YORK : Një foto e veçantë është shfaqur më 24 Maj 2013, në Tiranë gjatë prezantimit të kandidatëve të PS-së në qarkun e Tiranës, foto e cila ka kaluar interesin e saj deri këtu në SHBA, nga ku e ka dhe origjinën e saj. Në atë foto shfaqet kreu i socialistëve të Shqipërisë, Edi Rama i cili është takuar me presidentin amerikan Barack Obama, një foto kjo që sipas Edi Ramës është realizuar në tetor të vitit 2012 nga fotografi i Shtëpisë së Bardhë, Pete Souza(çka nuk është aspak e vërtet mbasi fotoja nuk është zyrtare).

Fakti që Edi Rama nuk ishte në takim me Obamën në Uashington, në Shtëpinë e Bardhë, por ishte në San Francisko, gjatë një darkë në fushatën më të madhe të mbledhjes së parave, në zgjedhjet presidenciale 2012, kur Obama u shpall sërish president i SHBA-ve për një mandat të dytë, ka ngjallur shumë dyshime për mënyrën sesi po e përdor fotografinë me Presidentin Obama kreu i socialistëve Edi Rama. Duke e bërë këtë fotografi si pjesë e fushatës së tij..

Paraqitja e kësaj fotografie pas gati tetë muajsh, në një prezantimin e kandidatëve për Tiranën dhe hapjen zyrtarisht të fushatës së PS-së, ku për herë të parë u bë publike dhe fotoja e takimit të tetorit 2012, ka zbuluar shumë të feshta që qëndrojnë pas asaj fotografie, private.

Gazeta Amerikane “The Daliy Caller”shkruan se : Takimi ishte realizuar nga stafi i ngushtë i Obamës kur ai ishte në San Francisko në një nga mitingjet e radhës presidenciale për mandatin e dytë, dhe një shqiptaro – amerikan ka sponsoriziar këtë takim që mendohet të ketë kushtuar jo pak por 80 mijë dollarë.

Shkrimin e saj gazeta Amerikane e ka titulluar :”Presidenti Obama takohet me politikanin shqiptar Socialiste në San Francisko.”

Ndërsa më tej ajo shkruan se :”Rama një muaj para zgjedhjeve të përgjithëshme ne Shqipëri, ka postuar një fotografi të vetes me Obamën në Facebook faqen e tij më 24 Maj. Foto tani është sfond kryesor për Facebook faqen e Ramës,” shkruan gazeta Amerikane “The Daliy Caller”.
Gazeta ka pikasur në këtë fotografi një zyrtare të fushatës Obama 2012, e cila është Julianna Smut, zëvendëse menaxhere për fushatën 2012 së Obamës Partisë Demokratike, e cila shfaqet në sfondin e fushatës më të madhe, në fotografinë e Obamës me Ramën e vendosur tashëmë në Facebook.

Gjithmonë,   sipas gazetës Amerikane “The Daliy Caller” :”Fotografia besohet të ketë qenë   marrë në një ngjarje për mbledhjen e fondeve San Franciskos në natën e 8 tetor   2012, ku si ka njoftuar shtabi elektoral i Obamës atëhere ka kushtuar 80   dollar për çdo person..
Rama   besohet të ketë marrë pjesë në këtë mbrëmje tipike Amerikane për mbledhje   fondesh si e ftuara e një banori shqiptar të New Jersey quajtur Bilal Shehu, i   cili vetë kontribuoi me 70.000dollar për fitoren Obamas – shih” Fondi   Obama 2012 më 28 shtator, 2012″. Shehu   është i listuar si bashkë-pronar i një kompanie të vogël limuzinë në   Hawthorne, New Jersey, e cila nuk mund të arrihet menjëherë për koment,.   Shehu,   i cili ka qenë i fotografuar disa herë me Ramën, sipas Facebook-ut të Edi   Ramës dhe në faqen e tij, kurrë nuk i kishte dhuruar këto para për një   fushatë politike amerikane, më parë sipas të dhënave FEC – as kur Aida   gruaja e tij, që kanë kontribuar 10.000 për për Fushatën e Fondit:    “Obama Victory 2012.”
Më   9 tetor 2012, menjëherë pas takimit të tij të përfolur “miqësorë” me   Obamën, Rama në rrjetin social tweeted në gjuhën shqipe, shkruajti me mburrje   ” Nje TAKIM I paharrueshem me mua dhe Presidentin Obama!   Fat   ! Ndërsa miqt shqiptarë të Ramës shkruanin poshtë kësaj diçiture   ;”Një nder per ne shqiptaret nga Ky Mik i Madh në Shtëpinë e Bardhë   “.
Në   rrejtin social Tweeter të Edi Ramës, ai vetë e ka përkthyer në anglisht,   këtë sentencë që do të thotë, ““At the end, an unforgettable meeting with President Obama! Fate and honor   that Albanians have such a great friend in the White   House.””
Gazeta   Amerikane “The Daliy Caller” shkruan se :” Shtetet e Bashkuara   “përdorën influencën e tyre për të mbajtur peshën e tyre në Shqipëri” kjo   ndodhi sidomos muajin e kaluar në një përpjekje për t’i dhënë fund një   bllokimi – rrethues të opozitës rikonstituimit të komisionit   zgjedhor të vendit përpara zgjedhjeve të   qershorit.
“Telefonuesi i Përditëshëm – The Daliy   Caller” është një gazetë me lajme, opinione,   kolumna dhe analiza . Ajo ka një website me bazë në   Washington, DC, Shtetet e   Bashkuara, me një fokus mbi raportimin origjinale, në thellësihetimet, komentet   politike dhe lajme nga   Washingtoni.. Themeluar nga një politikan liberal konservatoreTucker Carlson Pundit dhe Neil Patel,   një ish-këshilltar i ish-Zëvendëspresidentin Dik   Çeni, filloi te dalë në   publik më 11 janar, 2010. Në fund të vitit 2012, sipas sondazheve u tha se faqja e saj kishte katërfishuar pikëpamjen e sa me një audiencë   të përgjithshme dhe ishte   bërë organ mediatik fitimprurës.

DAILY CALLER: Albanian Socialist leader showing off fundraiser photo with Obama

May 30, 2013 by dgreca

By Patrick Hawley/

President Barack Obama met with Socialist Party of Albania leader Edi Rama at a recent San Francisco campaign fundraiser. Rama is currently using a picture of the two politicians to help win next month’s Albanian elections and take over as prime minister.

The photograph is believed to have been taken at a San Francisco fundraising event on the night of October 8, 2012.

Rama is believed to have attended the fundraiser as the guest of an Albanian resident of New Jersey named Bilal Shehu, who contributed $70,000 to the Obama Victory Fund 2012 on September 28, 2012. Shehu is listed as the co-owner of a small limousine company in Hawthorne, New Jersey, which could not immediately be reached for comment. Shehu, who has been photographed multiple times with Rama, according to his Facebook page, had never before donated to an American political campaign, according to FEC records — nor had his wife Aida, who contributed $10,000 to the Obama Victory Fund 2012.

On October 9, 2012, shortly after his rumored Pacific Time meeting with Obama, Rama tweeted in Albanian, “Ne fund nje takim i paharrueshem me Presidentin Obama! Fat dhe nder per shqiptaret ky mik i madh ne Shtepine e Bardhe.”

Rama’s tweet, translated to English, means, “At the end, an unforgettable meeting with President Obama! Fate and honor that Albanians have such a great friend in the White House.”

The United States reportedly “brought its influence to bear in Albania” last month in an attempt to end a stalemate surrounding the reconstituting of the nation’s electoral commission prior to the June elections.

Rama announced this month that former British Prime Minister Tony Blair, who developed the political slogan “the right thing to do” as the leader of the U.K.’s Labour Party in the 1990s, will act as a consultant to the Albanian government after Rama takes power. Albania hopes to soon join the European Union by implementing the kind of social reforms that Blair’s “New Labour” platform introduced after Blair’s election as prime minister in 1997, which included immigration reform to create “mass migration” to the U.K.( Follow Patrick on Twitter)

DEPARTAMENTI AMERIKAN I SHTETIT: Vizat, mirëpresim përpjekjet e Shqipërisë!

May 30, 2013 by dgreca

*Intervistë me Elizabeth A. Finan: Zyrtare nga Byroja e Çështjeve Publike dhe Çështjeve Konsullore në Departamentit Amerikan të Shtetit/

*”Në janar të vitit 2012, Presidenti Obama ka urdhëruar për të ndërtuar një program për vizat me të gjithë kapacitetin, burimet e levave, dhe të përmirësojmë aplikimin e vizave dhe procesin e hyrjes për vizitorët nga e gjithë bota”/

Shkruan: BEQIR SINA, New York/

WASHINGTON D.C: Shtetet e Bashkuara të Amerikës mirëpresin për pjekjet që dëshiron të bëjë Shqipëria për të mundësuar liberalizimin e vizave për shtetasit shqiptarë që dëshirojnë të udhëtojnë në drejtim të SHBA-ve për vizita të përkohshme, ashtu sikundër është bërë e mundur me vendet e zonës Shengen në Europë. Pohimi vjen nga Elizabeth A. Finan, Oficere e Byrosë së Çështjeve Konsullore të Departamentit të Shtetit.

Duke folur për gazetën “Bota Sot” në Nju Jork, zonja Finan tha se “ne i jemi përgjigjur me të gjithë kapacitetin tonë në ruajtjen e standardeve më të larta të sigurisë kufitare”, duke shtuar se “dua të theksoj se në vitin 2012, ne kemi lëshuar më shumë se 5200 B1/B2 viza për qytetarët shqiptarë”.Zonja Finan ka sqaruar disa rregulla për Shqipërinë në lidhje me lëvizjen e qytetarëve shqiptarë – qarkullimin e lirë me anë të lehtësimit të vizave për në SHBA.

Ajo iu përgjigj pyetjes: “Si mundet që SHBA të mbështesin përpjekjet e Shqipërisë, për të lehtësuar qytetarët e saj për lëvizjen e lirë me viza SHBA, si dhe tregtinë e lirë mes dy vendeve”.

Zyrtarja e DASH, tha: “Ne e mirëpresim Shqipërinë në këtë përpjekje të saj dhe se si ata do të punojnë me Kongresin drejt arritjes së këtij qëllimi”. Finan përmend edhe faktin se “në janar të vitit 2012, Presidenti
Obama, na ka urdhëruar për të ndërtuar me të gjitha burimet dhe të gjithë kapacitetin tonë, që të përmirësojmë aplikimin e vizave dhe procesin e hyrjes për vizitorët nga e gjithë bota”.

Në këtë kuadër zonja Finan shtoi: “Ne jemi krenarë sepse Departamenti i Shtetit ka luajtur një rol kyç në lehtësimin e vizave për qytetarët e mbarë botës në udhëtimit e tyre drejt SHBA-ve, ku afro një e treta e udhëtarëve që vijnë në Shtetet e Bashkuara, e ata që çdo vit kërkojnë vizë, e kanë marrë një të tillë”.
Zyrtarja e Departamentit Amerikan të Shtetit pohon më tej se në vitin 2012, janë lëshuar më shumë se 5200 viza B1/B2 për qytetarët shqiptarë.

Në pyetjen se: Si mundet Shqipëria të marrë mbështetjen amerikane për vizat afatgjata, me shumë hyrje dhe dalje për qytetarët shqiptarë në Shtetet e Bashkuara?, zonja Finan thotë: “Aktualisht, shqiptarët që vijnë në SHBA për biznes ose turizëm po marrin viza me shumë hyrje që janë të vlefshme për një vit”.

Kurse sa i përket pjesës së pyetjes se si mund të lehtësohet regjimi i vizave për qytetarët shqiptarë që kërkojnë të qëndrojnë më shumë se 90 ditë në Shtetet e Bashkuara?, tha: “Zyrtarët tanë nga Zyra për Doganat dhe Mbrojtja Kufitare në momentin e hyrjes së qytetarëve kanë të drejtë për të përcaktuar se sa kohë një vizitor mund të qëndrojë në SHBA, pavarësisht se sa është shënuar në vizë. Dhe kjo është e ndarë nga procesi i lëshimit të vizave nga ambasada”.

KONGRESMENI OFRON MBËSHTETJEN E KONGRESIT

Aderhoff: Heqja e vizave me SHBA, e mundur

Premtimet e kryeministrit Berisha për heqjen e vizave me Shtetet e Bashkuara nuk kanë qenë boshe. Madje vetë kongresemenët amerikanë thonë se kjo është e mundur. Kongresmeni republikan, Robert Aderhorff deklaroi në Durrës se do të punojë për realizimin sa më shpejt të kësaj nisme. “Shumë njerëz u treguan skeptike për ecurinë e shtetit shqiptar por në sajë të meritave dhe punës së vazhdueshme te qeverise shqiptare, sot Shqipëria ia doli dhe është anëtare e NATO-s. Në zgjedhjet e ardhshme ju keni shumë çështje të rëndësishme për t’u dhënë zgjidhje Unë do t’ju mbështes në Kongres për heqjen e vizave. Unë si mik i Shqipërisë dhe përfaqësues i SHBA-se do t’ju ofroj mbështetjen e Kongresit Amerikan drejt realizimit te tyre”, u shpreh ai. Pak ditë më parë kryeministri premtoi se ne mandatin e ardhshëm, qeveria do të bëjë gjithçka që Shqipëria të arrijë standardet e liberalizimit të vizave me Shtetet e Bashkuara.

KRENARIA SHQIPTARE E KA EMRIN ELHAIDA DANI

May 29, 2013 by dgreca

Elhaida Dani është fituesja e “The Voice of Italy 2013”, duke kaluar paragjykimet dhe duke bërë krenar çdo shqiptar. E përlotur, ajo falënderoi të gjithë ata që kishin besuar në zërin e saj në shqip duke thënë “faleminderit”. Bashkë me trajnerin e saj në këtë aventurë, Riccardo Cocciante, ajo interpretoi nën triumf këngën “When love calls your name”. Elhaida Dani shkoi në finale bashkë me konkurrentin tjetër Timothy Cavicchini. Gjatë gjithë spektaklit ajo ka qenë më e duartrokitura dhe më e komentuara në rrjetet sociale. “Bravissima!, Stratosferica!, Non ha rivali!, Fenomenale!, E la migliore di tutti!, Stupenda”, ishin komplimentet që kanë shoqëruar gjatë gjithë kësaj mbrëmje atë që tashmë është zëri jo vetëm i Shqipërisë, por edhe i Italisë. “Ajo nuk është thjesht muzikale, siç thotë Rafaela, ajo mund të këndojë gjithçka”, kështu u shpreh Riccardo Cocciante, sapo këngëtarja shqiptare, Elhaida Dani, këndoi “I will always love you”, të Whitney Houston. “Për talente të tilla nuk ka rëndësi se cilit popull i takojnë”, tha ai. Pas duartrokitjeve të publikut që shoqëruan gjatë artisten e re nga Shqipëria, moderatori i “The Voice of Italy” iu drejtua Noemit, duke i thënë: “A ke frikë nga Elhaida Dani?” “Jo, është një këngëtare e mrekullueshme”, tha ajo. Mbrëmja finale e “The “Voice of Italy” ka qenë një shpërthim për Elhaidën. Në të tria këngët e zgjedhura për të interpretuar ajo ka shkëlqyer, duke marrë komentet pozitive nga juria. Bashkë me Riccardo Cocciante ajo këndoi një nga këngët hit të tij, “Margarita”. “E kam të lehtë ta këndoj këtë këngë, pasi në vendin tim, Shqipëri, është një këngë shumë e njohur. Unë jam rritur duke e dëgjuar këtë këngë”, tha Elhaida para interpretimit. Kur ajo këndoi këngën “When love calls your name”, Cocciante e quajti atë “një diamant”. Mbrëmja finale e “The Voice” ka qenë një spektakël i vërtetë i mbushur plot emocione. Katër finalistët e këtij edicioni ishin Veronica de Simone, Elhaida Dani, Silvia Capasso dhe Timothy Cavicchini. “Jeta ime këto javë ka ndryshuar. Ishte një eksperiencë e bukur, që besoj se do më vlejë shumë në të ardhmen”, tha Elhaida. Në skenën e “The Voice” ka interpretuar dje këngëtari më i suksesshëm i momentit, PSY, i cili ka kënduar këngën e tij të fundit, duke ngritur në këmbë sallën të kërcente bashkë me të. Grupi i Modà ishin të ftuar special në këtë mbrëmje. Pas televotimit, e para që la garën e “The Voice” mbrëmë ishte Silvia Capasso. Kalimi i Elhaidës në treshen që do të vazhdonte ëndrrën e “The Voice” ishte emocionues për të dhe për trajnerin e saj Cocciante. Ajo këndoi një këngë plot rimë të Di Jessie “Mama knows best”. Entuziazëm solli dhe interpretimi i Noemit dhe Rafaella Carra. Një performancë plot emocion ishte dhe interpretimi për herë të parë në një duet i dy zërave të njohur të muzikës italiane, si Piero Pelu dhe Riccardo Cocciante. Konkurrentja e dytë që u eliminua gjatë mbrëmjes së djeshme ishte Veronica de Simone, ndërsa Elhaida Dani dhe Timothy Cavicchini, ishin dy konkurrentët që shkuan drejt etheve për çmimin e madh. Kënga e fundit që Elhaida këndoi para dhënies së verdiktit të publikut dhe jurisë ishte “Adagio” e Lara Fabian, ndërsa Timothy këndoi këngën e Vasco Rossi-t “Senza Parole”.

Elhaida Dani u bë e njohur për publikun pas interpretimit në “Top Fest 9” me këngën “Ti s’je më”, me të cilën u vlerësua me çmimin e parë.

Para se të hynte në “The Voice”, Elhaida ka treguar se ka provuar të hynte tek “Amici” i Maria De Filippi-t, por nuk kishte kaluar. Kur ajo këndoi për herë të parë në “The Voice” të katër anëtarët e jurisë e shtypën butonin e kuq, por ajo zgjodhi Cocciante-n, pasi ishte idhulli i saj që i vogël. “Ai ishte idhulli im që e vogël; teksa këndoja, lutesha që ai të kthehej i pari, në zemrën time tashmë e kisha zgjedhur. Nëse kam arritur deri në finale, është edhe falë tij e falë mbështetjes së publikut”, ka thënë ajo. Kur ajo shkoi në Itali dinte pak italisht, por Cocciante e bëri të ndihej si në shtëpinë e saj.

“Ai është këngëtar shumë human. Mësimi më i rëndësishëm që më ka dhënë është të mos mbaj për vete emocionet, por t’ia përcjell ato publikut”, ka thënë ajo. Për adhuruesit e këtij shou, këngëtarja shqiptare ishte zbulimi i vërtetë i këtij spektakli, një vajzë që përcjell emocione të forta kur këndon, një zë i shkëlqyer, siç do të shprehej trajneri i saj.

KUJTOJME XHON F. KENNEDI NE DITEN E LINDJES

May 29, 2013 by dgreca

Shkruan: Fritz RADOVANI/Melbourne/

Xhon F. KENNEDI (John Fitzgerald KENNEDY), ka lé në Brooklin, Massachusetts, me daten 29 Maji 1917. Asht vra me atentat me daten 22 Nandor 1963, në Dallas, Teksas të ShBA.

Ishte me origjinë nga një familje irlandeze me besim katolik, i vendosun kur imigroi në Amerikë, në Boston. Me daten 20 Janar 1961, Xhon Kennedi, u betue si President i ShBA, dhe per tri vjet mbeti i perjetshem jo vetem në Historinë e Amerikës, po edhe até botnore. Njihej si një nder gjenialitetet e universiteteve amerikane, mbasi kishte mbrojtë titullin doktor me një studim të veçantë të zhvillimit ekonomik të ShBA, per 50 vjetët e ardhëshme. Në kjoftë se Europa Perëndimore, ku perfshihej edhe ShBA në zhvillimet politike, kishte arrijtë me krijue njëfarë stabiliteti edhe në ekonomi, Europa Lindore komuniste kishte humbë edhe atë ekonomi që kishte pasë para Luftës së Dytë Botnore, mbasi gjithshka shkonte në buxhetin ushtarak nder të gjitha shtetet që ishin nën dhunen e diktaturës stalinjane bolshevike të Bashkimit Sovjetik, ndersa t’ ardhunat nga kampet e punes dhe të shfarosjes, “rezervoheshin” nder bankat Perëndimore…

Kontrasti ma i madh mes dy bloqeve ishin “të Drejtat dhe Liritë e Njeriut”. Mbas vdekjes së Stalinit, disa lëvizje me karakter demokratik në Europen Lindore, u shtypen me tanket blokut komunist tue e rikthye pushtimin e tyne nga sovjetikët, që gjoja në vitet 1956 – 58 kishin dënue kultin e Stalinit, me të cilët aso kohe u bashkue edhe “udhëheqja” e Tiranës komuniste, pra edhe Shqipnia, që mbas viteve 1961 – 62 filloi me dënue “revizionizmin modern sovjetik”, mbasi Enver Hoxha dhe Mehmet Shehu, nuk ishin dakord me lëshue postet drejtuese të tyne dhe me ba ndryshimet që vendet e “demokracive popullore” të Lindjes po banin ata vite. Perballë me ShBA, ishte edhe Kuba komuniste, që kishte fillue instalimin e luftanijeve e raketave sovjetike në portet e saja, gja që kishte zgjue prej gjumit edhe amerikanët. Data 14 Prill 1961 sjelli até që Kennedi me avionet e Tij, i tregoi Botës se politika që do të ndjekin shkon drejtë ndryshimeve.

N.S.Hrushov në vitin 1959 ishte kenë “mysafir” i Ajzenhauer në Kemp Devid, të ShBA, por gjithshka mbeti e “mësheftë” mes dy kryetarëve të shteteve ma të fuqishme të Botës.

Ndaj veprimeve të Kennedit kunder Kubës, si kunderveprim Hrushovi, me daten 13 Gusht 1961 filloi mu në zemren e Europës ngritjen e Murit të Berlinit. Gjithshka dukej se bahet në një prag të një gjendjes së re dhe të rrezikshme botnore…

Kennedi ishte nder Presidentët ma të rij (43 vjeç), kur kandidoi si President në ShBA.

Me daten 22 Nandor 1963, Presidenti Kennedi në një limousine me të shoqen Zhaklin Kennedi, shoqnuesin dhe shoferin arritën në Dallas, për zgjedhje të reja. Nga një dritare në një kthesë, Lia Harvei Osvald gjuejti dy here dhe Presidenti, mbas pak kohe vdiq në një klinikë ku e operuen pa sukses. Ngjarja atje ka ngja rreth ores 12.30’. Pra me daten 23 në mengjes në Europë, u hap lajmi i vrasjes së Xhon J. Kennedit. Tue shkue tek stacioni i urbanit me dale në punë, tek Dugajt’ e Reja, lajmin ma dha spijuni Pjerin Vata, i cili ishte i gzuem per suksesin e zhdukjes së Presidentit amerikan, që né e konsideronim President të “ndryshimeve të pritëshme”…

Me daten 24 Tetor (në ShBA), kur policia po çonte Lia Osvald nga burgu per në një burg tjeter, një “qytetar” amerikan i “zemruem” per vrasjen e Presidentit, i quejtun Xhek Rubi (Jack Ruby), në mes rojeve shtinë me pistoletë dhe vret atentatorin Osvald. Në dukje çeshtja u mbyll!

Presidenti Kennedi, ishte i 35-ti President i ShBA, dhe i treti që vritet me atentat në moshen 46 vjeçare, mbas Abraham Linkoln dhe Mc. Kinley, në vitin 1901.

Nga Raporti Worren kam veçue një frazë: “Historia rrallë perpilon spjegime të plota dhe bindëse mbi vrasjet e Burrave të shtetit. Një njeri i vetem shumë rrallë kryen ndonjë vrasje.” Po në Raportin Worren, thohet se mbas 50 vjetësh, do të zbulohet e verteta e vrasjes…pra, në 2013.

Në një kohë rekord Ai ka lanë një dafinë lavdije per shpresat e popujve të shtypun.

Në Amerikën moderne, Xhon Kennedi asht Presidenti i parë që u nderue nga zezakët.

Në vitin 1961 erdhi në Europë dhe me 2 Qershor, në Pallatin Shaijo, në Paris, mbas bisedimeve me Presidentin e Francës Sharl De Gol, deklaroi: “Mund të ketë turbullira prapa perdes së hekurt, për shkak të lidhjeve të dobëta që ekzistojnë, në një gjendje në të cilën Shqipëria është radhitur përkrah Kinës komuniste në grindjen ideologjike me Bashkimin Sovjetik. Kjo është arsyeja,” – tha Kennedi – “për të cilën ai mendon se rrota po rrotullohët në favor të Botës së Lirë, dhe jo të komunistëve.” (Gazeta “Zëri i Popullit” dt. 9 Qershor 1961, Nr. 139, (3982), fq. 4. Artikulli “Përgjigje zotit Kennedi”).

Mbas pak ditësh Presidenti Kennedi u takue me N.S.Hrushovin në Vienë.

Kur Nanë Tereza kerkoi me ardhë në Shqipni, me takue Nanen e vet dhe motren që aso kohe jetonin në Tiranë, terroristi Enver Hoxha, jo vetem, nuk pranoi kerkesen e Saj, por edhe me një mllef të turpëshem shprehi mendimin e vet në gazeten “Zëri i Rinisë” aso kohe… (E ndoshta, ajo deklaratë e tija pengon edhe sot Kuvendin Popullor, “mos me ia prekë tituj e dekorata”!!).

Nanë Tereza iu drejtue Presidentit Kennedi, i cili, iu pergjegjë: “Unë e detyroj qeverinë e Shqipnisë me Ju lejue me shkue mbrenda 24 orëve, por nuk e quej me vend shkumjen Tuej atje, mbasi drejtuesi i shtetit shqiptar jo vetem asht vetshpallë ateist, po asht edhe një terrorist vrasës i shumë klerikëve katolik të pafajshem. Shkuemja e Juej atje asht një nderim që i bahet atij…e ai, nuk mendoj se e meriton këte.”

Xhon F. Kennedi në Berlin.

Me 13 Gusht 1961 Xhon Kennedi shkoi tek Muri i Berlinit dhe aty tha:

“Unë sot jam një Qytetar Berlinez!” dhe vazhdoi:

“Kush mendon se asht i mirë komunizmi të vijë e të shohin Berlinin!..”

Kjo flakë nuk fiket!

Kjo flakë nuk fiket as nder zemrat e mendjet e Atdhetarëve Shqiptarë!

Kjo flakë nuk fiket…Presidenti Kennedi e ka ndezë per mos me u shue kurrëma!

Kjo flakë nuk fiket se asht e ndezun me dashuninë e Tij per jeten, Njeriun, Lirinë!

Ajo flakë, perditë ndritë Boten me virtytet e Shpirtit të Tij human,…

Me “të Drejtat e Liritë e Njeriut”, për të cilat Kennedi, dha edhe jeten e vet.

Melbourne, 2013.