Archives for July 2016

LUFTA NË LAJME: 23 korrik 1998: Shqiptarët e vrarë groposen në varreza masive…

July 23, 2016 by dgreca

PRISHTINË, 23 Korrik 2016-Gazeta DIELLI-Behlul JASHARI/ Kam raportuar se, “organet e pushtetit okupues serb në Prizren, më 22 korrik 1998, në varrezat e këtij qyteti hapën dy gropa të mëdha dhe groposën shumë shqiptarë të vrarë gjatë ofensivës në Rahovec”, dhe në 22 korrik 1998 raportoja që në titull: Shqiptarët e vrarë janë varrosur në dy varreza masive. Në Rahovec nuk ishin identifikuar ende shumë të vrarë e të masakruar, që kanë mbetur nëpër rrugë, shtëpi, bodrume dhe fusha.

Raportoja për luftime kundër forcave kriminale okupatore serbe përgjatë brezit kufitar me Shqipërinë, në Dukagjin, Drenicë, Rrafshin e Kosovës…Këto janë dy nga lajmet e luftës, të para 18 viteve – të 23 korrikut 1998:

http://www.hri.org/news/balkans/ata/1998/98-07-23.ata.html

[05] Albanians killed in Rahovec burried in massive graves

PRISHTINE, July 23 – ATA correspondent Behlul Jashari reported that the Albanians killed recently by the Serb forces in Rahovec city were buried on Tuesday in two common graves, Prishtina press said on Thursday referring to eyewitnesses.

“Serb forces have dug up graves with excavators and buried the bodies collected in the roads of Rahovec almost an hour before the arrival of foreign journalists and diplomats in the city,” the same source said.

The Council for the protection of Human Rights and Liberties in Kosova said that Serb forces have killed over 50 Albanians but scores of killed and massacred people in roads, houses, underground and fields had not been identified yet.

Sources of the Democratic League of Kosova (LDK) in Rahovec believe that there are hundreds of civilians killed, massacred, burnt or injured.

Kosova press and other sources compared Rahovec with Srebrenica. pta/mima/ak/

Albanian Telegraphic Agency

[12] Continuous fighting and displacement of population in Kosova

PRISHTINE, July 23 /ATA correspondent Behlul Jashari reports:

Fighting in Kosova continued also over the last 24 hours along the border belt with Albania, in Dukagjin, Drenice and Rrafshi i Kosoves.

Displacement of the population in large proportions is taking place not only in many villages attacked and bombarded by the Serb forces but also in the cities.

Besides Decan, Rahovec, too, has been destroyed and emptied, while the population are being largely displaced from Peja, Skenderaj and other cities, also including the Kosova capital, Prishtine.

Today’s reports say that Serb forces’ attacks continue also in the villages of Pecan, Zllaushan and Reshtan of the Suhareke commune, the village of Gremnik of Kline and several other regions of Drenica, as well as in the village of Nerodime e Eperme of Ferizaj suburb.

In Peja the Serb police are maltreating many Albanian families, thus, because of blockades and raids by the Serbian forces the city of Gjakova is likely to remain without food. /das/lm/

https://groups.google.com/forum/#!msg/bit.listserv.albanian/iejU53985dY/YhnheFtjLeMJ

Shqiptaret e vrare jane varrosur ne dy varreza masive

PRISHTINE, 23 korrik/-Korrespondenti i ATSH-se, Behlul
Jashari njofton: Mbi varrezat e perbashketa qe forcat serbe i
hapen te merkuren jane shkruar pese emra shqiptaresh (Bekim
Bugari, Sadik Shala, Destan Sharki, Muharrem Kadri, Mehmet Kadri
dhe Halit Hoxha) si dhe numrat 1, 4 , 8 e 10 qe jane shifra per
shqiptaret e paidentifikuar, nderkohe qe numri i shqiptareve te
varrosur mendohet te jete shume me i madh, bejne te ditur burime
te Keshillit per Mbrotjen e Lirive dhe te Drejtave te Njeriut ne
Kosove (KMLDNJ).
Sipas te njejtit burim forcat serbe kane hapur, te merkuren,
me eskavator dy varre te perbashketa dhe kane groposur kufomat e
mbledhura neper rruget e qytetit te Rahovecit, afro nje ore para
ardhjes ne qytet te gazetareve dhe diplomateve te huaj.
Sipas KMLDNJ forcat serbe kane vrare mbi 50 shqiptare,
nderkohe qe nuk jane identifikuar ende shume te vrare e te
masakruar, qe kane mbetur neper rruge, shtepi, bodrume dhe fusha.
Burime te LDK-se (Lidhjes Demokratike te Kosoves) ne Rahovec
besojne se jane qindra civile te vrare, te masakruar, te djegur
dhe te plagosur.
Shtypi i Kosoves dhe burime te tjera masakren e kryer nga
forcat serbe ne Rahoveci e krahasojne me Srebrenicen.
/P.Ta/mima/

2 Attachments

BASHKATDHETARJA ME BANIM NË ITALI NDJEHET VATRANE

July 23, 2016 by dgreca

Quhet Rozina Sheme Bernardis. Jeton në Trieste, Itali. Një vizitë tek të afërmit e saj në shtetin e Nju Jorkut i dha shkas të njihet me Vatrën dhe vatranët. Një problem i shëndetit e njohu me dr. Nexhat Kaliqi, anëtar i Kryesisë së Vatrës dhe kryetar për degën e Newbourgh, Nju Jork. Doktori jo vetëm që i dha ndihmë të kualifikuar mjeksore, por i foli edhe për Vatrën, historinë e saj 104 vjecare, për gazetën e saj që është në moshën 107 vjecar,e themeluar dhe editura nga kolosët e kulturës Kombëtare Fan S. Noli, Faik Konica e të tjerë. Takon dhe vatrane te tjere. Nje nder ta Samy Ramushaj. Rozina bëhet kurreshtare dhe kërkon të dijë më shumë për Vatrën për Fan Nolin e Faik Konicën. Ajo abonohet në Gazetën Dielli dhe kërkon që në udhëtimin tjetër të prekë historinë e Vatrës. Shkon në Itali dhe në udhëtimin e dytë që e bëri pas një muaji kërkoi nga Samy Ramushi nëse mund të realizohej vizita e saj në Vatër. Pas një telefonate editorit të Diellit, së bashku me Samy dhe nipin e saj Rudi, Rozina me 24 qershor arriti në Bronx. Një kafe’ si mirëseardhje në Princ Cafe, dhe drejt e në Vatër.

E priti Editori i Dielli dhe i foli për historinë e Vatrës ndër vite, për rolin e shqiptarëve të Amerikës në ruajtjen e pavarësisë së Shqipërisë, për Trupat Vullnetare të Vatrës që shkuan dhe mbrojtën Shqipërinë, për Bandën muzikore të Vatrës, për për gazetën Dielli, për fushatat e Vatrës, etj. Rozina preku nga afër historinë e Vatrës, u njoh me Nolin dhe Konicën, mësoi për veprimtaritë e këtij viti kushtuar Konicës, dhe preku dokumentet e vjetra, që konfirmojnë historinë e Vatrës në rolin e shtetit të munguar shqiptar etj.
Tash Roz është pjesë e degës së Vatrës në Newubourgh, New Jork, merr cdo muaj me anë të postët disa kopje të gazetës Dielli dhe ua shpërndanë bashkatdhetarëve tanë që ka për rreth.
Ajo falenderoi Samy Ramushaj për mundësinë që i dha për ta vizituar Vatrën, dhe editorin për shpalsojen e Historisë së Vatrës. Nipi i saj, Rudi, tregoi interes të vecantë dhe tha se po ashtu edhe ai ndjehej i gëzuar që e kishte parë, prekur, dëgjuar Historinë e Vatrës.
Rozina Sheme ka lindur në Berat dhe jeton Trieste, Itali.(Dielli)

DHURATA TË VEÇANTA PËR VATRËN NGA ARTISTËT YLLI KALAJA DHE RAKIPE KARAJ

July 23, 2016 by dgreca

Kompozitori Ylli Kalaja kishte sjellë një dhuratë -surprizë, në bashkëpunim me djalin e tij Aulon Kalaja, babë e bir, kishin shkruar e kompozuar një këngë kushtuar Vatrës. Tekstin dhe notat e këngës së muzikuar u vendosën në arkivin e Vatrës. Po ashtu Ylli Kalaja dhuroi dhe CD-në e tij”PENTAGRAM” me 11 krijime origjinale të tij. Nga ana e saj, këngëtarja Rakipe Karaj dhuroi CD-në e saj më të fundit”MALL”, që përfshinë 11 këngë me muzikë të Ylli Kalaja, tekste të Aulon & Florian Kalaja, orkestruar nga Roland Guli./

Shumë nga vizitorët që vijnë në Vatër sjellin dhurata simbolike. Ka këtu simbole kombëtare, flamuj, albume me bukuri nga viset Kombëtare, albume historike, tablo piktureske, tablo pikture, CD me këngë atdhetare, ka statuja të Heroit Kombëtar Gjergj Kastrioti Skënderbeu, të Nënë Terezës, libra të rrallë etj… Kohët e fundit dhurata të veçanta janë dhuruar nga artistët Shqiptarë, kompozitori Ylli Kalaja dhe këngëtarja Rakipe Karaj.Të dy artistët ishin të ftuar nga Vatra për të kontribuar për Festivalin e katërt “Zërat e rinj 2016′ organizuar në Nju Jork nga Pranvera Çobo. Para se të largoheshin nga Nju Jorku artistët vizituan Vatrën. Kompozitori Ylli Kalaja është i njohur si fitues i çmimeve Kombëtare në Festivalet Kombëtare të Fëmijëve për dekada, ndërsa këngëtarja e talentuar, Rakipe Karaj, e pëlqyer aq shumë për publikun shqiptar në vendlindje dhe në Diasporë, veçanërisht shumë e njohur me këgët me Pleqtë e Krujës.Ata ishin mysafirë të Kryetarit të Vatrës, dr. Gjon Buçaj, dhe zonjës së Tij, Nikoleta Buçaj. Mysafirët i shoqëronte artistja shkodrane, Pranvera Çobo, organizatore e katër Festivaleve për fëmijët e talentuar në SHBA, i njohur si Festivali “Zërat e Rinj “. Ylli Kalaja , ishte kryetar i Jurisë së Festivalit,”Zërat e Rinjë 2016” i organizuar me 13 Qershor 2016, në mjediset e “Symphony Space” që ndodhet në Broadway, 95 street në Manhattan , Nju Jork, me të në Juri ishin edhe Rakipe Karaj , Ilir Dangëllia dhe Paulin Trieshi.

Gjatë vizitës në Vatër mysafirët u njohën me historinë 104 vjeçarë të Vatrës dhe historinë 107 vjeçare të Gazetës së saj “Dielli”. Kryetari i Vatrës dr. Gjon Buçaj u prezantoi qëndresën e Vatrës ndër vite falë kontributit të një grupi atdhetarësh që dhanë gjithçka që ajo të mos shuhej për më shumë se një shekull. Dr. Buçaj i ka njohur mysafirët edhe me dinamikën e rritjes së degëve të Vatrës pas festimit të 100 vjetorit të themelimit të saj me 28 dhe 29 Prill 2012. Vatra ka nisë ripërtëritjen e saj duke ngritur degë nëpër shumë shtete të Amerikës dhe në Kanada, si dhe një forum me të rinjët e Vatrës. Vatranët, tha ai, janë idelalistët e Kombit. Dr. Buçaj i informoi mysafirët artistë edhe për mbështetjen që u jep Vatra veprimtarive kulturore në Diasporë, siç është edhe festivali i Zërave të rinj, një nismë dhe realzim i artistes pasionante Pranvera Çobo, njëkohësisht Vatra, tha ai, ka dhënë mbështetje për promovime librash e autorësh, ka dhënë dhe jep mbështetje për shkollat shqipe, mbështet koncertet e artistëve shqiptar etj. Po ashtu dr. Buçaj i ka njohur ata edhe me veprimtaritë e Vatrës në “Vitin e Faik Konicës-2016″, ku përveç promovimit të librit me dy novelat e Konicës, të pvrgatitura nga studiuesi Fotaq Andrea dhe sponsorizuar nga Vatra, do të ketë edhe ekspozitë me objekte që i përkasin shqiptarit të madh Faik Konica.

Editori i Diellit, Dalip Greca, i njohu mysafirët me kontributin e madh që ka dhënë Vatra në fushën e kulturës për gjatë një shekulli: Ai përmendi Bandën Muzikore të Vatrës, që shkoi në Shqipëri dhe u shëndrrua Bandën Kombëtare të Shtetit Shqiptar, së bashku me Trupat e Vatrës. Më 1920 Banda muzikore e drejtuar nga Thoma Nassi, shkoi në Shqipëri, dhe u bë pjesë edhe e Luftës së Vlorës, madje dhe muzika e këngës Hymn të Luftës së Vlorës”Vlora-Vlora” është kompozuar nga dirigjenti i bandës së Vatrës,Thoma Nassi. Po ashtu, tha editori, Vatra kishte Hymnin e saj me tekst të shkruar nga intelektuali Çam Refo Çaparit dhe muzikë të kompozuar nga Ajdin Asllani, ky Hymn u ringjall gjatë 100 vjetorit të Vatrës falë artistit Zhani Ciko dhe korit të Ansamblit Kombëtar dhe iu dhuruan Vatrës me rastin e 100 vjetorit nga ish kryeminsitri Sali Berisha.Editori përmendi punën e madhe që bëri Vatra edhe për dërgimin e artistëve amerikanë në Shqipëri, që në vitet 20-30 të shekullit të shkuar organizuan ekspedita njohëse dhe eksploruan folklorin shqiptar dhe ku u kthyen këtu promovuan Shqipërinë, duke dhënë koncerte me këngë që i mblodhën gjatë këtyre ekspozitave. Në Vatër, tha editori, kanë kontribuar dhe njerëz tyë mëdhenj, sic ka qene mjeshtri botëror i fotografisë, Gjon Mili, i cili në vitet 1926-27 ishet dhe anëtar i bordit të Vatrë, duke kryer detyrën e arkëtarit të saj.

Mysafirët thanë se ndjeheshin të privilegjuar që preknin nga afër Historinë e Vatrës dhe objektet e kësaj historie, e cila ka bërë aq shumë për Kombin shqiptar. Ata falenderuan Vatrën dhe kryetarin e saj dr. Gjon Buçaj, për përkrahjen dhe mbështetjen që u japin artistëve dhe veprimtarive muzikore, si dhe për ftesën për këtë vizitë në SHBA.

– Vatra, për ne, është simbol i dashurisë për Kombin dhe simbol i bashkimit, tha kompozitori Ylli Kalaja. Ai shfaqi mendimin se qeveria duhet të jetë më afër diasporës shqiptare dhe ta ndihmojë atë, sidomos në fushën e mbajtjes gjallë të gjuhës shqipe dhe traditave kombëtare, duhet të investojë edhe në fushën e kulturës dhe për shkollat shqipe. Më erdhi keq, shtoi ai, që në festivalin e fëmijëve nuk kishte një përfaqësues nga Konsullatat shqiptare dhe as asaj të Kosovës. Pranvera Çobo, për mua është artiste heroinë, tha Kalaja. Të organizosh një festival vetëm, të shpenzosh me financat e tua, të udhëtosh nëpër shtete të amerikës me ta ardhurat e tua, është tepër e vështirë. Dhe ajo nuk ka organizuar një, por katër festivale, dhe përfaqësuesit e shtetit shqiptar heshtin… të paktën t’u thonin:Urime…Ju lumtë…vazhdoni se nderoni Kombin!

Edhe këngëtarja Rakipe Karaj falenderoj Vatrën për ftesën dhe përgëzoi kryetarin e Vatrës për punën e shkëlqyer në shërbim të kombit.

Të dy artistët i dorëzuan kryetarit të Vatrës dhurata të veçanta; Kompozitori Ylli Kalaja kishte sjellë një dhuratë -surprizë, në bashkëpunim me djalin e tij Aulon Kalaja, babë e bir, kishin shkruar e kompozuar një këngë kushtuar Vatrës. Tekstin dhe notat e këngës së muzikuar u vendosën në arkivin e Vatrës. Po ashtu Ylli Kalaja dhuroi dhe CD-në e tij”PENTAGRAM” me 11 krijime origjinale të tij. Nga ana e saj, këngëtarja Rakipe Karaj dhuroi CD-në e saj më të fundit”MALL”, që përfshinë 11 këngë me muzikë të Ylli Kalaja, tekste të Aulon & Florian Kalaja, orkestruar nga Roland Guli.

Kryetari i Vatrës, që shoqërohej në këtë pritje nga zonja Nikoleta Buçaj, Marjan Cubi, Zef Përndocaj dhe Dalip Greca, falenderoi për dhuratat.(Gazeta Dielli)

18 vjeçari gjermano-iranian kishte probleme psikike

July 23, 2016 by dgreca

18-vjeçari gjermano-iranian, i cili qëlloi për vdekje në një qendër tregtare në Mynih së paku 9 vetë ndodhej në trajtim psikiatrik dhe kishte probleme në shkollë. Policia konfirmon se atentati nuk kishte sfond terrorist.

Deutschland Tödliche Schießerei in München

Mynihu në gjendje shoku. Nëntë vetë vriten në qendrën tregtare në Mynih, në fund atentatori vret veten, 27 të tjerë të plagosur, 10 prej tyre rëndë, ku ndodhet edhe një 13 -vjeçar, tha policia. Ndër viktimat flitet edhe për tre kosovarë, sipas burimeve të Deutsche Welle-s, humbja e jetës së tre të rinjve nga Kosova konfirmohet nga policia. Shumica e viktimave janç të rinj. Policia konfirmoi të shtunën se atentati nuk ka lidhje me të ashtuquajturin “Shtet Islamik”, dhe nuk ka pasur sfond terrorist. Edhe shërbimet sekrete amerikane kanë konfirmuar se autori i krimit ishte shiit, dhe nuk ka pasur lidhje me IS-in.

Pas kontrollit në shtëpinë e vrasësit, policia konfirmon se mund të flitet për sulm amoku. Autori ka qenë në trajtim psikologjik për shkak se ka vuajtur nga depresioni. Duket se gjermano-iraniani ka pasur probleme në shkollë dhe nderonte autorin e sulmit amok të kryer nga një i ri në një shkollë gjermane, në Vininden, ku humbën jetën 15 vetë, më 11 mars 2009. Në kompjuterin e tij janë gjetur lojëra kompjuterike të dhunshme.

E premtja e zezë e Mynihut

Të premten në mbrëmje, policia foli për gjendje terrori. 2.300 forca policore u përfshinë në aksion. Mynihu ndodhetjnë gjendje të jashtëzakonshme. Autobusët dhe metrotë ndaluan qarkullimin. Stacioni kryesor i trenit në Mynih u evakua. Njerëzve u këshillohej përmes sistemit të paralajmërimit “Katwarn” të qëndrojnë në shtëpi e të mos dalin në rrugë. Për orë të tëra nuk dihetj se sa atentatorë janë dhe ku ndodheshin ata? Policia dha vetëm gjatë natës sinjalin e kalimit të rrezikut: Sipas informacioneve të saj, atentatori 18-vjeçar gjermano-iranian ka vepruar i vetëm dhe në fund ka vrarë veten.

Të shtunën herët presidenti i policisë së Mynihut, Hubertus Andrä doli para shtypit. Hetuesit gjermanë janë të bindur: 18 vjeçari është ai që qëllon i pari në një restorant në orët e para të mbrëmjes, pastaj ai përdor një pistoletë në një qendër tregtare dhe kërkon të largohet. Policë në civilë kërkojnë ta arrestojnë dhe qëllojnë, e paqartë është ende, nëse atentatori u godit në këto moment. Kufoma e tij u gjend një kilometër larg qendrës tregtare në një rrugë anësore. Aty u sigurua edhe pistoleta e autorit të krimit.

Politika gjermane e tronditur

Policia shprehet se nuk ka atentatorë të tjerë. Gjatë së premtes në orët e mbrëmjes u kërkuan tre autorë me automatikë. Ende e paqartë është motivi i krimit. Ishte një akt terrorist apo gjendje amoku? Presidenti i policisë së Mynihut thotë se “momentalisht ne bëjmë fjalë për goditje me armë.” Edhe në orët e para të së shtunës nuk ka të dhëna për një sfond islamist. Aktualisht dihet se gjermano-iraniani ka jetuar në Mynih për disa vite dhe nuk ka qenë person i njohur për policinë. Policia konfirmon se në një video që qarkullon në internet, duket se shihet atentatori në tarracën e një godine parkimi. Policia bën thirrje që nëse qytetarët e Mynihut zotërojnë video të tjera t’ia ofrojnë ato policisë. Pas goditjes me armë të premten në mbrëmje në qendrën Olimpia u përhap paniku. Qëllimi kryesor i policisë ka qenë siguria e banorëve, prandaj policia bëri fjalë për “gjendje akute terrori”, tha kreu i policisë, Andrä.

Deutschland Olympia Einkaufszentrum in München Hauptbahnhof Großeinsatz

Presidenti gjerman, Joachim Gauck u shpreh i tronditur. “Sulmi vrastar në Mynih më trondit thellësisht”, ka thënë ai dhe jam me mendimet e mia tek viktimat dhe njerëzit që kanë humbur të afërmit e tyre. Ministri i kabinetit të kancelares, Peter Altmeier tha se nuk duhet të lejojmë “terroristët të arrijnë qëllimin e tyre, të bëjnë të pasigurtë shoqërinë.” Kryeministri bavarez, Horst Seehofer pas atentatit shpalli për të shtunën ditë zie për Bavarinë dhe thirri një mbledhje të jashtëzakonshme të qeverisë së landit. Në Berlin po ashtu mblidhet të shtunën kabineti i sigurisë, nën kancelaren Merkel, e cila ka qenë rregullisht e informuar për zhvillimet në Mynih. Ministri i Brendshëm, Thomas de Maizière (CDU) ndërpreu për herë të dytë pushimet e tij për t’u kthyer në Mynih.

Tre të rinjë nga Kosova të vrarë në sulmin terrorist në Mynih, reagon Kosova dhe Shqiperia

July 23, 2016 by dgreca

Kosova i ofron çdo ndihmë Gjermanisë/

-Kryeministri Mustafa ngushëlloi Kancelaren Merkel pas sulmeve vdekjeprurëse në Munih/

-MPJ: Tre të rinjë nga Kosova të vrarë në sulmin terrorist në Mynih/

PRISHTINË, 23 Korrik 2016-Gazeta DIELLI/ Kryeministri i Republikës së Kosovës, Isa Mustafa, i ka shprehur ngushëllime familjarëve të të vdekurve si dhe popullit e qeverisë Gjermane, pas akteve vdekjeprurëse në Munih.

“Jemi të shokuar nga ngjarjet që ndodhën nga sulmi i mbrëmshëm vdekjeprurës në Munih. Qytetarët e Kosovës janë thellësisht të prekur dhe të pikëlluar nga ky akt barbar që la të vdekur shumë njerëz të pafajshëm. Ngushëllimet më të sinqerta familjarëve të viktimave dhe lutemi për shërimin e të plagosurve”, thuhet në telegramin e kryeministrit Mustafa.

Kryeministri, po ashtu, ka shprehur solidaritetin e qytetarëve dhe të qeverisë së Kosovës me popullin dhe qeverinë Gjermane, në këto momente të vështira.

THAÇI: KOSOVA I OFRON ÇDO NDIHMË GJERMANISË

Presidenti i Kosovës, Hashim Thaçi, ka shkruar në ‘facebook’: Lajmi për kosovarët viktima të sulmit terrorist në Munich është shokues dhe ka prekur tërë vendin. Jam në kontakt të vazhdueshëm me autoritetet, por sot me lutje jemi me familjet që i presin në shtëpi më të dashurit e tyre viktima të sulmit.Gjersa pres lajme të reja zyrtare, Kosova i ofron çdo ndihmë Gjermanisë për të përballuar këtë makth.

Sikur që sot bashkohemi me këtë dhimbje, ashtu bashkohemi në dënimin dhe luftimin e çdo forme të terrorizmit.

VESELI SHPREH INDINJATËN PËR KRIMIN MAKABËR NË MUNIH

-Veseli: Sulmet e tilla të tmerrshme nuk do të mundin të ndryshojnë vlerat tona të përbashkëta/

Kryetari i Kuvendit të Republikës së Kosovës, Kadri Veseli, nëpërmjet një deklarate, ka shprehur dhembjen e thellë për viktimat që solli krimi i mbrëmshëm në Munih të Gjermanisë.

“Ndjejmë dhimbje të thellë dhe shprehim indinjatën tonë për krimin makabër që ua mori jetën 10 qytetarëve të pafajshëm në Munih, në mesin e të cilëve edhe tre bashkatdhetarë tanë. Shpreh solidaritetin tim dhe të Kuvendit të Republikës së Kosovës me shtetin dhe popullin gjerman, duke konsideruar se sulmet e tilla të tmerrshme nuk do të mundin të ndryshojnë vlerat tona të përbashkëta dhe mënyrën tonë të jetesës”, ka thënë kryetari Veseli.

MPJ E TRONDITUR, TRE TË RINJË NGA KOSOVA TË VRARË NË SULMIN TERRORIST NË MYNIH

Ministria e Punëve të Jashtme e Republikës së Kosovës që nga momenti i sulmit në Mynih ka qenë në komunikim të vazhdueshëm me autoritetet e sigurisë dhe diplomatët e saj për të ndjekur nga afër tragjedinë.

Konsullata e jonë ka konfirmuar këtë mëngjes me policinë gjermane dhe familjarët se tre të rinj shqiptarë kanë humbur jetën nga sulmi i mbrëmshëm në qendrën tregtare në Mynih

Të tronditur nga sulmi terrorist, MPJ shpreh ngushëllimet më të thella familjarëve dhe qëndron pranë tyre në këto momente të vështira për ta dhe gjithë komunitetin shqiptarë kudo në botë.

MPJ dhe Ambsada është në dispozicion të familjeve dhe të gjithë qytetarëve të Kosovës të prekur mbrëmë nga kjo ngjarje shokuese dhe e dhimbshme, thekson deklarata e sapodërguar.

MPJ: QYTETARËT E KOSOVËS, QË NDODHEN NË RAJONIN KU KA NDODHUR SULMI T’I SHMANGEN LËVIZJEVE

Ministria e Punëve të Jashtme i këshillon të gjithë qytetarët e Republikës së Kosovës, që ndodhen në rajonin ku ka ndodhur sulmi t’i shmangen lëvizjeve.

MPJ po e percjell me shqetësim situatën dhe është informuar nga Konsullata në Mynih se zona ku ka ndodhur sulmi është e banuar edhe me qytetarë të Kosovës. MPJ u bën thirrje të gjithë qytetarëve të Kosovës në atë zonë t’i lajmërojnë familjet e tyre, dhe për informata tjera e ndihmë të thërrasin në këtë numër telefoni emergjent të Konsullates në Mynih: +491712818899.

MPJ po e përcjell situatën dhe është në komunikim të vazhdueshëm me misionet tona diplomatike dhe autoritetet gjermane. MPJ do t’iu mbaj të informuar për të gjitha zhvillimet./b.j/

VALON MURATI: TË QËNDROJMË TË BASHKUAR NË MBROJTJE TË VLERAVE TË LARTA NJERËZORE

– Telegram ngushëllimi i Ministrit të Diasporës për të rinjtë e vrarë në Mynih/

Ministri kosovar i Diasporës, Valon Murati, ka dërguar këtë telegram ngushëllimi për të rinjtë e vrarë në Mynih:

Jam thellë i tronditur me lajmin e vrasjes së shumë qytetarëve në Mynih të Gjermanisë, në mesin e të cilëve edhe të tre të rinjve shqiptarë, gjatë sulmit të mbrëmshëm terrorist.

Sot, terrori nuk ka emër. Këta vrasës janë duke u munduar që të terrorizojnë qytetarët anëkënd botës. Andaj të gjithë duhet të qëndrojmë të bashkuar në mbrojtje të vlerave të larta njerëzore si demokracia, barazia dhe liria.

Mbrëmë, pas Nicës, Stambollit, Parisit e Brukselit u sulmua Mynihu. Mbrëmë, vdekjen gjetën edhe tre bashkatdhetarë tanë të rinjë, që ne i prisnim me shumë gëzim e dashuri të vinin në atdhe.

Mendimet tona janë tek familjet e
viktimave, gjithë bashkatdhetarët tanë dhe populli gjerman. Sot, ne të gjithë bashkëndjejmë me viktimat.

Sabina, Armela, Diamant ju gjithmonë do të jeni në mendjet dhe zemrat tona!

Sot, ne të gjithë jemi Mynih!

Haradinaj: Terrorizmi, e keqja që duhet të përballemi së bashku

Kryetari i Aleancës për Ardhmërinë e Kosovës, Ramush Haradinaj, theksoi sot se terrorizmi është e keqja madhore me të cilën duhet të përballemi të gjithë së bashku.

Në një postim në rrjetin social Facebook, Haradinaj shprehet se “mendimet dhe dhimbja ime për të gjithë që humbën jetën në sulmin terrorist në Munih të Gjermanisë. Ngushëllime familjeve të tyre. Dhimbja e terrorit preku edhe familjet shqiptare që jetojnë në Gjermani. Terrorizmi, qoftë i brendshëm apo global, është e keqja madhore me të cilën duhet të përballemi të gjithë së bashku, të bazuar në vlera humaniteti dhe vendosmëri”.

REAGON SHQIPERIA

Presidenti Nishani: Solidaritet me popullin gjerman

Presidenti Bujar Nishani, nëpërmjet një mesazhi dërguar Presidentit të Republikës Federale të Gjermanisë, Joachim Gauck, shpreh ngushëllimet më të ndjera për viktimat e pafajshme dhe solidaritetin për popullin gjerman, duke dënuar njëkohësisht me forcë aktet ekstreme dhe kriminale terroriste në Mynih.

“Aktet e djeshme ekstremiste dhe kriminale terroriste në Mynih, ku humbën jetën shumë qytetarë të pafajshëm dhe shumë të tjerë u lënduan, mes të cilëve edhe disa me kombësi shqiptare, më tronditën shumë. Me trishtim të thellë u shpreh ngushëllimet më të ndjera familjarëve dhe të afërme të viktimave. Të lënduarve u uroj shërim sa më të shpejtë!”, shkruan Presidenti.

“I dënoj me forcën më të madhe këto akte të nxitura nga organizata terroriste e që përmes radikalizimit të të rinjve apo njerëzve në dëshpërim, kërkojnë të terrorizojnë qytetarët tanë e të ndjellin frikë e panik në jetën e tyre të përditshme”, vijon letrën e tij Nishani.

“Në këto momente tronditjeje dhe dhimbjeje për Gjermaninë, unë dhe populli shqiptar jemi me familjarët e viktimave dhe të lënduarve, me ju dhe me popullin gjerman”, mbyll mesazhin kreu i shtetit.

Ministri i Jashtem Bushati: Terrorizmi godet sërish në zemër të Europës/

Ministri i Punëve të Jashtme, Ditmir Bushati ka shprehur keqardhjen për sulmin në Mynih.“Terrorizmi godet sërish në zemër të Europës. Thellësisht i trishtuar dhe i revoltuar nga dhuna barbare që i kushtoi jetën edhe bashkëkombasve tanë. Solidaritet me Kosovën dhe Gjermaninë”, shkruan Bushati në një postim në Facebook.

“Ambasada e Shqipërisë dhe ajo e Kosovës vijojnë të ndjekin situatën në bashkëpunim të ngushtë me autoritetet gjermane dhe mbeten në gatishmëri të plotë në ndihmë të bashkëkombasve tanë dhe familjeve të tyre”, thekson ministri Bushati.

Po ashtu kane reaguar Kryeministri Edi Rama, Kryeparlamentari Ilir Meta dhe Kryetari i Opozites Lulzim Basha.