Archives for May 2015

Korrupsioni ne mesin tone – korrupsioni brenda nesh

May 9, 2015 by dgreca

Shkruan:Sadik ELSHANI-Filadelfia/
Nje shqetesim i madh per qytetaret e Kosoves dhe partneret nderkombetare qe kane lidhje ekonomike me Kosoven, pa dyshim eshte korrupsioni i larte ne te gjitha nivelet e qeverisjes, ne te gjitha sferat e jetes politike e publike. Korrupsioni i ka leshuar rrenjet thelle ne shoqerine kosovare, po ia ze frymen zhvillimit te gjithembarshem te Kosoves duke i dhene nje pamje te shemtuar skenes politike e publike te Kosoves. Niveli i korrupsionit pasqyron nivelin, gjendjen e shoqerise se nje vendi, shkallen e zhvillimit material e shpirteror te nje vendi. Korrupsioni nuk eshte vetem simptom, shenje e semundjeve te shumeta, dukurive me negative shoqerore, por edhe vete eshte nje semundje e rende, eshte kanceri i nje shoqerie, eshte nje tregues, barometer i gjendjes se nje shoqerie, klases politike te nje vendi, nivelit zhvillimor, kulturor e arsimor te nje kombi. Prania e larte e korrupsionit ne nje shoqeri flet qaret se ajo shoqeri e ka humbur busullen e kodit moral, etik. Vendet e zhvilluara, kombet e perparuara karakterizohen me nje shkalle teper te ulet te korrupsionit dhe me nje vetedije, ndergjegje, kod moral e etik teper te larte. Qytetaret, zyrtaret e vendeve te tilla jane te ndershem e shume punetore.
Korrupsion nuk eshte vetem kur nje person kerkon para, ndonje dhurate, shperblim per nje pune qe ashtu – ashtu duhet ta kryeje, por jane edhe format tjera korruptuese, si: nderhyrja per te kerkuar dicka qe nuk i takon dikujt, venja ne nje pozite te larte, ne nje institucion e personit qe nuk eshte i kualifikuar, nuk i ploteson kriteret per ate pozite, etj. Korrupsioni eshte pengese kryesore per zhvillimin e nje vendi, sepse nuk e nxit kreativitetin, nuk e ngjalle deshiren per te punuar, kembenguljen per te arritur dicka, por e nxit parazitizmin, pertacine, sjell nje porosi te keqe, se per te arritur ne nje pozite ne shoqeri, ne ndonje institucion, nuk ke nevoje te punosh, te angazhohesh, te tregohesh, te dallohesh nga te tjeret, por vetem duhet te kesh lidhje te forta. Korrupsioni e ndrydh shpirtin konkurues, garues te nje vetje (individi), te nje shoqerie, faktor ky kyc dhe mese i domosdoshem, force shtyse per zhvillimin e nje vendi dhe sikur e le nen hije shfaqjen e ideve, ndermarrjeve te reja krijuese.
Per kete dukuri te shemtuar, pergjegjes ne radhe te pare jane personat, institucionet qe jane te korruptuar. Por keto dukuri nuk ndodhin ne nje hapesire te zbrazet, por ndodhin ne shoqeri, ne kohe dhe hapesire te caktuar, prandaj, edhe shoqeria i mbane pergjegjesite, i ka fajet e veta. Per fat te keq, ne anet tona, pasurimi i shpejte e i paligjshem, keqperdorimi i pozites, detyres, konsiderohen si zotesi. Nese dikush eshte ne nje pozite qe ka mundesi te pasurohet ne menyre te paligjshme dhe nuk pasurohet, atehere askush nuk e quan ate person parimor, te ndershem, por do ta quajne qyqar, frikacak – njeri qe nuk eshte i zoti per veten e vet. Nese je pergjegjes, drejtor ne nje institucion, ndermarrje dhe nje mik, nje i aferm te kerkon qe tia kryesh nje pune, nje kerkese qe nuk i takon, nuk e meriton dhe ti nuk ia kryen ate kerkese se nuk e lejojne rregullat, nuk e lejon ligji, atehere ai nuk te quan parimor, njeri qe e zbaton ligjin me perpikemeri, por do te drejtohet: Po cfare drejtori qenke ti qe nuk mund ta thyesh ligjin, nuk mund t’i thyesh rregullat per mikun tend, te afermin tend. Nder te tjera, te bejne edhe frikacak. Keto jane bindjet qe jane krijuar ne shoqerine tone, se ai qe punon ne nje zyre, institucion, duhet te jete Zot i asaj zyreje dhe jo sherbetor i qytetareve.
Para ca ditesh takova nje keshilltar te Keshillit Bashkiak te qytetit te Filadelfias me te cilin njihem mire dhe duke biseduar, nder te tjera me tha se u ka ndihmuar disa shqiptareve, dhe pastaj shtoi se, te gjithe i ofronin dicka. Une u thoja, vazhdoi ai, se une ketu jam per t’ju ndihmuar, per t’ju sherbyer juve dhe ju nuk keni kurrefare detyrimi ndaj meje. Te tille jemi ne, gjera te tilla jane bere pjese e jetes sone – per te kryer nje pune, duhet dhene dicka. Korrupsioni eshte shtrire, ka depertuar ne te gjitha sferat e jetes, por per cudi, me se shumti ne shendetesi dhe drejtesi, dy veprimtari qe duhet te jene me pak, ose fare te korruptuara. Mjekesia ne radhe te pare eshte nje profesion human, ndersa drejtesia eshte ajo qe duhet te luftoje korrupsionin.
Korrupsioni i larte eshte bere pengese kryesore per zhvillimin e Kosoves, terheqjen e investimeve te huaja dhe punen e suksesshme te ndermarrjeve, bizneseve vendore. Shume kompani, fondacione, institucione financiare nderkombetare nuk do te investojne, nuk do te angazhohen ne vendet me korrupsion te larte. Prandaj, duhet bere perpjekje serioze per parandalimin e veprimtarive korruptive dhe zhdukjen e korrupsionit. Kete, vazhdimisht dhe me kembengulje e kerkojne edhe miqte dhe aleatet tane – ata qe na duan te miren, na perkrahen, dolen ne mbrojtjen tone ne castet me te veshtira te historise sone. Eshte veshtire te luftohet korrupsioni nga zyrtare dhe institucione te korruptuara. Kjo dukuri patologjike nuk eshte krijuar brenda nates dhe nuk do te zhduket brenda nates. Nuk eshte lehte, por duhet filluar nga diku qe te dalim nga ky rreth ngulfates. Formula, qasja me e lehte, me e thjeshte do te ishte: Mos u korrupto dhe mos korrupto te tjeret. Kjo lehte thuhet, por veshtire zbatohet ne jete. Duhet filluar me edukimin e femijve qe ne moshe te re, ne familje dhe ne shkolla. Te krijohet nje brez i ri, i edukuar, i paisur me vlera te larta kombetare e njerezore, i ndergjegjesuar per rolin e tyre per zhvillimin dhe perparimin e vendit. Te identifikohen dhe te denohen personat, zyrtaret e korruptuar – te largohen nga skena politike e publike e vendit. Klasa e vjeter politike oportuniste, e korruptuar, jokompetente, joefikase, te zevendesohet me njerez te ri, te shkolluar e te afte per t’i kryer me pergjegjesi detyrat e tyre. Te kembejme pervojat me vendet, institucionet e perparuara nderkombetare dhe te kerkojme ndihmen e tyre per ngritjen e nje administrate, institucioneve efikase, moderrne demokratike. Por duhet te angazhohen e te ndergjegjesohen edhe qytetaret, shoqeria civile. Nje gje eshte e sigurt: njeriu nuk lind i korruptuar dhe nuk fillon te korruptohet kur te arrije ne nje pozite te larte (me ndonje perjashtim te rralle). Pra, shfaqja e korrupsionit e ka nje zanafille, e ka nje fillim dhe sic u cek me lart, nuk ndodh ne nje hapesire te zbrazet. Sa me pare qe te zbulohet, sa me pare qe te luftohet, sa me pare qe te ndalohet – aq me mire per te gjithe.
Per lirine dhe pavaresine e Kosoves shume atdhetare e shkrine pasurine e tyre, madje disa e flijuan edhe jeten e tyre, ndersa sot, oportunistet me veprimtarite e tyre korruptive, kriminale jane duke e pasuruar veten dhe klanet e tyre ne dem te qytetareve te varferuar te Kosoves – jane duke e varferuar Kosoven, duke e vene Kosoven ne nje gjendje te veshtire ekonomike e shoqerore dhe duke e rrezikuar shtetesine e saj. Me njerez te tille ne pozita udheheqese dhe veprimtari te tilla kriminale, Kosova kurre nuk mund te ecen perpara! Deri kur keshtu?!
P. S. Cdo fjale e shkruar (dhe e pashkruar) ne kete shkrim, vlen edhe per korrupsionin ne Shqiperi.

Philadelphia, 9 maj, 2015.
*Sadik Elshani eshte doktor i shkencave te kimise dhe veprimtar i bashkesise shqiptaro – amerikane.

Pse Rusia?

May 9, 2015 by dgreca

Nga Fahri Xharra/
Tagjikistani është një shtet i vogël, 93% malor, me një popullsi prej 6 milionësh ku rreth 63% janë Tagjikë e 93% myslimanë. Ky shtet i Azisë Qendrore gjithmonë është i trazuar. Që nga pavarësia e 1991-shit prej BS-ik, ky komb vazhdimisht është tronditur nga lufta frakcionale ndër krahinore dhe fetare që kulmuan më Luftë Qytetare në Majin e vitit 1992 e tutje, duke e shkatërruar ekonominë ashtu të varfër, shpërnguljet masive dhe mbytjen e mbi 60 mijë vetëve. Lufta qytetare ka zgjatur mbi katër vjet.
Populli i sotshëm i Tagjikistanit ka pak nga ata që e luftuan Aleksandrin e Madh, para 23 shekujsh. Vendasit u ballafaquan ndër shekuj nga shumë qytetërime të kohës dhe pësuan asimilime gjuhësore dhe kulturore nga Persët, Turqit dhe Mongolët. Në shekujt e 8-të dhe të 9-të u krye asimilimi gjuhësor nga Persët, të cilët e sollën edhe fenë islame.
Persishtja u bë gjuhë e drejtësisë, e elitës së kulturuar dhe e fesë Islame, duke u futur me kohë edhe në viset më të larta e të largëta malore të vendit… Edhe pse populli nuk e donte pavarësinë nga Rusia, ajo u b, pavarësia u arrit, por me luftë qytetare ndërmjet opozitës Islamike fundamentaliste dhe të moderuarve që janë ende në pushtet. ( Lexoje :” Tagjikistani dhe tokat mbarëshqiptare “ F.Xharra)

Por çka të bën përshtypje këtu, është se ende mbetet si konflikt ideologjik, gara në mes të sekularistëve dhe atyre të vizionit islamik. Sekularistët janë për pluralizëm politik, kulturor, ekonomik, kurse Vizioni Islamik vetëm për Autokraci.
Lufta qytetare i kishte edhe pasojat e saj jo vetëm ekonomike, por edhe në ndërrimin e të menduarit të Tagjikut. Shkollimi i ndërprerë për vite të tëra e sajoi të aftin për punë të paaftë. Lufta e stimuloi dhunën në rritje ndaj femrës. Kjo shoqërohej me diskriminim në shkollë dhe pas shkollimit në gjetje të punës. Por më e keqja: lufta i la shumë gra kujdestare të vetme të familjes. Mungesa e punës e rriti prostitucionin, si i vetmi burim i ekzistencës. Filloi me të madhe shkuarja e femrave të reja në vendet e pasura arabe për të gjetur “punë”. Kthimi prapa i tyre nga “puna premtuese” ne vendin e tyre gjithnjë të varfër solli vetëm prishje të unit dhe të personalitetit. Një problem më tepër për shoqërinë.

Këto ditë ,.lajmërojnë agjensitë botërore të lajmeve , se pas paraqitjes së “Grupit Islamik që thirren në xhihad” në Tagjikistan , Rusia i premtoi këtij vendi ndihmë ushtarake dhe pajisje në vlerë prej 1,23 miliardë $ , që të ndihmohet ky shtet në luftën e tij nga rreziku në rritje i grupeve ushtarake të njohura si ISIL ose ISIS.
Pse Rusia ,po e ndihmon Tagjikistanin në këtë pike?

Por përkundër rritjes së rrezikut të ekstremit islamik, Presidenti I Tagjikistanit i propozoi parlamentit të këtij vendi , që të ndalojë emërtimev e të posalindurve si dhe emërtimet e cdo gjëje që tingllon arabisht.
“Pas votimit të këtij ligji , oficerët civil nuk do të guxojnë regjistrojnë asnjeri e as gjë me emrat e objekteve, flores , faunës si dhe emrave të njerëzve kanë origjinë arabe.,” tha Xhelaldin Rahimov, zyrtar i lartë i Ministrisë së drejtësisë së ketij vendi ,raporton agjensia Interfax.
Rahmonov, i cili ka fuqinë e madhe si politikan dhe gëzon përkrahjen e madhe sidomos të popullatës së varfër, vitin e kaluar i ktheu mbrapa një numër të madh studentësh nga shkollat fetare dhe u ndërpreu studimet jashtë vendit, si dhe e goditi ashpër mënyrën “islamike” të veshjes.
Deklarata e tij: “Kam frikë që ndër frikën e dënimit e ndëshkimit të rinjtë s`do të respektojnë Zotin gjatë faljes dhe lutjeve”, hasi përkrahje ndër mjediset intelektuale dhe gati gjithëpopullore Tagjike..
Tagjikistanin si vend, si popull, si histori e njoh shumë mirë. Kam simpati të posaçme për këtë vend aziatik. E kam vizituar shpesh. E njoh edhe nga këndi i hundëzakëve të Aleksandrit të Madh. Vend i vuajtur dhe i përvuajtur, por me një klasë politike intelektuale dhe të mprehtë, e cila përkundër dëshirave të “miqve”, merr hapa të rëndësishëm për ardhmërinë e vendit.
Varfëria, shkollimi i cunguar, perspektiva e errësuar, qasje të kufizuara në shëndetësi cilësore janë ato që i bashkëngjajmë njeri tjetrit, e dallojmë shumë në mendimin dhe vendosjen e parakushteve për të ardhmen e rinisë sonë.
Në trojet mbarëshqiptare ne duhet t`i referohemi asaj çka thoshte Aristoteli dikur në kohën e tij: “T`i kushtojmë rëndësi të veçantë edukimit të rinisë. Një mospërfillje sado e vogël në këtë drejtim, do të na kushton shumë shtrenjtë”.
Fahri Xharra
09.05.15 Gjakovë

Austria e gatshme për “Evrovizionin 2015”

May 9, 2015 by dgreca

*Mesazhi i Austrisë si organizatore është – toleranca/
*Emocione në prag të Evrovizioni në Vjenë. Shtypi austriak shkruan për Elhaida Dani,përfaqësuesen e Shqipërisë. 58 kabina për gazetaret, bina 44 m e gjerë, 26 kamera do sjellin pamje për 200 milion shikues. Shqipëria me nr.14 në pjesën e dytë të natës së parë/
Shkruan: Hazir Mehmeti,Vjenë/
Shtypi austriak e përcjell në çdo hap përgatitjen për mbajtjen e garës më të popullarizuar të këngës në kontinent. Salla e mrekullueshme “WienerStadhalle”, e njohur për manifestimet sportive e koncerteve është në vlugun e punëve finale.Po në këtë sallë të njohur mbajti koncertin e tij Ardian Bujupi dy vjet më parë. Sipas gazetës së njohur austriake “DiePresse” “Shqipëria kësaj radhe ka shpresa për një marshim drejt titullit me këngëtaren ElhaidaDani. Shqipëria deri tani nuk ka festuar sukses të madh në SongContest. Garuesjashqiptare në Vjenë, ElhaidaDani. iu deshtë së fundi ta ndërronte titullin e këngës”. DiePresse jep historikun e pjesëmarrjes së Shqipërisë në Eurovision, për herë të parë në vitin 2004. “ Deri tani nga dymbëdhjetë konkurrimet, pesë herë nuk kalon në pjesën finale. Renditjen më të mirë Shqipëria e kishte në Azerbajxhan me këngëtaren RonaNishliu me këngën “Suus” në vendin e pestë të finales. Renditjamë e dobët ishte në vitin 2008”. Gazeta jep disa nga renditjet e këngëve shqiptare nga vitet e fundit. Në vitin 2013, AdrianLulgjuraj me këngën e Bledar Sejko, “Identiteti” vendi i 15 në gjysmë finale, siç ishte dhe në vitin e kaluar e përfaqësuar nga Hersi po në vendin e 15 –të.
Gazeta tjetër e njohur austriake „Der Standard“ ka nxjerr në faqet e saja këngëtarët e mbrëmjes së parë e cila do mbahet me 19 maj, ku Shqipëria është e 14- ta. Që tani merret opinioni lidhur me plasimine mundshëm nga nata e parë për finale e cila mbahet me 23 maj. Këngëtarët e natës së parë: 1.Moldavia: EduardRomanyatu – “I wantyour love”.2.Armenia: Genealogy – “Face the shadow”.3. Belgjika: LoïcNottet – “Rythm Inside”.4: Holanda: TrijntjeOosterhuis – “Walk Along”5.Finlanda: PerttiKurikanNimipäivät – “Ainamun pitää”6. Greqia:Maria Elena Kyriakou – “OneLast Breath”7. Estonia: ElinaBorn und StigRästa – “Goodbye to Yesterday”8. Maqedonia: DanielKajmakoski – “Autumn Leaves”9. Serbia: BojanaStamenov – “BeautyNever Lies”10. Hungaria: Boggie – “Warsfor Nothing”11. Bjellorusia: Uzari und Maimuna – “Time”12. Rusia: PolinaGagarina – “A Million Voices”13. Danimarka: Anti Social Media – “The Way You Are” 14. Shqipëria: Elhaida Dani – “I’m Alive”15.Rumenia: Voltaj – “De la capăt – All Over Again”.16Gjeorgjia: Nina Sublatti – “Warrior”
Gazetat japin informata të shumta rreth aktiviteteve përcjellëse. Sipas gazetës tjetër vjeneze “Wienheute”: “Në shëtitoret e frekuentuar do vendosen gjashtë “kapakë altoparlantë” të gropave septike mbi kanale të cilët do këndojnë këngët e fituesit në Eurovisionin e kaluar, austriaku Conchita dhe këngë tjera për shëtitësit e shumtë.
Për komentuesit nga vende të ndryshme janë në shfrytëzim 58 kabina përball tribunës. Ato do kenë të ashtuquajturën „hapësirën e gjelbër“ prej nga do raportojnë pa pengesa reporterët e vendeve të ndryshme për televizionet e tyre. Siç lajmëron përgjegjësi njësitit të kameramanëve z.KurtPongratz, për 200 milion shikues nga e gjithë bota. do jenë26 kamera. Presqendra do hapet me 10 maj ku do jenë të vendosura 350 kamion special me pajisje të ndryshme teknike që kapin peshë 3500 ton. Çdo arkë pajisjeshdo kalon nëpër kontroll të rreptë të policisëdhe personat e sigurimit, Masat e sigurisë do të jenë të nivelit më të lartë të mundshëm.
Programet dhe hapja e dyqaneve e muzeve është e veçantë, kur pritet një ardhje e turistëve nga e gjithë bota. Qysh tani të gjitha hotelet janë të rezervuara për pesë ditët e javës së tretë të majit. Numri i turistëve që vizitojnë Vjenë do rritet shumë krahasuar me vitin e kaluar kur ishin 13,5 milion turist nga e gjithë bota. Austriakët janë mjeshtër në shërbimet hoteliere të një cilësie të lartë, kur dihet se 33 për qind e të ardhurave kombëtare vijnë nga turizmi. Vetëm Vjena ka 96 muze me 950 salla muzesh. Shpresojmë se nga Vjena shqiptarët do jenë fitues të organizimit të Evrovizionit pasues.

Ballisti modern

May 9, 2015 by dgreca

Shkruan:Ilir Levonja-Florida/
1) Sa më shumë që njoh të drejtat civile qytetare të Amerikës, në administrate, qoftë kjo tek shteti apo tek privati, më i përvuajtur më bëhet vështrimi. Poshtë e më poshtë më çon trishtimi. Të paktën nga meditimi më i parë. Mjafton të kujtojë se si, dhe sa punuan prindërit e mi. Çfarë kanë, çfarë lanë, si e jetuan pleqërinë? Sidomos babai. Fanatizmi i tij mbi valixhen me dekorata. Dashuria me shkumë inati karshi partisë. Një jetë e çuar kot. E të tjera si këto. Mbasandaj vitet e tanishme, këto të drejta qytetare nga e sotmshja.
Ndofta nuk është krahasimi i duhur. Por unë do vazhdojë ta bëj. Pasi shpesh kam nga ata kundërshtarë të mire që më shkruajnë në inbox, duke më kujtuar pikërisht këtë krahasim. Ne dhe Amerika. Nuk qëndron. E ke gabim.
Nga ana tjetër edhe pse e ëndërrojmë, edhe pse e mbipopullojmë sportelin me kërkesa për në Amerikë. Prapë e kemi gabim të krahasohemi në realitet. E kemi gabim ta marrim si shembull për të tashmen atje në vendin amë. Këtë vendin që e ëndërrojmë.
Ndërkohë që panelet e studiove dominohen nga zëdhënës partish, edhe pse profesorë, doktora etj.., me metoda bashkëkohore të Amerikës.
Pyetja është, a i thonë për të treguar kulturë, apo për t’i aplikuar në të përditshmen? Në qeverisjen e radhës?
2)Në kohë stuhish, këtu stacionet informative njoftojnë qytetarët gati një javë përpara që të mos gjënden gafil. Dhe zakonisht njerëzit nuk blejnë ushqime të freskëta, por të konservuara. Mund të mos ketë drita, mund të mos ketë qarkullim për ditë me radhë. Unë e provova këtë situate me harrikenin e famshëm Katrina , vera e 2005-ës. Ndenjëm dy javë pa drita e të tjera. Megjithatë mbaj mend diçka, e para dhe më e rëndësishmja gjë qe uji. Kur shkuam të blenim atë, radha qe kilometrike. Çuditërisht edhe pse për orë të tëra, askush nuk doli nga aty. Askush nuk e theu atë. Të gjithë ne ishim njerëz emigrantë. Thuajse të gjithë.
Kam pyetur veten? Përse jemi kaq të sjellshëm këtu. Dhe aspak në vendet nga vimë?
Sigurisht për së pari shteti, e sigurisht për së dyti njerëzit.
Megjithatë historia e këtij shteti, është një e tillë si marrëveshjet e mëdha. Mjafton të përmendimin luftën civile midis veriut dhe jugut. Fundin me marëveshje të mëdha. Jo me rrahje të vazhdueshme gjoksi etj.
3)Sot në Selenicën e Vlorës, rinia komuniste, kryetari rinor socialist, kryetari lësëist,. Aleati djathtist, paterica e Berishës, depozita e Ramës. Aleati i Ramës. Aleati i aleancës së qelbësirave sipas Berishës, etj. Që ju i dini më mire se unë. Tallet me ballistët.
Aq kollajllisht sa njerëzit në Shqipëri besojnë se luftën e ka bërë Ilir Meta. Se lufta është ajo që thotë Ilir Meta. I lexuari, i kënduari. Të tjerët nuk dinë të lexojnë. Beson edhe vet Iliri se është kështu. Edhe pse në panelin e së përditshmes, pare me atë syrin plot trishtim. Pra se ku ndodhet populli yt përballë këtij populli këtu. Të drejtat, mirëqia, apo të ardhurat, apo edhe jetesa me popullin atje. Që qeveriset nga Iliri. Ballisti modern i provinces shqiptare.
E thënë thjesht, në fushata elektorale flitet për arredimin e shoqërisë në lidhje me çfarë është bërë mire. Çfarë nuk është bërë mire. Si mund të përmisohet etj. Nuk flitet për lavdi historie. Lavdia, fjalët e mëdha, janë ideollogji. Ne dështuam njëherë si vend. E vërteta praktike nuk është lavdija e rreme, por mubndja e skamjes aty.
4)Përse vazhdoni t’i mallkoni ballistët? Për të përmisuar mirëqënien e Selenicës, apo mirëqënien tuaj? Ç’lidhje ka një histori e uzurpuar, denigrimesh, mashtrimesh, përballë perspektivës së një qeverie lokale si Selenica. Ç’lidhje kanë ballistët, me të cilët u tallëm gjysmë shekulli, duke i parafytyruar si pijanecë, pulaxhinj, petullaxhinjë etj…, përballë shifrave të të ardhurave tuaja, që po shohim përditë nëpër faqet e gazetave. Po ashtu përballë shifrave të të ardhurave të një qytetari. Përballë azilkërkuesve të dita ditës. Përballë mallkimit që i bëjnë vetes shqiptarët se, pse linden aty?
5)Një poet, një dramaturg shqiptar me emrin Hekuran Zhiti, shok i Tutulanëve, i Sterjo Spases, Nondës, Petros etj. Shkruan një poemë përqafimesh për kundërshtarët. Qëllimi, të shmange dasimet, vëllavrasjet etj. Çuditërisht një zë i tillë dënohet nga të gjithë sistemet. Dënohet ai, apo dënohen idetë e tija. Këtë le të na i shpjegojë Iliri.
Tjetër detaj…Para se të vdiste, ai që ideoi Ballin Kombëtar la me testament që pasuria e tij, të bëhej një Instituti i studimeve të shqipes. Që librat e tij, biblioteka e tij…. të bëhej Biblioteka Kombëtare.
Edhe ky një i denigruar, i dënuar nga disa regjime. Edhe pse vjen nga ajo derë ku ti sot mban si medallion Rilindjen. Epokën që bëri familja e tij e frashërllinjëve.
6) Po e mbyll me ato fjalë që e nisa. Sa më shumë e njoh administratën këtu, të drejtën civile, të drejtat e punëtorit me punëdhënësin, nënpunësit me shtetin etj. Aq më tepër trishtohem për njerëzit aty. Për vendin tim. Vendin e liderëve që janë kopja e përkryer e atyre që krijojnë për t’i sharë.

Shuhet Bilbili I Prizrenit , kengetarja Kosovare dhe e gjithe Trojeve Shqiptare

May 9, 2015 by dgreca

Nga FLORA DURMISHI/
Në orët e hershme të mëngjesit, në Prishtinë, vdiq këngëtarja e muzikës së lehtë Liliana Cavolli, e cila bëri një karrierë të gjatë jetësore dhe të punës në Radio Prishtinë, jo vetëm si këngëtare, por edhe si moderatore e disa emisioneve muzikore.
Ajo, bashkë me Nexhmije Pagarushën, i lanë vulën historisë së zhvillimit të këngës moderne shqipe në Kosovë, ku për dekada me radhë ushqyen shpirtin e dëgjuesve të shumtë me vlera të qëndrueshme artistike, transmeton KosovaInfo.
Çdo histori për këngën argëtuese në Kosovë, nuk do të mund të shkruhet asnjëherë pa emrin e Liliana Qavollit, e cila në jetën muzikore të Kosovës solli vlera të një niveli me barasvlerë europiane në muzikën shqiptare, madje në një kohë shumë të vështirë.

Disa kujtime per Liliana Cavollin

Liliana Cavolli u shqua si artiste e rrallë, e cila pushtoi majat e muzikës zbavitëse, por shkëlqeu edhe në zhanre të tjera. Liliana u lind në Prizren më 5 maj të vitit 1942 nga nënë Miseretja-aktore dhe këngëtare dhe babai Isak Cavolli, mësues. Liliana ishte fëmijë dhe mezi e mban në mend kur familja e saj u shpërngul në Shkup ku qëndroi disa vjet.Po në Shkup Liliana pati paraqitjen e parë në radio pa e ditur se ky ishte hapi i saj i parë në karrierë. Nëna e Lilianës ishte këngëtare dhe ne gjurmet e saj eci dhe Liliana Prizreni ku Liliana filloi të hedh shtat si vajzë por edhe si këngëtare. Njëkohësisht ndoqi mësimet në shkollë të mesme të muzikës dhe u anëtarësua në SH.K.A. “Agimi”. Talenti, zëri dhe puna në Prizren bënë që Liliana të shquhet shpejt si emër premtues. Këto karakteristika e bënë ardhjen më të lehtë të saj në Radio Prishtinë. Këtu fillon një kapitull tjetër shumë i rëndësishëm për jetën dhe karrierën artistike të Liliana Cavollit. Zëri, si dhuratë nga natyra, dhe dashuria për këngën ishin adutet kryesore të Lilianës që e bënë të admiruar. Por nuk ka munguar edhe mbështetja dhe mirëkuptimi nga kolegët dhe kompozitorët si: Skënder Gjinali, Musa Piperku, Severin Kajtazi, Gjergj Kaqinari, Isak Mucolli etj. ndaj të cilëve Liliana ishe shumë mirënjohëse.
Vlerësimi nga krijuesit dhe kritikët e muzikës,ishte I larte per Liliana Cavollin. Ne, të gjithë, jemi kënaqur me këngën e Lilianës. Jemi kënaqur e gëzuar edhe për faktin se ishte një paraqitje e mrekullueshme e këngës shqipe nëpër botë, pothuaj në të gjitha kontinentet.
Në Radio Prishtinë Liliana këndonte vet dhe këndonte bukur por njëkohësisht ka dhënë një ndihmesë që edhe këngët tjera, që transmetoheshin, të kishin nivelin e duhur artistik. Liliana ishte redaktore e muzikës dhe udhëheqëse e emisioneve të paharrueshme si “Unë ti muzika dhe poezia”, “Evergeen” etj. Edhe sot ajo udhëheq emisionet më të dëgjuara muzikore në Radio Kosovë ku ndihet shumë mirë.
Ishte ndër kengëtaret më me emër, redaktore e muzikës në ish Radio Prishtinë dhe autore e disa emisioneve dhe autore e dy emisioneve shumë të dëgjuara në Radio Kosovë!
Rridhtei nga një familje artistësh. Nëna esaj , Meserete Cavolli, ka qenë këngëtare dhe aktore. Ka lindur në Prizren, rritur në Shkup. Ne Prizren ka mbaruar shkollën e muzikës.
Në vitin 1953 u largua nga Kosova për në Shkup ngaqe babai I saj Isak Cavolli, ka qenë i përndjekur nga UDB-a serbe dhe gjithënjë i burgosur. Prandaj dhe qendrimi I tyre ishte ne Shkup ,Liliana jetonte me me nënën dhe dy vëllezërit esaj, vite të tëra. Nëna e saj ishte aktore në Prishtinë fillimisht, e pastaj edhe në Shkup njëherit ishte edhe një ndër këngëtaret e para të Kosovës krahas Zehra Mulës, pastaj kanë ardhur Vera Shahta e më pas Nexhmije Pagarusha, Sanije Shala e kështu me radhë.
Po, paraqitja e parë per Lilianen ka qenë si pijestare e shoqërisë “Agimi” shoqëri me traditë. “Agimi” ka pasë në gjirin e vet orkestrin zbavitëse, popullore, para publikut prizrenas me këngë zbavitëse nga festivali i Sanremos .
Le të këndohet kënga e vjetër dhe kënga e re së bashku. Mos të frikohen që kanë konkurrencë se gjithkush në këtë qiell e ka vendin e vet., shprehej ..Liliana
komunikimet me Shqipërinë–
E pranishme me ansamblin “Shota”, në Shqipëri diku në vitet e shtatëdhjetae pritur shume mire nga publiku.Cdo takim me adhuruesit e saj në Shqipëri më krijonte emocion dhe kënaqësi të posacme.
Ardit Gjebrea shprehet per Liliana cavollin ishte një këngëtare e shquar e muzikës shqipe: Unë e kam ndjekur që kur kam qenë fëmijë me këngëtarët e mëdhenj që kanë ardhur në Shqipëri. Më kujtohet kur për herë të parë e kam dëgjuar të kënduar prej saj “ Zambaku i Prizrenit” jam mrekulluar, vërtet, me zërin e saj dhe gjithmonë më ka mbetur në kujtesë këngëtarja Liliana Cavolli, si një këngëtare vërtet profesioniste, me një zë shumë të bukur dhe shumë të pasur. Më duket pak të them se ishte kënaqësi kur ajo pranoi ftesën tonë të vijë dhe të këndojë në festivalin “Kënga Magjike”. Liliana për mua mbetet një ndër emrat më të mëdhenj të muzikës kosovare.
Lilana Cavolli ishte një këngëtare e shkëlqyer. Ajo ka kënduar me të njejtin sukses si këngën zbavitëse si atë popullore. Lilana ishte një soprano e mrekullueshme. Nuk do të pranonte kurrë të këndojë play beck.
Para se gjithash ishtë timbri i sajishte karakteristik, i ciltër, vokacioni i ngrohtë, ngjyra e formësuar, diksioni i cartë që janë bazament i vlerës së kalibrit të këngëtareve të afirmuara. Liliana mbetet me emër në këngën tonë dhe të këngëtareve tona të mëdha si Nexhmije Pagarusha, Vace Zela, Hafsa Zyberi, Naile Hoxha, Fitnete Rexha, Shpresa Gashi, Shahindere Bërlajolli etj.
U prefsh ne paqe bilbili I trojeve shqiptare!9Flora Durmishi)